BAHAN SERMON MINGGU PASKAH I (20 April 2025) TOPIK : INGKON HEHE IBANA SIAN NA MATE (YESUS BANGKIT DARI ANTARA ORANG MATI) Ev : Johannes 20 : 1-10 Ep : Psalmen 115 : 9-1

 

BAHAN SERMON MINGGU PASKAH I (20 April 2025)

TOPIK : INGKON HEHE IBANA SIAN NA MATE

(YESUS BANGKIT DARI ANTARA ORANG MATI)

Ev : Johannes 20 : 1-10                                                                     Ep : Psalmen 115 : 9-1

I.                   Pendahuluan

                     Paskah ima pesta na tumua di halak Kristen. Didok Paus Leo (440-461) mandok ringkot ni ulaon Paskah umbahen na didok festum festorum-perayaan dari semua perayaan.

                     Di Padan Na Robi dohot di Padan Na Imbaru, hata “Paskah” adong didok 80 kali, manggombarhon hinaringkot ni pesta Paskah di ibadah ni Israel Kuno dohot di ibadah di partingkian on. Piga-piga hata na dipake mandok paskah ima, di Bahasa Latin páscha, Yunani : paskha, Bahasa Aram: pasha, Bahasa Ibrani: pesah jala di Bahasa Inggris: Passover, na marlapatan manalpuho (melewatkan). Adong do muse tradisi na dienet sian mitologi Yunani na mandok easter. Di Israel, pesta paskah ima ari parningotan na haluaon nasida sian parhatobanon Mesir, alai nuaeng hita mamestahon ni Tuhan Jesus Kristus na paluahon hita sian hamatean marhite haheheon ni Yesus na manaluhon huaso ni hamatean (dosa).

            Di dasar ni par-Mingguon nian adong do muatan ni pesta Paskah. Ala sai dipaingot do hita laho manghamauliatehon holong ni Debata na mansai balga laho paluahon hita sian hamatean alani dosa, ala holong ni rohaNa tu saluhut na tinompa. Alani  Paskah ima ari haheheon ni Tuhan Jesus. Marningot na monang do Jesus Kristus manaluhon dosa dohot hamatean, Jala on ma na gabe dasor haporseaon ni Halak Kristen. Songon na tarsurat di 1 Korint 15: 14, “Ai anggo so hehe Kristus sian angka na mate, rumar ma jamita nami, laos rumar ma nang haporseaonmuna”.

II.                Hatorangan

                     Maria Magdalena, na secara harafiah didok Maria Magdalena siala na ro sian Magdala, huta ni parjala (sibuat dekke). Di Lukas 8: 2-3 dipatorang ia si Maria Magdalena ima sada sian parompuan na dohot mangurupi panghobasion ni Jesus marhite hamoraon na. Ibana sahalak parompuan Jahudi na satia mangihuthon Jesus.  Dipatorang do muse na dipalao (diusir) Jesus pitu tondi (roh jahat) sian si Maria Magdalena.

            Ro ma si Maria Magdalena sogot di na holom i dope tu tanoman i, jadi diida ma naung dihindat batu sian tanoman i na dirippu ibana nunga dibuat halak Tuhan i sian tanoman. Marlojong ma ibana manopot si Petrus dohot siscan na sada nari paboahon na masa i. Jadi borhat ma si Petrus dohot sisean na sada nari tu tanoman i jala tong dang be di ida Tuhan i disi. Gabe gok halongangan ma rohanasida jala tahuton. Alai disi ma unokia, naung dipabalik Tuhan i lapatanni hamatean. Apa yang dulu diangggap sebagai akhir yang menakutkan, nuaeng marhite Haheheon ni Jesus gabe dalan laho bongot tu hangoluan na imbaru. Marhite Jesus, hamatean dang gabe ujung ni saluhutna, alal gabe parmulaan ni ngolu haimbaruon.

Dosa do na mamboan jolma tu hamatean. Hamatean bongot tu portibion alani pemberontakan ni jolma maradophon Debata. Dosa mambahen jolma tarsirang sian Mual ni Hangoluan. Panghorhon i dosa, ima hamatean na ingkon jaloonta. Ro ma Jesus menanggung saluhutna dosa i di hau pinarsilang jala diboan tu hamatean. Dung Hebe ibana, angka dosanta i ditadinghon, terkubur salelengna.

 

Songon na didok Apostel Paulus di 1. Korint 15:55 “Jo hamatean, didia hamonanganmi? Jo hamatean, didia soropmi? Pandohan on, dang holan ungkapan hamonangan ni Jesus, alai dohot do hamonanganta na porsea di Ibana. Marhite haheheonNa, ditaluhon Jesus do dosa dohot hamateanta. Kubur kosong gabe tanda, ia manang aha pe na tahabiari, hamatean nang basalaan, dang be marhuaso tu angka naporsea. Di tingki diida si Maria Magdalena tanoman i, responna parjolo dang na marlas ni roha. Dang manigor mangantusi ibana ia naung Hehe Jesus i. baliksa, dirippu ibana na dibuat halak do bangke ni Jesus. Songoni nang si Petrus dohot sisaean na sada nari, dang diantusi dope dohot denggan na masa i. Disurat si Johannes ia Jesus ingkon hehe Ibana sian na mate Joh 20:9. Reaksi ni si Maria dohot si Petrus manggombarhon kekhawatiran dohot ketidakpastian di ganup jolma. Sipata, di tingki taadopi angka hasusaan na so hasuhatan ni pingkiranta, responta parjolo ima khawatir manang gabe tahuton. Alai, dang na gabe i ujung ni cerita. Disurathon si Johannes do di turpuk on ia sisean na sada nari marnida gabe porsea 20:8. Atik pe dang singkop pangantusionna tu na masa i, mulai tubu haporseaon dibagasan rohana. Songon sahalak dakdanak na marsiajar mardalan do proses ni haporseaon i. jotjot madabu, alai adong dorongan na mambahen bangkit dohot mangulahon marulak-ulak, gabe boi mardalan.

