PARTORDING NI ACARA MINGGU XII DUNG TRINITATIS
PABORHATHON/PATANDAHON/PANGOJAKHONON
Cal Diakones Desmena Br Situmorang
& Cal Diakones Magda Rosa Br Manurung
PELANTIKAN PANITIA PEMBANGUNAN
RUMAH DINAS HKBP KEDEBEREK RESORT TIGALINGGA
TOPIK:
PARBUEHON MA HAPORSEAON DINGOLU SIGANUP ARI
NIULUHON NI :
Pdt Budianto Sianturi
PANDITA HKBP RESSORT TIGALINGGA
MINGGU, 03 SEPTEMBER 2017
I. PARHOBASON:
a. Mangarade di Bilut Parhobasan
b. Parhalado marhobas jala martangiang borhat-borhat tu parmingguon.
II. ACARA PARMINGGUON:
U = Uluan R = Ruas
-----Musik angonangon patubegehon BE. 248:1-2 Saleleng ho di tano on
1. JOUJOU TU PARMINGGUON
U: Selamat ari Minggu ma di hamu !
R: Selamat ari Minggu.
U: Huria ni Tuhanta, nuaeng tahalashon do parsaoranta dibagasan sadari on, ima Minggu XII Dung Trinitatis jala sadari on Dibagasan Tema: Mangaradoti uhum dohot patik ni Debata. Huria ni Tuhanta, di suru Debata do hita laho Marparbuehon haporseaon na denggan dingolunta: Marholong ni roha nasomarpangansi, manghagigihon angka na jat mamareahi na denggan marlasniroha dibagasan panghirimon dohot ngolu partangiangon na marsihohot dibagasan Tuhani , manaluhon hajahaton dohot ulaon na denggan jala dibagasan sadarion Ojakhonon ni Hurianta ma angka NaposoNa mangula di Hurianta on , Asa pasupasuonMu ma ulaon nasida bahen hasangapon dohot hamuliaon di GoarMu
R: Mangendehon BE.No. 569: 1 O Debata tung longang do rohangku BL 569
1. O Debata tung longang do rohangku, Molo hubereng na tinompaMi,
Saluhut bintang, hilap dohot ronggur, manghatindanghon hasangaponMi,
Marende au Tuhan mamuji Ho, O, Debata, sangap do Ho.
Marende au Tuhan mamuji Ho, O, Debata, sangap do Ho.
U: Taparade ma rohanta laho mamuji Debata di siala denggan ni basaNa na mangalehon singkop na ringkot di parngoluanta marhite angka na tinompa ni Debata na asing na adong di humaliang hita. Dilehon do di hita mataniari, bulan dohot bintang na marsinondang ditingkina be. Dilehon do di hita sipanganon, aek dohot parabitan dalan ni Debata marmudu hita di ngolu siganup ari.
R: Dipuji rohanami ma Ho Tuhan di siala saluhutna. Hujalo hami pe i ndang alani gogo nami sandiri dohot ndang ala haburjuaonnami alai tung sian asi ni rohaM sambing do.
U: Tapuji ma Debata di habangsaNa i, marende ma hita:
2. MARENDE SIAN BE.No.26:1-2 Dame nimmu Ale Jesus BL 180
1. Dame, nimMu, ale Jesus, lehononMu di bangsoM.
TondiMi do na patulus hataMi tu naposoM.
Dangol hami jala pogos, ndang tau baen parhaladoM.
Tondi parbadia tongos, margogihon hami on.
----- Musik ---- (Jongjong di tingki mangendehon ayat 2 )
2. Ale Tondi Sipardame sai bongoti hami be.
Sai pasada rohanami, gok parbue baen sude.
Lam patinggil pinggolnami, tumangihon dasdasMi,
asa ganda ringgasnami pararathon hataMi.
3. VOTUM – INTROITUS
U : Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Songon on ninna Tuhan Jahowa: Ianggo halak partigor i mangolu do binahen ni parsihohotna marhaporseaon; alai anggo di halak parjahat ndang adong hasonangan. Haleluya.
R : Mangendehon: Haleluya, haleluya, haleluya.
