SERAH TERIMA PENDETA HKBP RESORT TIGALINGGA

PANGOJAKHONON PANDITA HKBP RESORT TIGALINGGA DISTRIK VI DAIRI

Pangojakhonon dohot Paborhathon Pandita HKBP Resort Tiga Linga Minggu 22 November 2015

Dari Pdt Sathion P Hutahaen kepada Pdt Budianto Sianturii yang dipimpin Oleh Bapak Pareses Distrik VI Dairi ; Pdt Sunggul P Sirait, S.Th MM. Hadir juga dalam Acara Tersebut Bupati KDH TK II Dairi Jhonny Sitohang Adinegoro , Robert Silalahi Direktur Akper Sidikalang, Direktur SMA Negeri 1 Sidikalang , St JP Sianturi Op Bintang, Rombongan dari HKBP Wahidin Baru, Mannnen Koor Immanuel , Koor Gabungan Maranatha, Koor Sektor IV, Guru Sekolah Minggu HKBP Wahidin Baru dan Utusan dari NHKBP. Dan Semua Jemaat HKBP Tigalingga Resort Tigalingga , Distrik VI Dairi , Acara berlangsung dengan Lancar Penuh Hikmat , Khotbah di layankan Pdt Sunggul P Sirait STh MM , Dan dilanjutkan dengan Acara Ramah Tamah 

Praeses  Pdt Sunggul P Sirait STh MM Mangojakhon Pdt Budianto Sianturi 

Serah Terima Dari Pdt Sathin P Hutahaen Kepada Pdt Budianto Sianturi

Naskah Serah Terima Dibacakan Oleh St SR Gurning

Bupati Dairi ; Ikut Melantunkan Lagu Pujian Bersama Jemaat HKBP Tigalingga 

 Pdt Budianto Sianturi dan Inang Trina Melati Banjarnahor di Ojakhon Praeses 

 Praeses , Kabid Koinoni Pdt Andi Lumban Gaol dan Pdt Ridon Siagian 

 Suasana Acara Gereja , Jemaat , Parhalado dan Bupati Dairi 

 NHKBP Tigalingga

 Tulang Purba dan Mertua Pdt B Sianturi   Marbun Mangupahon Dekke 

  Acara Ramah Tamah dan Makan Bersama , Hadir Robert Silalahi Direktur Akper Sidikalang 

 Keluarga Pdt B Sianturi

 Mannen Koor Immanuel HKBP Wahidin Baru Medan 

Menyampaikan Berkat 

Pembacaan naskah serah Terima

TAHUN PEREMPUAN HKBP WAHIDIN BARU

Pesta Puncak Taon Parompuan HKBP Wahidin Baru Minggu 24 Mei 2015

Panitia Taon Parompuan Mamuhai Gondang dalam Pesta Puncak Taon Parompuan HKBP Wahidin Baru Minggu 24 Mei 2015

Pdt DR Darwin Lumbantobing Melayankan Firman Tuhan dalam Pesta Puncak Taon Parompuan

Pdt Budianto Sianturi , Sebagai Liturgis ( Agenda )

Pdt DR Darwin Lumbantobing Mangulosi Pdt Gerhard Sihombing MTh

Kontingen Paduan Suara Sektor I HKBP Wahidin Baru ,Conductor Linda Mora Purba

Kontingen Paduan Suara Sektor II HKBP Wahidin Baru, Cond : Ny Saragi Br Manullang

Kontingen Paduan Suara Sektor III HKBP Wahidin Baru Cond : Rusmida Sagala SPd

Kontingen Paduan Suara Sektor IV HKBP Wahidin Baru, Cond St M Br Sinaga S.Pd

Doa Berkat Oleh Pdt DR Daewin Lumbantobing & Pdt Budianto Sianturi

Ina Pararikamis Mamboan Silua

Remaja NHKBP Pasahathon Silua

Sektor Sektor Pasahat Silua

Pdt Leonardo Sinambela STh MPDk manortor Bersama Pdt Budiianto Sianturi dan Ruas

Ny Pdt Leonardo Sinambela/Br Hutahaean, Ny Pdt GP Sihombing Br Tarihoran dan Ny Pdt B Sianturi Br Banjarnahor

Ketua : Ratna Siburian S.PD, Tinar Manihuruk dan Pdt B Sianturi Memberikan Pengarahan

Ny Pdt Dr Darwin /Manta Br Siahaan & Ny Pdt B Sianturi/Trina Melati Banjarnahor AMk

