TERTIB ACARA
PAMASUMASUON
GUNAWAN SYAHPUTRA SINAGA, SE
Dengan
KRISTINA br NAINGGOLAN, S.Farm.Apt
di Gereja HKBP Sudirman Medan
Jl. Jenderal Sudirman No. 17A
Rabu, 24 September 2014
Pukul 10.00 WIB
“Tetapi aku dan seisi rumahku,
kami akan beribadah kepada Tuhan“
(Josua 24”:15b)
TERTIB ACARA PAMASUMASUON
GUNAWAN SYAHPUTRA
SINAGA, SE & KRISTINA BR NAINGGOLAN S. Farm.Apt
DI HKBP Jln Jend
Sudirman No 17 A Medan
Rabu 24 September 2014
Prosesi : Pengantin dan orang tua/keluarga
memasuki Gereja (iringan musik)
Pendeta
berdiri di Altar untuk menyambut pengantin memasuki Gereja.
A. KEBAKTIAN
01. Marende No. 581 : 1-2 “Sangap di Jahowa”
Sangap di Jahowa na sun timbul i, balga ni holongNa ndang tarasam i
Dilehon Anak-Na na sasadai, manobus hita
jolma pardosa i
Reff : Puji
ma Debata ale manisia, las roham,
las roham somba ma Debata
dapothon Jahowa na sun timbul
i,
marhite Anak-Na Tuhan Jesus i…
(Ayat
2 : Ruas dohot penganten jongjong)
Tung
so hasuhatan do basa na i, marhite AnakNa nilehonnai
Mudarna durus do di hau silang i, rara pe
dosanta ias dibaen i..
Reff : Puji
ma Debata ale manisia, las roham,
las roham somba ma Debata
dapothon Jahowa na sun timbul
i,
marhite Anak-Na Tuhan Jesus i…
02. Votum : P
= Pandita H = Huria
P : Marhite hite Goar ni
Debata Ama, dohot Goar ni Anak-Na Tuhan Jesus Kristus dohot Goar ni Tondi
Parbadia, na manompa langit dohot tano on,
H : Amen.
P : Boto hamu ma on : Jahowa
do Debata; Ibana jumadihon hita, jala Ibana nampuna hita, bahen bangsona dohot
birubiru pinarmahanNa.
H : (Mangendehon No. 581 Holan Reff)
Reff: Puji
ma Debata ale manisia, las roham,
las roham somba
ma Debata
dapothon
Jahowa na sun timbul i,
marhite
Anak-Na Tuhan Jesus i…
P : Bongoti hamu ma angka
bahalna marhitehite hamauliateon, angka alamanna marhite Anak-Na Tuhan Jesus i.
H : (Mangendehon No. 581 Holan Reff)
Reff: Puji
ma Debata ale manisia, las roham,
las roham somba
ma Debata
dapothon
Jahowa na sun timbul i,
marhite
Anak-Na Tuhan Jesus i…
P : Martangiang ma hita : Ale
Tuhan Debata Amanami na di banua ginjang! Ho do na mangaturhon
pardongansaripeon i, diida Ho do dongannami on na marsangkap naeng marbagas,
jala na ro do nasida mangido pasupasuM sai tatap ma nasida di bagasan asi ni
rohaM, pasupasu jala ramoti ma ansida marhitehite panghahalongiM rajai ma
nasida marhitehite Tondi Porbadia, asa mamungka jala marujung di bagasan dame
pardongansaripeonnasida i. Tangihon ma tangiangnami on ala ni asi dohot holong
ni rohaM.
H : Amen. (Hundul)
03. Jamita :
04. Koor : Koor
Keluarga Sibuea/ HKBP Anugerah
05. Marende No. 159:1-2 “Martua Dongan Angka Na”
Martua
dongan angka na sabagas, Namardonganhon Tuhan Jesus i,
Namangoloi
Ibana mansai ringgas, na so marholang tangiangna i
Tongtong
holong rohaNa di ibana, manungkun lomo ni rohaNa i
Huhut
tongtong marguru tu hataNa dibaen sandok pangalahonai …
Martua
baoa dohot inaina, sisadaroha mida Jesus i
Na
rap marholong roha di Tuhanna, marsaulihon hatuaon i
Na
sahat sian asi ni rohaNa tu halak na porsea sasude
Ido
dibaen nasida haposanna manang beha parsorionna pe.
06. Sipaingot Pardongan Saripeon :
P : Hamu
ale angka na pinarhamaol ni Debata, ditahi rohamuna do nueang naeng marbagas,
alai ndang tama halak Kristen marbagas songon halak sipelebegu. Antong tangihon
hamu ma jolo hata ni Debata taringot tu pardongansaripeon ni halak Krsiten.
Dung ditompa Debata jolma i, didok Ibana ma : Ndang denggan sasada baoai
punjung, hubahen ma di ibana sada boruboru di ibana bahen angkupna.
H : Ndang
mardiaimbar disi Jahudi manang Gorik, hatoban manang anak mata, baoa manang
parompuan, ai sada do hamu saluhutna di bagasan Jesus Kristus.
P : Angkup
ni i didok Tuhan Jesus: “Ganup na paulakhon naniolina, ia so ala ni na
marmainan, na palangkuphonsa do, pangalapangkup do nang mambuat na sirang i!
Antong na pinadomu ni Debata ndang jadi sirangon ni jolma”. Songonon do didok
Debata tu baoa i “Hamu angka baoa, haholongi hamu ma pardihutamuna be songon
Kristus manghaholongi huria i jala na mangelehon dirina humpohopsa. Unang muruk
hamu dompak nasida, ingkon marroha hamu mandonganni nasida, sangap bahen hamu
nasida, songon dongan panean di hangoluan na so ra suda”.
