MATEUS 16:13-20

Haporseaon na lam magodang

Turpuk: Mateus 16:13-20

1.         Adong do tanaman hias di goari “Bonsai” I ma sada suansuanan na diloas mangolu alai ndang diloas mangodang, marpengpeng do ibana torus. Ra boi do i gombaran ni haporseaon na marpengpeng. Tubu di hakristenaon mangolu di hakristenon alai haporseaonna songon bonsai ndang olo magodang. Hakristenon na songon on hea do dipaingot panurat ni Heber: Ai tumimbangkon lelengna i, nunga patut guru hamu nian, hape angka sisiasia ni hata ni Debata dope siajarhononhon tu hamu; gabe susu nama ringkot di hamu, ndada sipanganon hian. (Heber 5:12). AHakristenon na so olo magodang haporseaonna di goari ma nasida “Kristen susu” jala molo magodang haporseaonna di goari “Kristen Makanan keras”. Diboto Jesus do hinaringkot ni pamaresoon ni haporseaon ni angka sisean na lam magodang manang lam marpengpeng. Ala ni i do dibahen Jesus evaluasi (ujian) tu angka sisean i marhite na manungkunhon: Ise do Anak ni jolma I di dok halak. Sungkunsungkun on mangalehon tu hita pamingkirion : na boi do godang paham, dogma manang ajaran taringot tu Jesus Kristus di portibion. Sian mula ni hakristenon pe nungga tubu pamingkirion na marasing taringot tu Jesus: Adong do na mandok Ibana penjelmaan ni Elia manang Jesaya manang sahalak sian angka panurirang. Tontu pamingkirion on berkembang dope torus di portibion. Suang songon i do pamingkirion ni jolma taringot tu Hurria. Molo tasungkun : Aha do huria di di dok halak? Tontu na boi do marasing angka alus tadapot.

2.         Dipatuduhon sisean i do na tanggap nasida tu angka perkembangan ditongatonga ni masayakat. Diboto nasida do perkembangan ni tanggapan taringot tu Jesus. Alai disungkun Jesus do musa nasida: Ia hamu ise do ahu di dok hamu? Disungkun Jesus :”panindangion haporseaon songon na hinatindangkon ni dongan” panindangion hatopan. Ternyata ndang adong dope ditingki i rumusan bersama ise do Jesus di nasida. Ala ni i ma alus ni si Petrus di turpuk on i ma panindangion haporseaon ni marsasahalak do pe. Didok Ibana: Kristus (Messias), Raja na pinarbagabaga i do Ho, Anak ni Debata na mangolu! Adong tolu rumusan haporseaon dipanindangion ni si petrus on taringot tu Jesus. Ibana do: Kristus, Raja na pinarbaga dohot Anak ni Debata. On ma rumusan na parjolo panindangion haporseaon. Panindangion ni si Petrus on patuduhon na adong do pertumbuhan iman di angka sisean i.

3.         Mangihuthon Jesus perkembagan/pertumbuhan haporseaon ima ndada ala ni mudar dohot daging, manang ala ni angka ulaon pardagingon dohot parmudaron manang ala ni angka ulaon na bersifat lahiriah. Alai haporseaon na magodang i ma la ni Damanang na di banua ginjang i do. Marhite na tumangihon hatana dotubu haporseaon Asa sian na tumangihon do ro haporseaon; ia panangihon i, sian hata ni Kristus do. (Rom 10:17). Dibagasan haporseaon na lam magodang do dipajongjong Huria di Portibi on. Haporseaon na mlam magodang do na gabe batumamak na hot na togu na so talu bahenon ni harbangan ni banua toru. Dibagasan haporseaon na lam magodang i do dilehon huaso laho manguhumi mangasahon goar ni Debata di portibion.

4.         Hajongjongan ni huria di portibion ingkon patuduhon na lam magodang, bertumbuh ganup ari. Ingkon tamba bilangan ni naporsea, tamba bilangan ni parminggu, tamba bilangan ni pungua, tamba bilangan ni pelean, tamba godang ni kegiatan jala lam tamba hatauon ni Ruas mangulahon ulaon partangiangon . Saluhut na i boi do bahenonta tolok ukur ni na lam tangkas panandaon nasida di Jesus Kristus Tuhanta i. Amen

ANGKA TANGIANG SI INGOTON NI PANDITA

Tangiang Marjamita

Dame ni Debata, na sumurung sian saluhut roha, i ma na mangaramoti ateatemuna dohot rohamuna marhitehite Tuhan Jesus Kristus. Amen.

Tangiang Pelean:

 Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus.Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandak mauliate tu Ho, marhitehite Jesus Kristus Tuhannami. A m e n .

Tangiang Pandidion:

Ale si Anu ! Hudidi ma ho tu bagasan Goar ni Debata Ama dohot tu bagasan (Goar ni AnakNa Tuhan Jesus Kristus, dohot tu bagasan Goar ni Tondi Parbadia. A m e n .

 (Diampehon Pandita i ma tanganna  tu ulunasida huhut ma didok): Sai diramoti Debata ma ho di habobongotmon tu bagasan Harajaon ni Debata ro di saleleng ni lelengna.

            Tangiang tu na Manghatindanghon Haporseaon

Jalo hamu ma pasupasu ni Tuhan Debata Amanta i dohot AnakNa Tuhan Jesus Kristus dohot Tondi Parbadia. Sai didongani ma hamu maralohon nasa na jat, jala dipargogoi ma hamu patupahon nasa na denggan. Amen.

Hamu angka na pinarhamaol ni Debata, nunga gabe dongan sahuria jala dongan sapanganan hamu manganhon parpadanan na badia i. Na arga situtu do hamu ditobus, unang oloi hamu be dosa dohot sibolis. Ramotan ni Debata do hamu maralohon pangago i, asal ma tongtong rohamuna tu Ibana jala togihononNa do hamu masuk tu harajaon banua ginjang i.