 

Pemenang Festival Paduan Suara Taon Parompuan HKBP Wahidin Baru 

Juara I : No Undi 4 Sektor II

Juara II : No Undi 1 Sektor III

Juara III : No Undi 2 Sektor I

Juara IV : No Undi 3 Sektor IV 

Conductor Terbaik : Rusmida Sagala S.Pd No Undi 1 Sektor III

Kontingen Tervavorit : No Undi 2 Sektor I 

Dewan Juri 

Pdt TPL Rajagukguk 

Biv Tiur P Siagian 

Gr Marjejer Aritonang

r

Panitia dan Parhalado Manortor

Ndang Marpansohotan Asi ni roha ni Debata Andung 3:22-33

Jamita Minggu, 28 Juni 2015: Andung  3 : 22 - 33

Oleh : Venpri Lumban Gaol

Ndang marpansohotan asi ni roha ni Debata

Patujolo

Aha do holong? Aha do umbahen na tadok i holong? Godang do sian hita mambahen pangantusion ni holong, molo na denggan na hujalo sian halak (manang sian ise pe), ido holong, manang angka pangalaho na so mambahen jut ni roha, ido holong na sian dongan. Molo hata sipaingot, pinsang-pinsang, nang songoni uhum, ndang tadok i holong, boi sajo doi gabe tadok: Hajungkaton…Umbahen i do ndang piga halak na rade dipaingot jala paingothon (di kritik atau mengkritik), ndang piga halak na rade dipinsang, apalagi ndang piga halak na rade manjalo muruk ni dongan ala ni hahurangan ni parange niba. Suang songoni do nang hita (jolma) maradophon Tuhan i. Jotjot do hita menilai holong ni roha ni Debata, molo saut na tapngido, saut na taparsitta, jala tung so hurangan hita dingolunta on. Alai molo ro arsak, na hurang singkop di rohanta, sai tadok doi hajungkaton manang uhum na sala sian Debata. Antong, holong ni roha ni Debata sasintongna ima: molo olo dope Debata “MANGANTOI” hita, ditingki na lehet manang na so lehet, ditingki arsak nang las ni roha. Pangantoion dia ma I? Saluhut na ma i, ndang mardia imbar. Saluhut na pinamasa ni Debata, holan asa paulihon hita doi, tu na dumenggan, ai manumpal tu na denggan do saluhut pambahenan ni Debata. Ndang lomo roha ni Debata mate jolma i dibagasan hadosaonna, umbahen sai dipaingot Tuhan i marhite angka na masa dingolunta. Suang songoni ma na masa tu bangso Israel (Juda), ala ni dosa ni nasida, di uhum Debata, asa mananda nasida di dosana, diboto nasida pangalahona naung sala, jala asa mulak tu Debata. Hita pe, taboto ma dalan ni ngolunta manang naung sala manang na dang. Molo tung nunga sala mangalangka hita, jala sanga di uhum Debata ala ni dosanta, mulak ma hita tu Debata, ai didok: SALELENG LELENGNA DO ASI NI ROHA NI DEBATA, JALA SAI MULAK RATA DOI GANUP SOGOT….

Hatorangan

Ende Andung sian Panurirang Jeremia; na sinurat ni Panurirang Jeremia (586 – 585 sM). Saluhut isi ni bukku on, naeng patanakhon tu saluhut bangso Israel, nang jolma si saonari dohot na naeng ro, mandok:”hasusaan i maruju doi, hasusaan saonari dohot panghirimon di ari na mangihut. Bukku on jotjot do di jaha on ditingki ari pasiahon bulan Ab (parsitongaan ni bulan Juli: goar ni bulan, dimulai sian bulan tolu: Nisan {Neh. 2:1; Est. 3:7}, Iyar, Siwan {Est. 8:9}, Tamus, Ab, Elul {Neh. 6:15}, Tisyri, Markhesywan, Kislew (Za. 7:1; Neh. 1:1}, Tebet (Est. 2:16}, Syebat {Za. 1:7}, Adar {Ezra 6:15; Est. 3:7}= bulan dung Habuangan Babel), ditingki bangso Israel mambahen parningotan ari hasesego (kehancuran) Jerusalem. Nahundul do panurirang i huhut tumatangis marnida Jerusalem, ai nunga tung tangkas diida ibana manang na songon dia ni gogo jala hinabalga ni uhum na jinalo ni bangso i, gabe pola songoni rimas ni Debata maradophon bangsoNa sandiri. Saluhutna i ndang ala ni na so lomo roha ni Debata di bangsoNa i, ndang na so holong rohaNa, alai uhum na binahen ni Debata, saluhut na masa i ala ni dosa ni angla raja nang bangso i sandiri. Jala nunga lam jonok partingkian mandabu uhum i, uhum na tung mansai balga. Alai nang pe songoni uhum na nanaeng masa i, ianggo panurirang Jeremia hot do parnidaanna taringot tu Debata. Hot do Debata na sintong, adil jala gok asi ni roha di sandok pambahenanNa tu saluhut halak angka na olo marhamubaon ni roha. Jadi pandok ni bukku Andung on, sai dilehon Debata pe tingki di nasida laho mulak tu dalan ni Debata, jala manghirim nasida di asi ni roha nang haluan na sasintongna na pinarade ni Debata. Unang gabe tubu hasoraton (putus asa), ai uhum i pe dibahen Debata, holan asa mangajari jala paingothon bangso i doi, alai ditingkina sai na muba do i gabe parolopolopon bolon.

