(Pilippi 4: 10-19) Jamita Minggu XVI Dung Trinitatis ( 20 September 2026) Saluhutna Do Tarpatupa Ahu Marhite Ibana

 

Bahan Sermon Parhalado HKBP Resort Agape Pangkalan Kerinci

Jamita Minggu XVI Dung Trinitatis ( 20 September 2026)

Saluhutna Do Tarpatupa Ahu Marhite Ibana (Pilippi 4: 10-19)

I.                Patujolo

Surat Pilippi ima sada sian surat na sinurathon Apostel Paulus, jala Apostel Paulus do pajongjonghon huria di Pilipi. Disurathon apostel Pualus do on tingki di hurungan ibana, jala di hatiha i mangadopi paraloan do ibana sian sada kelompok ni halak Kristen na mangajarhon parpoda haliluon (ajaran sesat) di huria Pilippi. Ia tondi ni surat Pilippi on, i ma las ni roha dohot pos ní roha na mauliutus ruar sian haporseaon na mansai bagas sian Apostel Paulus di bagasan Kristus Jesus.

Jala dison disurathon Apostel paulus tu halak Kristen na di Pilippi silehonlehon nasida naung tinongoshon nasida laho mangurupi na ringkot di Apostel Paulus. Laos dipangke Apostel Paulus do surat on laho paposhon jala patoguhon haporseaon ni huria Pilippi, asa lam togu nasida jala lam marpos ni roha laho mangadopi paraloan na masa di huria i, dohot parungkilon pribadi na masa di ngolu nasida. Laos dipaingot do nasida di hasadaon ni ngolu nasida di bagasan Kristus, ima asi ni roha ni Debata dohot hadameon na nilehon ni Debata tu halak na sai tongtong mangolu di bagasan Kristus.

II.             Hatorangan ni Turpuk

Las ni roha di bagasan Tuhan huhut mandok mauliate (ayat 10-12)

Marlas ni roha do Apostel Paulus di bagasan Tuhan i di silehonlehon na jinalona sían huria Pilippi. Ndada godang ni silehonlehon i na rumingkot, alai roha na ungkap jala roha marpanarihon na tubu sian haporseaon di bagasan Tuhan i. Nian diboto Apostel Paulus do na sai tongtong disarihon huria Pilippi ibana. Alai marhite pangurupion on, dipapatar do holong ni roha ni Kristus. Lumobi  arga ni pangurupion na ro di tingki na une, ido las ni roha apala na umbalga di roha ni apostel Paulus. Jala martambatamba do las ni roha ni Apostel Paulus ala nunga marparbue barita na uli naung sinuanna di tonga ni huria Pilippi. Hata mauliate ni Apostel Paulus ndada ala na mansai mangkirim situtu ibana di pangurupion i. Alai holong ni roha i dohot roha na marpanarihon na sian huria Pilippi, i do alana umbahen na pola didok mauliate di bagasan Tuhan i.

Nunga somal Apostel Paulus manghasonangkon na adong. Ndada mangolu marlobilobi ibana. Alai mangolu do ibana di bagasan na marpangontik, nang pe diboto ibana do nang mangolu marlobilobi, nang marhahurangan. Kata autarkēs (αὐτάρκης) dalam Filipi 4:11, secara harfiah, autarkēs berasal dari kata autos (diri sendiri) dan arkeō (cukup/memadai), yang berarti memiliki cukup kemampuan dalam diri sendiri, mencukupkan diri dan puas dengan apa yang ada tanpa bergantung pada oranglain. Alani i ndang margantung ibana di pangurupion ni huria Pilippi di angka tingki na mangihut. Diboto ibana do manghasabamhon na adong. Jala pos do rohana di panarihon ni Debata na mangalehon na ringkot di tingkina, jala Debata dihaposi ibana, na tuk margogoihon ibana di nasa situasi dohot kondisi.

