PARTORDING NI ACARA PARTANGIANGAN PASSION PAIHUTIHUT SITAONON NI TUHAN JESUS KRISTUS HKBP RESORT TIGALINGGA

PARTORDING NI ACARA

 PARTANGIANGAN PASSION  

PAIHUTIHUT SITAONON NI TUHAN JESUS KRISTUS

HKBP RESORT TIGALINGGA

PASSION I

Senin, 06 April 2020

 

~~~~~~~~ Pangaradeon diri / tangiang na hohom~~~~~~~~~~

Joujou Tu Parsaoran :  U: Uluan ; K: Keluarga

U   : Huria na hinophop ni Tuhanta, di bagasan unduk dohot serep ni rohanta naeng paihutihutonta barita panaonon ni Tuhan Jesus andorang so gantung do pe Ibana di hau parsilangi. Di partangiangan passion on naeng gorga tu bagasan rohanta hinahansit dohot hinabernit na ditaon Tuhanta i.

K   : Nunga huparade rohangku paihutihut barita ni panaonon ni Tuhanki, anggiat lam huantusi pambahenan ni Tuhan i di ngolungkon.

U   : Bidang pe laut lobi umbidang do holongNa, bagas pe laut lobi umbagas holongNa, timbo pe langit lobi tumimbo asiniroha ni Debata. Antong ta tanda ma si tobus nasa dosanta, asa unang marisuang panghophopNa i.

K   : Puji ma Ibana ale tondingku, tung unang halupahon denggan ni basaNa.

U   : Antong hamuna huriaNa, huarahon ma hita saluhutna paihutihut na masa andorang so tarpajal Jesus di hau silangi, tapasiding ma angka pingkiran na boi mambahen dao rohanta paihutihut siak ni bagi na masa tu Jesus, asa anggiat holong roham tu na manghohop Ho. Marende :

1.    Marende No. 88: 1,4              “Jesusku Naung Manobus Ahu”

V Jesusku naung manobus ahu, sai naeng haholonganku Ho. Tu dolok Golgatha Ho lao nionjar ni holongMu do. Hupuji nasa asiMi, alai gumodang holongMi.

V Bagas uhirhon tu rohangku, panghophopMi humophop au. Tusi ma togu pingkiranku, guru di Ho sambing ma au. Hupuji nasa asiMi, alai gumodang holongMi.

2.   Votum –Introitus–Tangiang :

(U=Uluan ; H=Huria ; Ba.=Baoa, Pr= Parompuan)

U   :   Marhitehite Goar ni Debata Ama dohot goar ni AnakNa Tuhan Jesus Kristus dohot Goar ni Tondi Parbadia, na manompa langit dohot tano on. Amen! Tongon do angka sahitta diusung Ibana, jala angka pardangolanta diporsan. Ala ni pangalaosionta Ibana tartullang, binahen ni hajahatonta Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangNa malum hita. Haleluya! Martangiang ma hita: Ale Amanami Parasiroha na sumurung, Debata ni hatuaonnami. Huingot hami do di angka ari on panaonon dohot hamamate ni Tuhan Jesus Kristus, Tuhannami. Pahibul ma rohanami jala parbadia mamingkiri sude na tinaonNa i.

H  :  Patandahon ma tu hami dosanami, asa diarsakhon rohanami dosanami i.

U   :   Huhut asa hupompomi hami hisaphisap dohot sangkapsangkap ni rohanami na roa i, jala asa hupasaut hami lomo ni roha ni na manobus hami, asa martua hami sian i ro di saleleng ni lelengna. Sai patupa ma i di hami marhitehite Tuhan Jesus Kristus, Anak haholongan ni rohaM. Amen

3.   Marende BE No. 83 : 1 “Na lao do Birubiru i”

V Na lao do Birubiru i mamorsan angka dosa. Ni nasa hajolmaon i di benget ni rohana.  Diporsan do sahitta i dilehon do DiriNa i. Tu tangan ni pamunu ditaoni do na bernit i. Ro di na tos hosaNa I, Didok : Naeng porsanonku.

4.   Barita Parjolo: Dibaritahon Jesus hinarjorbut ni Angka Naeng Masa

U   : Alai lam torop do angka si ihuthon Jesus, ragam do angka tanda-tanda halongangan na mambehen lam sogo roha ni torop halak parise dohot siboto surat! Marjea ma hamu sibotosurat dohot Parise, hamu pangansi! Ai suman do hamu tu tanoman na hinapur, angka na denggan berengon sian duru, hape marisi holiholi ni na mate do dohot nasa na rotak! Pola didok hamu: Aut hami uju di ngolu ni angka ompunami, ndang tagamon dohot hami parsala di mudar ni angka panurirang i! Dibahen i, ida ma, Ahu marsuru tu hamu angka panurirang dohot parroha na tigor hape: Bunuonmuna jala parsilang-kononmuna ma deba sian nasida, na deba linsinganmuna do di parguruanmuna jala leleanmuna sian huta tu huta. Dibunu ho do angka panurirang jala didangguri ho do angka na sinuru manopot ho. Nunga piga hali naeng papunguonku do nian angka anakmi, sobokkon pidong na papunguhon anakna tu toru ni habonghabongna; alai ndang dung olo hamu! Ai hudok ma tu hamu: Na so idaonmuna be Ahu olat ni on, paima dohononmuna: Pinasupasu ma na ro marhitehite Goar ni Tuhan i! Jadi diarahon Jesus ma na sampuludua i jala didok ma tu nasida: nangkok ma hita tu Jerusalem, jala tulus ma tu Anak ni jolma i sasudena, na tarsurat di buku ni angka panurirang, na mandok:

K  :  Ai pasahaton ma Anak ni jolma i tu angka sintua ni malim dohot tu sibotosurat, gabe insahanna, leaanna jala tijuranna ma Ibana, ingkon marutang hosa, pola mate Ibana bunuonna, dungi pangoluonNa do Ibana muse di ari patoluhon.

U  :  Dung i didapothon ina ni anak ni si Sebedeus rap dohot angka anakna i ma Ibana, disomba ma, laho pasahathon pangidoanna. Jadi ninna Jesus ma mandok ibana: Aha dipangido rohamu? Dung i didok ma tu Ibana:

K  :  Loas ma hundul sogot anakku na dua on, na sada di siamunMu, na sada nari di hambirangmu, di harajaonMi!

U  :  Alai ninna Jesus ma mangalusi: Ndang diboto hamu na pinangidomuna. Tung tarinum hamu ma siinumon na naeng inumonKu (jala tarparidi hamu ma paridion siparidionKu)?

K  :  Jadi didok nasida ma: Tarbahen hami do!

U  :  Dung i didok ma tu nasida: Tutu nian, inumonmuna do siinumonKi; jala paridihononmuna do pandidion siparidihononKi; alai ndang guru di Ahu na mambahen hundul di siamunKu dohot di hambirangKu. Damang i do padirihon i tu angka panahatanna i. Alai ndang diantusi angka sisean i agia otik na hinatahon ni Tuhan Jesus. Buni do hata i sian rohanasida, ndang diboto nasida na hinatahonNa i.

K  :  Jadi bobonosan situtu ma rohanasida. Dung i diarahan si Petrus ma Ibana, disaritai ma, ninna do: Asi ma roha ni Debata di Ho Tuhan. Unang ma songgop i tu Ho.

U   : Alai humusor ma anggo Ibana mandok tu si Petrus: Laho ma ne ho bolis. Gasip do Ho di Ahu, ai ndang diparrohahon ho angka na di Debata, angka na di jolma do. Dung i didok Jesus ma tu angka siseanNa: Nasa na giot mangihuthon Ahu, disoadahon ma dirina, diporsan ma silang na tu ibana; diihuthon ma Ahu.

K  :  Ai na naeng paluahon hosana, mangagohonsa do; alai na agoan hosa alani Ahu, ido na jumpangan.

U   :   Ai aha ma antong gunana di jolma nang liat portibi on diomo, anggo mago do tondina? Aha ma tarlehon jolma bahen tobus ni tondina? Ai na ro ma sogot Anak ni jolma i di bagasan hasangapon ni AmaNa rap dohot angka surusuruanNa, dung i balosonNa ma tu ganup, hombar tu na niulana.

5.    Marende, No. 182: 3 “Tu JoloM O Debatangku”

V Sai jotjot do hutadingkon, dalanMi na tigor i. Kristen au hape hutondong, dalan hamagoan i.

6.    Barita Paduahon : “Dimiahi si Maria Pat ni Jesus”

U   :   Dung i onom ari nari asa dapot pesta Paska i, sahat ma Jesus tu huta Betania, na niinganan ni si Lassarus, na sinunggul ni Jesus sian na mate. Jadi dipauli nasida ma disi panganon ujuan di Ibana: si Marta do manghobasi, si Lassarus ma sada donganna mangan disi.

Pr:   Gabe dibuat si Maria ma sahati miak nardus na arga na so marsaor, dimiahi ma pat ni Jesus, obukna ma dibahen mangalapu. Jadi digohi uap ni miak i ma bagas i.

U   :   Jadi sada sian angka siseanna, si Judas Iskariot na naeng manjehehon Ibana, mandok: Boasa so ginadis miak na arga tolu ratus hupang, bahen silehonlehon nian di angka na pogos.

Ba:  Alai ndada na pogos sinarihonna, umbahen na didok ibana songoni, panangko do ibana tahe, diusung do asiasi ni halak, ai tu ibana dipasahat puro i.

U   :   Dung i ninna Jesus ma: Pasombu ma Ibana, ai diparade do i hira tu ari hatatanomHi. Ai tongtong adong na pogos ditongatongamuna jala asal ma olo hamu, tarpatongon hamu do na denggan tu nasida: Alai anggo Ahu ndang manongtong dihamuna. Intap na tarbahensa do na niulana i, na manjoloani do ibana mamiahi pamatangku songon di na mananom. Situtu do hatangkon tu hamu: manang didia liat portibion dijamitahon muse Barita na uli on, hatahononna do binahenna i gabe baritana. Dung i torang ni ari na i dibege halak na torop na ro tu pesta i na naeng ro ma Jesus tu Jerusalem, jadi dibuat nasida ma angka maremare, lao manomunomu Ibana huhut manjoujouhon;

K  :  Hosianna! Pinasupasu ma na ro marhitehite goar ni Tuhan i, Raja ni Israel!

U   :   Dungi dapot Jesus ma halode sada, ima dihunduli. Hombar tu na tarsurat: Unang ho mabiar boru Sion, ida ma rajam do na ro, marsihundul di anak ni halode, dohot di anak ni halode inaina.

K  :  Jadi deba sian natorop i mandok: Orai ma antong angka siseanmi, Guru.

U   :   Alai ninna ma mangalusi: Hudok ma di hamu: aut mauhom nasida, manjoujou ma angka batu. Alai di bongoti si bolis do si Judas na margoar Iskariot, sahalak sian sampuludua i, gabe laho ma ibana martuptup dohot angka sintua ni malim rap dohot angka panunggane i manang dia dalanna pasahathon Jesus tu nasida.

K   :   Jadi sian las ni roha nasida marpadan ma nasida mengalehon hepeng tu ibana. Di oloi si Judas ma i, jadi dilului ma tingki na une pasahathon Ibana so sian pamotoan ni na torop i.

7.    Marende No. 711: 3 “Songon Ursa Na Binuru”

V TungkiMi Ale tondingku, tung beasa rusak ho ? Sai haposi Debatamu, ndang tadinghononNa ho. Pujionku do muse Tuhan Debata dope, Hatuaon ni bohingku na tongtong naeng haposanmu.

8.   Barita Patoluhon: Jesus Tu Huta Jerusalem

U   :   Dipansang sintua ni malim dohot angka Parise ma rapot godang, didok nasida ma: Aha ma bahenonta? Ai lan do tanda dibahen halak i! Molo itapasombu Ibana, porsea ma halak saluhutna di Ibana, gabe ro ma halak Rom maon mangarampas tanonta dohot bangsonta.

Ba:  Alai hehe ma sada sian nasida ima si Kayapas, sintua ni malim di na sataon i, didok ma tu nasida: Na hurang roha do hamu!

Pr :  Ndang dipingkiri rohamuna, dengganan do mate sada halak humophop natorop i, unang laho mago sandok bangso i.

K  :  Alai ndang sian rohana sandiri dihatahon i, ala sintua ni malim ibana di na sataon i umbahen na di surirangkon, na naeng mate ma Jesus humophop bangso.

U   :   Alai tahe, ndada holan manghophop bangso i, alai naeng papunguonna angka anak ni Debata, angka na marserak dope, laho pasadahon. Asa olat ni na sadari i martuptup ma nasida laho mamusa Ibana. Alai didok nasida ma: Unang ma dipesta i, sotung guntur na torop i!

9.   Marende No. 719 : 1  “Hubege Soaram O Jesus”

V Hubege soaraM O Jesus, hubege soaraM O Jesus. Hubege soaraM O Jesus na manjouhon ihuthon ma Au. Togu au Jesus Tuhanhu, iringiring ma langkangku. Patuduhon ma dalanMu, asa unang, unang lilu au.

10.     Barita Paopathon : Diburi Tuhan Jesus Pat ni angka SiseanNa

U   :   Alai di ari parhobason parjolo ni pesta Paska i didapothon sisean i ma Jesus, angka ninna ma:

K  :  Tu dia ma patureonnami di Ho panganon Paska i, dipangido roham?

U   :   Gabe didok ma: Laho ma hamu tu huta i manopot si Anu, dok hamu ma tu ibana: Tona ni Guru i, na dapot ne ma tingkingku, di ho ma ahu sorang laho mangan Paska i dohot siseanKu. Jadi saut ma disuru Ibana siseanna dua halak jala didok ma tu nasida: Molo laho hamu tu huta, pajumpang ma hamu disi dohot sada halak na mangusung aek sahudon, ibana ma ihuthon hamu. Tu ibana ma dok hamu;

K  :  Didia do bilut inganan, asa disi dipangan hami Paska i?

U   :   Jadi patuduhononna ma tu hamu bilut parginjang sada, na lambas na tipak hinembangan, disi ma pature hamu di hita. Jadi borhat ma siseanna, dibongoti ma huta i, jadi jumpang nasida ma tutu songon na nidokNa i, dipature ma Paska i.

K  :  Asa dung bot ari, ro ma Jesus dohot na sampuludua i. Asa dung dapot tingkina, hundul ma Ibana rap dohot angka apostel.

U   :   Dung i ninna ma mandok nasida: Mansai masihol rohangku naeng mangan birubiru paska on rap dohot hamu tagan so songgop dope sitaononki. Ai hudok ma di hamu “na so tupa panganonku be i; ia so dapot hagogokna i di harajaon ni Debata”. Jadi di na mangan nasida, hehe ma Jesus sian na mangan i, ditanggali ma ulosNa, dibuat ma basahan ditapolhon tu Ibana. Dohot basahanNa na tinapolhonNa i. Dung i sahat ma Ibana tu si Simon Petrus jadi didok ma mandok Ibana:

Ba    :Tung Ho ma ale Tuhan, mamuri pathu?

U   :   Dung i ninna Jesus ma mangalusi ibana; Ndang diantusi ho pambahenanKu na tu ho anggo nuaeng, muse pe botoonmu i.

K  :  Dung i didok si Petrus ma tu Ibana: Matua tano on, ndang burionMu pathu!

U   :   Dung i ninna Jesus ma mangalusi Ibana: Molo so burionKu ho, ndang partohap ho di Ahu.

Ba:  Dung i ninna si Simon ma: Ale Tuhan, unang ma holan pathu, dohot ma tangan dohot ulungku.

U   :   Gabe didok Jesus ma tu ibana: Halak naung maridi i, ndang be burion; ai nunga sude ibana ias. Naung ias do anggo hamu, alai ndang luhut hamu. Ai ditanda do sipasahat Ibana, umbahen na didok: Ndang saluhut hamu ias. Asa dung diburi Jesus pat nasida, dipangke ma muse ulosNa, hundul ma Ibana, didok: Ai diantusi hamu do pambaenki tu hamu? Digoar hamu do Ahu Guru dohot Tuhan, jadi ture do pandokmuna disi, ai i do, Ahu tutu. Asa molo Ahu Tuhan jala Gurumuna mamuri patmuna, tama ma nang hamu masiburian pat! Ai sitiruon do hulehon tu hamu, asa dibahen hamu songon na hubahen i tu hamu!

K  :  Na tutu situtu do na hudok tu hamu: Ndang umbalga anaksomang sian indukna, ndang sumurung suruan sian na marsuru ibana. Molo diboto hamu i, martua ma hamu mangulahonsa!

U   :   Jadi di na mangan i nasida, ninna Jesus ma: situtu do na hudok on tu hamu. Sada sian hamu naeng pasahathon Ahu! Dung i marsak situtu ma nasida, gabe dipandok be ma tu Ibana:

K   :   Nda tung ahu i Tuhan?

U   :   Alai ninna ma mangalusi; Ia i na rap dohot Ahu manurdukhon tanganna tu paringkauan, ido na pasahathon Ahu! Tong do nian ujung ni Anak ni jolma i! Tagonan unang ma sanga tubu ibana tu hasiangan on!

11.      Tangiang Pangondianon

12.     Marende, No. 162: 3,6 “O Debata Mansai Balga”

V I pe tu Ho na ma au ro, sai unang tulak ahu.

Paombun ma O Debata, rimasMu mida ahu.

V Ajari au na jat padao, paias ma rohangku.

Jorai au on di ngolungkon tu surgo tait rohangku

13.     Luka 14:26-27

14:26 Ganup halak na ro tu Ahu, ndang tarbahen gabe siseanku, ia so dihasogohon ibana amana, inana, na niolina, anakkonna, hahaanggina dohot angka ibotona, ro di hosana sandiri.

14:27 Ndang tarbahen gabe siseanku halak, na so manuhuk silang na tu ibana, laho mangihuthon Ahu!

Sambolus begeonta hira na koras do pandohan ni Tuhan Jesus on! Hira na so parholong ni roha Tuhan Jesus. Hira na so diharingkothon Tuhan Jesus ngolu kekeluargaan, kekerabatan dohot ngolu parrumatanggaon. Apalagi molo itapahombar tu angka jamita ni Jesus na mandok ingkon parholong roha do angka na porsea, bahkan, didok Tuhan Jesus do, na manghasogohon hita pe ingkon haholongan do.

Didok Tuhan Jesus, angka on ma situhukonta songon sisean ni Tuhan Jesus hita. Hamu angka dongan! Di passion on, disungguli jala diparata do hasiseanonta di jolo ni Tuhan Jesus. Ndada gabe holan hasonangan na taadopi molo gabe sisean ni Tuhan Jesus hita, alai gok haporsuhon do jala gok paraloan portibi. Ndada gabe so berjuang hita di portibi on, dung gabe sisean ni Tuhan Jesus hita. Alai, marhite passion on, dipaingot do hita, di godang ni paraloan na ni adopan ni Tuhan Jesus uju di ngoluNa. Ndada holan sian portibi on dohot sian halak na so mangkalomohon hadirionNa, alai na jumorbut ima paraloan na ro sian siseanNa sandiri, na jonok di lambungNa, na mandok manghaholongi Ibana, hape panjeheon do dibahen tu Tuhan Jesus.

On ma tona na parjolo tu hita. Ndang mintop parungkilon dohot pangunjunan di ngolunta. Ndang mansohot paraloan i, alani i, ndang boi mintop perjuangan sian ngolunta. Ingkon berjuang do hita, ingkon benget do hita, jala ingkon bisuk do hita marnida angka na masa, boi do paraloan i sian tongatonga ni keluarga, sian tonga ni huria, dohot sian na humaliang pe.

Tona na paduahon: Marusaho ma hita padimundimun keluarganta, rumah tangganta asa rap udur hita mangoloi Tuhan Jesus. Sian pardagingon na hansit do molo dihasogohon keluarga iba, na dangol do molo ala ni na mangihuthon Jesus ingkon tinggalhononhon keluarga, ingkon tinggalhononhon punguan, jala tung mansai lungun do roha molo ingkon tadingkononhon anakhon, suami, istri, natoras dohot angka na hinaholongan, ala na so unduk na sida mangoloi hata ni Debata. Jala ndang adong sian hita na manghalomohon sirang sian keluarga ala ni idealismenta mangoloi Debata.

Alani i, ingkon rap marsitutu do hita sakeluarga mangoloi Tuhan i, asa unang adong na tading nanggo sada. Ingkon berjuang do hita manogu haporseaon ni anggota keluarganta, asa unduk jala olo mangihuthon dohot mangulahon lomo ni roha ni Debata. Naeng ma nian rap udur hita tu dolok tu toruan mangoloi Tuhanta Jesus. Asa songon na nidok ni naposoNa si Josua: Ahu dohot donganku sabagas ingkon Jahowa do oloannami. Amen

Pandita HKBP Ressort Tigalingga

Pdt Budianto Sianturi

14.     Marende BE No. 82: 1, 2 ”Jesusku, Tu BugangMu”  (Pelean)

V Jesusku, tu bugangMu, ro marsomba rohangkon.

Sai tarpuji, sai tarpuji, na pamalum tondingkon.

V Tung di patMu, o Jesusku, solsolanku rohangki.

Tangisanku na tinaonMu, ala jat ni rohangki.                         

15.   Panutup: Tangiang & Pasupasu. (Amen, Amen, Amen)

PARTORDING NI ACARA

 PARTANGIANGAN PASSION  

PAIHUTIHUT SITAONON NI TUHAN JESUS KRISTUS

HKBP RESSORT TIGALINGGA

PASSION II

Selasa, 07 April 2020

 

Joujou Tu Parsaoran :

U:     Hamu angka dongan huria ni Tuhanta Jesus Kristus! Di tingki on tabongoti ma Partangiangan borngin Passion II, parningotan panaonon ni Tuhanta Jesus Kristus! Tapaihut ma dibagasan rohata.

