Di sada luat adongma dua halak baoa namaraleale, goarna si
Tulus dohot si Raja. Si Tulus tammat do sian Sikkolan jala gabe pangajari do
ibana, tulus do sintasintana hombar tu goarnai, alai anggo si Raja intap ni
kalas 2 do dang tammat singkolana, ai
holan na mallubu do ulaonna, gabe di goarima ibana Raja ni pallubu. Dung
mangoli nasida na dua , adong ma angka ianakkonna, ia goar ni anak ni si tulusi
si Benget ( Nama samaran ) anakhon ni si Raja( Tong nama samaran) margoar si Burju( Onpe nama samara do tong ).
Disada tingki mangajari ma si Tulus di sada Sikkola ( Mangajari Matematika do ibana ) diajari ibana ma angka
muridnai maretong, laos disi do marsingkola anak ni alealena si Raja ondeng .
Denggan do diajari angka murid muridnai
siganup ari, jala di ujungni pangajarionnai ( Les terkahir ) di bahen si Tulusma tugas ni angka murid-muridnai,jala
didok dikarejoi ma di jabu, sogot di papugu ( di kumpul ) ia tugas na nidoknai
on ma :
1.
¼
+ ¼ = ………….?
2.
½
+ ½ = ………….?
Dungi manghuling ma lonceng mulak be ma nasida , mulak ma
nang siburju tu bagasan mardongan las ni roha, ai didok rohana ajaran ni
bapakna do ibana mangkarejohon PR i . Dung borngin sai di paima si burju do
haroroni bapakna dijabu, alai dang marnamulak sian lapo sahat tu tonga borngin,
dungi laos tarpodom ma ibana. Hirahira pukkul 12 bornginna, mulak ma bapana si
Raja alai nga mabuk ( tenggen) ala holan namabuk ulaon ni bapak naon laos di
goari do ibana si RANTENG ( Si Raja na Tenggen ). Dituktuki ma jabuon mallapak
lapak asa dibungka omakna ujungna tarsunggul ma si burju sian podomanna, laos
di boan ma tugas PR nai tu jolo ni bapakna na tongon jongjong dope di jolo ni
pintui.
“Bapa, adong tugas hu di lehon pangajari matematika tu hami”
ninna si burju” Ahai ? ninna bapaknai “matemahita do nimmu? ho ma mate , ba
mate nimmu tu au songoni togos au, ninna huhut songgak songgak, daong bapa parsiajaran
matimatika do , dang mate mahita au pe
so na olo dope mate, pelajaran berhitung ninna si burju. Oh ido aha haroa
tugasmi dia tuson entengmai , dang dibotoho bapa na malo??? Olo bapa ninna si
Burju huhut dilehon bukunai, dijaha bapaknai ma ¼ + ¼ , =……..? alai sai
marpingkiri ma bapanai sadia do nuaengon tutu ate, ( huingot na jolo adong do
parsiajaran nami songonon seperent goarna ninna rohana dibagasan). Burju ro jo
ho tuson ninna ibana laos so dibotoho nanggo apala ¼ + ¼ ? daong bapa alani
ajari bapak ma au nina , sai marpingkir do bapaknai dungi didokma ¼ + ¼ = Sabotol
nametmet/namenek ( huhut marsoarana gogo mandok otonion dok apalai las so
diboto ). Mansai las antong rohani si burju, urju rohana songon rohanai di
surathon ibana ma di bukunai ¼ + ¼ = Sabotol nametmet . Dia adong dope muse
tugas mu na asing ninna tu si Burju anaknai, adong dope bapa nina , ½ + ½ =…….? Sadia do bapa? Pintor dialusi bapaknai
do 1/2 +1/2 = Sabool na balga ( Huhut mutauta, haroa nga mangonai tuaki ). Alai
las do rohani si burju ala nga sae tugasnai huhut disurathon ibana ½+ ½ = Sabotol nabalga, dungi laho ma ibana tu
podomanna.
Sogot manogotnai hehema si burju laho tu parsingkolaanna, las
rohana . Dung manghuling lonceng, masuk ma Guruna tu Kalas, didokma sebelum
kita memulai pelajaran mari Tugas tugasnya di kumpul ke depan. Sude do angka
murid murid nai mangharejohon PR nai. Dipareso ma tugas ni sibenget denggan do
alusna ½ + ½ = 1, ¼ + ¼ = ½ , dungi dipareso ma tugasni si burju ¼ + ¼ =
Sabotol na metmet, ½ + ½ = Sabotol nabalga, songon na hohom do Guru Tulusi I huhut
mekkel suping mamereng alusni si Burjui, (bah nga maup timba ninna rohana , na
dietong alealekku si Rajai do haroa na minum tuak on manang kamput, huhut sai
geleng geleng kepala ibana) hudophon rohakku ninna ibana sip di rohana “sathesen”:
sisada panghilalan hami bah ninna (
haroa rap parminum do nasida ) ujungna di baen do punten ni siburjui (gambar ni
tolor nabagulanan 0 ), sai sukkun-sukkun do si burju di rohana boasa gabe
gombar ni tolor nabalga puntekhu , hape bapakku do mangajari au ninna rohana,
huhut ma ro iluna, sai ima dipaingot ingot ½ + ½ = Sabotol nabalga, ¼ + ¼ = Sabotolna metmet. Ba nga sala ate,
salpang : sala pangajarion. Dung sahat
si burju di jabu pintor didapothon ma bapaknai Bapa, ai sala do nanidok mi
didok ho ½ + ½ = Sabotol na balga, ¼ + ¼ + 1 Botol nametmet, alai punteon Nol
do au nei ninna huhut gogo soarana, lai dang olo talu bapak na si rajai,
baliksa didok guru mi do na oto , dang au ninna huhut di dalani tu lapo muse,
tanpa merasa bersalah , dungi dibereng omak ni si burjui ma bukunai , Gelkep :
geleng geleng kepala do inantai ia so
diboto nian didok dang diboto, so salai, alai tahe dang olo talu sai dipartahanton do nabinotona nang pe
sala , ninna inantai huhut ma di apuli anakna si Burjui . Di hita angka dongan namanjaha olo do tutu sai jotjot hita angka horong ama lalap di parlalapan, lalap di lapo tuak
mambahas angka naso sibahason, politik ,
ekonomi sude do tabotoi ( lumobima angka hita ama ) suda tingki, hepeng, sipata
las so diantureshon ba angka ianakkhon, hira
hita ma naumbotosa saluhut angka politik hape ianakkonta dang taajaribe, sai
dietong holan tanggung jawab ni ina do mangajari ianakhonna, hape sasintongna
tanggung jawab ni natoras ( lumobi ama do mangajari ianakkhon di tonga ni bagas . Sai
unang ma masa angka nasongoni ate he…tu ahu do parjolo hataon atengani
“ Hamu angka ama “ unang gintali hamu angka anakhonmuna, pagodangodang
hamu ma nasida dibagasan ajar na sian Tuhan i” Efesus 6: 4 ( Dienet sian
kumpulan Barita mardongan poda : James Jhon Pakpahan, Digurithon Ulang :
Budianto Sianturi
Tidak ada komentar:
Posting Komentar