Saluhut do tarpatupa ahu marhitehite Ibana (Ayat 13-19)

Tubu do roha na marpanarihon molo mian holong ni roha na sian Kristus Jesus di ngolu ni ganup halak na porsea. Ido na patar di turpuk on, roha na marpanarihon na ro sian huria Pilippi tu apostel Paulus naung manuan barita na uli tu nasida. Roha na marpanarihon, i ma parbue ni haporseaon na marojahan di holong ni roha ni na di bagasan Kristus Jesus. Jala on ma haporseaonta tu Tuhanta, naparadehon dohot pasahathon las ni roha i di ngolutta. Uju masa angka sitaonon, parungkilon dohot haberniton di ngolunta, margogo ma hita, na porsea do hita ingkon urupion ni Tuhan i do hita mamolus sude ragam ni hamaolon i dingolunta jala porsea, pangurupion ni Tuhan i ndang hea tarlambat. Ai umbalga do holong, asi ni roha ni Tuhan i tu hita sian hita mangkaholongi dirinta sandiri. Gohan ni Debatangku do nasa na ringkot di hamu. On ma padan na pinasahat ni Debata tu angka na marsihohot di Ibana. Ai nasa na adong boi do dipangke Ibana laho pasauthon lomo ni rohaNa. I do na patuduhon Ibana do Debata na marhuaso sitompa langit dohot tano on.

III.           Sipahusorhusoron

Buku Ende 763 Mandok “ Molo Jesus Dongan mi Las Roham, Jesus i Pangurupim las roham” alai na gabe sungkun-sungkun Las ni roha songon dia do nuaeng na masa. Godang do las ni roha na masa diportibion. Alai jotjot do las ni roha ni portibi on mamboan jolma lam dao sian Debata. Jala mambaen jolma gabe ginjang roha na. Jala disi do hina asing ni lạs ni roha di bagasan Tuhan i, alai las ni roha dibagasan Tuhan ima na naeng gabe pasu-pasu. Jala Ungkap ni roha ni na porsea laho mangurupi angka naposo ni Debata. Dison mansai ringkot solidaritas jemaat laho mangulahon misi gereja  (Menjadi Berkat Bagi Dunia).

Tapangke ma las ni roha i, nang  pasu-pasu  na sian Debata laho mangulahon na denggan jala marbarita nauli. Taingot ma gomos hata na tarsurat di 2 Tim 4:2a : Jamitahon hata i, hajongjongkon di tingki na une nang so une’. Unang ma tadok angka parsorion dohot sitaonon nang angka ragam pergumulanta i mandok, dao manang na holang hita sian Tuhanta i. Songon halak Kristen hita, nang angka parhalado ni huria naeng ma nian marhite Las ni rohanta I nang hinorhon ni angka pergumulanta na taadopi i, bahenon jala patuduhononta asa lam marsangap jala marmulia Debata di atas ni saluhutna. Dipargogoi ma hita mangulahon hata ni Debata jala tadok ma songon hata ni si Paulus ‘Saluhut do tarpatupa ahu marhitehite ibana na margogoihon ahu. Amen

                                                                           C.Bvr Ernita Silaban S.Ag “HKBP Ebenezer Toro”

(3 Johannes 1:5-8) Marsiurupan/Saling Menolong

 

Sermon Jamita HKBP Resort Agape Pkl. Kerinci

Minggu VI Dung Trinitatis, 12 Juli 2026

Marsiurupan/Saling Menolong (3 Johannes 1:5-8)

Patujolo

Surat Johannes Patoluhon mangalehon sada pangalaho taringot tu parsoalan ni ulaon zending dohot otonomi lokal di huria na parjolo i. Ndang songon dua surat ni si Johannes na asing, surat on ditujuhon tu sasahalak, i ma si Gayus. Tujuan ni panurat on, asa adong partamueon dohot dukungan materi tu angka panghobasion zending na pinatupa hatiha i, jala disurathon do surat on tu ruas ni huria na asing na hea manjalo panghobasion zending najolo.