~~~~~~~~ Pangaradeon diri / tangiang na hohom~~~~~~~~

1.         Marende BE No. 76: 1, 2 “Sada Nama Sangkap”

V Sada nama sangkap ni rohangku di sandok portibi on.

Ndang tagamon na so las rohangku, molo jumpang au inon.

Naeng ma sai ingoton ni rohangku, na binaen ni Jesus tu tondingku.

Uju pinorsanNa i, saluhutna dosangki..

V Ingkon sai Ibana ingotonku, uju na tarpajal i.

Tu hau pinarsilang ginantungkon, sai mabaor mudarNa i.

Ai humophop au ditaon uasNa, asa dohot au muse upaNa.

Ai ditatap do au on, di pandokNa: “Nunga sun !

2.        Votum –Introitus–Tangiang :

(U=Uluan ; H=Huria ; Ba.=Baoa, Pr= Parompuan)

U:  Marhitehite Goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia. Amen. Tabereng ma induk ni haporseaon i jala na paujunghonsa, ima Jesus na manaonhon sitaonon i, singkat ni las ni roha tohapna i hian, so dietong i hailaon, gabe hundul di siamun ni habangsa ni Debata: Paingot-ingot hamu ma Ibana, na manaon paraloan sisongon i dompak Ibana sian angka pardosa asa unang marnaloja hamu, unang mandate tondi muna! Haleluya. Martangiang ma hita, Ale Tuhan Debata,  Amanami na di Banua Ginjang! Asi ma rohaM di hami halak na gale on. Di ida ho na gogo do musu nami, sai talu do hami dibahen, ala ni hagaleon nami. Dibahen i hupangido hami tu Ho: Sai pargogoi jala pamonang ma hami maralohon musu i marhite panaonon ni Anak haholongan ni rohaM, Tuhan Jesus Kristus. Amen

3.        Marende BE No. 76: 1, 2 “Sada Nama Sangkap”

V Sai ingoton ni rohangku, Hansit naung di taon Tuhanku,

Uju i di Golgata.

V Na so dung adong salaNa,

Gabe ampe tu Ibana, dosa ni portibi on.

4.        Barita Palimahon: Judas manjehehon Jesus

U:  Alai adong ma sada sian angka siseanna i, na hundul jumonok tu Ibana haholongan ni Jesus i. Ima dihilap si Petrus jadi ninna ma mandok ibana: Sungkun ma, ise na nidokNa i.

K:                 Jadi dipajonok ma tu lambung ni Jesus mandok tu Ibana: Tuhan, ise i?

U:  Gabe dialusi Jesus ma: Ia tusi hulehon na santopik na husornophon on, ima ibana! Jadi disornophon ma santopik, dilehon ma tu si Judas Iskariot, anak ni si Simon. Jadi dung dibondut i, dibongoti sibolis i ma ibana. Dung i didok Jesus ma tu ibana: Humatop ma ulahon siulaonmu!

K: Asa dung dijalo si Judas na santopik i, pintor laho do Ibana tu balian, alai borngin ma uju i.”

U:  Jadi di na mangan i nasida, dihindat Jesus ma roti, dipasupasu ma, diponggoli ma jala diparlehon ma tu angka siseanna. Huhut ma didok: “Jalo hamu, pangan ma, dagingKu do on”, na nilehon humophop hamu. Ula hamu ma i bahen parningotanmuna di Ahu. Dung sun nasida mangan, dihindat ma panginuman, didok ma mauliate, dilehon ma tu nasida. Huhut ma didok: Ia panginuman on, padan na imbaru do i marhitehite mudarHu, na durus humophop hamu. Sude hamu manginum sian i. Alai hudok ma tu hamu: na so tupa be inumonKu olat ni on sian parbue ni hau anggur i sahat ro di ari sogot: Disi ma inumonKu na imbaru rap dohot hamu di harajaon ni Damang.

5.        Marende No. 152 : 1            “Jesus Na Mamorsan”

V Jesus na mamorsan dosa ni portibi on pangolu hami. Jesus na mamorsan dosa ni portibi on pangolu hami. Jesus na mamorsan dosa ni portibi on, sai pasonang hami. Amen, Amen, Amen

6.        Barita Paonomhon: Jesus di Getsemane

U:  Jadi dung diendehon nasida endeende pujipujian i, ruar ma nasida tu dolok Jetun. Disi ma didok Jesus tu nasida: saluhut do hamu naeng targasip mida Ahu di na saborngin on. Ai na tarsurat do: Lombutanku ma Parmahan i, gabe marserak ma birubiru na sapunguan i.

K: Alai ninna si Petrus ma mangalusi Ibana: Agia sude nasida targasip mida Ho, anggo ahu, na so tupa targasip.

U:  Alai ninna Jesus ma mandok Ibana: “O Simon, Simon nunga dipangido sibolis naeng segeonna hamu songon dahanon. Alai Ahu do manangiangkon ho, unang mintop haporseaonmi. Jadi dung mulak sogot roham, pargogoi ma roha ni angka hahaanggim!”

K: Alai ninna si Petrus ma mandok ibana: “Tuhan, na hobas do ahu mandongani Ho tu hurungan, nang tu hamatean pe!”

U:  Alai ninna Jesus ma: “Hudok ma tu ho, Petrus: Ndang martahuak manuk saborngin on; so jolo tolu hali soadahononmu na so tinandam Ahu. Dung i sahat ma Jesus rap dohot nasida tu porlak sada margoar Getsemane. Jadi didok ma tu angka sisean i: “Hundul ma hamu jolo dison saleleng disan Ahu martangiang.”

K: Dungi ditogihon ma si Petrus dohot anak ni si Sebedeus na dua i gabe marsak situtu ma Ibana jala bobonosan.

U:  Jadi didok ma tu nasida: “Mansai marsak situtu do rohangku, hira na mate do. Dison ma hamu dungo rap dohot Ahu.”

K: Dungi laho ma Ibana saotik tu jolo, dipatungkap ma bohiNa tu tano martangiang, ninna ma:

U:  Ale Amang, namun na tarbahen salpuhon ma siinumon on sian Ahu! Alai tahe, unang marguru tu rohangKu, rohaM do!

K: Dungi mulak ma Ibana tu angka siseanNa jala tarpodom do nasida didapot, jadi didok ma tu si Petrus:

U:  “Ndang margogo hamu hape dungo rap dohot Ahu nanggo sangombas? Dungo ma hamu jala martangiang asa unang hamu bongot tu pangunjunan, ai na girgir do nian tondi i, alai gale do ia daging.

K: ”Dungi laho ma Ibana paduahalihon martangiang ninna ma:

U:  “Ale Amang, molo na so tarbahen salpu on, nda ingkon huinum, sai saut ma lomo ni rohaM!”Dung i ro i Ibana, tarpodom nasida didapot, ai mansai dokdok salibonasida.