Haporseaon i dang selalu siat di pingkiran, bahkan jotjot tubu di tonga-tonga ketidakpastian. Ditingki humaliangta dang be bersahabat jala dang taboto aha do na naeng bahenon ni Debata, disi ma haporseaonta di uji jala dipargogoi. Laos gabe on ma tona Barita Na Uli, bahwa sekalipun kita berada di tengah kebingungan Tuhan sedang bekerja dan iman kita sedang dipupuk. Jotjot do hita naeng mangalapati jumolo saluhut na masa andorang so porsea. Alai kisah Maria Magdalena patuduhon ia haporseaon jotjot mangalumbahon pangantusion, Anselmus “Fides Quaerens Intelectum” (Iman Mencari Pengertian). Dang ingkon tapaima asa jumolo tangkas dungi  porsea hita tu Tuhan. Haheheon ni Jesus mangontang hita asa porsea di Ibana, atik pe dang singkop hita mangantusi songon dia Ibana mangula dibagasan ngolunta. Rom 6:4 mandok “Antong, naung tartanom do hita rap dohot Ibana marhitehite pandidion i tu bagasan hamatean, asa marparange hita di bagasan ngolu na imbaru, songon Kristus naung hehe sian angka naung mate hinorhon ni hasangapon ni Amana”. Songoni ma nang hita ingkon mangolu dibagasan haimbaruon. Ngolu na imbaru ima ngolu na diuluhon Tondi Parbadia. Dang be dibagasan hatoban ni dosa hita. Di ngolu siganup ari, tontu taadopi dope angka godaan dohot tantangan, alai ngolunta na imbaru nuaeng marurathon di bagasan Asi ni Roha ni Debata. Haheheon i mangalehon hita kesempatan untuk memulai Kernbali setiap hari dengan sukacita yang baru.

III. Panutup

Dibagasan haheheon ni Jesus do adong panghirimon na mangolu, hadirionNa tuk paubahon ganup situasi. Sian na kosong gabe gok, sian na mate gabe mangolu. Alani i, talangkahon ma dibagasan ngolunta na imbaru on mardongan haporseaon na togu, pos roha ia Tuhan I naung manaluhon dosanta dohot hamateanta. Kristus naung hehe, hita pe rap hehe dohot Ibana.

EVANGGELIUM MINGGU PALMARUM (13 APRIL 2025), PSALMEN 68 : 25 - 36 LEHON HAMU MA HAHORMATON TU DEBATA

 

BAHAN SERMON HKBP DISTRIK XIII ASAHAN LABUHAN BATU

EVANGGELIUM MINGGU PALMARUM

(13 APRIL 2025), PSALMEN 68 : 25 - 36

LEHON HAMU MA HAHORMATON TU DEBATA

 

I.     Pamuhai

Adong do ende na mandok “Na sonang au dung na mar Tuhan”. Ende i naung patuduhon, dung na mar Tuhan ahu, dilehon di ahu angka na pinangido ni rohangku, jala lumobi sian i dilehon hamonangan di ahu maradophon manang aha pe. Jadi sonang do au dung na mar-Tuhan. Songoni do gombaran ni turpuk on. Sada gombaran las ni roha ni bangso i na ro Debata di tongatonga nasida, jala na tongtong Debata mandongani nasida, jala marhite i dapotan nasida angka hamonangan. Hamonangan ni Debata maradophon huaso manang hagogoon ni portibi on, songoni nang angka debata na asing. Debata na mangatasi saluhutna.

 

Turpuk on, ima Ende las ni roha alani hamonangan na pinasahat ni Debata, na nilehon ni Debata tu nasida, jala saor nasida rap dohot Debata di tongatonga ni sada parpunguan Pesta na bolon, jala adong di si simbol kehadiran Tuhan (poti parpadanan). Ende pamujion mangolophon Debata na gabe Raja Sasadasa di Jerusalem (Psalmen 24:76, 97-99, Panguhum 4:12, 5:13).

