EVANGELIUM MINGU IV DUNG TRINITATIS 28 Juni 2026 , HOLONG MAMBOAN LAS NI ROHA DOHOT APULAPUL (FILEMON 1: 4-7)

 

SERMON PARHALADO HKBP RESORT AGAPE PANGKALAN KERINCI

EVANGELIUM MINGU IV DUNG TRINITATIS

28 Juni 2026

                                        HOLONG MAMBOAN LAS NI ROHA DOHOT APULAPUL

(FILEMON 1: 4-7)

1.      PATUJOLO

Turpuk jamita on digoari ma surat ni Paulus na ditujuhon tu si Pilemon, sahalak na sangap jala na mora huhut parroha huria (didok parroha huria ala haburjuonna mangungkap bagasna gabe inganan parpunguan ni na porsea hatiha i (Pil.1:2)) na maringanan ni huta Kolose. Songon sahalak namora ibana tontu adong do naposona/pangurupina. Secara khusus di surat Pilemon on digoari ma sada naposona i na margoar Onesimus. Mangihuthon aturan ni bangso Rom hatiha i, molo adong sahalak tuan na marnampunahon pangurupi, tuan i do nampuna ibana sepenuhna saleleng ngoluna, molo pe boi ibana malua ala adong ma na manobus ibana sian tuanna i. Jala molo adong kesalahan ni naposona i marhak do tuan i sandiri na manguhum ibana.

Ima nuaeng na masa tu si Onesimus, suraon na adong ma na sala na binahen ni si Onesimus maradophon si Pilemon umbahen na gabe mijur (jaha: melarikan diri) ibana sian jolo ni si Pilemon pola sahat na pajumpang ibana dohot Paulus na tongon di hurungan. Di kondisi na songoni ma ro surat ni apostel Paulus laho manubut roha ni si Pilemon asa unang dipatupa ibana nian uhum tu si Onesimus nang pe hakna  i hombar tu aturan manang uhum na berlaku hatiha i, alai baliksa dipangido roha ni Paulus naengma nian dijangkon si Pilemon si Onesimus mulak tu bagasna di bagasan roha na dame songon dongan sahaporseaon (Pat. Gal. 3:26-28).

2.      HATORANGAN

Dung dipatorang di ayat 1-3 paboa na Apostel Paulus sandiri do na manurat surat i jala di tujuhon tu si Pilemon manigor udut do dipaandar Paulus las ni rohana maradophon si Pilemon di ayat 4. Hataridaan ni las ni roha i tangkas didok paboa na sai tongtong do ditangiangkon Paulus si Pilemon alani haburjuonna naung pola tarbarita i. Sian isi ni tangiang ni Paulus i dapot hita ma 2 hal haburjuonna  manang  karakter na berkualitas songon sahalak na porsea si Pilemon ima: (1) holong ni roha tu angka dongan, (2) haporseaon tu Tuhan Jesus Kristus (ayt.5). Tung marlas ni roha situtu do apostel Paulus taringot tu haporseaon nang holong ni roha ni si Pilemon i, pola do dipaandar i muse di ayat 7.

Marhite na dipasunggulhon Paulus tu si Pilemon di bagasan turpuk on taringot tu holong ni roha naung pinatupa ni Pilemon na saleleng on maradophon angka na badia dohot taringot tu haporseaonna tu Tuhan Jesus, asa dipangido roha ni Paulus laos holong na songoni ma nang na laho patupaon ni Pilemon maradophon si Onesimus borhat sian haporseaon tu Tuhan Jesus. Laho lam mangondolhonsa, di ayat 6 dipangke Paulus do hata “Hasaoron/persekutuan/Koinonia” laho lam pasunggulhon roha ni Pilemon asa lam singkop manang rimpas haporseaonna di Kristus songoni nang holong ni rohana dompak angka na porsea i.