U : Martangiang ma hita: Ale Tuhan Debata jala Amanami! Sai urupi ma hami, asa unang mandele hami, uju ro hapogoson tu hami, jala unang magopo hubahen hami silehonlehonMu na denggan i, uju ro pasupasuM tu hami. Ramoti hami, asa unang marpos ni roha hami tu arta na di hasiangan on. Lehon di hami haporseaon asa dohot hami parjambar di siteanon ni angka na porsea di Ho marhitehite Tuhan Jesus Kristus, Tuhannami. Amen. (Hundul)
4. MARENDE BE No 126: 4 O HAMUNA ALE DONGAN BL.121
1. Angka na di pangunjunan Na manaoni parsahitan Tatap ma sudena i
Sai patogu ma rohana Mangundukkon sitaononnna
Asa marparbue i Asa marparbue i
5. PATIK: U=Uluan R=Ruas S=Sude
U: Tangihon hamu ma Patik ni Debata ima na tarsurat di Markus 16: 15: Jadi ninna ma mandok nasida: Laho ma hamu tu liat portibi on; jamitahon hamu ma barita na uli i tu nasa na tinompa. Antong rap mangido gogo ma hita tu Tuhan Debata laho mangulahon patikNa i.
U/R: Ale Tuhan Debata, sai pargogoi ma hami mangulahon na hombar tu patikMi.
Amen!
6. Marende sian B.E No. 683: 2-3 DI ADOPANMU JESUS, BL. 683
2. DiadopanMu Jesus, marsomba au huhut tungki
Lao manopoti dosangki, diadopanMu Jesus.
3. DiadopanMu Jesus, tarsolsolbagi rohangkon
Mubama au tu jolo on, diadopanMu Jesus
7. Renungan Situasional
U = Hamu angka dongan, torop do halak naso boi mamuji Debata didok ala ni godang ni parungkilon na di adopi di ngolu siganup ari. Mago ma las ni roha sian ngolu nasida jala sitaonon tong do ndang marhaujungan gariada tahe lam tamba do parsorion i. Molo songoni do hape tumagon ma unang ma tatadingkon parpunguanta laho mamuji dohot pasangap Debata asa unang mago las ni roha i sian ngolunta.
R = Mauliate ma di Tuhan i ala dipahot jala dipargogoi Tuhan i dope hami laho pasahat pujian tu Debata di tonga ni ragam ni parungkilon. Ale Tuhan pahot ma i di hami.
U = Hamu angka dongan, torop do halak na tumatangis jala mago las ni roha sian ngolu nasida ala bencana alam isara ni banjir,tanah longsor, pencemaran aek, udara, tano na parohon angka sahit na imbaru, dohot halisungsung na mangagohon hosa dohot arta ni torop halak. Aha do sibonsiri ni i ? Hape taboto jala tahaporsea i do paboa sude na tinompa ni Debata sun denggan.
R = Ale Tuhan, hami na tinompaM sumurung sian sude angka na tinompa na asing do na gabe sibonsiri ni na masa i. Ndang huargahon hami angka na tinompa na asing.
U = Hamu angka dongan, ganup ma Hita marsihohot mangargahon sude na tinompa ni Debata asa sude na marhosa pasahat pujian tu Debata. Dalanta laho patuduhon parsihohotontai marhite endenta.
8. MARENDE SIAN BE No. 443: 1-2 DUNG TUHAN JESUS BL. 393
1. Dung Tuhan Jesus nampuna au songgop dameNa biar hu lao,
Taripar gogo ngoluna i nasa dosangku naung sae doi
Tabaritahon holongNai didia Tuhan tudoshon i,
Tuk manumpahi tarlobida? Sasada Jesus Pinujima.
------- JONGJONG -------
2. Di ho ngolungku, lasrohangki jumolo Jesus siluaM i.
PangiringonMu tolongMu i mangalo dosa nang rohangki.
Tabaritahon...........................
