Jamita Epistel tu Minggu XI DUNG TRINITATIS 27 Agustus 2017 Mateus 16:13-20

Haporseaon na lam Tang Jala magodang

Turpuk: Mateus 16:13-20

1. Adong Pandohan di Hata Indonesia, Kenal maka sayang, tak kenal maka tak sayang, ringkot do adong panandaon na mansai tangkas asa lam tu dengganna angka parsaoran. Dibona ni Turpuk on Tangkas do disungkun Jesus  angka Siseanna, boha Panandaon nasida di Ibana marhite Pandohan “Ise do anak ni jolmai didok halak?” Marragam do alus nasida, adong na mandok si Johannes pandidi, Elia dohot Jeremia manang sahalak sian panurirangi, Dipatangkas Jesus do muse sungkunsungkuni tu Siseani “Ia hamu ise do Ahu didok hamu”? Tangkas ma Alus ni Si Petrus mandok” Kristus ( Mesias).  Na pinarbagabaga do Ho, Anak ni Debata namangolu. Panandaon dohot panindangion na mansai tangkas sian si Petrus. Mananda Jesus dang sae holan di hata, alai naeng ma tangkas marhite haporseaon dohot pambahenan na lam tang jala magodang , ima nanaeng patorangon ni Turpuk on

2.  Adong do tanaman hias di goari “Bonsai” I ma sada suansuanan na diloas mangolu alai ndang diloas mangodang, marpengpeng do ibana torus. Ra boi do i gombaran ni haporseaon na marpengpeng. Tubu di hakristenaon mangolu di hakristenon alai haporseaonna songon bonsai ndang olo magodang. Hakristenon na songon on hea do dipaingot panurat ni Heber: Ai tumimbangkon lelengna i, nunga patut guru hamu nian, hape angka sisiasia ni hata ni Debata dope siajarhononhon tu hamu; gabe susu nama ringkot di hamu, ndada sipanganon hian. (Heber 5:12). Hakristenon na so olo magodang haporseaonna di goari ma nasida “Kristen susu” jala molo magodang haporseaonna di goari “Kristen Makanan keras”. Diboto Jesus do hinaringkot ni pamaresoon ni haporseaon ni angka sisean na lam magodang manang lam marpengpeng. Ala ni i do dibahen Jesus evaluasi (ujian) tu angka sisean i marhite na manungkunhon: Ise do Anak ni jolma I di dok halak. Sungkunsungkun on mangalehon tu hita pamingkirion : na boi do godang paham, dogma manang ajaran taringot tu Jesus Kristus di portibion. Sian mula ni hakristenon pe nungga tubu pamingkirion na marasing taringot tu Jesus: Adong do na mandok Ibana penjelmaan ni Elia manang Jesaya manang sahalak sian angka panurirang. Tontu pamingkirion on berkembang dope torus di portibion. Suang songon i do pamingkirion ni jolma taringot tu Hurria. Molo tasungkun : Aha do huria di di dok halak? Tontu na boi do marasing angka alus tadapot.

3.         Dipatuduhon sisean i do na tanggap nasida tu angka perkembangan ditongatonga ni masayakat. Diboto nasida do perkembangan ni tanggapan taringot tu Jesus. Alai disungkun Jesus do musa nasida: Ia hamu ise do ahu di dok hamu? Disungkun Jesus :”panindangion haporseaon songon na hinatindangkon ni dongan” panindangion hatopan. Ternyata ndang adong dope ditingki i rumusan bersama ise do Jesus di nasida. Ala ni i ma alus ni si Petrus di turpuk on i ma panindangion haporseaon ni marsasahalak do pe. Didok Ibana: Kristus (Messias), Raja na pinarbagabaga i do Ho, Anak ni Debata na mangolu! Adong tolu rumusan haporseaon dipanindangion ni si petrus on taringot tu Jesus. Ibana do: Kristus, Raja na pinarbaga dohot Anak ni Debata. On ma rumusan na parjolo panindangion haporseaon. Panindangion ni si Petrus on patuduhon na adong do pertumbuhan iman di angka sisean i. Lam tangkas panandaon i tu Jesus. Ia Jesus i ima Mesias nalaho paluahon portibion sian parhatobanon ni Sibolis dohot dosai

3.         Mangihuthon Jesus perkembagan/pertumbuhan haporseaon ima ndada ala ni mudar dohot daging, manang ala ni angka ulaon pardagingon dohot parmudaron manang ala ni angka ulaon na bersifat lahiriah. Alai haporseaon na magodang i ma ala ni Damang na di banua ginjang i do. Marhite na tumangihon hatana dotubu haporseaon Asa sian na tumangihon do ro haporseaon; ia panangihon i, sian hata ni Kristus do. (Rom 10:17). Dibagasan haporseaon na lam magodang do dipajongjong Huria di Portibi on.Huria namansai togu naso tarhutur ni manang ise, jala naso targugat ni manang ise pe, Ai Huriai do hapataran ni Pamatang ni Kristus, Ai Batu mamak do Huria I ( Jes 57:1-8). Alani I di tuntut do sian hita boha hita membangun hasadaon di Huriai, Asa marparbue  Haporseaon jala lam magodang songon batumamak na hot na togu na so talu bahenon ni harbangan ni banua toru. Dibagasan haporseaon na lam magodang i do dilehon huaso laho manguhumi mangasahon goar ni Debata di portibion.

4.           Lam tapagomos ma Manghatindanghon  Ia Jesus I , Ima Mesias anak ni Debata Ojahan ni Huria i, Unang adong ganggu ni roha di hita laho manghatindanghon Jesus Raja ni Huria i,Mamaritahon Barita nauli , Lam togu marhaporseaon jala lam margogo portibion, asa lam marsinondang ma hita jala gabe pasu pasu tu nahumaliang. Hajongjongan ni huria di portibion ingkon patuduhon na lam magodang, martumbur ganup ari. Ingkon tamba bilangan ni naporsea, tamba bilangan ni parminggu, tamba bilangan ni punguan, tamba bilangan ni pelean, tamba godang ni kegiatan jala lam tamba hatauon ni Ruas mangulahon ulaon partangiangon, Parmingguon ulaon parasinirohaon, Saluhut na i boi do bahenonta tolok ukur ni na lam tangkas panandaon nasida di Jesus Kristus Tuhanta i Gereja akan semakin kuat bila jemaat semakin banyak yang berbuah dan menyaksikan imannya dalam semua aspek kehidupan. Lam marsangap ma Debata  ima panandaon na tangkas di Hita ise do Jesusi didok Halak, Ise do Ahu didok hamu? Tarespon mai marhite Pangulahononta, Panghatindanghononta di Barita Nauli ai Donganan ni Debata do hita mangulahoni, Debata do Sipalua namanongtong ro di saleleng ni lelengna. Amen