KATA
PENGANTAR
Mauliate ma tapasahat tu Debata
Parholong roha ala holong dohot asi ni rohaNa na tongtong mangaramoti
parngoluonta siganup ari. Jala marhite asi ni rohaNa mardalan do huria i di
tongani portibion. Ndang tarbahen so las rohanta tarlumobi di tongatonga pandemi
covid 19 na malanda portibion, sai tongtong diramoti Debata hita jala dang
ditadinghon hita. Alani i sai tongtong ma hita mangolu di bagasan Tuhan i di
bagasan mematuhi protokol kesehatan na niaturhon pamarentata. Taulahon ma PPPKM
(Pemberlakuan Pembatasan Kegiatan Masyarakat) dohot 5M: Memakai masker,
Mencuci tangan, Menjaga jarak, Menjauhi kerumunan serta Membatasi mobilitasi
dan interaksi.
Laos
songoni do nang angka ulaon ni huria, ingkon hot do mardalan parmingguon
mematuhi protokol kesehatan. Isaranna partangiangan, molo so boi di
lunggu/sector/wyjk manang di gereja tapatupa ma di ganup bagasta be. Tabaen ma
bagasta gabe bagas partangiangan marhite jamita partangiangan na pinaharuar ni
Distrik XIII Asahan Labuhanbatu asa
tongtong hata ni Debata tarbarita di tongatonga parngoluonta ganup. On ma edisi
pasampulusadahon jamita partangiangan HKBP Distrik XIII Asahan Labuhanbatu na
disurathon Pangula na gok tingki Distrik XIII Asahan Labuhanbatu. Anggiat
marhite buku partangiangan i, lam tahauashon ma parade tingki marsaor dohot
Tuhanta.Jala lam tarida ma parsaoran na rosu natoras dohot ianakhon, ai hatani
Debata do gabe bohal partondion ni ianakhon laho manangkasi hata ni Debata.
Pinasahat
ma mauliate tu angka panurat na parade tingki laho manurat buku partangiangan
on songoni nang tu editor. Marsangap ma Tuhan i jala tarpasupasu ma sude
Parhalado dohot Ruas ni Huria sa Distrik XIII Asahan Labuhanbatu marhite
panghobasion.
Kisaran,
01 Februari 2022.
Praeses
HKBP Distrik XIII Asahan Labuhanbatu
Pdt. Winner
Sitorus, M.Min
Minggu V DUNG EPHIPANIAS
06 Februari 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 719 : 1 – 2 “Hubege Soaram O Jesus”
|
|
2
|
Tangiang Pamuhai
|
Votum : A.IV.2 –
D.VI.15
|
|
3
|
Manjaha Turpuk : Markus 1 : 16
– 20
|
|
4
|
Marende BE. No. 698 : 1 “Sai Ihuthononku
Jesus”
|
Jamita : JESAYA 6 : 9 – 13
“GABE SIIHUTHON JESUS”
Hamu angka dongan
sahaporseaon!
01.
Dang
ASAL sambing hape Debata laho mangulaulaon,
taida ma sian Pangaradeon ni Debata tu Jesaya na laho Mamboan HataNa tu ngolu ni
Bangso na Ramun. Jumolo dipatuduhon Debata ma HabadaiaonNa tu Jesaya, Nabadia,
nabadia, nabadia do Jahowa Zebaot, gok hamuliaonNa liat portibi on (ay.3), dung
i gabe diboto Jesaya ma hadirionna halak Parbibir na Ramun, alani i ma di
Patandi = dibedakan Debata ma Ibana marhite Pangurason na manjama pamanganna,
jala didok: Ida ma, on do na manjama bibir ni pamanganmu, paboa naung niunsat utangmu,
jala naung hinungkupan dosam (ay.7), dung i disuru Debata ma ibana, Ise do suruhononku,
jala ise pardalannami? Jadi ningku ma: Dison do ahu, suru ma ahu! (ay.8).
02.
Dijou
jala disuru Debata do Jesaya laho Pasahathon hataNa tu ngolu ni Bangso na Ramun,
disuru tu Ulaon Panghobasion na suhar = Aneh, napasti ingkon do Adopanna Ragam ni
angka Hamaolon alani Parsuruon i, ala Ingkon soarahononna ma Uhum ni Debata.
Tumpol do hata ni Debata na Ingkon soarahononna, mandok: Sai mananginangi ma hamu, alai unang antusi hamu; sai ida hamu ma, alai unang mananda hamu
(ay.9). Sian hata na sinoarahon ni Debata, ima hataridaan ni hinajogal ni pangalaho
do i, ai boha ma jolma namanangi alai unang diantusi…!!, Laos diuduti Debata mandok:
Patangkang ma roha ni bangso on,
jala mingori pinggol nasida, jala pitungi mata nasida, asa unang marnida mata
nasida, manang marbinege pinggol nasida,
manang mangantusi roha nasida, jala unang muba manang malum hilalaonna
(ay.10). Tung Patar ma hadirion ni bangso na Tangkangi, na so mananda, na so
olo manangi, na mapitung di soara ni Debata. Alai disuba si Jesaya do laho mangampini
Bangso i tu Debata: Sadia leleng on ale
Tuhan? Alai ala naung Marrimas Debata mida Hinatangkang nang Haramunon nasida,
na Ingkon jaloonna upana ima: Paima tarulang
angka huta, soada marisi, jala angka bagas so marisi jolma, jala tarulang tano
i gabe halongonan. Ai padaoon ni Jahowa ma angka jolma i, gabe langa situtu
parsitongaan ni tano i. Alai tading dope di bagasan saparsampulu, nang angka i
siaphononna do, songon hau tusam, jala songon hariara na martungko di
hatatabana; boni na badia do tungkona i (ay.11-13). Naingkon siaphonon ni Debata
do hape nasida, pola sampe tarulang jala so marisi be, pola gabe langa jala gabe
halongonan, pola angka natadingi, ipe Ingkon siaphononNa, gabe hira Tungko,
ndang tading bahenon ni Debata angka jolma na mangolu dibagasan Haramunon nang Hatangkangon
i. Alai tarida do nang Holong ni Debata, nang pe marrimas Ibana alai sai dipatuduhon
do HolongNa. Dipatuduhon Debata ma: sian na Tungkoi, sianima na gabe patubuon ni
Debata Boni na Badia, na Ingkon Paimbaruon ni Jahowa ma luhut bangsoNai = di
Perbaharui= di Instal Ulang.
03.
Gabe
Boni na Badia = Menjadi Tunas yang Kudus, ido dihirim Debata sian BangsoNa jala
Ido hataridaan na tutu siihuthon Jesus. Ternyata adong do siihuthon Jesus,
holan asal. Asalma diihuthon Jesus i, alai ndang mangolu Parangeni Jesus
dingoluna, ndang mangolu dihabadiaon ni Jesus nabadia i, alai sai manongtong mangolu
di parange haramunon nang hatangkangon.
Ditangi do hata ni Debata alai ndang olo mangantusi,
ndang martumbur hata i di ngolu ni Haporseaonna. Diida do Hangoluan na Binoan ni
Jesus alai ndang ditanda, na holan lomo ni Rohana do naeng dihangoluhon.
Diihuthon do nian Jesus alai ndang mangolu ngolu na manghaporseai Jesus i.
Angka nasongoni ma naginoaranna halak angka natangkang nang halak angka naoto,
idokan..?? Gumogo ma soara ni angka na di portibion manggomgomi Roha nang Utohutokna,
mago sipareonna sian alani Portibion on, mago Parnidaanna, mago Pangantusionna =
kesadaran Imannya, nunga tung sahit na Renge jala Komplikasi be i molo masa angka
nasongoni. Angka na mangihuthon Jesus naeng nian gabe Boni na Badia, ditubuhon ma
marhite Parangena ngolu na Badia, ai na Badia do Jesus i - Alai mangihuthon Nabadia
i, namanjou hamu, dohot ma hamu gabe badia di nasa parangemuna, Ai na tarsurat
do: "Badia ma hamu, ai nabadia do Ahu (1 Pet 1:15-16).
Boni na Badia, naeng ma tubu jala marparbue i sian ngolu
ni angka na mangihuthon Kristus i, ai molo di hangoluhon do i, ima natargoar angka
siihuthon Kristus na tutu, ndang ASAL be.
Marhitei naeng ma: “haringgashon hamu ma sian nasa gogo, manurdukkon denggan
ni parange di bagasan haporseaon i, dung i habisuhon ma di bagasan parange na denggan
i; dung i pangarajaion diri ma di
bagasan habisuhon i, dung i habengeton ma di bagasan pangarajaion diri i, dung
i hadaulaton ma di bagasan habengeton i: Dung i holong ni roha di dongan ma di
bagasan hadaulaton i, dung i holong ni roha di na saluhutna ma di bagasan holong
ni roha di dongan i. Ai molo jumpang angka
i di hamu jala ganda, ndada loasonna hamu losok jala so marparbue, laho mananda
Jesus Kristus, Tuhanta i (2 Petrus 1:5-8). Amin….
Bahan Diskusi:
1.
Dia
ma na mangisombut di roha ni hajolmaon, umbahen sai olo tangkang Jolma on,
dibege do soara ni Debata alai ndang dihangoluhon, di ida do dalan hatuaon na sian
Debata alai ndang ditanda?
2.
Sian
Boni na Badia jala na Denggan do hita, alai dung tubu, gabe olo ndang marparbue,
olo parbue na Asom, olo bahkan gabe Ranggason. Didia do parsilapni i?
|
5
|
Marende BE. No. 671 : 1 “ Torop
Dope Na Lilu ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 238 : 1 “Ihuthon
Au Sude Hamu”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 697 : 1 --- “ Molo
Ho Do Huihuthon ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Ramli Sihombing, S.Th
Pandita
HKBP Resort Labuhan Ruku
Minggu SEPTUAGESIMA
13 Februari 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 123 : 1 + 5
“Ale Dongan Na Saroha”
|
|
2
|
Tangiang Pamuhai
|
Votum : A.V.B –
D.IV.16
|
|
3
|
Manjaha Turpuk : JEREMIA 17 : 5
– 10
|
|
4
|
Marende BE. No. 25 : 1 – 2 “ ”
|
Jamita : MATEUS 4 : 23 – 25
“DIPAPATAR JESUS DO IBANA SIPALUA
MANISIA”
Hamu
angka dongan sahaporseaon!
Sada
hatandian panghobasion ni Jesus ima ndang olo Ibana so manang hohom di sada
inganan patupahon panghobasion alai sai ‘bergerak’ manang mardalan do Ibana
sian huta tu huta, sian kota tu kota, sian sada inganan tu inganan na asing.
Ndang dipaima Ibana ro jolma mandapothon Ibana laho pahusorhon parsorionna,
alai Ibana sandiri na ro mandapothon jolma i ditongatonga ni parsorionnasida
be. Molo didok diturpuk on : Dungi di
dalani Ibana ma sandok luat Galilea.....adong lobi hurang 200 kota dohot
desa di Galilea, lapatanna tung saluhut huta di didalani Jesus so mardia imbar
kota manang desa. Misi utama na binoan
ni Jesus ima mamaritahon Harajaon banua ginjang i. Songon dia ma Jesus laho
papatarhon harajaon banua ginjang, dipataridahon mai di tolu rumang ni
panghobasion ima :
1. Mangajari. Hata mangajari
disalinsian hata didasko, na
marlapatan : mamodahon, manoguogu dohot mangalehon panuturion. Marhite
pangajarion i dipatuduhon hasintongan ni tona dohot jamita na hinatahaonNa.
Pangajarion na pinasahatNa dipataridahon marhite pambahenan manang tiruan.
Marhite pangajaarion i dipapatar Jesus hadironNa songon Guru. Diajari natorop
pature ngolu parugamaon, martangiang, mardongan saripe, manogunogu dakdanak,
dohot pangajarion na asing dope. Sada naung mago nuaeng manang tadok ma jo
nunga krisis ima, ndang mardalan be pangajarion ditongatonga ni keluarga,
akibatna ndang adong be sopan santun, ndang diboto be mangkatai na denggan,
cara hidupna nunga sala, ndang mampu menghadapi tantangan manang hamaolon.
Alani ingkon mulak do hita tu pangajarion ni Tuhan Jesus. Ingkon marsitutu hita
patupa pangajarion diganup angka keluarganta be, ingkon tapangke nasa
kesempatan ( 5 Musa 6:7).
2. Mamaritahon Barita Nauli.
Ndang sungkup holan mangajari dibagasan parsaoran di bagas joro manang
sinagoge, alai borhat do Jesustu angka luat, mamaritahon harajaon ni Debata.
Ndang sae holan mangajari alai ingkon sahat do barita nauli i laho mangalehon
dohot patandahon haluaon tu ganup jolma. Barita nauli patandahon tu jolma
hadirion ni Debata na tongtong marasi roha, naung mangalehon haluaon
marhitehite Tuhan Jesus Kristus. Baritanauli ima kabar baik tu angka pardosa
paboa nunga ro haluaon sian dosa dohot hamatean. Jala barita nauli mangalehon
pangkirimon tu jolma taringot tu na salelenglelengna i.
3. Pamalum angka na marsahit
manang mangubati. Mangubati lapatanna pahisarhon dohot pamalumhon na hansitan.
Barita nauli na binoan ni Jesus ndang holan hata, teori, manang jamita na so
marimpola, alai dipapatar marhite pambahenan, pamalumhon na marsahit dohot na
hansitan. Alai ndada holan sahit na tarida na dipamalum Jesus alai dohot angka
sahit na buni, ai adong sahit na tarida dohot nabuni ( 5 Musa 7:15, Jes
35:5,6). Jala naparjolo dimalaum Jesus
sasintongna ima sahit na buni i do, ai ido sibonsiri godangan sahit na tarida
di jolma, ima ala marsahit do roha, tondi dohot pingkiranna. Ido umbahen sai
jotjot Jesus mandok : Haporseaon mi do palauahon ho. Ndang na mandok ndang
ringkot be dokter, mansai marguna do i, alai porlu do taboto ia hamalumon i
huaso ni Tuhan do i, parhitean angka pangubati.
Hamu
angka dongan! Sisada ihot na tolu di
panghobasion ni Jesus, jala laos ido nang natinorushon ni angka parbaritanauli
na ro tu tano Batak khusuna Nomensen. Dibaritaon Ibana do Barita nauli, diajari
ibana do halak Batak asa malua sian haotoon dohot haholomon, jala dipajongjong
do nang inganan pangubation. Ido molo tabereng angka gareja nung matua, sai
adong disi parsingkolaan dohot inganan parubatan. Pambahenan ni Jesus na mangajari, mamritahon
Baritan nauli dohot na mapamalumna marsahit tarbarita ma sahat tu tano Siria,
gabe torop na mamboan na marsahitna, angka nasinonggopan ni sibolis dipamalum
Tuhan Jesus. Jadi mansai torop ma halak mangihuthon Ibana, angka na sian luat
Galilea, sian Dekapolis (Sampulu huta), sian Jerusalem, sian Judea dohot sian
luat na di bariba ni aek Jordan.
Hamu
angka dongan! Na parjolo nanaeng dohonon ni turpuk on, tu hita ima : paboa na
ro do Jesus mandapothon hita,disude angka parungkilon dohot parsorionta.
Dilehon do tu hita pangajarion, dipasahat do baritan nauli, jala dipamalum do
sahitta. Alani tangi ma hita tu soaraNa jala taloas ma mangula hata i dibagasan
rohanta marhite pangulaon ni Tondi Parbadia i. Napaduahon ima: Hita do disuru
laho manguduti ulaon ni Jesus di portibion, deba hita dijou manrhite panjouon
na khusus ima gabe parhalado partohonan (Pdt, Gr, Biv, Diak, Ev dohot Sintua)
alai ndada holan nasida mangula ulaon i dohot do sude ruas ni ruas ima marhite
panjouon na umum. Antong hobas ma hita
mamboan Baritanauli i, mangajari, huhut mamboan hamalumon tu sandok portibion,
asa lam torop na ro mandapothon Jesus jala dapotan haluaon. Amen
Bahan Diskusi:
1. Boha do hita papatarhon
ulaon Jesus : mangajari, marbaritanauli dohot mangubati ditingkinta sinuaeng?
Aha hirahira na boi patupaonta secara pribadi dohot huria?
2. Boha do hita mangantusi
‘hamalumon’ sian dia sumber hamalumon, adong do hamalumon di luar ni Jesus?
|
5
|
Marende BE. No. 652 : 1 – 2 “ Ihot Ma Hami ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 651 : 2 “Huria
Na Huhaholongi Hami”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 784 : 1 --- “
Aha Do Naung Hubahen Tuhan ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Janti Dantes Nababan
Pandita
HKBP Resort Desa Gajah
Minggu SEXAGESIMA
20 Februari 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 12 : 1 – 2 “
Dipuji Rohangkon Do Ho”
|
|
2
|
Tangiang Pamuhai
|
Votum : A.V.3 –
D.IV.17
|
|
3
|
Manjaha Turpuk : LUKAS 6 : 27 –
37
|
|
4
|
Marende BE. No. 26 : 1 + 3 “ Dame Nimmu Ale Jesus ”
|
Jamita : 1 MUSA 45 : 3 – 16
“ NADENGGAN BALOS NI NA JAT”
Kehidupan keluarga dibaratkan
seperti telur-telur dalam sebuah keranjang yang pasti ber gesekan, berbenturan
bahkan bisa retak dan pecah. Kenyataan ini tidak dapat dihindari. Tentu
hubungan keluarga yang seperti ini tidak nyaman untuk dijalani. Hal ini juga
terjadi dalam kehidupan anak-anak Yakub, antara Yusuf dan saudara saudaranya.
Kita semua pasti sudah mengetahui cerita perjalanan hidup dari seorang Yusuf.