Marbagas

  Antong masilehonan tangan siamun ma hamu paboa hot ni padanmuna: Naposo ni Debata do ahu, na mamboan HataNa tu hamu. Marhitehite Goar ni Debata Ama, Anak dohot Tondi Parbadia do ahu mandok: Na pinadomu ni Debata ndang jadi sirangon ni jolma.

            Tangiang  Pasupasu

Dipasupasu jala diramoti Tuhan Debata ma ho (hita) ! Disondangkon Tuhan Debata ma bohiNa tu ho (hita) jula asi ma rohaNa mida ho (hita)! Didompakhon Tuhan Debata ma bohiNa tu ho (hita) jala dipasaorhon ma dameNa tu tondim (tondinta be). A m e n .

Asi ni roha ni tuhan Jesus Kristus, dohot holong ni roha ni Debata Ama dohot parsaoran ni Tondi Parbadia i ma mandongani hamu! Amen.

           

Tangiang Parpadanan na Badia

Didok Tuhanta Jesus Kristus: Jalo hamu ma on jala pangan ma ! DagingKu do i, na nilehon tu hamatean humophop hamu. I ma mangaramoti jala pahothon rohamuna manghaporseai Ibana, asa di hamu hangoluan na so ra suda. Amen.

 Didok Tuhan Jesus Kristus: Jalo hamu ma on jala inum hamu sian i. MudarHu do i, na niusehon humophop hamu bahen hasesaan ni dosamuna. I ma mangaramoti jala pahothon rohamuna manghaporseai Ibana asa di hamu hangoluan na so ra suda. Amen. Mulak ma hamu di bagasan dame !

 Tangiang Mananom na Monding

Dipasupasu Tuhan Debata ma ho laho ruar dohot laho bongot olat ni on ro di saleleng ni lelengna ! Amen.

Ale si Anu, sian tano do parmulaan ni dagingmu, mulak ma i gabe tano; alai Tuhan Debata na manompa ho, dohot Tuhan Jesus Kristus, na paluahon ho sian dosa, dohot Tondi Parbadia, na manjou ho tu hangoluan na so ra suda, i ma mangaramoti orbuk ni bangkem, paima ro ari parpudi ! Amen !

Jamita Passion

Heber 12: 1 – 3

Jesus Kristus Do Tiruan di Sude Angka na Porsea

Heber 12: 1 – 3

12:1 Dibahen i nang hita pe, ala na sai torop ni sitindangi humaliang hita, tapeakkon ma nasa na pasorathon ro di dosa na girgir mangkaliangi, jala marbenget ni roha ma hita marlojong tu bagasan paraloan, na sonson di jolonta!

12:2 Tabereng ma induk ni haporseaon i jala na paujungkonsa, i ma Jesus, na manaonhon parsilangon i, singkat ni las ni roha, tohapna i hian, so dietong i hailaon, gabe hundul di siamun ni habangsa ni Debata!

12:3 Paingotingot hamu ma Ibana, na pataontaonhon paraloan sisongon i dompak Ibana sian angka sipardosa asa unang marnaloja hamu, unang mandate tondimuna!

a.        Ia turpuk on laho mangondolhon lapatan ni haporseaon tu Jesus Kristus, boha do halak na porsea di Kristus Jesus i mangadopi angka na masa (penderitaan) di tongatonga ni Huria i ? Tadingkonon nasida do huria i jala mulak tu ugamona hian manang tongtong manahan aha pe na masa ?  Nunga dipaingot Jesus hian angka siseanNa taringot tu angka na naeng masa jala na ingkon adopan nasida. Adopan nasida do penderitaan, bahkan mungkin sahat ro di na mate. Jala pangaleleion i ndada holan sian angka halak na leban alai dohot do nang sian parugamo Jahudi na mandok dirina porsea tu Debata Jahowa. Paduruonna do nasida sian punguan ni halak Jahudi, jala ganup halak na mamunu nasida manghilalahon ulaon na sintong do niulana disi, na mangoloi patik ni Debata do nasida didok rohana (ptds. Mat.24: 9; Joh.16: 2)

b.        Marhite pandohan “dibahen i....” tarida do pardomuan ni turpuk on tubindu na di jolo. Disosoi do huria i asa mamparateatehon angka naung masa. Nunga torop angka sitindangi, i ma angka na porsea tu Debata. Angka pergumulan dohot haporseaon nasida naeng ma dohot mangalehon inspirasi tu ngolu ni huria i di tingki nuaeng. Molo angka na porsea di Padan na Robi i mampu mempertahanhon haporseaonna, boha do ia huria nuaeng ? Halak Kristen diibarathon songon halak na mandohoti sada pertandingan di gelanggang. Asa monang, tontu do ingkon adong persiapan na denggan. Jala ganup halak na bertanding ingkon mampu memusatkan perhatian  manang konsentrasina tu tujuan na naeng dicapai. Sude boban na mambahen ibana ketinggalan ingkon ditanggali. Ala ni i, di ayat parjolo diondolhon do dua hal: tapeakhon ma na pasorathon dohot dosa; marbenget ni roha ma marlojong. Lapatanna, dosa do (pangalaho na robi ) na mambahen boban tu jolma i, gabe ndang tarbahen ibana mananda dirina naung tarjou mangihuthon Kristus. Hape ganup halak Kristen ingkon tangkas umboto: aha do gabe tujuan ni ngoluna di portibi on (Heb.4: 9). Alai andorang so sahat tu tujuan i, na ingkon marlojong do hita dibagasan habengeton (ptds. Heb.10: 32, 36; 12: 7).