Nian molo di ida panurirang i pangalaho nang pambahenan ni bangsoNa i maradophon Debata, tung so adong be ni jumpang di nasida asi ni roha, ai manang na marpiga hali sai dilehon partingkian i, alai na maol  situtu do bangso i marhamubaon ni roha (Andung 2). Ndang marna di olio nasida pandok ni angka panurirang, alai lam dijugulhon do rohana mardosa. Umbahen ido, sai didosak panurirang Jeremia saluhut nasida, asa diingot nasida muse Debata, asa diingot parasiroha do Debata, jala lambat tarrimas, gok holong jala hasetiaon, jala burju do Ibana tu sandok jolma na mangasahon hadirion ni Debata. Taida ma na tarsurat i: Ndang marpansohotan asi ni rohana i, mulak rata do i tahe ganup sogot, godang ma tutu habonaronmu. Aha do lapatanna?

1.        Rimas ni Debata, sangombas doi, alai holong dohot asi ni rohaNa ndang mamparsohotan. Ndang hea ditolak Debata Juda, ai nasida do bangso na pinarbaga i (bangsa perjanjian), jala tung godang situtu dope sangkap ni Debata nanaeng sipasautonNa tu nasida jala marhite nasida.

2.        Na basa do Tuhan (Tuhan itu baik), jala parasiroha godang tu angka na sai paimahon Ibana dibagasan torup ni roha jala panolsolion na tutu

3.        Tuhan patuduhon asi ni rohaNa dung jumolo saut uhum na ingkon honahononNa tu bangso i

Siboanon tu jamita

Antong, unang holan uhum ni Debata na taida, alai taida ma manang na songon dia do holong manang haburjuon ni Debata tu hita jolma – Psalm 103 : 3 – 8

1.        Disesa Tuhan i do dosanta (ay. 3)

2.        Dipamalum do sahitta (ay. 3)

3.        Ditobus Tuhan i do hita sian hamagoanta (ay. 4)

4.        Parjambar dibahen Debata hita, ima tumpal denggan basa dohot asi ni roha

5.        Dipamahap do hita disandok parngoluanta jala dipargogoi

6.        Dipatupa Debata do hatigoran tu hita, jala tingkos do uhum na sian Ibana

7.        Dipabotohon do tu hita angka dalanna asa unang lilu hita (ay. 7)

8.        Parasiroha jala pardenggan basa do Jahowa, lambat tarrimas jala parasiroha godang.

Sian saluhut na sinurathon di bukku on, saotik do pe on na boi taida sian Tuhan, ala tung masnai godang dope na boi taida denggan basa ni Debata. Jala na rumingkot siingotonta, sai dipaimbaru do asi ni rohaNa ganup manogot i, antong: jumolo parade dirim manjalo asi ni roha ni Debata di manogot i. ASa taingot, godang do hita na so patut manjalo i, ala ni i jumolo patau dirim manjalo asi ni roha ni Tuhan, dungi lehononnama di ho. Jala ganup manogot, ingkon ingotonmu mandok mauliate, jala sai pasunggulhon ganup tingki tu bagasan roham, pardenggan basa do Jahowa jala gok asi ni roha do Ibana. Patuduhon ma dibagasan pangalaho, parange tanda na tahaposi do Debata jala taboto, sian Ibana do saluhutna.