Salah satu penyebab ketidakharmonisan hubungan Yusuf dan saudaranya adalah
karena Yakub memperlakukan Yusuf sangat istimewa dibanding kakak-kakaknya
sehingga mereka iri hati terhadap Yusuf. Dan karena iri hati itulah mereka
ingin membunuh Yusuf, untunglah rencana itu berubah sehingga mereka akhirnya
menjual Yusuf sebagai budak di mesir. Dalam nats ini hubungan itu dipulihkan
dan mereka kembali hidup bersama sebagai keluarga. Sebagai petinggi di tanah
Mesir, Yusuf punya kesempatan membalaskan dendamnya atas tindakan
saudara-saudaranya di masa lalu yang tega menjualnya ke Mesir. Namun Yusuf
justru meminta saudara-saudaranya untuk tidak bersusah hati maupun menyesali
diri. Mengapa? Karena Yusuf tidak lagi melihat perlakuan saudaranya sebagai
tragedi melainkan sebagai cara Allah memelihara kehidupan Israel dari bencana
kelaparan. Menariknya, Yusuf tidak melupakan peristiwa itu (ay.4) dan
memperkenalkan dirinya yang dijual ke Mesir.Yusuf dapat mengampuni
saudara-saudaranya ketika ia melihat tragedi itu dengan kacamata yang berbeda;
Allah memelihara kehidupannya. Allah mempunyai scenario hidup bagi yusuf ,
bukan kegagalan tetapi keberhasilan, yusuf diangkat sebagai Perdana Menteri
Mesier. Allah tidak hanya menyelamatkan bangsa Mesir tetapi juga untuk
mempertahankan sebuah keluarga Israel yang cikal bakal menjadi bangsa Israel.
Di tengah-tengah hidup persaudaraan, kita dipanggil untuk hidup saling
mengasihi satu terhadap yang lain, kita belajar untuk saling menerima dan
memaafkan. Dan belajar mengasihi saudara dan sesama seperti mengasihi diri
sendiri. Belajar dari Yusuf, kita harus melihat saudara sebagai
"saudara" bukan sebagai saingan, ancaman atau musuh. Orang yang
berbuat jahat terhadap orang lain, hidupnya seperti orang yang selalu
melihat ke dalam cermin sehingga tidak akan merasa damai sejahtera, ia menilai
sesamanya dari kacamatanya sendiri karena dia jahat, dia takut orang lain
berbuat jahat kepadanya. Seperti itulah saudara-saudara Yusuf. Banyak kehidupan
keluarga yang hubungan persaudaraannya sangat buruk, penuh konflik, persaingan
bahkan dalam beberapa kasus bisa saling membunuh, berebut warisan, iri karena
keberhasilan saudaranya dan lain sebagainya. Memang perlu diakui peran orangtua
cukup besar terhadap baik buruknya
hubungan persaudaraan anak-anaknya. Seperti hubungan Yusuf dengan saudara-saudaranya,
tidak terlepas dari sikap dan perlakuan Yakub sebagai ayah yang kurang bijak
terhadap anak-anaknya. Tetapi yang terpenting sebenarnya dalam hubungan
persaudaraan adalah bagaimana sikap dan cara pandang kita sendiri terhadap
kehidupan sehingga cara pandang itu mempengaruhi kita dalam menilai suatu
masalah atau kejadian dalam hidup yang kita jalani dan dalam hubungan dengan
sesama saudara bahkan semua orang. Memang secara manusiawi, sulit rasanya untuk
dapat memaafkan dan mengampuni mereka. Bagaimana tidak, mereka telah merugikan
kita, menyengsarakan kita, menghancurkan hidup kita dan masa depan kita. Ingin
rasanya kita membalas semua kejahatan mereka. Namun melalui firman ini, marilah
kita memohon kepada Tuhan supaya kita dimampukan untuk melihat semua persoalan
dalam hidup ini dari cara pandang Tuhan, sehingga kita melihat bahwa dibalik
semua peristiwa dan persoalan yang kita alami ada rencana Tuhan yang indah
untuk kebaikan kita bahkan menjadikan kita berkat bagi keluarga dan
sesama. Dengan persfektif Allah ini, kita akan dimampukan untuk mengampuni dan
tidak menyalahkan orang lain atas apa yang kita alami. Bila kita berada pada
pihak yang tidak berlaku tidak adil, curang dan jahat terhadap saudara kita
atau sesama kita, firman Tuhan mengingatkan kita untuk bertobat dan mohon pengampunan
Tuhan, karena bila tidak maka dosa itu akan terus menghantui dan menghakimi
kita. Jika kita dilukai dengan mendalam, belajarlah untuk mengingat peristiwa
itu sebagai pengalaman berharga dan lihatlah dengan kacamata yang berbeda, dari
sudut pandang Allah yang selalu merancang kebaikan didalam kehidupanmu. Amin.
Bahan Diskusi :
1.
Apa
yang dapat kita pelajari dari kehidupan Yusuf ?
2.
Uraikanlah
beberapa masalah yang juga dialami oleh banyak orang ditengah-tengah hubungan
persaudaraan.
|
5
|
Marende BE. No. 123 : 1 + 3 “ Ale Dongan Na Saroha ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 122 : 1 + 8 “
Ida Hinadenggan Ni”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 656 : 1 --- “ Parhahamaranggion
” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Biv.Rusnaria br. Sibarani
Bibelvrouw
HKBP Kisaran Resort Kisaran
Minggu ESTOMIHI
27 Februari 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 14 : 1 – 2 “
Puji Hamu Jahowa Tutu”
|
|
2
|
Tangiang Pamuhai
|
Votum : A.VI.6 –
D.IV.18
|
|
3
|
Manjaha Turpuk : JESAYA 55 : 10
– 13
|
|
4
|
Marende BE. No. 28 : 1 – 2 “ Hata Ni Jahowa”
|
Jamita : MATEUS 13 : 18 – 23
“NDANG MULAK BOTI HATA NI DEBATA”
Huria Ni Tuhanta,
Adong dua bagian type ni jolma na
manangihon hata ni Debata ima na mangulahonsa dohot na so
mangulahonsa. Ra, sude do halak na targoar Kristen hea umbege manang
manangihon hata ni Debata, ima marhite angka jamita di parmingguon, manang
marhite media na asing isara ni TV/Radio, dohot marhite na manjaha Bibel manang
buku na asing na marisi hata ni Debata. Tahaporseai do hata ni Debata i do
hangoluan, songon na tarsurat di Mat. 4:4 "Apala holan sipanganon
hangoluan ni jolma; tung nasa hata ni Debata do, na ro sian
Ibana!", jala taboto do ia hata ni Debata na tarsurat
i, sinihathon ni Debata do; jala hasea mamodai, maminsang, pauliulihon,
manogunogu di bagasan hatigoran. (II Tim 3:16).Alani, tung mansai ringkot do na
manangihon hata ni Debata, ai marhite na na tumangihon hata ni Kristus do
ro haporseaon (Rom 10:17).
Tung mansai godang do
nuaeng on media na patubegehon manang manurathon hata ni Debata na boi dapot
hita ganup ari, asing ni na tabege marhite angka ibadah minggu dohot di angka
PHD/PA. Ndang songon na jolo i be, holan marhite parmingguon sambing do boi
begeon hata ni Debata. Songon halak Kristen hita, tontu sahali jotjot do
hita manjaha dohot manangihon hata ni Debata, alai sadia godang ma naung tapeop
hata i dibagasan rohanta jala taulahon dibagasan ngolu siganup ari?
Molo taida turpuk on ima taringot
tu Umpama Sahalak Panabur. 3 jenis ma nangkin dipatorang diturpuk on, Tu ganup
na umbege hata Harajaon i, anggo so diantusi, ro do parjahat i, mangarampasi na
sinaburhon tu rohana i. I ma na sinaburhon tu dalan i.
Alai na sinaburhon tu batu, i ma
na umbege hata i, gabe manigor las ma rohana manjangkon,
alai ndang marurat di bagasan
rohana; parsatongkinan do ibana, ai pintor targasip do rohana, di na songgop
haporsuhon manang pangaleleon siala Hata i.
Alai anggo na sinaburhon tu
parsihupian i, i ma na umbege hata i, gabe pangkolsohonna di angka na di
hasiangan on dohot hamoraon sipangansi i do mamisati hata i, jadi ndang saut
marparbue.
Alai anggo na sinaburhon tu tano
na denggan, i do na umbege hata i jala diantusi, laos i do na saut marparbue.
Ia parbuena: Saratus lompit do na deba, onompulu lompit do na deba, tolupulu
lompit anggo na deba.
Jadi tarida doi sian parbuena,
lam dao do jolma i sian pangalaho na hombar tu lomo ni roha ni Debata, gariada
tahe lam torop halak na mangulahon angka na maralo tu hata ni Debata, boasa?
Ima na dipatudos Tuhan Jesus tu halak na oto na paturehon/paulihon jabu/bagasna
diatas ni rihit (pasir), ima angka halak na manangihon hata ni Debata alai
ndang dihangoluhon (diulahon). Hape didok do di Jak. 2:17 “Haporseaon i pe
songon i do: Anggo so adong pangulaonna, naung mate do hadirionna” (jaha
Jak. 2:14-26). Antong sahali nai, boasa songon i? Sipata, maol do tahilala
mangulahon hombar tu hataNa i, jala jotjot do tadok ndang tarulahon hita i
100%. Memang, molo sian hagogoonta sandiri ndang tarulahon hita hata ni Debata,
alai ingkon do marhite Tondi Parbadia na mangula dibagasan rohanta, gabe
mangula ma nang Hata i dibagasan ngolunta. Songon na nidok ni Panurirang Jesaya
di Jes. 55:11 “Ingkon songon i do hatangki na ruar sian pamanganku: Ndang mulak
boti tu ahu, ingkon bahenonna do lomo ni rohangku, jala manjadi tu na
hutongos”. Alai nang pe songon i, ditompa Debata do hita gabe jolma na
“merdeka”, na memiliki kehendak bebas laho manontuhon pilihan-pilihan dibagasan
ngolunta. Alani do diumpamahon Tuhan Jesus do jolma i songon sahalak
panabur boni na memiliki kebebasan laho manontuhon sikap taringot hata ni
Debata naung binegena, boi do tabahen rohanta songon tano na di .topi dalan i,
songon tano na batuon, songon tano parsihupian tano na denggan. Amen!
Bahan Diskusi:
1. Hombar tu turpuk jamita
on, mangula Tondi i dibagasan ngolunta, alai tong do di ujungna hadirionta
sandiri do na manontuhon alani i, dia do pilitonta ojahan ni ngolunta?
|
5
|
Marende BE. No. 471 : 1 – 2 “ Hupillit Jesus Donganhi ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 238 : 1 – 2 “
Ihuthon Au Sude Hamu ”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 826 : 1 --- “ Gohi
Au Tuhan ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Frans Sianturi, S.Th
Pandita
HKBP Suka Maju Resort Tanjung Balai
Minggu INVOCAVIT
06 Maret 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 12 : 1 – 2 “
Dipuji Rohangkon Do Ho”
|
|
2
|
Tangiang Pamuhai
|
Votum : A.VI.B.1
– D.V.19
|
|
3
|
Manjaha Turpuk : ROM 10 : 8 –
13
|
|
4
|
Marende BE. No. 814 : 2 – 3 “ Sai Ajari Au Tuhanhu”
|
Jamita : 5 Musa 26 : 6 – 10a
“ MALUA DO GANUP NA MANJOU GOAR
NI TUHAN I”
Huria na hinaholongan
ni Tuhanta Jesus Kristus!
Buku 5 Musa/Ulangan-on na marlapatan
pengulangan manang paingothon ulang muse patik ni Debata. Boasa ingkon dipaingot
ulang muse? Asa di parngoluan ni bangso Israel nang diparngoluanta di tingkion,
angka patik dohot aturan-aturan i manontong taradoti di parugamo on, di
masyarakat dohot diparngoluan siganup ari. Di turpuk-on, dirata-ratai,
dipaingot jala ditonahon si Musa muse tu bangso i asa unang lupa maniop padan dohot
mangulahon sude naung dipatikhon Debata tu nasida, ingkon patik i do tongtong donganna
jala pajahajahaon nasida asa manontong nasida marhabiaran tu Debata Jahowa.
Dipaingothon si Musa patik i tu nasida ima andorang so masuk dope nasida tu tano
na dibaga-bagahon / tano parpadanan ni Debata tu nasida ima tano Kanaan.
Dihirim Debata sian bangso i asa manontong nasida satia jala marhaporseaon holan
tu Debata, ima Debata na paluahon nasida sian perbudakan Misir, Debata na mamasumasu
saluhut parngoluan nasida tu masa depan na dumenggan. Jala secara khusus turpuk-ta
dibagasan sadarion ima : a) Malua do
ganup na manjou goar ni Tuhani (ay. 6-9);
b) Ingkon hamauliatehonon jala pelehonon do parbue ni ulaonta manang pelean na dumenggan
ima tanda ni halak namananda jala manghamauliatehon pasu-pasu ni Debata di
ngoluna (ay. 10 a).
Huria ni Tuhanta!
Di jamita ni si Musa on tangkas
do diajarhon asa marparange ma halak Israel songon sada bangso naung pinalua jala
songon hataridaanna mar-Debatahon Jahowa. Nunga tung mansai godang na binahen ni
Jahowa tu bangso Israel uju di halongonan bangso i. Molo masa parporangan dohot
bangso na asing, tung na so hea do ditadinghon Jahowa bangso i, nata pe jotjot bangso
Israel madabu tu panombaon debata sileban. Jala dipamuhai ni turpukta sadarion ima
di ay. 6, di tingki ro bangso Misir, mambahen na so uhum dohot mangarupa,
mangalehon ulaon na borat siulahonon ni nasida. Songon bangso natartaban jala tarbuang
nasida, hansit situtu do parniahapan nasida. Di gosa-gosa do nasida jala godangna
so patut di tipahon tu nasida. Di saluhut parsorion na mansai borat i,
mangangguhi ma nasida tu Jahowa, di tingki mangangguhi nasida (ay. 7)
ditangihon Debata do angguk nasida, ditogihon do nasida haruar sian Misir (ay.
8), jala diboan do nasida haruar sian i di togihon mulak tu tano parpadanan,
dibasabasahon do tu nasida tano habaoran ni susu dohot situak ni loba ima tano Kanaan
(ay. 9). Songon i do nang na taadopi di parngoluonta siganup ari, ragam do
hamaolon, parungkilon na taadopi. Ndang tarpalua hita dirinta sian i, molo gogo
dohot hamaloonta na tapatujolo. Alai dipangido sian hita, molo tung pe masa angka
hamaolon asa tu Ibana ma hita mangangguhi/mangalualu. Asa ditangihon Ibana soaranta,
jala ido na disuarahon marhite turpuk-on, ditangihon Debata do soara dohot joujou
ni angka na porsea, jala marpanatap do rohaNa, di pardangolan, hangaluton dohot
hagogotan na taadopi na masa di saluhut parngoluonta be. Dang holan ditangihon jala
ditatap alai laos diboan do hita tu ngolu hasonangan dohot las ni roha,
diparade do angka na ringkot di tonga-tonga ni ngolunta.
Disurathon do angka naung masa i
jala dipabotohon tu bangso i asa lam ditanda nasida pambahenan ni Debata na gok
huaso, gok hagogoon, gok asi ni roha marmudumudu saluhut parngoluan nasida. Asa
marhite i lam tau nasida mangoloi hata dohot mangulahon patik ni Debata di
saluhut parngoluan nasida, jala las disunggulhon tu nasida, aha na patut ulaon ni
nasida dung sahat nasida tu tano Kanaan jala mian disi, ima ingkon pasahat pelean
patumonaan ni naniula nasida. Boasa pola ingkon pasahaton pelean tu Debata? Na
paboahon jala mangajarhon bangso Israel nang hita do i boha do hita manghaporseai
situtu Debata jala pasangaphon Ibana marhite angka na denggan naung italehon i
tu Ibana. Ndang Alana hurangan Debata gabe italehon, alai marhite i tangkas do
boha do hita manghamauliatehon angka pasu-pasu dohot basa-basa ni Tuhan i uju
di ngolunta on. Ndada ala na ringkot di Debata i umbahen na disunggulhon. Alai
asa diboto bangso i mandok mauliate tu Debata di saluhut asi ni rohaNa naung paluahon
nasida sian Misir jala patariparhon nasida masuk tu tano Kanaan. Godang do
dalan manang cara na boi patupaonta laho mandok mauliate di saluhut denggan basa
ni Jahowa, alai diturpuk on dipapatar ma i marhite napasahat patumonaan ni parbue
ni tano na nilehon ni Jahowa tu hita, jala diondolhon muse asa holan Ibana na tapuji
jala tapangasahon di saluhut ngolunta, songon na gabe topik ni jamita di
tingkion marsiala ma i ‘Malua Do Ganup na Manjou GoarNa’.
Nunga dipalua Jesus Kristus i hita sian dosa nang hamatean i.
Huria ni Tuhanta!
Marhite turpuk-on boha do hita naung
pinalua ni Jahowa marhite Jesus Kristus mananda pasu-pasu dohot silehonlehon ni
Jahowa tu hita? Sai unang ma holan arta dohot
sinamot na boi idaonta pasu-pasu manang silehonlehon ni Jahowa di ngolunta.
Hosa, hahipason ni pamatang, dao sian luattaon panghorhon ni covid 19, gabe na niula
sinur pahan-pahanan dohot lan angka na asing pasu-pasu ni Jahowa do saluhutnai.
Alai lobi sian i, silehon-lehon ni Jahowa ima haluaon na binaenNa marhite Jesus
Kristus napaluahon hita sian parhatobanon ni dosa tu haluaon. Antong ale angka dongan
songon na didokni par Psalmen di Psalmen 103:2, “asa manontong ma hita mamuji jala unang tahalupahon denggan ni basaNa sudena”.
Tung na so jadi hita manghalupahon pambahenan dohot saluhut denggan basa ni Debata
di ngolunta. Ringgas ma hita mamilang-milangi pasu-pasu manang pambahenan ni Debata
di ngolunta, asa lam tau hita mandok mauliate jala mamuji pasangaphon ibana di
saluhut parngoluonta, songon hata ni Ende na sian Kidung Jemaat 439: reff: ‘berkat Tuhan, mari hitunglah, kau niscaya kagum oleh KasihNya.
