ACARA
PARTANGIANGAN KELUARGA
HKBP
TIGALINGGA RESSORT TIGALINGGA
SELASA, 12 Mei 2020
I.
Partangiangan
Keluarga on diuluhon Ama manang Ina. Diaturhon ma na mamboan tangiang
Pangondianon.
II.
ACARA
PARTANGIANGAN
1.
Marende
BE. 161: 1 – 2 “TANGIHON ANGGUKANGGUKHON:
·
Tangihon
anggukanggukkon Asi rohaM Jahowa
Mansai tarponjot rohangkon Dibaen godang
ni dosa
Tung sura dibaloshon Ho Luhut na sala
dompak Ho, Tung ise tartahansa
·
Ai
holan asiasiMi Patupa paruntungan
Indada pambaenannami i Tung pe
marhasurungan
Sipuji diri talu do Ingkon mabiar mida Ho,
Sude marhuhuasi
2. Votum-Introitus-Tangiang (A.X/B.5 – D.VII/28)
U: Marhitehite goar ni Debata Ama, dohot goar ni
AnakNa Tuhan Jesus Kristus
dohot goar ni Tondi Parbadia na tumompa
langit dohot tano on. Amen.
Marsoara olopolop ma hamu paboahon,
patubegehon hata i, pasar hamu ma i
ro di
ujung ni tano on, dok hamu ma: Nunga
dipalua Jahowa naposoNa si Jakop.
Marolopolop tu Debata ma ho, ale sandok
tano on! Endehon hamu ma hamuliaon
ni GoarNa, marmulia ma bahen hamu pujipujianNa. Haleluya. Martangiang ma hita: Ale Tuhan Debata, Pargogo na so
hatudosan ! Holan ala ni asi ni rohaM
sambing
do, umbahen na tarbahen hami marpungu di joloM, marsada ni roha
martangiang tu Ho. Diparbagabaga Ho do di
bagasan HataM: Molo adong dua manang tolu halak marpungu marhitehite GoarMu,
lehononMu do na pinangidonasida. Ale Tuhan pasaut ma bagabagaM i, tangihon ma
pangidoannami, lehon ma na tau hangoluannami. Lehon ma di hami saleleng di
hasiangan on parbinotoan di hasintonganMi, dohot di hangoluan salelenglelengna
marhitehite AnakMu, Tuhan Jesus Kristus, Tuhar,nami. Amen.
3. Manjaha Turpuk: 1 Kronika 17: 16 – 21
U : Turpuk
dipartangiangan borngin on tarsurat di 1 Kronika 17: 16—21. Dung i
masuk ma raja Daud tu bagasan undungundung
i, laos hundul ma ibana di adopan ni Jahowa, ninna ma: Tung ise ma ahu pola,
ale Jahowa Debatangku, jala tung ise ma pola anggo pinomparhu, umbahen tung
diboan Ho ahu sahat ro tuson?
R: Angkup
ni maotikku dope i di roham, ale Debata! Pola huhut marbagabaga Ho
taringot tu pinompar ni naposom, taringot
tu na masa sogot, jala nunga ditatap Ho ahu, songon panatap ni jolma, ale
Jahowa, Debata na di ginjang i.
U: Tung
aha dope angkupni sidohonon ni si Daud tu Ho? Ala hamuliaon na
binasabasahonmu
tu naposom? Alai tahe ditanda Ho do naposomon.
R: Ale
Jahowa, ala ni ahu naposomon, jala hombar tu lomo ni roham nunga dibahen
Ho
saluhut halonganganna bolon on laho pabotohon sude angka habalgaon on.
U : Ale Jahowa, ndang adong nanggo sada
tudoshon Ho, jala ndang adong Debata
dungkon
ni Ho, hombar tu saluhut naung binege ni pinggolnami.
R: Jala
tung didia ma adong jumpang sada bangso di tano on, songon bangsom
Israel, pola tung Debata sandiri borhat
laho manobus sada bangso ainonna dohot laho mambahen Goarmu marbarita marhite
sian halongangan bolon dohot na songkal, laho pabalihon angka bangso parbegu
maradophon bangsom na tinobusmu sian Misir.
U: Ima
sahatna. Martua ma na tumangihon hata ni Debata jala na umpeopsa. Amen
4. Marende BE. 750: 1—2 “ Tu Tondingkon O Jesus”
·
Tu
tondingkon O Jesus, patolhas hataMi
Asa sonang rohagku, unang sai ganggu i.
Reff... Rohangkinon
dohot tondingkon, naeng tumangihon Ho
Dison
do au NaposoMon rade tumangihon Ho.
·
Parbadiai
ma ahu jolma na ramun i
Pangka ma au Tuhanhu manjou na lilu i.
Reff...
5. Jamita: Lukas 18: 1—8
U: Dung
i dihatahon ma tu nasida umpama sada, paboa ingkon tongtong nasida
martangiang,
na so tupa lemba.
R: On
do hatana: Adong ma di na sahuta panguhum sada; ndang dihabiari Debata
jala
ndang dipardulihon jolma.
U: Alai
adong ma di huta i parompuan na mabalu, na ro manopot ibana mandok:
Pintori
ahu maralohon alongki!
R: Jadi leleng ndang ringkot rohana. Alai ninna ma
muse di bagasan rohana: Tutu do, ndang huhabiari Debata jala ndang parduli ahu
di jolma.
U: Alai hupintori nama na mabalu on, ala
dinengnengi ahu, atik beha ro ibana maon muse manggariangi ahu.