K: Jadi ditadingkon ma laho martangiang patoluhalihon mandok hata ondeng. Dung i didapothon ma muse angka siseanNa jadi didok ma tu nasida:”

U:  Datdatanmuna dope modom dohot maradian? Nunga dapot tingkina nuaeng, sahat ma Anak ni jolma i tu tangan ni pardosa. Hehe ma hamu, laho ma hita! Ndi! Nunga ro na pasahathon Ahu!”

7.         Marende, No. 249: 1            “Ngot Ma Ho, O Tondingki”

V Ngot ma ho, o tondingki dungo martangiang. Asa unang musu i, tole so tinagam. Bisuk ni setan i, do manait tu dosa lan na bonar roha.

8.        Barita Papituhon: Haroro Ni Angka Soldadu

U:  Alai diboto si Judas siparjehe i do inganan i, ai jotjot do marpungu Jesus tusi dohot angka siseanNa. Ia si Judas diarahon ma angka soldadu dohot            angka naposo ni sintua ni malim, didapothon ma tusi mantat sulusulu, palito dohot sinjata. Diboto Jesus do saluhut na naeng songgop tu Ibana, jala ruar ma Ibana, didok ma tu nasida: “Ise do na jinalahanmuna i?” Gabe ninna nasida ma mangalusi Ibana.

K:  Gabe ninna nasida ma mangalusi Ibana: “Jesus halak Nasaret i do!”

U:  Dung i ninna Jesus ma mangalusi nasida: “Ahu do i!” Alai dohot do si Judas si parjehe i jongjong di lambungnasida. Asa dung didok tu nasida: “Ahu do i”, sumurut ma nasida, angka martinggangan ma tu tano. Dung i diulahi ma manungkun nasida: “Ise do na niluluanmuna?” Jadi didok nasida ma:

K: “Jesus, halak Nasaret i do!”

U:  Dung i didok Jesus ma: “Ahu do i! Asa molo Ahu dilului hamu, loas ma laho angka on! Ai naeng do jumpang na nidokna i: Ndang adong na mago hubahen agia sada sian angka na nilehonMi tu Ahu.” Alai nunga dipabotohon parjehe i hian partinandaan tu nasida, ai didok do, “ia i na huumma, Ibana ma i, i ma tangkup hamu!” Asa pintor didapothon ma Jesus, didok ma:

K: “Tabi di Ho, Guru!” Laos diumma.

U:  Alai ninna Jesus ma mandok Ibana: “Marhua ho tuson anggia? O Judas, pangummaon do hape dibahen ho, pasahathon Anak ni jolma i? “Dungi ro ma nasida, dilaluhon ma tangan nasida tu Jesus manangkup Ibana. Dung i, adong ma sada sian nasida angka dongan ni Jesus mangalaluhon tanganna, disintak ma podangna, ditampulhon ma tu naposo ni sintua ni malim sahalak, dipisikhon ma pinggolna.

K: Jadi didok Jesus ma tu ibana: “Pasarung podangmi, ai na manintak podang, mago ma bahenon ni podang!

U:Ai na so tarbahen Ahu do di roham mangido sian Damang asa dipadiri di Ahu saonari lobi sian sampuludua loksa surusuruan?

K: Alai songon dia ma disi saut hata ni surat i na mandok “Ingkon masa do songon i?

U:  Uju i ma didok Jesus tu angka na torop i:Hira na dompak panamun do hamu hehe, marpodang jala marlombutlombut manangkup Ahu. Ariari do Ahu nian hundul mangajari di bagas joro, so adong ditangkup hamu Ahu.

K: Alai na masa do sudena on, asa jumpang hata ni angka panurirang i. Dung i ditadingkon saluhut sisean i ma Ibana laho maporus.

9.   Marende BE. No. 83: 4         “ Na Lao Do birubiru”

V Saleleng na mangolu au, naeng ingotonku Jesus.  Sude na binaenMi di au, hataM naeng hupatulus. Ho naeng haholonganku do, huhut ihuthononku Ho di dalan hangoluan. Tung ingkon Ho, nampuna ahu,  mangolu manang mate au. Sai Ho do tioponku

10.     Barita Paualuhon : Jesus di Jolo ni  Sintua ni Malim

U: Jadi bongot ma ibana rap dohot Jesus tu alaman ni malim i. Alai disungkun sintua ni malim i ma Jesus taringot tu angka siseanNa dohot taringot tu podaNa i. Jadi dialusi Jesus ma ibana ninna ma: “Patar do hatangki dihatoropan. Na tongtong do Ahu mangajari na sailaon dibagasan parguruan nang dibagas joro pe, parpunguan ni saluhut halak Jahudi. Ndang adong manang aha huhatahon marsibuni. Boasa Ahu disungkun ho? Nasida naung umbege hatangki, i ma sungkun! Ai diboto nasida do na huhatahon i.” Dung didok Jesus songon i, Dipastap sada oppas na jongjong disi ma Ibana, huhut ma didok:

K: “Songon i pangalusiM tu sintua ni malim i?

Ba: Dung i ninna Jesus ma mangalusi ibana: “Ia na hurang na hudok, hajongjonghon na hurang; alai anggo na hona do, boasa pastaponmu Ahu? Asa disuru si Hannas ma Ibana naung tinali i tu sintua ni malim si Kayapas, disi do marpungu siboto surat dohot sintua ni natorop.

U:                  Alai anggo angka sintua ni malim ro di sandok rapot godang mangalului panindangion gapgap dompak Jesus, na tuk mambahen Ibana marutang hosa. Alai nang pe hehe torop sitindangi gapgap ndang adong jumpangsa na tau mambahen Ibana uhumon. Alai parpudi ro ma dua halak ninna do:

K:                 “Didok halak on: Tarbahen Ahu do mangalohai joro ni Debata jala pajongjonghoni sumuang di bagasan tolu ari. ”Dung i hehe ma sintua ni malim i, mandok tu Ibana:

Pr:                “Ndang alusanMu na hinatindangkonnasida dompak Ho?”

K: Alai sai hohom do anggo Jesus.

U:  Dung i dipangkulingi sintua ni malim i ma Ibana: ”Hupatolon ma Ho tu Debata Siparngolu i, asa dipaboa Ho tu hami manang na tutu Ho, Kristus, Anak ni Debata!”Dung i didok Jesus ma tu ibana: “Songon nidokmi ma tutu! Alai hudok ma tu hamu: “Olat ni on ma idaonmuna Anak ni jolma i, hundul di siamun ni hagogoon jala ro di atas ombun ni langit.”Gabe diribakhon sintua ni malim ma paheanna mandok:

Ba:”Na mangaleai Debata do Ibana! Pola luluan dope sitindangi? Nunga dibege hamu pangaleaina i! Beha do dirohamu?”

K: “Ingkon marutang hosa ma Ibana!”

U:  Jadi ditijuri nasida ma bohiNa, na deba manompuk, na deba mangalinsingi huhut mandok: “Surirangi hami, Kristus, ise do na mamunu Ho?” Alai sai mangihut do si Petrus mandaodao sahat tu alaman ni sintua ni malim i. Laos bongot ma ibana tu bagasan, laho hundul tusi rap dohot angka naposo marnida ujungna. jadi didapothon sada parompuan ma ibana mandok:

Pr: Dohot do ho dongan ni Jesus, na sian Galilea i!

U:  Jadi disoadahon ma di jolonasida saluhutna, ninna ma:

Ba:Ndang huboto na nidokmi!

U: Dung i di na naeng haruar ibana, diida parompuan na asing ma ibana, didok ma tu angka na disini:

Pr: On do sada dongan ni Jesus na sian Nasaret!

U:  Jadi diulahi ma mansoadahon, pola manolon:

Ba:Tung na so hutanda do Halak i!: Ndang hutanda Ibana, inang!

U: Alai dung satongkin nari, didapothon angka na jongjong disi ma si Petrus mandok: Sintong tahe, dohot do ho sada sian nasida, ai pangkulingmi do patandahon ho! Dung i dipambuburahon ma dirina huhut manolonnolon:

Pr:                 Tung na so hutanda do Halak i, ndang na tutu i, amang!

U:  Jadi pintor martahuak ma manuk. Jadi diingot si Petrus ma na hinatahon ni Jesus tu ibana: Tolu hali soadahononmu Ahu, tagan so martahuak dope manuk. Dung i laho ma si Petrus tu balian tumatangis situtu.

11.      Tangiang Pangondianon

12.     Marende No. 81: 2                               “Jesus mual ni ngolungku”  

V Haleaon, insakinsak, reherehe tijur pe. Tali dohot pastappastap tung ditaonhon Ho sude. Paluahon au na pogos, sian tangan ni sibolis Alani hupuji Ho, tung marribu hali do.

13.     Jamita : Heber 12:1-3

12:1 Dibahen i nang hita pe, ala na sai torop ni sitindangi humaliang hita, tapeakkon ma nasa na pasorathon ro di dosa na girgir mangkaliangi, jala marbenget ni roha ma hita marlojong tu bagasan paraloan, na sonson di jolonta!

12:2 Tabereng ma induk ni haporseaon i jala na paujungkonsa, i ma Jesus, na manaonhon parsilangon i, singkat ni las ni roha, tohapna i hian, so dietong i hailaon, gabe hundul di siamun ni habangsa ni Debata!

12:3 Paingotingot hamu ma Ibana, na pataontaonhon paraloan sisongon i dompak Ibana sian angka sipardosa asa unang marnaloja hamu, unang mandate tondimuna!

Ia turpuk on laho mangondolhon lapatan ni haporseaon tu Jesus Kristus, boha do halak na porsea di Kristus Jesus i mangadopi angka na masa (penderitaan) di tongatonga ni Huria i ? Tadingkonon nasida do huria i jala mulak tu ugamona hian manang tongtong manahan aha pe na masa ?  Nunga dipaingot Jesus hian angka siseanNa taringot tu angka na naeng masa jala na ingkon adopan nasida. Adopan nasida do penderitaan, bahkan mungkin sahat ro di na mate. Jala pangaleleion i ndada holan sian angka halak na leban alai dohot do nang sian parugamo Jahudi na mandok dirina porsea tu Debata Jahowa. Paduruonna do nasida sian punguan ni halak Jahudi, jala ganup halak na mamunu nasida manghilalahon ulaon na sintong do niulana disi, na mangoloi patik ni Debata do nasida didok rohana (ptds. Mat.24: 9; Joh.16: 2)

Marhite pandohan “dibahen i....” tarida do pardomuan ni turpuk on tubindu na di jolo. Disosoi do huria i asa mamparateatehon angka naung masa. Nunga torop angka sitindangi, i ma angka na porsea tu Debata. Angka pergumulan dohot haporseaon nasida naeng ma dohot mangalehon inspirasi tu ngolu ni huria i di tingki nuaeng. Molo angka na porsea di Padan na Robi i mampu mempertahanhon haporseaonna, boha do ia huria nuaeng ? Halak Kristen diibarathon songon halak na mandohoti sada pertandingan di gelanggang. Asa monang, tontu do ingkon adong persiapan na denggan. Jala ganup halak na bertanding ingkon mampu memusatkan perhatian  manang konsentrasina tu tujuan na naeng dicapai. Sude boban na mambahen ibana ketinggalan ingkon ditanggali. Ala ni i, di ayat parjolo diondolhon do dua hal: tapeakhon ma na pasorathon dohot dosa; marbenget ni roha ma marlojong. Lapatanna, dosa do (pangalaho na robi ) na mambahen boban tu jolma i, gabe ndang tarbahen ibana mananda dirina naung tarjou mangihuthon Kristus. Hape ganup halak Kristen ingkon tangkas umboto: aha do gabe tujuan ni ngoluna di portibi on (Heb.4: 9). Alai andorang so sahat tu tujuan i, na ingkon marlojong do hita dibagasan habengeton (ptds. Heb.10: 32, 36; 12: 7).

Ndang pola ganggu halak Kristen marlojong, ai Kristus naung paujungkon saluhutna i do mangalehon gogo asa mampu hita sahat tujuan. Jesus Kristus nunga manaon laho manghophop jolma, huhut sekaligus mangalehon tiruan na denggan (ptds. 1 Ptr.2: 21). I do na umbahen na didok ayat 2: “Tabereng ma induk ni haporseaon i....”, lapatanna, nunga dilehon Jesus tu angka siseanNa aha na ingkon bahenonnasida tu na asing. Ndang adong na boi mangurupi halak Kristen di parlojongonna i, asing sian Tuhan Jesus Kristus. Jesus sandiri nunga manghamonanghon paraloan na dokdok i, jala dipaujung do i marhite hamonangan (ptds. Heb.2: 10). Jesus Kristus sandiri do na secara sempurna mangulahon dohot mangoloi na nidok ni Debata Ama i. Ala ni i, Ibana do Tuhan ni saluhut jolma, termasuk dohot angka na porsea na ginoaranNa di Padan na Robi (ptds. Heb.11: 40). Ibana do naung hundul di siamun ni Ama i. Pandohan “tabereng ma” mengandung pangantusion; menyerahkan diri, ala tangkas manghirim holan sian Ibana do dapot pangurupion.

Marhite turpuk on disosoi do huria nuaeng manang hita, asa mampu mamereng angka na masa ditongatonga  ni portibi on lumobi dohot di na humaliang hita songon sada dalan panogunoguon ni Debata laho mendewasakan haporseaonta. Jala marhite angka na masa na taida manang tabolus, gabe tabuat keputusan tongtong mamereng dompak Jesus. Lam tamba ma kesadaran di hita, ala ni i, pergumulan ni portibion ndang tarhamonanghon hita sian dirinta sandiri. Lai, Jesus Kristus naung manghamonanghon hita i do na gabe Induk ni Haporseaonta, jala na tahaporseai mampu mangurupi.

Songon na marlojong di portibi on ingkon tulus do tujuan ni, jala sada do tujuan; i ma haluaon na saleleng ni lelengna. Sude na tadapot, tabolus, taalami, na tonggi dohot na paet, gabe paingothon hita tu tujuan i. Ndang portibi on na gabe tujuan ni ngolunta jala ndang dison hita maringan saleleng ni lelengna. Ala ni i, hot ma hita marhaporseaon tu Ibana manang aha pe na masa! Amen.

 Pandita HKBP Ressort Tigalingga

Pdt Budianto Sianturi

14.     Marende BE No. 84: 1 ”Aut Na Ginorga Tu Rohangku”  (Pelean)

V Aut na ginorga tu rohangku, bohiM di na lao mate Ho

Aut na huingot o Tuhanku, tongtong pangkophopMi di au

Ai Ho do paluahon ahu, dosangku do pinorsanMi

Didaoni Ho parsahitonku, martua au binahen ni i.