c.        Ndang pola ganggu halak Kristen marlojong, ai Kristus naung paujungkon saluhutna i do mangalehon gogo asa mampu hita sahat tujuan. Jesus Kristus nunga manaon laho manghophop jolma, huhut sekaligus mangalehon tiruan na denggan (ptds. 1 Ptr.2: 21). I do na umbahen na didok ayat 2: “Tabereng ma induk ni haporseaon i....”, lapatanna, nunga dilehon Jesus tu angka siseanNa aha na ingkon bahenonnasida tu na asing. Ndang adong na boi mangurupi halak Kristen di parlojongonna i, asing sian Tuhan Jesus Kristus. Jesus sandiri nunga manghamonanghon paraloan na dokdok i, jala dipaujung do i marhite hamonangan (ptds. Heb.2: 10). Jesus Kristus sandiri do na secara sempurna mangulahon dohot mangoloi na nidok ni Debata Ama i. Ala ni i, Ibana do Tuhan ni saluhut jolma, termasuk dohot angka na porsea na ginoaranNa di Padan na Robi (ptds. Heb.11: 40). Ibana do naung hundul di siamun ni Ama i. Pandohan “tabereng ma” mengandung pangantusion; menyerahkan diri, ala tangkas manghirim holan sian Ibana do dapot pangurupion.

d.       Pandohan “paingot ingot hamu ma Ibana” (ingatlah selalu akan Dia) naeng mangondolhon perenungan na mendalam, pertimbangan yang baik, jala dung i tangkas mambuat sada keputusan. Asa ganup halak Kristen ingkon mangalehon alus na tangkas marhite na mambuat keputusan di dirina, mulak do ibana tu ugamona hian manang torus ibana mampartahanhon haporseaonna tu Tuhan Jesus, nang pe mungkin ingkon masa angka penderitaan. Ganp halak Kristen ingkon tangkas merenungkan naung niula ni Tuhan Jesus, na di bagasan habengeton manaon angka reherehe sahat ro di na mate Ibana, alai ndang sumurut pangoloionNa. Ndang adong alasan ni halak Kristen sumurut sian haporseaonna tu Jessus, ndang jadi mandele manang mandate (ptds.. Heb.13: 20 – 21).

e.        Marhite turpuk on disosoi do huria nuaeng manang hita, asa mampu mamereng angka na masa ditongatonga  ni portibi on lumobi dohot di na humaliang hita songon sada dalan panogunoguon ni Debata laho mendewasakan haporseaonta. Jala marhite angka na masa na taida manang tabolus, gabe tabuat keputusan tongtong mamereng dompak Jesus. Lam tamba ma kesadaran di hita, ala ni i, pergumulan di masyarakat ndang tarhamonanghon hita sian dirinta sandiri. Lai, Jesus Kristus naung manghamonanghon hita i do na gabe Induk ni Haporseaonta, jala na tahaporseai mampu mangurupi.

F`   Songon na marlojong di portibi on ingkon tulus do tujuan ni, jala sada do tujuan; i ma haluaon na saleleng ni lelengna. Sude na tadapot, tabolus, taalami, na tonggi dohot na paet, gabe paingothon hita tu tujuan i. Ndang portibi on na gabe tujuan ni ngolunta jala ndang dison hita maringan saleleng ni lelengna. Ala ni i, hot ma hita marhaporseaon tu Ibana manang aha pe na masa! Amen.

Jamita Passion

Jamita Passion

Lukas 14:26-27

Lukas 14:26 “Jikalau seorang datang kepada-Ku dan ia tidak membenci bapanya, ibunya, isterinya, anak-anaknya, saudara-saudaranya laki-laki atau perempuan, bahkan nyawanya sendiri, ia tidak dapat menjadi murid-Ku.
14:27 Barangsiapa tidak memikul salibnya dan mengikut Aku, ia tidak dapat menjadi murid-Ku.

14:26 Ganup halak na ro tu Ahu, ndang tarbahen gabe siseanku, ia so dihasogohon ibana amana, inana, na niolina, anakkonna, hahaanggina dohot angka ibotona, ro di hosana sandiri.

14:27 Ndang tarbahen gabe siseanku halak, na so manuhuk silang na tu ibana, laho mangihuthon Ahu!

Sambolus begeonta hira na koras do pandohan ni Tuhan Jesus on! Hira na so parholong ni roha Tuhan Jesus. Hira na so diharingkothon Tuhan Jesus ngolu kekeluargaan, kekerabatan dohot ngolu parrumatanggaon. Apalagi molo itapahombar tu angka jamita ni Jesus na mandok ingkon parholong roha do angka na porsea, bahkan, didok Tuhan Jesus do, na manghasogohon hita pe ingkon haholongon do.

Alai, sasintongna molo mulahulak tajaha turpuk on, na ni ondolhon ni Tuhan Jesus ima:
– Parsitutuon mangihuthon ibana
– Bulus ni roha gabe siseanNa
– Dohot roha na barani mambuat haputusan mangihuthon Jesus dohot di sude angka resikona.

Lapatanna, syarat gabe sisean ni Tuhan Jesus:

– Ingkon barani mansoadahon diriNa molo maralo hagiot ni dagingna tu lomo ni roha ni Jesus.

– Ingkon rade do mananggalhon dohot maninggalhon saluhutna molo gabe pangambati i laho mandapothon Jesus dohot mangulahon lomo ni roha ni TJ.
– Molo pinangke pandohan ni Tuhan Jesus nangkin: Ingkon barani do hita songon sisean ni Tuhan Jesus mangadopi kondisi dihasogohon keluarga. Dohot mangkasogohon pangalaho, sikap, pangkataion dohot pingkiran ni keluarga, angka sisolhot molo gabe maralo i tu hata ni Debata.

– Na umposi dope, ingkon soadahononhon do hosa (ngolu) molo naeng gabe sisean ni Tuhan Jesus na tutu.

Di ayat 27, on ma gabe inti dan syarat utama molo naeng gabe sisean ni Tuhan Jesus: ima manuhuk silang na tu ibana (memikul salibnya).
– Silang do i molo dihasogohon dongan, keluarga hita ala mangihuthon Jesus, molo mangulahon lomo ni rohaNa.

– Silang do i, molo gabe intopanta hagiot ni dagingta, mangoloi hataNa.
– Silang do i, molo hansit pangkilalaanta manadinghon keluarganta mangoloi Tuhanta.
Didok Tuhan Jesus, angka on ma situhukonta songon sisean ni Tuhan Jesus hita.

