Jamita Minggu XVIII Dung Trinitatis, 19 Oktober 2025 Topik : Nunga Tangkas Huida Bohi Ni Debata/Aku Telah Melihat Allah 1 Musa 32: 22-32

 

Jamita Minggu XVIII Dung Trinitatis, 19 Oktober 2025

Topik : Nunga Tangkas Huida Bohi Ni Debata/Aku Telah Melihat Allah

1         Musa 32: 22-32

 

I.   Patujolo:

Hataridaan ni haporseaon ni sasahalak ima molo tangkas  parsiranggutonna tu Debata di ragam ni hamaolon/tantangan na niadopanna di ngolu on, alai boi tangkas dihamonanghon mardonganhon huaso dohot asi ni roha ni Debata. Marhite sian pardalanan ni ngolu ni si Jakob di turpuk on, diajari do hita asa tung tangkas parsiranggutonta dibagasan pos ni roha paboa didongani jala dipargogoi Tuhan i do angka na porsea. Gumul-juang ni si Jakob on patuduhon titik balik perjalanan rohani dan identitasnya, Jakob mengalami transformasi melalui perjumpaan yang sangat misteri dan ilahi di tepi sungai Yabok. Dison ma tangkas taida, di ragam ni hamaolon na masa diadopi si Jakob, alai dibagasan parsiranggutanna i taruli ma ibana di haimbaruon / transformasi na pinatupa ni Jahowa tu ibana huhut gabe jumpang sada panindangion na mansai arga di ibana mandok  “Nunga Tangkas Huida Bohi Ni Debata”

II.     Hatorangan ni Turpuk:

Nunga tung leleng si Jakob lao sian Kanaan tu Padang Aram, huta ni tulangna si Laban. Dungi jumpang ma tingkina si Jakob laho mulak tu hutana, hombar tu naung disuru Jahowa ibana asa mulak (1 Ms 31: 3, 13). Alai sai mian dope di bagasan rohana biar laho mulak jala pajumpang dohot si Esau. Mansai marungkil situtu do si Jakob laho mulak tu Kanaan ala biar ni rohana i. Ra di sada sisi, tung di bagasan sihol ni roha do ibana naeng pajumpang dohot hahana si Esau i. Alai di sisi asing, si Jakob pe tung mansai biar situtu dope pajumpang siala rasa bersalah yang menyelimuti (ketakutannya terjadi karena ada ancaman, dan dalam ketakutan itu terjadi tekanan jiwa/tekanan batin yang membuatnya mengalami ketakutan sehingga tidak tenang, gelisah). Di parungkilon na mambahen rohana sai marhusari, dipatuduhon ibana do hataridaan ni upaya asa anggiat lam dipalambok hahana i rohana molo nunga saut nasida pajumpang marhite na dipasahat ibana persembahan tu si Esau-sebagai upaya rekonsiliasi (semua adalah upaya Yakub agar pertemuan itu bukan menjadi pertempuran namun berakhir dengan perdamaian). Dungi, andorang so saut nasida pajumpang, di ayat 24, si Jakob holan sahalakna do di tingki tonga borngin, ro di buha siang ari (Terj. LAI: sampai fajar menyingsing) di Seberang Sungai Yabok,  sada partingkian na mansai hohom (saat yang begitu sunyi, saat yang teduh) disi do ibana martangiang pasahathon biar dohot holsona i (pergumulannya). Di tingki i, ro ma sahalak marsiranggut dohot ibana, ima na gabe pengalaman Rohani, peristiwa spiritual. Hata “marsiranggut”  (bergumul/ bergulat). Ise do halak na didok di turpuk on? Halak na didok dison, ima “seorang laki-laki” surusuruan na gabe parhitean (representative) ni Jahowa. Molo didok parhitean ni Jahowa, ndada Jahowa sandiri na ro langsung, alai di bagasan ni parhitean i adong hakekat ni Jahowa (hakekat Ilahi YHWH) (ptd. Terj. LAI Hosea 12: 3-4).