Antong, molo pe tung sai songon na mandao Debata di rohanta, taingot ma: ndang hea dao Debata sian hita, rohanta do na mandao. Ndang hea ditadinghon Tuhan i hita, hita do na manadingkon Ibana. Manang aha na masa, dohot na tajalo sian Debata, ingkon tadok mauliate…ndang adong na sala pambahenan ni Debata, sintong do dalan ni Tuhan i. Uhum na sain Ibana, holong doi, asa unang tarlalap hita, hamoraon dohot hapogoson, dalan doi asa tatanda Debata, sangap holong doi asa serep marroha hita, hagabeon ang na so gabe, holong doi asa tahaposi Ibana, jala di Ibana do huaso nang ngolunta. Amen!

JAMITA TU MINGGU 31 MEI 2015 JESAYA 6:1-8

 

 

JAMITA MINGGU TRINITATIS, 31 Mei  2015 Jesaya 6 : 1 – 8

  Oleh :Pdt SRP Aritonang S.Si

Patujolo :

Masa do angka halumlamon di tongatonga ni bangso Israel tarlumobi ma di ngolu haporseaon uju di ngolu ni Panurirang Jesaya hatiha i. Di situasi na masa songoni, disuriranghon si Jesaya do taringot tu HABADIAON NI DEBATA, tu angka bangso Israel nang panggomgomina pe.  Adong tolu rumang ni na disoroti ni Panurirang Jesaya di parngoluon ni bangso i, :

Na parjolo ; taringot tu ngolu parugamaon na ingkon satia holan tu Debata Jahowa sambing. Na paduahon ; taringot tu ngolu sekuler na marhadomuan tu ngolu sosial dohot ekonomi naeng ma ingkon marojahan tu dalan hatigoran ni Debata. Na patoluhon ; taringot tu ngolu politik naeng ma nian manghajongjonghon paboa Debata Jahowa do Raja ni sude angka raja na di portibi on. Na tolu bidang parngoluon na ginoaran di ginjang nunga dilanggar jala dilecehkan angka panggomgomi hatiha i. Asa ido umbahen disoarahon si Jesaya asa ganup ma mangaradoti habadiaon ni JAHOWA.

Hatorangan :

Turpuk on ima panjouon ni Debata tu si Jesaya gabe sada Panurirang. Nalnal do dipapatar Debata HabadiaonNa dibagasan panjouonNa i.

Ayat 1 :

Di tingki taon panjouon ni Jesaya gabe panurirang, marujung ngolu do raja Usia. Pandohan di ayat 1 on na mandok ; “Hundul Tuhan i diatas ni habangsa na marmulia”, naeng mangondolhon ia sude huaso ni jolma di portibi on ingkon marhaunduhon do i diadopan ni Debata. Debata do na mangatasi angka panguaso na di portibi on.

Ayat 2 :

Sada gombaran taringot tu hajongjongan ni angka surusuruan seraphim dison naeng papatarhon habadiaon ni Debata do, jala naeng pabotohon na so adong talup jala Manahan jongjong di adopan ni Debata, holan sada do na boi tarpatupa ima marsomba dohot mamuji habadiaon ni Debata.

Ayat 3 :

Ayat on ima sada panindangion dohot pujian ni angka seraphim siala habadiaonNa, hamuliaonNa nang hausoNa pe. Tama do Ibana sipujion, ala ndada holan tu bangso Israel marsinondang habadiaon dohot hamuliaonNa i, alai tung saluhut liat ni portibi on do.

Ayat 4 – 5 :

Didok dison “ Humuntal ma angka ojahan “ , na marlapatan do i songon sada boaboa taringot tu haroro ni Debata di panjouon ni si Jesaya asa gabe sada panurirang. Angka hitir do dihilala si Jesaya anggo dimulana taringot tu panjouonNa i. Ai dirajumi ibana do paboa jolma na gale jala parbibir na ramun do anggo ibana. Boi dohonon mian do roha biar di si Jesaya laho manurirangi di tonga tonga ni bangso i siala nunga tung mansai lumlam dihilala ibana parngoluon ni bangso i hatiha i.

Ayat 6 – 7 :

Na binahen ni angka surusuruan di ayat 6 – 7, na mambuat gara jala na manjama pamangan ni si Jesaya, laho patubuhon keberanian do i di si Jesaya, asa tung tarjalo ibana hapanurirangon i. Asa tangkas diboto si Jesaya paboa Jahowa do na marsuru ibana. Alani, na so pasombuon ni Jahowa ibana di na manurirangi bangso i, jala na ingkon Debata do na mangalehon hagoon tu ibana laho manghatahon jala manghatindanghon habadiaon ni Jahowa.