Hamu angka dongan! Di passion on, disungguli jala diparata do hasiseanonta di jolo ni Tuhan Jesus. Ndada gabe holan hasonangan na taadopi molo gabe sisean ni Tuhan Jesus hita, alai gok haporsuhon do jala gok paraloan portibi. Ndada gabe so berjuang hita di portibi on, dung gabe sisean ni Tuhan Jesus hita. Alai, marhite passion on, dipaingot do hita, di godang ni paraloan na ni adopan ni Tuhan Jesus uju di ngoluNa. Ndada holan sian portibi on dohot sian halak na so mangkalomohon hadirionNa, alai na jumorbut ima paraloan na ro sian siseanNa sandiri, na jonok di lambungNa, na mandok manghaholongi Ibana, hape panjeheon do dibahen tu Tuhan Jesus.

On ma tona na parjolo tu hita. Ndang mintop parungkilon dohot pangunjunan di ngolunta. Ndang mansohot paraloan i, alani i, ndang boi mintop perjuangan sian ngolunta. Ingkon berjuang do hita, ingkon benget do hita, jala ingkon bisuk do hita marnida angka na masa, boi do paraloan i sian tongatonga ni keluarga, sian tonga ni huria, dohot sian na humaliang pe.

Tona na paduahon: Marusaho ma hita padimundimun keluarganta, rumah tangganta asa rap udur hita mangoloi Tuhan Jesus. Sian pardagingon na hansit do molo dihasogohon keluarga iba, na dangol do molo ala ni na mangihuthon Jesus ingkon tinggalhononhon keluarga, ingkon tinggalhononhon punguan, jala tung mansai lungun do roha molo ingkon tadingkononhon anakhon, suami, istri, natoras dohot angka na hinaholongan, ala na so unduk na sida mangoloi hata ni Debata. Jala ndang adong sian hita na manghalomohon sirang sian keluarga ala ni idealismenta mangoloi Debata.

Alani i, ingkon rap marsitutu do hita sakeluarga mangoloi Tuhan i, asa unang adong na tading nanggo sada. Ingkon berjuang do hita manogu haporseaon ni anggota keluarganta, asa unduk jala olo mangihuthon dohot mangulahon lomo ni roha ni Debata. Naeng ma nian rap udur hita tu dolok tu toruan mangoloi Tuhanta Jesus. Asa songon na nidok ni naposoNa si Josua: Ahu dohot donganku sabagas ingkon Jahowa do oloannami.

Amos 8 : 4 – 7

Amos 8 : 4 – 7

       A.      Patujolo

Andorang so masuk hita tu hatorangan, jumolo tangkas parrohahononta patujolo ni buku manang turpuk Amos. Di Israel Utara do si Amos mangula songon panurirang, atik pe huta hatubuanna di Tekoa, di daerah Jehuda. Di Abad pa-8-hon ma i, di tingki ni Raja Jerobeam marhuaso di Israel Utara, jala Raja Uzia marhuaso di Juda ( 1:1). Mansai posi do parniahapan ni masyarakat tingki i di Israel Utara, ala panggosagosa ni angka na mora dohot angka pejabat tu masyarakat na pogos, so marlangku uhum, so adong keadilan, ndang hea manghuling angka pemimpin agama laho maminsang angka kesewenang-wenangan. Satahi do angka na mora dohot pejabat laho manggosagosa angka na pogos. Ndang diulahon natoras be patik ni Debata ( 2:4), masa do manggadis jolma ala ni sapasang sipatu ( 2:6), jotjot masa angka penyimpangan sexual ( 2:7). Ndang mararga jolma i dibahen angka parhuaso. Angka pejabat mengarampok tano ni angka na pogos songon na masa di tingki ni si Ahab ( 1 Raja 21). Ala ni saluhutna i, dipatudos si Amos do angka pejabat di tingki i “ songon lombu” na so umboto hasintongan ( 4:1).

Taringot tu paragamaon ndang mararga ugamo di tingki i, ai toropan angka jolma di tingki i manomba Debata Baal ( 2:8). Ndang adong kebebasan marugamo, jala diorai pejabat angka panurirang manghatai ( 2:12). Marragam dope angka na so uhum di Israel dohot Juda di tingki i, ala ni i ma hehe si Amos songon panurirang disuru Debata laho manghatahon hasintongan, pasahathon pinsangpinsang tu angka na sangap dohot penguasa. Ndang lomo rohangku mida ari rayamuna, jala magigi ahu mida peleanmuna ninna Debata (5:21-22). Alai na dihalomohon rohangku, “Margilinggiling ma songon aek uhum i, jala hatigoran songon sunge na so olo marsik” (5:24). Ala ni kondisi na songon i, si Amos manoarahon pertobatan nasional, asa sude lapisan masyarakat pajongjong uhum, patindang hatigoran dohot hasintongan, ai i do dihalomohon Debata.

Nunga leleng marmusu halak Israel dompak halak Palistim laho mempertahanthon tano Palestina. Ditingki ro Raja Hazael sian Aram na marporang dompak Israel sian timur-laut, dibahen halak Palistim ma i kesempatanna laho mamorangi halak Jahudi dohot Israel sian Barat laut. Talu do halak Israel, jala ditaban halak palistim do sude halak Israel hatiha i asa dipasahat tu halak Edom, dungi  gabe hatoban do halak Israel i jala digadisi do nasida tu halak Misir marhite halak edom. Ido umbahen marpogos halak Israel i. Molo halak Edom ima angka pinompar ni si Esau haha ni si Jakob (Israel). Alai lam balga ma harajaon Asyur, jala ditaluhon ma Harajaon Aram, ala ni i gabe malua ma Israel na ginomgoman Raja Jerobeam II, lam denggan ma harajaonna dohot bangso i, tamba godang do angka na mora, alai  tong do adon na pogos, ala so godang sipaotooto na mangonsop mudar ni angka donganna marhite na mangaotootoi. Selengkapna tauhal ma turpuk on.

