PARTORDING NI ACARA ULANG TAHUN DERBUNGA BR SIREGAR (OMPU PANUTAN BORU)

 

PARTORDING NI ACARA

ULANG TAHUN

DERBUNGA BR SIREGAR

(OMPU PANUTAN BORU)

DI TANGAN SIAMUNNA DO GANJANG NI UMUR, JALA DI HAMBIRANG NA DO HAMORAON DOHOT HAMULIAON,

PODA 3:16

Sabtu 07 Juni 2025, Jln Nusa Indah Kisaran

PAMUHAI

U:        Di hamu saluhutna na marlas ni roha di bagasan tingki on, tama do hita mandok mauliate siala saluhut pambahenanNa na tu hita tarlumobi tu hamuna keluarga dison. Ibana do na mangiringiring langkamuna, diramoti do hosamuna, dipahisar pamatangmuna, diurupi hamu uju ro hagogotan. Ibana do na manumpak saluhut ulaonmuna, laos Ibana do na mangalehon ganjang ni umur dohot sude ragam ni pasupasu na mauliutus. Tongon sadarion dina boho Umur ni Inang Derbunga Br Siregar ( Op Panutan Boru ) 80 Taon, Dibaheni marlas ni roha ma hita, taolophon ma nasa pambahenanNa. Marende ma hita.

01.        Marende B.E No. 6 : 1-2  Puji Jahowa Na Sangap

Ø  Puji Jahowa Sigomgom sude parluhutan. Na manogihon ho songon niiring ni tangan. Dohot hosam, songon hombar tu roham sai diramoti Ibana.

Ø  Puji Jahowa naung tipak manompa dagingmu. Jala na tongtong manumpak hisar pamatangmu. Jotjot do ro pangurupiNa tu ho, uju ro hagogotan..

02.        VOTUM

U:           Marhite-hite goar ni Debata Ama dohot goar ni AnakNa Tuhan Jesus Kristus dohot goar ni Tondi Porbadia, na manompa langit dohot tano on.  

H :          Amen

U :          Puji ma Jahowa ale tondingku, baritahon hamu ma goarNa i, pabotohon hamu ma di tonga-tonga ni angka bangso pambahenanNa i.

H:           Puji ma Jahowa ale tondingku, jala nasa rohangku di bagasan mamuji goarNa na badia i.

U:           Puji ma Jahowa ale tondingku jala unang tung halupahon denggan ni basaNa sudena. Ibana do manesa dosam sudena, Ibana pamalum angka sahitmu sudena.

H :          Ibana paluahon ngolum sian hamagoan, Ibana martumpalhon tu ho denggan basa dohot asi ni roha.

U:           Ibana pamahap roham marhitehite denggan basa asa mulak poso ho songon pidong rajawali.

H:           Jahowa do patupahon angka pambahenan hatigoran jala dipatingkos uhum tu saluhut angka hajolmaon.

U:           Haleluya Martangiang ma hita: Ale Tuhan Debata Amanami partigor jala parasi roha di hami. Tatap ma hami na pungu dison na ro tu adopanMu na badia i. Mauliate dipasahat hami tu Ho ala nunga dipasaut Ho sangkap ni keluarga di bagasan sadarion. Na marningot do hami di patikMu asa anggiat huparhaseang hami ngolu dohot nasa na adong di hami laho mamuji dohot pasangaphon ho. Dipataridahon keluarga on do hinarga ni na marnatuatua, dipasangap nasida natorasna on uju di ngoluna. Antong tatap ma ulaon on ale Tuhannami asa hombar tu lomo ni rohaM saluhutna ulaon on. Nunga dipaloas Ho hami tu sadarion, dongani ma hami nang di ulaon on asa mamungka dohot marujung di bagasan las ni roha, jala tarpuji Ho di tonga tonga nami. Mangasahon goar ni AnakMu Tuhan Jesus Kristus, martangiang hami tu Ho. Amen.

03.  Marende B.E. No. 211 : 1 “Tuhan Jesus Siparmahan”

Ø  Tuhan Jesus siparmahan, au birubiruNa do. Jesus gok di Ho rohangku, sai ihuthononhu Ho. Sai ihuthononhu Ho, sai ihuthononhu Ho. Jesus gok di Ho rohangku, sai ihuthononku

Ho.