Ayat 8 :

Dung tangkas dipatupa angka surusuruan i tu si Jesaya songon patubu keberanian di ibana songon na tarsurat di ayat 6 – 7 na diginjang, tarbege ibana ma soara ni Tuhan i na manjouhon asa ise do suruonNa gabe sada panurirang di tonga tonga ni bangso i, manigor hatop do dialusi si Jesaya marhite hata : “ dison do ahu, suru ma ahu “. Boi taida dison, nunga tubu be habaranion i di si Jesaya laho dipabangkit gabe sada panurirangNa. Ala pos ni rohana tu Debata, olo ibana tarjou manghatindanghon habadiaon ni Debata di tonga tonga ni bangso Israel.

Panimpuli :

-          Na mangolu do hita nuaeng ditonga tonga ni partingkian dohot situasi na so pola dao marasing sian situasi na masa di bangso Israel hatiha di turpuk on di ngolu ni panurirang Jesaya. Halumlamon na masa nuaeng ndada holan masa di ngolu ni haportibion alai ngolu di parhuriaon pe nunga be mulai disosopi.

-          Ndada holan si Jesaya dison na tarjou mamaritahon habadiaon ni JAHOWA, alai tarjou do nang hita songon halak na porsea dohot HuriaNa laho marnida jala manghatindanghon hamuliaon dohot habadiaon ni Tuhanta.

-          Minggu Trinitatis na mansoarahon hasitolusadaon ni Debata Ama, Anak dohot Tondi Parbadia, manjou ganup hita asa jumpang pangokuon, panolsolion, dohot hamubaon ni roha laho papatarhon habadiaon ni Debata Ama dibagasan pangoloion di Tuhan Jesus Kristus  marhite pamintorion dohot gogo na ro sian Tondi Parbadia.

-          Taradoti ma panjouon di ngolu habadiaon i, di angka parsaoranta, keluarga, huta, dohot angka ulaonta na marragam i. Amen.

Yesaya 6:8-10 SERMON GURU SEKOLAH MINGGU HKBP WAHIDIN BARU

SERMON GURU SEKOLAH MINGGU HKBP WAHIDIN BARU

Yesaya 6:8-10

Inilah aku Utuslah aku

1.      Yesaya artinya : Keselamata yang Dari Allah , Allah Menyelamatkan( PenyelamatanYahweh) banyak cara untuk memanggil seseorang untuk menjadi pegawai/karyawan  resmi sebuah perusahaan atau juga di pemerintahan. Misalnya, melalui iklan penerimaan pegawai baru,  brosur yang dibagikan, atau juga melalui informasi dari teman. Diterima atau tidak bisa dalam bentuk panggilan langsung, panggilan via telepon, melalui papan pengumuman atau juga via surat.Setelah diterima, tidak langsung menjadi pegawai/karyawan tetap. Dia harus mengikuti masa training atau pelatihan dulu berhubungan dengan skill, integritas dan juga loyalitas dalam tugas yang diberikan. Setelah semuanya dijalani baru dia diterima secara resmi. Bagaimana juga dengan Imam, Nabi, Rasul, Raja yang dipanggil Tuhan menjadi “karyawan/pegawai-Nya” yang sering disebut hamba-Nya? Dalam Alkitab menceritakan banyak cara yang dipakai oleh Tuhan. Reaksi yang sangat positif akan panggilan Tuhan bisa kita lihat lewat sosok Yesaya.