      B.      Hatorangan

1.       Ayat 4 – 6 : Didok do hata “manuhor” diayat 6, molo tajaha muse di bindu 2: 6 didok do disi “digadis”, sian saluhutnai sadalan doi pandohan i ndang na maralo; ai di tuhor jala digadis angka na mora i do halak na pogos i na gabe hatoban, siala ndang mampu be na pogos i manggarar utangna, nang pe metmet, ido umbahen rela do nasida manggadis dirina asa gabe hatoban ni angka na mora i. Jala dibahen angka na mora i do gabe mangalului parlabaan sian dalan disongon i. Ido umbahen didok roha na mora i di ayat 5 i : “Andigan pe ulaning salpu poltak ni bulan asa manggadis eme hita? Andigan salpu dohot * ari Sabbat, asa tarungkap sopo paremean? Laho pametmethon solup, jala pabalgahon arga dohot mangansi marhite sian * hatian si paotooto.” Didok “pametmethon solup; dihata Indonesia didok “mengecilkan efa (sada ukuran hirahira 40 liter), dungi hata “pabalgahon arga” di hata Indonesia didok “membersarkan syikal” (ima sada timbangan na metmet, hirahira 12 gram, na jotjot dipangke angka panuhor laho manimbang sere dohot perak ala hatiha i ndnag adong dope alat panuhor hepeng (jaha; 1 Musa 23:16). Dungi hata “hatihan sipaotooto” dihata Indonesia didok : “curang dengan neraca palsu” ima marhite na manipu ukuran ni timbangan gabe ndang hot. Jadi asing ni na mangotootoi  ukuran dungi argana pe tung mansai balga dibahen. Dungi di ayat 6 i dipaboa do pangalaho nasida na pamasukkon lapung singkat ni eme.

2.       Ayat 7: uhuman tu angka jolma na mangulahon sipaotooto. Ndang halupahon ni Debata pambahenan nasida na jat i tu halak Israel. Nunga marmangmang Jahowa  tu hamuliaon ni si Jakob, na mandok angka pinompar ni si Jakob ima Israel. Hamuliaon ni si Jakob manang Israel martudutudu do i di Debata. Alai molo tajaha di Pslam 47:5 asing do dilapati ima na mandok : tano Kanaan). Ihut ni i nunga dipabotohon Debata HataNa taringot tu uhuman agoan hosa tu angka na manaban halak manang donganna, ima na tarsurat di 5 Musa 24: 7 “Tung sura adong jumpang sada baoa na mamangus sahalak sian angka hahaanggina, sian halak Israel tahe, laos diparhatoban ibana manang digadis, ingkon marutang hosa pamangus sisongon i, asa tung siap bahenonmu hajahaton sian tongatongami”. Godang do sian tongatonga ni bangso i na so unduk tu uhum ni Debata, jal a angka na mora i mangahut paruntungan sian angka na pogos jala paporsukporsuk ngolu ni na pogos i. Ala ni i ma marhite angka panurirang ni Debata paboahon angka uhum na koras tu angka halak Israel na mora i ( jakah. Jes.1:21-25; Jer.17:11; Am.4:1-13; Mi.2: 1-5; Hab.2:6-8; Zak.7:8-14)

       C.      Sipahusorhusoron

     1.       Molo jinaha barita di bulan na salpu di media dunia maya, dipaboa do peningkatan ni ekonomi ni masyarakat Indonesia sahat tu 250%. Alai tung so boi dope dohonon nunga ndang adong be na pogos, ai tong dope adong halak na pogos ditonga ni masyarakatta. DI huta manang di kota sai jumpanganta dope godang angka na pogos. Hape molo hea tabege ende ni parande Koes Ploes ; “Orang bilang tanah kita tanah surga, tongkat kayu dan batu jadi tanaman”. Ima syair lagu na manindanghon hamoraon ni bangsonta Indonesia on. Hape tabereng godang do angka na pogos. Jala adong sada keluarga na mate maningkot  ala ni pogosna jala parir ni ngoluna. Na mora do negaranta on alai mansai godang dope na pogos. Jadi sai hira manuk na mate dibagasan ni sopo do. Hape Tuhan Jesus mandok "Songgop do tu ahu Tondi ni Tuhan i, ai dimiahi do ahu, mamboan barita na uli tu angka na pogos.” (Lukas 4:18). Asa laos songon i ma angka siihuthon Jesus i mangasahon TondiNa i hita mangulahon prasuruonNa i laho manogunogu angka na pogos, angka na dangol, jala na pinasiaksiak angka na mora i. songon na nidok ni Jesus di Mateus 25 : 40 “Dung i alusan ni Raja i ma nasida: Situtu do na hudok on tu hamu; Nasa na binahenmuna tu sada sian anggingku angka na metmet on, na tu Ahu do i dibahen hamu”.

     2.       Apostel Paulus mandok di 2 Korint 8: 14 ; “Anggo saonari ditomutomu na lobi na di hamu ma na hurang di nasida, asa ditomutomu nang na lobi na di nasida na hurang di hamu, asa gabe dos!” Sian pandohan i naeng ma taruli pasupasu angka na na tardok na pogos, ido alana Jesus mandongani sude do jolma, ndada holan na pogos tong do dohot na mora, tujuanna ndaa na “menjilat” Jesus disi tu na mora i songon si Zakeus, alai asa boi marhite angka na mora i taruli pasupasu nang angka na pogos, ido diok Jesus tu sahalak na mora i di Mateus 19:21: Jadi ninna Jesus ma mandok ibana: Molo naeng sun denggan ho, laho ma ho manggadis artami, parlehon tu angka na pogos, asa mararta ho di banua ginjang; dung i ro ma ho mangihuthon Ahu!. Ala ni i tarjou do hita laho patuduhon kepedulianta tu angka na pogos dohot na manghajongjonghon hatigoran dinasida, asa disi ma tarida holong ni Debata. Alai ndang gabe sada hal na mendidik na pinatuypa pamarenta sinuaeng on ima BLSM, ai na pamanjahon masyarakat doi, dohot patubu halosohon. Molo dijalo anak dekke, unang dilehon dengke, bulus dilehon hail. Namarlapatan molo naeng mangurupi na pogos hita naeng ma marbisuk, asa bantuan manang pangurupionta i unang bersifat parsatongkinan alai bersifat mendidik dohot membangun ma. Boi doi marhite na mangajari berkarya dohot berdikari asa marhite i ma taruli pasupasu angka na pogos i, dungi mangajari nasida taringot tu hasintongan dohot hatigoran nang di lingkungan masyarakat, huria nang negara pe. Amen.