H : Jala
parangehon hamu ma haholongon i songon Kristus i, na manghaholongi hamu jala
dilehon do diriNa humongkop hita, gabe silua jala pelean bahen uap na hushus tu
Debata.
P : Dungi
songonon do didok hata ni Debata tu angka boruboru : Dioloi angka parompuan ma
baoana be, songon pangoloina di Tuhan i! Ai baoa i do ulu ni pardihutana,
songon Kristus ulu ni Huria i. Ingkon bontor, porman toman mardongan halambohon
dohot hamenahon ni tondi parange ni boruboru i. Ima na arga dijolo ni Debata
dohot di jolo ni jolma.
H : Songon
naposo ni Kristus ma ulahon hamu hata ni Debata, sian nasa rohamuna. Sian
burjumna ma hamu mangoloi: Songon di Tuhan i, unang di jolma i.
P : Antong
songon angka na marparangehon hata ni Debata ma hamu! Sumolukhon
parasinirohaon, dohot habasaron dohot haserepon ni roha ma hamu.
H : (Mangendehon
Ende No. 811: 3 “Di au Ma Ho Tuhan”
Di
au ma Ho Tuhan di ariaringki,
baen
ma au nampunam, pinasupasuMi
Reff
: Di sude partingkian, di sude inganan
di
au ma Ho o Tuhan asi roham…
P : Masipauneunean
ma hamu dohot masiasian! Saluhut riting ni roha, muruk rimas, panonggahion,
dohot panginsahion dao ma i sian hamu. Alai diginjang ni saluhutna i,
masihaholongan ma hamu, ai ido rahutrahut ni na sun denggan. Dungi dame na sian
Debata, ima mangarajai rohamuna. Jala saluhut na binahenmuna marhitehite hata,
manang pambahenan, tongtong ma i marhitehite Goar ni Tuhan Jesus, asa Ibana
mangarajai rohamuna dohot ulaonmuna.
H : (Mangendehon
Ende No. 811: 3 “Di au Ma Ho Tuhan”
Di
au ma Ho Tuhan di ariaringki,
baen
ma au nampunam, pinasupasuMi
Reff
: Di sude partingkian, di sude inganan
di
au ma Ho o Tuhan asi roham…
P : Antong
nunga dibege hamu hata ni Debata taringot tu ruhut pardongansaripeon i. Na
manungkun ma ahu nuaeng jumolo di ho ale pangoli Gunawan Syahputra Sinaga olo do ho manghajongjongkon di jolo ni Debata, na umboto saluhut dohot dijolo ni angka
dongan na pungu dison, na dipangido roham do si Kristina Br Nainggolan on,
na niriritmon gabe donganmu saripe? Olo do ho manghaholongi ibana sian nasa
roham dohot mangulahon sian nasa gogom, huhut marparangehon parange na badia
rap dohot ibana? Na olo do ho manganju dihagaleonna, tung sura hamurang
parangena, jala na so tupa paulahonmu manang tadingkonmuna ibana paima disirang
hamatean hamu sogot? Molo naung sada roham mangoloi saluhutna i, dok ma alusmu!
Pangoli : Na
olo do ahu, sai dipargogoi Debata ma ahu patupahon saluhutnai.
P : Na
manungkun ma ahu dohot di ho ale Kristina
Br Nainggolan niririt ni si Gunawan
Syahputra Sinaga on bahen donganna saripe. Na olo do ho
manghajongjongkon di jolo ni Debata, na
umboto saluhut dohot dijolo ni angka donga na pungu dison, na dipangido roham
do si Gunawan Syahputra Sinagaon
gabe sinondukmu? Olo do ho manghaholongi ibana sian nasa roham dohot
marpangalaho nature marodophon ibana, dohot marparangehon parange na badia,
paboa halak Kristen ho; jala na so tupa mahilolong homanang tadingkononmuna
ibana, paima disirang hamatean hamu sogot? Molo naung sada roham mangoloi
saluhutna i, dok ma alusmu!
Oroan : Na
olo do ahu, sai dipargogoi Debata ma ahu patupahon saluhutnai.
(Over
ring/Tukar Cincin )
P : Pasahat
pasu-pasu…
07. Koor : P Ina HKBP Wahidin Baru + Koor Kel
Sinaga
08. Koor : Ina Naomi HKBP Wahidin Baru
09. Marende No. 720:1-3 “Naeng Marsinondang Ngolungku” ( P.Pelean)
Naeng
marsinondang ngolungku diigil Jesus i,
manang
didia pe ahu tongtong huingot i..
Reff: Tiur marsinondang, ido niigil ni Jesus
Tongtong marsinondang panondang do au
tutu…
Tuhan
urupi ma ahu, sai jaga rohangki,
Asa
marsinondang ahu, Ho naeng tiruonki
Reff: Tiur marsinondang, ido niigil ni Jesus
Tongtong marsinondang panondang do au
tutu…
(Organ /Musik)
Naeng
oloanku Tuhanku, saleleng ngolungki,
Sogot
di surgo endengku pasangap Tuhan i..
Reff: Tiur marsinondang, ido niigil ni Jesus
Tongtong marsinondang panondang do au
tutu…
10. Tangiang Pelean , Ale Amanami, Pasupasu
B. FOTO & HATA HUHUASI
Foto penganten dohot Pandita
Hata Huhuasi sian Hasuhuton Paranak
Hata Huhuasi sian Hasuhuton Parboru
Manjalang penganten / Marende (Mamereng Tu Tingki)
NB : Acara Adat di : Wisma
Taman Sari , Jln Kapten Muslim No
94 Medan
Selamat Berbahagia
Tuhan Yesus Memberkati!!!
Tidak ada komentar:
Posting Komentar