R: Dung
i didok Tuhan i ma: Tangihon hamu ma pandok ni panguhum na geduk i!
U: Ia
Debata, tung so pintoranna ma angka na pinillitna, angka na manjou Ibana
arian
dohot borngin? Tung pangerngeronna ma di nasida?
R: Hudok
ma di hamu: Magira ma pintoranna nasida! Alai tagamon jumpang Anak
ni
jolma i ma haporseaon di tano on di harorona i?
U: Ima sahatna.
Huria
ni Tuhanta na hinaholongan di bagasan Tuhan Jesus Kristus. Tangiang ima hosa
hangoluan ni angka na porsea. Molo didok hosa hangoluan, marlapatan doi ikkon
tongtong do martangiang ganup tingki. Molo dang marsihohot martangiang, mate ma
haporseanna. Saluhut halak Kristen ikkon do sipartangiang. Ai dang dia dalanna
mangolu haporseaonna, molo so hea martangiang. Ala nii, ngolu partangiangon ima
sada kewajiban dan keharusan di angka na porsea. Boi dohonon ngolu
partangiangon ima suhatsuhat ni ngolu partondion dohot haporseaon ni halak
Kristen: 1) Parsaoran na rosu (jonok) dohot Debata. Manang ise na denggan
parsaoranna dohot Debata, tarida ma i di ngolu partangiangaon. Ai sai masihol
do halak na porsea marsaor dohot Debata marhitehite tangiang; 2) Daya tahan
mangadopi hamaolon. Halak si partangiang lobi margogo do i mangadopi hamaolon,
ala ditanda ibana Debata na tuk paluahon sian nasa hamaolon, jala sia tongtong
martangiang mangido sian Debata; 3) Panatapan tu Surgo Hasonangan ndada marroha
portibi. Halak si partangiang sai marpanatap tu Surgo Hasonangan do. Ndang
disusai pingkiranna dohot haportibion. Parroha portibi, tu hagogoon portibi do
mangido pangidoanna, alai parroha banua ginjang sai tu Debata do martangiang
mangido pangurupion.
Ringkot
ni martangiang, tangkas dipaandar di turpuk on marhitehite umpama. Diumpamahon
do sahalak na mabalu mangido pamitorion sian sahalak panguhum na so manghabiari
Debata jala ndang parduli tu jolma. Boi dohonon sahalak na tangkang jala ndang
parholong panguhum i. Mansai leleng do, ndang olo panguhum i mamintori na
mabalu i maralohon alona. Alai, ala sai didatdati jala tongtong dijugulhon na
mabalu imangido pamintorion sian panguhum i, gabe dipintori ma asa unang sai ro
be na mabalu i mangido pamintorion.
Huria
ni Tuhanta, turpuk on ndang na naeng mandok songon panguhum na tangkang i do
Debata. Ondolan ni turpuk on ima, gari halak na geduk roha jala na so parholong
olo mangalehon pangidoan ni sasahalak molo sai didatdati jala di jugulhon
mangido. Dao andul sian i ma Debata Parasiroha, mamintori hita angka na porsea
molo marsihohot hita martangiang mangido sian Debata. Ai Debata parasiroha,
parholong, jala pardenggan basa do Ibana. Sai na lehononNa do nasa naringkot di
ngolunta lobi sian na tapingkiri asalma tahaburjuhon mangido jala manghaporsei
Debata di bagasan tangiang.
Topik
Minggu on, ima Tangiang Hamauliateon. Di hita halak Batak, hata mauliate ima
hata na itapasahat tu manang ise pe ala ni burju ni roha nasida mangalehon angka na denggan di ngolunta.
Songon i ma nang tangiangta tu Debata ima tangiang hamauliateon, ala sai tongtong
do dilehon Debata angka na ringkot i di ngolunta. Tahamauliatehon ma tu Debata
saluhut natapangido i, ala pos do rohanta di bagasan haporseaon dohot
panghirimon, nunga dipasahat Debata be salahut na ringkot i di ngolunta di
tingki halehetanna. Amen
6. Marende BE. 487 “Tung Halak na Margogo”
·
Tung
halak na margogo si partangiang i
Dokdok pe sitaonon, ndang olo talu i
Pos situtu rohana di Debatana i
Tuhanna manaluhon sude pangalo i
·
Naeng
hirahira mogap dibaen sitaonon i
Marsinggang do ibana managam Tuhan i
Dung jumpang pe tingkina sumurut arsak i
Tarapul ma rohana dibaen Tuhanna i
7. Tangiang PANGONDIANON
8. Marende BE. 745: 1—2 “ Ro Pe
Habahaba” (Papungu
Pelean)
·
Sai
ro pe habahaba nang halisungsung i
Laos songon i do dosa mangago ngolungki
Soara ni Tuhanku do margogoihon au
Tung so tadingkononNa sai dongananNa au
Reff... Ndang
tarpunjung au, ndang tarpunjung au
Tongtong
do au dongananNa i do didok tu au
Ndang
tarpunjung au, ndang tarpunjung au
Tongtong
do au dongananNa i do didok tu au
·
Portibi
on na rundut alani dosa i
Alai ro Sipalua mamboan dame i
Dijaga do ngolungku ndang be marmara au
Tongtong ditogutogu sonang mardalan au
9. TANGIANG ALE AMANAMI
– Amen3x
Pelean Partangiangan Keluarga tu Huria:
Sian Hami Keluarga: _________________________________________
Godang na :
_________________________________________
( 2 Kor 9: 7b “ Ai dihaholongi Debata do
na las roha mangalehon)
Tidak ada komentar:
Posting Komentar