9. MANOPOTI DOSA
U: Tatopoti ma dosanta tu Debata martangiang ma hita:
Ale Amanami jala Debatanami, na di Banua ginjang, Pargogo na so hatudosan! Pardengganbasa do Ho, jala ro di salelenglelengna do asi ni rohaM. Sai marpamuati ma rohaM di hajahatonnami, jala sai unang be ingot angka dosanami; ai jotjot do hami mardosa maradophon Ho, jala jotjot do husungguli hami rimasMu marhite sian pangalaosionnami, di hataM.
Sude Mengendehon BE No.686: 1 “Ramun Do Au” BL.686
♫♪♫ Ramun do au di joloMi, gok dosangki urasi au,
O, Jesus, birubiru i, dison do au patau ma au.
U : Jotjot do ndang huargahon hami angka na tinompaM na adong di humaliang hami jala panghorhonna mamboan arsak dohot sitaonon marhite na masa aek magodang, masursur angka dolok dohot masa angka sahit naimbaru. Ale Tuhan asi ma rohaM di hami.
Sude Mengendehon BE No.686: 1 “Ramun Do Au” BL.686
♫♪♫ Ramun do au di joloMi, gok dosangki urasi au,
O, Jesus, birubiru i, dison do au patau ma au.
U: Ale Tuhan Jahowa, sai unang paingotingot pangalaosionnami, unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami, ala ni AnakMu, Tuhan Jesus Kristus, Tuhannami. Amen.
( … tingki na hohom…: Musik mangendehon BE. 675: 1)
U: Bagabaga ni Debata taringot tu hasesaan ni dosa. Ro ma hamu, asa mangolu tondimuna, ninna Tuhan Jahowa. Tung sura rara dosamuna songon abit bunga dapdap, bontar do bahenonku songon itak; nang pe rara songon abit hasumba, gabe songon hapas do muse. Hasangapon ma di Debata na di ginjang !
U/R: Amen. (HUNDUL)
10. Koor: GABUNGAN HKBP KEDEBEREK
11. Marende Huria BE. No. 688 :1- 2 “TUHAN” BL. 688
♫♪♫ Tuhan jotjot do marsak donganki,
Ala na sala pambahenanki,
Hatangku langka nang parulanki,
Jora ma au.
Pangkulingki pe tupa so une,
Mambaen jut roha ni donganku pe,
Pingkiran hata na hurang ture,
Jora ma au.
12. EPISTEL:
U : Hata ni Debata na gabe turpuk di minggunta sadari on ima na tarsurat di Psalmen 26:1-8, tajahama marsingkat soring: * Luluhon ahu, ale Jahowa, ai marpangalaho di bagasan hadaulatonku do ahu, jala tu Jahowa do ahu marhaposan, ndang meoleol ahu.
H: Uji ma ahu, ale Jahowa, jala sulingkit rohangkon, sai lala ma angka piangki dohot rohangki.
U: Ai sai solpa do di matangku denggan basam, jala * marparange ahu di bagasan hasintonganmi.
H: Ndang dung sahundulan ahu dohot halak sineang roha, jala ndang huparangkupi angka parsibuni.
U: Huhagigihon do luhutan ni angka panggetegete, jala ndang sahundulan ahu dohot angka parjahat.
H: Sai * hupaburiburi do tanganku di bagasan halidangon, jala sai naeng halianganku * langgatanmi, ale Jahowa!
U: Laho patubegehon soara pujipujian dohot pajojorhon sude halongangan, angka na binahenmi.
H: Ale Jahowa, huhaholongi do hajongjongan ni bagasmu dohot hasonggopan ni hamuliaonmu.
U: I ma sahatna. Martua do angka na tumangihon Hata ni Debata jala naumpeopsa. Amen
13. MARENDE SIAN B.E No. 229: 1, 2 SAI MARTUA DO SUDENA BL 181
1. Sai martua do sudena Na so sauduran i
Dohot halak na sumurut Sian na porsea i
Na so olo mangihuthon Tahi ni na jahat i
Na so olo sahundulan Dohot panginsahi i.