15.   Panutup: Tangiang & Pasupasu. (Amen, Amen, Amen)

PARTORDING NI ACARA

 PARTANGIANGAN PASSION  

PAIHUTIHUT SITAONON NI TUHAN JESUS KRISTUS

HKBP RESSORT TIGALINGGA

PASSION III

Rabu, 08 April 2020

 

Joujou Tu Parsaoran :

U:   Huria ni Tuhanta! Dibagasan serep dohot unduk ni roha tu Debata, tahalashon ma parsaoranta di tongatonga ni bagas ta be. Parpunguanta sadari on ma Passion III. Haleaon, insakinsak, reherehe, tijur, tali dohot pastap-pastap, ditaon Ibana. Alai ndada holan i, ingkon sahat do Ibana tu hau pinorsilang, asa sae sude utang ni dosanta.

K:     Hita do tama manaon i. Ai ala ni pangalaosionku do Ibana tartullang, jala ala ni hajahatongku do Ibana mabugang.

U:   Antong, pabulus ma rohata mangendehon, Jesus mual ni ngolungku sipangolu tondingki. Marende ma hita:

1.         Marende No. 81: 2                               “Jesus mual ni ngolungku”  

V Jesus mual ni ngolungku, sipangolu tondingki. Ai dibunu Ho musungku, i ma hamatean i. Ho manaoni hamagoan, patupahon hangoluan. Alani hupuji Ho, tung marribu hali do

V Haleaon, insakinsak, reherehe tijur pe. Tali dohot pastappastap tung ditaonhon Ho sude. Paluahon au na pogos, sian tangan ni sibolis Alani hupuji Ho, tung marribu hali do.

2.        Barita Pasiahon : Jesus di Jolo ni si Latus ( Ba : Baoa; Pr: Parompuan )

U:                  Asa ditogihon nasida ma Jesus tu jolo ni si Kayapas tu kantor. Alai sogot ma i manogot i. Ndang na bongot anggo nasida tu kantor asa unang tarsubang nasida laho manganhon Paska i. Gabe ruar ma si Latus mandapothon nasida, didok ma: Pangaluan dia do diboan hamu dompak halak on?

K:                 Dungi ninna nasida ma mangalusi: Aut unang sibahen na jahat halak on, ndang tagamon pasahatonnami Ibana tu ho.

U:                  Gabe didok si Latus ma mandok nasida: Boan hamu ma Ibana, uhum hamu ma Ibana marguru tu adatmuna.

K:                 Alai ninna angka Jahudi ma mandok ibana: Ndang jadi pusaonnami manang ise. Jadi dialuhon nasida ma Ibana, ninna ma:

Ba: Na dapot hami do on pabalikbalikhon bangsonami jala mangorai mangalehon guguan tu Kesar i, dipandok, Raja Kristus do Ibana.

U:                  Jadi dibongoti si Latus muse kantorna, dijou ma Jesus, didok ma tu Ibana: Atehe, Ho do Raja ni Jahudi? Ro ma alus ni Jesus: “Na sian roham do na nidokmi, manang na nidok ni halak do i tu ho taringot tu Ahu?”

Pr: Gabe dialusi si Latus ma mandok: Bangsomi dohot angka sintua ni malim i do pasahathon Ho tu ahu. Aha do na binahenmu?

U:  Jadi dialusi Jesus ma: Ndang sian portibi on harajaonKu, aut sian portibion harajaonKu, ndang tarbahen so mangalo angka naposongKu asa unang sahat Ahu tu tangan ni angka Jahudi. Alai ndang sisongoni harajaonKi.

K: Dungi ninna si Latus ma mandok Ibana: Asa Raja do Ho? Jadi ninna Jesus ma mangalusi:

U:                  Songon na nidokmi ma tutu, Raja do Ahu! Umbahen na tubu Ahu jala umbahen na ro Ahu tu portibi on, asa huhatindangkon hasintongan i. Ganup na sian hasintongan i, tangihonon ni i do soarangKu.Ninna si Latus ma mandok Ibana:

K:                 “Aha ma i hasintongan i?”

U:                  Jadi dung didok songoni, ruar ma ibana muse manopot angka Jahudi mandok tu nasida: “Ndang jumpang ahu manang dia salana.”

Ba:Dungi ditogu si Latus ma Jesus, didokkon ma linsinganna. Jadi didandani angka soldadu ma sungsang duri bahen tumpal, diampehon ma tu uluNa; Baju dapdap ma dialithon tu dagingNa. Dungi ro ma nasida tu joloNa mandok:

Pr : Tabi di Ho ale Raja ni Jahudi! Laos dipastapi ma Ibana.

U   : Dungi ruar ma muse si Latus, didok ma tu angka Jahudi: Ida hamu ma, hutogihon do Ibana tu jolomuna asa diboto hamu na so adong jumpang ahu salana. Laos ruar ma Jesus manjujung sungsang duri jala marbaju dapdap. Jadi didok si Latus ma tu nasida:Ida hamu ma jolma i! Asa dung diida sintua ni malim dohot angka naposo Ibana, dijouhon nasida ma:

K   : Parsilangkon, Parsilangkon ma Ibana:

U   : Boan hamu ma Ibana, parsilangkon hamu ma; ai ndang jumpang ahu salana. Gabe dialusi Jahudi ma ibana, ninna ma:

K   : Padao, padao ma i; Parsilangkon ma Ibana!

U   : Dungi didok si Latus ma tu nasida: Parsilangkononku ma Rajamuna? Jadi dialusi angka sintua ni malim ma:

K   : Ndang adong rajanami dungkon ni Kesar i. Marguru tu patiknami ingkon marutang hosa Ibana, ai dibahen do diriNa anak ni Debata.

U   : Umbege i si Latus, lam ganda ma biarna. Dungi diulahi muse tu kantorna, didok ma tu Jesus: Sian dia do Ho? Alai ndang dialusi Jesus ibana. Dungi didok si Latus ma tu Ibana: Ndang angkupanMu ahu manghatai? Ndang diboto Ho marhuaso ahu paluahon Ho jala marhuaso parsilangkon Ho? Jadi dialusi Jesus ma: Ndang adong huasom mangago Ahu, aut unang ni lehon i tu ho sian ginjang. Dibahen i gumodang do dosa ni na pasahathon Ahu tu ho. Jadi olat ni i ma dilului si Latus dalan paluahon Ibana. Alai manjujui ma angka Jahudi, ninna do:

K   : Molo dipalua ho on, ndang aleale ni Kesar ho! Ai na mangalo Kesar i do ganup na mambahen dirina gabe raja.

U   : Asa dung dibege si Latus hata i, ditogihon ma Jesus haruar, laos hundul Ibana di habangsa paruhuman i na diinganan na margoar: Pantar batu alai anggo di hata Heber: Gabbata. Ima na masa di ari parhobasan Paska, mareak hos ni ari. Asa dung diida si Latus, na so marguna hatana, lam ganda tahe gaorna, dibuat ma aek mamuri tanganna dijolo ni natorop i huhut mandok: Lias do ahu sian mudar ni on, hamu do na sari disi! Dungi ninna sude natorop i ma:

K   : Marsapata tu hami dohot ianakkonnami ma mudarNa i!

U   : Alai peam do dipalua panguhum i di pesta i sada halak na tarhurung, marguru tu na tinodo ni natorop.

K   : Alai adong ma tarhurung uju i sada halak parjahat na sumalin na margoar si Barrabas. Jadi di na pungu i nasida, didok si Latus ma tu nasida;

U   :   Ise do dipangido hamu paluaonku, si Barrabas manang na targoar Kristus? Alai sai disosoi angka sintua ni malim rap dohot sintua ni bangso i natorop, asa dipangido nasida, malua si Barrabas, alai pusaon do anggo Jesus. Dungi ninna panguhum i ma mandok nasida: Ise sian na dua i dipangido hamu paluaonku? Dungi didok nasida ma:

K  : “Si Barrabas!”

U   :   Dungi didok si Latus ma tu nasida: Antong aha ma bahenonku tu Jesus, na targoar Kristus? Gabe saluhut nasida mandok:

K  : Parsilangkon ma!, Parsilangkon ma!, Parsilangkon ma!

U   :   Alai ninna panguhum i ma: Ai aha ma na jahat dibahen? Jadi lam gogo ma dipajoujouhon:

K  : Parsilangkon ma!, Parsilangkon ma!, Parsilangkon ma!

U   :   Dungi saut ma dipalua si Barrabas. Alai anggo Jesus dilinsingi, dungi dipasahat ma asa diparsilangkon.  Jadi dung diida si Judas parjehe i, na naeng hona uhum nama Jesus, disolsoli ma rohana, dipaulak ma na tolupulu rupia tu angka sintua ni malim dohot tu sintua ni bangso i, ninna:

K   :   “Sala do ahu, hujehehon do hape na so marpipot!”

U   :   Alai didok nasida ma: “Ndang ro di hami! Ho do na sari disi!” Jadi ditimpalhon ma perak i tu bagasan joro i, laos sumurut sian i laho maningkot. Alai dibuat sintua ni malim ma hepeng i, ninna ma:

K  :  “Ndang jadi padomuon i tu arta ni joro, ai tuhor ni mudar do i!”

U   :   Jadi mardos ni roha nasida manuhorhonsa tu ladang ni pande hudon, bahen parbandaan ni halak dagang. Ala ni i umbahen margoar i ladang mudar ro di sadari on. 

3.     Marende, No. 171 :  1-2 “Tandai ma ahu”

V  Tandai ma ahu, sungkapi ma dohot rohangku. Uji ma au, pamanat huhut ma langkangku. Ala AnakMu ma i Debata.

V  Asi ma rohaM taringot tu pangalahongku. Olo tutu, jotjot do na lilu dalanku. Sesa dosangku sude, Debata.

4.      Tangiang Pangondianon:

5.      Marende, No. 412: 1             “Ndi dolok adu i”       

V Ndi di dolok adui silang ni Tuhan i, sap mudar, sap tijur do i. Jesus mate disi, asa malum dibaen sude angka gondok roha i. Dibaen i tung holong rohangki, mida silang di Golgata i. Hupasolhot diringku tusi, dompak surgo pardalananki.

6.       Jamita : Pangungkapon 5:12

                                Marsoara na gogo nasida mandok: Na tama do birubiru naung tarbunu i manjalo hagogoon dohot hamoraon dohot hapistaran dohota sahala dohot hamuliaon dohot hasangapon dohot puji-pujian!.

                Manjalo tohap pujipujian, hamuliaon, hasangapon, dohot hagogoon i do jinalo ni angka anak ni Debata, molo Manahan, satia, jala monang maralohon portibion. Jaminan ngolu ni angka naporsea di Tuhan, paboa natunduk jala dihamonanghon do haporseaonna maralohon angka namasa di tano on. Saluhutna i pasu-pasu sian Debata marhite panghophopion ni anakNa Tuhan Jesus naung mate tarsilang humonghop hita jolma pardosa.

                Hamonangan naung pinatupa ni Tuhan Jesus manaluhon hamatean marhite haheheonNa, i do haporseaon manang panghirimon ni si Johannes uju di Pulo Patmos, nang pe ingkon tarhurung ala ni kristus jala molo ingkon sahat tu namate alani barita ni Kristus anggo hamonangan na manongtong I nunga diparade Debata tu angka na hot porsea di Tuhan Debata jala jaloonna molo dung tingkina..

                Tumpal ni angka naporsea di portibion alani haporseaonna, nunga diparade Tuhan i, ima Banua Ginjang, jala di si ma hita mandapaot pujipujian, hamuliaon, hasangapon, dohot hagogoon. Jala ndang diportibion dapot hita, alai marsogot molo dung tingkina, tudos songan naung sahat tu anak i ima Tuhan Jesus naung mate jala na mulak mangolu jala na hehe tu banua ginjang paradehon inganan na dumenggan di hita, gabe hita pe dapotan pujipujian, hamuliaon, hasangapon dohot hagogoon, ima jambar ni ganup anak ni Debata na tutu porsea di Tuhan i. Ima napatut sijaloon ni angka nasatia di Tuhan Amen. 

Pandita HKBP Ressort Tigalingga

Pdt Budianto Sianturi

7.        Marende, No. 86: 1-            “Silang na badia i”      (Pelean)

V  Silang na badia i, Ho ma lombulombungki. Maralohon dosa i dohot pandelean i. Di sude sitaonon i, Ho ma lombulombungki.

V  Nasa na huula i, ndang tau hasonanganki. Nang ringkot pe rohangki, pola ro nang ilungki. Holan asi si rohaM, pangurupi o Tuhan.

V  Ro do au nuaeng tu Ho, sai palambas ma rohaM. Nunga pola mate Ho, ala asi ni rohaM. Jangkon au na dangol on, sai ulosi tondingkon.

8.     Panutup: Tangiang & Pasupasu. (Amen, Amen, Amen)

PARTORDING NI ACARA

PARNINGOTAN HAMAMATE NI TUHAN JESUS

HKBP RESSORT TIGALINGGA

                                                       Jumat , 10 April 2020

1.       Pangaradeon

U    : Huria na hinahalongon ni Tuhan Jesus Kristus.Marpungu hita nuaeng di Bagas Joro on laho patupahon parpunguan PARNINGOTAN HAMAMATE NI TUHAN JESUS tanda holong ni roha ni Debata na so halompoan tu hita jolma manisia pardosa.Taida ma induk ni haporseaonta na manaon haporsuhon dohot haleaon ala ni hita. Hita hian do na ingkon hona bura ni patik alai sude bura i nunga dituhuk Jesus, Anak ni Debata Parholong roha na so hatudosan i. Marende ma hita

2.     Marende BE.83: 2  “Na lao do birubiru i”

^2. Ianggo Birubirui, ima alealengku
Na paluahon tondingki Disuru Debatangku
Didok mandok AnakNa i Sai topot ma pardosa i
Naung sun tinoruanku Balga tutu do rimashi
AIai tarbaen do mombuni i Horhonon ni mudarMu

3.     Votum-Introitus-Tangiang.

U    : Marhitehite Goar ni Debata Ama, dohot goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on.

K     : Amen.

U    : Sintua ni malim sisongon i do tama di hita, na badia, na so jahat, na so marlindang, na so marbolat sian angka pardosa.

K     : Naung gabe tumimbo sian angka banua ginjang.

