BAHAN SERMON JAMITA TU MINGGU XVI DUNG TRINITATIS, 19 SEPTEMBER 2021 TOPIK : NGOLU DI BAGASAN PANOGUNOGUON NI DEBATA HIDUP DALAM DIDIKAN TUHAN EV : PARJAMITA 10 : 10 – 15

 

BAHAN SERMON JAMITA TU MINGGU XVI DUNG TRINITATIS, 19 SEPTEMBER 2021 TOPIK : NGOLU DI BAGASAN PANOGUNOGUON NI DEBATA

HIDUP DALAM DIDIKAN TUHAN

EV : PARJAMITA 10 : 10 – 15                                                                           EP : LUKAS 2 : 41 – 52

 

I.   PATUJOLO

Pangantusion di rumang ni angka sipodaon na manaiti roha ni jolma mananda dohot manjalahi hapistaran manang habisuhon. I do na taida di angka buku na ginoar songon buku Poda, buku Job dohot buku Parjamita. Ia pangantusion di rumang ni angka sipodaon i jumpang do i marhite na manguhal pangantusion sian angka na masa, na ni adopan ni jolma di parngoluan siganupari. Tung so tarasam do hinaarga ni hapistaran i sian sere (Poda 16:16a) jala marharoroan sian Debata do hapistaran i (Poda 2:6). Marhite angka sipodaon i disosoi do ganup jolma mangeahi hapistaran dohot habisuhon i asa marhatauon paholang manang pasiding dirina sian nasa parulan na so marparbuehon na tama; marhabisuhon asa unang masa na mangasahon gogo, marhapistaran asa unang lilianan di tonga dalan. Asa manungguli roha ni jolma do jamita on, songon halak na porsea lam tangkas marhite hapistaran i songon angka na marroha (Epesus 5:15) manjamothon dirina unang lilianan, unang suda tingki dohot gogo, alai saut jala tulus manghobasi nasa ulaon na patut.

II.    HATORANGAN

Marhite gomabaran na jumpang di turpuk on diarahon do hita marnida parasingan ni halak na pistar dohot halak na oto. Di bagasan turpuk jamita on adong dua gombaran parasingan ni halak na pistar dohot halak na oto marhite na paandarhon rumang ni pangalaho, ima uju mangula/manjama sijamaon sada halak dohot sian rumang ni panghataion ni sada halak.

1.  Rumang ni pangalaho uju mangula/manjama siulaon

Ø  di ayat 10; tangkas do dipatudu di buku parjamita songon dia halak uju martaba mamangke tangke.

Ø  di ayat 11; dipaingot do songon dia rumang partabason na umbuk.

Gombaran ni pangalaho na jumpang di na dua ayat on, uju mamangke tangke dohot uju martabas; naeng mandok paboa nasa siulaon adong ruhut siihuthonon. Ndang bolas holan ala gogo, manang holan adong ni tingki nang dohot ala ni hapandean. Taboto ia tangke ima ulaula na tajom, na somal dipangke laho martaba, marbarbar dohot tu ulaon na asing. Alai boha pe tajom ni mata ni tangke, jumpang do tingkina matultul mata ni tangke i. Ganup do jolma umboto i, alai marasing be di rumang pangulahonna. Di deba halak, nang pe naung diboto naung majal tangke i, sai dijugulhon do martaba. Ia di na deba, holan sian pangkuling ni tangke i nunga manigor diantusi, paboa nunga dapot tingkina mangido garutan ma tangke i, jala ndada diuduti be marbarbari.. Songon i ma pangalahona, dihalak angka naung tangkas mangantusi dohot manghilala, ndada olo ibana pasuda tingki manang manungkishon hodokna ianggo so tu na marguna. Tangkas ditiop rohana paboa ngolu na mangasahon gogo ndang adong gunana, ai dos dohot na pasuda tingki dohot gogo do molo sai jinugulhon mambarbari marhite tangke naung majal. Ia halak na so mangasahon gogo, digombarhon do i songon halak na marhaseanghon hapistaran.

