ULAHON MA UHUM DOHOT HASINTONGAN Jamita minggu 08 Agustus 2021 Turpuk: Jeremia 22: 1 – 9

 

Jamita minggu 08 Agustus 2021

Turpuk: Jeremia 22: 1 – 9

Ulahon ma uhum dohot hasintongan!

 

Huria na hinaholongan ni Tuhan Yesus,

Di partingkian ni pandemi covid 19 on, tarbege do slogan  mandok “Pakai masker harga mati tidak pakai masker bisa mati” Ima himbauan tu  masyarakat asa sude perduli, asa sude masyarakat parduli menerapkan prokes na ditontuhon, dalan laho mangorui parhembang ni virus corona i.  Molo tois di prokes i boi do gabe malapetaka tu diri sendiri nang tu halak na asing.  Di turpuk jamita on jumpang hita do sipaingot manang lumbalumba sian Debata. Disuru Debata do si jeremia mandapothon raja ni Juda di tingki i tu bagasna, laho paingothon manang mangalumbahon mangaradoti uhum dohot hatigoran.ditongatonga ni bangso na ginomgomanna. Mangihuthon pamerengan ni Debata ndang tingkos be uhum dohot hasintongan i mardalan. Torop sian tongatonga ni bangso i na so dipardulihon gariada diperlakuhon dohot  kasar ima angka halak dagang, halak na ro,  angka yatim piatu dohot  angka na mabalu. jotjot do nasida on ndang dianturehon gabe sengsara ma panghilalaannasida. Jala pelaksanaan ni uhum i pe jotjot ndang sintong, ima na nidoknna:  hukum tumpul tu ginjang alai tajom tu toru. Lapatanna molo tu angka na gogo, paradongan, na marhuaso boi do tumpul. Alai sabalikna tu angka na susa, pogos, mansai tangkas dipatupa gariadda sahat tu na agoan hosa. Ido na nidok ni si Jeremia di ay 3 i: “unang mangarupa hamu manang mambahen gogo tu halak dagang, tu na tading di lampin dohot tu na mabalu...” Ala sasintongna tanggung jawab ni angka raja manang panggomgomi do mangondihon rakyatna, ndada gabe menindas manang marlomolomo.

Domu tusi dilehon do pilihan tu raja ni Juda, ima:  Molo olo do nasida mangaradoti Hata ni Debata  marudut ma angka raja na mabiar tu Debata songon si Daud, jala tatapon nasida ma muse angka na denggan sian Debata dohot di saluhut na ginomgoman ni raja i, ima  na nidok na di ay 4 i: “..sai adong do masuk tu pintupintu ni bagasan raja angka na marhabangsa di habangsa ni si Daud..”  Sabalikna molo so ditangihon raja i sipaingot dohot lumbalumba na pinasahat ni si Jeremia i masa ma songon na nidokna di ay 5: nunga pola maruari Ahu tu diringku ninna Jahowa ingkon gabe halongonan bagas on. Lapatanna hona uhum manang torutoru ni Debata ma nasida, rumpakhonon ni Debata ma istana kebanggan ni raja i gabe songon halongonan manang songon huta na so marpangisi ma huta i, atik pe dipatudos raja i do hauliaon ni bagas ni raja sian juda na adong di tingki i tu  haulion ni dolok Gilead dohot punsu ni Libanon, alai molo so jumpang do pangaradotion di Hata ni Debata, rimas ni Debata na ma jaloon nasida, paroon ni Debata ma jolma pangago, tabaonna ma jala rumpakhononnNa ma bagas manang istana ni juda na sian hau ares pilihan i, dung i patimpalhononna ma i tu api, laos kehancuran i ma na gabe saksi tu angka bangso na mamolus sian lambung ni huta i. Tarbarita ma nasida  so ngon raja  na so mangaradoti uhum dohot hatigoran ni Debata, atik pe sai diula nasida dope parsombaon tu Debata alai anggo di praktekna nunga marangkup Debata dibahen nasida, ima marhite na papeol uhum dohot hatigoran na sian Debata. Ala na so olo i muba angka raja sian Juda, nang pe naung dipaingot angka panurirang termasuk Jeremia saut do dipamasa Debata uhum  i tu nasida, tarbuang jala tertindas do raja i termasuk dohot deba sian bangso i.

Huria na hinaholongan ni Tuhan Yesus,  

Dia ma na naeng dohonon ni turpuk on tu hita di ari on? Ditongatonga ni ngolunta on jotjot dope tarbege adong na berperilaku na mamingkiri kesenanganna, keuntunganna sandiri gabe ndang tingkos diula uhum dohot hatigoran  i.  Tauji ma jolo taparrohahon taringot tu hatigoran manang hasintongan di masa ni pandemi on.  Ra hea do tabege  marhite angka media halak na mamangke kesempatan mambuat untung mansai godang, hape torop halak na hapusohan. Tudosan na mansai sederhana taringot tu oksigen. Disi tarboto ringkot ni oksigen tu angka na terpapar covid  manigor disangahon na deba do  menimbun oksigen, gabe langka ma jumpang di pasaran. molo adong pe jumpang tabung oksigen i, tamba ma argana sian na somal songon ido nang sebelumna, masker, handsanitiser dohot angka obat-obat tertentu sanga do langka tarida di pasaran. Sude i ala ula ula ni halak na naeng meraup untung godang. Ala molo nunga langka di pasaran tontu nangkok ma argana, godang ma masyarakat na dirugikan lumobi ma angka na so tuk sibahenonna hape barang i mansai dihaporluhon. Angka parange na songon i tudoshon tu perampokan hak do i jala termasuk do i tu angka pangalaho na so mangaradoti hatigoran na sian Tuhan i. Di angka na tois mangaradoti hatigoran ni Tuhan i dipaingot turpuk on do unang sanga masa rimas ni Debata. Hata ni umpasa mandok: Tinampul bulung sihupi pinarsaong bulung sihala, unang sumolsol di pudi ndada sipaingot na so ada. Hansit do na mangulahon uhum dohot hasintongan. Sisogo do angka na mangulahoni di pamerengan ni natorop, songon si jeremia na gabe dihasogohon dongan sahutana, alai ido parsuruon ni Debata tu ibana songon panurirang. alai di si jeremia tumagon do dihasogohon halak  alai dihalomohon Debata.

Naeng nian  marsiajar hita, asa tung boi  hita manjalo sipaingot, evaluasi, korreksi, manang sian dalan dia pe i dipatupa Debata. Molo pe hansit roha, sogo roha marrara pinggol umbegesa alai tung etongon do i sada kesempatan asa marhamubaon ni roha. Tahamauliatehon ma molo adong dope halak na olo paingothon, tarajumi ma i ala holong ni rohana do marnida hita, ala ni holong ni roha ni Debata do tu hita gabe disuru Ibana nasida paingothon hita. Alani i martangiang hita mangido hasesaan ni dosanta asa dapotan pasupasu hita, jala asa margogo hita patupahon lomo ni rohaNA.

Penulis khotbah:

Biv. Ruslyana Silalahi