U    : Na so pola ganup ari songon angka sintua ni malim i mamboan jumolo pelean taringot tu angka dosana sandiri, dung i taringot tu dosa ni natorop i, asa sahali do i diulahon, di na mamelehon ibana. Haleluya.

S     : Haleluya. . Haleluya. . Haleluya.

U    : Martangiang ma hita:

           Ale Tuhan Jesus, na mate tarsilang do Ho humonghop hami halak pardosa ala ni holong ni rohaM na godang i di hami. Ajari ma hami paingotingot Ho, na targantung di hau na pinarsilangi humonghop hami,ai ho do haporusanami maradophon rimas ni Debata dohot panoruion ni Patik dohot panolsolion ni roha. Sai sesajala urasi ma dosa sian rohanami marhitehite TondiM na badia i, jala pargogoi ma hami maralohon angka pangango nang angka sahit namasa diportibion Pandemik Covid 19. dohot sangkapsangkap ni rohanami laho mangihuthon Ho, na mangolu jala na manggomgomi rap dohot Ama i dohot Tondi Parbadia ro di saleleng ni lelengna

K     : Amen.                                                                                 (Hundul)

4.     Marende BE. 619: 1+3 “Di Golgota”

^1.           Di Golgota husolsoli do sude dosangku na jorbut I
Ias au dibaen mudarNa I, puji Jesus i. Puji ma GoarNa puji mudarNa
paias rohangki puji Jesus i.

^3.        MudarNa do namamuri a Nunga ias songon hapas au
Unang ramun diramoti au, puji Jesus i.
Puji goarNa ……

5.     Patik

U    : Patik di hita di Parningotan Hamamate ni Tuhan Jesus Kristus, tarsurat di 1 Korintus 1:18  Songon on do hata ni Jahowa:

K   : Ai haotoon do hata na taringot tu silang i di roha ni angka na laho mago; alai hagogoon ni Debata do i di hita na dapotan haluaon

U    : I do sahatna. Rap mangido gogo ma hita sian Tuhan Debata laho mangulahon na hombar tu patikNa i.

K     : Ale Tuhan Debata sai pargogoi ma hami mangulahon na hombar tu patikMi. Amen.

6.     Marende BE. 82:1+2 “O Jesushu tu bugangmu” BL. 21

1.     Jesusku, tu bugangMu, ro marsomba rohangkon.
Sai tarpuji, sai tarpuji, na pamalum tondingkon.

7.      Manopoti dosa.

U:   Laho manolsoli dosanta taingot ma Jesus na tarsilang i. Marsipal jala gok haporsuhon Ibana manaon sude dosanta. Dileai, ditijuri, dipastapi jala dipartumpalhon sungsang duri tu simanjujungaNa. Laos Ibana muse mamorsan hau pinarsilang i sian bagas paruhuman i sahat tu Golgata. Lam leleng lam dokdok do silang i dituhuk Tuhan i, pola martinggangan Ibana mamorsan. Hansit do i jala porsuk. Alai umporsuk sian i dope diporsan dosanta. Ale Tuhan, ndang tartuhuk hami silangMi, ndang tarrampas hami linsinglinsing ni soldadu i, gale do hami Tuhan, holan ilunami nama na maraburan, Alani Tapaunduk ma rohanta tu adopan ni Debata laho manopoti dosanta na godang i. Martangiang ma hita: Ale Debatanami! Na marasirohajala na badia, Amanami marhitehite Tuhan Jesus Kristus. Manang piga hali hami ro tujoloM, huhilala hami ringkot do asi ni rohaM di saluhut hami halak pardosa. Ala ni ido umbaen na hupaserep hami dirinami sadari on dijoloM,jala huparhatopot hami, tung najotjot do hami manimbil sian angka dalanMu na badia songon birubiru na lilu. Ale Tuhan Debata, unang tung pabali hami sianjoloM ala ni dosanami i, ai ndang dihalomoon rohaM hamatean ni angka pardosa,alai hamubaon ni rohana do lomo ni rohaM asa mangolu. Asi ma rohaM di hami,sesa ma saluhut dosanami.

K     : MarendeBE.686:1 “Ramun do au”

1.       Ramun do audi joloMi, gok dosangki urasi au 

O, Jesus, birubiru i, dison do au patau ma au.

U    :Ale Tuhan Debata.Huokuhon hami do najotjot do huarsahi hami Ho marhitehite pingkiran dohot hata dohot pambaenannami na roa i.Ndang huhaholongi hami Ho sian nasa rohanami dohot nasa ateatenami dohot nasa tondinami dohot nasa gogonami;nang dongannami ndang doshon dirinami hubahen hami.Di bahen i tama do rimasanMu jala uhumanMu hami tu hamatean saleleng ni lelengna i. Na maporus do hami nuaeng tu adopanMu mangido tu Ho hasesaan ni dosanami.Buri ma hami marhitehite mudar ni AnakMu,Tuhan Jesus Kristus, na durus di Golgata.

K     : Marende BE.686:2 “Ramun do au”

2.       Na ro do au tujoloMi, gale do au urupi au
O, Jesus, ala mudarMi dison do aü patau ma au.

U    : Ale Tuhan Debata.Sai urupi ma hami paubahon rohanami maninggalhon sude dosa dohot hajahatonnami jala mian hami di ngolu na imbaru di bagasan Jesus Kristus.Lehon ma di hami roha dohot gogo mangulahon na hombar tu lomo ni rohaM di tongatonga ni portibi on.Tangihon ma hami ala ni asi ni rohaM,di bagasan AnakMu,Tuhan Jesus Kristus,Tuhanjala Sipalua hami. Amen.

K     : Marende BE.686:3 “Ramun do au”

3.       Ala denggan ni basaMi ro au tu Ho, 0 Jesuski,

Parbadiai ma rohangki, dison do au patau ma au.

U    : Tangihon hamu ma bagabaga ni Debata taringot tu hasesan ni dosanta:
Ise be mangaluhon angka na pinilit ni Debata? Debata do na mamintor. Ise do na mandabu uhum hamagoan? Kristus Jesus do naung mate; alai ndada holan i, naung mulak mangolu do,jala di siamun ni Debata do Ibana mangondihon hita. Hasangapon ma di Debata na di ginjang.

S     : Amen.                                                 (Hundul)

8.     Marende BE. 78 : 1+3 “O Ulu Na Sap Mudar”      BL. 158

1. O ulu na sap mudar Binaen ni bugangMi Na sian jangarjangar Sisungsang duri i
O ulu hatongamon Hian do tumpalMi Ditaon Ho haleaon Ho naeng sombaonki?

9. Epistel.

U    : Turpuk Epistel di Parningotan Hamamate ni Tuhän Jesus Kristus,tarsurat  Heber 10:19-29  ,tajaha ma marsoringsoring,

          Antong, ale angka dongan, adong do di hita hiras ni roha, laho bongot tu bagasan na badia i, di bagasan mudar ni Jesus;

K      : Ai dibungka do di hita dalan na imbaru jala na mangolu, sian rimberimbe i, i ma dagingna i;

U:      jala adong do di hita malim na bolon, sigomgom bagas ni Debata

K:      Dibahen i, tadapothon ma, marroha na sintong, di bagasan hagogok ni haporseaon, dung diurasi rohanta, unang be disolsoli panggora ni roha i hita, jala dung diburi dagingta dohot aek na ias!

U:      Momos ma tatiop pangkirimon na taparhatopot i, ai haposan do na marbagabagahonsa!

K:      Masiantoan ma hita, masipajujuan tu haholongon dohot tu angka ulaon na denggan!

U:      Unang tatadingkon parpunguanta hian, songon na hinasomalhon ni na deba; tung masipaingotan ma hita, jala lam i ma nian, ala lam jonok diida hamu ari i!

K:      Ai anggo tatuntun mardosa, dung jolo tajalo parbinotoan di hasintongan i, ndang adong be dapot pelean pasaehon dosa.

U:      Uhum na jorbut nama sipaimaon dohot api ni haririmas, siallang angka na mangalo.

K:      Sitompas patik ni si Musa ingkon mate do, anggo adong dua manang tolu sitindangi, so siat asi ni roha.

U:      Timbang hamu ma: Sadia dumokdok ma uhum mangonai tu jolma, na mandegedegei Anak ni Debata jala na mansoadahon mudar parpadanan, parhitean ni habadiaonna nian, jala na manoisi Tondi Parasiroha i!

      U       : Ima sahatna.Martua ma angka na tumangihon Hata ni Debata Jala naumpeopsa

      K      : Amen

9.     Marende BE. 79: 7   “Di na Ponjot rohangku” BE. 124

7. Sai naeng ma tiruonku, pambaenanMi di au tu sasude donganku,
Jesus urupi au Manghaholongi donganki, unang tung marpambuat nang marpangansi pe

Silang Di Golgata, Holong ni Debata tu Jolma Pardosa.

U:        Hamu angka dongan. Diparsilanghon, i ma uhum na diparade ni pamarenta Rom
tu angka parjahat na sumalin. I do umbahen na dipapillithon si Latus tu natorop i
Jesus do paluaonna manang si Barabas parjahat na sumalin i. Ninna roha ni si
Latus ndang mungkin pilliton ni natorop i si Barabas. Hape nunga holom roha
dohot parnidaan ni natorop, ndang boi be diida nasida na jongjong di jolo
nasida i Anak ni Debata Sipalua portibion on. Si Barabas parjahat na sumalin i do
dipillit natorop i, malua  pe taho parjahat i asalma diparsilanghon Tuhan Jesus
Parholong na so hatudosan i.Tutu ma, nunga be dituhuk Jesus silang i, na ingkon
hita hian manuhuk i, nunga be dipantikhon silang i di Golgata, nunga be di
labanghon simangido ni Jesus na sai mamasumasu i dohot simanjojakNa na so
marnaloja i mandalani angka huta mamaritahon Barita na Uli, barita haluaon i
Silang di Golgata hapapatar ni holong ni Debata tu jolma pardosa; silang na badia
do i di hita na porsea na naeng paluaonNa, haporseai ma i unang tung hailahon i

K : Marende 86: 1 “Silang na badia i”

- Silang na badia i Ho do lombulombungki  Maralohon dosa i dohot pandelean i
Di sude sitaonon i Ho ma lombulombungki

U    :Manetek mudar sian tangan dohot simanjojak ni Jesus naung dilabanghon tu hau
parsilang i,songon i nang sian simanjunjung ni Jesus parasiroha na so halompoan i. Mudar na badia na paluahon portibi on sian huaso ni dosa dohot hamatean, mudarna badia na mamuri hita sian dosa. Gantung Jesus i, ndang di janghon portibi on songon i nang banua ginjang. Songon tandiang na hapuluan Jesus i, ndang adong  na mandongani manaon na porsuk i ai sude nungga mandao. O Tuhan Jesus , Anak ni Debata. Hami jolma pardosa on nian na ingkon manaon na tinaonMi, alai ala ni holongMu dituhuk Ho sude na porsuk i, di taon Ho sude na hansit i. Silang ni Jesus i, silang na badia do i di hita ai hapapatar ni asi ni roha ni Debata do i tu hita jolma pardosa.

K : Marende BE.86:2 “Silang na badia i”
- Nasa na huula i ndang tau hasonanganki Nang ringkot pe rohangki pola ro nang ilungki  Holan asi ni rohaM pangurupi o, Tuhan

U    : Hata ni Debata di 1 Korint 1:18 mandok: “Ai haotoon do hata na taringot tu silang i di roha ni angka na laho mago; alai hagogoon ni Debata do i di hita na dapotan haluaon”.Silang ni Jesus di Golgata papatarhon holong ni Debata ta auhon ma i jala ta hangoluhon ai i do hadameon dohot haluaon na sumurung di hita. Unang tung halupahon panghonghopon ni Jesus i, suan ma i di rohanta gabe arta na manongtong.

R  : Marende BE. 86 : 3 “Silang Na Badia”
- Ro do au nuaeng tu ho, sai palambas ma rohaM.                   (Jongjong)
Nunga pola mate Ho, ala asi ni rohaM
Jangkon au na dangol on, sai ulosi tondingkon.

11. Manghatindanghon Haporseaon.

U    : Rap dohot donganta sahaporseaon di sandok portibi on, tahatindanghon ma Hata Haporseaonta i. Rap ma hita mandok:

S     : Ahu Porsea Di Debata Jahowa ....d.u.                   (hundul)

10. Tangiang Pangondiaon

11.   Marende BE.81:1 “Aha ma endehononku” BE. 185 (P. Pelean 1a & 1b)

1.     Jesus mual ni ngolungku, sipangolu tondingki
Ai dibunu Ho musungku, ima hamatean i.
Ho rnanaoni hamagoan, patupahon hangoluan
Alani hupuji Ho, tung marribu bali do.

2.    Haleaon, insakhinsak, reherehe, tijur pe
Tali dohot pastappastap, tung ditaonhon Ho sude
Paluahon au na pogos, sian tangan ni sibolis
Alani hupuji Ho, tung marribu hali do.

12.  Jamita: Mateus 27:45-56

                   PANGHOPHOPON NI JESUS NA PALUAHON

Molo disungkun tu hita saluhutna, piga do pandohan ni Tuhan Jesus uju di hau pinarsilang? Tontu sude do hita mangalusi pitu. Sian pandohan na pitu i, di turpuk on adong sada pandohan ni Jesus, “Ale Debatangku, Debatangku, boasa tung tadingkononMu Ahu (Eli, Eli, lama sabachtani?). Tarsurat holan di Mateus (ay. 46) dohot di Markus 15: 34, jala mangihuthon hasomalan didok ma on, pandohan ni Jesus napaopathon di hau pinarsilang. Pandohan on ma na ummaol antusan sian pitu pandohan i. Boasa? Ala sai hira na mandele Jesus marhite pandohan i, hape sasintongna ndang. Antong aha do lapatan na nidok ni Jesus i? Dipatuduhon pandohan i ma, tung mansai bernit do ditaon Tuhan Jesus, sahat do Ibana tu titik nol di na gantung Ibana di hau pinarsilang i. Dokdok situtu do parhiahapan ni Tuhan Jesus holan laho manghophop hamu dohot ahu. Ndang targombarhon Tuhan Jesus hancit jala parirna ala ni dipangke/dikutip Ibana ma hata sian natarsurat. Pandohan “Ale Debatangku, Debatangku, boasa tung tadingkononMu Ahu (Eli Eli lama sabachtani)?” dienet sian Psalmen 22:2, ima ende/tangiang ni sahalak na tigor roha na dipasiaksiak angka parjahat/musu. Tung mansai posi do sitaonon ni parPsalmeni alani dialualuhon ibana ma tu Debata;

“Ale Debatangku, Debatangku, boasa tung tadingkononMu Ahu, pandohan on ndada laho patuduhon holso manang pandelean, na tung mansai hancit do dihilala Tuhan Jesus, ndang adong ilmu kebal di Ibana, ndang gabe so dihilala Ibana hancit ni na dilinsingi, dilabang, digantunghon,. Alai nang pe songon i, ditaon, dituhuk Tuhan Jesus do saluhutna i di bagasan haunduhonNa tu parsuruon ni Ama i holan laho paluahon hita pardosa. Molo songon i hancitna diae Tuhan Jesus laho humongkop hita, laos so auhononta be panghophopanNa i? Datdatanta dope mardosa? Torushononta dope ngolu na mangoloi hagion ni daging? Unang be nian; nunga dilohothon Jesus saluhutna i di hau pinarsilang i. Nunga mate be dosa dohot hamatean i. Alani i, tajanghon, tahamauliatehon ma panghophopanNa i. Burjuna i Tuhan i humongkop hita pardosa on, hita pe tahaburjuhon ma manghaporseai Ibana Sipalua hita.