2.      Ketika ia mendapat panggilan Tuhan, ia langsung menyatakan kesiapannya tanpa memikirkan keterbatasan kemampuannya sebagai seorang manusia biasa. “Lalu aku mendengar suara Tuhan berkata: “Siapakah yang akan Kuutus, dan siapakah yang mau pergi untuk Aku?” Maka sahutku: “Ini aku, utuslah aku!” (Yesaya 6:8). Singkat dan tegas reaksinya. “Here am I, send me.” he said. Apakah Yesaya termasuk orang yang percaya diri berlebihan? Tentu tidak. Kita yakin Yesaya tahu betul sampai dimana batas kemampuannya sebagai manusia. Tetapi ia menyadari betul bahwa ia hanyalah seorang utusan, seorang pelayan, seorang hamba. Ia tidak perlu takut. Sebagai seorang hamba, bukankah ia memiliki “Tuan” dengan kuasa yang tidak terbatas? Jika “Tuan”nya yang menyuruh, bukankah itu artinya “Tuan”nya percaya ia mampu dan akan menyiapkan segala sesuatu yang diperlukan untuk menjalankan tugas? Ini sebuah sikap yang seharusnya segera muncul dalam diri kita ketika Tuhan memberi sebuah tugas atau panggilan. Bukan segera melihat kekurangan atau keterbatasan kemampuan kita, tetapi segera mengarahkan pandangan kepada Sang Pemberi tugas. Bukan mengeluh, tetapi sudah sepantasnya kita bersyukur karena kita dipilih Tuhan untuk melakukan pekerjaan yang mulia.

3.      Bukan kemampuan kita yang penting, tetapi kemauan kita. Selebihnya biarkan Tuhan yang berkreasi diatas segalanya lewat diri kita.Kita manusia yang terbatas, itu benar. Tapi sesungguhnya Tuhan sudah menyediakan talenta-talenta khusus bagi kita masing-masing yang tentu saja bisa dipakai untuk kembali memuliakanNya dalam melakukan berbagai bentuk pelayanan  yang memberkati orang lain. Apakah para nabi pilihan Tuhan adalah orang-orang sempurna yang bisa segalanya? Justru sebaliknya, Tuhan lebih suka memakai orang-orang yang dianggap biasa-biasa saja atau malah tidak dianggap untuk menjadi duta-dutaNya ketimbang orang-orang yang hebat, kaya atau terkenal. Bukan mampu atau tidak yang penting, tapi mau atau tidak.

4.      Hari ini kita mau melihat bagaimana Yesaya dalam Panggilan Tuhan:
Meresponi Panggilan Tuhan: (Ayat 8) "Ini aku, utuslah aku!" Paulus juga menunjukan hal ini filipi 3:13-14 Saudara-saudara, aku sendiri tidak menganggap, bahwa aku telah menangkapnya, tetapi ini yang kulakukan: aku melupakan apa yang telah di belakangku dan mengarahkan diri kepada apa yang di hadapanku, dan berlari-lari kepada tujuan untuk memperoleh hadiah, yaitu panggilan sorgawi dari Allah dalam Kristus Yesus. Ini bukan sekedar jawaban kosong melainkan jawaban penyerahan diri sepenuhnya. Kita bisa melihat pada poin berikutnya dimana

5.      Yesaya Mengikuti kehendak Tuhan: Yesaya  6:9-10 "Pergilah, dan katakanlah kepada  bangsa ini: Dengarlah sungguh-sungguh, tetapi mengerti: jangan! Lihatlah sungguh-sungguh, tetapi menanggap: jangan! 10 Buatlah hati bangsa ini keras dan buatlah telinganya berat mendengar dan buatlah matanya melekat tertutup, supaya jangan mereka melihat dengan matanya dan mendengar dengan telinganya dan mengerti dengan hatinya, lalu berbalik dan menjadi sembuh." 11 Kemudian aku bertanya: "Sampai berapa lama, ya Tuhan?" Lalu jawab-Nya: "Sampai kota-kota telah lengang sunyi sepi, tidak ada lagi yang mendiami, dan di rumah-rumah tidak ada lagi manusia dan tanah menjadi sunyi dan sepi. Yesaya berkhotbah mengenai hukuman dan pelepasan yaitu bila orang israel mengeraskan hatinya makan hukuman akan datang pada mereka namun bila mereka bertobat maka pengampunan dan keselamatan akan menjadi milik mereka “Keselamatan seperti apa yang Allah janjikan?

6.      Siapakah Aku Ini Tuhan?  Siapakah Guru Sekolah Minggu/Anak Sekolah Minggu HKBP Wahidin Baru?(Yohanes 15:14-17) 15:14 Kamu adalah sahabat-Ku, jikalau kamu berbuat apa yang Kuperintahkan kepadamu.15:15 Aku tidak menyebut kamu lagi hamba, sebab hamba tidak tahu, apa yang diperbuat oleh tuannya, tetapi Aku menyebut kamu sahabat, karena Aku telah memberitahukan kepada kamu segala sesuatu yang telah Kudengar dari Bapa-Ku.15:16 Bukan kamu yang memilih Aku, tetapi Akulah yang memilih kamu. Dan Aku telah menetapkan kamu, supaya kamu pergi dan menghasilkan buah dan buahmu itu tetap, supaya apa yang kamu minta kepada Bapa dalam nama-Ku, diberikan-Nya kepadamu.15:17 Inilah perintah-Ku kepadamu: Kasihilah seorang akan yang lain.”

