PARTORDING NI ACARA MINGGU PESTA ULANG TAHUN/PPESTA GOTILON HKBP WAHIDIN BARU MINGGU 09 NOVEMBER 2014

PARTORDING  NI  ACARA  MINGGU

PESTA  ULANG TAHUN KE 55 HKBP WAHIDIN BARU/ PESTA GOTILON

RESORT WAHIDIN BARU DISTRIK  X MEDAN ACEH

 DI  HKBP  WAHIDIN BARU

                                      

                                          

Thema:

Boan ma Parpalitoan dohot Miak, Bawalah Pelita dan Minyak Mat 25:4b

Sub Thema:

Marhite pesta ulang tahun palima puluh limahon on ( 55 ) naeng ma hita gabe parroha na pantas, jala gabe sira dohot panondang tu na humaliang

   MINGGU TANGGAL, 09 NOVEMBER 2014.

MASUK PUKUL 09.30 WIB.

I.      Prosesi   (Sian Konsistori, Panitia & Parhalado Bongot tu Gareja )

II .    Pemberian Bunga Smart (Diatur  Panitia).

III.   Parmingguon.

 (U=Uluan ,  H=Huria,  A=Ama,  I=Ina,  RN=Remaja/Naposo, SM : Singkola Minggu )

1.    Joujou tu parmingguon.

U      :  Huria ni Debata na hinaholongan ni Tuhanta Jesus Kristus, hami saluhut Parhalado,  nang panitia pasahathon tabe ma tu sude hamu ruas ni huria:  Asi ni roha ma di hamu dohot Dame sian Debata Ama dohot Sian Tuhan Jesus Kristus,  ima na mangaramoti hamu saluhutna. Di bagasan sadarion tung tama do hita mandok mauliate tu Debata, di saluhut pandonganion dohot pangaramotion ni Debata  di sude pardalanan ni ngolunta. Di ari sadarion dipaloas Debata huria-Na, patupahon PESTA ULANG TAHUN NA PA 55 HON/PESTA  GOTILON HKBP WAHIDIN BARU, dohot pasahathon ulos hatuaon tu naung marumur 70 taon tuginjang,  manghalashon pasu-pasu dohot denggan basa ni Jahowa dibagasan ngolunta. Saluhutna i tung asi ni roha ni Debata do i tu hita. Ala ni tapuji ma Tuhanta jala tasomba ma Ibana, Marende ma hita

2. Marende Sian B.E No.116: 1 - 2       Ditompa Ho do au    BL 243       

1. Di tompa Ho do au, sondangi rohangkon;
Tung basa-basaMi sude na di au on.
Gomgomi pamatangku, naeng Ho do oloanku,
Sai lehon ma gogongku, lomoM naeng ulaonku.
Urupi tatap au tutu, Panompa na burju.

(Musik..../Ay. 2 jongjong)

2. Tuhan Sihophop au, sai buri tondingkon.
Marhite mudarMi torusi ngolungkon.
Pinuji ma GoarMu, arga ma pangkophopMu,
Dibaen pangalahongku, nang nasa ulaonku.
O Jesus Sipalua au, tu Ho ma au patau.

3. Votum/Introitus.

U      : Marhitehite goar ni Debata Ama, dohot goar ni Anakna Tuhan Jesus  Kristus dohot goar ni Tondi Parbadia.

H      :  Amen

U      :  Puji hamu ma Jahowa, baritahon hamu ma goarNa i.

H      :  Pabotohon hamu ditongatonga ni angka bangso pambahenanNa i.

U      : Endehon hamu ma Ibana, palu hamu ma parhinaloan umpuji Ibana.

H      :  Jahowa do partanobatoanhu dohot haporusanhu, jala sipalua ahu, Debatangku. Sitiopanhu, marhaposan tu Ibana do ahu, lombulombungku dohot tanduk ni partuaonku, haporusanhu.

U      :  Tunggulhon hamu ma goarNa na badia i, marlas ni roha ma angka na mangalului Jahowa.

H      : Puji ma Jahowa ale tondingku, jala unang tung halupahon denggan ni basaNa sudena.