Hatorangan ni Turpuk

a.     Satia Manghobasi Dongan Sahaporseaon (Ay. 5-6)

Dipuji si Johannes do si Gayus ala panghobasionna na mansai denggan, marsihohot do ibana di saluhut ulaonna tu angka dongan, tu angka na ro. Ndang holan halak na tinandana dihobasi si Gayus, alai dohot do halak na asing na gabe naposo ni Debata. Masuk kategori setia do si Gayus dipanghobasionna; jala ndada ingkon mangulahon ulaon na balga, alai mangulahon ulaon na metmet pe, konsisten jala tulus do ibana diulaon i. Tarida do hasatiaon ni si Gayus sian angka ulaonna na konkrit: manjalo, mangurupi, dohot manghobasi angka naposo ni Debata na di pardalanan. Nang pe halak na asing nasida, ingkon jaloon jala urupan ni Huria i do angka naposo ni Debata. Alai ala ni situasi lokal, gabe holan si Gayus sandiri do na ungkap roha mangurupi angka dongan na so tinandana asing ni na sarupa parbinotoan, panghobasion dohot holong ni Jesus Kristus. Apostel Johanes mengakui, nunga dihatindanghon nasida holong ni roham di jolo ni huria i. Ungkap do roha ni si Gayus dipangke Debata patupa pangurupion tu ulaon missioner, bahkan hot jala manontong do pangurupion i diulahon ibana, gabe sada panindangion do i di huria di asi ni roha ni Debata. Taingot ma, ia holong na marpambahenan ndang martujuan tu hamuliaon ni jolma alai tu halomoan ni Debata do. Marhite holong ni roha ni panghobasion si Gayus diajari do hita, bahwa iman harus berdampak praktis dalam membantu sesama pelayan Tuhan. Kesetiaan bukan hanya soal iman, tetapi juga nyata dalam tindakan menolong.

b.     Marsiurupan marhite Goar ni Kristus (Ay. 7-8)

Di ayat 7 didok “Ai ala ni Goar ni Kristus do nasida borhat…”, Johanes manangkasi, ia angka parbarita nauli ima halak na borhat marbarita nauli ala ni Goar ni Tuhan, jadi nasida ndang mangasahon gogo ni portibi manang gogo ni halak na so sahaporseaon. Ido umbahen, ingkon dongan sahaporseaon do “rap dibagasan Goar ni Kristus” na niarophon marsiurupan di ulaon ni Tuhan. Artinya, tanggung jawab untuk menolong ada pada sesama jemaat Tuhan, bukan pada orang luar, menjadi Mitra dalam Kebenaran (Ay. 8). Dibahen i, parsidohot ma hita di ulaon ni Tuhan, gabe dongan pangula hita laho mangulahon hatigoran. Ganup halak na porsea marnampunahon do di panjouon ni Tuhan ima patuduhon tanggungjawab ikut serta mengambil bagian dalam kebenaran. On do na gabe komitmen bersama laho pararathon Barita Nauli, sahali nari “itu bukan pilihan, melainkan komitmen”.

Sipahusorhusoron

Tarjou do hita angka na porsea marnampunahon gaya hidup kristiani ima gabe dongan na sintong di hasintongan i. Panjouon on diwujudkan marhite dua tindakan nyata dingolu siganup ari, ima:

a. Ingkon satia manghobasi dongan sahaporseaon, tarlumobi angka na mangula di Debata. Songon si Gayus, ingkon patuduhononta do holong ni rohanta i marhite angka tindakan na konkrit, ndada holan tu angka na tatanda, alai dohot do tu angka naposo ni Debata na mardalani manang marhobas.

b. Ingkon tongtong siparsidohot mendukung ulaon sending dohot marbarita nauli. Ndang pola gabe misionaris hita asa parsidohot di parsuruon ni Debata. Marhite na mendukung naposo ni Debata naung borhat laho pasahathon Barita na uli, manang marhite tangiang, pangurupion parhepengon, manang pangurupion praktis, na langsung parsidohot do hita di ulaon nasida.