------- JONGJONG -------
2. Sai tongtong lomo rohana Mida pangajaran i
Na nilehon ni Jahowa Gabe sioloan i
I do songon hau na denggan Na di lambung aek hape
Sai ramos tongtong ibana Na so olo malos be
14. MANGHATINDANGHON HAPORSEAON
U : Tahatindanghon ma haporseaonta i songon panghatindanghonon ni donganta sahaporseaon di sandok portibi on, rap ma hita mandok.
R : Ahu porsea ... (Hundul)
15. TINGTING:
16. Tangiang Pangondian:
17. KOOR : Ina HKBP Kedeberek
18. MARENDE BE No. 28: 1 –- HATA NI JAHOWA BL203 ( P.PEL IA,IB)
1. Hata ni Jahowa, sipadame jolma hangoluan i.
Halalas ni roha, siapuli roha ni na marsak i.
Gogo ni Debatangki, paluahon na porsea sian nasa jea.
2 Nasa tinahina, tagan so ditompa tano on dope,
nang na tinuduan ni sude pelean, jumpang do muse.
Sangkap ni Amana i dipatulus Jesus kristus. Jolma i ditobus.
---------- Musik ----------
3. Na rade di hita asi ni rohaNa nang basaNa pe.
Nunga mate Kristus, nunga sun ditobus hita on sude,
sangap ma di Debata. Na porsea di hataNa do pangoluonNa.
19. JAMITA : Roma 12:9-21
20. MARENDE Sian BE No.640: 1-- (Papungu Pelean II)
1. Haholongan sian ginjang las ni roha na hot I
Tumpal ni asi ni roha sai bongoti rohangki,
Jesus na gok asi roha dohot haholongon I
Baen malua baen martua hami natahutan i.
2. Lehon tondi haholongon tu parroha na bojok
Baga-baga hadameon sahat baen tu hami on
Jesus Alpha nang Omega bona ni haporseaon
Sai padao ma angka dosa, sai palua hami on.
-------- Musik --------
3, Sipalua na sun gogo lehon tu au ngoluMi
Ro ma Ho sai marsihohot mangingani joroMi
Asa Ho husomba hami raphon pardisurgo I
Rap mamuji mangoloi, Ho di hasangaponMi.
22. ACARA PABORHATHON CALON DIAKONES
Marende No : 729 : 1 Laho ma hamu
1. Laho ma hamu tu liat portibion Ninna Jesus Kristus Tuhan i ninna Jesus Kristus Tuhan i.Baritahon ma Barita Na Uli i tu saluhut na tinompa i, tu saluhut na tinompa i. Asa marlas ni roha ma langit nang dohot hajanghajang i.
Marolopolop angka ladang i ro di hau na di harangan i.
Martopaptopap sunge i marhasakhasak tao nang laut i.
Marolopolop ma portibion nang sudena pangisina i. Amen
1. Pendeta Ressort:
Hamu angka dongan ruas dohot Parhalado huria ni Tuhanta na di HKBP Kedeberekon, di ari on, laos paborhaton ta ma Cal Diakones Desmena Br Situmorang laho manguduti Panghobasion nasida tu inganan naimbaru. Mardomu tusi tabege ma jolo Surat Penugasan ni Pimpinan HKBP taringot tu penempatan nasida.