Alai, ndada holan Psalmen 22 na dikutip di Evangelium Mateus laho manggombarhon parniahapan ni Tuhan Jesus di hau pinarsilang, dohot do Psalmen 9: 22, ima di ayat 34; 48, “Disi ma dipainum nasida tu Ibana tuak anggur na marsaor pogu; jadi dung didai, ndang olo Ibana manginum... Dung i pintor marlojong ma sada sian nasida mangalap limut, dibutongi ma i tu na asom, dipalohot ma tu tolong painumhon Ibana”. Sungkunsungkun boasa pola ingkon dipangke panurat Evangelium Mateus Psalmen 22 dohot Psalmen 69 on di turpuk on taringot partinaonon ni Tuhan Jesus dihau pinarsilang? Ala duansa Psalmen on marisihon ende ni partigor na marsitaonon na mangido pangurupio tu Debata. Jadi marhite na dua Psalmen on diondolhon si Mateus ma, ia Tuhan Jesus marsitaonon alani hatigoran do, songon Parpsalmen i, ndada ala ni dosana, alani dialualuhon Jesus tu Debata. Sian on marsiajar hita marnida kesetiaan ni uhan Jesus tu Padan na Robi. Tontu lobi sian na nialaman ni Parpsalmen do ianggo na nialaman ni Tuhan Jesus. Saluhut na masa tu Tuhan Jesus di hau pinarsilang i ma dalan ni Debata patulushon sangkap haluaon naung pinaradNa sian na robi. Tuhan Jesus ma puncak penggenapan ni sude bagabaga di Padan na Robi, on ma na naeng diondolhon panurat ni Evangelium Mateus on pola dikutip Psalmen 22 dohot Psalmen 69. Alani, molo tung pe digombarhon hinahancit ni partinaonon ni Tuhan Jesus di hau pinarsilang, ndada holan asa taboto na hancit diae Tuhanta, alai lobi sian i tahe. Na umbagas sian i ima asa taboto jala tahaporseai ia hamamate ni Tuhan Jesus laho patulushon bagabaga haluaon ni Debata di Padan na Robi. Dung marsoara na gogo di ayat 46, diualngkon Tuhan Jesus ma muse marsoara na gogo di ayat 50, dung i maribak ma hirehire ni Bagas Joro na marlapatan nunga ungkap be dalan tu Debata. Ndang adong be na mangambati, ndang pola be ingkon marhite Sintua ni Malim songon di Padan na Robi, alai songon na tarsurat di Epistelta di Heber 10: 19-29, Tuhan Jesus nama Sintua ni Malim di hita laho mandapothon habadiaon ni Debata.

Dung masa angka ondeng ima mangholom sude hape hos ni ari do (ay. 45) tarlumobi dung humuntal tano dohot marigat angka batu mamak (ay. 51), gabe mabiar ma induk ni soldadu dohot angka donganna. Diantusi nasida ma na so jolma biasa do hape Tuhan Jesus. Didok nasida ma, “Tutu do on Anak ni Debata”. Ndang halak Jahudi nian nasida, halak Rom do, ima na so mananda Padan na Robi, na so dohot paimaimahon Mesias Sipalua i. Dung diida nasida na masa i gabe diantusi nasida ma jala tangkas ma dihatindanghon nasida ma Anak ni Debata do Tuhan Jesus naung diparsipal nasida i. Molo apala halak Rom, na so mananda Padan na Robi, na so paimaimahon Mesias, boi mangantusi jala manghatindanghon na tutu do Jesus Anak ni Debata, nda tarlumobi hita ma nian? Hita angka naung porsea di Tuhan Jesus, naung dipalua sian parhatobanon ni dosa, naeng ma tahantindanghon na Anak ni Debata do Tuhan Jesus. Songon dia carana? Tontu tarida ma sian parngoluanta siganup ari na so sarombang dohot portibi on. alani i, tahalashon ma Parningotan Ari Hamamate ni Tuhan Jesus sadari on ala nunga tangkas tahaporseai na so margogo be dosa dohot sibolis di ngolunta. Tahatindanghon ma marhite hata nang pambahenanta na Anak ni Debata do Tuhanta Jesus i, na paluahon hita sian dosa dohot sian angka namasa di Portibion. Amen

Pandita HKBP Ressort Tigalingga

Pdt Budianto Sianturi

13.  Marende BE. 88:1 BL. 106 “Di surgo do alealenta “(papungu pelean II)

1.    Jesusku naung manobus ahu sai naeng haholonganku Ho
Tu dolok Golgata Ho laho nionjar ni holongMu do
Hupuji nasa asiMi alai gumodang holongMi

2.    Tarsolsolbagi do rohangku paidaida dangolMi
Marningot sasude dosangku ai i do na tinaonMi
Hupuji nasa asiMi alai gumodang holongMi

14. Pangauhonon Di Panghophop ni Tuhan Jesus                    (jongjong)

U    :  Nunga tabege Barita na Uli na maniaritahon ia Hamamate ni Jesus di hau na pinarsilang i holan ala ni dosanta do,dosa ni sandok portibi on.Antong,tauhon ma panghophoponNa i di bagasan rohanta be asa unang be hita madabu tu bagasan dosa alai hot ma hita jongjong so mubauba. di OJAHAN NA SINTONG i ma BARITA NAULI nang pe ingkon adopanta ragam ni angka parungkilon di tongatonga ni portibi on.

K     : Tabahen ma Hata ni Debata ojahan ni ngolunta ro di saleleng ni lelengna.

U    : Songon angka naung tinobus ni Tuhan Jesus Kristus tongtong ma hita mangolu di bagasan biar mida Dcbata.Tapelehon ma dagingta bahen pelean na mangolu na hinalomohon ni Debata marhitehite na manghaholongi dongan jolma.

K     : Marende BE.623:3 “Tarsilang ho”
3. Hulehon ma Tuhan tu Ho. Saluhut diringkon,
Lao mangoloi Ho Tuhanki,Saleleng ngolungki

15.  Tangiang Pelean – Agenda/ Ale Amanami - Pasupasu

Tatangianghon ma peleanta: Ale Tuhan Debata Amanami, haroroan ni saluhut pasupasu na mauliutus, godang do hujalo hami sian asi ni rohaM. Mauliate ma di Ho, hupasahat hami ma nuaeng peleannami tu Ho, sai jalo ma i gabe pelean na hushus di di joloM. Pasupasu ma na niula ni tangannami jala ajari ma hami manghamuliatehon saluhutna i marhite parange nang pambahenannami. Ungkap rohanami asa sai ringgas hami pasahat pelean tu Ho hombar tu asi ni rohaM naung hujalo hami, marhite Kristus Jesus Tuhan nami. AMEN

K   :  (Rap Mandok): Tangiang Ale Amanami.

PARTORDING NI ACARA

PARNINGOTAN HAHEHEON NI TUHAN JESUS (PASKAH  I )

HKBP RESSORT TIGALINGGA

                                                 MINGGU , 12 April 2020

1. Patujolo : Hamuna angka dongan na hinaholongan, Selamat Paskah ma di hita saluhutna na ro marpungu jala marlasniroha sadarion di Minggu Parningotan Ari Haheheon ni Tuhan Jesus.  Haporseai ma Kristus naung hehe i, ima joujou ni Minggu sadari on di hita, Ibana do Kristus Mesias ni Debata naung monang manaluhon hamatean dohot huaso ni sibolis. Nunga hehe Kristus i, hehe ma nang dohot hita laho Manaluhon angka sahit nang parungkilon, marsomba tu Tuhanta. Marende ma hita.

02. Marende BE. HKBP No. 632: 1 “Nunga hehe Kristus ”BL.632

Nunga hehe Kristus, marsihohot ma hamu Lam sumurung hita di ulaon ni Tuhanta Lam sumurung hita di ulaon ni Tuhanta

   Radot ma hita lao mangula tu Tuhanta, radot ma hita lao mangula tu Tuhanta

03. VOTUM – INTROITUS – TANGIANG:

U : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen.Unang ho mabiar, Ahu do bonana dohot ujungna. Na mangolu do, jala naung mate do Ahu najolo, jala ida ma, Ahu do na mangolu ro di saleleng ni lelengna, jala di Ahu do anakhinsu ni banua toru dohot hamatean. Haleluya

K : Mangendehon : HALELUYA.....HALELUYA....HALELUYA.

U : Martangiang ma hita.: Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateM ala disondangi Ho tanomannami, asa marpangkirimon na mangolu hami ala ni haheheonMi. Ndang pola mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan. Antong pargogoi ma hami mamuji dohot mangoloi Ho ariari, pasangaphon Ho dibagasan haporseaon na mangolu, paima sahat hami tu lambungMu. Amen.(hundul)

04.  Marende BE. HKBPNo. 92: 3      “Puji ma na manaluhon” BL.178

Ido las ni rohanami lao mamujimuji Ho

Ndang be sitoruan hami ala na dung mate Ho

Dunghon ni mangolu Ho, nunga ringan tondinami

Sian hangongoluMi ala hamonanganMi

05.  PATIK NI DEBATA:

U : Patik ni Debata di hita di Pesta Parningotan Haheheon ni Tuhan Jesus sadarion  tarsurat di Titus 2 : 12, Songononma didok : “Diajari do hita asa tasoadahon roha na so daulat ro di angka hisaphisap tano on, asa taparangehon hatomanon, hatigoran dohot hadaulaton, tagan di hasiangan on.  ( Rap mangido gogo ma hita tu Tuhan Debata)

         K : Ale Tuhan Debata, sai pargogoi ma hami mangulahon na hombar tu PatikMi. Amen.

06.Marende BE. HKBP No. 89 : 1 “Ate didia soropmi”         BL.  130

Ate didia soropmi nuaeng o hamatean

Didia hamonanganmi nuaeng banua toru

Natalu do hamu sude, na talu do sibolis pe

Ai ditaluhon Jesus

07.   PANGARIMANGON DI PARDALANAN NI NGOLU:

         U : Hamuna angka dongan na hinaholongan, Haporseai ma Kristus naung hehe i, ima joujou di hita  asa tung porsea hita jala marlasniroha ala haheheon ni Kristus i manaluhon huaso ni banua toru. Manaluhon angka parsahiton na masa Covid 19 . Mansai maol do tarjalo roha ni portibion haheheon sian hamatean i, hape siala haheheon ni Jesus i, sai hehe do nang hita muse sian hamateanta be jala malua hita sian dosa.

K : Pinuji ma Debata, naung mangalehon haluaonta sian dosa marhite panobusion ni Kristus Jesus Tuhan i. Naso tupa dapot hita haluaon i ala ni ulaon na denggan, manang gogonta sandiri, holan asiniroha ni Debata do i marhite mudar ni Kristus Jesus.

U : Dalan manjalo haluaon i ima haporseaon, holan marhite haporseaon do gabe dipintori hita jala malua sian dosanta. Haporsea i ma Kristus naung hehe i jala pauba roham.

K : Alai hamu angka haholongan, pauliuli hamu ma dirimuna di atas haporseaonmuna na badia situtu, jala martangiang dibagasan Tondi Parbadia.

U : Ramoti hamu ma dirimuna di bagasan holong ni roha ni Debata. Maimaima ma hamu di asi ni roha ni Tuhanta Jesus Kristus, asa sahat hamu tu hangoluan salelenglelengna. Di Debata nasasada i, napaluahon hita marhitehite Jesus Kristus Tuhanta i, di Ibana ma hasangapon, hamuliaon, hagogoon dohot parhuasoon sian mula ni mulana, nang nuaeng, nang ro di salelenglelengna. Amen

K : (Mangendehon ) BE.HKBP. No. 467 :1  “ Asi ni rohaM hupuji”  BL. 315

AsinirohaM hupuji ala Ho manobus au

      Dipaias Ho rohangku gabe soranganMu au

      IngananMu rohanami TondiMi manggohi i

      Pangke dohot ngolunami gabe ulaulaMi

U : Sai ditogutogu Tondi ni Debata ma hita, asa  tarbahen hita manongtong manhaporseai Kristus Jesus naung hehe i.  Amen.

08. Marende BE. HKBPNo. 94:  2 -    “Ale tondingku naung hehe”BL.  44

€      Talu sibolis dibahen Tuhanta, nang hamatean, nang dosa sudena

      Sai dihalashon rohanta ma i, pangoluonNa do hita sude

      PangoluonNa do hita sude

09.  TANGIANG MANOPOTI DOSA:

U : Tapaunduk be ma rohanta di adopan ni Tuhanta laho manopoti sude dosanta dohot angka hahuranganta, ala taparhatopot do, mansai jotjot do hita madabu tubagasan dosa, Patedek ma sude hahurangan, tatopoti ma sandok dosanta.  Ale Tuhan Debata, Amanami, Pargogo na so hatudosan, Parasiroha mida hami na dangol on! Na ro do hami tu joloM manopoti dosanami na godang i.

K : Di bagasan hajahaton do hami tubu jala ndang adong haporseaon di bagasan rohanami hian, saluhut do hami manimbil sian angka dalanMu.

U : Mansai godang do pangalaosionnami di PatikMu. Alai ingot ma hami, ale Tuhan, ala ni denggan ni basaM dohot asi ni rohaM. Ale Tuhan Palua ma hami

      K :  Sai unang paingotingot angka dosa ni haposoonnami dohot pangalaosionnami; sai ingot ma hami hombar tu asi ni rohaM dohot denggan ni basaM ala ni GoarMu. Ale Tuhan Jesus, marpamuati ma rohaM di dosanami na godang i! Amen.