Hata ni Debata mandok, di Galatia 6 : 2 "Masiurupan ma hamu mamorsan angka na dokdok i; i ma dalan mangaradoti patik ni Kristus” (Bertolong tolonganlah menanggung bebanmu; demikianlah kamu memenuhi hukum Kristus). Marsiurupan ima hapataran ni holong ni Kristus. Patuduhon ma hasatiaon ni haporseaonmu marhite sikap na marsiurupan; patuduhon ma panindangion ni haporseaonmu marhite na marsiurupan; parsidohot ma hita di ulaon ni Tuhan marhite sikap na marsiurupan; songon sikap ni si Gayus na parasiroha na mangurupi angka misionaris dibagasan ias dohot las ni roha, naeng songon ni ma hita mangolu dibagasan hasintongan ni holongNa asa lam marsangap Goar ni Kristus marhite ngolunta songon halak Kristen na tutu. Amen.

 

EP : Amos 5:24-27 “ TOGU MARSITIOPAN TU HATIGORAN “

 

BAHAN SERMON PARHALADO HKBP MADUMA RESORT AGAPE PANGKALAN KERINCI

“ TOGU MARSITIOPAN TU HATIGORAN “

                                     EV: Efesus 4:7-16 EP : Amos 5:24-27

Jumat, 14 Agustus 2026

I.             PATUJOLO

Panurirang Amos mangolu hirahira abad 8 SM sian huta Tekoa. Zaman ni Raja Jerobeam II di Israel (Kerajaan Utara), i ma zaman na gok hamoraon tu angka na mamora (Makmur) secara ekonomi, alai roa do parrohaon dohot partondion (sosial-spiritual) ni bangso i hatihai. Halak na gok hamoraon (kaya) alai las rohana manggosa gosa halak na pogos, uhum (Hukum) dohot (keadilan) ndang adong be manang boi di pengaruhi angka na marhuaso disi, Hadaulaton ni nasida di bagas joro mardalan dohot denggan alai ndada mambahen gabe las roha ni Debata mangida Hadaulaton ni nasida. Nasida mamboan pelean (korban persembahan) tu joro, alai ndang diulahon hatigoran (kebenaran). Siala ni do panurirang amos pasingothon na masa lumobi mai ketidak adilan sosial, kekerasan, manomba ganaganaan, jala manungguli bangso I asa muba dohot manadinghon hasomalan na maralo tu roha ni Debata. jot-jot buku amos on digoari kitab nabi nabi kecil, boasa? Ndada naso masuk bilangan na ginurihon ni panurirang amos on, alai pandohan nabi-nabi kecil ala molo tajaha buku amos on andul jumempek do na ginurithonna sian angka buku-buku na asing, boi do taida nda holan 9 bindu do anggo buku amos on.

 

 

II.          Hatorangan ni Turpuk

Ayat 24: Uhum dohot Hatigoran (Keadilan dan Kebenaran) Debata ndang mangido pelean na arga, alai mangido "Uhum" (Hukum Keadilan) dohot "Hatigoran" (Kebenaran) di padalan dohot denggan.

Didok: Songon aek mabaor: mangulahon Keadilan ndang boi marnaloja. Keadilan ingkon manngonai tu sude parngoluon ni sude jolma, ndang marnida-nida bohi (pilih kasih). “Alai sai mabaor ma uhum songon aek...” na marlapatan do I, Ia Debata ndang lomo rohana mida hadaulaton songon pangarupa(ibadah yang formalitas). Debata mangidohon asa uhum (justice) mabaor songon aek mabaor (air mengalir), jala hatigoran (righteousness/benar) songon batang aek na mardomu-domu (sungai yang selalu ada airnya/tak pernah kering).Songon batang aek na mian: hatigoran ndang boi marsik. Ingkon tongtong manontong di parngoluon siganup ari. Lapatanna: Hadaulaton ndang holan di bagasan gareja (ruang ibadah), alai ingkon tarida do parngoluan siganup ari. Keadilan ingkon dipados di sude partikian nang di panguhuman, dipardagangan, dohot di parsaoran (hubungan sosial). Dipangido Tuhan i tu hita sian ayat on, keadilan i ndang holan sahat di hata, alai gabe songon "sunge na mabaor" (sungai yang mengalir) namanontong, ndang olo marnaloja, jala mamboan hangoluan tu humaliang.