7.       Tugas pelayanan Sebagai Guru Sekolah Minggu yang kita emban memang berat dan menguras energi, tenaga, pikiran bahkan materi. Kadang kala kita juga harus rela meninggalkan kepentingan pribadi dan keluarga demi pelayanan. Tetapi Yesus memberi satu jaminan bahwa Dia akan beserta dengan kita sekaligus memenuhi apa yang menjadi permintaan kita (ay. 16c). Tentu saja dengan catatan kita tetap patuh dan setia kepada perintah-Nya (ay. 14-15). Sekarang kembali kepada kita apakah masih terus bergumul dengan pertanyaan, Siapakah aku ini Tuhan? Atau justru sebaliknya kita kembali dari sermon ini dengan satu komitment seperti apa yang dikatakan Nabi Yesaya kepada Tuhan,

8.      “Inilah Aku, Utuslah Aku” (Yes. 6:8)? Lagu ini akan menginspirasi kita dalam Melayani  Kasih setiaMu yang kurasakan, Lebih tinggi dari langit biru, KebaikanMu yang tlah Kau nyatakan, Lebih dalam dari lautan, BerkatMu yang telah kuterima, Sempat membuatku terpesona, Apa yang tak pernah kupikirkan, Itu yang Kau sediakan bagiku. Reff..Siapakah aku ini Tuhan?, Jadi biji mataMu, Dengan apakah kubalas Tuhan ?, Selain puji dan sembah Kau.  

                YE-SA-YA : YESUS- SAYANG -SAYA

Sermon Jamita tu Minggu Letare Heber 12 :18-29 Minggu 15 Maret 2015

SERMON JAMITA TU MINGGU  “LETARE”  15 MARET 2015

KONVENT PANGULA NA GOK TINGKI DISTRIK  X  MEDAN- ACEH, DI HKBP MEDAN DENAI , RESS: SUKARAMAI ,

SENIN 9 MARET 2015

EV:HEBER 12:18-29

 

Parhalado halomoan mardongan biar dohot hadaulaton

I. Patujolo

Ia Surat Heber on di tujuhon tu halak Kristen Jahudi na di bagasan haporsuhon hinorhon ni pangaleleion alani haporseaon  taringot tu Jesus Kristus. Torop do halak Kristen na ganggu uju i marhaporseaon. Surat Heber on ma patoranghon ia Jesus Kristus i ima Debata na gabe jolma , tumimbo sian angka malim ro di angka surusuruan. Ibana do dalan laho padomuhon Padan na robi dohot Padan na imbaru, padomuhon  parsaoran nadenggan maradophon Debata.( 1:1-2;2;2-3) Jala turpuk on ima sada pangajarion na manosoi dohot na pa ingothon Halak Kristen i asa mangolu di bagasan pangoloion, halomoan dohot biar mida Jahowa mardongan hadaulaton ( Beribadah dengan hormat dan takut pada Tuhan ) mangulahon hasintongan hadameon nang habadiaon dibagasaan parugamoon na sintong.

II. Hatorangan

Ayat 18-21  Ayat on patuduhon kilas balik di dolok Sinai. Dung haruar bangso i sian habuangan Misir di pudun Debata ma PadanNa dohot Israel marhite Patik na sampulu i . Andorang so nangkok si Musa tu dolok i tangkas do di pa andar sotung adong sian nasida na jumonok dohot manjama dolok i sotung mate nasida. Mangihuthon 5 Musa 4:11 digombarhon do dolok i songon api namarsigorgor dibagasan api sahat ro di parsitongaan ni langit, masa ma disi parhobot ni ombun dohot haholomon marimpotimpot , dung i pe asa ro ma hata ni Jahowa di tongatonga ni api. Di ayat 20 didok  molo dais dorbia tu dolok ingkon mate doi dangguran . I ma patuduhon paboa na mansai songkal do Debata jala badia  ala ni i do mansai mabiar nasida pola didok ; unang pola manghuling Debata  sotung mate hami.  Alani aha? ala ni dosa ni bangso i na mangaramuni dirina marhite angka ragam ni dosa na ni ulana. Holan si Musa do na hea adop bohi dohot Debata dungkon ni i dang adong be, marhite i ma di pangidohon bangso i ma si Musa gabe perantara nasida dohot Debata.  Gariada tahe si Musa pe tahutan jala angka dotdot do alani hasongkalon dohot habadiaon ni Debata . Songon i ma gombaran ni halak na mardosa na ro tu Debata sai di gohi biar do “Betapa kudusnya Allah , dan kekudusanNya membuat orang berdosa ketakutan”.