2. Manjaha Surat Penugasan:
(Bestur Resort Manjahahon )
3. Pandita Ressort: ( Huhut Manjalang)
Hamu Cal Diakones Desmena Br Situmorang , nunga dibege hamu Surat Penugasan ni Pimpinan HKBP taringot tu penugasan muna gabe Calon Diakones di HKBP Kampung Baru Ress Kampung Pon Distrik XIV Tebing Tinggi. Dibagasan Goar ni Debata Ama, Anak dohot Tondi Parbadia ahu Pandita HKBP Ressort Tigalingga Distrik VI Dairi Paborhathon hamu Sian HKBP Kedeberek on tu panghobasion na imbaru dipargogoi Tuhanta ma hamu
Martangiang ma hita: Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, Naung mangaloas NaposoM. Cal Desemena Br Situmorang Calon Diakones di HKBP Kedeberk Ressort Tigalingga on. Mangula di HuriaM na sailaonon, Mauliate ma di angka panghobasion nasida, Pasupasuma nasida di angka ulaon napinasahtmu tu nasida di inganan panghobasion naimbaru. Asi ma rohaM lehon ma TondiM na badia I margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di HuriaMi. Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngoluni torop jolma, paboa siseanMu hami. Pasupasu jala pargogoi ma ulaon, ni naposoMon, Hupangido hami tangiang nami on tu Ho marhitehite AnakMu Tuhan Jesus Kristus Tuhannami, Amen
23. ACARA PATANDAHON/MANGOJAKHON CAL DIAKONES
1. Marende 121:1, 1 Jesus Raja ni Huria
Jesus, Raja ni huria. Na porsea, Na badia Pasupasu ma au on
Sai sungguli ma rohangku Mangihuthon Ho, Rajangku
Pargogoi ma au tongtong Pargogoi ma au tongtong
2. Manjaha Surat Penugasan ( Bestur Resort Manjahahon)
3. Pandita Resort:
Hamu , Cal Diakones Magda Rosa Br Manurung nunga dibege hamu Surat Penugasan sian Pimpinan ni Hurianta HKBP Antong na manungkun ma ahu nuaeng tu hamu, di jolo ni angka dongan na marpungu di son dohot di jolo ni Tuhan Jesus Kristus, Raja jala nampuna Huria i : Na olo do hamu paojakon Calon Diakones HKBP Kedeberek Ressort Tigalingga on? Na olo do hamu mamelehon dirimuna mangaradoti angka ulaon i hombar tu na diaturhon di HKBP ? Dok hamu ma alus muna.
4. Cal Diakones Magda Rosa Br Manurung
Na olo do ahu, sai didongani Asi Ni Roha ni Debata ma ahu patupahon saluhutna i
5. PANDITA (Huhut Masijalangan):
Marhitehite Goar Ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, ahu Pandita HKBP Ressort Tigalingga di Minggu XII Dung Trinitatis sadari on tanggal 3 September 2017, hu paojak ma hamu, Calon Diakones HKBP Kedeberek Resort TigalinggaDidongani jala di pargogoi ma hamu mangulahon ulaon i, bahen sangap di goarNa. Didongani jala di pargogoi Tuhanta ma hamu (laos dijalang) Amen!
6. Pasahathon Tu Huria (Calon Diakones Mangadop Tu Huria)
7. PANDITA RESORT:
Hamu angka dongan Ruas dohot Parhalado Huria ni Tuhanta na di Huria on, nunga hupaojak HamiCal Diakones Magda Rosa Br Manurung mangula di Huria on, hupasahat hami ma nasida tu Huriaon, jangkon hamu ma nasida di bagasan tangiang huhut urupi hamu asa manjadi ulaon nasida jala marlas ni roha dohot keluarga nasida di Huria on.
Huria:
Di bagasan roha mauliate tu Debata Ama dohot Tuhan Jesus Kristus Raja ni Huria i dohot Tondi Parbadia hujangkon hami ma hamu Inanami Cal Diakones Magda Rosa Br Manurung mangula di Huriaon on, sai di pargogoi jala diurupi Tuhanta ma hamu gabe pasupasu tu hurianta.
8 Pandita Ressort:
Martangiang ma hita: Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, ai ndang dipaloas Ho huriaMi so marparmahan. Alai dipabangkit Ho do naposoM Cal Diakones Magda Rosa Br Manurung Calon Diakones di HKBP Kedeberek Ressort Tigalingga on. Asi ma rohaM lehon ma TondiM na badia I margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di Huria on. Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngolunami, paboa siseanMu hami. Pasupasu jala pargogoi ma ulaon, ni naposoMon, Hupangido hami tangiang nami on tu Ho marhitehite AnakMu Tuhan Jesus Kristus Tuhannami, Amen.
V.