 Ayat 25-26: Manaringoti taringot tu Haporseaon na so tingkos (Penyembahan Berhala)

Didok Debata do tu bangso Israel  uju i, ndang na arga di Ibana pelean/ ibadah molo holan di bibir. Di zaman panurirang Amos, manang di zaman ni bangso Israel mansai ringgas do nasida martangiang, alai ianggo roha nasida dao do sian Debata. Nasida mambahen patung (berhala) jala mangulahon hajahaton. Hadaulatonni nasida gabe formalitas na so marparbue. Ala ni i do panurirang Amos mangombarhon jamita na marisi sipasingot (ay. 25). Lapatanna, uju di padang parhorsihan (Padang gurun) najolo, ndang pola sadia gok ni pelean  dipangido Debata uju parir ngolu ni bangso i alai  roha na unduk sambing do di halomohon Debata. Alai saonari dung di hamoraon nasida, gok pelean, alai roha nasida mubauba gabe mangoloi "Sakut dohot Kewan" (Berhala/dewa dewi).

Aplikasi: di zaman saonari ndang patung be sisombaon ni jolma, alai boi do  tu roha namaterialisme, hamoraon, huaso, dohot hasangapon na mambahen jolma manadingkon Debata. debata di jaman saonari boi berbentuk: kepopuleran, uang, kekuasaan, manang lomo ni roha na asing na di anggap tu mimbo sia Debata. (berhala modern).

Ayat 27: Uhuman sian Debata(Hukuman).

Ala ndang olo bangso i muba, Debata mambaen singot singot na mansai koras: ’toguonku ma hamu tarbuang dao salpu sian Damaskus. Hadaulaton na maralo (palsu) mamboan tu hamagoan dohot gabe uhuman. Debata na mamasu-masu, i do Debata na manguhum, ai Ibana do Debata na badia. Molo ndang olo bangso i paubahon roha, dang olo mangulahon uhum dohot patik (uhum na togu), dilumba Debata ma tu nasida ingkon gabe tarbuang (dibuang/tawanan) sahat tu bariba ni Damsik. Jala on do tong na paingothon hita nuaeng: Hadaulaton na so marparbuehon uhum dohot hatigoran mabahen hamagoan di pasu-pasu ni Debata.

III. PANIMPULI

Uhumon ni Debata do angka na so setia mangoloi Ibana, songon nanidok na di ayat 27 “ Toguonku hamu tarbuang dao sian Damaskus. Keadilan dan kebenaran adalah dua hal yang harus kita pegang teguh, harus menjadi identitas orang Percaya. Roha na masipaulian ma nian naeng jumpang di hita, ndang sae hita holan na manangihon hata ni Debata alai ingkon sahat do tu na mangulahon, asa lomo rohaNi Debata mida hita. Unang tarsirang ritus ni parugamoonta i dohot parulaon si ganup ari, tapajongjong ma hatigoran dohot keadilan songon aek na margilinggiling (terus menerus). amen

 

EV : PSALMEN 50 : 7-15 Topik : “GURU DI DEBATA DO PORTIBION RO DI NASA ISINA”

SERMON PARHALADO RESORT AGAPE PANGKALAN KERINCI

EVANGELIUM MINGGU, 07 JUNI 2026 (Minggu I Dung Trinitatis)

EV : PSALMEN 50 : 7-15

Topik : “GURU DI DEBATA DO PORTIBION RO DI NASA ISINA”

 