Minggu Invocavit, jouonna ma Ahu, jala alusanKu ma Ibana (Psalmen 91:15a).
Halak na jou-jou sian hurungan ni dosa i, ido paluaonNa. Halak naung pinalua ni
Debata ingkon tangkas mananda, marningot silehonlehon ni Debata dohot haluaon i
jala ingkon manghamauliatehon saluhutna i tuDebata.Amen.
Bahan Diskusi:
1)
Aha
do na mangonjar rohanta pasahathon pelean ganup minggu dohot hamauliateonta? Siala sai adong dope na pasahathon hamauliateon dohot peleanna asa boi ibana mangatur huria i dohot parhalado, holan guru
dokna na masa jala sitangihonon. Sai anggiat ma unang sai jumpang be angka roha sisongo ni tu tingki na naeng ro. Halak na mamboto mandok mauliate ima halak na mananda pasu-pasu ni Tuhan i, ai ala nunga jumolo do Tuhan i mamasumasu saluhut parngoluonta, nunga taruli hita di pasu-pasuNa i,
ido na sasintongna naingkon mangonjar rohanta laho pasahathon pelean dohot hamauliateonta.
2)
Aha
do pangantusionta taringot tu pesta gotilon najotjot di patupa di tonga ni hurianta ganup? (Ala sai torop dope angka jolma pasahathon parbue na hurang denggan sian parbue ni gotilonna, manang teba-teba sian gotilonna do dipasahat. Hape tangkas nanaeng siondolhononna di ayat 10
diturpuk-on ima ingkon parbue ni ulaon manang pelean na dumenggan do naingkon sipasahaton-ta, ndang alani godang alai naeng ma nian unang teba-teba jala ingkon sian roha na serep ma tapasahat saluhutna i).
|
5
|
Marende BE. No. 363 : 1 + 4 “ Mauliate Dok Hamuna ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 811 : 1 “ Di Au
Ma Ho Tuhan”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 755 : 1 --- “ Haposan
Ho Tuhan ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Marudur N Sirait, S.Th
Pandita
HKBP Sinar Toba Resort Kualuh Selatan
Minggu REMINISCERE
13 Maret 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 17 : 1 – 2 “
Raja Natumimbul”
|
|
2
|
Tangiang Pamuhai
|
Votum : A.VI.B.2
– D.V.20
|
|
3
|
Manjaha Turpuk : I MUSA 15 : 1
– 6
|
|
4
|
Marende BE. No. 743 : 1 – 2 “ O Tuhan Togutogu Ma”
|
Jamita : PILIPI 3 : 17 – 21
“ MARGURU TU LOMO NI ROHA NI
DEBATA”
Hamu
angka dongan sahaporseaon!
Di
partingkian sinnuaeng on, nunga tung otik jolma nuaeng na boi parguruon manang
tiruan maradophon angka dongan humaliang. Boi dohonon “Krisis keteladanan” do nuaeng jolma di portibion, ala sude masiboan
doring na be. Jala nuaeng on ndang piga jolma na olo marguru manang maniru
angka nauli nadenggan na binahen ni angka donganna. Hata “gengsi” do nuaeng na masa, lumobi ma molo tiruani marharoroan sian
jolma na ditoru ni kalasta. Hape na gabe tiruan ndang ditontuhon marhite umur,
pangkat, dohot lan na asing alai hatauon do. Hatauonon marharoroan do on sian
Tuhan Debata marhite Tuhan Jesus Kristus. Ringkot do adong tiruan dibagasan
ngolunta ganup, alai unang gabe manggantihon hajongjongan ni Jesus i dibagasan
ngolunta. Kita bisa meneladani orang
lain, meniru orang lain dengan segala perbuatan baiknya tetapi jangan sampai
menggeser posisi Yesus atau mendewakan orang lain dalam kehidupan kita ini.
Hamu
angka dongan sahaporseaon!
Didok
Ap. Paulus : Rap sitiru ahu ma hamu ale
angka dongan… ; dipajongjong Tuhan Jesus Kristus do Ap. Paulus gabe sada
tiruan di angka na porsea di Tuhan Jesus. Ndang sian roharoha ni Ap. Paulus
pandohanna i alai parbue ni haporseaonna naung patar maradophon Tuhan Jesus ido
naingkon tiruonta. Na tongon mangadopi hamaolon do Ap. Paulus dohot sude angka
naporsea hatiha i. Na tongon di bagasan parungkilon do ibana alani Barita Nauli
i dohot angka na porsea i. Pandohanna i dipatarias ibana mardongan ilu na
marlapatan parsitutuonna dohot dibagasan elek ni roha ibana asa tung olo huria
Pilipi i maniru ibana na sai satia paihutihut angka na masa dibagasan ngolunta
hombar tu lomo ni roha ni Kristus i. Ala tung mansai torop do marpangalaho gabe
musu ni silang ni Kristus. Godang do na mangambati haporseaonta tu Tuhan Jesus
Kristus, dibahen do segala cara boha asa longkang haporseaonta i sian Ibana.
Alai naung dipapatar Ap. Paulus do tiruan nauli nadenggan di hita ganup, ima
naeng siihuthononta. Maol pe adopan angka na masa di tonga ni portibion, borat
manang dokdok be angka na tabolus hinorhon ni angka pandosakdosak ni na so
manghalomohon Jesus di portibion alai ingkon hot do haporseaonta. Ido na
pinapatar ni ap. Paulus dison : tiruan di haporseaon dohot di pambahenan
saleleng ibana mangolu dohot manghangoluhon saluhut na masa hombor tu lomo ni
roha ni Kristus.
Hamu
angka dongan sahaporseaon!
Tiruan
na gumodang na pinapatar ni ap. Paulus dison ima : tiruan di panghirimon si
pasahaton ni Tuhan Debata marhite Tuhan Jesus Kristus tu angka na porsea jala
na sai satia manghangoluhon haporseaonna di tonga ni portibion. Alana ndang
salelengna hita diportibion, adong do huta sihirimonta dibagasan haporseaonta
ganup. Alanii dipaingot do hita di 1 Korint 15 : 19 “Alai anggo holan di tano on hita manghirim di kristus i, jolma na
dumangol do hita sian saluhutna/ Jikalau kita hanya dalam hidup ini saja
menaruh pengharapan pada Kristus, maka kita adalah orang-orang yang paling
malang dari segala manusia ”. Marhite i dipaingot hita asa unang lohot
rohanta di portibion, ai surgo i do sambulonta. Singkop las ni rohanta molo
partohap hita di Banua Ginjang hombar tu lomo ni roha ni Tuhan Debata Jahowa.
Alani angka dongan tatiru ma Ap. Paulus i na sai tongtong mangpanghirimon di
bagasan haporseaonna nang pe sai dokdok na masa na ni adopanna di bagasan
ngoluna alani haporseaonna i. Loas ma Tuhan Debata manumpak ngolunta
patureturehon ngolunta hombar tu lomoNa, nang sipata ingkon bolusonta angka
arsak, sahit, las niroha, alai saluhutna mamabahen na denggan dibagasan
ngolunta. Holan on hot ma panghirimonta dibagasan haporseaonta di Tuhan Jesus
Kristus. Amen.
Bahan Diskusi:
1. Aha do napatut tiruonta sian hangoluon ni Ap. Paulus, asa ingkon didok ibana : gabe
sitiru ahu ma hamu?
2. Boasa
ingkon manghirim hita di surgo i? Manang na so ringkot do na di portibion
sihirimonta?
|
5
|
Marende BE. No. 772 : 1 – 2 “ Tuhanhu Do Pature Dalanhi ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 766 : 1 “ Padan
Nauli ”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 522 : 1 --- “ Surgo
I sambulonta Do i ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Tim Editor
Pandita
HKBP Distrik XIII Asahan Labuhanbatu
Minggu OKULI
20 Maret 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 581 : 1 + 3
“Sangap Di Jahowa”
|
|
2
|
Tangiang Pamuhai
|
Votum : A.VI.B.3
– D.V.21
|
|
3
|
Manjaha Turpuk : LUKAS 13 : 1 –
9
|
|
4
|
Marende BE. No. 25 : 1 – 2 “ HataMi Ale Tuhanhu”
|
Jamita : JESAYA 55 : 6 – 9
“ MARHAMUBAON NI ROHA ASA UNANG
MAGO”
Hamu
angka dongan sahaporseaon!
Tongon dihabuangan Babel dope
bangso Israel uju digurithon Panurirang Jesaya suratna on, ala masuk ma on tu
horong ni Deutero Jesaya (Bindu 40 – 55). Lam singkor do na
niahap ni bangso Israel i di habuangan Babel, ala nunga lam mago be panghirimon
nasida di haluaon sian parhatobanan i. Dung di bolus nasida 40 taon lelengna di
habuangan Babel i, ro ma Panurirang Jesaya mamaritahon haluaon na binagabagahon
Tuhan Debata Jahowa tu bangsoNa i hirahira taon 546 Seb.M. Tontu ndang pintor
masa haluaoni alai adong dope proses na tung mansai ganjang, pola ingkon aeon
nasida hapariron saleleng 30 taon nari. Dung i pe asa botulbotul nasida malua
sian parhatobanan i hombar tu sangkap dohot asi ni roha ni Debata Jahowa.
Saluhutna i dipamasa Tuhan Debata jala diloas bangsoNai mangae angka hapariron
i, dalan ni Tuhan Debata Jahowa do i laho maminsang dohot mangajari bangsoNa di
ragam ni hasalaon dohot hajahaton nasida maradophon jolma dohot maradophon
Tuhan Debata Jahowa. Ingkon aeon ni bangso Israel do i parbue ni
parniulaannasida. Nang songoni pe boi do masa dingolunta sisaonarion, sipata
tahilala hira na marsombusombu Tuhan i maradophon angka na masa na taadopi.
Alai naeng ingot hita, ala holong ni Tuhan Debata Jahowa sai patardo
pandonganion dohot pangaramotionNa tu hita ganup marsadasada. On do nataida
dibagasan turpuk on.
Hamu
angka dongan sahaporseaon!
Molo disuru hita marhite pandohan “Sai lului hamu ma Jahowa, binsan tarbahen
dope jumpang Ibana ”, gabe adong ma sungkunsungkun songonon : na maol do jumpangan Tuhan Debata Jahowa asa
tung ingkon luluan Ibana? Boi bahenonta alus na jempek : Ndang (Tidak),
alana didia pe jolma i maringanan laos disi do nang Tuhan Debata Jahowa. Alai
boi do laos maol jumpang hita Tuhan Debata Jahowa ala ndang sian parsitutuon
hita mangulului Ibana. Pandohan na paduahon muse mandok “Jou hamu ma Ibana, binsan jonok dope Ibana”. Manjou sian na jonok,
manghirap sian na dao. Pandohanon mangajari hita, ndang olo dao Tuhan i sian
hita alai hita do na sai mandaodao sian Tuhan i, ujungna laos so
tapanghilalahon be pandonganion ni Debata dibagasan ngolunta on. Alai asa masa
pandohan na dua i diuduti ma di ayat 7 mandok “Sai ditadinghon halak parjahati ma dalanna, jala jolma pargeduk i angka
sangkapna….. ”, lapatanna Marhamubaon
ma asa unang mago, marhamubaonma asa unang lam bagas hadabuan ala ni dosa na
sai mangisombut dibagasan ngolu on. Ala sai na marpangulahi do roha ni Jahowa
marnida angka jolma pardosa molo dibagasan parsitutuon nasida marhamubaon ni
roha. Ndang boi jumpangan Debata molo so tatadinghon angka pangalaho dohot
pambahenan na hurang denggan maradophon dongan tarlumobi maradophon Tuhan
Debata Jahowa. Rade do nang Debata manjalo angka na olo paubahon rohana,
marhite i do Debata patuduhon holong ni rohaNa na balga i (Hesekiel 33: 11).
Hamu
angka dongan sahaporseaon!
Ringkot naeng antusanta jolma na
tinompa ndada boi padoshon dirina dohot na manompa. Suang songoni do na binahen
ni Tuhan Debata, molo tarbuang pe bangso Israel, panguhuman do i alani
pambahenan nasida ndada na laho pamatehon Jahowa disi. Molo di jolma molo nunga
marsala ingkon pamateonma nian, alai anggo di Jahowa paimaonNa do asa tung
marhabuaon Jolma i asa mangolu ibana. Dilehon Tuhan Debata do tu hita ganup
partingkian asa tung marsitutu ma hita marhamubaon ni roha asa gabe jolma
halomoan ni Tuhan Debata Jahowa ma hita saluhutna. Unang be sai datdati
mardosa, unang be sai pajogal roham, ulahon ma na denggan binsan diloas dope
hita mangolu sahat tu partingkianon. Molo tung lam maju pe nuaeng zaman on, lam
hebat nuaeng Teknologi, Ilmu Pengetahuan, Ilmu Kedokteran, ndang na boi
paganjang umur i di tano on. Muba do manang mago! Amen.
Bahan Diskusi:
1. Boha do
caranta mangalului Jahowa? Alana disuru do hita laho mangalului Ibana saleleng
mangolu hita.
2. Boasa tung
ringkot di hita hamubaon? Alai muba sian dia do tahe na hinirim ni Tuhanta di
hita?
|
5
|
Marende BE. No. 677 : 1 –
2 “ Mansai Lambok ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 389 : 1 “Ale
Dongan Ro Tu Jesus ”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 388 : 1 --- “
So Ma Jolo Jala Pingkir ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Tim Editor
Pandita
HKBP Distrik XIII Asahan Labuhanbatu
Minggu
Letare
27
Maret 2022
|
No
|
Partangiangan
Keluarga
|
Partangiangan
Weyik/Sektor
|
|
01
|
Marende
BE.No. 587 : 1 – 2 “Taendehon Las Ni Roha”
|
|
02
|
Tangiang Pamuhai
|
Votum : A.VI.B.4 – D.V.22
|
|
03
|
Manjaha
Turpuk : PSALMEN 32 : 8 – 11
|
|
04
|
Marende
BE.No. 826 : 1 – 2 “Gohi Au Tuhan”
|
LUKAS
15 : 1 – 7
“MARLAS NI ROHA DI BAGASAN TUHAN
I”
Dongan
na hinaholongan di bagasan Jesus Kristus, molo adong hita na agoan barang/arta,
manang aha pei sasintong mambahen hita do marsak, gelisah, loja mangalului
artanta na mago i. Apalagi ma na mago i, arta na arga, punya sejarah, dan
sangat bermakna tu hita pasti do tahalojahon laho mangalului i, jala molo
jumpang so i nama las ni rohanta. Suang songoni do na tabereng dibagasan turpuk
on, ima halak pardosa angka si jalo beo, ro tumangihon hata ni Tuhan Jesus,
jala Tuhan Jesus dibagasan las ni roha manghobasi nasida, pasahathon hata ni
Debata. Alai di tingki lam torop ro jolma tu Tuhan Jesus, jala halak pardosa
angka si jalo beo di jangkon Tuhan Jesus, adong do na merasa risih na so
manghalomohon pambahenan ni Tuhan Jesus, ima angka halak parise dohot angka
siboto surat. Pola idok nasida “Di
jangkon on do angka pardosa, pola sapanganan Ibana dohot nasida”.
Di
pingkiran nasida molo toho do Jesus Anak Ni Debata, dang mungkin boi marsaor
Jesus tu angka si jalo beo dohot angka pardosa, ala di etong roha nasida angka
si jalo beo, ima angka halak pardosa ala karejo nasida di harajaon Romawi
mamungut pajak na palobihu umbahen di pingkiran ni halak parisi dohot angka
siboto surat marnida angka si jalo beo ima angka pardosa. Alai tabereng ma aha
alus ni Jesus tu kritikan na pinasahat ni angka parise dohot si boto surat.
Pola do dialusi Jesus marhite hata umpama tu nasida “Ise hamu sahalak parbirubiru saratus anggo tardempar sada sian i na so
tu minggalhon na siapulusia di ladang, laho mangalului na so tarida i, paima
jumpangsa?”. Pasti do molo holong rohana di birubiru na i lojahononna do
laho mangalului na mago i, jala molo dung dapot so i nama las ni roha ni
parnampuna birubiru i, pola di abing jala di ampehon tu abarana siala las ni
rohana, jala dung sahat di jabuna dipabotohon tu angka alealena dohot hombar
hundulna, laho manghalashon las niroha ala naung jumpang biruru na mago i. Laos
idok Tuhan Jesus ma “Suman tusi do
gumodang las ni roha di banua ginjang mida si pardosa sahalak na olo paubahon
rohana, asa mida sia pulu sia partigor na so pola paubahon roha nasida”.
Dongan
nahinaholongan di bagasan Tuhan Jesus Kristus, aha ma na boi putihanta sian
turpuk jamita on? Naparjolo : Songon
panjanghonon ni Tuhan Jesus Kristus di angka halak na olo paumbahon rohana,
naeng do songoni nang hita na porsea olo mangjanghon dongan naung marhamubaon.
Ala i sipata jotjot do hita songon halak parise dohot si boto surat on, na pola
merasa risih, jala dang manghalomohon, halak na olo manjanghon dongan naung
muba. Ndada jotjot do hita mandok, na oto do huroa on, olo dope mardongan tusi,
olo dope manjanghon ibana, hape nunga godang sala na tu ibana. Jotjot do hita
gabe kompor na mempengaruhi halak asa unang manjanghon halak namarsala naung
marhamubaon. Alai marhite turpuk on di paingot ma hita halak na porsea, asa
rade manjanghon, manjalo halak naung marhamubaon, songon pambahenan ni Tuhan
Jesus Kristus, ala ingkon sadaranta do hita pe jolma pardosa do, naung marsala,
alai ala holong ni Tuhanta Jesus Kristus dilului do hita jala di jangkon. Napaduahon: Taingot jolma pardosa do
hita, jala hita do birubiru na mago i, alai mauliate ma di Tuhanta i songon
parmahan na denggan Ibana, ndang di pasombu hita gabe lilu alai di lului do
hita jala di palua. On ma holong ni rohaNa tu hita di lului jala dijangkon do hita angka pardosa
na olo tumangihon HataNa jala na olo muba. Alani marhite holong ni rohaNa na tu
hita, mangonjar rohanta ma i asa marhamubaon, jala las ma rohanta songon angka
na pinalua jala hinongkop ni Tuhan Jesus. Amen.