U      : Jahowa do Debatanta, sar tu liat portibion do angka uhumNa. Heleluya

H      :  Mangendehon Haleluya 3x

U      :  Martangiang ma hita: Ale Debata parasiroha na sumurung, tung so hasigatan do angka dalanMu, jala tung so habilangan do asiasiM di ngolunami. Nunga dilehon Ho umur na ganjang tu Huriam HKBP Wahidin Baru, gonop umurni Huriamon 55 taon dibagasan sadarion. Dilehon Ho do angka basabasa dohot sude pasupasuM. Pinuji ma Ho Tuhan siala denggan ni basaM na mangaramoti dohot mangiringiring Huriam Saleleng 55 taon on. Tung diparmudumudu Ho do HuriaM  jala talup marlas ni roha. Sapala naung diasii Ho Huriam , tung  parorot ma hami sude ruas asa tongtong mangolu dibagasan asi ni rohaM. Mauliate nang di pasu-pasuM di angka Ruas ni Huriam naung sahat marumur 70 Taon tu ginjang dibagasan sadarion pasupasu ma nasida ro di sude angka pomparanna.  Pasupasu Parhalado  nang saluhutna ruasMu, ro di sude na pungu di son asa Ho ma na  tongtong hupuji hami, hupasahat  hami tangiang pamujionnami on di bagasan goar ni AnakMu Tuhan Jesus Kristus Tuhannami.

H      : Amen              ( Hundul)

4. Marende Sian B.E No. 151: 1        NA SONANG AHU    BL 136

1. Asi rohaM  O Jesus Tuhanki Sai jangkon ma au on. “Sai ro ma ho”, laos i do hataMi tu au pardosaon  Dison huboan peleanMu  i ma tondingku, pamatangku, Asi rohaM Sai jalo ma.

5. Patik   :  V  dohot Lapatanna

U        :   Tatangihon ma patik ni Debata di bagasan minggunta sadari on, ima sian patik palimahon dohot lapatanna: “Ingkon pasangaphonmu do natorasmu asa martua ho, jala leleng mangolu di tano na nilehon ni Jahowa Debatam di ho.

H        :   Lapatanna: On do: Ingkon dihabiari rohanta Debata jala ingkon holong rohanta di Ibana, asa unang lea rohanta mida natorasta dohot mida angka rajanta ro di angka natuatua. Ndang jadi paroonta rimas nasida, ingkon pantun do hita jala ingkon holong rohanta tu nasida, sioloan do nasida jala sisubuton do rohana.

U        :   Ido sahatna. Antong rap mangido gogo ma hita tu Tuhan Debata.

U+H   :  Ale Tuhan Debata sai pargogoi ma hami mangulahon na hombar tu patikMi.  Amen.

6.   Koor: GKPI Wahidin Baru

7. Marende B.E No. 172: 1 – 2  O JESUS PANONDANG  BL  143

1.    O Jesus panondang Di portibi on Mula ni na torang Tangi  hatangkon Sai asi rohaMu Di pardosa on  Ho ma mangapuli au na marsak on

.               (Ay. 2 jongjong)

 2.  .Sesa ma dosangku Ale Tuhanki Ala ni mudarMu Na nilehonMi Asal ma rohangku Salelengna i Ingot di hansitMu Dohot mudarMi

8.      Manopoti Dosa

U        :    Huria ni Debata na hinaholongan ni Kristus. Dibagasan unduk dohot serep ni roha,  ro ma hita tu adopan ni Debata. Tatopoti ma dosanta tu Amanta Debata, jala tapangido ma hasesaan ni dosanta, dibagasan goar ni Tuhan Jesus Kristus Parasi roha i. Martangiang ma hita: … Ale Debata amanami na badia jala na gok asi ni roha, manang na piga hali hami ro tu adopanMu, huparhatopot hami do sude angka dosa nami na godang i. Tung mansai jotjot do hami manirpang sian dalanMu, ndang mangulahon lomo ni roham. Nuaeng ro hami tu joloM mangido asi ni rohaM:  Ale Tuhan Debata, Pargogo na so hatudosan jala Ama Parasiroha! Ndang lomo rohaM mida hamatean ni pardosa; mulak ma nian parjahat i tumadingkon dalanna, asa mangolu ibana, i do dipangido rohaM.

A        :   Songon malim hami ditongatonga ni rumatangganami, jotjot ndang hupodahon hami hataM na badia i tu tongatonga ni rumatangganami. Lumobi tu  angka ianakkonnami. Ale Tuhan asi ma rohaM, marpamuati ma rohaM jala tompa ma roha na ias jala na denggan di hami asa muba hami, gabe olo jala rade hami mamodai angka ianakkonnami dohot sundut na umposo.  

I          :    Sian Ho do ale Debata soripada na pantas marroha, hape jotjot di ngolu ni rumatangganami ndang hupatuduhon hami roha na pantas na sian Ho i tu keluarganami, ala holan sai manarihon ngolu ni pardagingon. Ale Tuhan, asi ma rohaM, urupi jala pargogoi hami laho mangharingkothon ngolu ni partondion di ruma tangganami, lumobi ma tu angka ianakkonnami.