                                                   Festifal Regional II di HKBP air Molek 

I.    PATUJOLO

Turpuk jamita ima Psalmen 50 on disurathon si Asap (seorang ahli musik keturunan suku Lewi pada zaman Raja Daud) anak ni si Berekia dohot si Simea. Angka ende na sinurathon ni si Asap, dipapungu halak Israel jala dipangke diangka parpunguan parsombaon (ibadah) nasida. Ditaringoti do di turpuk on ima parsombaon na pinatupa ni bangso Israel di napasahathon angka pelean. Taronjar do roha ni si Asap laho paingothon bangso i asa tangkas dipataridahon nasida laho patupahon parsombaon na sintong tu Debata ndada laho mangalului hasangapon manang pujian sian angka na humaliang jala unang jumpang di tongatonga nasida ngolu sipaulaula. Sipaingot na pinasahat ni si Asap tu bangso i marbonsir ma i sian pangalaho ni bangso na so sintong be pataridahon ngolu na marhabiaran tu Debata alai nunga mangolu nasida di bagasan halumlalom marhite pangalaho na so hinalomohon ni Debata tarlumobi di na patupa parsombaon tu Debata. Di partingkian saonari on marpardomuan ma i tu panghorhon ni hamajuon ni zaman, torop do halak na manghasiholi asa jumpang pamujion tu dirina nang pe olo sian dalan na so sintong jala nunga torop halak na holan manarihon dirina sandiri jala berfokus tu dirina, tarida ma i sian istilah na jotjot tabege ima  Self Picture. Alai beha do halak na porsea ikkon naeng marasing sian portibion marhite na mengalami transformasi marhite hamubaon ni roha dohot hamubaon ni pikkiran.

 

II.  HATORANGAN NI TURPUK

Di Ayat 7, Sai tangihon ma, ale bangsongKu (Heber : Shema Yisrael), hata patujolo na patuduhon parsitutuon dipanangihonon ni bangso Israel tu Debata. Ndang holan manangihon sambing alai adong pangulahonon marhite angka naung tinangihonna. Joujou i ima sada tanda paboa na adong sipasahaton ni Debata na mansai ringkot tu bangso i laos dipatandahon Debata do diriNa nampuna ngolu ni bangsoNa. Ahu do Debatam (Heber : Elohim) patuduhon huaso dohot gogo ni Debata gabe panggomgomi di saluhut na tinompaNa.

Di Ayat 8 – 13, “Ndada ala ni peleanmi” ndang dipinsang Debata nasida taringot tu angka pelean na pinasahat nasida, ndang ala hurang pelean nasida i. Alai na padengganhon pamingkirion ni bangso i do taringot tu pelean i na ringkot di Debata, dirajumi nasida do pelean i na boi mangurupi Debata. Alani, dihatahon Debata do nampunaNa sude angka binatang di harangan, pinahan na marriburibu, ditanda Ibana do sude angka pidong angka na di dolok dohot sude na manggulmit guru di Ibana do. Naeng dipatuduhon Debata, ndang sarupa Ibana dohot debata sileban na disomba ni angka bangso na asing na manghaporluhon pelean. Portibion dohot sude isina di bagasan huaso ni Debata do. Diarahon do bangso Israel asa lam mangantusi paboa pelean i ima hataridaan ni pangoloion dohot parningotan di asi ni roha ni Debata.

Di Ayat 14 – 15, pelehon ma tu Debata hamauliateon (Heber : zabach todah) patuduhon pangongkuhonon ni haporseaon na sintong dohot pasahathon hamauliateon tu Debata ima mangongkuhon saluhut ngolu i holan ala asi ni roha ni Debata. Hamauliateon i ma alus sian roha na marhatopothon saluhutna i ro sian Debata. Hata “Garari ma (Heber : shalam artinya menepat, menyelesaikan) angka bagabagami tu Nasuntimbul (Heber : elyown, penegasan akan keMahakuasaan Allah di atas segala kuasa). On ma joujou laho mangahangoluhon haporseaon na sintong tu Debata na marhuaso i. Jala jou ma Ahu (Heber : qara, menegaskan ketergantungan manusia kepada Tuhan) jumpa di ari hagogotan, asa Hupalua ho (Heber : chalats, membebaskan/melepaskan dari tekanan), asa dipuji ho Ahu. On ma gombaran parsaoran ni Debata dohot jolma i, Debata na marnampunahon jala jolma i na diurupi. Saluhut ngolu ni jolma diangka paraloanna, sitaononna, dipatuduhon do na di bagasan holong ni roha ni Debata do.