 

II. Hatorangan ni Turpuk

 

a.  Ayat 25-28

Di pesta las ni roha i, manggombarhon pawai kemenangan. Jala bangso ni Debata na manomunomu jala marnida Debata mamongoti bagas habadiaonNa.  Ala diakui nasida, Debata do na mambahen nasida dapotan hamonangan. Disi ma hira na diida nasida bongot Debata tu JoroNa di Jerusalem. Sude manomunomu marhite olopolop dohot suraksurak.  Mardalan ma dijolo angka parende, di pudina parsarune na mamalu doal. Jala sude mangendehon ” Pinuji ma Debata di bagasan luhutan”. Angka na marbaju marende dohot mamalu odap mamuji Debata, songoni nang si Miryam iboto ni Musa dohot Aron, rap dohot donganna na marende di topi ni laut Arung (2 Mus. 15:20, 2 Sam. 6:5). Ende ni angka parompuan i, mansoarahon asa sandok angka na sian mual ni Israel mamuji Debata. Mual ni Israel lapatanna angka jolma na marharoroan sian pinompar ni si Jakob, di goari ma dua marga Israel Selatan i ma sian marga Benjamin, i ma marga ni raja Saul dohot Jehuda i marga ni raja Daud, jala dua marga Israel Utara, i ma Sebulon dohot Naptali.

 

Di tingki Raja Saul dohot Raja Daud di Israel, godang do hamonangan ni Israel maralohon bangso na asing. Songoni nang Sebulon dohot Naptali tarbarita do hasurunganna rade sumeahon hosana tu hamatean laho mangadopi angka musu nasida asa dapot hamonangan (Panguhum 5:18). Sian opat marga i gombaran ni hamonangan maralohon musu, tarsongon hamonangan ni Debata maralohon saluhut huaso na di portibi on.

 

b. Ayat 29-30

Di si ma nasida tongtong pasahat panghirimonnasida tu Debata. Hibul do soara nasida manjouhon : “ Sai pargogoi ma ale Debata na pinatupam tu hami – Kerahkanlah kekuatanMu ya Allah, tunjukkanlah kekuatanMu ya Allah, engkau yang telah bertindak bagi kami ”. Marhite i ma tangkas pangidoannasida, asa tong di patudu Debata hagogoonNa, asa lam marhamonangan nasida. Laos sada pos ni roha do i di nasida, paboa tung na so mabiar do nasida mangadopi musu dohot situasi dia pe, saleleng Ibana na mandongani nasida. Jala diparhatopot nasida do, tung Debata na sun gogo jala marmulia do Jahowa. Alani i dihaporseai nasida do, ingkon sude bangso marsomba jala pasahat silehonlehonna tu Debata.

 

 

c. Ayat 31-32

Udut ni tangiang ni bangso Israel dipangido do asa disonggahi Debata angka buea (dikiaskan sebagai binatang buaya di muara Sungai Nil-Teberau), i ma gombaran ni huaso dohot hagogoon ni bangso Misir na boi mangancam Jerusalem. Jala bangso Israel di sada tingki, ingkon ditanda jala ro marsomba huhut pasahat pelean bangso Misir tu Debata, songon i halak Kus ingkon ro marsomba tu Debata (Jes.19: 21, Sep. 3:10, Psalm 87:4).

 

d. Ayat 33-36

Paboaboa hamu ma di tongatonga ni angka parbegu: Jahowa do raja! Hot ma antong portibi on, ndang tagamon humordit, uhumonna ma sogot angka bangso di bagasan hatigoran (Psalm 96:10). On ma sai tongtong lohot di roha ni halak Israel. Ditogihon parpsalmen do sude angka harajaon na di portibi on mamuji Tuhan jala mangalehon hahormaton tu Debata. Debata ima Raja di saluhut bangso na di portibion, talup do pamujion dohot hahormaton pasahaton tu Debata, ai hamuliaonNa do gumomgom Israel, jala di banua ginjang sahali do hagogoonna. Songkal do Debata (Dahsyat) ro sian inganan angka na badia, Debata ni Israel do Ibana silehon hagogoon dohot hamuliaon tu bangsoNa i. 

 

III. Panimpuli

·        Turpuk on manggombarhon sude bangso i dohot di bagasan sada arak-arakan laho mangendehon hasangapon ni Debata, hamonangan na sian Debata. Menyanyikan kehadiran Tuhan di tengah-tengah umatNya. Songon gombaran ni parmingguonta di na marsaor hita dohot Debata, pajumpang dohot Debata marhitehite pamujionta, tangiangta dohot hata ni Debata na tatangihon, disi ma godang dapot hita pasupasu, hasesaan ni Dosa, hagogoon di na mangadopi ngolu siganup ari dohot hamonangan maradophon saluhut angka tantangan na masa.

 

·        Turpuk jamita di minggu palmarum on ima manomunomu parningotan ari hamamate dohot haheheon ni Tuhan Jesus. Naeng ma nian sipatupaonni angka na porsea asa tangkas mamujimuji Debata naung mangalehon angka hamonangan di hita, na mangalehon pangurupion tu hita. Paposhon rohanta asa tung unang mabiar hita mangadopi parporangan rohani nang tantangan portibi on. Jala sai tajouhon ma di rohanta joujou dohot suraksurak ” Hosana, Hosana ” palua ma hami nuaeng, jala pargogoi ma ale Debata na pinatupam tu hami.