DRAMA SINGKAT

Drama singkat

 “KARENA YESUS”

 Cerita ini diangkat dari kisah nyata yang ada disekitar kita. Sering kali kita terlalu sibuk dengan pekerjaan dan berbagai akivitas kita yang lain sehingga kita lupa untuk memuji memuliakan Tuhan. Jarang ikut ibadah di gereja, kebaktian keluarga dan kegiatan-kegiatan gereja yang lain. Menganggap sepele dan pikiran tidak mau tau, itulah yang menjadi budaya yang ada dlm pikiran kita saat ini. Sejenak marilah kita ikuti drama singkat yang berjudul “Karena Yesus” dan menggambarkan kehidupan kita sehari-hari,

Yang diperankan oleh:

Ø Nai Marsillam

 Ø Nai Padot

Ø Datu

Ø Orang kuat

Ø Peramal

 Ø Pendeta

 Ø Pemuda

 Narator : Saudara/i Sebelumnya kami minta maaf jika ada nama dan tempat yang sama, karena itu hanya kebetulan saja. Bagaimana jalan ceritanya, mari kita ikuti bersama-sama.

Adegan I

Narator : Di sebuah desa,tepatnya didaerah Sidikalang -Dairi- Sumatra Utara ada seorang ibu yang bernama Nai.Marsillam. ibu ini bekerja sebagai sekretaris di sebuah instansi pemerintahan setempat. Selain itu, ibu ini juga bekerja sebagai tukang kredit barang-barang keluarga untuk penghasilan sampingan. Sibuk dengan pekerjaan dan bisnis itulah keseharian ibu ini, sehingga ia sangat jarang mengikuti kegiatan-kegiatan gereja.

Nai Padot : E… eda nai Marsillam, beta tu gareja, ai nunga sae ho marhobas.

Nai Marsillam : Aduh eda, aku masih banyak kerjaan, ini baru da orang yang mau mengorder barang, jadi ga sempat aku gereja, pergi ajalah eda. Tapi nitip doa ya… hehe.

.Nai Padot : Order, ordur, ordor,,,, songoni do torus. Ndigan pe nuaeng tatapon mu joro ni Tuhan i. Hape I jolo jabum do gareja. Toe ma molo songoni, laho ma ahu

.Narator : itulah gambaran keseharian dari ibu Nai Marsillam. Walaupun hari minggu ia tidak pernah menyadarinya. Akibat dari itu Nai Marsillam terlilit dosa yang sangat besar dan menjadi pergumulan bagi ibu Nai Marsillam.

Adegan II

Nai Marsillam : huuuh.. apalah salah awak sampe dosa awak besar seperti ini, pada hal besar-besarnya sumbangan awak kegereja. Kemanalah awak untuk melepaskan dosa ini

Narator : itulah dosa yang harus ditanggung oleh ibu nai Marsillam, sehingga di berfikir untuk melepaskan dosa-dosanya dengan kekuatan-kekuatan dunia ini. Yang pertama sekali ia pergi ke seorang dukun terkenal yang bernama Datu Pangullus di Dolok sanggul.

Datu : bah… apala aha inang umbaen na ro hamu tu ingananhon, sian luat dia do hamu.

Nai Marsillam : begini amang datu, saya berasala dari sidikalang, saya berniat untuk melepaskan dosa saya ini, sudah berulang kali saya mencoba melepaskannya sendiri tetapi tidak bisa. Jadi saya minta bantuan amang datu.

Datu : Alai naleleng do huroa hamu di Jakarta ate inang benna marbahasa Indonesia hamu. Hape parsidikalang do nian. Nang pe songoni dosa muna on ta palua pe, na gampang mai (dengan jampi-jampinya datu pangullus berusaha melepaskan lilitan dosa yang ada di tubuh ibu nai Marsillam, tetapi tidak bisa)Ai akka aha do nueng dosa muna on inang, dang boi tarpalua. Tu na asing ma hamu lao

Nai Marsillam : ai dia do da amang, iala martimus-timus ilmu muna, hape paluon pe so boi. Toe ma molo songoni lao ma ahu..

Narator : Ibu Nai Marsillam kecewa karena datu itu tidak bisa melepaskan dosanya. Sehingga ia berniat untuk mencoba ke tempat lain. Ia kemudian mendatangi Sasana tinju di Siborong-borong karena dia mendengar ada orang kuat (si sia gogo nina molo di hitaan) yang menjadi harapannya untuk melepaskan dosanya.

Adegan III

Nai Marsillam : Permisi…

Orang kuat : Ya… nyari sipa buk???

Nai Marsillam : ini Pak. Saya mau minta bantuan bapak untuk melepaskan dosa saya ini, saya dengar bapak seorang kuat. Jadi saya harap bapak bisa membantu saya

Orang kuat : (dengan gaya nya) jadi ibu datang kesini hanya untuk melepaskan dosa ini? Tapi tidak apa-apa, akan saya bantu. (mencoba untuk melepasnya tetapi tidk bisa juga)Ai aha do dosa muna on inang, naung marurat do huroa on, dang tapalua be. Tu na asing ma hamu laho

Nai Marsillam :Ai dia do dah… anggo gaya muna sahira na boi nama ribakon muna langit, on pe so boi tartarik muna. Lao ma ahu.