04 Renungan di Panogunoguon ni Debata

U :          Di na tahalashon ari sadari on, tarlumobi di gok ni las ni roha ni kelu- arga na marulang tahun sadari on, lam patar do di hita pangaramotion ni Debata di sandok pardalanan ni ngoluna. I do umbahen na didok Debata:

H :          Marende ma Ahu nuaeng taringot tu hasianku, sada ende ni haholon- ganku taringot tu porlak anggurna: Marporlak anggur do hasianku di punsu ni sada dolok na napu. (Jes. 5: 1)

U :          Jala dipangkuri, jala dijomputi angka batu sian i, jala disuanhon lopok na denggan tu si, jala dipauli sada tungkup di tongatongana, jala dihali sada pangilangan di bagasan, paimahon parbue na tonggi (Jes. 5: 2a).

Jubilaris : Nunga dibasabasahon Ho tu au hangoluan dohot asi ni roha, jala panatapMu mangaramoti hosangku. (Job 10: 12).

Keluarga: Mangendehon Lagu Rohani: Ndang Ala Ni Hagogoonki)

Dang ala ni hagogoonki, boi ahu mardalan di ngolugkon Aut unang ho na dilambungki, tung so boi ahu songon on.....

Ho do hagogoon manungkoli ahu, hubereng bohim laos martangiang ahu Mangido pangurupion di ahu, sai tiop tanganku sai togu ma ahu

Ai ho do Tuhan pargogo di ahu.....

U  :         Matua di halak natuatua do luluan habisuhon, jala halak sigodang umur panungkunan poda. (Job 12: 12).

Jubilaris:  On do las ni rohangku na umbolon: Molo hubege, diparange- hon angka anakkonku hasintongan i. (3 Joh. 1: 4)

U :          Ummarga do i sian angka mutiha, jala sandok arta hasoloan ni roham, ndang tarpatudos tu si. (Poda 3: 15). Amen

05.      Marende B.E. No. 3 : 3    Puji Jahowa Ale Tondingku

Ø  Martua halak na niondingan ni Debatanta Jahowa i. Angka na hot marhaporseaon, di Jesus Kristus Tuhanta i. Molo Debata donganmu, ndang adong hurang tuamu. Haleluya, Haleluya.

06.    Koor : Keluarga Besar Purba

07.     Marende B.E. No. 190 : 3  Las rohangku situtu

Ø  Las rohangku situtu ai parjambar au tutu. Di na denggan sasudena, pinarbaga ni Debata. Di sude na burju i mangihuthon Jesus i.

08.    Tangiang Pangondianon

09.    Koor : Ama Immanuel

10.      Marende B.E. No. 467 : 1 Asi ni rohaM Hupuji

Ø  Asi ni rohaM hupuji ala Ho manobus au. Dipaias Ho rohangku gabe soranganMu au. ingananMu rohanami tondiMi manggohi i. pangke dohot ngolunami gabe ulaulaMi.

10.       JAMITA

11.        Marende B.E. No. 188 : 1+2 (Papungu pelean)

Ø  Jahowa siparmahan au ndang hurang manang aha. Ai nasa jea dipadao do sian dorbiaNa. Tongon dibaen na lomak I, lao pangoluhon tondingki dibaen asi rohaNa.

Ø  Ditogu au tu na tio aek mata hangoluan. Dibaen do tondingki sio di dalan hasonangan. Sabam rohangku do tongtong, saleleng au di tano on baen sangap di goarNa.

12.         PANGAUHONONHON

U :        Dongan sahaporseaon, nunga itahalashon pambahenan ni Debata naung sahat tu hita. Ipe tadai ma pambahenan ni Debata huhut marpanghirimon tu adopanNa.

Kel :       Marlas ni roha  do hami dibahen  Ho  ale Debata,  Sai  pasupasu ma tongtong keluarganami.

U   :        Na marsalpuan do angka partingkian ima angka ari, bulan dohot taon.  Alai ianggo asi ni roha ni Debata na hot do ro di salelenglengna di angka na manghaholongi Ibana.

 H  :        Sai parrohai ma hami mamilangi angka ariarinami, asa dapotan roha na bisuk hami.

U  :         Antong borhat ma hita tu halasan ni rohanta, sai saut ma angka na tasangkapi saluhutna, di ulaon Las ni roha sadarion dohot di angka ulaonta siganup ari, siala Debatanta nunga saor di tonga-tonganta. Amen 

U :  Tangiang Pelean, Ale Amanami, Pasupasu Amen Amen Amen

13.       (Tangiang Pelean/ AGENDA). PASUPASU-AMIN AMIN AMIN