Bahan Diskusi:
- Ise
ma huroa hita, umbahen dilului Tuhan i hita, jala olo mangjangkon hita ?
- Aha
do si patupaonta/bahenonta songon angka na pinalua ni Tuhan Jesus?
|
05
|
Marende
BE.No. 167 : 1 “Di Jangkon Jesus Do Pardosa”
|
|
06
|
Tangiang
Sian Natoras
|
Tangiang
Sian Na Ro
|
|
07
|
Marende
BE.No. 190 : 1 – 2 “Las Rohanku Situtu”
|
|
08
|
Tangiang
Sian Keluarga
|
Tangiang
Sian Na Manjabui
|
|
09
|
Marende
BE.No. 754 : 1...... “Gok Las Ni Roha Do Au”
|
|
10
|
Tangiang
Ale Amanami
Amen,
Amen, Amen
|
Tangiang
Pelean + Ale Amanami
Pasupasu
+ Amen,Amen,Amen
|
Panurat
:Gr. Frindawes Tambunan
Guru
Huria HKBP Desa Gajah Resort Desa Gajah
Minggu JUDIKA
03 April 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 03 : 1 + 3 “Puji
JahowaAle Tondikku”
|
|
2
|
Tangiang Pamuhai
|
Votum : A.VI.B.5
– D.V.20
|
|
3
|
Manjaha Turpuk : PILIPPI 3 : 4b
– 14
|
|
4
|
Marende BE. No. 261 : 1 – 2 “ Bintang Sipartogi”
|
Jamita : JESAYA : 43 : 16 – 21
“ KRISTUS DO PANDANG SITUJUON”
Hamu Angka
Dongan Sahaporseaon!
‘Ise Ma Sian Tongatonganta
Apala Ditingki On Na So Hea Mandele ?? Nisungkun Ma Jo Hita Na Pungun Di Son ?
Martudu Ma Jo Hita………Ndang Adong Kan…..Hampir Sude Jolma Na Mangoluon Sai Na
Adong Do Situasi Ni Ngolu Na Na Boi Mamboan Tu Pandelean……Alani i Marhite
Jamita Sadarion Naeng Idaonta Boha Do Hita Molo Mangadopi Angka Situasi Na Maol
Di Ngoluon….
Molo taida DI
TURPUKTA ON, Ditogihon Jahowa do bango asa so/mansohot sian pandelean nasida.
Di ay.18-19, didok Hata ni Jahowa tu nasida :
-
Unang
be paingotingot hamu angka na masa najolo, jala
-
unang
be pingkiri hamu angka na robi:
-
Ida
ma: Bahenonku ma na imbaru, nunga pola martumbur nuaeng; tung so tandaonmuna ma
i?
Tontu Hata ni
Debata on do tong na sahat tu hita saluhutna. Saonari nunga masuk hita tu bulan
April 2022. Ra molo manaili hita tu pudi, di bagasan pardalanan ni ngolunta na
sataon bolon sian taon 2021 sahat tu tingki on, godang do angka peristiwa ni
ngolunta na mambahen hita mendele, angka parkarejoanta nang parkarejoan ni
angka ianakhonta na so mulus , angka parsahiton, angka ianakhonta na sipata
ndang sioloi ajar, angka kebutuhan-kebutuhan, dohot angka na asing. Boi do tong
halak mandele ala ni angka situasinta saonari di tonga-tonga pandemic covid 19,
nunga masuk tu PPKM level 1 , alai ingkon masuk muse tu PPKM level 3. Jadi
godang do memang na boi mambahen hita mandele.
Alai Hata ni
Debata mandok tu hita, unang be paingot-ingot hamu angka na masa na jolo, unang
be pingkiri hamu angka na robi….. Aha na masa na jolo? Tontu on taringot tu tingki
habuangan na diadopi bangso ni Debata, ala dietong nasida do songon na
dibolongkon Debata nasida saleleng marpulu-pulu taon di huta ni halak na so
mananda Debata, gabe mandele nasida. Alai dilehon Debata ma muse tu bangsa na
mandele i panghirimon na mangolu. “Ida ma : Bahenonku ma na imbaru…. Boasa
ingkon naimbaru ? ala memang ndang boi be dipangke ate…….jadi ndang songon
pamikirionta ate, molo hita, boi dope tapangke, alai ala nga bosan, tatuhorma
na imbaru…ndang songon i haimbaruon na naeng dipatupa Debata…alai haimbaruon na
dipatupa Debata I ma : sesuatu yang baru, adong na baru na so hea dope adong,
didok Debata :
-
bahenonku
ma dalan di halongonan, (membuat jalan di padang gurun)
-
angka
batang aek di tano bangkalbangkal. (sungai-sungai di padang belantara
-
Pasangapon
ni angka binatang di ladang ma ahu, angka gompul dohot angka pidong unto,
(binatang memuliakan Tuhan)
-
lehononku
ma aek di halongonan, angka batang aek di tano bakkalbakkal.
Tontu
molo taida do, haimbaruon na dipatupa Debata, ndang tolap jolma i patupahonsa.
Asa molo Debata nunga campur tangan di sude angka hamaolon na taadopi di
ngoluon, pasti do adong angka jala keluar na so hea tarpikkorhon ni hita jolma.
Alani di hamu angka dongan, unang be sai ragu hita diangka pangurupion ni
Debata di ngolunta on. Tarbahen Debata Jahowa do mangurupi hita sian na so
pamotoanta, lobi sian na tapikkiri, lobi sian hagogoonta. Asa molo tataili pe
tu pudi di pardalanan ni ngolunta on, unang ma holan angka hasusaan I na
tabilang-bilangi, alai ta bilangbilangi ma, terlumobi angka pasupasu dohot
pangurupion ni Debata na so habilangan i. dungi mago ma angka holso-holso dohot
pandeleanta. Tuhanta ma na mangaramoti hita sasudena. Amin.
Bahan Diskusi:
1. Molo Debata do na manjadihon saluhut angka na
masa di tonga ni portibion, boasa sai adong dope na sai madabu tu pandelean?
2. Molo marhuaso do Debata paimbaruhon saluhut
angka na di portibion, boasa sai godang dope jolma na mangolu dibagasan biar
dohot keraguraguan?
|
5
|
Marende BE. No. 463 : 1 + 3 “ Pasupasum
TongosonMu ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 221 : 1 – 2 “
Saleleng Jesushi”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 712 : 1 --- “ Togu
Au Ale Jahowa ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Diak. Leo E. br. Hombing
Diakones
HKBP Ganbir Baru Resort Kisaran II
Minggu PALMARUM
10 April 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 11 : 1 – 2 “Aha Ma Endehononku”
|
|
2
|
Tangiang Pamuhai
|
Votum : A.VI.B.6
– D.V.22
|
|
3
|
Manjaha Turpuk : PSALMEN 118 :
19 – 29
|
|
4
|
Marende BE. No. 352 : 1 – 2 “ Sai Hehe Ma Hamuna”
|
Jamita : MATEUS 21 : 1 – 9
“MANJANGKON PASUPASU HALUAON”
Hamu angka dongan sahaporseaon!
Na naeng mamongoti Huta Jerusalem
ma Jesus, naeng pasingkophon ulaonNa di
portibi on. Alai haroroni Jesus tu Jerusalem pataridahaon na ro do Ibana
manopot (melawat) angka halak nahinaholonganNa na tongon mangadopi ragam parungkilon
di ngoluna. Asa tung tangkas nian di ida halak na tinopotNa i Ibana, na ro mamboan
haluon. Parungkilon niadopan ni torop halak ndada holan ala panosak ni parngoluon
siganup ari (materi), masalah sosial,
politik, dohot lan na asing, alai dohot do panosak ni dosa siala lam mangimbukbuk angka parange na so hombar tu lomo
ni roha ni Debata. I do na naeng pasingkopon ni Jesus marhite haroroNa.
Andorang
so sahat Ibana tu huta Jerusalem, di sosor Betpage, mandonokhon dolok Jetun, disuru Ibana siseanNa tu sada sosor laho mangarade
naringkot “patulushon ulaonNa” laho manopot
bangsoNa, i ma; manogu halode sada dohot anakna na tongon tambat. Saut ma na sinuriranghon
ni angka panurirang di Padan Narobi: Paboa
ma tu boru Sion: Idama, na ro ma Rajami tumopot ho, na lambok do rohaNa; halode
do hundulanNa dohot anak ni halode boban. Alani i adong ma nanaeng ondolhonon
ni turpuk on:
1.
Janghon ma rajam jala sipalua ho: naung disurisanghon Panurirang Sakaria do, paboa naingkon ro do Jesus tu huta Jerusalem. Jala tongon naeng marari raya Paskah do hatiha Jesus
mamongoti huta
Jerusalem, alani i,
ro do torop halak sian desa naualu (seluruh penjuru) laho marariraya Paskah. Tung masa do
suraksurak dohot olopolop sopola disuru manang dijujui angka natorop i (tanpa dikomando) manjouhon: “HosianNa
di anakni raja Daud”. Pinasupasu ma na ro marhitehite goar ni Tuhan I” (ay. 9). Na deba natorop i pahembanghon ulos nasida tu dalan i, nadeba manallihi angka ranting ni hau jala di paserakhonnasida
di dalan i (ay. 8). Hosianna,
Hosiana marharoroan sian hata Heber; Hosyah-na na marlapatan: Iale Jahowa sai manumpak ma Ho (berilah kiranya keselamatan). Psalmen 118:25. Soara olopolop dohot suraksurak on, patuduhon parsitutuon ni bangso do manjouhon dibagasan tangiang (panghirimon)
asa tung lehonon ni Tuhan i panumpakNa (keselamatan)
marhite haroroni Jesus natongon mamongoti Jerusalem. Asa tung tangkas nasida manjalo haluaon sian angka panosak ni hamaolon na ni adopan nasida di bagasan pangoluonna.
2.
Na serep roha do Ibana Raja Na Ro i, alani i padao ma bangko ginjang ni roha. Sahalak raja tontu sai patuduhononna do “kehebatanna”
dohot angka
“kecanggihan” ni kendaraan na naeng pangkeonna. Alai anggo
Jesus, tung dipatuduhon Ibana do haserepon on,
nang pe Anak ni Debata Ibana jala Raja ni angka raja, Tuhan ni angka tuan. Pangalaho na songoni ma na naeng patuduhonon ni angka siihuthon Ibana dipartingkianta sinuaeng on, naung godang tapeon angka “alat-alat canggih, na boi patuduhon ise hita gabe “orang hebat”. Isarana, menguasai IPTEK,
memiliki alat-alat canggih. Alai taingot ma, boi do i mamboan hita tu haginjangon ni roha. Ndang na so tarbahen Jesus
patupahon lobi sian halode dohot anak ni halode hundulanNa laho mamongoti huta Jerusalem, laho manopot bangsoNa i. Alai
dipatuduhon Ibana
do serep ni rohaNa. Patut ma nian tiruonta pambahenan na tau mangarahon hita tu haserepon ni roha, nang pe tapeop ragam ni angka nauli di hasiangan on. Ai
didok do di Psalmen 2:11 “angka mata ni haginjangon ni Jolma patutoruonNa (manusia yang sombong akan direndahkan dan manusia yang angkuh akan ditundukkan). Jala tarjimput bahenonNa hatimboon ni baoa”, jadi sasada Jahowa timbul di ari na sasada i.
Marribu do halak pasahathon suraksurak huhut mangolophon haroroni Jesus di tingki mamongoti Huta Jerusalem huhut pahembanghon ulos dohot manalliki rantingranting mambahen tu dalan huhut manjouhon Hosianna. Alai ndang tangkas di jalo nasida Jesus gabe raja jala sipalua di nasa ulaon nang di rumatangga nasida. Ndada tangkas dasor (motivasi) nasida manjanghon haroro ni Jesus. Ai dietong nasida ia haroroni Jesus laho paluahon nasida sian huaso haportibion (kuasa politik) sian harajaon Romawi do. Alani i, torop do sian nasida natarhirim (kecewa), gabe
so tangkas be panjanghonon nasida
di Jesus naung ro i. Alani i do, di
tingki hamamasa ni uju di paruhuman ni si Latus i Jesus, gabe dohot do nasida manjouhon:”parsilanghon
ma Ibana”.
Nuaeng
tongon di Minggu Palmarum on, marhite turpuk jamita on, naeng tangkas panandaonta
di Jesus naro i. Ise Ibana, jala haluaon dia nabinonanNa i. Arga do tutu molo malua
hita sian huaso haportibion on (kuasa politik), alai ummarga sian i
do nabinoan ni Jesus, i ma haluaon sian dosa. Taruli ma hita di hasesaan ni dosa,
molo tangkas tajanghon Ibana di bagasan rohanta, ai i do na binoanNa tu portibi
on. Rade ma hita manjanghon haroroNa i dibagasan haserepon ni roha, mardongan suraksurak
dohot olopolop dibagasan tangiang, mandok: Hosianna “Iale Jahowa sai manumpak ma Ho
(berilah kiranya Keselamatan). Amen.
Bahan Diskusi :
1.
Boha bahenon cara laho manjanghon Jesus dingolunta? Aha do siparadeon?
2.
Boasa gabe muba panatapan ni halak Jerusalem tu Tuhan Jesus?
|
5
|
Marende BE. No. 268 : 3 “ Debatangku Do Donganku ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 466 : 1 “ Nunga
Ro Au ”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 342 : 1 --- “ Ngot
Ma Ho Dijou Soara ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt.Lamhot Simbolon, S.Th
Pandita HKBP Resort
Teluk Pulai Dalam
Minggu PASKAH I
17 April 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 633 : 1 – 2 “Nunga Hehe Kristus”
|
|
2
|
Tangiang Pamuhai
|
Votum : A.IX.B –
D.VII.26
|
|
3
|
Manjaha Turpuk : LUKAS 24 : 1 –
12
|
|
4
|
Marende BE. No. 94 : 1 – 2 “ Ale Tondingku Naung Hehe”
|
Jamita : PSALMEN 103 : 1 – 5
“ NUNGA HEHE JESUS I”
Hamu
angka dongan sahaporseaon!
Turpuk
on di paandar tu hita di Pesta Paskah I Parningotan Haheheon ni Tuhanta Jesus
Kristus sian na mate, dung dibolus Ibana ragam ni angka parungkilon na so patut
nian taononNa. Sian saluhut naung di bolus Tuhan i, naeng ma dohononta tu
dirinta songon pandohan ni si Daud di turpuk on : Puji ma Jahowa ale tondingku, jala nasa rohangku dibagasan mamuji
goarNa na badia i. Puji ma Jahowa ale tondingku. Boasa ingkon pujion Tuhan
i ala naung mananda hita disaluhut na binahenNa di bagasan parngoluonta, na
paluahon hita sian sorop ni hamatean, ndada holan i naung paluahon hita sian
gomgoman ni dosa i. Marhite haheheonNa talu ma hamatean, ndada sihabiaranbe
hamatean i. Molo dibolus Jesus hamatean jala hehe muse, songoni do hita muse
angka na porsea paheheon ni Tuhan i. On ma dasorta laho mamuji Ibana, marhite
sangkapNa dibagasan Tuhan Jesus Kristus gabe lam patar ma holong ni rohaNa tu
hita jolma na di portibion.
Nian
ndada holan di tingki Pesta Paskah on hita mamuji Debata mandok mauliate tu
Ibana, alai siganup ari di ngolunta ingkon sai patolhasonta do pujipujian di
Tuhan Debata Jahowa ala na sai diurupi do hita mamolus ragam ni angka na masa
dibagasan ngolunta. Paluahon hita sian hamagoan jala na sai tongtong mangudut
asi ni rohaNa dibagasan ngolunta. Boi ma dohononta, sotung salpu ariari di
bagasan ngoluntaon so tapuji Tuhan Debata Jahowa. Alani ringkot do di hita
pangarimangion disaluhut naung binahen ni Debata Jahowa marhite Tuhan Jesus
Kristus, asa lam umbagas mangantusi hita di asi ni rohaNa i. Rimangi ma nanget
dibagasan roham : ise do hita maradophon Tuhan Debata jala Debata Jahowa
maradophon hita. Nian sian hajolmaonta dohononma : ndang tau hita mandapot asi
ni roha na tung mansai balga i sian Ibana alai sai dipatau do hita. Ndang pola
sahat tu mate nian Tuhanta Jesus Kristus di hau pinarsilang laho manggarar
utang ni dosanta alai di bolus Tuhan Jesus Kristus do i asa mangolu hita. Dung
i hehe Ibana muse laho mangalehon jaminan tu hita angka na porsea na paheheonNa
do hita muse. Boha didok rohanta, nda songoni ma balga ni holong ni roha ni
Tuhan Debata tu hita jolma na sai dibagasan hadosaon on?
Hamu
angka dongan sahaporseaon!
Pesta
Paskah ima pesta na balga di haporseaon ni halak Kristen, ai marhite on ma hita
mangantusi dipalua do hita sian hamatean. Ndang marhuaso sorop ni hamateani
maniop angka na porseai ala naung ditaluhon Jesus sorop na i. 1 Korint 15 : 54
– 57 “"Nunga tarbondut hamatean;
nunga soluk hamonangan!" "Jo hamatean, didia hamonanganmi? Jo
hamatean, didia soropmi?" Alai dosa do sorop ni hamatean, jala patik i do
gogo ni dosa i. Alai mauliate ma di Debata, na pamonang hita marhitehite
Tuhanta Jesus Kristus!”. On ma denggan basa na ginoaran dibagasan turpuk on,
asa tung taauhon ma i dibagasan ngolunta, asa sai margogo hita songon pidong
raja wali.