Narator : SAma halnya dengan datu pangullus, orang kuat itu juga tidak bisa melepaskan dosa ibu Nai Marsillam. Di tengah perjalanan ia mendengar ada seorang peramal terkenal di Garoga-Tarutung. Jadi Ibu Nai Marsillam pergi kesana untuk menemuinya.

Adegan IV :

Nai Marsillam : Horas amang…

Peramal : Horas inang, na mahua hamu, boasa songon na gale-gale. Alai sian bohi muna hubereng nag gok dosa do hamu

Nai Marsillam : Ia Amang, sudah jauh perjalannaku hingga sampe kesini. Saya berniat untuk melepaska dosa ini. Ke datu bahkan ke orang kuat saya sudah datangi tetapi tidak ada yang bisa. Jadi saya minta bantuan amang peramal

Peramal : Oo… ai Garoga do on inang, marbahasa batak ma hamu. Nang pe songoni anggo apala dosa muna ondo hu palua pe (dengan gaya nya mencoba untuk mlepaskannya tetapi tidak bisa)Dang tarpalua be dosa muna on inang, nga marpahompu huroa dosa muna on.Hamu pe antong nga sala, tu son do hamu ro palua dosa, ikon tu pandita nama hamu lao.

Nai Marsillam : O ido ate, na nirimpu do boi hamu amang, hape meramal akka jolma na male boi do hamu. Apala palua dosa onpe so boi hamu. Molo songoni Lao ma ahu.

Narator : Demikianlah perjalanan Ibu Nai Marsillam, dari Dukun, ke orang kuat sampai ke peramal dia mencoba melepaskan dosa-dosanya tetapi tidak bisa. Di tengah perjalanan dia teringat akan perkataan peramal yang menyuruhnya pergi ke Pendeta. Kebetulan dia mempunyai kenalan seorang Pendeta boru Simare-mare yang berasal dari kampungnya bertugas di Pearaja Tarutung. Jadi dia menemuinnya.

Adegan V :

Pendeta : bah na ro do hamu namboru, tumben hamu ro tu bagas nami on, apala ahama na penting.

Nai Marsillam : Jalan ceritanya panjang inang, langsung ke intinya saja aku jelaskan. Aku sudah mulai dari Dolok sanggul, ke Siborong-borong sampai ke Garoga untuk melepaskan dosa ku ini. Tetapi dukun, orang kuat bahkan peramal yang aku temui disana tidak ada yag bisa melepaskannya. Jadi aku memutuskan datang ke Inang Pendeta.

Pendeta : Alai sai tong dope mentel hamu ate namboru, anggo bahasa Indonesia i tetap, Hape i Tarutung do nian hitaon. Songonon do namboru, manang aha pe na tataon i, ikon tu Tuhan ido pasahaton ta, dang tu akka datu hita lao. Alana hita halak Kristen dang si porseaonta na songoni. Beta rap martangiang ma hita anggiat boi malua dosa muna on (berdoa bersma sejenak, kemudian Pendeta berusaha melepaskan dosa ibu nai Marsillam tetapi tidak bisa juga)Dang boi namboru tarpalua ahu dosa muna on, ikkon hamuna sandiri do ro tu Tuhan i asa boi malua dosa muna on

.Nai Marsillam : Toe ma molo songoni inang, anggo so boi be, ba mulak ma au tu Sidikalang, mauliate ma di hamu.

Narator : Demikian juga Pendeta tidak bisa melepaskan dosa ibu Nai Marsillam. Sehinga dia memutuskan untuk pulang ke huta hatubuan Sidikalang.Setelah ibu Nai Marsillam sampai di Sidikalang, saat melintasi Gereja yang ada di dekat rumahnya dia melihat seorang anak muda yang sedang menyanyi sambil main gitar.

Adegan VI

Pemuda main gitar, sambil menyanyikan lagu natal

Nai Marsillam : (Berdoa sampai lagu natal habis, kemudian melepaskan sendiri lilitan dosanya)

Narator : Demikian jugalah dengan kita, sering kali kita berusaha ingin melepaskan pergumulan kita dengan cara hal-hal yang bersifat duniawi. Pada hal itu sangat di benci oleh Tuhan. Demikianlah jalan cerita ibu Nai Marsillam untuk melepaskan dosanya.Semoga kedepannya kita beisa lebih menyerahkan kehidupan kita kepada Tuhan.

                  *TAMAT*

1 Timoteus 1 : 12 – 17

       A.      Patujolo

Ia surat 1, 2 Timoteus dohot Titus somal do digoari Surat Pastoral, parmahanion, manang penggembalaan. Jala ia si Timoteus di goari Ap.Paulus do anakna dibagasan haporseaon (1 Tim 1:2). Jotjot do dipodai AP.Paulus si Timoteus siala bajar dope ibana asa hot marhaporseaon, mamodai huhut patupahon angka ulaon na denggan tu saluhut halak na dipasahat tu ibana. Tung dibagasan roha na gok do AP.Paulus pasahathon sipaingot, asa maporus si Timoteus sian nasa hajahaton, mampareahi hadaulaton mardongan sabam ni roha dohot hatomanon.

Ia Apostel Paulus manongos suratna on tu si Timoteus sian Makedonia hirahira taon 63 dung Kristus. Ala diida  ibana adong mara sian parpoda haliluon na boi masuk tu huria i. Ragat dope masyarakat na di Efesus manomba dohot manghaporseai Dewa Artemis (kesuburan), ima disada langgatan Kuil Diana di kota i, nang pe nunga jongjong disi sada huria. Laho do nasida tusi asa marubat, mangido pasupasu hagabeon, sinur na pinahan jala asa dapot na niluluan. Tung borat situtu do tantangan na niadopan ni huria nang halak Kristen uju i. I do umbahen diparbohali Ap.Paulus si Timoteus  laho mangaramoti  haporseaon ni huria i asa jaga jala manat unang gabe masuk poda haliluon dohot hasipelebeguon tu tongatonga ni huria i. Alai merasa ragu do si Timoteus ala manghilala do ibana dihaposoonna, jala bohama ibana mangadopi ruas ni huria na marragam haroroanna di Efesus. Ido alana dipasahat Ap.Paulus ma suratna on asa margogo si Timoteus laho patulushon ulaon panghobasion i.

