Sermon Jamita Minggu XI Dung Trinitatis 27 Agustus 2017 Jesaya 51:1-8

DEBATA SIPALUA NAMANONGTONG RODI SALELENGNA

Oleh : Pdt Herminto Sihombing, STh/BS

51:1 Tangihon ma ahu hamu angka na mangeahi hatigoran, angka na mangalului Jahowa! Paberengbereng hamu ma dolok batu hapultahanmuna dohot * godung parsumuran na hinali, haruaranmuna i.

51:2 Paberengbereng hamu ma * si Abraham, ompumuna dohot si Sara na manubuhon hamu; ai * punjung sasadasa do uju na hujou, asa hupasupasu ibana jala hupatorop.

51:3 Ai asi do roha ni Jahowa mida Sion, asi do tutu rohana mida sude ingananna na tarulang, jala doshon Eden dibahen halongonanna jala tanona bakkalbakkal songon porlak ni Jahowa; jumpang ma disi las ni roha dohot hariburon, hamauliateon dohot soara pujipujian.

51:4 Patinggil ma pinggolmu ale bangsongku tumangihon ahu, jala tangihon ahu hamu ale angka naposongku! Ai sian ahu haroroan ni patik, jala patindangonku uhumhu bahen panondang di angka bangso.

51:5 Nunga jonok hatigoranku, nunga borhat hatuaonku, ingkon uhumon ni tanganku do angka bangso. Marhaposan tu ahu ma angka pulo jala marhanalomhon tanganku do nasida.

51:6 Manaili ma matamuna dompak ginjang, jala mamereng ma hamu dompak tano i; ai * laho salpu do angka langit songon ombun, jala laho matua sogot tano on songon ulos, jala pangisina i marmatean songon i; alai anggo hatuaonku ro di salelenglelengna do, jala hatigoranku ndang olo muba.

51:7 Tangihon ahu, hamu ale angka sitanda hatigoran, ho ale bangso na umpeop patikku di bagasan rohana! * Unang tung habiari hamu pangeleson ni jolma na gale i, jala unang tung tahuton hamu mida panginsahionnasida i.

51:8 Ai ingkon suda nasida panganon ni ngitngit, songon ulos jala ingkon panganon ni gulokgulok nasida songon imput ni birubiru; alai anggo hatigoranku hot do ro di salelenglelengna, jala hatuaonku marsundutsundut.

Hatorangan

1. Lumbalumba paubahon roha, nunga dipasahat Debata marhite PanurirangNa, andorang so tarbuang bangso Israel. Asa unang nian lalu uhum ni Debata tu nasida. Alai, dipajogal nasida do rohana, diula na rumar, na maralo tu hata ni Debata, isarani na manomba Debata baal dohot na terjadi ketidakadilan sosial na dihuphupi ritual keagamaan na semu. Saut ma nasida tarbuang tu Babel.
2. Habuangan Babel, na gabe konsekuensi ni na so unduk tu Debata, tahop tu nasida. 70 taon ingkon aeonnasida na bernit di habuangan Babel i. Dijajah di negeri penjajah. Mago ma hak nasida songon sada bangso. Dang bebas di dirina. Dang bebas manomba Jahowa. Gariada tahe di paksa manomba debata Babel. Tangkas do i songon na masa tu si Sadrak, Mesak dohot Abednego. Di bagian na asing, Habuangan i, dilapati nasida, na so berpihak Debata tu nasida, gari tahe dipahami talu Debatanasida di rohana tu debata Babel, umbahen na tarbuang nasida. Pemahaman na songon i, lam pabagashon panghilalaan na mandate (putus asa) di nasida. Ketidakmungkinan nama di rohanasida adong hamubaon ni parngoluonna (pasrah).
3. Lam maol ma antong tarjalo rohanasida hata ni Debata na tolhas tu nasida marhite panurirang Jesaya. Ala lam dao panghilalaanna sian Tuhan i, lam maol jala bangkol ma rohana manjalo Tuhan i, na sasintongna tongtong do rap nasida. Tuhan selalu bersama mereka dalam pembuangan. Marhite i ma, habuangan gabe sada proses pemurnian umat Tuhan. Umat Tuhan dipandang perlu untuk di"murnikan" dalam menghadap Tuhan. Marhite i ma, tangkas do nang HOLONG dohot ASI NI ROHA ni Debata, tolhas jala patar tu parngoluonnasida nang pe di habuangan, tarlobi na ingkon usungon ni Debata nasida mulak sian habuangan i, Tung tarhalupahon inaina ma posoposoNa na tinubuhonna?? Jesaya 49:15 Tung * tarhalupahon inaina ma posoposona, so asi rohana mida anak tinubuhonna i? Tung sura pe tarhalupahon nasida, ianggo * ahu laos so halupahononku do ho. I ma balga ni holong ni Debata tu nasida.
4. Nunga tung tangkas dipabotohon panurirang i balga ni holong ni Debata tu nasida. Alai dang hibul dope rohanasida manjanghon i. Sian bayangannasida, marpulutaon lelengna naung ditinggalhon nasida hutana, nga tontu marokso jala tarulang saluhutna i di rohana. Jala, ra adong na mamaritahon tu nasida naung hancur hutanasida i. Marhite i ma lam dipahot hata ni Debata haporseaonnasida, ia Tano na tarulang, gabe Eden ma muse, jala tano bangkalbangkal ingkon gabe porlak ni Jahowa. Ingkon jumpang di si hariburon, hamauliateon dohot pujipujian tu Debata, holan ala asi ni roha ni Debata. Marhite i ma, asa TUNG POS SITUTU rohanasida di huaso ni Debata Jahowa, paboa:  

5.   TARPATUPA DEBATA  DO SALUHUTNA

Songon si Abraham dohot si Sara, na jinou ni Debata, jala dipillit Debata nasida, jala dipasahat pasupasu ianakhon, sian na so mungkin be  nian di roha ni jolma, hombar tu umur na naung matua, suang songoni ma naeng patupaon ni Jahowa tu jolmai angka halongangan, asal ma tongtong dibagasan haporseoan dohot panghirimon na togu songon si Abraham dohot si Sarai

Haimbaruon di parngoluon siapari. Dipasahat pasupasuNa. Sian Sion dohot Jerusalem na marokso, gabe Eden bahenonNa. Sian na so adong be panghirimon (harapan), dipasahat Debata tu nasida. Sian na so adong hangoluan, gabe gok las ni roha. "Bebas" ma nasida mamuji Debata. Kehidupan umat dipulihkan/dipaimbaru.

  

POINTER APLIKASI

1.   Debata na Manontong Do Debatanta

2.   Torus do mangula Debata dingolunta siganup ari

3.   Tatangihon jala, ta peop jala tahaporseai ma Debata namangalehon Haluaon Marhite Jesus Kristus, Debata parasiroha do Ibana ro di salelegnilelengna do AsinirohaNa

4.   Tapujima Debata namangalehon Hangoluan sisalelengnilelengnai. AMEN