BARITA MARDONGAN PODA " PARDIJABU "

BARITA MARDONGAN PODA ISE DO PARDIJABU DI HAMU? Adong do pandohan par dijabu di halak batak mansai sangap do pandohan i,Ai par di jabu lapatan na tading dapoton di jabu ma i, somalna Ina do i didok angka na mangantusisa. Di jabu do gumodang tingkina,manunsi,mangalompa,manjaga dakdanak dohot paturehon jabu. Alai nunga tung marasing pangantusion anggo partingkian nuaeng,bereng ma di Sibolga, Ina do parkarejo bangunan amantai di jabu marorot, Idama di Humbang,Toba, Samosir dohot Silindung Ina do manarui kompos,marbabo,panen amanta di paula marorot hape manjaga lapo do sahat tu botari,mambahas politik,togel dohot barita ni portibion. Antong molo disungkun ise do par dijabu dohonon ma amanta do,hape taingot do uhum na tatanda gabe pasu-pasu ni Debata tu baoa, Ingkon hir hodok mu manarihon sipanganon mu,hape partingkian nuaeng gumodang do hir hodok ni amanta uju mangaltup, hir hodok na uju mangaremengi inanta naung loja sian balian ala hurang hatop masak silompaon. Tep ma adong ma sada Ina pajumpang hohot donganna Ina, boha hamu dongan Ina, molo songon i nama angka pangalaho ni amanta nuaeng, tagonan ma ita tungkar tambahon ma bah amanta i tu beko, asa adong mangurupi hamu mangangkat kompos, ala amanta so tarharaphon be, setuju do hamu?.Dang pola di alusi angka dongan na i nean. Sae do holan di engkelhon nasida. Tapaingot ma angka tondongta, keluarganta na di huta, asa di jamothon angka Ama ulaon na, jala angka ina gabe ina na padot di tonga ni bagas na.