Marhite gombaran i idaonta ma, ia hapistaran dohot halak na pistar ima na tangkas umboto suhat-suhat ni ulaula na pinangkena, jala mangantusi ruhut mangula ulaon. Asa tardok do, ia hapistaran i manang jolma na marhapistaran ima na mangula ulaonna hombar tu ruhut-ruhut na masa diganup ulaon. Diulakhon parjamita i do muse manggombarhon hinabagas ni pangantusion taringot tu hapistaran i, songon halak na tau di ruhut, diboto ombasna dohot sadiharina, tingki mangulahon sada si ulaon. Tiruanna, di ulaon na mangharingkothon tabas-tabas (ay.11), diboto tingkina sadihari patupahon i. Molo ndang tongon tingki ni partabason i, tarlambat manang pajolo hu, ndang marniula be hapandean ni partabas. Asa nang partabason pe, di angka na manghaporluhon, ndang marguna molo so hombar tu ruhutna, jala bolas parohon jea. Asa boi do tagombarhon harugian manang jea na ro, molo so hot di ruhut. Sian tudos-tudos na jumpang hita di ayat 10 dohot 11, bolas tangkupon ni rohanta, ia halak na marhaseanghon hapistaran ima halak na tangkas mulaulaon hombar tu ruhut na masa di ganup si ulaon, jala ganup halak na marhaseanghon hapistaran ima halak naung matoras jala marhatuaon paumbuk ulaonna laho patupa na dumenggan jala siding sian bangko na mangasahon gogo.

2.  Rumang ni panghataion

Mamungka sian ayat 12 sahat tu ayat 14, dipaandar do rumang ni panghataion, ima lao patuduhon paboa marasing do rumang ni panghataion ni halak na pistar sian halak na oto. Ia taringot tu panghataion ni na pistar, didok patubu lomo ni roha di angka na umbege, alai taringot tu panghataion ni halak na oto, didok mamondut ibana sandiri. Taringot tu panghataion ni halak na oto didok, sian bonana nunga patudu haotoon jala sahat ro di ujungna paro jea. Tumangkas di paandar, ia rumang ni panghataion ni halak na pistar, ima patubu lomo ni roha halak na umbege. Ndada ala tabo ni logu pandohan i, alai marpardomuan do i tu pangalaho ro di parulaan na denggan, isara habasaron ni roha, na lambok dohot haserepon ni roha. Impola ni panghataion na songon i ma napineop ni hapistaran i, na manait roha ni halak na umbege. Naeng idaonta, ia pandohan na ruar sian pamangan ni jolma, ima na marurat sian roha parbagasan na so tarsirang sian hadirion ni jolma i, na patudu harohaon na denggan jala

songon sorminan ni hadirionna. Ndang dapot sian panghataion ni na pistar pandohan na paduru halak, na pailahon halak, na patimbo diri huhut pamenek hadirion ni halak na umbege. Di ayat 14, dipaandar do muse rumang ni panghataion ni na oto. Ima na girgir paganjang-ganjang hatana. Jolma na paganjang hatana ima jolma na mangarajumi dirina na sintong. Di bagasan panglaho i do nang bangko na so olo tumangihon hata sian donganna naeng holan ibana tangihonon. Panandaon ni diri na so ada di halak na oto, apala i do na pinatudu ni deak ni panghationna. Umbagas idaonta marhangaluton ma halak na oto, ima ala holan mangalojai dirina sandiri, songon na ginombarhon marhite halak na so mananda dalan mulak tu hutana (ay. 15). Gombaranon patudu rumang ni pangalaho haotoon, na mangula ulaon na sasintongna ndang adong gunana manang manghalojahon ulaon na so ringkot. Haotoon i mambahen tading jala lilianan halak di ulaon na so marguna jala ndang dung hea tolhas tu inganan si topotonna. Marasing jala tung andul do i sian pangalaho hapistaran i, ia halak na pistar diboto do olat ni dia na tolap gogona, diboto dohot hagaleonna jala aha na naeng sidohononna. Ndang adong tingki na marisuang manang ambolong, sude do marguna gabe parsiajaran. Dipangalaho na songon i ma tubu uas ni roha dohot haradeon manjalahi hapistaran na mamboan ganup halak marhatauon di na patupahon na patut huhut pasiding angka na so marniula di ngolu na. Marhite rumang ni pangalaho di na manjama siulaon dohot rumang ni panghataion ni sasahalak songon na pinaandar ni buku parjamita, tangkas do taida parasingan ni halak na pistar dohot na oto. Sian gombaran na pinaandar ni parjamita disungguli do rohanta marnida hinauli dohot hinabagas ni hapistaran.