      B.      Hatorangan

      1.       Ayat 12-14 ; Mandok mauliate do si Paulus ala Kristus Jesus na margogoihon ibana jala gabe haposan. On ma na gabe panindangionna di asiasi ni Debata, jala laos manogunogu si Timoteus do i asa unang ganggu rohana di na laho mangulahon panghobasionna i, ala sai donganna ni Tuhan i do ibana. Ihutni i laos ende pujipujian ni si Paulus do on siala pangaramotion ni Kristus di ibana asa boi ibana gabe parhobasNa laho mambaritahon Barita Nauli i.  Ia na jolo si Paulus panginsahi jala pangalele do tu halak siihuthon Kristus. Diulahon ibana do i diluar pamotoanna taringot tu hasintongan i. Torang do apostel i mangalapati ngoluna, dungkon i nunga ditangkup Kristus i ibana asa gabe ulaulaNa di na laho pararathon Barita Nauli i. Diboto do parulaanna na salpu i, ala ni ndnag gabe panundati i di sangkap ni Tuhanta Jesus laho pabangkit jolma gabe apostelNa. I do hinabagas ni holong ni rohaNa di jolma na mardosa i. Diparrohahon Tuhan Jesus do laho padiri jolma asa marhamubaon sian pangalele i angka siihuthon Kristus gabe parhobasNa. Tangkas do panindangion ni Apostel  i taringot tu Tuhanta Jesus. Ia apostel Paulsu ndang dipasombu gabe lam manusai jolma, alai baliksa dipabangkit jala dipadiri gabe naposoNa haposan

     2.       Ayat 15 – 17 : Ia haroro ni Jesus tu portibi on ima laho paluahon jolma pardosa tarmasuk ma disi si Paulus. Torang do diulahon apostel Paulus, haimbaruon na jinalona. Ai jumpasa ma pangantusion na sintong taringot tu Jesus Kristus i, jadi ndang holan na manghilala botulbotul do ibana sahalak pardosa alai na manghilalahon bagas ni hasalaan nang dosanai. Alai pos situtu do rohana di Debata marhitehite Jesus Kristus naung manesa angka dosana jala naumpasupasuhon asiasiNa tu ibana asa mulak tu Tuhan Jesus rohana. Dungi dipatuduhon ma sikap manang rumang mauliate ni rohana tu Tuhan i marhite pangalaho tiruan manang teladan. Ia hata Gorik "teladan" ima ‘tupos’ namarlapatan "model", "gambar", "ideal" manang "pola". Sasahalak parhalado naeng ma gabe model, tiruan, manang gombaran ni ngolu ni halak na porsea manang siihuthon Kristus. Laos si songon i do na tarida sian parngoluon ni si Paulus, dihapadothon manang dihalojahon ibana do na dihamauliatehonna i; ima mamaritahon hasintongan ni Jesus naung ro i dohot sangkap ni Debata laho patupa hasesaan ni Dosa tu hajolmaon. Jala di ayat na parpudi on ma dipatuduhon pujipujianna manang jotjot didok doxologi. Dipaboahon di pujipujianna i ia Debata do Raja na manongtong i, na so haidahan ni jolma, na so marmula jala na so marujung. Ibana do Alpha dohot Omega i ( ptds. Pangk. 1:8; 21:6 22:13). Johannes 12:34a  “Asa dialusi natorop i ma Ibana: Hubege hami di surat ni patik i, na mian do Kristus i ro di salelenglelengna”. Jala Jesus naung manghatindanghon taringot tu dirina, sian surgo i do Ibana jala laos mulak tu Surgo i maringan disi salelengnilelengna jala ndnag adong disi hamatean. Ala ni tadok ma Amen songon na nidok Ap.Paulus asa taolophon i saut dibagasan ngolunta.

     C.      Sipahusorhusoron

   Ø  Tama do hita mandok mauliate di Debata, marhite inisiatif ni Debata do asa malua hita sian gomgoman  ni sibolis dohot dosa i. Songon na tarsurat di Johannes 3 : 16 i  “Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana.” Tontu na gabe kata kunci disi ima : HOLONG, ala ni holong ni Debata (Kasih Agape) tu jolma i asa dipatama gabe parjambar di hangoluan na so ra suda i. Marhite HolongNa i dipatama hita gabe malua (merdeka) sian parhatobanon ni Sibolis.

   Ø  Ala ni i HOLONG (Kristus ) i mian ma dibagasan ngolunta (Haporseaon) laos tapaboahon ma i marhite pangalaho na gabe CONTOH, TELADAN, IDEAL, POLA, dungi GAMBAR (Imago Dei; gambaran Ilahi) asa mulak ma muse sangkap ni Debata tu hita jolma sian mulana i asa gombaran ni Kristus; ima gombaran ni ngolu na salelengnilelengna; ima pangalaho na pangoluhon ndang pamatehon; ima gombaran na manumpahi, ndang na mangarehei manang manginsahi; ima gombaran na gabe pasupasu nang las ni roha, ndang na gabe partuktuhan nang gabe arsak ni roha; Gombaran ni aleale sipardame ndada na gabe aloalo manang siparbada. Ala ni i angka na porsea i tarjou laho patuduhon sikap songon si Johannes (di epistel) dohot songon sikap ni Apostel Paulus paboahon nang patuduhon pangalaho ni ngolu na salelengnilelengna i asa sadalan ma songon I Timotius  4:7 “Pasiding ma angka turiturian na so gabeak, na so marnosan i. Pasomalsomal ma dirim mangulahon hadaulaton!” Amen.

Bottom of Form

                Bottom of Form