 

·        Tontu hamonangan ni Debata di Padan Narobi songon na tarsurat di turpuk tarida do i marhitehite Tuhan Jesus Kristus. Di epistel minggu on mansai ampit do berengonta keteladanan ni Jesus uju na hundul Ibana di atas halode mamongoti Jerusalem uju masa pesta paska Jahudi. Laos i do gombaran tu parsuruanta do i ima mamboan hadameon di tongatonga ni portibi na gok partontangan on. Asa angka siboan dame halak Kristen i di ganup inganan dohot tu ise pe marsaor.

 

·        Marlas ni roha do bangso Israel ala hagogon dohot hamonangan ni Debata Jahowa, tanda ni las ni roha i ima marhite na mangelehon hahormatan tu Debata. Boha do rumang ni hahormatan i ima marhite ngolunta na tongtong di bagasan lomo ni roha ni Debata, manjaga hamuliaonNa di ngolunta.

 

PESTA PAROLOPOLOPON HKBP KISARAN KOTA, dan PERESMIAN RENOVASI PEMBANGUNAN HKBP KISARAN KOTA

 

                                            Pengalungan Bunga Kepada Ompui Ephorus

PESTA PAROLOPOLOPON HKBP KISARAN KOTA

Pesta Parolopolopon HKBP Kisaran Kota dilaksanakan Pada Minggu 16 Maret 2025 yang di pimpin Oleh Pucuk Pimpinan HKBP Ompui Ephorus HKBP Pdt Dr Victor Tinambunan, MST , Didampingi Praeses HKBP Distrik XIII Asahan Labuhan Batu Pdt Sampur Simanullang STh Pesta parolopolopon ini di rangkai dengan Peresmian Renovasi Pembangunan HKBP Kisaran Kota sebelum acara Ibadaah di mulai . Prosesi  Ibadah dimulai dari  Kanror HKBP Distrik XIII Asahan menuju Jln Sei Suka , Jln Sisingamangaraja dan menuju Gereja, 

                                                       Pembawa Simbol Simbol Ibadah

Tiba di Gapura di iringi music tiup dan pmebawaan simbol ibadah Rombongan Ompui Ephorus disambut dengan Pengalungan Bunga kepada Ompui Ephorus, Pemberian Bunga Pangku kepada Ompung Boru, Pemberian Stola Kepada Praeses , Pendeta Resort,

                                            Pemberian Bunga Pangku Kepada Ompung Boru
 Ketua Umum Panitia pembangunan Oleh Anak anak Sekolah Minggu HKBP Kisaran Kota, setelah Itu dilanjutkan dengan Penanda Tanganan Prasasasti yang di tanda tangani Oleh Ompui Ephorus HKBP Pdt Dr Victor Tinambunan, MST, Praeses HKBP Distrik XIII Asahan Labuhan Batu Pdt Sampur Simanullang STh, Pendeta HKBP Resort Kisaran Pdt Budianto Sianturi, S.PAK , Ketua Umum Panitia Pembangunan Parlindungan Sinaga , SH, M.Si .

                                     Ompui Ephorus Pdt Dr Victor Tinambunan MST, Menandatangani Prasasasti                                          Peresmian Renovasi Pembangunan HKBP Kisaran Kota

                                                Penandatanganan Prasasasti Oleh Praeses 

                                                Penandatangan Prasasti Oleh Pendeta Resort

                                Penananda Tanganan Prasasti Oleh Ketua Panitia Pembanguan

 Setelah Penanda tanganan Prasasti Lanjut ke acara Ibadah yang dimulai pada Pukul 9.00 Wib , bertindak Sebagai Liturgis adalah Pdt Sampur Simanullang STh ( Praeses) Pdt Budianto Sianturi, S.PAK ( Pendeta Resort) Pdt Eska H Silitonga STh ( Pendeta Fungsional) dan Pewarta Gr Embet Simanjuntak, 

                                                               Suasana Ibadah 

Pesta Parolopolopon ini diterangi dengan Tema “Menyaksikan Kemurahan Tuhan” Mazmur 27:1-6 Dalam Khotbahnya Ompui Ephorus Menekankan kemurahan Tuhan yang kita terima dalam hidup ini harus kita pakai menjadi Terang dunia sesuai dengan Visi HKBP Menjadi Berkat Bagi Bumi, Ompui

                                                     Jamita disampaikan Oleh Ephorus

                                    Liturgis: Praeses, Pendeta Resort, Pendeta Fungsional

                                                   Ephorus, Praeses dan Para Pendeta

                                                          Panitia dan Sekhus Ephorus

                                                       Song Leader dan Tim Musik Exaudi

 Ephorus Juga menekankan bahwasanya kita adalah mahluk ciptaan Tuhan yang harus selalu bersyukur dan memberi yang terbaik buat GerejaNya, meningkatkan Kwalitas iman bukan stagnan , jemaat yang Misioner dan selalu berubah sesuai dengan Tahun Orientasi HKBP Tahun Transformasi. Ibadah  di iringi oleh Tim Musik Exaudi dan Koor Raksasa ( Gabungan HKBP Kisaran Kota ) “ Balga Tutu PambaenMi Tuhan”. Ibadah Berlangsung Dengan hikmat dan damai semua jemaat tekun dan konsentrasi mendengarkan khotbah yang disampaikan Oleh ompui dengan yang diselingi dengan Humor yang membuat jemaat tertawa.