Arga
do panghohopon ni Jesus laho paluahon hita sian hamatean. Diseahon do ngoluNa,
hosaNa asa tung malua hita sian dosa. Ndang holan dipalua sian hamatean,
ditaluhon hamatean i, hehe Ibana sian hamateani, asa malua hita sian hamatean
dohot uhum ni dosa. Alani ingkon sian nasa rohanta ma mamuji Debata marhite
Tuhan Jesus Kristus, ingkon dibagasan parsitutuon ma hita pasangaphon Ibana
saleleng mangolu hita di tonga ni portibion. Tapangke ma nasa gogonta,
pingkiranta, rohanta, laho manghatindanghon naung hehe Jesus i sian hamatean. Taparengohonma
parange na denggan, paboa naung ditobus Jesus hita sian nasa hadosaonta di
tonga ni portibion. Pesta Paskah on mangalehon pos ni roha di hita asa unang
dibagasan biar be hita mamolus angka na masa di tonga ni portibion, alai sai
tapangasahon ma Ibana na sai tongtong satia margogoihon hita. Amen!
Bahan Diskusi :
1.
Aha do lapatan ni Pesta Paskah dibagasan ngolum?
2.
Boha do ngolu ni halak naung mamolus Pesta Paskah?
|
5
|
Marende BE. No. 93 : 1 + 3 “ Pesta Paskah Hatuaon ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 627 : 1 “ Jesus
Naung Hehe”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 96 : 1 --- “ Nunga
Talu Hamatean ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. W. Sitorus, M.Min
Praeses HKBP Distrik
XIII Asahan Labuhanbatu
Minggu QUASIMODOGENITI
24 April 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 361: 1 + 3 “Na Denggan Situtu Do”
|
|
2
|
Tangiang Pamuhai
|
Votum : A.X.B. 1
– D.VII.28
|
|
3
|
Manjaha Turpuk : ULAON NI
APOSTEL 9 : 1 – 6
|
|
4
|
Marende BE. No. 437: 1 “Tung Na Muba Rohangku”
|
Jamita : PSALMEN 37 : 34 – 40
“ HAMUBAON DIBAGASAN JESUS”
Hamu angka dongan sahaporseaon!
Jotjot do hita ndang
sabar paimahon partingkian ni Debata laho mangurupi hita di angka na masa di
bagasan ngolunta. Alani ketidaksabaran i gabe olo sipata manaili hita tu siamun
dohot tu hambirang mamereng angka na masa di angka donganta jolma. Sipata soluk
do ro tu bagasan pingkiranta mandok hira na dumengganan do ngolu ni halak na so
marhaposan tu Debata sian halak na marhaposan tu Debata, na sai paimaimahon
partingkian ni Debata laho mangurupi ibana di angka parungkilonna. Parpsalmen on paingothon tu hita manang
songon dia pe dokdok ni sitaonon manang parungkilonmu tongtong ma haposi
Debata, ai halak na marhaposan tu Debata ndang tagamon tarurak ibana (ida
Psalmen 25:3). Jala halak na marhaposan tu Debata do na jumpangan las ni roha
di ujungna, atik pe godang angka tantangan diadopi ibana sian na humaliang
alani panghaposionna tu Debata.
Molo didok
Parpsalmen on di ay 34 “Haposi ma Jahowa” (Indonesia: Nantikanlah Tuhan) ndang
na marlapatan gabe holan na hohom so mangulahon manang aha. Laos ihut do dipaingot parpsalmen on
“paihutihut dalanNa i” asa na naeng dohononna, halak na manghaposi Debata ima
halak na tongtong paihutihut dalan ni Debata, na tongtong mangolu di bagasan
lomo ni roha ni Debata. Ndang gabe tartait rohana laho paihutihut dalan ni
angka parjahat na sumalin na diida ibana songon hau na rugun di hatubuanna (ay
35). Idaon martumbur do angka parjahat i songon hau na rugun, alai didok ma
muse di ayat 36 “Jadi mamolus iba, hape ndang disi be, pola do hulului ibana,
hape ndang jumpang”. Parsatongkinan do hape hadoharon ni angka parjahat na
sumalin i, ndang hot hamoraon, hademahon ni ngolu ni angka siula hajahaton.
Molo tung pe idaon mardohar ibana, denggan parngoluonna, mamora, sangap jala
marhagabeon ibana, alai parsatongkinan do hape saluhutna i. Ndang holan ibana
tahe, mangihuthon ayat 38 angka pinompar ni angka parjahat i pe siap do sogot
bahenon ni Debata. Alani, halak na marhaposan tu Debata ima halak na sai tongtong
benget molo tung pe diadopi haporsuhon, tongtong mangolu di bagasan habuluson
dohot parsitutuon mangulahon lomo ni roha ni Debata. Halak na marhaposan tu
Debata, tontu halak partigor do ibana, ala paihutihuthonna do dalan ni Debata
jala mangulahon na nihalomohon roha ni Debata
Dihatindanghon
parpsalmen on molo halak angka na marhaposan tu Debata :
- Patimbulon ni Debata ma ibana laho tumean tano
huhut paidaida hasisiap ni angka parjahat (ay 34). Mansai arga do tano hatiha i
jala lambang ni harga diri do i. Alani molo dipatimbul Debata halak na
manghaposi Ibana, lapatanna Debata sandiri do na mengangkat harga dirina, sian
na lea gabe sangap. Debata sandiri ma na
mamaloshon angka parjahat jala diida ibana hasisiap ni angka parjahat i.
- Hadameon do ujung ni halak na tongtong
mangihuthon dalan ni Debata (ay 37). Ndang jumpang parbadaan, hagaoron songon
ujung ni ngolu ni halak na mangulahon hajahaton.
- Lehonon ni Debata ma hatuaon jala gabe
partanobatoanna di tingki hagogotan (ay 39). Gabe angka halak na martua do
dohonon angka na manghaposi Ibana, ai lehonon ni Debata do hatuaon i asa ndada
holan tano dohot hamoraon sambing. Ondingan ni Debata do nang nasida sian nasa
ragam ni angka hagogotan, ancaman, nang parmaraan.
- Ditumpak jala dipalua Jahowa sian angka parjahat
(ay 40). Ndang pasombuon ni Debata angka partigor diluntak-luntak angka
parjahat, alai Debata sandiri do na paluahon nasida sian ragam ni tahi-tahi ni
angka parjahat.
Tontu ndang mura
memang gabe halak partigor, ingkon sai adopanta do angka tantangan manang
hamaolon laho patuduhon parsihohotonta manghaposi jala paihut-ihut dalan ni
Tuhan i. Alai boi ma taida amang inang sian panindangion ni parpsalmen on,
parsaulian dia ma jumpang hita molo mangolu hita di bagasan lomo ni roha ni
Debata, jala hamagoan dia ma jumpangta molo mangolu hita di bagasan hajahaton.
Molo naeng patimbulon ni Debata do hita, jumpangan hadameon, hatuaon dohot
haluaon, haposi ma Debata jala ihuthon dalanNa. Antong haposi ma Jahowa jala
paihutihut dalanNa i. Amen
Bahan Diskusi:
1. Aha do tantangan na taadopi laho manghaposi
jala paihutihut dalanNa?
2. Boasa boi gale haporseaon molo mangadopi angka
parungkilon, hamaolon manang sitaonon hita?
|
5
|
Marende BE. No. 281: 1+7 “Martua Do Na Marhaposan”
|
|
6
|
Tangiang Sian
Natoras
|
Tangiang Sian Ruas
Na Ro
|
|
7
|
Marende BE. No. 471: 1 “Hupillit Jesus Donganhi”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 697: 1... “Molo Ho Do Huihuthon”
(P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Natalina Nababan
Pandita
HKBP Resort Air Batu
Minggu MISERICORDIAS DOMINI
01 MEI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 559 : 1 - 2 “ Debata Na Songkal Jala Na Badia”
|
|
2
|
Tangiang Pamuhai
|
Votum : A.X.B.2 –
D.VII.26
|
|
3
|
Manjaha Turpuk : PSALMEN 4 : 2 – 9
|
|
4
|
Marende BE. No. 441 : 1 “ Di Au Tuhan Jesus”
|
Jamita : PANGUNGKAPON 5 : 11 –
14
“ MARHAPOSAN TU JAHOWA MA HO”
Hamu angka dongan sahaporseaon!
Panurat ni kitab pangungkapon ima Apostel Johanes na digurithon di
zaman harajaon ni Kaesar Romawi. Tujuan ni surat on ima laho manogunogu
haporseaon ni halak kristen na minoritas. Di tingki panuratan ni turpuk on
godang do halak kristen na dipaksa manomba Kesar Romawi na dianggap gabe dewa
na boi mamboan haluaon tu sude jolma. Boi do tabereng di pangungkapon bindu 5 on, dibaen do sada birubiru songon gombaran
ni hadirion Tuhan Jesus Kristus na mamboan haluaon tu jolma manisia. Andorang
sahat hita tu ayat 11 -14, didok di ayat 5 digombarhon do Jesus songon singa na
monang na sian Jehuda na patuduhon huaso hamuliaonNa. Tudutudu tu na naeng masa sogot do nang pangungkapon na tu si
Johannes on, manaringoti banua ginjang dohot tano na imbaru. Di ragam ni
parungkilon na niadopan ni angka na porsea di tano on, i ma angka hamaolon sian
panggomgomi, angka panurirang pargapgap, dohot ragam ni angka panosak ni ngolu,
disurathon si Johannes ma buku pangungkapon on laho mangalehon apulapul dohot
patoguhon haporseaon ni halak Kristen. Na gabe sungkun-sungkun "boha do
pangaradeonta manomunomu ari harorona i?". Molo ro ibana, naeng ma so
martihas jala so marhasurahan hita (2 Petrus 3:14). Gariada molo didok naeng ro
na sangap ni portibi on manopot hita, pintor tahobasi do pangaradeonta. Lam ma
na sangap na di banua ginjang i na naeng ro, nda lumobi hobas hita di
pangaradeonta? Asa pangaradeonta i, i ma marhite puji pujian dohot mangulahon
hata ni Debata na hombar tu lomo ni rohaNa. Domu tusi do na naeng pinasahat ni
turpuk pangungkapon 5: 11 -14 on.
Hamu angka dongan sahaporseaon!
Ayat 11. Molo tajaha andorang so turpuk on, boi idaonta na masa na niida si
Johanes i ma, disada inganan na mansai sangap, marsoara ma angka surusuruan,
marsoara na gogo nasida mandok na tama do birubiru naung tarbunu i manjalo
hagogoon na sian Debata. Jelas do tarsurat di ayat on alasan ni angka na torop
i marloksa jala marriburibu laho mamuji Debata ima ala tama do ibana sipujion.
Disurathon di turpuk on “soara ni torop surusuruan humaliang habangsai,…..ia
toropnasida marloksaloksa jala maririburibu” hata on pataridahon sada
ungkapan ni jumlah angka na torop na so tarbilang (manang so boi di hitung)
jala sudena i marende jala marsoara laho manomba anak ni birubiru i. Ima na
patuduhon sude na adong di portibi on ingkon mamuji Debata.
Ayat 12. Hamoraon,
hagogoon, dohot hapistaran nang sahala nang puji-pujian paboahon hasisingkop ni
Jesus Kristus i di hamuliaonNa. Tung so adong be na hurang di ibana, jala sude
angka hagogoon dohot hasangapon na di portibi on di toru ni anak ni birubiru i.
Ndang adong na boi manaluhon hagogoon nang hasangapon ni Debata. Hombar tu na
tarsurati, ala nunga godang masa angka na so hea masa, tibu ma ro ari ni Tuhan
i. Dohot ragam ni angka pandohan dohot panorangion na marragam dibahen angka
jolma i. Hape tangkas do didok, "ndang adong na umbotosa ari harorona i,
ai songon panangko borngin do harorona". Holan Tuhan i do na umbotosa,
alai na tutu situtu do ro ibana di tingkina laho manjalo hamuliaon, hamoraon,
habisuhon dohot pujipujian.
Ayat 13. Birubiru manggombarhon jolma jala Debata na gabe parmahan. Jala birubiru
jotjot do i dipangke halak jahudi gabe pelean na ummarga na pinasahat tu Jahowa
di bagas joro ni Debata. Alai di turpuk on pe digombarhon birubiru i gabe
simbol pelean pardamean manang pelean hasesaan ni dosa na pinasahat asa mardame
jolma dohot Jahowa asa dapotan hangoluan. Hamatean ni Jesus Kristus di hau
pinarsilang ima na mamboan hangoluan na seleleng salelengna. Laos birubiru ima
na mamukkna sahap (materai) jala holan birubiru i do na layak mamukka rahasia
pardalanan ni ngolu ni jolma ala Debata do na manompa angka na adong di banua
ginjang, tano dohot ro di na di bagasan laut. Ido na umbahen dipatorang di ayat
on nasa na adong di portibi on ingkon mamuji dohot pasangaphon goar ni Debata.
Ndang mambahen moru hasangapon nang hamauliaon ni Ama i, ai sude nasa na adong
di hasiangan on ingkon manghatindanghon na Ibana do raja na marmulia i.
Ayat 14. Isi
puji-pujian ni angka sintua i ima kelayakan ni birubiru i laho mangalehon
dirina laho manobus dosa manisia. (ungkapan itu dipergunakan oleh para malaikat
dan para tua-tua itu untuk menyatakan bahwa oleh pengorbanan-nya, Kristus telah
membeli orang-orang kudus yang tadinya diperbudak oleh dosa itu dengan harga
tunai, untuk menjadi milik Allah.). Alani i ma ditutup bindu on marhite hata
amen na paboahon hasintongan (sungguh benar) na mambahen angka sintua i gabe
manungkap jala marsomba tu ibana.
Hamu angka dongan sahaporseaon! Tapahusorma
dibagasan rohanta :
Ø
Di na
mangarade hita paimahon haroro ni Kristus i, ingkon berjuang hita mangalo
parpoda haliluon, "kristus pargapgap", na pasumansumanhon dirina
songon Kristus, na mangarampas huaso ni Kristus, mangaliluhon dohot
mangalumlami roha ni jolma. Lumlam huria ala panosak ni "kristus
pargapgap", i ma parjamita na mangaliluhon jolma, na mangaithon sangap tu
dirina, ndang tu Kristus. Dame dohot holong, i ma bangko hosom, hoax dohot
parbadaan. Angkup nii, ingkon berjuang do hita mangalo huaso na olo manursari,
pasarsarhon hahurangan ni dongan, na manaburhon fitnah jala paroaroahon
donganna laho manabunihon hahuranganna. Alai molo na naeng manjangkon haroro ni
Jesus paduahalihon do hita, tasomba ma ibana marhite paimbaruhon diri.
➢ Unang ma holan di tano on hita manghirim, ai angka na laho salpu
do anggo na di tano on. Alai adong dope sihirimon naung balga jala ndang olo
salpu, i ma banua ginjang i, surgo hasonangan i jala hagogok ni tingki
panghirimoni, i ma marhite haroro ni Jesus na paduahalihon. Molo ro Debata di
tingkina manopot portibi on, jala manopot jorona i di tongatonga ni jolma, mian
ma Debata disi jala saor ma ibana tu bangsona i, i ma angka jolma na monang di
pangunjunan, angka na sai tongtong marsihohot tu Tuhan i sahat ro di ujungna.
Angka i do na bongot tu banua ginjang dohot na mian di tano na imbaru. Ndang
adong be disi hamatean nang arsak ni roha; nang anggukangguk, nang na hansit.
Gok hasonangan dohot hangoluan ro di saleleng ni lelengna do parmianani. Asa i
do sihirimon ni rohanta di bagasan haporseaon na togu. Unang mabiar hita
mandalani ariari ni ngolunta, tongtong ma pos rohanta jala marsihohot ma
haporseaonta di Tuhan na mamboan harajaon, hapistaran, hamoraon, las ni roha,
tarlumobi hasangapon di hita saluhutna.
➢ Halak na ditobus jala na manjalo haluaon ingkon mangalehon dirina
laho marsomba tu Debata, jala pos situtu rohana di Tuhan i na mangalehon
jaminan ni ngolu tu masa depan na dumenggan di hita saluhutna. Tarlumobi muse
ditongatonga ni huria, ingkon porsea do hita aha na masa dibagasan sejarah
parngoluon ni manusia, ingkon Kristus i do na gabe parlinggoman di hita jala na
mangurupi angka pardalanan ni ganup huria nang pe di masa masa covid 19 on.
Marsangap ma Debata marhite Jesus Kristus, anak birubiru ni Debata na pargogoi
hita mangulahon na hombar tu lomo ni rohana. AMEN.
Bahan Diskusi :
Ø
Ise
Haposanta ......?
Ø
Ise
Sombaonta......?
Ø Ise Sihirimonta......?
|
5
|
Marende BE. No. 228 : 1 “ Jesus Haposanhu ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 574 : 1 “ Puji
Ma Debata ”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 769 : 1 --- “ Tu
Debata Do Panghirimon ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Reynold Hutabarat, M.Div
Pandita
HKBP Resort Sei Apung
Minggu JUBILATE
08 MEI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 13:
1+6 “Nda Tama Endehononku”
|
|
2
|
Tangiang Pamuhai
|
Votum : A.X.B.3 –
D.IV.16
|
|
3
|
Manjaha Turpuk : ULAON NI
APOSTEL 9 : 36 – 43
|
|
4
|
Marende BE. 452:
1+3 “Na ro Pandaoni bolon I”
|
Jamita : 1 RAJARAJA 17 : 17 – 24
“ HUASO NI DEBATA NA PANGOLUHON”
Hamu angka dongan
sahaporseaon!
Marmula do turpuk on sian
uhuman ni Deabat tu bangso Israel ala balga ni dosa nasida. Tarlumobi tagan si
Ahab manggomgomi uju i, gabe disomba nasida debata Baal, i ma debata nabinoan
ni nialapna, Isebel. Disuru Debata ma panurirang Elia manopot Raja Ahab
paboahon uhum sidabuon ni Debata i ma haleon potir: “Ndang jado ro nambur manang udan manang piga taon on, molo so jolo ahu
mandokhon” (bd.17: 1). Dung dipinsang si Elia pangalaho Raja Ahab i, gabe
disuru Debata ma si Elia lao martabuni tu sunge Kerit, na di bariba Jordan.