Dipaboa do na disoro halak i (ima suruan i) soit ni si Jakob gabe mengkatekat ma si Jakob. Nian ndang na so boi ditaluhon si sahalak on si Jakob asa pintor so, alai ndang olo halak i manaluhon si Jakob. Disoro ma soitna na paboahon asa unang mangasahon gogona sandiri si Jakob mangadopi biar ni rohana i (ketakutan), gabe sai ditiopi si Jakob ma surusuruan i sahat tu buha siang ari, laos didok ma: “ndang hupalua Ho, nda jolo dipasupasu Ho au”. Pasupasu na dipangidohon si Jakob di turpuk on ndada holan pasupasu di sinadongan (harta/ materi) alai pasupasu na dipangidohon ima asa jumpang songon pasupasu naung dipasahat si Ishak, amana i (bdk. 1 Ms 28: 1-15). Pasupasu na dipangidohonna ima pangaramotion dohot pandonganion ni Jahowa di ngoluna, dohot pasupasu di ngolu haimbaruon di dirina. Dungi disungkun surusuruan i ma goar ni si Jakob. Nian ndang na so diboto surusuruan i goar ni si Jakob. Disungkun pe goarna i martudutudu do tu pangalahona hombar tu lapatan ni goarna i. “Jakob” (penipu ulung yang menipu, licik, sipaotooto). Jala dialusi, didok ma goarna, alai gabe laos dipaimbaru surusuruan i ma goar ni si Jakob, Ayat. 28: “Israel” na marlapatan ma i “berjuang” (Berjuang – Bergumul di hadapan Allah” atau “Allah yang berdaulat”) dalam doa yang diserukan. Marhite goar Israel, patandahon na tutu do ibana gabe hasian ni Jahowa Debata dung diida haporseaonna songon na masa di Jabok i. dihamonanghon ibana do parsiranggutonna i. Marhite suruan i di bagasan hamuliaon dohot hahomion ni Debata, diida si Jakob ma bohi ni Debata jala malua ma nang tondina, ido umbahen laos digoari ma inganan parsiranggutan na i Peniel. “Peniel”  yang berarti “Wajah Allah”.

Ini menunjukkan bahwa pengalaman pergumulan ini bukan sekadar konflik fisik, tetapi sebuah pertemuan ilahi yang mentransformasi dirinya. Parsirangguton ni si Jakob on gabe hataridaan ni simbol do on di ragam ni pengalaman haporseaon ni angka na porsea. Asa unang gabe sai tapangasahon jumolo hagoonta dohot hapistaronta alai naeng ma tangkas dipasirangguthon marhite haporseaon di pangurupion ni Debata, asa lam dipatau hita disandok pardalanan ni ngolunta. Laos diajari do hita asa tangkas  mangantusi ia pasupasu na mansai arga sian Tuhan i, ima marhite parjumpanganta na mansai rosu tu Ibana na mamboan haimbaruon / transformasi di ngolunta.

III.  Sipahusorhusoron:

a.        Hombar tu parsuruon ni Debata, dibagasan toruk ni roha, borhat do si Jakob manopot si Esau, nang pe mansai borat i di rohana. Dison taida niat baik ni si Jakob na rade rohana meminta maaf tu si Esau. Alani, naeng ma gabe parsidohot hita mangharingkothon ngolu sisongon i ditongatonga ni huria, keluarga nang di angka parsaoran siganupari, asa anggiat lam  moru rumang ni angka konflik na berkepanjangan dohot na masihosoman manang dendam.

b.       Adong do pandohan na mandok “Hidup adalah Perjuangan, hadapilah”. Marhite parsiranggutan ni si Jakob di turpuk on, gabe parsiajaran na arga di hita asa tangkas ma taalualuhon jala taelekhon tu Tuhanta i ala dibagasan Ibana do hita margogo  manghamonanghon angka hatahutan, hamaolon, dohot  ragam ni angka boban na taadopi di ngolu on. Unang lari hita sian angka parsoalan, alai taadopi ma marhite parsirangguton ni haporseaonta na tangkas, dibagasan tingki na hohom ro ma hita tu adopanNa, asa tangkas tahamonanghon perjuangan dohot angka pergumulanta.

c.       Jakob dijalo do goar na imbaru songon simbol identitas baru. Nang hita pe songon pamatang ni Kristus, jala angka sitindangi di barita na uli tarjou do nang hita asa olo hita dipaimbaru / ditransformasi Tuhan i, mengalami pembaharuan diri asa patar jumpang identitas na imbaru ima ngolu na lam tu dengganna, tu ulina di adopanNa na boi gabe tiruan di tonga ni keluarga, masyarakat nang di angka panghobasion di tonga ni huriaNa. Dungi dohononta ma “Aku telah melihat Allah - Nunga Tangkas Huida Bohi Ni Debata”. Amen.

                                                                                                                                                              Bvr. R. br. Sibarani