R/N    :    Sipata, ndang hutanda hami dalan na sintong, gabe hutuntun hami lomo ni rohanami, hape gabe tartuktuk do hami. Ale Tuhan, asi ma rohaM di hami, togutogu jala patuduhon ma tu hami dalan na naeng sibolusonnami, asa unang lilu hami ala panosak hamajuon ni zaman on. Ramoti jala pargogoi angka pangula ni huriaM, pasupasu nang angka natuatuanami, asa unang marnaloja nasida patubegehon hataMi tu hami angka ianakkonna.

SM      : Ala ni i umbahen hupangido hami; sai sundati ma torutoruM asa unang mangonai be tu hami.

U         :   Sai sesa sude dosanami, asa mangolu hami di bagasan asi ni rohaM. Sai pargogoi ma hami, asa margogo hami, marhitehite Tuhan Jesus Kristus Tuhannami. Amen.

H         :  Sai tongtong ma hami rade laho mamboan parpalitoan dohot miak,asa gabe parroha na pantas hami, jala gabe sira dohot panondang tu nahumaliang

U+H   :  (Setengah Suara: Mangendehon B.E. 681: 1 Ale amang asi rohaM).

1.           Ale Amang asi rohaM di au pardosa on,

   Unduk do rohangkon nuaeng marsomba di joloM.

   Unang jujur unang jujur angka dosangki.

   Sai salpuhon sai salpuhon sian rohaMi.

U         :   Huria ni Debata naung manopoti dosa, nuaeng tabege ma hata baga-baga ni Debata, taringot tu hasesaan ni dosanta: Songon on do hata ni Tuhan Jahowa: Unang ho mabiar, ai Ahu do Siluluhon ho; nunga pola hujou goarmu, Ahu nampuna ho.  Hasangapon ma di Debata na di ginjang.

H         :   Amen.                                                                             (Hundul).

9.    KOOR : HKBP Mandala I

10.    Marende B.ENo.720:1+2 NAENG MARSINONDANG  NGOLUNGKU BL.    720

1. Naeng marsinondang ngolungku di igil Jesus  i, Manang didia pe ahu tongtong huingot i. Tiur marsinondang ido ni igil ni Jesus tongtong Marsinondang panondang do au tutu.

2. Ingkon hobas mangurupi, angka na gale i, Jala burju manghobasi songon Tuhanta i. Tiur marsinondang ……

11.  Manjaha Epistel:  Amos 5 : 18-24

U         :   Turpuk Epistel na gabe patujolo ni jamita na naeng sitangihononta di minggunta sadari on, ima na tarsurat di Amos 5:18-24 . Songon on ma hata ni Debata :  Marjea ma nasida* angka namangapian di ari ni Jahowa! Tung aha labamuna sian I?** Haholomon do ari ni Jahowa, ndada hatiuron

A          :                                                                                                                                Hira songon halak namaporus maradophon singa, gabe di jumpanghon babiat ibana; jala dung ro dijabu ibana, gabe mangunsande tanganna tu dorpi hape dipargut ulok ibana

U          : Nda haholomon tongon ari ni Jahowa jala ndada hatiuron hagolapon do, ndang marsinondang?.

I           : Huhagigihon biasan Ahu mida angka ari rayamuna,jala ndang dihalomohon rohangKu angka luhutanmuna

RN       : Ai nang pe dipelehon hamu tu Ahu* angka pelean situtungon, dohot pelean sipanganon, ndang lomo rohangKu disi pelean hamauliateon sian pinahanmuna pamuean pen dang parduli Ahu disi.

SM       : Paholang ma sian Ahu hagunturon ni angka endemu, jala ndang lomo roha ni pinggolhu umbege soara ni sordammu.

U          : Jadi margilinggiling ma songon aek uhum i, jala hatigoran songon sunge na so olo marsik. I do sahatna. Martua do angka na tumangihon hata ni Debata jala na umpeopsa.

H          :  Amen.

12. Koor : Gabungan HKBP Wahidin Baru “ Mars 55 Tahun “

(Niuluhon Ni: Ny St Drs S Simbolon/L Br Purba).

13.  Marende Sian B.E No. 518: 1 – 2    MARSINONDANG DIBAEN JESUS  

 1. Marsinondang dibaen Jesus asi rohana i,
Jala hita do disuru , asa ta paboa i.
Ta pagalak palitonta, ta patiur dalan i,
Ai torop dope na lilu, sai hatopma mulak i.

(Ay. 2 jongjong).

2. Nang au on na dao najolo, di na holom lilu au,
Alai sondang ni Tuhanku do mamboan mulak au.
Ta pagalak….                                 

14.  Manghatindanghon Haporseaon:

U          :   Tahatindanghon ma haporseaonta i, songon na hinatindangkon ni donganta sahaporseaon di sandok portibi on. Rap ma hita manghatindangkon:

15.  Koor : Gabungan HKBP Maranatha    

16. Tingting  

                                   :

17.  Tangiang Pangondianon          : Sektor II

18.  Marende B.E No. 658: 1... TU PORTIBION NA RUNDUT /P. Pelean IA+IB)    BL  658

1.      Tu portibion na rundut borhat ma ho, Galak bahen palitomu sai dungo ho. Boan sondang tu na holom mangurupi namardangol  i do baritana uli ni Kristus i.