24. PELANTIKAN Panita Pembangunan Rumah Dinas HKBP KEDEBEREK
1. Marende BE. No. 727: 1- hupillit asa marparbue (Di Tingki Marende Ro ma sude PANITIA Tu Langgatan )
Songon on didok Tuhanta Jesus : Ahu do na mamillit hamu
Asa asa lao hamu na marparbue jala mian parbuemuna i, Hupadiri asa lao marparbue; jala mian parbuemuna i. Hita na pinillit ni Tuhanta, ingot ma hata ni Tuhan i Parbuehonna ma nasa na denggan, na hombar tu patik ni Tuhan i ,Na tarjou do hita paimbaru diri, dibagasan Kristus Tuhanta i.Tasolsoli ma nasa dosanta tapauba ma rohanta, tapelehon ma nasa dirinta, baen pelean na mangolu na badia di Tuhanta na hinalomohon ni Debata. Amen
2 . Pandita : Huria ni Tuhanta, nuaeng sahat ma hita tu acara Pelantikan Panita Pembangunan Rumah Dinas HKBP Kedeberek
3. Manjaha Surat Keputusan ( Jinahahon ni Cal Diakones Desmena Br Situmorang)
SURAT KEPUTUSAN-KETETAPAN
No. 002/SK/PPRDH/D.VI/RIII/H2/IX/2017
Pendeta Huria Kristen Batak Protestan (HKBP) Ressort Tigalingga, yang berkedudukan di Tigalingga:
Menimbang:
1. Perlunya Pengembangan Pembangunan Rumah Dinas Huria HKBP Kedeberek
Melihat:
1. Perlu Adanya Rumah Dinas untuk ditempati Pimpinan Jemaat demi menunjang pelayanan yang lebih efektif
2. Sesegera Mungkin Melaksanakan Pembangunan Sarana dan Prasarana Pelayan Ful Time Rumah Dinas Huria
Memperhatikan:
1. Hasil Program Kerja Huria, dan Rapat Parhalado dan Jemaat Pada Tanggal 21 Agustus 2017
2. Hasil Rapat Huria HKBP Kedeberek Jumat 25 Agustus 2017 Tentang Pemilihan dan penetapan Panitia Pembangunan HKBP Kedeberek
Memutuskan dan Menetapkan
Nama-nama Yang tersebut Dibawah ini ( Nama Nama Terlampir ) Menjadi Panitia Pembangunan Rumah Dinas Huria HKBP Kedeberek , Terhitung Mulai Hari/Tanggal dan Minggu 03 September 2017, Hingga Pembangunan Tersebut Rampung dan selesai
Dengan Ketentuan Sebagai Berikut
1. Melaksanakan Tugas Pembangunan Rumah Dinas Huria HKBP Kedeberek
2. Menghimpun Dana untuk Keperluan Pembangunan Rumah Dinas Huria HKBP Kedeberek
3. Membuat Laporan keuangan Pembangunan secara tertulis dan rinci setiap bulan
4. Bertanggung jawab kepada Pimpinan Jemaat Majelis Jemaat dan Pendeta Ressort
5. Melaporkan Laporan Keuangan selambat lambatnya 2 Minggu sesudah selesai kegiatan Pembangunan rumah dinas tersebut
Demikian Surat Keputusan dan Keketatapan ini diperbuat, jika ada kekeliruan atau kesilapan akan ditinjau kembali sebagaimana mestinya
Ditetapkan di Tigalingga Pada Tangga 03 September 2017
Pendeta HKBP Ressort Tigalingga
|
Pdt. Budianto Sianturi
|
Petikan Surat Keputusan ketetapan ini disampaikan kepada yang bersangkutan untuk di maklumi dan dilaksanakan
Tembusan:
1. Bupati KDH Tk II Dairi Sebagai Laporan
2. Praeses HKBP Distrik VI Dairi Sebagai Laporan
3. Muspika Kecamatan Tigalingga Sebagai Laporan
4. Pendeta HKBP Ressort Tigalingga
5. Parhalado HKBP Kedeberek
6. Kepada yang bersangkutan untuk dilaksanakan
7. Pertinggal
(Pandita). Di bagasan goar ni Debata Ama, dohot goar ni Tuhan Jesus Kristus dohot goar ni Tondi Parbadia; Amen, Pandita HKBP Ressort Tigalingga Distrik VI Dairi mangojakhon hamu Hamu SudePanitia Pembangunan Rumah Dinas ( Bagas Huria HKBP Kedeberek ) Sai didongani jala dipargogoi Tuhan i ma hamu . Amen.