Disi ma ibana diparmudu marhite aekni sunge i dohot pidong sigak. Alai dung
marhira sataon lelengna marsik ma sunge i, gabe ditogihon Debata ma muse si
Elia manjumpangi sada parompuan na mabalu di huta Sarfat mandonokhon Sidon.
Hape parompuan na mabalu na jinumpangannai dohot sahalak ianakhonna pe mangolu
dibagasan anturaparon bolon do. Alai dipatupa Jahowa do halongangan marhite si
Elia, gabe diparade Jahowa do sipanganon na so ra suda, i ma itak na di bagasan
hudon dohot miak na di bagasan guriguri. Di sada tingki marsahit na posi ma
anak ni parompuan i, laos tos ma hosa na. Gabe joujou ma panurirang Elia tu
Debata, gabe dipangolu ma dakdanak i. I ma na gabe bahan Jamita Partangiangan
sadari on. Angka dia do na naeng siputihonta marhite turpuk on diparngoluonta?
1.
Holan
Debata Jahowa do Debata na tutu jala marhuaso
Diuhum do bangso Israel
marhite hamamasa ni logo ni ari ala disomba nasida debata Baal. Boasa logo
niari dipillit Debata gabe uhumNa tu Israel? I ma ala didok nasida ia debata
Baal i ma dewa kesuburan, silehon gabe na niula. Dipillit debata ma logo no ari
gabe uhuman asa tangkas diida sandok bangso Israel, boha boi do debat Baal
nasida i mangalehon kesuburan? Ternyata ndang tolapsa. Ndang marhuaso debata
Baal i mangalehon kesuburan. Alai anggo Debata Jahowa, marhuaso do Ibana
parohon manang pasohon udan, marhuaso di saluhut hasiangan on, marhuaso marmudu
angka na tinompana. Marhite on, tangkas ma taboto ia debata na asing i debata
na so margellok do. Haotoon bolon do molo adong dope na marsomba tusi. Holan
Debata Jahowa sambing ma tasomba jala taoloi, ai i do Debata na tutu
2.
Huaso ni Debata na pangoluhon marhite
panarihononna tu panurirang Elia
Di Sunge
kerit, patar dipangolu Debata panurirang Elia marhite pidong sigak dohot aek ni
Sunge i. Di hamamasa ni ari logo na manghorhon haleon potir i ndang disuru Debata
si Elia halak na mora, gariada tu sahalak parompuan na mabalu jala na pogos.
Ndang adong boi bahenon ni parompuan i laho manarihon sipanganon ni parurirang
Elia. Alai tusi do disuru Debata si Elia laho patuduhon, ndada jolma na
mangalehon sipanganon ni si Elia alai tung hagogoon ni Debata do. patar situtu
do Huaso ni Debata laho manarihon na niasianNa.
3.
Husao ni
Jahowa Pangoluhon na mate
Madabu
tu parsahiton do anak ni parompuan sarpat na mabalu i. pasang do sahit na i
jala laos tos ma nang hosanna. Dung masa hamatean i, ala ni arsakna dirajumi
parompuan na mabalu di Sarpat i do ia haroroni panurirang Elia tu bagasna laho
pasingothon dosa dohot mambunu anakna. Ndada si Elia na mamunu anak ni na mabalu i alai masa i tongon uju
disi ibana. Tangkas dihaporseai panuriorang Elia na tuk do huaso ni Debata
pangoluhon, alani dipasahat ibana ma pangidoanna. Ayat 20-21 paboahon na joujou
do panurirang Elia tu Debata asa dipaulak Debata hosa ni dakdanak i.
Marhitehite barita on mangarahon angka na porsea asa tung dokdok situtu pe
parniahapanta, sotung mandele, sotung mago haporseaonta, so tung talului
pangurupion sian na maralo tu lomo ni roha ni Debata. Ulaon ni naporsea uju
mangadopi hamaolon i ma: joujou tu Debata. Gabe halak sipartangiang ma hita.
Tos do hosa ni dakdanak i,
alai dang adong na so tarpatupa Debata. Di na joujou panurirang Elia,
ditangihon Jahowa do pangidoanna i, gabe mulak ma hosa ni dakdanak i. Songion
na ditangihon Jahowa pangidoan ni Panurirang Elia, songoni ma nang ditangihon
Jahowa pangidoan ni na porsea na joujou tu Ibana. Alai tontu ingkon ingotonta
do, dang sude na mate ingkon pabangkiton ni Debata ai ingkon mate do nasa jolma
ai hamatean i do parhiteanta tu
hangoluan sisalelenglelengna. BE. No. 338: 1 “Hehe do muse pamatangkon sian tanoman on. Suang mangolu bahenon ni
Tuhanku, Haleluya, Haleluya.”
Hombar tu topik ni minggunta:
Huaso ni Debata na pangoluhon, diarahon jamita partangiangan on do hita asa
marpos ni roha di Debata, asa tahaporseai huaso ni Debata na pangoluhon.
Tapangasahon ma huaso ni Jahowa laho pahehehon jala pagomoshon angka na gale,
na pogos, na so marpanghirimon, i do ulaon pahehehon na rumingkot di ngolunta
siganup ari. Marroha jala marhuaso hangoluan do Debata na tasomba i alani pasti
do urupanna hita di ngolunta sisaonari jala tumpalhononna di hita hangoluan
sogot. Marhite huaso ni Jahowa na pahehehon i, gabe taruli hita tu haheheon na
saleleng ni lelengna. Amen
Bahan
Diskusi :
1. Mangihuthon turpuk 1 Raja 17: 17-24 on aha do ulaon ni halak na
porsea uju mangadopi nasa parungkilon?
|
5
|
Marende BE. No. 443: 1
+ 3 “Dung Tuhan Jesus”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende
BE. No. 403: 1-2 “Pos Rohangku di Tuhanhu”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 758:
1… “Jahowa Pangurupi” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Noveria Hutapea, S.Th
Pandita
HKBP Rambung Merah Resort Tanjung Balai
Minggu KANTATE
15 MEI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 565 : 1 + 4 “Las
Rohangku Lao Mamuji”
|
|
2
|
Tangiang Pamuhai
|
Votum : A.X.B.4 –
D.IV.17
|
|
3
|
Manjaha Turpuk : 2 MUSA 15 : 19
– 21
|
|
4
|
Marende BE. No. 791 : 1 + 3 “ O Hamu Parangan”
|
Jamita : PANGUNGKAPON 4 : 8 – 11
“ MARENDE MA HAMU DI JAHOWA”
Hamu
angka dongan sahaporseaon!
Turpuk
on marsaringar di Minggu Kantate na marlapatan : Endehon hamu ma ende na imbaru di
Jahowa. Taringot tu na marende, sude do jolma boi marende? Alusna :
sude, sungkunsungkun na mangihut : Sude do jolma mamboto marende? Alusna :
daong. Sian i, antong aha do na niigil ni minggu Kantate on, molo didok :
endehon hamu ma ende na imbaru di Jahowa? Alusna : Goar ni Minggu on manosoi
hita mamuji Tuhan i marhite ende dohot marhite panggulmiton ni ngolunta. Lapatanna,
saluhut panggulmiton ni ngolunta on ingkon gabe tau pujipujian di Tuhan Debata
Jahowa marhite Tuhan Jesus Kristus.
Pangungkapon
na jinalo ni si Johannes on, mangungkap tu hita angka na naeng pamasaon ni
Tuhan Debata tu tonga ni portibion dohot tu angka jolma na adong di tano on, tu
na porsea dohot tu na so porsea. Manggombarhon angka ulaon na boi hilalaonta na
masa di habangsa ni Jahowa nang pe so sahat dope hita tusi. Songon na diturpuk
on, digombarhon angka surusuruan na sai patupa pamujion arian dohot borngin. Na
gabe sada tutu do i, hasomalan naingkon hasomalhononta saleleng mangolu hita di
tonga ni portibion : na so mansohot arian dohot borngin mamuji Tuhan Debata
Jahowa. Tontu molo jumpa pangalaho sisongoni tung mansai uli jala tung mansai
denggan ma panghilalaan. Pandohan : “Nabadia,
nabadia, nabadia do Tuhan Debata….” manggombarhon ise do na pinuji disi. Ndada
hadirion ni surusuruan i naeng ondohononna disi alai hadirion ni Tuhan Debata
Nabadia i do. Ndada na mangalap sangap angka surusuruan i tu dirina sian
pamujion nasida tu Tuhan Debata Jahowa, alai fokus do nasida patubegehon
pamujion na sintong tu Debata. Gabe sada parsiajaran do i di hita, molo tung
taulahon angka ulaon na denggan, unang ma manghirim di angka pamujion sian
angka dongan. Ai naung ulaonta do ingkon mangulahon na denggan asa gabe
pamujion i diadopan ni Tuhan Debata Jahowa. Pamujion i ingkon tartuju do holan
tu Tuhan Debata Jahowa, songon kesar na manggomgomi bangso Romawi hatihai na
sai giot di papujipuji jolma, molo ise na so olo mamuji ibana ingkon di uhum.
Songon na ni ae ni si Johannes dohot angka na porsea di pulo Patmos i. Alani, unang
ma adong sian hita on na sai giot dipapujipuji angka dongan nang pe naung
godang taulahon di tonga ni parngoluonta, ai na patut do hita mangulahon i
parbue ni haporseaonta tu Debata Jahowa na sai mangudut asi ni rohaNa tu
ngolunta.
Hamu
angka dongan sahaporseaon!
Ingkon
sai marsitutu do hita mamuji Tuhan Debata ima tanda ni panandaanta di
hasurungan, halobian ni Debata. Ala las rohanta dipangurupion ni Debata alani
ingkon hatindanghononta haburjuonNa na sai mabaor dibagasan ngolunta ganup ari
on. Ringgas ma hita mamuji Tuhan i ala taparhatopot Ibana do mual ni ngolunta,
ibana mangurupi dohot mangondingi hita sian hamagoan. Tapuji Ibana ala di tobus
hita, marhite mudarNa sian uhum dosa dohot hamatean. Ala haporseaonta di
Debata, tarjou hita mamuji, manghamauliatehon denggan basaNa na tajalo marhite
Tuhan Jesus Kristus. Torop do pe angka na mandok manghaporseai Tuhan Debata
marhite Tuhan Jesus Kristus alai ndang marsitutu mamuji Tuhan Debata dibagasan
ngolunta, sai olo dope manomba angka huaso ni haportibion, sai olo dope
pagomgompon ngoluna tu portibion. Botoonta ma, ndang boi hita manggulmit di
portibion molo so Debata na mangalehon gogo di hita. Alani tapuji ma Tuhan i
marhite parange dohot ngolunta. Amen!
Bahan Diskusi :
1.
Boha angka dongan, nunga dibagasan parsitutuon be hita mamuji Tuhan Debata
Jahowa?
2.
Parendeon na songon dia do naingkon endehononta di adopan ni Tuhan i?
|
5
|
Marende BE. No. 178 : 1 + 3 “ Ro
Ma Tu Jesus ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 9 : 1 “Hupuji
Holong Ni RohaMu”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 585 : 1 --- “ Somba
Ma Jahowa ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Tim Editor
Pandita
HKBP Distrik XIII Asahan Labuhanbatu
Minggu ROGATE
22 MEI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 565 : 1 – 2 “ Las Rohangku Lao Mamuji”
|
|
2
|
Tangiang Pamuhai
|
Votum : A.X.B.5 –
D.VIII.29
|
|
3
|
Manjaha Turpuk : JAKOBUS 5 : 13
– 18
|
|
4
|
Marende BE. No. 188 : 1 “ Jahowa Siparmahan Au”
|
Jamita : JEREMIA 33 : 1 – 9
“ MANGHABURJUHON TANGIANG”
Hamu angka dongan sahaporseaon!
Sisogo do sidok na sintong. Ido
hata na boi manggombarhon pengalaman ni Panurirang Jeremia. Tidak banyak orang yang berani menghadapi
risiko ketika menyuarakan kebenaran. Orang lebih cenderung cari aman dan
selamat dengan mengucapkan berita dusta/bohong yang menyenangkan pemimpin. Ianggo
si Jeremia di na tongon tarhurung di bilut hurungan ala mangalumbahon habuangan
na naeng masa dompak Jahudi (32:3-5) ro do Jahowa mandapothon si Jeremia. Ndang
dipasombu Jahowa naposoNa tarpunjung dibagasan sitaonon. Tu bilut hurungan do
Ibana ro manjumpangi si Jeremia, laho mangalehon tu si Jeremia angka bagabaga
ni Jahowa na buni dope (ay.2).
Dihurung Raja Sedekia do ibana di bilut hurungan, alai
ndang na gabe tarhurung Jahowa dohot hataNa. Bilut hurungan ndang boi
mangambati sangkap ni Jahowa dompak naposoNa dohot bangsoNa. Hata ni Jahowa tu
si Jeremia: “Joujou ma ho tu Ahu asa Hualusi ho” (ay.3). Tuhan berfirman
dan meyakinkan Yeremia bahwa Ia akan memberitahukan hal-hal besar yang tak
terpahami, yang tidak diketahui.
Andorang
so tarjou si Jeremia gabe panurirang, nunga jumolo Israel tartaban binahen ni
Assyria di taon 722 SM. Dihirim si Jeremia do halak Juda marsiajar sian
pengalaman pahit ni halak Israel. Sai marsihohot do si Jeremia paingothon
partogi ni harajaon Juda asa mangoloi Tuhan i. Molo ndang satia nasida tu
Debata ingkon runsur jala tarbuang do nasida (Jer.25). Alani saluhut nasida asa
paholanghon diri sian nasa hajahaton. Ingkon tangihononon jala oloan nasida
hata ni Debata. Gabe sundatan ni Jahowa ma sangkapNa laho mangago nasida. Alai
molo so ditangihon nasida I, loason ni Jahowa ma marokso angka bagas dohot huta
nasida, rumpakhononNa nang bagas JoroNa na badia i. Bahwa karena kejahatan
rakyat dan raja Yehuda maka Tuhan murka dan menyembunyikan wajah-Nya.
Rumah-rumah di Kota Yehuda dan istana raja akan dihancurkan. Orang-orang yang
berperan melawan Babel akan mati terbuang. Ujungna tarbuang do halak Juda
tu Babel, konseskuensi na so satia tu Jahowa. Jerusalem huta nabadia marokso.
Bagas joro bagas parmianan ni Jahowa marumpak. Ndang adong arta dohot ugasan na
arga na hot di nasida. Dipangke Debata do Babel gabe ulaula laho manguhumi Juda
bangsoNa I (ay.5).
Dijou
Jahowa si Jeremia laho pasahathon hataNa, hata angka na bolon dohot na songkal,
angka na so binoto ni si Jeremia. Ndada holan Debata na parohon uhum Ibana.
Alai Debata na marpadan laho pahehehon hahisaron dohot hamalumon, jala
papatarhon hadameon dohot habonaron. Rade situtu do Jahowa marpamuati di
saluhut hajahaton nasida, dungi mangurasi
nasida sian saluhut hajahaton nasida (ay.8). Bahenon ni Jahowa do
Jerusalem gabe huta na badia na mansai uli, asa gabe pujipujian dohot hamuliaon
maradophon saluhut bangso parbegu di tano on. Pemulihan yang dilakukan oleh
Allah :(1) Bahwa kota Yerusalem akan dibangun dan didirikan kembali “in
statu quo – dalam keadaannya yang dahulu” (ay. 1-6). (2) Bahwa orang-orang buangan, setelah dosa-dosa mereka diampuni,
akan dipulangkan kembali (ay. 7-8). (3) Bahwa hal ini akan mendatangkan kemuliaan yang besar bagi Allah
(ay. 9).
Hamu angka
dongan sahaporseaon!
Minggu Rogate
ima joujou na ingkon gabe sipartangiang hita. Ido hataridaan ni pangoloionta
tu Debata. Jumpang hita do di turpuk on tangiang i marrumang dialog manang
komunikasi antara Jahowa dohot si Jeremia. Debata na marsangkap mamboan mulak
bangsoNa sian habuangan marhite huasoNa na sun gogo i. Di situasi sulit dohot
haporsuhon na niae ni si Jeremia didapothon Jahowa ibana. Ima na ingkon masa di
ngolunta. Manang aha pe na masa di ngolunta, taingot ma manjou Tuhan i. ai rade
do Tuhan I mandapothon hita di sude pardalanan ni ngolunta, di tingki las
rohanta manang marsak hita. Rade do Debata mangalusi hita di angka joujou ni
tangiangta, jala mangalehon tu hita angka na ringkot di ngolunta, mangalehon
las ni roha di hita.
Alai ndada holan I lapatan ni na
martangiang. Ndang holan hita manghatai tu Debata. Ingkon paradeonta dirinta
laho manangihon Debata na manghatai tu hita. Hata ni Debata na paubahon
ngolunta, paturehon pangalahonta mangoloi lomo ni rohaNa (pat. 2 Tim.3:16-17).
Amen.
Bahan diskusi :
1.
Boasa lam bangkol halak martangiang?
2.
Debata mangalehon haluaon tu bangsoNa
marhite huaso ni tanganNa na sun gogo i. porsea dope hita na marhuaso Debata
mangalehon hahisaron dohot hamalumon, hadameon dohot habonaron di ngolunta?
|
5
|
Marende BE. No. 487 : 1 + 3 “ Tung
Halak Na Margogo ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 759 : 1 “
Jahowa Siparmahan Au-2”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 249 : 1 --- “ Ngot
Ma Ho O Tondingki ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Norima Nainggolan, S.Th
Pandita
HKBP Resort Sei Loba
Minggu EXAUDI
29 MEI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 712 : 1 – 2 “
Togu Au Ale Jahowa”
|
|
2
|
Tangiang Pamuhai
|
Votum : A.XII.B –
D.X.32
|
|
3
|
Manjaha Turpuk : PSALMEN 17 : 1
– 6
|
|
4
|
Marende BE. No. 733 : 1 – 2 “ Dulo Ma Au On Tuhan”
|
Jamita : JOHANNES 5 : 1 – 9
“ DITANGIHON DEBATA DO JOUJOU NI
PARTIGOR”
Hamu angka
dongan sahaporseaon!