2.      Taradoti  hasadaon ni ruas  i, talului biru-biru na mago i. Hata ni Tuhan Jahowa pasdahon houm nang hata, sian sude partingkian tu Debata

– o r g a n / m u s i k –

   

3.      Hata i baen sitiopan di dalanmi, Kristus i baen panungkunan di ngolumi. Sai radoti hatigoran holong dohot hasintongan, Sasadasa Debatanta haposi ma.

1.      Tu portibion na rundut borhat ma ho, Galak bahen palitomu sai dungo ho. Boan sondang tu na holom mangurupi namardangol  i do baritana uli ni Kristus i.

19.  Jamita     :  Mateus 25:1-13  ( Pdt  Gerhard  P  Sihombing,  MTh).

20  Marende Sian B.E No. 729: 1 …     (LAHO MA HAMU / P.Pelean II)

   

1.      Laho ma hamu tu liat portibion Ninna Jesus Kristus Tuhan i Ninna Jesus Kristus Tuhan i  Baritahon ma Barita na uli i Tu saluhut na tinompa i tu saluhut na tinompa i. Asa marlas ni roha ma langit nang dohot hajang hajang i marolop olop angka ladang i ro dihau na diharangan i. Martopaptopap sunge i Marhasakhasak tao nang laut i Marolop olop ma portibion nang Sudena pangisina i.

2.      Lam margogo ma angka parjamita i, Mangulahon tohonanna i, mangulahon tohonanna i. Lao mampargogoi angka na porsea i, Di sude na partingkian i, na hatop sai mubauba i. On do Barita na uli pangurupion tu na pogos i, Malua angka na tarrante i, apul-apul tu na dangol i. Pajongjong  hatigoran i  patindang nasa hasintongan i  pasaorhon hadameon i. Amen

– o r g a n / m u s i k –

1.      Laho ma hamu tu liat portibion Ninna Jesus Kristus Tuhan i Ninna Jesus Kristus Tuhan i  Baritahon ma Barita na uli i Tu saluhut na tinompa i tu saluhut na tinompa i. Asa marlas ni roha ma langit nang dohot hajang hajang i marolop olop angka ladang i ro dihau na diharangan i. Martopaptopap sunge i Marhasakhasak tao nang laut i Marolop olop ma portibion nang Sudena pangisina i.

2.      Lam margogo ma angka parjamita i, Mangulahon tohonanna i, mangulahon tohonanna i. Lao mampargogoi angka na porsea i, Di sude na partingkian i, na hatop sai mubauba i. On do Barita na uli pangurupion tu na pogos i, Malua angka na tarrante i, apul-apul tu na dangol i. Pajongjong  hatigoran i  patindang nasa hasintongan i  pasaorhon hadameon i. Amen

21.  PESTA GOTILON     “MANGHAMAULIATEHON DENGGAN BASA NI JAHOWA”

U        :   Hamu ruas ni huria na nihaholongan ni Tuhanta Jesus Kristus! Di las ni rohanta na mar-PESTA GOTILON hurianta sadarion, tama do auhononta hata ni Debata na mandok:  Saluhutna silehonlehon na denggan, nasa ulibasa na mauliutus, ima na ro sian ginjang. Dilehon do di hita parbueni tano, parbueni suansuanan dohot parbueni angka ulaonta. Saluhutna i nunga tajalo sian Jahowa. Antong ndatama ma hita mandok maulite tu Debata?

H        :   Mauliate ma di Ho Tuhan, naung mangalehon parbue ni angka ulaonnami.

U        :   Didok hata ni Debata: Ingkon buatonmu ma sian patumonaan ni sandok parbue ni tano i, na dapot ho sian tanomi, naung nilehon ni Jahowa, Debatam tu ho, jala pamasuhonmu do i tu bagasan ampang, jala boanonmu do i tu inganan sipilliton ni Jahowa, Debatam bahen inganan di Goarna. Ingkon burju do lehononmu parpuluan sian nasa gogo ni tano, boni sinaburhonmi, sian saluhut na tubu di tanomi ganup taon.

H        :   Mauliate ma di Ho Tuhan, naung mangalehon parbue ni angka ulaonnami. Hupasahat hami ma i bahen pelean na hushus di joloM.