Ayat 22-25 Dolok Sion ima Huta ni Debata, simbol haluaon marhitehite Jesus Kristus tu saluhut manisia ( Pslm 50:2, Jes 2:3)  tu si ma hita di jou mamuji, marsaor rap dohot Debata . Jesus naung mamuhai parpadanan na imbaru,  paulakhon parsaoran naung sanga sego i, Ibana ma malim na rimpas jala pelean na rimpas. Ibana do mula ni Huria i,  na manguhumi halak partigor dohot na jahat . Marhite Ibana gabe dapot hita haluaon i  gabe boi hita jumonok muse tu Debata .Marhite mudarNa na durus mangungkap pardenggananta dohot Debata.  Dibagasan Tuhan Jesus lam solhot hita muse tu Debata. Marhite Jesus  ditobus hita sian hamatean i , di roro hita sian huaso ni sibolis laos gabe parjambar hita di hangoluan na so ra suda.  Alani i dang ringkot be hita mabiar ro mandapothon Debata tu Dolok Sion ( Tu bagas Joro-Na ). Ta argahon ma panjouon ni Tuhanta i, unang ta jua jala ta tundalhon be Ibana.

Ayat  25-29 Uhumon-Na do angka na na manulak Ibana, ta bege jala ta tangihon ma soaraNa. Na ro ma angka ari sogot di paruhuman i , salpu do sogot portibi on ro ma na imbaru ( Pslm 77:19, Hag 2:6 ) halak na manahan i ma angka na porsea di Debata dohot di Jesus Kristus . Halak na mangolu dibagasan Haporseaon dohot habadiaon manjalo tumpal HarajaonNa   jala sampang tu  hangoluan saleleng nileleng na ( Dan 7:18,27). Tama ma hita mandok mauliate tu Debata ( 1 Tes 5:18) jala mambahen ngolunta nahen pelean na hinalomohon ni Debata .  Gabe Parhalado na halomoan jala na mabiar dohot na marhadaulaton  ma hita  manghobasi ulaon ni Tuhan i. I ma ibadah na hinalomohon ni Debata ( Rom 12:1, Fil 4:18) . Api na mangallang do Debatanta i ( Debata Parlulu, Allah yang cemburu 5 Musa 4:24) marlapatan unang ta jua Debata , dohot Jesus Kristus,  holan  tu Ibana ma hita marsomba, unang ta olo i be sibolis laho manegai parsaoranta naung denggan i.

III. Impola tu Jamita

1.     Ro ma hita tu Sion , tatopot ma Bagas joro ni Debata nabadia i,  mamuji marsaor rap hon Debata dibagasan habadiaon.  Ai nabadia jala na songkal do Debata tama  hita mangolu dibagasan habadiaon . Jesus Kristus do pardomuanta dohot Debata.

2.     Ta argahon ma Panjouon ni Tuhan Jesus Kristus, tung unang adong sian hita na manjua asa parsidohot hita di HarajaonNa.

3.     Mandok mauliate ma hita tu Debata jala mamuji Ibana sian roha na ias jala marsitututu dibagasan roha biar mardongan hadaulaton asa gabe parhalado dohot ruas na hi nalomohonNa hita.

4.     Halak Kristen ingkon do marsihohot di angka sitaonon dohot parungkilon na, tongtong di bagasan las ni roha alani panghirimon na pinasahat ni Debata marhite Tuhan Jesus Kristus di sude angka na manghaporsea i Ibana

5.     Letare “Marlas ni roha ma hamu” dibagasan Jesus do singkop las ni rohanta , antong Beribadah ma hita holan tu na pasonanghon roha ni Debata, unang ibadah na holan pasonanghon dirinta sandiri . Ibadah ta, i ma ibadah na dibagasan biar mida Jahowa, alai barani jala gok las ni roha mangasahon asi ni roha ni Tuhan Jesus. Amen

Pdt Budianto Sianturi

HKBP Wahidin Baru