3.      PANIMPULI & REFLEKSI

1.      Tongon di minggu-minggu Trinitatis ma nuaeng hita, na manogihon hita mangarataratai taringot tu hadirion ni Debata Sitolusada i.  Disosohon ma tu hita nuaeng asa lam tangkas panandaionta taringot tu Debata panompa:  di bagasan konsep panompaon ni jolma i, dos do saluhut jolma i ditompa Debata tumiru rupaNa. Jala di adopan ni Debata, ndang adong disi marimbar baoa dohot boruboru, dakdanak nang na matua, tuan manang hamba (martabat yang sama). Songoni do nang di bagasan panobusion ni Tuhan Jesus, dos do saluhut jolma i na hinophop ni Tuhan Jesus alani dosa i gabe targoar rap angka na pinalua ni Debata jala panean di harajaon ni Debata. Jala Tondi Parbadia i pe mangula so pola marnida perbedaan baoa, boruboru, tuan manang hamba.  Asa marojahan sian i ma nian hita laho bersikap maradohon angka dongan jolma songon hataridaan ni haporseaonta tu Debata Sitolu Sada i. (Pat. Konfessi HKBP bindu 3 taringot tu “Manisia”). Marhite panandaon na songoni dompak Debata gabe jumpang ma na pinangido ni topik Minggu i kehadiran na “mamboan holong na manghorhon las ni roha dohot apulapul”.   Secara praktekna tangkas ma taida di bagasan pangidoan ni Paulus tu si Pilemon asa jumpang perobahan hubungan antara Pilemon “tuan” dohot Onesimus “naposona” i gabe dongan rap panean di harajaon ni Debata. Transformasi sikap on pe gabe tiruan ma on di hita asa di tonga ni parsaoran ni angka na porsea unang ma jumpang angka sikap na membedabedakan kelas manang kedudukan, alai muba ma gabe parsaoran na solhot nirahut ni holong ai rap na tinobus jala na hinongkop ni Tuhan Jesus Kristus do hita luhutna.

2.      Sian turpuk on boi do gabe sada perenungan di hita, ise do hita ditanda halak?. Boha do barita taringot tu hita di tonga ni parsaoranta tarlumobi di tonga ni huria ?. Jala boha do respon ni dongan maradophon hita uju dibege barita taringot tu hita?. Jumpang do ngolunta songon na masa tu si Pilemon on na pola mambahen marolopolop angka na porsea di luat Kolose suang songoni apostel Paulus na tongon di bagasan hurungan alani barita taringot tu haporseaon dohot holong ni rohana?. Manang molo tapangke istilah “Viral” saonari, apakah kita viral oleh karena hal yang baik dan membangun?.

3.      Kebaikan Pilemon di luar penjara memeberikan kekuatan dan sukacita bagi Paulus di dalam penjara bahkan mendorong Paulus mengucap syukur. Inilah kasih yang memberikan sukacita dan penghiburan sebagaimana juga dikatakan dalam topik minggu. Tanpa disadari dan tanpa di sengaja kebaikan Pilemon kepada jemaat di Kolose boleh menjadi sukacita dan alasan Paulus bersyukur. Di ngolunta on pe na boi masa do angka na songoni, na so panagamanta, holong na tabahen tu sasahalak boi manginona na gabe apulapul tu halak na asing huhut mangonjar laho mamuji Debata.

Tindakan Paulus yang mengirim suratnya kepada Pilemon juga menunjukkan bagaimana kasih yang indah itu tampak dalam tindakan. Ai molo mamingkirhon kondisi ni Paulus hatiha i na di bagasan penjara, nda tagonan do ibana mamingkiri parungkilonna sandiri na tarhurung i daripada mamingkiri parungkilon ni si Onesimus?. Apalagi so manang na jolma na hebat si Onesimus, holan sahalak pangurupi do ibana. Alai sian pangalaho na pinatupa ni Paulus di turpuk on dapot hita ma parsiajaran na arga, ia holong i ndang boi dihurung keadaan manang kondisi (Kasih itu bisa menembus dinding kurungan penjara dengan segala kenyataan pahit di dalamnya). Holong ni Paulus na songoni ma nang na mambahen Onesimus gabe marlas ni roha jala tarapul. 

                                                                                                                                                               Pdt. Titus Gultom. S.Th