U        :   Antong! Taruhon hamu ma sintong parsampuluan i tu bagas parpeopan, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka pandiloan ni langit, jala mangusehon tu hamu gabe maradu marlobilobi.

H        :   Mauliate ma di Ho Tuhan, naung mangalehon parbue ni angka ulaonnami. Hupasahat hami ma i bahen pelean na hushus di joloM.

U        :   Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan.   :   Mandok mauliate ma hita tu Tuhan I, ai pardengganbasa do Ibana jala ro disaleleng ni leleng do asi ni rohaNa. Dibagasan las ni rohanta sadarion marhite Pesta Gotilon na pinatupa ni hurianta, dalanta do I laho mangokuhon, ia saluhut silehonlehon na denggan jala na maulitus na ro sian ginjang. Antong ro be ma hita tu joloNa… tapasahat ma parbue ni na taula, jala tadok ma:

H        :   NASA NA NILEHONMI, TONDI RO DI PAMATANGKU. HOSA DOHOT GOGONGKI, RO DI SALUHUT ARTANGKU. HUPASAHAT I TU HO, NA SO UNSATONKU DO.

22.   PASAHATHON PERSEMBAHAN SYUKUR PESTA GOTILON

        Persembahan syukur Pesta Gotilon , Silua, Tandok/ Amplop.

  Ditaruhon jala dipasahat ma i tu jolo tu inganan naung nitontuhon

H         : Marende BE No 373 :        1- 2 “Mangula Hita Jolma”

Mangula hita jolma Manabur boni I, Alai anggo jadina Di Debata do i

Dilehon las ni ari Nang nambur udan pe,

Tongtong di panumpakNa, marguru sasude

Nasa ulibasa ro sian Debata, I pe Ibana puji ma Huhut haposi da.

Sai sian Debatanta Do nasa na adong, Nang rihit sangkamata

Nang laut,nang tano on. Tinompa ni hataNa Do hau nang bulung i

Nang nasa parbuena Nang bungabunga i ,

Nasa uli basa,..d.u.

23.   TANGIANG PELEAN+ ALE AMANAMI=PASUPASU + AMEN-AMEN-AMEN

IV. Acara Ulang Tahun

Pengantar dari MC

A. Kata Kata Sambutan

1.      Ketua Panitia                          :     St M Manullang, AMd

2.      Manjaha Sejarah Singkat

HKBP Wahidin Baru              :     St Drs P Tampubolon

3.      Mewakili Ruas                        :     Ny St Letkol TR Sagala/Br Pangaribuan

4.      Mewakili Tokoh Masyarakat  :     C.P. Nainggolan SE, MAP

5.      Mewakili Ruas na Marumur

70 Taon tu ginjang                  :     S  Sihombing ( Op Rebecca)

6.      Penasehat                                :     M Nainggolan ( Op Moris )

7.      Arahan dan bimbingan

sian Pendeta Resort                :     Pdt Gerhard P Sihombing,M.Th

           Ulang tahun

1.   Penyalaan Lilin  Sambil Bernyanyi “ SELAMAT ULANG TAHUN KE  55+ Peniupan  Lilin + Oleh :Pendeta Resort , Didampingi Pendeta Huria, Parhalado,  Panitia  dan Yang memberi Kata kata Sambutan)

2.   Pemotongan Kue : Oleh Pendeta Resort & Panitia

3.   Penyuapan Kue dari Panitia kepada Pendeta Resort & Pendeta Huria

4.   Pendeta Resort didampingi Pendeta Huria, Panitia  Membagikan kue kepada :

a.       Mewakili Sintua ( Parhalado )

b.      Mewakili Namarumur 70 Taon tu ginjang

c.      Mewakili Ruas Ama

d.     Mewakili Ruas Ina

e.      Mewakili Sektor I,II, III, IV

f.       Mewakili Anggota Punguan Punguan Koor: Pararikamis,Naomi, Mannen, Debora, Maranatha, Remaja, NHKBP

g.      Mewakili Guru Sekolah Minggu,Anak Sekolah Minggu

h.      Mewakili GKPI Wahidin Baru

i.        Mewakili HKBP Mandala I

j.        Mewakili HKBP Maranatha

k.      Panitia Membagikan Kue Kepada Jemaat

 V.              Pemberian Cendra Mata ( Ulos Hatuaon ) Kepada yang Berumur 70 Tahun ke atas  (Sektor I-IV) Didampingi oleh keluarga, anak dan cucu

             ( Diatur Tersendiri oleh Panitia/Parhalado )