 Usai Ibadah dilanjutkan dengan Acara Pesta di Sopo Godang HKBP Kisaran Kota Yang di Pandu Oleh Seksi Acara Jonner Sitorus, SPd . Dalam Sambutannya Ketua Panitia Pesta Parolopolopon MP Silitonga mensyukuri Rahmat Tuhan dimana dalam waktu yang singkat Pesta Parolopolopon ini dapat terlaksana dengan baik, kiranya semua Jemaat Marolop olop dan tetap bersukacita atas rampungnya renovasi pembangunan , Kita juga mensyukuri partisipasi semua Jemaat dalam pesta parolopoolopon ini . Kata kata Sambutan dari Undangan Yakni Bapak Ebenejer Sitorus SE, MM anggota DPRD Sumatara Utara/Anggota MPS yang menekankan agar semua jemaat bersukacita dan ikut ambil bagian upaya pelayanan  Holistik, Mewakili Bupati Asahan ,Bapak Utoyo membacakan Pidato Sambutan Bupati Asahan, Dan dalam Bimbingan dan Arahan dari Ompui Ephorus menekankan bahwa Jemaat HKBP Harus menjadi Berkat, Memelihara Kelestarian Alam, dan ikut berperan dalam upaya peningkatan iman dan pelayanan dalam Gereja . Usai Kata kata sambutan dan Arahan dari Pimpinan HKBP dilanjutkan dengan Penyerahn Ulos Kepada Kapolres, Bupati dan Undangan , Acara dilanjutkan dengan Tortor Panitia, Tortor Sekolah Minggu dan Totor Rombongan Ephorus dan Fultimer. Pemberian Selempang kepada Undangan dan para pendeta dan Full Timer, Turut hadir Pdt Winner Sitorus, M. Min ( Wakil Kepala Biro Percetakan HKBP ) Mantan Praeses Distrik Aslab , Ka Biro Jemaat Pdt Eden R Siahaan STh, MM, Pdt Natalina Nababan S. SI ( Pendeta Resort Kisaran II) Pdt Pancasona Simbolon ( Pendeta Resort Mutiara ) . Sekretaris Khusus Ephorus Pdt Erhan Nababan STH Dalam Kesempatan ini Juga Ompui Ephorus memberikan Ulos Kepada 110 Jemaat didampingi Oleh Praeses dan Pendeta Resort, Dalam Momentum yang indah ini HKBP Kisaran Kota juga memberikan Aprsesiasi Kepada Panitia Pembangunan atas pengadian dan dedikasinya dalam Renovasi Pembangunan HKBP Kisaran Kota yang semula di rencanakan 2 Tahun Puji Tuhan dapat terealisasi dalam 7 Bulan , dan Telah di resmikan Oleh Ompui Ephorus HKBP Mereka yang di Ulosi adalah : Ketua Umum : Parlindungan Sinaga, SH,M,si. Tampak Simanjuntak, Kompol (Purn) Tigor Sianipar, Lamtiur Marpaung, Seluruh Jemaat dan Parhalado HKBP Kisaran Kota mengucapkan Terimakasih atas pengabdiannya. Door Price juga membuat suasana semakin riuh dan gegap gempita , Tortor Sekolah Minggu, Tortor sektor 1-19 memeriahkan suasana parolopoolopon ini juga tidak ketinggalan Tortor Remaja Naposobulung, Sebelum panortoron sektor Panitia memberikan Ulos Cendramata Kepada Ompui Ephorus, Praeses, Pdt Winner Sitorus, dan Pdt Eden R Siahaan . Dalam pesta itu ikut berbaur dan menyampaikan Cendramata Ulos Kepada Ompui Ephorus dr Riana Minerva Sibarani. Puji Tuhan inang ini telah pulih dan sembuh dari sakit beberapa bulan yang lalu, beliau juga ikut larut dalam suasana sukacita dengan jemaat. Terimakasih Kepada semua jemaat, donateur dan pemerhati yang telah memberikan sumbangsihnya kepada Pembangunan

                                                         Testimoni Kepada Bapak Kapolri

                            Ompun boru, Inang Praeses, Inang Pdt Resort dr Riana dan Para Panitia

                                                         Ephorus, Fultimer dan Keluarga
HKBP Kisaran Kota dan dalam kesempatan ini juga HKBP Kisaran Kota menyampaikan Ucapan Terimakasih Kepada Bapak Kapolri Jenderal Pol Listyo Sigit Prabowo atas perhatiannya dalam membantu Pembangunan HKBP kisaran Kota, Ucapan Terimakasih ini di buat dalam satu Testimoni yang lansung di pimpin oleh Ephorus .

ACARA ULANG TAHUN YANG KE 60 STM KAMPUNG KRISTEN SENTANG SENIN 11 MARET 2024

 

ACARA  ULANG TAHUN YANG KE 60

STM KAMPUNG KRISTEN SENTANG

SENIN 11 MARET 2024

======================================================

PARTANGIANGAN

1. Marende No. 802:1-2.

ü Pangke tingkim saonari dapothon ma Tuhan i, / unang godang sidalian ingot jempekngolumi, / Nunga rade hasonangan, di surgo i, di surgo i, unang adong nanggo sada na so parjambar di si.