K : MangendehonBE. No. 681 : 3     ” Ale Amang, asi rohaM”            BL. 681

€      Mauliate ma di Ho o Tuhan Debata, Sai jalo ma au on muse tu surgo banuaM

Asa sonang, asa sonang raphon Ho disiPujionghu ma goarMu salelengna i.

U : Ondo dibagabagahon Debata taringot tu hasesaan ni dosanta :Humophop hita, gabe dosa do Ibana na so tumanda dosa dibahen Debata, asa gabe hatigoran ni Debata hita, marhitehite Ibana. ( Hasangapon ma di Debata na di ginjang )

K : Amen                                                                                                            ( hundul )

10.   Marende  BE. HKBPNo. 90: 3“ Sai tapuji Debatanta ”Bl. 175

Ia ho banua toru nunga harhar talimi

Ai dung hehe na gumogo loha do hurunganmi

                                Surgo i tarungkap do, dung ditaban Jesus ho

                                Gabe tu hangoluanNa diarahon do donganNa

11.  EPISTEL:

U :    Tajaha ma Hata ni Tuhanta na ditotophon gabe Epistel di Minggu Parningotan Haheheon ni Tuhan Jesus sadarion, tarsurat di Johannes 11:25-27.  Dung i ninna Jesus ma mandok ibana: Ahu do haheheon dohot hangoluan; na mangolu do na porsea di Ahu, nang pe mate ibana!

K:  Jala ganup na mangolu jala na porsea di Ahu, na so tupa mate ibana salelenglelengna! Porsea do ho disi?

U:    Ima sahatna. Martua ma na tumangihon Hata ni Debata jala na umpeopsa.

 K:    Amen

12.  Marende BE.HKBP No. 96:1+ 3 “ Nunga talu hamatean  ”BL. 101

Nunga talu hamatean dibaen Tuhan Jesus i

Ai na hehe do Ibana songon na nidokNa i

        Haleluya, haleluya nunga hehe Jesus i. Haleluya haleluya nunga hehe  Jesus i

-----Jongjong--------

13.  MANGHATINDANGHON HAPORSEAON:

        U:  Tahatindanghon ma haporseaonta i songon na hinatindanghon ni donganta  sahaporseaon di sandok portibi on, rap ma hita mandok :

         K:  Ahu Porsea....  (hundul)

14.  MarendeBE No.  91 : 1- - -“Hatuaon do”(P.Ia + Ib)    BL.   55

Hatuaon do Las niroha do HangongotniTuhantai

Mago do hitaNgot ma Tuhanta Las be, las be ma rohantai.

Mago do hitaNgot ma Tuhanta Las be, las be ma rohantai.

Hatuaon do Las niroha do HangongotniTuhantai

Monang  do Jesus Talusibolis Las be, las be ma rohantai.

Monang  do Jesus Talusibolis Las be, las be ma rohantai.

-------Musik---------

15.  J A M I T A: Mateus 28:1-10

HUASO NI HAHEHEON NI JESUS

1.  Patujolo

Disurathon na opat evangelium i do nang marasing be dibaritahon traingot tu haheheon on. Molo di angka surat tu huria na parjolo i, gumodangan do pangantusion taringot tu lapatan ni haheheon (teologi) dipatorang. Asa tung na menentukan situtu do haheheon ni Tuhanta i, laho pahothon rohanta di hakristenonta i. Angka dia ma na boi palashon rohanta di Pesta haheheon ni Tuhan Jesus, ganup jumpa uju ro hita tu bagasjoroNa sadari on. Apostel Paulus tangkas do didok ibana: “Ai anggo so hehe Kristus sian angka na mate, rumar ma jamitanami. Laos rumar ma nang haporseaonmuna (1 Korint 15: 14). Ala tutu situtu do hehe Jesus sian na mate, na marlapatan ma i: tutu situtu do Jesus i, Debata na marhuaso di atas ni saluhut, gabe ndnag marisuang haporseaonta, pangkirimonta, dohot holong ni rohanta nang parugamaonta pe. Apostel Paulus sandiri, ganu manongos suratna  ibana tu ganup huria, sai marojahan tu haheheon ni Jesus i do jamitana manang sipaingotna. Laos songon i do sahat tu sadari on, lam rarat do Barita Nauli, nang pe godang na mangambati. Ndang boi mintop manang mansohot Barita Nauli i, ala mangolu do Jesus.

     2.       Hatorangan

    a)      Dibaritahon do paboa mansai sogot  di ari Minggu i borhat do si Maria Magdalena, dohot si Maria Magdalena, dohot si Maria ina ni si Jakobus, dohot si Salome tu tanoman ni Tuhan Jesus. Diboan nasida do ragamragam ni na hushus naung tinuhor nasida hian laho mamiahi bangke ni Tuhan Jesus. Berbeda sian si Mateus, ndang dipatorang si Markus naung masa lalo na gogo, jala na tuat surusuruan ni Tuhan sian banuaginjang laho manggulang batu ni kuburan ni Jesus i laos hundul di atas. Hape angka peristiwa i do na songon ‘event’ haheheon ni Jesus laho mamiahi bangkeNa.

     b)      Longang do angka parompuan i marnida batu naung magulang sian baba pintu ni tanoman i. Penekanan taringot batu na balga i boi do gabe sada alus tu tuduhan seolah-olah naung ro angka siseanNa bornginna i manangko bangke ni Jesus (Ida. Mateus 28: 13). Dung dibereng angka parompuan i naung digulang batu i, dibongoti nasida ma tanoman i. Diida nasida ma disi sahalak dolidoli parulos na marlinang hundul tuangkan siamun. “Mabiar” situtu ma nasida. Hata “mabiar” dipangke jotjot di Injil manggombarhon reaksi tu angka tanda halongangan na pinatupa ni Jesus. Ia sintuhu ni barita ni dolidoli parulos na marlinang i, ima: “Dilului hamu do Jesus na sian Nasaret, naung diparsilangkon. Nunga hehe Ibana! Ida hamu ma ianganan hapeahanNa on”!(ay.6). Laos disuru dolidoli ima angka parompuan i laho paboahon tu angka siseanNa dohot si Petrus na joloanan ni Jesus nama nasida tu Galilea, jala disi ma idaon nasida Ibana.

     3.       Sipahusorhusoron

                 Sada sitiruon do pangalaho ni si Maria Magdalena dohot angka parompuan i, lumobi tu hita angka na sai jotjot dirajai halosohon, na magira so tudia. Ndada ditunda si Maria mangalaputi mambahen na denggan atik pe sahalak parompuan na gale ibana, na so apala tama mardalan di partingkian na holo. Digombarhon do disi pangalaho: a)Mengutamakan Tuhan, b).Berani mengambil resiko, c). Merindukan (manghasiholi) Tuhan Jesus.

         Sude do halak na mangolu mangharingkothon “pusupusu” (jantung), ai ndnag tarbahen jolma i mangolu molo so marpusupusu. Tarpatudos hita do tusi nang barita haheheon i, ai haheheon ni Jesus i do jantung utama ni ajaran hakristenon. Ndang na mandok naso ringkot peristiwa na asing na tarsurat di Bibelta i, alai haheheon ni Jesus do pusat ni sude pamaritahonon taringot tu pasupasu haluaon na sian Debata. Haheheon ni Jesus patuduhon hamonanganNa maralohon hamatean i. Aut so hehe Jesus sian tanoman i ndang marlapatan Barita Nauli i. Tangkas do didok Apostel Paulus di 1 Korint 15:14 “Ai anggo so hehe Kristus sian angka namate, rumar ma jamitanami, laos rumar ma nang haporseaonmuna”.

       Naeng ma lam mangolu jala hehe partondionta mangadopi saluhut na masa dohot na naeng masa. Marhite haheheon ni Tuhan Jesus (Ibana do patujolo dohot haheheonta sogot), manogunogu hita angka na porsea asa unang holan marpingkir (berorientasi) holan tu ngolu parsatongkinan hita di portibi on. Alai mampu haruar sian roh-roh zaman na pasegahon parsaoranta dohot Debata. Isara ni materialisme, individualisme, konsumerisme, hedonisme,dna. Haheheon ni  Tuhan Jesus sian na mate mamboan kemerdekaan tu angka na porsea di haheheon i, kemedekaan sian perbudakan dosa dohot hamatean sisaleleng ni lelengna. Asa halak naung merdeka, ima halak na mampu berlomba tongtong berdiri teguh aha pe na masa alai sai las roha. Antong dohot do hita disuru mamaritahon hamonangan ni Tuhanta i tu halak na asing, asa lam torop halak na manghaporseai Jesus. Amen.                                          Pandita HKBP Ressort Tigalingga

                                                                 Pdt Budianto Sianturi

19.  MarendeBE.No. 633: 1 - - -“ Nunga hehe Kristus i”      ( P. II )   BL. 633

Nunga hehe Kristus i haleluya  sian hamatean i haleluya

                        parlangitan jouhon ma.Haleluya Tano on alusi ma haleluya.

Singkop panghophopNa i, Haleluya Gok hamonanganNa i, Haleluya

        Sondang haluaon i, Haleluya. Patiur dalanta i, Haleluya.

20.PANGUJUNGI:

U :    Hamuna angka dongan na hinaholongan ni Debata, Naeng dohot hita rap dohot angka sisean i mandok “Nunga huida hami Tuhan i” Martua ma angka na porsea atik pe so di ida.

K:     Dame ma di hamu, nina Jesus tu angka sisean i. Ai naung dipadame Ibana do hita tutu dohot Debata Ama i,  songon i ma naeng mardame hita, marhite haheheon ni Jesus i.

U :    Mauliate ma di Kristus Jesus naung ro tu portibion songon tanda Asiniroha ni Debata tu hita jolma na tinompaNa, alani i ndang be mabiar ahu, borhat ma ahu mamaritahon asi ni rohaNa i.

K :    Antong, hibul ma rohangku manghaporsea i Jesus i, ai nunga huida hami Tuhan i, naung ditobus do ahu, gabe malua ahu sian dosaku.  

U:  Tatangianghon ma peleanta: Ale Tuhan Debata Amanami, haroroan ni saluhut pasupasu na mauliutus, godang do hujalo hami sian asi ni rohaM. Mauliate ma di Ho, hupasahat hami ma nuaeng peleannami tu Ho, sai jalo ma i gabe pelean na hushus di di joloM. Pasupasu ma na niula ni tangannami jala ajari ma hami manghamuliatehon saluhutna i marhite parange nang pambahenannami. Ungkap rohanami asa sai ringgas hami pasahat pelean tu Ho hombar tu asi ni rohaM naung hujalo hami, marhite Kristus Jesus Tuhan nami. AMEN

K   :  (Rap Mandok): Tangiang Ale Amanami.

PARTORDING NI ACARA

PARNINGOTAN HAHEHEON NI TUHAN JESUS ( PASKAH II )

HKBP RESSORT TIGALINGGA

                                                       SENIN , 13 April 2020

1.  JOUJOU PARSOMBAON TU DEBATA:

U      :  Huria ni Tuhanta, na marpungu do hita ari sadari  on marningot dohot manghalashon denggan basa ni Jahowa naung pinasatna tu hita saluhutna. Hamonangan ni Jesus sian hamatean gabe hamonangan nang di hita, i ma na tapestahon di ari Paskah paduahon on.

K      : Hupuji hami ma Ho Tuhan marhite parmingguonnami sadari on, sai jangkon ma hami di adopanmu asa marolopolop daging nang tondinami.                                    (Martangiang na hohom)

U      : Tapangiar ma soaranta mamuji Debata ala nunga ditaluhon AnakNa Tuhan Jesus Kristus banua toru, marhite na marende sian BE. No. 90 : 1-.

2. Marende BE No. 90:1  ”Sai Tapuji Debatanta”               BL 175

^♫♪♫ Sai tapuji Debatanta, ale hajolmaon i, ai naung hehe do Tuhanta, sian  hamatean i. Dipasidung Jesus i, UlaonNa sasude, patupahon haluaon di saluhut hajolmaon.         (Jongjong)

3. VOTUM – INTROITUS – TANGIANG:

  U    :Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on.

K   :                  Amen.

      U   :  Jala di Ahu Unang ho mabiar, Ahu do bonana dohot ujungna.

K   :  Na mangolu do, jala naung mate do Ahu najolo, jala i da ma, Ahu do na mangolu ro di saleleng ni lelengna.

     U    :  Jala di Ahu do anakhinsu ni banua toru dohot hamatean. HALELUYA!

K   :  (Mangendehon): Haleluya, Haleluya, Haleluya.

   U   :                  Martangiang ma hita: Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateMi, ala disondangi Ho tanomannami, asa marpangkirimon na mangolu hami ala ni haheheonMi. Ndang pola be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan. Antong pargogoi ma hami mamuji dohot mangoloi Ho ariari, pasangaphon Ho dibagasan haporseaon na mangolu, paima sahat hami tu lambungMu. Amen.        (~~hundul~~~)

4.  Marende BE No. 93: 3   “Pesta Paska Hatuaon”                    BL. 91

         ^♫♪♫ Tuhan Jesus do na monang, Tuhan Jesus do pasuang

     Las ni roha, dame pe, las ni roha, dame pe,

     Dongan, golom ma hataNa, na porsea di Ibana ndang tarbahen mago be.

5. P A T I K:

U :Patik ni Debata sihangoluhononta di bagasan pestanta sadari on, tarsurat di Lukas 24 : 46 - 48: Dung i ninna ma mandok nasida: Songon i do tarsurat hian, manaon na porsuk Kristus i jala hehe sian na mate di ari patoluhon.

K   :  Jala baritahononhon ma marhitehite Goarna hamubaon ni roha mangalap hasesaan ni dosa, tu sude angka bangso, mamungka sian huta Jerusalem.

U   :Hamu do mangkatindangkonsa. I ma sahatna, rap ma hita mangido gogo sian Tuhanta:

K   :  Ale Tuhan Debata, sai pargogoi ma hami mangulahon na hombar tu patikMi. Amen.

6. Marende BE No. 171: 1                    “Tandai ma au”        BL.49

      ^♫♪♫ Tandai ma au, sungkapi ma dohot rohangku.

              Uji ma au, pamanat huhut ma dalanhu. Olo ditanda Ho au Debata.             