 

III.         SIPAHUSORHUSORON

Marhite Minggu I dung Trinitatis dohot topik minggu na mandok “Guru Di Debata Do Portibion Ro Di Nasa Isina” jala laos marhite turpuk on dipaingot do hita asa tangkas manjamothon motivasi laho marsaor dohot Debata di tongatonga ni bagas joro i unang tu kepentingan pribadi alai ala  sihol ni roha laho pajumpang dohot Debata songon na didok di BE. No 18 “Ungkap bahal na ummuli bagas ni Debatangki, ai tu si do au naeng muli ganup jumpang minggu i, hulului do disi bohi ni Debatangki”. Disungguli do hita songon halak na porsea pataridahon parsitutuon patupa parsombaon tu Debata laos pasahat pelean songon tanda hamauliateon ni rohanta tu Debata. Parsitutuon laho marsomba tu Debata ima songon tanda parbue ni haporseaonta namangokuhon na so tuk hita mangulahon angka ulaonta tarlumobi mangadopi hamaolon na masa di tongatonga ni ngolunta anggo so ala ni pandonganion dohot pangurupion ni Debata. Dibagasan pos ni roha ma hita mangokuhon jala manghatindanghon di bagasan ngolunta holan mardonganhon Debata do dipatuk hita mangulahon ulaon na hombar tu lomo ni rohaNa, jala na marhite gogo na marharoroan sian Debata tuk mambahen hita mangolu dibagasan pangkirimon na mangolu na sai tongtong do Debata manjoloani pardalani ni ngolunta manang aha pe na masa tahaporseai do Tuhan manjaga jala mangaramoti hita saluhutna holongNa do tongtong mangondihon hita. Di bagasan parsitutuon dohot dibagasan panghirimon na mangolu tapasahat ma saluhut pardalanan ni ngolunta tu Ibana jala molo jumpang hagogotan. Tajou ma Ibana asa Ibana paluahon hita. Marhite tangiang tapangido ma pangurupion tu Debata jala raphon Ibana ma taula ulaonta songon nidok ni BE No 66 : 1 “Debata baen donganmi lao mangula ulaonmu, Baen Ibana haposanmu sai paserep rohami, Debata baen donganmi, Debata baen donganmi”.

Nang marhite turpuk on, dipaingot do asa unang gabe patubuhon pargasipan di na pasahat pelean jala dang hombar tu lomo ni roha ni Debata, gabe jotjot dipangke i laho pasombu tagas marhite na gabe so parduli tu angka na pogos, halak na so mardihadiha, na holan manarihon dirina sambing (songon na masa di tonga ni halak Israel hatiha i). Sasintongna nian songon parbue ni holong ni Debata na mian di ngolu ni sasahalak ikkon do dipataridahon marhite tindakan keperdulian tu halak na asing asa unang holan manarihon na ringkot di dirina sambing alai dohot ma manarihon na di dongan tarlumobi tu angka na metmet. Ulaon panarihonon tu angka halak na memet ido na dihasiholi Debata di ngolu ni halak na porsea songon na dipaingot di Mat 25:40b “nasa na binahenmu tu sada sian anggiKu na metmet on na tu Ahu do i dibahen hamu”. Ngolu ni halak na porsea ndada holan tu dirina sambing alai boha do asa bolas marpanghorhon ngoluna songon hataridaan ni holong na marharoroan sian Debata. Marhite turpuk on dipaingot do hita taringot tu hinabalga ni holong ni roha ni Debata maradophon jolma manisia nang pe jotjot mangulahon na so hinalomohon ni Debata jala olo marsak Debata ala ni pangalaho dohot pambahenan na so hombar tu lomo ni rohaNa alai tongtong do ndang dipatupa Debata pamaloson tu angka na mangalaosi patikNa. Ido pataridahon hinaandul ni balga ni holong ni Debata sian rimasNa jala i do na pinatuduhon ni Debata tu hita. Disungguli do hita i asa pataridahon hamubaon ni roha marhite na pasahathon pelean ima songon tanda hamauliateon ni rohanta tu Debata di saluhut angka pasupasu na tajalo sian Debata. Amen.