AJARI MA HAMI MAMILANGI ANGKA ARI-ARINAMI
Psalmen 90:1-12
Minggu Ujung Taon laos parningotan di angka naung monding, ndang laho
mangarungkari sidangolonta ganup, tarlumobi mangarungkari sidangolon ni angka
sisolhot ni donganta naung monding i. Memento
mori marharoroan sian hata latin na
marlapatan ingot ma ari hamamatem. Marujung
do saluhutna , Digombarhon do ngolu ni
jolma i duhut duhut mangerbang manogotna alai malos botarina, parsatongkinan do
anggo portibion Alai Debata do namanongtong Ibana do Debata ro di
salelengnilelengna . Ido na niondolhon ni Topik ni Minggunta marhite Psalmen on “Sai parroha i ma hami mamilangi angka
ariarinami, asa dapotan roha na bisuk hami”
Asa marbisuk ma hita laho mandalani angka ari ari ni ngoluntaon binsan
dilehon tingki parasiani di hita
Psalmen (tehilim) na mangondolhon astuan ima
“angka ende olop-olop/pujian”. Debata do mangaramoti hita di sude panggulmiton
ni ngolunta alani ingkon tangkas do pamujion ta di Debata laos di ajari do hita
laho mangaradoti dohot manghapadothon uhum ni Debata, unang sanga tarrimas
Debata mida Pangalahonta
Debata do Parasiroha Salelenglelengna
Holan Debata do
haporusanta marsundutsundut, Holan Asi nir rohaNa do na boi tarpangasahon hita,
orbuk do hita jala jolma na gok dosa , Ibana manesa dosanta angka na buni dohot
hajahatonta na sumar i marhite hatiuron ni Bohina dibagasan asi ni Hamu
angka dongan sahaporseaon, Marhite Jamita
on dipodahon ma tu hita ala
parsatongkinan do ngolunta on tapangke ma ngolunta on laho mengulahon hata ni
Debata. Ingkon marbisuk ma hita mamilangi angka ari-arinta. Molo tabereng
ditingki taon 2020 na salpu godang na masa di ngoluni jolma, pandemi covid-19
na godang mambaen jolma mate alani virus, ekonomi na merosok, godang na di PHK
sian parkarejoan, dohot lan na asing. Nang pe gok angka parungkilon na ro tu
hita, alai marhite pangurupion ni Debata boi do saluhutna ta adopi. Tapangido
ma tu Debata dibagasan tangiangta asa diajari hita mamilangi ari-arinta songon
tangiang ni parpsalmen on. Mamilangi ari-ari on marlapatan ma on mangarimanagi
manang marrujiruji taringot tu aha jala
dia ma naung taulahon di bagasan sataon bolon on,Nunga ta parhaseang Tingki
jala taulahon hata ni Debata? Songon Hata ni Endenta No 802 :1 na Mandok Pangke
Tingkim saoonari Dapothon ma Tuhani unang godang sidalian ingot Jempek ngolumi,
nunga rade hasonangan di surgoi di surgoi unang adong nanggo sada na so
parjambar disi. Dongan sahaporseaon tapangido ma tu Debata asa
dilehon tu hita bisuk laho mangalapati pardalanan ni parngoluanta on. Alani i
1.
Taorom ma mardosa dohot mangulahon
Hajahaton taulahon ma na sintong hombar tu lomoni roha
ni Debata Ringgas ma hita . Martangiang tu
Debata asa dilehon tu hita gogo dohot bisuk
2.
Lam ganda jala lam tamba ma habengeton dohot habonaron na ta ula di
ngolunta. Tapareahi ma parange na denggan, godang ma hita marsiajar laho mangantusi hata ni Debata Jala tongtong marpangunsandean tu Debata
3.
Gabe Jolma na Bisuk ma hita jala namalo marroha laho mandalani
ari ari ningolunta di bagasan pangajarion ni Debata , Asa di Ajari Tuhani hita
laho mamilangi ariari ni ngolunta Amen .
Pdt
Budianto Sianturi
Pandita
HKBP Resort Kisaran
Tidak ada komentar:
Posting Komentar