 VI.           Panortoron/Lelang

a.       Panitia / Parhalado

b.      Tortor Sekolah Minggu

c.       Lelang Sesi I

d.      Tortor Sektor I ( Pasahat Sakti sakti/Hodong )

e.       Lelang Sesi II

f.       Lelang Vocal Solo : Cinta Simanjuntak ( Mamamia Indosiar )

g.      Tortor HKBP Mandala I

VII.         Makan Bersama/ Sambil Berjalan Lelang Sesi III

VIII    Lanjutan Lelang/Tortor

a.       Tortor Sektor II ( Pasahat Sakti sakti/Hodong )

b.      Lelang Sesi IV

c.       Tortor Sektor III ( Pasahat Sakti sakti/Hodong )

d.      Lelang Sesi V

e.       Tortor Sektor IV ( Pasahat Sakti sakti/Hodong )

f.       Tortor HKBP Maranatha

g.      Tortor GKPI Wahidin Baru

IX.      Hiburan /Vocal Solo : Lanjutan Tortor

a.       Lelang Sesi Vocal Solo I : Ny Nadeak/Br Silaban

b.      Lelang Sesi VI

c.       Lelang Sesi Vocal  Group : Vocal Group Sion

d.      Lelang Sesi VII

e.       Tortor Pararikamis & Naomi ( Pasahat Sakti-sakti/Hodong

f.       Tortor Mannen & Debora ( Pasahat Sakti- sakti/Hodong

g.      Lelang Sesi Vocal Group III : Vocal Group Sion

h.      Tortor Koor Maranatha ( Pasahat Sakti-sakti/Hodong

i.        Tortor Remaja/NHKBP Wahidin Baru

XI.      Lucky Draw ( Diatur Panitia )

XII.     Catatan Catatan

1.        Acara dapat berubah sewaktu waktu sesuai petunjuk Panitia

2.      PASAHAT  SAKTI-SAKTI /HODONG: 

Panitia/Parhalado

Hamu Amanami Inanami ruas ni huria HKBP Wahidin Baru  na sian Sektor /koor… Nuaeng pabotohon hamu ma sipasahaton muna di tingkion tu Hurianta  nunga rade hami manjalo haroro muna.

Koor Sektor /Kategorial/Punguan Punguan

Na ro do hami sian…, …las rohanami di Pesta  Ulang Tahun /Gotilon ni hurianta sadarion, jala di las ni rohanami I, naeng pasahaton nami ma parbue ni hamauliateon nami tu Tuhan i. Antong parmusik nami: Bahen damang ma jolo Ende pujipujian I asa hupasahat hami sakti-sakti/hodong nami……

XIII.    Sejarah Singkat HKBP Wahidin Baru Resort Wahidin Baru, Distrik X Medan Aceh

Ø  Nahuhormati Hami : Pandita HKBP Resort Wahidin Baru : Pdt Gerhard P Sihombing,M.Th dohot keluarga, Pandita  HKBP Wahidin Baru : Pdt B Sianturi/Keluarga , Sude Parhalado HKBP Wahidin Baru/Keluarga, Panitia Ulang Tahun/ke 55 HKBP Wahidin Baru. Nahuhaholongi hami : Amanami/inanami/hahaanggi, pinaribot sude Ruas ni Huria HKBP Wahidin Baru Puji-pujian dohot hamauliateon ni rohanta ma jumolo tapasahat tu Tuhanta pardenggan basai namangalehon tu hita hahipason ni pardagingon nang partondion, gabe boi hita marlasniroha mamestahon dohot mangolophon pesta ulang tahun na pa 55 hon HKBP Wahidin Baru di tingki on . Hombar tu na tinontuhon ni panitia , dison hujahahon hami ma sejarah parjongjong ni HKBP Wahidin Baru Medan, sahat tu pesta ulang Tahun ke 55 na ta olophon sadarion

Ø  Mamungka sian Taon 1958 nunga adong hurang lobi  47 ripe halak Batak di Kampung Bantan on, mansai sihol do roha ni halak Batak na adong di huta on naeng marsaor dohot Debata marhite na marminggu, alai adong do hamaolon ala antar holang do inganan parmingguon sian hutaon, ima HKBP Teladan tar hira 5 Batu ( 5 KM) dohot HKBP Gang Dame tar hira 2 Batu ( 2 KM ). Gabe tubu ma sangkap ni angka natua tua naparjoloi pajongjong Gareja di inganan on