- Panitia : Dipasupasu, di ramoti jala di pargogoi Tuhan i ma hami patupahon saluhut na i ,Amen
- Huria : Pargogoi jala patau ma Tuhan sude PANITIA nang hami sude ruas, naung pinabangkitMi ,Patupahon saluhutnai marsangap ma goarMu
(di Jalang PANDITA ma nasida marsadasada laos dipasahat SK Dungi mulak ma nasida tu bangkuna be )
1 9. MANDOK HATA
1. Hata Partadingan sian Cal Diak Desmena Br Situmorang
2. Hata Patujolo Sian: Cal Diakones Magda Rosa Br Manurung
a. Mewak 3. Mandok Hata Paborhathon/Panjanghonon
Mewakili Ruas/Seksi/Parhalado HKBP Kedeberek :
b. Mewaki Mewakili Parhalado/Bestur Ressort
4. Marende No 720 : Naeng Marsinondang Ngolungku
Naeng marsinondang ngolungku di igil Jesus i Manang didia pe ahu tongtonghuingot i Tiur marsinondang ido ni igil ni Jesus, tongtongMarsinondang panondang do au tutu
25. PARSURUON
U : Dung i hubege soara ni Tuhan i na mandok: “ Ise do suruhononKu, jala ise pardalannami?
R : Dison do ahu Tuhan, suru ma ahu.
U : Laho ma hamu tu liat portibi on: Jamitahon hamu ma Barita na Uli I tu nasa na tinompa.
R : Ale Tuhan, lehon ma hiras ni roha tu ahu manghatindanghon Barita na UliMi tu portibi on. Rade ma hami ale Tuhan pasahat Barita NauliMi tu nasa na tinompa marhite na manjagahon haiason songon parbue ni haporseaonnami, manuan hau, manjagahon tano, aek dohot udara asa unang tercemar. Hupauliuli hami ma na tinompa-Mi
U : Didok Tuhan Jesus: “Hamu do panondang ni portibi on!” Antong borhat ma hamu, boan jala sondanghon hamu ma hatiuron ni Barita na Uli na sian Jesus Kristus i di ngolum siapari.
R : Ale Tuhan, paian ma ahu dibagasan parsaoranMu laho manjalo hatiuronMu siboanon jala sisondanghononhu tu na humaliang ahu.
U : Didok Tuhan Jesus : “Hamu do sira ni tano on!” Antong borhat ma hamu, alo jala otapi hamu ma hajahaton; arahon hamu ma saluhutna pasangaphon Tuhan i!
R : Ale Tuhan, sai ajarhon ma tu ahu angka dalanMu asa huboto mamolati na denggan sian na roa jala asa marpangalaho ahu dibagasan hasintonganMi baen tiruan di angka nanaeng toguonMu dope tu HarajaonMu.
U : Nunga songgop harajaon ni Debata. Sibasabasa do i tu hamu, antong basabasahon hamu ma i!
R : Mangendehon BE.No.730: 4 Sai patau ma au Tuhan.
1. Sai patau ma diringku ale Tuhan, Papatarhon hinauliMi Tuhan,
Suru ma TondiMi saor tu rohangki, Baen ias hata dohot parangengki.
26. Tangiang Pelean-Ale Amanami-Pasupasu- Amen-Amen- Amen
1. Acara Ramah Tamah
2. Marsipanganon
3. Sambutan
4. Bimbingan Arahan
SELAMAT BERTUGAS DI TEMPAT PELAYANAN BARU
CAL DIAKONES DESMENA BR SITUMORANG
SELAMAT DATANG DAN SELAMAT MELAYANI
CAL DIAKONES MAGDA ROSA BR MANURUNG
SELAMAT BERKARYA PANITIA PEMBANGUNAN RUMAH DINAS HKBP KEDEBEREK
Doc. hkbpressorttigalingga.blogspot.com
