Markus 13:1-8 DUNGO MA HAMU, UNANG LILU

 

DUNGO MA HAMU, UNANG LILU

                                                       MARKUS 13:1-8

Manat unang tartuktuk, dadap unang tarrobung , berhati-hati agar tidak tersandung, pelan-pelan agar tak terpelosok. Artinya: Sebelum melakukan sesuatu lebih baik di teliti dulu situasi apa yang mau dilakukan . Alani marhite turpuk on di paingot Jesus do angka naporsea asa manat jala tongtong dungo unang olo lilu dililuhon haulion ni portibion . Diparhatopo roha  do, tongam, uli jala tongam do bagas Joro na di Jerusalem. Tarbarita do tahe i, napinajongjong ni raja Salomo na jolo. Ido na pinarhatopot ni siseanna marhite na mandok “ Bereng ma Gurunami, uli ni angka batu on dohot tongam ni angka jabu on   di roha ni siseani ia bagas joroi ima sada simbol dohot kemegahan ni halak jahudi na so tupa sega jala magargar .  Alai baliksa marasing do alus ni Jesus sian na poiningkarnna marhite na “Diida ho do jabu angka na bolon on? Ndang pasumbuon nanggo dua batu martinditindi na so gargaronna.”Marlapatan doi haulion ni sada  bagas ( Bangunan ) ndang boi menjamin keamanan manang habadiaon ni sada bangunan i, ndang sada jaminan di bangunan na megah  maringan Debata, alai di roha ni jolmai do sasintongna bagas joro ni Debata . “Pandohan ni Jesus on dilapati angka sisean songon partanda ni ari parpudi. Molo magargar do bagas Joro natogu naingkon nabinahen ni hagogoon naso halompoan nama, lam molo “nanggo dua batu ndang martindi”, ndang hapingkiran be i, ari parpudi namai (pat. Luk. 19:44).Disungkun siseani do taringot tu tingkina : Paboa ma tu hami, andigan masa i; jala dia ma tandana, paboa na songgop ma saluhutna i? Ndang dialusi Jesus taringot tu tingkina, alai: “Jaga ma hamu, so tung dililuhon halak hamu!”. Di Markus 13:33 Tagam ma hamu; dungo ma hamu, ai ndang diboto hamu, manang sadihari tingkina i! Alai anggo arina dohot sadiharina, ndang adong na umbotosa, nang surusuruan na di banua ginjang, nang Anak i; nda holan Ama i! (Mat. 24:36).

Manat Unang di liluhon Portibion

Siparrohahononta sian pandohan ni Tuhan Jesus : “so tung dililuhon halak hamu!”, Ai lan do na ro sogot manoluk Goarhu. Molo pinarrohahon nuaeng on ragam ni ajaran ni hakristenon, adong ma: - Mangondolhon habadiaon, ingkon polin – papulik diri sian nasa namarlaok budaya (adat), pandidion natutu Mambahen doktrin hombar tu nadirohana
Mambahen ajaran hombar tu nahinalomohon ni jolma, popular, menarik, ndang pola mangharingkothon ruhut Mambahen ajaran serba masuk akal; hamamalum, pasupasu (berkat) holan marhite tangiang. Sude do i manolukhon goar ni Tuhan Jesus. Di dok Jesus dope, “Ai na hehe do sogot angka Kristus pargapgap dohot angka panurirang pargapgap, patupahon tanda na balga dohot halongangan, laho mangaliluhon nang angka na pinillit, Ragam dope tahe nanaeng masa, ndang holan pangalilu dohot do haporsuhon: angka hamusuon, parporangaon bangso maralohon bangso, marluatluat, masa ma nang haleon.(ay. 7-8), na Pabalihon hamu sian huria. Na ro ma tingkina, gabe songon na mamele Debata do na mamusa hamu, anggo di rohana.(Joh. 16:2). Saluhutna i: Parmulaan ni pambebeonna do i.

Tajaha jala sai tabege do di angka barita, godang halak tartipu investasi bodong. Tergiur jolma I dibaga-baga pangomoan na godang jala ala namambetabetahon  halak na tardok boi haposan. Diperalat do angka publik figure (isara angka artis) mengiklankan angka produk asa tung pos roha ni natorop pasidohot, hape songon na nidok ni umpama: “ni rimpu pargadongan hape parhunihan, ni rimpu pangomoan hape hamagoan ”. Godang do di ari parpudion tawaran-tawaran pinjaman online, bunga ringan, proses cepat dohot kemudahan-kemudahan hape gabe mamongkik ujungna. Angka namura tarela jala ndang manat gabe korban. Adong do umpama, “Kesan pertama sangat menentukan”. Sambalik, ingkon sipamanatonta. Nuaeng on jotjot do penampilan luar mangotootoi. Sandok tahe ingkon marmanat do hita, ndang holan di ngolu pardagingon dohot do di ngolu partondion (Luk.21:8 )

Ia Tujuan ni Ngolu ni halak naporseai ima  mangulahon hata ni Debata, Manghaporseai Jesus Kristus na paluahon hita sian uhuman ni Debata di ari Parpudi i , Adong pandohan mandok “Samoramora ni jolma marhite namarnampunahon bahat angka mobil mewah tong do Mobil Jenazah manaruhon bangkena tu udean di ujung ni ngoluna  Jala sauli uli ni jabu ni jolma sahat tu namarrumangkon istana diparnamupnahon  tong do Peti mati ingananna na parpudi dung marujung Ibana . Alani unang lalap hita alani haulion ni portibion tasarihon ma arta ni hangoluan na so ra suda i, Manahan ma hita sahat ro di ujung, Tiop ma na di ho unang adong namambuat tumpalmi   , Dungo ma hita manarihon ngolu ni partondionta unang olo hita di liluhon hagiot ni portibion Amen

Panurat Jamita : Pdt HKBP Resort Kisaran

Pdt Budianto Sianturi