Molo masa
parsahiton tu sada halak, sai dihasiholi do hamalumon. Dihirim do tumibu ro
hamalumon i marhite namandiori parubatan jala tinggil tu angka na boi mangubati
sahit i asa malua sian parsahiton i. Alai na boi do gabe ro pandelean molo dang
pittor jumpang hamalumon i, lumobi molo tung leleng situtu dang marnamalum
sahit i. Alai marhite turpuk Epistel on, diboan do hita tu haporseaon na
marpanghirimon namangolu, asa molo masa angka parsahiton, tu Tuhanta Jesus ma
hita maporus ai Ibana do na talup patupa haluaon di hita. Ndada holan haluaon
sian parsahiton alai dohot do parungkilon lumobi haluaon sian dosa. Molo
tajahai buku Ev. Johannes on, dapot hita do na adong barita tanda halongangan 8
hali di patupa Tuhan Jesus. Sada tanda halongangan i, ima na di turpuk on;
dipamalum Tuhanta Jesus sahalak na marsahit 38 taon lelengna. Tujuan ni tanda
halongangan i, ndada na patuduhon keunggulan ni Tuhanta Jesus, alai asa gabe
porsea do jolma i di Tuhanta Jesus do dapot haluaon, hangoluan, ai Tuhan Jesus
i sandiri do haluaon dohot hangoluan i. Ihut ni i, sude tanda halongangan i,
mambahen “ Haimbaruon” di diri ni namanjanghonsa. Namarsahit gabe
marhamalumon, na gale jumpang gogo, na mandate gabe marhiras roha. Saluhutna
haimbaruon ni ngolu i manogihon tu hangoluan namanongtong di angka na porsea.
Di turpuk on toho adong do pesta ni halak Yahudi di Jerusalem hatiha i.
Dihariburon na songon i, torop halak na peak marsahitsahit paimahon hamalumonna
be di paridian Betesda (Semacam kolam berkhasiat) jonok tu harbangan
Birubiru, tontu andorang so
mamongoti gerbang kota na ribur Jerusalem i ma paridian Betesda i. Adong
keunikan ni “Paridian Betesda i”, ai surusuruan ni Debata do tuat marombasombas
tu si manggunsang aek i. Holan tu halak naparjolo bongot di hagugunsang ni aek
i do marpanghorhon hamalumon i di ibana. Alai molo holan “ mandimandi
santai” sambing do, ndang malum halak di paridian Betesda i.
Hamu angka
dongan sahaporseaon!
Betesda lapatanna
Bagas inganan asi ni roha/rumah belas kasihan. Boi dohononta “gombaran” ni
parngoluonta di portibi on do na taida di barita on. Di luat na ribur pe
disituasi pesta raya, din a torop halak marlasni roha, laos adong do marpeahan
disi halak na hansitan. Ndang sude jolma i tongtong marlas ni roha. Ala ni i,
ingkon “ Tangi/peka” do hita di angguhangguk ni nahansitan nang pe di situasi
marlasni roha hita dingolunta on. Sian torop nahansitan di “ Paridian
Betesda ” i, sahalak sahalak naung 38 taon marsahit, peak sambaing so adong
na mamparrohahon. Huroha halak na dangol do ibana, so adong na mangurupisa
manimbung tu paridian di pargunsang ni aek i. Molo marsigulut be angka
namarsahit disi martugarang tu paridian i, huroha ndang margogo ibana
manghalaputi mijur tu paridian i. Hansit jala dangol ma tahe parniahapanna, sai
punjung soada dongan, soada ”parhuaonna/sisolhotna” laho mangonjar ibana tu aek
na gunsang marombasombas binahen ni Surusuruan ni Debata.
Ditatap jala
diboto Tuhan Jesus do parsorion dohot lelengni parsahiton ni ibana,
hadongolanna i pe diantusi Tuhan Jesus do, umbahen na didok Jesus : “
naeng malum ho”?. Marrumang sukkunsukkun do pandohani laho manguji respons
ni ibana di silehonlehon ni Tuhan i. Ternyata respons ni namarsahit i,
dang alus laho mangolohon, alai paboahon na so boi tagamon be malum
ibana, ai so adong be kemungkinan sahat tu hamalumon i. Tung pe songoni alusna,
dipamalum Tuhan Jesus ma ibana. Marhagogoon do Hata ni Tuhan i namandok : “ Hehe
ma ho, hindat ma lagem, mardalan ma ho “.
Hata hehe/ bangkit; Hindat/ angkat; Mardalan/berjalan, hata bentuk
imperative/parsuruon. Asa patar do huaso ni hagogoon ni Hata ni Tuhan i di
halak na olo manangihon, mangulahon parsuruon i. Asa ndada mulak boti Hata ni
Tuhan i di namanangihon dohot namanjanghon, mangauhon huhut mangulahonsa ( pat.
Jesaya 55:11) Marhite hamamalum ni sahalak namarsahit 38 taon lelengna,
paimbaruhon pangantusion taringot “mistery kolam betesda”. Dang be aek Betesda
napamalumhon, alai Hata ni Tuhanta i do. Asa dipaimbaru do pangirimon dohot
panataan ni angka namarnida namasa i dohot hita tu tingki on. Dang be fokus tu
aek Betesda alai fokus ma tu Hata dohot tindakan Tuhan Jesus na
pamalumhon/memulihkan, na mamburi/mentahirkan dohot na paluahon.
Hamu angka
dongan sahaporseaon!
Sian hatorangan
I adong 3 nanaeng siputihanta laho hangoluhononta:
1.
Molo tongan di tingki marlas ni roha pe hita sahat tu namarpesta bolon, ingkon
do “tangi” hita di halak na hansitan, songon Tuhanta Jesus na manarihon
hinahansit ni namarsahit 38 taon lelengna. Pangurupion marhite pambahenan (
Pat. Mateus 25 : 41-46).
2.
Molo pe ro parsahiton tu hita, ndang sae holan na martangiang sambaing, alai
berusaha merawat jala olo diubati melalui para medis di rumah sakit, (
Tapatudos tu paridian Betesda na dipatorang diturpuk on). Ai torop do na marhamalumon
sian paridian Betesda i, uju ro Surusuruan menggunsang aek i. Lapatanna, nang
diparidian Betesda i, Debata do namangula marhite SurusuruanNa. Nang di Rumah
sakit pe, Debata do namangula marhite angka perangkat rumah sakit.
3. Torop jolma
ditingki sonari ndang tangkas porsea di huaso dohot hagogoon ni Hata ni Debata.
Alai marhite haunduhon, dohot na olo manangihon dohot mangulahon Hata ni
Debata, marhamalumon do na marsahit naung 38 taon leleng na di turpuk on. Ndada
holan malum sian sahit nai, alai lumobi dapotan haluaon ibana
sian Tuhan Jesus. Di na hehe-manghindat lagena-mardalan, disi ma patar haluaon
i, ima silehonlehon/asi ni roha ni Tuhan i. Asa disi ma patar Hata ni Debata na
pahisarhon daging dohot tondi ni namarsahit i.
Tudos songon
panarihonon ni Tuhan Jesus tu namarsahit 38 taon lelengna, laos songon i do
sahat tu sadarion panarihononNa tu halak nahansitan dohot tu halak na loja jala
na sorat ( pat. Mateus 11:28). Antong tadompakhon ma Tuhanta Jesus, hita na
hansitan jala na sorat, ai rade do Tuhanta i mangalehon hasonangan,ai
ditangihon Tuhanta i do soaranta uju ro hita tu Ibana songon goar ni minggu
Exaudi. Tatangihon ma HataNa, taulahon ma huhut Tahangoluhon ma i bahen
hamalumon ni pardangolanta. Tajanghon, tahangoluhon ma HALUAON na pinatupa ni
Tuhanta i. Amen.
Bahan Diskusi :
1.
Molo
ro sidangolon i
tu ngolunta, boi dope tahilala na ditatap jala diboto huhut diantoi Tuhanta i do i saluhutna?
2.
Molo
tahilala dope, songon dia do panghaporseaonta di Huaso dohot hagogoon ni HataNa
i? manang na pittor mandele do hita?
|
5
|
Marende BE. No. 785 : 1 + 3 “ Alo Pangunjunan ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 403 : 1 “Pos
Rohangku Dituhanku”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 428 : 1 --- “ Ho
Na Loja, Ho Na Sorat ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Juwita Nababan, S.Th
Pandita
HKBP Resort Exaudi
Minggu PENTAKOSTA
05 JUNI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 645 : 1 – 2 “Ro
Ma Ho Parasiroha ”
|
|
2
|
Tangiang Pamuhai
|
Votum : A.XIII.A
– D.XI.33
|
|
3
|
Manjaha Turpuk : ROM 8 : 8 – 11
|
|
4
|
Marende BE. No. 106 : 3 + 6 “Ale Tuhan Amanami ”
|
Jamita : Johannes 7 : 37 – 39a
“ MONGOLU DIBAGASAN TONDI NI
DEBATA”
Huria ni Tuhanta! Songon sahalak si ihuthon Kristus
hita, jotjot do hita mandok paboa naung ginohan ni Tondi Parbadia hita, di hata
manang di pambahenan, sai hira naung tagolom sipata rupa ni tondi i di bagasaan
tanganta marhite natarajumi dirinta sumurung sian angka donganta na asing. Laho pamurahon mangantusi turpuk on adong manang
piga sungkunsungkun na naeng sipahusorhusoronta : Ise do Tondi Parbadia di hita
halak naporsea? Nunga taparnampunahoni? Marhuaso do tondi i dingolunta?
Tatangkasi ma marhite hatorangan ni Jamita on. Hatiha Jesus rap dohot angka
siseanNa mamestahon Ari Raya Parlapelapean di Jerusalem Ima sada Pesta na pinarhatopot
ni halak Israel songon patuduhon roha hamauliateon tu Debata naung mangalehon angka
na denggan tu ngolunasida, jala laos disi ma nasida mangido huhut martangiang asa
ro udan dohot aek na mangelehon hangoluan tu nasida. Jala ndang sadia lelengnari
dung i, disi ma di pagogo Jesus soaraNa mandok “Molo adong na mauas tu Ahu ma
Ibana ro” (Joh 7:37) marhite pandohani Jesus pabotohon paboa Ibana do
sasintongna Aek Hangoluan i napasombu uas ni halak na porsea i, holan Ibana do
na boi mangalehon kesegaran, sombu uas, sumuang gogo tu ganup halak na porsea marhite
Tondi Parbadia. Dungi didok muse di Ayat 38 songon na nidok ni surat i “Angka
batang aek namangolu do mabaor sian angka na porsea di Ahu” Pandohan ni
Jesus di son marlapatan, paboa ngolu ni halak na porsea di Jesus ingkon gabe batang
aek na mangolu, silehon aek na mangolu, jala habaoran ni angka pasupasu tu nahumaliangna
di ngolu siapari. Boha do asa boi bolas halak Kristen i mangulahon i? dison di
patorang Jesus ma di Ayat 39a “Alai taringot tu Tondi i do didok hata ondeng,
ima sijaloon ni angka na porsea di
Ibana”
Huria
ni Tuhanta! Jesus mangalehon Tondi Parbadia asa mian di halak na porsea i, ima na
nidokna marhite hata alai taringot tu tondi i didok hata ondeng ima sijaloon ni
angka na porsea di Ibana. Tondi Parbadia napaiashon, Tondi na mangalehon ngolu naimbaru,
Tondi namangalehon hasesaan ni dosa, Tondi na mangurupi, Tondi na pangoluhon tu
ngolu naimbaru. Ai dibagasan Tondi i do hataridaan ni hadirion ni Debata ro tu
ngolunta (Markus 3:22-30) alani di paingot do tu Halak na porsea na so jadi mansoadahon/Menyangkal,
manngaleai, mardosa tu Tondi Parbadia. Ise do Tondi Parbadiai? Tondi i ima Debata
sandiri Johannes 4:24, Tondi Parbadia ima Tondi ni Debata namangapuli dohot mangaramoti
hita na porsea. Boha do hita manandaTondi i? Halak na mananda dohot naung manjangkon
Jesus do boi mananda Tondi i, Jala tu ise do ro Tondi i, ima tu halak namambahen
Jesus mual ni hangoluanna do songgop Tondi i.
Huria ni Tuhanta, Marhite Haroro ni Tondi Parbadia na
naeng si Pestahononta , di hirim ma sian ngolunta, asa mangolu dibagasan lomo ni
roha ni Debata, dao sian hajahaton, Antong tajalo ma Tondi Parbadia i mian dibagasan
rohanta, jala mangolu ma hita dibagasan Tondi ni Debata, Jala tongtong Dirajai Tondi
Parbadia ma ngolunta siganup ari. Alai angka na ni rajaan
ni Tondi Parbadia, i ma na sai tongtong mangolu di bagasan Kristus. Ndang hea sirang
ibana sian Kristus, jala sandok ngoluna nunga dipeakhon dibagasan gomgomanNa.
Pingkiranna ndada pingkiranna sandiri be alai nunga pingkiran ni Kristus.
Hagiotna pe ndada hagiotna sandiri be, alai nunga gabe hagiot ni Kristus. Dibagasan
panogunoguon ni Tondi i, tongtong sai didompakhon ibana ngoluna tu Debata.
Angka pangalaho na songon i ma na sai tongtong patubuhon Parbue ni Tondi i (
Galatia 5 : 22 )“Alai angka on do parbue ni Tondi: Holong dohot las ni roha, dame dohot
lambas ni roha, habasaron, habasaon, haporseaon, halambohon dohot hatomanon”. Tondi
ni Debata ma namarhuaso di ngolunta . AMEN!
Bahan Diskusi
:
1. Songon dia do Parange ni Halak na porsea
na mangolu Dibagasan Tondi ni Debata?
2. Hea do tapanghilalahon namangolu do Tondi
ni Debata dibagasan ngolunta jala taulahon?
3. Taparbuehon do angka Parbue ni Tondi i
dibagasan ngolunta siganup ari?
|
5
|
Marende BE. No. 461 : 1 – 2 “ Songgop Tu Hami ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 462 : 1 + 3 “
Ale Tondi Porbadia”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 831 : 1 --- “ Tung
Jotjot Au ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Budianto Sianturi
Pandita
HKBP Resort Kisaran
Minggu TRINITATIS
12 JUNI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 569 : 1 – 2 “O
Debata Tung Longang Do
|
|
2
|
Tangiang Pamuhai
|
Votum : A.XV.A.1
– D.XII.35
|
|
3
|
Manjaha Turpuk : PSALMEN 8 : 1 – 10
|
|
4
|
Marende BE. No. 575 : 1 “Puji
Ma Debata na Songkal”
|
Jamita : ROM 5 : 1 – 5
“ DEBATA NA SANGAP JALA TIMBUL”
Surat ni Apostel Paulus tu Huria Rom on, hombar tu
hatorangan ni pande bisuk, on ma surat na tinongos tu huria na so tinandana
hian. I do umbahen, ia isi ni surat on ndang apala marpardomuan tu situasi
dohot kondisi na masa di huria i, alai bersifat objektif huhut pataridahon
pangantusionna na bagas taringot tu Kristus. Surat on sandiri digurithon
apostel Paulus di huta Korint (Rom.15:32, na tongon ibana di jabu ni si Gayus
(Rom.16:23), jala na mangurupi ibana mangurithon ima Tertius (Roma 15:25),
sahalak naposona. Molo hatorangan ni Ulaon ni Apostel 20:2-3, dipabotohon do na
tongon mangadopi ancaman pembunuhan
do ibana sian halak Jahudi na gabe manundati sangkap pelayaran marbarita nauli tu Siria gabe mardalan darat ma ibana tu
Philippi (700 Km sian Korintus). Konteks panuratan surat on sandiri ima na
tongon mangadopi penganiayaan do
halak Kristen saluhutna sian kekaisaran Romawi marhite sada aturan: manang ise
na so mardebatahon jala manomba Kesar, didabu hukuman mati. Domu tu na masa i ma ro ma apostel Paulus mangapuli
angka na porsea di Rom asa mamparhatua diri (=memegahkan diri) marningot hasangapon ni Debata na tahirim i
(ay.2).Adong hasurungan ni na niajarhon ni apostel Paulus dibagasan turpuk on
ima na menerjemahkan pangajarion ni
Tuhan Jesus di Mateus 5:10 “Martua ma na pinaburuburu ni halak ala ni
hatigoran, ai di nasida do harajaon banua ginjang i!”.
Ndang na naeng mandok apostel i, molo nunga
marhaporseaon situtu tu Jesus, gabe ndang dais be tu ragam haporsuhon manang penganiayaan, alai laho mameakhon
haporsuhon i do sian sudut pandang hadaulaton ni Debata. Angka haporsuhon na
tongon diadopi angka na porsea di Rom, diarahon i do asa tongtong marlas ni
roha, ai di angka na sisongon i do nampuna Harajaon ni Debata. Ndada holan i,
dihorhon haporsuhon i do habengeton ni roha, jala dihorhon
habengeton ni roha i do hatauon jala
hatauon i do manghorhon panghirimon. Tolu ma nilaina
boi jumpang dingolu ni angka na porsea molo marhaporsuhon: Habengeton ni roha,
Hatauon dohot Panghirimon. Boi do muse tapatudos tu Yakobus 1:2-4 na mandok: “Ale
angka donganku, las ni roha sambing ma rajumi hamu i, anggo madabu hamu tu
bagasan ragam ni pangunjunan. Boto hamu ma: Na mangkorhon habengeton do
pangunjunan na tu haporseaonmuna. Alai ingkon dihorhon habengeton i do ulaon na
sun denggan, asa gabe rimpas hamu, angka na so marlindang, na so marnahurang”.