ü Suan ma holong ni roha, tiru ma Tuhanta i. / Las ma roham di gotilon jalo ma balos ni i. / Nunga rade, d.u.

2. Votum-Introitus

U :     Marhitehite goar ni Debata Ama, dohot goar ni Anakna Tuhan Jesus Kristus dohot goar niTondi Parbadia.

R  :    Amen

U:      Puji hamu ma Jahowa, baritahon hamu ma goarNa i.

R  :    Pabotohon hamu ditongatonga ni angka bangso pambahenanNa i.

U:      Endehon hamu ma Ibana, palu hamu ma parhinaloan umpuji Ibana.

R  :    Jahowa do partanobatoanhu dohot haporusanhu, jala sipalua ahu, Debatangku.Sitiopanhu, marhaposan tu Ibana do ahu, lombulombungku dohot tanduk ni partuaonku,haporusanhu.

U :     Tunggulhon hamu ma goarNa na badia i, marlas ni roha ma angka na mangalului Jahowa.

R  :    Puji ma Jahowa ale tondingku, jala unang tung halupahon denggan ni basaNa sudena.

U :     Jahowa do Debatanta, sar tu liat portibion do angka uhumNa.

R  :    Haleluya

U :     Martangiang ma hita: Ale Debata parasiroha na sumurung, tung so hasigatan do angkadalanMu, jala tung so habilangan do asiasiM di ngolunami. Nunga dilehon Ho umur naganjang tu, STM KAMPUNG KRISTEN  gonop umurna 60 taon. DilehonHo do angka basabasa dohot sude pasupasuM. Pinuji ma Ho Tuhan siala denggan ni basaMna mangaramoti dohot mangiringiringi Punguanon saleleng 60 taon on. Tung diparmudumudu Hodo ibana jala talup marlas ni roha. Sapala naung diasii Ho ibana, tung parorot ma punguanon asa tongtong mangolu dibagasan asi ni rohaM. Pasupasu ma sude pangurus nang sude anggota na, ro disude pinpmpar ni punguanon asa Ho na tongtong hupuji hami, hupasahat hami tangiang pamujionnamion di bagasan goar ni AnakMu Tuhan Jesus Kristus Tuhannami. Amen.

3. Marende BE. No. 753 : 1-2

ü Dipardalanan Jesus di jolongku, holong ni tanganMi manogu au / nang di ngolungku Hodo sombaonhu, tung sonang mardalan raphon au. / huboto do tangkas panoguonMu, diiringiring Ho do langkangki. / Sahat ro di ujung ni pardalanhu, togu ma au jonok tulambungMi.

ü Sipata lilu haporseaonhu, nililianan ni portibi on. / Alai dung Ho hutatap, o Tuhanhu,margogo do au on di ngolungkon. / Huboto do, d.u.

4. Marlas ni roha dibagasan Debata

U:     Sai marlas ni roha, marolopolop di jolo ni Debata do ianggo angka partigor, saimarhasonangan ma nasida dibagasan las ni roha.

R :     Mauliate ma di Ho ale Tuhan, mauliate ma di Ho.

U :     Ingkon marolopolop ma pamanganhu, ai endehononku ma Ho, nang tondingku, naungtinobusMi.

R  :    Mauliate ma di Ho ale Tuhan, mauliate ma di Ho.

U :     Martua ma halak ia di bagasan Ho hagogoonna, ia rohanasida di bagasan manuju dalan natigor.

R :     Mauliate ma di Ho ale Tuhan, mauliate ma di Ho.

U:      Sai parrohai ma hami mamilangi angka ariarinami, asa dapotan roha na bisuk hami.

R  :    Sai saut ma i tutu. Amen!

5. Marende BE. No. 723 : 1.

ü Tu joloM o Tuhan sahat ma diringkon, pangke ma au hombar tu lomoM / Molo ndang HoTuhan maringanan di au, diringkon ndang mararga be i. / tung pogos pe dison, manangsonang tahe marsigantung tu Ho sasude. / Holan Ho do huihuthon ndang be diringkon,togutogu ma tu na ture.

6. Pujipujian dipanarihonon ni Debata

U :     Jahowa do siparmahan ahu ndang tagamon hurangan ahu.

R  :    Dipatongon do ahu tu jampalan angka na lomak, ditogutogu do ahu di lambung ni aekhasonangan.

U :     Dipasabam do rohangku, ditogu do ahu di dalan hatigoran, ala ni goarNa i.

R:      Ai nang pe mardalan ahu di rura linggoman ni hamatean, ndang huhabiari parmaraan.

U :     Ai Ho do mandongani ahu tungkotMu dohot batahiM mangapuli ahu.

R  :    Ho do manutup meja dijolongku maradophon angka musungku, dimiahi Ho do ulungku,suksuk do panginumanhu.

U:      Tongon tahe denggan basa dohot asi ni roha mangihutihut ahu saleleng ahu mangolu, jaladung mulak ahu masuhanku ma bagas ni Jahowa salelenglelengna. Martua do angka namanangihon hata ni Debata, jala na umpeopsa.

R  :    Amen.

7. Marende BE. No. 188:1

ü Jahowa Siparmahan au, ndang hurang manang aha. / Ai nasa jea dipadao do sian dorbiaNa./ Tongon dibaen na lomak i, lao pangoluhon tondingki, / dibaen asi rohaNa.