7.   PANGARIMANGON DI PARDALANAN NI NGOLU:

U            :Hamuna angka dongan na hinaholongan, Haporseai ma Kristus naung hehe i, ima joujou di hita  asa tung porsea hita jala marlasniroha ala haheheon ni Kristus i manaluhon huaso ni banua toru. Manaluhon Pandemik Covid 19 on  Mansai maol do tarjalo roha ni portibion haheheon sian hamatean i, hape siala haheheon ni Jesus i, sai hehe do nang hita muse sian hamateanta be jala malua hita sian dosa.

K             :Pinuji ma Debata, naung mangalehon haluaonta sian dosa marhite panobusion ni Kristus Jesus Tuhan i. Naso tupa dapot hita haluaon i ala ni ulaon na denggan, manang gogonta sandiri, holan asiniroha ni Debata do i marhite mudar ni Kristus Jesus.

U            :Dalan manjalo haluaon i ima haporseaon, holan marhite haporseaon do  gabe dipintori hita jala malua sian dosanta. Haporsea i ma Kristus naung hehe i jala pauba roham.

K             :Alai hamu angka haholongan, pauliuli hamu ma dirimuna di atas  haporseaonmuna na badia situtu, jala martangiang dibagasan Tondi Parbadia.

U            :Ramoti hamu ma dirimuna di bagasan holong ni roha ni Debata. Maimaima ma hamu di asi ni roha ni Tuhanta Jesus Kristus, asa sahat hamu tu hangoluan salelenglelengna. Di Debata nasasada i, napaluahon hita marhitehite Jesus Kristus Tuhanta i, di Ibana ma hasangapon, hamuliaon, hagogoon dohot parhuasoon sian mula ni mulana, nang nuaeng, nang ro di salelenglelengna. Amen

K:            (Mangendehon )BE.HKBP. No. 467 :1“ Asi ni rohaM hupuji” BL. 315

AsinirohaM hupuji ala Ho manobus au Dipaias Ho rohangku gabe soranganMu au IngananMu rohanami TondiMi manggohi I Pangke dohot ngolunami gabe ulaulaMi   ( Jongjong )

U   :Sai ditogutogu Tondi ni Debata ma hita, asa  tarbahen hita manongtong manhaporseai Kristus Jesus naung hehe i.  Amen.

8. TANGIANG MANOPOTION NI DOSA:

     U       :Ale Debatanami, na marasiroha jala na badia, Amanami, marhitehite Tuhan Jesus Kristus. Manang piga hali hami rotu joloM, huhilala hami, ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami tung na jojot do hami manimbil sian angka dalanMu na badia songon birubiru na lilu.

     K= Mengendehon BE No. 182 : 2 ”Tu JoloM O Debatangku” BL.24

           ^♫♪♫ Husolsoli do rohangku, Na gok dosa i tongtong,

            Ai godang ariaringku,  Na hubahen ambolong.

    U        :Sai unang pabali hami sian joloM ala ni dosanami i, ai ndang  dihalomohon rohaM hamatean ni angka pardosa, alai hamubaon ni rohana do lomo ni rohaM, asa mangolu. Sesa ma saluhut hageduhonnami dohot pangalaosionnami marhitehite pangolunami na sasada i, AnakMu Tuhan Jesus Kristus.

                Sude Mengendehon BE No.182:3 ”Tu JoloM O Debatangku” BL.24

               ^♫♪♫ Sai jotjot do hutadinghon,  DalanMi na tigor i,

                          Kristen au, hape  hutondong,  Dalan hamagoan i.

    U        :Tabege ma Hata bagabaga taringot tu hasesaan ni dosa: Munsat pe angka dolok, jala humuntal angka robean, alai anggo parasi ni rohangKu na so tupa munsat sian ho, jala padan ni hadameonKu na so tupa humordit, ninna Jahowa Siasii ho. Hasangapon ma di Debata na di ginjang.

K   :                  Amen !                                                                       ~~~Hundul~~~

9. Marende BE No. 363 : 11 “Mauliate Dok Hamuna” BL.194  

       ^♫♪♫ Ianggo batu binolongkon, ni angka pande bagas i  Jahowa do na pajongjongkon, baen batu na di suhi i Na pinatupa ni Jahowa, do i na longang situtu

            Do roha ni na marnidasa, huhut marsomba be burju.

10. E P I S T E L:

U:        Epistel di hita di Minggu Paskah sadari on tarsurat di 1 Petrus 1 : 3– 12  Pinuji ma Debata, Ama ni Tuhanta Jesus Kristus, naung manubuhon hita paduahalihon, sian godang ni asi ni rohana, marhitehite haheheon ni Jesus Kristus sian angka na mate, asa marpangkirimon na mangolu hita.

K:     Di siteanon na manongtong, na so marlindang, na so ra malos, na sinimpan di banua ginjang di hamu.

U:    Ai diramoti do hamu hinorhon ni gogo ni Debata marhitehite haporseaon, asa sahat tu haluaon, naung rade sipapataron di tingki na parpudi i.

K:      I do dihalashon hamu, nang pe marsak hamu satongkin nuaeng, di bagasan ragam ni pangunjunan, molo tung ingkon i.

U:       Ai naeng jumpang do hatauon ni haporseaonmuna, na andul ummarga sian sere na so manahan, nang pe diuji api i, bahen pujipujian dohot hamuliaon dohot hasangapon, di hapapatar ni Jesus Kristus i.

K:  Atik pe so dung diida hamu Ibana, dihaholongi hamu do Ibana, na hinaporseaanmuna, nang so diida hamu Ibana nuaeng, gabe mariaia do hamu, di bagasan halalas ni roha na so tarhatahon jala na tongam, Gabe jaloonmuna do ujung ni haporseaonmuna, i ma haluaon ni tondimuna.

U:   I ma haluaon, na niluluan jala pinamanatmanat ni angka panurirang, naung manurirangkon asi ni roha na tu hamu i.

K:      On do dipamanatmanat nasida: Manang andigan jala manang sadihari tingkina dituduhon Tondi ni Kristus i, na di bagasan nasida, na mangkatindangkon hian angka haporsuhon, na naeng songgop tu Kristus i, ro di angka hasangapon na dipudi ni i.

U:       Dipapatar pe i tu nasida, ndada di nasida sandiri, di hamu do na niradotannasida i. Laos i do na pinaboa ni angka parbarita na uli nuaeng tu hamu marhitehite Tondi Parbadia, naung sinuruna sian banua ginjang. Masihol do angka pardisurgo mamereng tu bagasanna. Alai di torang ni arina i marpungu ma di Jerusalem angka pangituai nang angka sintua ro di angka sibotosurat,I ma sahatna. Martua do na tumangihon Hata ni Debata jala na umpeopsa.

K         :  Amen.

11. Marende BE No. 89: 1   “Ate Di Dia Soropmi”   BL.130

             Di dia hamonanganmi, nuaeng banuatoru ?

             Na talu do hamu sude, na talu do sibolis pe, ai ditaluhon Jesus (Jongjong)

12. MANGHATINDANGHON HAPORSEAON:                                           

  U    :                  Rap ma hita manghatindanghon haporseaonta i songon panghatindanghonon ni donganta sahaporseaon di sandok portibi on, rap ma hita mandok.

K   : Ahu porsea ...                                                         ~~~ hundul ~~~

13. Tangiang Pangondianon 

16. Marende BE No. 633:1 .“Nunga Hehe Kristus I”(Papungu Pelean la + lb)

          ^♫♪♫ Nunga hehe Kristus i haleluya, sian hamatean i, Haleluya.

       Parlangitan jouhon ma, Haleluya, tano on alusi ma, Haleluya.

17.JAMITA: 1 Korintus 15: 20-28

BANGKIT DAN MEMBANGKITKAN

Mempersembahkan Hidup Yang Berkualitas

Adakah di antara kita yang rela memberikan sesuatu atau barang yang paling disayangi kepada orang lain? Atau Bantuan kepada kawan kita yang berkekurangan akibat Pandemik Covid 19 Ini ? Pertanyaan ini menjadi penting sebab terkadang kita hanya memberikan sesuatu atau barang kepada orang lain hanya pada saat kita berkelebihan atau tidak membutuhkan barang itu lagi. Jika dalam kondisi yang sangat kekurangan kita dituntut untuk hidup berbagi dengan sesama tentu sangatlah sulit. Orang bisa bilang itu namanya; ‘pengasihan lupa diri’. Tetapi yang dimaksudkan di sini adalah hidup berbagi yang tidak hanya sebatas materi melainkan melalui seluruh totalitas hidup. Misalnya, berbagi tentang pengetahuan dan pengalaman bagi sesama. Berbagi tentang kehidupan

Tindakan seperti ini tentu sangat menarik jika dikaitkan dengan ungkapan ‘hidup yang mencerminkan citra Kristus’.  Menjadi citra Kristus berarti ada sebuah nilai yang diperlihatkan tentang cara hidup Kristus. Entah tentang pengorbanan, kesetiaan, kejujuran, ketulusan, dll. Semua ini berujung pada sebuah cara hidup yang memberikan keteladanan bagi orang lain.

Mari kita garis bawahi kata ‘mencerminkan citra Kristus’. Sama halnya dengan sesuatu yang akan ditonjokan, diperlihatkan atau digambarkan tentang Kristus bagi sesama manusia. Terutama ketika kita memaknai peristiwa kebangkitan Kristus (Paskah). Seperti kita ketahui bersama bahwa inti dari iman Kristen adalah kebangkitan Kristus. Ini merupakan sebuah pengakuan iman orang-orang percaya. Khususnya pada bagian Alkitab 1 Korintus 15:20-28 yang menekankan kebangkitan Kristus sebagai yang sulung. Artinya kebangkitan Kristus adalah yang pertama bangkit dari antara orang mati.

Dalam tradisi Perjanjian Lama berkas pertama yang dituai harus dipersembahkan dalam korban satu hari setelah sabat yang jatuh setelah hari Paskah. Paulus menulis surat ini dengan tujuan untuk menjangkau orang-orang Korintus pada perayaan Paskah Kristen (1Kor. 5:7,8). Gelar ‘sulung’ memiliki arti lebih utama dari segala yang diciptakan. Hal ini dapat dianalogikan seperti orang memanen hasil tanaman yang pertama dipersembahkan bagi Allah. Sebab hasil panen yang pertama dianggap sebagai buah yang berkualitas.

Sama halnya dengan Kristus. Ia menjadi tuaian pertama dari kehidupan sebagai akibat dari ketidaktaatan manusia. Olehnya itu, Kristus digambarkan sebagai anak yang taat terhadap kehendak BapaNya. Ketidaktaatan manusia kepada Allah yang disebut sebagai dosa yang berunjung pada maut tidak hanya berkaitan dengan kematian secara fisik melainkan kematian secara rohani. Maka melalui kebangkitan Kristus, kita mengalami persekutuan dengan Allah. Kita kembali dikukuhkan sebagai manusia baru. Manusia yang menaruh seluruh totalitas hidup bagi Allah. Berarti hidup kita adalah hidup yang berpengharapan.

Coba bayangkan Kristus digambarkan sebagai Anak Allah yang sangat dikasih dikorbankan untuk menebus dosa manusia. Lalu bagaimana dengan manusia yang sering disebut juga sebagai anak-anak Allah. Anak-anak yang tidak lain adalah cara hidupnya mencerminkan citra Kristus. Apakah kita harus saling melukai? Saling mempertahankan ego ketika terjadi kesalapahaman? Tentu tidak!  Sebagaimana Kristus menjadi tuaian pertama dari kehidupan maka tanggungjawab kita sebagai pengikut-pengikut-Nya juga harus melakukan hal yang sama. Artinya hidup kita juga harus dipersembahkan bagi Allah dengan cara menolong sesama ciptaan.

Dengan demikian, hidup kita bukan untuk diri sendiri melainkan juga bagi sesama ciptaan yang membutuhkan pertolongan. Di sinilah letak cara hidup yang berkualitas. Melalui kehadiran kita orang lain dapat merasakan kehadiran Kristus.

Amin

Pandita HKBP Ressort Tigalingga

Pdt Budianto Sianturi

18. Marende BE No.92:1-6 “Pujima na manaluhon”                BL 178

(Pelean tu Ulaon Diakoni Sosial/Caritas Emergency HKBP)

^♫♪♫ Puji ma na manaluhon dosa hamatean i, Puji ma na Pangoluhon saluhut  pardosa i Jesus na dung mate i, las roham, o huriaNa,  Ala na mamillit ho, Jesus i, mangolu do

20. P A R S U R U O N:

U   :  Haleluya nunga hehe Kristus i. Nunga marsaringar tu tongatonganta Hata ni Debata na mamaritahon tu hita taringot tu haheheon ni Tuhan Jesus sian na mate. Ndang tartiopi hamatean i Tuhan Jesus. Songon dia pe balga dohot borat ni batu na manghinsu baba pintu ni tanoman ni Tuhan Jesus ndang margogo manahan Tuhan Jesus sian tanoman i. Haheheon ni Tuhan Jesus mangungkap dalan tu angka na porsea i tu haheheon sogot laho bongot tu hangoluan na saleleng ni lelengna. Kristus naung hehe sian na mate, Ibana ma parjolo ni angka na monding.

K   : Hita pe hehe do muse.

U   :  Huria ni Tuhanta, torop dope na so manghaporseai haheheon ni Tuhan Jesus. Alani i tabaritahon ma heheheon ni Tuhan Jesus i tu saluhut halak, tu angka na so porsea do pe, asa parsidohot nasida tu haluaon dohot tu hangoluan na salelenglelengna i.

20. Tangiang Pelean - Tangiang Ale Amanami- Pasupasu -  Mangendehon :  Amen – Amen - Amen.

21. U      :  Tatangianghon ma peleanta: Ale Tuhan Debata Amanami, haroroan ni saluhut pasupasu na mauliutus, godang do hujalo hami sian asi ni rohaM. Mauliate ma di Ho, hupasahat hami ma nuaeng peleannami tu Ho, sai jalo ma i gabe pelean na hushus di di joloM. Pasupasu ma na niula ni tangannami jala ajari ma hami manghamuliatehon saluhutna i marhite parange nang pambahenannami. Ungkap rohanami asa sai ringgas hami pasahat pelean tu Ho hombar tu asi ni rohaM naung hujalo hami, marhite Kristus Jesus Tuhan nami. AMEN

K   :  (Rap Mandok): Tangiang Ale Amanami – Amen, Amen, Amen.