Panghirimon na songon dia ma na nidokna? Alus na
jumpang hita di ayat 5: “Alai ndang na
murak hita bahenon ni pangkirimon i, ala nunga diusehon tubagasan rohanta holong ni roha ni Debata marhitehite Tondi Parbadia, naung nilehonna i tu
hita.”.
Parjolo: Holong ni
Roha ni Debata
Molo masa haporsuhohon, hasusaan dohot pangaleleion tu
ngolu ni halak na porsea, ndada pataridahon sogo ni roha ni Debata manang
pamalosonNa alai pabotohon na dihaholongi Debata do angka na porsea i marhite
na pagodanggodanghon (mendewasakan)
haporseaon nasida. Huria na parjolo i ma na gabe sitindangi. Marsitutu do
nasida di haporseaon tu Jesus Kristus nang pe ingkon porsuk ngolu nasida.
Digombarhon buku sejarah gereja do na masa tu nasida ima: menjadi santapan bagi singa lapar, dibakar hidup-hidup dan disiram
dengan lilin kemudian dijadikan obor di taman istana Kaisar. Songon i do
muse maradophon angka Bapa gereja
isara niDr.Marthin Luther, sahalak reformator huria na dibagasan haporsuhon
dohot tekanan sian huria na parjolo i ala protest
na dipatupa ibana laho pajongjonghon ngolu ni huria asa hombar tu Hata ni
Debata.
Paduahon: Pangapulion
dibagasan Tondi Porbadia
Asing ni holong dohot PandonganionNa, dilehon Debata
do TondiNa mangalehon hagogoon dohot apulapul, asa tau angka na porsea
mangadopi saluhutragam ni haporsuhon i. Tondi Porbadia i do na manahaphon
haluaon ni na porsea i, mambahen hamubaon ni roha, patiurhon, paimbaruhon
hadirion, manogunogu tu hasintongan, mangajari pasangaphon Debata huhut
paradehon sinjata partondion di na porsea i (Roma 8:14-17; 1Korintus 3:16; Titus
3:5; Ulaon ni Apostel 2). Diajari Tondi i do angka na porsea asa satia
mangihuthon na nidok ni Debata, nang pe sipata parsuruon i parohon mara tu
nasida. Di ulaon Apostel 16:9, dielekelek Tondi i do Paulus asa borhat tu
Makedonia marbarita nauli, hape laos di huta i do apostel i rap dohot donganna
saulaon, Silas, ditangkup jala dihurung. Di mulana, hira na negatif do parsuruon i: burju roha
mangoloi parsuruon, hape gabe porsuk ngolu! Hape sasintongna, marhite na
tarhurung i nasida, laos disi do ibana mambaritahon Barita na uli i tu sijaga
hurungan dohot angka na asing na adong disi. (Ulaon Apostel 16:26-33). Aha do
naeng dohonon disi? Jikalau kita belajar
mengalami dan mengenali kehendak serta pimpinanNya melalui Roh Kudus, kita akan
memahami bahwa pimpinanNya selalu baik bagi kita menurut kehendakNya meskipun
seolah-olah pimpinan Roh Kudus kelihatan negatif.
Antong saonari, aha ma naeng dohonon ni turpuk on tu
hita?
1. Ditogihon Rom 5:1-2 do hita songon angka na
porsea mangantusi, asa unang mangolu dibagasan konsepasi ni roha ni Debata sambing, ingkon udutonta do asi ni roha
i marhite mangulahon parenta dohot lomo ni roha ni Debata di ngolunta.
2. Sian Rom 5:3-4, dipabotohon do, goar Kristen
na adong di hita, ndang jaminan i gabe ndang dais be haporsuhon dohot hasusaan
tu hita alai marhite hasusaan dohot haporsuhon i do ingkon pataridahononta
parbue ni haporseaonta i.
3. Rom 5:5 mangajarhon tu hita, ndang na murak
hita bahenon ni panghirimon i siala ni i manang aha pe na masa dingolunta on,
unang mandao hita sian i.
Bahan diskusi :
1.
Molo masa na porsuk tu
hita ala ni hatigoran/hasintongan, songon dia do hita mangadopisa?
2.
Songon dia muse ma
sikapta tu angka sibahen haporsuhon i?
|
5
|
Marende BE. No. 785:1-2 “Alo Pangunjunan”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 474:1-2 “Ingkon Jesus Do Donganhu”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 731:1 … “Benget Ma Ho” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Anggiat S Simanullang, S.Th
Pandita
HKBP Resort Aek Kanopan
Minggu I DUNG TRINITATIS
19 JUNI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 104 : 1 – 2 “
Bongoti Ma Rohangku”
|
|
2
|
Tangiang Pamuhai
|
Votum : A.XIV.B –
D.XIII.36
|
|
3
|
Manjaha Turpuk : GALATIA 3 : 23
– 29
|
|
4
|
Marende BE. No. 30 : 1 – 2 “ Jesus Lehon Hatorangan ”
|
Jamita : JESAYA 65 : 1 – 9
“ GABE ANGKA ANAK NI
DEBATA MARHITE HAPORSEAON DI JESUS KRISTUS”
Hamu angka dongan sahaporseaon!
Godang do angka na hansit na di taon bangso Israel di
tingki nasida di habuangan Babel. Jala godang do angka perubahan-perubahan na didapothon
nasida di tingki nasida haruar sian habuangan i. Memang di tingki nasida di bagasan
habuangan dope, harap do roha nasida haruar sian habuangan i.Alai ndung sidung nasida
haruar sian habuangan, godang dope angka hamaolon na di adopi bangso i. Angka hamaolon
na ro tu nasida ndang holan sian luar ni bangso i, alai tong do sian nasida sandiri
tarlumobi ma panombaan tu debata sileban. Nunga mansai tangkas dipasahat Debata
angka pangurupionNa tu bangsoNa i marhite haluaon nasida na dipatupa Debata marhite
Raja Koresy (Esr.6:3-5). Alai tong dope adong sian nasida na so mangharinghothon
haluaon na di pasahat Debata i tu nasida, jala adong muse sian nasida na mandao
sian Debata. Mansai hansit do panghilalaan ni Debata mamereng pangalaho ni angka
bangsoNa i, alai umbalga do asi ni roha ni Debata sian rimasNa. Dibagasan turpuk
on dipasahat Debata do angka alusNa taringot tu uhum dohot haluaon tu angka na manjalo
Ibanamarhite haporseaon.
Godang do cara ni Debata patuduhon holong ni RohaNa
tu portibion. Ditingki Debata manompa tano on, disi pe tarida do holong ni roha
ni Debata tu portibion. Apalagi di Zaman sinuaengon, tarlumobi tu hita nanaeng mangalului
angka naringkot dibagasan parngoluontaon, sipata olo do hita tardaging jala ndang
taingot be angka na taulahoni hombar tu lomo ni roha ni Debata manang ndang. Ala
godang angka kesibukantaon laho mangalului angka na ringkot dibagasan
parngoluonta on, olo do hita manghalupahon Debata jala ndang taingotbe ise do namangalehon
angka pasupasu i marhite angka kesibukanta i tu hita,sampe pola sarupa do tabahen
angka ari mulai sian Senin sahat tu Minggu, torus hita karejo jala ndang taingot
manjou Debata jala marsaor rap dohot Debata. Jala ndang tasadari, nunga godang cara
ni Debata paingothon hita asa taingot marsaor rap dohot Ibana. Dijou Debata do hita
asa tabukka roha nang pingkiranta marhite angka na adong di humaliangta. Alai memang
ala umringkotan na di portibion angka kesibukanta i, gabe ndang tapardulihon be
angka singotsingoti, jala gabe hal na biasa doi di hita. Godang angka kesibukani
na boi mambahen hita tarlalap, jala gabe i namambahen hita manutup mata dohot sipareonta
tu Debata, misalna: alani mamuro hita tu haumanta, gabe ndang taingot marminggu
manang marguru hita, padahal ala dipasupasu Debata do hita gabe godang boras nisuansuananta.
Alai gabe i do namambahen hita manghalupahon Ibana; alani panen hita, gabe i muse
na tapangke gabe ndang taingot marsaor rap dohot Debata, padahal ala dipasupasu
Debata hita marhite angka nataula makana boi hita panen. Ala godang ni angka tugas
nasian kantor pe, olo do mambahen hita manghalupahon Debata, jala ari Minggu i pe
ndang tasangahon marminggu, dohot lan na asing.
Hamu angka dongan sahaporseaon!
Dipasahat Debata do angka pasupasuNa tu hita, jala hita
pe angka na porsea tu Debata nunga sepatutna hita mandok mauliate tu Debata. Ndang
na gabe mambahen hita manghalupahon Debata manang manadinghon Debata nang pe satongkin.
Tongtong do diparateatehon Debata angka halak na porsea tu Ibana jala ndang hea
Debata manandinghon halak na porsea tu Ibana. Ala porsea hita tu Debata, ido na
umbahen hita mangulahon angka na dihalomohon ni Debata, jala i do respon ta angka
na porsea tu Debata. Jala ala holong ni roha ni Debata tu hita, ala porsea hita
tu Debata jala mangulahon hata ni Debata dipasahat Debata angka upa ni i. Jala upa
ni halak na porsea, jala na mangulahon hata ni Debata, ima hangoluan na salelengnilelengna.
Jala hangoluan na salelengnilelengna i holan sian Jesus Kristus do tadapoti. Alani
i, ndang adong be dalan na asing tu Debata molo ndang marhite Jesus Kristus. Nang pe parngoluontaon
dibagasan hatarpuruhon, marhuaso do Debata laho paulihon i gabe lam tu dengganna
parngoluonta sian na parjolo i. Marhuaso do Debata marhite angka pasupasuNa i, na
naeng dipasahat tu hita marhite angka na taulahon siganup ari. Ala holong ni roha
ni Debata tu angka naposoNa, i do naumbahen di pasahat Debata angka uhumani molo
manimbil hita sian na dihalomohonNa i. Songon sahalak natuatua na mangajari angka
ianakonna, molo ianakonna mangulahon angka hasalaan, dipasingot natuatuana i do
ianakonna i asa unang be diulahon angka hasalaan asa lam tu dengganna parngoluonna. Suang songo ni Debata, nang pe sipata
ingkon hona uhum hita alani pambahenanta nahurangi, alai ingkon boi do hita jala
ingkon sanggup do hita mamereng i sian kaca mata ni haporseaonta tu Debata. Mandok
mauliate dope hita tu Debata molo olo dope Debata pasingothon hita jala ndang
hea Debata bosan pasingothon hita molo nunga sala hita marhite angka na adong di
humaliangta. Alana Debata natasomba i, ima Debata na parasiroha jala umbalga do
asinirohaNa sian angka rimasNa. Boi do itabereng marhite anakNa Tuhan Jesus Kristus,
na dilehonNa tu hita, tanda holongNa do i. Jala marhite haporseaonta tu AnakNa
i, gabe dohot hita targoar anak ni Debata. Amen!
Bahan Diskusi :
1.Nunga be taantusi dohot tahaporseai naung sesa do
santa alani AnakNa i, Tuhan Jesus Kristus, Tuhanta i. Nunga songon dia panghilalaanta
dung disesa dosanta?
2.Dung i aha do na gabe prioritasta muse sian hasesesa
ni dosa naung ta jalo i?
|
5
|
Marende BE. No. 724 : 4 “ Tuhan Baen Ma Ngolungkon ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 648 : 2 “
Sangap Di Debata Ama ”
|
|
8
|
Tangiang Sian Anggota
Keluarga
|
Tangiang Sian Na
Manjabui
|
|
9
|
Marende BE. No. 195 : 1 --- “ Holong
Do Roha ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Jernita Siregar, S.Th
Pandita
HKBP Tanah Datar Resort Labuhan Ruku
Minggu II DUNG TRINITATIS
26 JUNI 2022
|
No
|
Partangiangan Keluarga
|
Partangiangan Sektor / Wijk /
Lunggu
|
|
1
|
Marende BE. No. 715 : 1 – 2 “ Balga Do HolongMi”
|
|
2
|
Tangiang Pamuhai
|
Votum : A.XV.A.6
– D.XIII.37
|
|
3
|
Manjaha Turpuk : RUT 1 : 7 –
17
|
|
4
|
Marende BE. No. 697 : 1 – 2 “ Molo Ho Do Huihuthon”
|
Jamita : LUKAS 9 : 51 – 62
“ SATIA MANGIHUTHON DEBATA”
Hamu angka dongan
sahaporseaon!
Joujou
ni Jesus ndada holan tu angka parhalado na martohonan (tahbisan) alai tu sude
jolma na manghatindanghon Ibana Sipalua. Ndang adong parasingan ni sude jolma
di ulaon laho mamaritahon harajaon ni Debata. Sada sian ulaon marbarita nauli
ima : maniru pambahenan ni Tuhan Jesus. Nang so dijanghon Ibana di huta Samaria
alai ndang gabe laos dihalomohon Ibana hamamago ni hutai, gariada dipinsang
Ibana angka siseanNa si Jakobus dohot si Johannes na manghalomohon hamamago ni
huta Samaria i. Nang pe asing haporseaon ni halak Samaria alai hot do
dihaholongi Tuhan Jesus huta i dohot pangisina. Boha ia hita angka dongan?
Dipasintong Tuhan Jesus do haroroNa tu angka siseanNa i asa tung tangkas diboto
jala ditanda nasida Jesus, ima : Ai laho
paluahon, ndada mangagohon tondi ni jolma Anak ni Jolmai, umbahen na ro. Marudut
do muse panghataion ni Tuhan Jesus dohot angka siseanNa. Laos dison idaonta ma
kriteria ni sisean na satia mangihuthon Debata dibagasan goar ni Tuhan Jesus.
Hamu angka dongan
sahaporseaon!
Mangihuthon
Debata, Tuhan Jesus dohot mamaritahon harajaon ni Debata boi do dos alai boi do
nang marasing sian partingkian ni Jesus dohot partingkian sinuaeng on.
Hadosanna ima ingkon dibagasan parsitutuon hita mamaritahonsa. Parasinganna ima
tantangan na taadopi dohot na niadopan ni angka sisean na parjolo tontu
marasing situtu ma. Tontu godang do na mangambati hita laho pahibul roha laho
mangihuthon Jesus. Boi do ro sian duru ni hadirionta laos boi do ro sian
dirinta sandiri. Jala jumpangta do i dibagasan turpuk on. Godang do i na so
mura lupahononta, tadinghononta dohot soadahononta dibagasan ngolunta. Alai na
boi dohonon ima : on ma kosekwensi ni haporseaon maradophon Tuhan Jesus
Kristus. Imanmu lebih berharga dibandingkan dengan apapun yang ada di dunia
ini. Ndang na mandok ingkon soadahononta na adong di tonga ni portibion, alai
unang gabe na adong di portibion manaiti manang mangihoti roham gabe so
diulahon lomo ni roha ni Tuhan Debata marhite Tuhan Jesus Kristus. Parsitutuon
mangihuthon Jesus, hibul ni roha, unang be tarihot holan tu naringkot di ngolu
parsatongkinan. Hatuaon nasingkop ima molo rap dohot Tuhan i nuaeng nang sogot
pe. Ndang singkop dope hatuaonmu molo sai na diportibion dope manggohi roham.
Hamu angka dongan
sahaporseaon!
Tatanda
ma angka dia dope na jotjot mangambati hita marparsaoran dohot Tuhan i, boi do
i Keluargatta, Ulaonta, artatta manang sinamotta, hasonangan ni ngolu,
paradatonta na sipata tumimbo tabahen sian haporseaonta, nang ruhutruhut ni
hajolmaonpe. Alani dipaingot ma hita marhite topik ni turpuk on : Satia
mangihuthon Debata; sapala naung maridi ingkon matonu, sapala naung tajalo
Tuhani marhite Pandidion Nabadia ingkon do salelengna ingkon gomos tioponta
haporseaonta maradophon Tuhan Debata. Tontu lam borat do angka tantangan
siadopanta laho mamparthanton haporseaonta on alai taingot ma : na mardalan do
hita nuaeng dohot Tuhan i mangadopi ragam ni angka na masa di bagasan ngolunta.
Pos rohanta satia do Tuhan Debata mangaramoti hita, margogoihon hita,
mamasumasu hita; alani hita pe ingkon satia do mangahaposi Ibana salelelng hita
mangolu. Satia dihaporseaonta, satia manghangoluhon haporseaonta, satia
mamparbuehon Parbue na denggan di portibion, sadanai Setia Sampai Akhir, unang
holan dibagasan partangiangan on mandok satia. Amen
Bahan Diskusi
1. Aha do
laba ni hasatiaon maradophon Tuhan Debata Jahowa?
2. Dinamangadopi
saluhut angka na masa di tonga ni portibion, na sipata na mampanghorhon tu
haporseaonta, ise do na tau mandongani hita? Tapanghilalahon do pe i dibagasan ngolunta?
|
5
|
Marende BE. No. 698 : 1 “ Sai
Ihuthononhu Jesus ”
|
|
6
|
Tangiang Sian
Natoras
|
Tangiang Sian
Ruas Na Ro
|
|
7
|
Marende BE. No. 202 : 1 – 2 “Huhaholongi
Ho Gogongku ”
|
|
8
|
Tangiang Sian
Anggota Keluarga
|
Tangiang Sian Na
Manjabui
|
|
9
|
Marende BE. No. 149 : 1 --- “
Ho Tongtong Ihuthononhu ” (P.Pelean)
|
|
10
|
Panutup
Tangiang Ale Amanami
Amen (3x) HKBP
|
Panutup
Tangiang Pelean – Tangiang Ale
Amanami
Pasupasu – Amen (3x) HKBP
|
|
|
|
|
Panurat
: Pdt. Tulus H.P. Sianturi, S.Th
Pandita
HKBP Resort Sukarame
PRAESES HKBP DISTRIK XIII ASAHAN LABUHAN BATU
Pdt Winner Sitorus M.Min
Kabid Marturia HKBP Distrik XIII ASAHAN LABUHAN BATU
Pdt Tulus H Sianturi STh