8. Tangiang Pangondianon.

9. Marende BE. No. 403:1-2.

ü Pos rohangku di Tuhanku, ndang tarbaen tarhirim au. / on do tongtong tangiangku: tulambungMu au patau. / Lobi pos do rohangki, sai patulusonna i, boanonNa au tusi.

ü Huhilala ganup ari paniopNa di au on. / Sai tong dipasarisari, naeng badia rohangkon. / Naeng lam tu tinggilna i, pinggol partondionhi, lao mambaen lomoNa i.

10. Jamita:

11. Marende BE. No. 435 : 1, 2, Pasahat Pelean.

ü Marolopolop tondingki, ai naung ditobus Jesus i. Hamu sude, bege ma i, sai las rohangkumandok i. / sonang ni tingki i, dung jumpang Jesus Tuhanki! / Tondi na mangajari au, tarbaenmarlas ni roha au! / sonang ni tingki i, dung jumpang Jesus Tuhanki.

ü 2. Dihaol holongNa rohangki, tung na so boi be mago i. / MataNa do manatap au, pinggolNatumangihon au. / Sonang ni, d.u.

12. Tangiang Panutup˜

 

ACARA ULANGTAHUN

 1. Peniupan Lilin dan Pemotongan Kue

2. Mandok Hata

 

DIATUR TERSENDIRI

 

Jamita Minggu Reminiscere, 16 Maret 2025 “Paidaida Hinadengan Ni Jahowa / Menyaksikan Kemurahan Tuhan” Psalmen 27 : 1 – 6

 

Konvent Pangula Na Gok Tingki HKBP Distrik XIII Asahan-Labuhanbatu Bahan Sermon Jamita Minggu Reminiscere, 16 Maret 2025

“Paidaida Hinadengan Ni Jahowa / Menyaksikan Kemurahan Tuhan” Psalmen 27 : 1 – 6

HKBP Aek Loba

I.  Patujolo

Pardalanan ni ngolu di partingkian na hatop mubauba on mambahen jolma gok mangadopi ragam ni ketidakpastian, tantangan ni parngoluan na boi mamboan tu hatahuton. Molo ndang hot ojahan ni ngolu na, boi do masa ragam ni haliluon. Di situasi na sisongon on ma ditorangi jala dipaingot hata ni Debata marhite Psalmen 27: 1-6 paboa adong do hagogoon jala panghirimon na manongtong di jolma i, ima Haporseaon di Debata Jahowa. Psalmen on manogihon hita asa hot hajongjonganta di tonga ni angka habahaba na taadopi saleleng di portibi on dope. Jala dipaingot hita paboa Debata do panondang, hatuaon jala partanobatoanta. Mansai balga do asi ni Roha ni Debata na satia mangondingi, mangiringi jala mangalehon hasonangan di angka na porsea di Ibana. On ma hinadenggan ni Debata Jahowa na sai tongtong tapaidaida jala tapujipuji. Turpuk on ima Ende sian si Daud, na marlapatan paboa marhite Psalmen on idaonta ma si Daud namangadopi hatahutonna marhite parsihohotanna tu padan ni Jahowa.

II.  Hatorangan ni Turpuk

a.  Debata do panondangi na manaluhon saluhut hatahuton (ay.1)

Tung mansai ringkot situtu do panondang molo tongon di haholomon. Na boi tubu do biar ni roha molo sai lalap di haholomon i. Digombarhon si Daud do Debata i panondang na manaluhon haholomon na ni adopan ni ibana. Di budaya timur kuno digombarhon do na torang i simbol hatigoran dohot hasonangan. Sabalikna, haholomon i ima gombaran ni angka parjahat na ro mangarongrong ibana nang angka mara na manosak ngolu dohot angka musu na naeng

mangulahon hajahaton. Tudos ma on tu Poda 4: 19 mandok “Ia dalan ni halak parjahat tudos tu na holom marimpotimpot, ndang diboto nasida partuktuhannasida i.” Di Psalmen on dihaporseai si Daud umbalgaan do huaso ni Debata sian ragam ni angka ancaman dohot hajahaton na ingkon niadopan ni ibana. Holan sian Debata do hatuaon na manongtong i. Debata panondang na mangalehon dalan hatiuron jala haluaon mangadopi angka ogaoga. Ai Ibana do partanobatoan na mambohali mangadopi nasa na mambahen hatahuton. Molo nunga Jahowa na gabe panondang, ndang adong be na ingkon sihabiaran.