Ø  Taon 1959 masa do hagunturon marhite angka na adong Demonstrasi namanghasogohon RRC na ni gerakhon ni Partai politik na adong hatihai, dohot angka naposo. Gabe bungkas ma angka donganta halak sina sian huta on hombar mai tu Peraturan ni Panggomgomi, Peraturan Pemerintah No 10 Tahun 1959 ( PP No 10 Thn 1959) godang ma nasida na manadinghon tano dohot jabuna, laos ima kesempatan ni Halak Batak Kristen laho pajongjong Gareja di Inganan on na niuluhon ni amanta Farel Tampubolon na laos kebetulan nasida anggota Veteran/Laskar Pejuang. Dipajongjong ma Pargarejaan marhite angka pangurupion berupa bahan-bahan bangunan sian Keluarga Damanik, pengusaha panglong na adong di inganan on. Diresmihon ma pemakaian Gareja i atik pe dalam keadaan darurat dope bangunan na hatihai marhite Parmingguon na Parjolo ima di Minggu Advent na pa toluhon ( Advent III) Minggu 13 Desember 1959, na niuluhon ni amanta Pdt KL Siahaan sian HKBP Teladan Resort Medan I, laos on ma na tarajumi gabe ari hatutubuni Huria HKBP Wahidin Baru on

Ø  Taon 1960 Jongjong Parsingkolaan Sekolah Dasar SD HKBP Maranatha Wahidin Baru

Ø  Tanggal 29 September 1963 Pesta Mameakhon Batu Ojahan ( MBO ) Na ni uluhon ni mewakili Pucuk Pimpinan amanta Pdt B Napitupulu

Ø  Taon 1971 Gabe persiapan Resort ma HKBP Wahidin Baru Medan jala amanta Pdt J Siahaan ma Gabe Pandita Persiapan Resort

Ø  Tanggal 2 November 1975 Diresmihon Induk ni Hurianta ma HKBP Wahidin Baru gabe sada Rasort na gok , ima na Margoar Resort Wahidin Baru Medan jala amanta Pdt D Simangunsong ma gabe Pandita Resort na Parjolo

Ø  Taon 1980 dipatuma pesta pangompoion Gereja HKBP Wahidn Baru ni uluhon ni Ompui Ephorus HKBP Ds GHM Siahaan

Ø  Tanggal 13 Desember 1984 Pesta Perak ( 25 Taon ) Jubileum 25 Taon HKBP Wahidin Baru ni uluhon ni Pucuk Pimpinan HKBP , Sekretaris Jenderal HKBP Pdt P.M Sihombing, M.Th

Ø  Tanggal 16 Oktober 2005 Pesta Peresmian Gedung SD HKBP Maranatha Wahidin Baru na sinumbanghon ni anak ranto/Alumni SD HKBP Maranatha, Bapak Jimmy Pengusaha na sian Jakarta na difasilitasi Oleh Bapak C.P Nainggolan SE, MAP na ni uluhon ni Pdt Willem TP Simarmata MA Sekretaris Jendral HKBP

Ø  Tanggal 19 April 2009 Pesta Pra Jubileum na ni uluhon ni Praeses HKBP Distrik X Medan Aceh diwakili Pdt Julasber Silaban M.Th Kabid Diakonia

Ø  Tanggal 07 dan 08 November 2009 ima Pesta Jubileum 50 Tahun HKBP Wahidin Baru Medan na ni uluhon ni Pucuk Pimpinan HKBP , ompui Ephorus HKBP Pdt DR Bonar Napitupulu

Ø  Tanggal 07 Oktober 2011 Pesta Jubileum HKBP 150 Taon

Ø  Tanggal 09 November 2014 ima Pesta Ulang Tahun yang ke 55 HKBP Wahidin Baru, laos pasahathon ulos hatuaon tu angka ruas ni Huria na marumur 70 Taon tu ginjang

Ø  Songoni ma Sejarah Singkat ni HKBP Wahidin Baru on na boi tarpatupa hami, jala molo tung adong na hurang singkop rap padengganhon ma hita tu tingki na naeng ro

SELAMAT ULANG TAHUN YANG KE 55 HKBP WAHIDIN BARU. HORAS

Medan, 09 November 2014 Penulis

St. Drs. P. Tampubolon

XIV : MARS 55 Taon HKBP Wahidin Baru

Marpesta hita laho mambahen parningotan, Mar  ulang Tahun Pa lima puluh lima taon i , Marlasniroha sude ruas ni Hurian ta on, mamuji Tuhan i disasude na denggan basa i

Mauliate tadok tu ruas na parjolo i, na pajongjonghon HKBP Wahidin Baru on,  Sai Horas be ma sude parhobas ni Huria on , Sai Horas ma tongtong sude na ruas ni Huria on

Tapuji ma Tuhanta i , Tapasangap ma goarNa i diramoti do Huria on sahat tu tingki on. Sai hot ma hasadaon i di hita ruas Huria on, tu majuna ma Huria on tu ari na naeng ro

Sahat- Sahat ni solu  da amang, sahat ma tu bontean da inang,  Leleng hita mangolu da amang Pasupasuon ni Tuhanta da inang  , Horas Hamu nang pangarantoi  Pasupasuon ni Tuhanta ma hamu  , Pasangap ma goar ni Tuhan i.