III.    PANIMPULI

1.    Mangihuthon Apostel Paulus, Jesus Kristus do na gabe habisuhon di angka na porsea (1 Korint 1:30). Asa gabe hatigoran ni Debata hita di bagasan Ibana, ima patudu holong ni roha ni Debata, asa marhatigoran jolma i marojahan tu haporseaon di bagasan Jesus Kristus, jala ido dalan haluaon diangka na porsea. Jamita on manungguli rohanta, marhite na tumangihon hataNa di bagasan unduk dohot serep ni roha jumpang hita habisuhon i, jala ima na mambohali ganup hita tangkas mananda asi dohot lomo ni rohaNa asa unang tartading jala lilianan hita di ngolu sinuaeng. Alani, songon angka naung dipatau Debata marhite panghophoponNa di bagasan Jesus Kristus, tapaumbuk ma parhobason dohot parlangkaon hombar tu panogihon ni Tondi i. Sumolukhon pangalaho haserepon dohot halambohon hombar tu tiruan naung binahen ni Jesus Kristus, ai dibagasan ni i do marhatauon jala margogo hita patupa na tama huhut pasiding nasa pangalaho na mangambati, asa tulus pardalananta dompak huta situjuon na pinarade ni Debata di angka na porsea di Ibana.

2.    Olo ma hita marsiajar jala olo di ajari belajar adalah mengubah perilaku. Belajar adalah mengubah tindakan, cara kerja, gaya hidup dan praktik hidup kita. Jadi, belajar adalah mengubah diri menjadi manusia yang lain dan baru. Dalam arti yang luas, belajar adalah mengembangkan mutu pemahaman dan sikap hidup terhadap diri sendiri, orang lain, alam, benda, kehidupan serta kematian dan tentunya juga terhadap Pencipta . Belajar bijak, mengatur waktu, menjaga kesehatan, bertanggung jawab, membedakan mana yang baik dan mana yang buruk, menyuruh diri sendiri dan melarang diri sendiri. Belajar sabar, mengalah, memaafkan dan menerima keadaan. Belajar berprakarsa, memanfaatkan kesempatan bahkan menciptakan kesempatan, bekerja keras, ulet, tangguh, tahan bantingan, hemat, rajin, dan tekun; sebab perbandingan orang jenius adalah 1% inspirasi banding 99% transpirasi alias peras keringat. Belajar berjiwa besar, menghargai perbedaan, mengagumi yang berhasil, memuji yang berprestasi, membela yang kecil dan lemah, melindungi minoritas dan mengikutsertakan kaum pinggiran. Belajar menjaga keseimbangan dan keutuhan antara kesibukan dan keteduhan, antara banting tulang dan tidur nyenyak, antara urusan vertikal dan horizontal, antara mengatur diri dan mempercayakan diri. Juga antara iman dan ilmu, sebab iman tanpa ilmu adalah picik sedangkan ilmu tanpa iman adalah pincang. Hidup itu belajar. Selama Tuhan masih memberi hidup, selama Tuhan masih memberi kesempatan

3.   Topik ni minggu “Ngolu di bagasan panogunoguon ni Debata”. Halak namangolu di bagasan panogunoguon ni Debata ima na mamangke ngoluna, panghataionna gabe pasupasu di donganna. Taruli pasupasu na umbege hata ni angka na mangolu di bagasan panogunoguon ni Debata jala halak na mananda panogunoguon ni Debata di bagasan ngoluna sai marusaha do i mangolu di bagasan hasatiaon dohot parsihohoton di adopan ni Debata Amen

 Biv Heldi Nadapdap