Dipartingkian sinuaeng on godang do angka ancaman na niadopan ni angka jolma na olo gabe tarboan tu haholomon molo ndang togu panghirimon na tu Tuhan jala molo ndang hot haporseaonna. Lomos ni roha (kecemasan), panahit, konflik di rumah tangga, parsaoran na so denggan di angka na humaliang, akar pahit na jotjot mambahen jolma i mandao sian Debata, ketidakdilan na binahen ni angka parhuaso na so pajongjong hatigoran asa dapotan hasonangan tu dirina sambing, bagian ni haholomon i ma on. Tung songon dia pe bentuk ni ogaoga i (ancaman) sada na tongtong gomos ditiop jala dihaporseai paboa holan Debata do na tuk manaluhon i. Ndang mandok gabe hohom manang gabe mabiar alai marhite sondang na sian Debata dohot haluaon na pinasahatNa ido na patuduhon dalan dia na ingkon sipatupaonta molo tongon mangadopi haholomon asa dapotan hatiuron na mamboan tu haluaon.

b.  Patar do Haluaon Na Sian Debata di Ragam ni Angka Ogaoga nang Mara (2-3)

Dihatindanghon si Daud do Haluaon na sian Tuhan i ndada holan ilusi manang angan-angan sambing. Alai na patar situtu do i di angka ancaman na tongon niadopanna. “Molo tung ro angka parjahat....martinggangan do nasida jala marragean (ay.2), “nang pe marhoronhoron parangan...ndang mabiar rohangku, nang pe hehe parmusuon...sai pos do rohangku (aku tetap percaya)”. Sian struktur kalimat on kemungkinan besar martudutudu tu tentara Saul, bangso Filistin manang songon metafora ni angka hajahaton. Panghatindanghonon on borhat sian angka na naung niadopan ni si Daud. Patar

jala tangkas do taboto na mago do tutu angka ancaman i di ujungna . Molo di Epistel ta gombaran ni hajahaton on didok Paulus do marhite pandohan “musu ni silang ni Kristus” jala hamagoan do ujungna. Didok di Filipi 4: 18-19 “Torop do marpangalaho, gabe musu ni silang ni Kristus.Hamagoan do ujungnasida, butuhanasida do dipardebata, sihailahononna dihasangaphon, angka na di tano on diparrohahon” Sai na ingkon adopan do tutu angka ogaoga ni portibion, angka mara nang hajahataon na jotjot mambahen gabe tubu biar ni roha. Alai na lao mago do angka hajahaton i molo Debata na gabe panondang di ngolunta. Ndada haholomon i be na mambahen hita gabe mabiar, ai ndang tu haholomon pandang situjuonta alai di banua ginjang do sambulonta, sian i do tapaimaima Sipangolu hita, Tuhan Jesus Kristus i (Filipi 3:20).

c.                Paidaida Hinadenggan ni Jahowa ima dalan hamonangan / kunci kemenangan (4-6)

“Naeng mian ahu di bagasan joro ni Jahowa....”, ayat on ndada holan na mandok mangalului inganan parlinggoman manang partabunian alai parsaoran na manongtong rap dohot Jahowa. “Mian di bagas joro” gabe sada tindakan nyata paidaida hinadenggan ni Jahowa i. Di halak Israel pasca Pembuangan, Bagas Joro na naung dipauli gabe sada simbol pemulihan iman. Jadi, hata “bagas joro” ndada holan martudutudu tu inganan fisik sambing alai sada inganan hadameon (ruang aman/safe space) di tongatonga ni ragam pergumulan hidup. Secara psikologis, adalah kebutuhan dasar manusia untuk merasa aman dan merasa terlindungi dari ancaman fisik, emosional maupun sosial. Debata Jahowa gabe ruang aman mangadopi ragam ni tantangan hidup isarana stres, kecemasan, depresi. Gabe “ruang aman” ala marhite i ma ilalaon hinadenggan dohot hinauli ni Jahowa na mambahen monang maralohon haholomon.

Uli do tutu panghatindanghonon ni si Daud paboa Jahowa do ruang aman i    marhite    hata    “paidaida                                                           hinadenggan         ni    Jahowa  ”

(hinadenggan/kemurahan/no’am = keindahan). Hinadenggan martudutudu tu hamuliaon, holong ni roha dohot haulion ni huaso ni Debata. Jala on ma sumber identitasta na ditompa tumiru rupaNa (1 Musa 1:27). Ai pauboanna do daging ni jolma na lea i, gabe doshon dagingNa na sangap i (Flpi 3:21). Ala ni i ingkon

tama ma hita marsihohot di bagasan Tuhan jala marsada ni roha dibagasan Ibana. Identitasta ndada musu ni silang ni Kristus songon na nidok na di Epistel i, alai si jalo holong dohot asi ni roha ni Jahowa marhite Kristus na naung tarsilang i do. On do na mambahen hita gabe dapotan hamonangan

III. Sipahusorhusoron

Marhamonangan do angka na porsea i molo tongtong mardalan dibagasan asi ni roha ni Debata. Paidaida hinadenggan ni Debata patoguhon rohanta asa unang tarlalap hita mabiar molo ingkon mardalan mangadopi angka haholomon ni portibi on. Taingotma, adong do Debata Jahowa na gabe panondangi di ngolunta, na gabe partanobatoan di hita. Tongtong ma hita paidaida hinadenggan ni Jahowa dibagasan Jesus Kristus na gabe Panondang di portibi on, na mangapuli angka na marsak dohot na manesa dosa huhut ma tadok “Sai ingot ma, ale Jahowa, angka denggan ni basam dohot asi ni roham!” (Reminiscere). Martua mahita molo tongtong tapaidaida hinadengganNa i anggiat lam dipatau hita gabe panondang di portibion, gok di Debata ma ngolunta on angka na hinophopNa. Amen.