Doc:budiantosianturi.blogspot.com

No	Nama	Tgl. Lahir	Umur	Gelar
1	Sahat Sihombing	28-12-1928	86	Op Rebecca
2	Peneria Br Silalahi	12-12-1932	82	Op Rebecca
3	Sorta Br Siagian	30-04-1930	84	Op Polman
4	Anggiat E Naibaho	14-02-1930	83	Op Jepry
5	Riste Rugun Sirimngoringo	02-05-1933	81	Op Andi
6	Rentina Siahaan	31-12-1933	81	Op Marudut
7	Krisman Sinaga	25-04-1933	81	Op Daniel
8	Listeria Br Nadeak	31-12-1935	79	Op Daniel
9	St Ulam Alden Rajagukguk	28-12-1936	78	Op Santi
10	Cornelia Br Sinurat	08-03-1936	78	Op Mindo
11	Tiodor Aritonang	16-10-1936	78	Op Grace
12	Serefina Simanjuntak	30-08-1938	76	Op Mardiana
13	Josia Rumapea	05-06-1939	75	Op Gesika
14	Rugun Br Tambunan	21-12-1941	73	Op Gracia
15	Tiormin Br Sibarani	17-10-1942	72	Op Angga
16	Purnama Br Siagian	10-12-1942	72	Op Bernad
17	St Elseria Panjaitan	27-05-1944	70	Op Rahel
18	Tiominar Pangaribuan	15-11-1944	70	Op Josua
19	Dengsi Br Napitupulu	06-06-1944	70	Op Tika
20	Linda Br Manurung	24-12-1932	82	Op Manappin
21	Tioria Br Siahaan	26-12-1932	82	Op Marisi
22	Baginda Mangantar Tambunan	17-08-1933	81	Op Nadya
23	Nari Oppon Br Simangunsong	14-07-1936	78	Op Jubeletti
24	Tonggo Br Hasibuan	13-04-1937	77	Op Franky
25	Riamin Br Sirait	31-12-1937	77	Op Andre
26	Pintor Mangasatua Siahaan	11-05-1937	77	Op Rivaldo
27	Rusti Br Silalahi	22-06-1941	73	Op Rivaldo
28	Tioriah Br Silitonga	27-08-1938	76	Op Yoshua
29	Drs Manginar Pasiman Simarmata	24-12-1940	74	Op Yoshua
30	D Harianja	21-04-1938	76	Op Rianto
31	Tiurma Lestari Br Sinaga	15-03-1938	76	Op Hendra
32	Sahala Pangondian Nainggolan	03-08-1940	74	Op Tania
33	Sermina Sihaloho	20-10-1940	74	Op David
34	R Br Nadapdap	05-07-1942	72	Op Samuel
35	Delima Br Hasibuan	30-03-1943	71	Op Lidia
36	Arta Br Nainggolan	25-10-1937	77	Op Jakub
37	Rosianna Br Sidabariba	26-06-1928	86	Op Lina
38	Montang Siagian	30-09-1937	77	Op Rotua
39	Morris Hutapea	25-05-1933	81	Op Maria
40	Minta Br Simarmata	15-12-1940	74	Op Maria
41	Ruli Br Pakpahan	1933	81	Op Maju
42	Tita BR Simbolon	31-02-1933	81	Op Iwan
43	St Marihot Nadeak	02-01-1935	79	Op David
44	Ressa Br Manik	16-01-1940	75	Op Ni si Hendra
45	St Sahala Marpaung	01-08-1941	73	Op Samuel
46	Tariana Tambunan	17-10-1935	79	Op Octa
47	Maningar Simanjuntak	22-03-1939	75	Op Bionsar Doli
48	Mariati Br Simangunsong	21-02-1939	75	Op Binsar Boru
49	Gerhart Sihombing	24-06-1936	78	Op Hakim Doli
50	Tiolima Marpaung	25-10-1940	74	Op Hakim Boru
51	Liberty Sitorus	16-11-1939	75	Op James
52	Kasina Br Rajagukguk	31-12-1939	75	Op Leonardo
53	St Maidin Junus Siahaan	16-12-1937	77	Op Ni si Lenni
54	Odermia Br Saragi	27-12-1940	73	Op Ni si Lenni
55	Rebecca Br Siahaan	26-12-1939	75	Op Herman
56	Erika Br Simanjuntak	03-11-1934	80	Op Tohap
57	Tianggur Br Marpaung	31-12-1939	75

SELAMAT  HARI MINGGU, SELAMAT ULANG TAHUN YANG KE 55  HKBP WAHIDIN BARU

 

HKBP WAHIDIN BARU  TAMPAK DEPAN/SD HKBP MARANATHA WAHIDIN BARU