TATA IBADAH MINGGU LETARE HKBP TIGALINGGA

ACARA PARMINGGUON

   1. Pangaradeon:

       a. Parhalado parade diri dibilut Parhobasan ( Sude mamakke baju parhobas )

       b. Parhalado marhobas jala martangiang borhat-borhat tu parmingguon, jala di tingki masuk barisan prosesi tu gareja, marende ma Song-Leader sian BE. 789  “Lului hamu harajaon ni Debata”.

   2. Jou-jou marsomba tu Debata:   

         U:    Lan do angka ma mandok: Tung Ise ma Namarasiniroha Tu hita?

         H:           Alai ale Jahowa, sai asi ma rohaM di hami! Ai Ho do na manghaholongi hami

U:   Huria ni Debata na hinaholongan ni Tuhanta Jesus Kristus, hami saluhut Parhalado, pasahathon tabe ma tu su de hamu ruas ni huria: Asi ni roha ma di hamu, jala dame na sian Tuhanta, i ma na mangaramoti hita saluhutna.

H:   Asi ni roha  dohot holong ni roha ni Debata i, dilehon tu parroha na ias

          U : Di bagasan sadari on tung tama do hita mandok mauliate tu Debata, disaluhut pandonganion dohot pangaramotion ni Debata di sude pardalan ni ngolunta. Di ari sadari on dipaloas Debata huria-Na Mardalan dibagasan asi ni rohaNa, i Laos dibagasan sadarion Janghonon ta ma dua halak Sintua laho manghobasi HuriaNa Saluhutna i tung asi ni roha ni Debata do i tu hita. Ala ni tapuji ma Tuhanta jala tasomba ma Ibana, taendehon ma ” Asi ni rohaM hupuji ”

3. Marende sian B.E No.565: 1+3   “Las rohangku lao mamuji”          BL. 565

        ^♫♪♫ Las rohangku lao mamuji Debata Parholong I,

Songon bunga na mangerbang di na binsar ari i.

Arsak, dosa, haporsuhon mago dibaen asiMi.

Las ni roha na manongtong lehon di au Tuhanki

                                              ------   JONGJONG ------

                           ^♫♪♫ Debata Parholong roha, na manesa dosangki,

Ndang tarbaen so las rohangku lao mamuji asiMi

Sai ajari sude hami mangulahon holong I,

Asa gok las rohanami dibagasan Tuhan i.

4. Votum - Introitus (Responsoria)     

U:        Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia.  Amen.

          R:        Disuru Debata do AnakNa gabe pardengganan taringot tu dosanta.

U:        Hamu ale angka dongan, molo songoni dihaholongi Debata hita, ingkon dohot do hita masihaholongan sama hita. Haleluya.

      Sude:    (Mangendehon) Haleluya… Haleluya… Haleluya…

       U:       Martangiang ma hita. Ale Debata pargogo na so hatudosan, Amanami na di banua ginjang! Mauliate ma rohanami tu Ho, ala dilehon Ho AnakMu na sasada i tu hami jala dipalua Ho hami sian gomgoman ni sibolis. Hupangido hami tu Ho: Sai ramoti hami di bagasan hataM, asa margogo hami, jumpa masa hasusaan dohot hagogotan. Sai sesa ma dosanami dohot pangalaosionnami di hataM na badia i. Sai parbadiai ma rohanami marhitehite TondiM, jala pamasuk hami tu hangoluan sogot, asa pujionnami Ho di si ro di saleleng ni lelengna, marhitehite Tuhan Jesus Kristus Tuhannami.

                                                                                                            (Hundul)

5. Marende sian B.E No. 125:  1        “Dibaheni manggogo be”                  BL.

    ^{♫♪♫ ♫♪♫}               Dibaheni manggogo be Ma hita on sude  Mamuji Tuhan Jesus i Parasiroha godang i Sibaen las ni rohanta i Nuaeng nang sogot pe Nuaeng nang sogot pe

6. Patik :

U:        Patik di hita di minggunta sadarion i ma na tarsurat sian. Mateus 5 :8 songonon ma didok disi:

    H:            Martua ma parroha na ias, ai idaonasida do Debata

    U:            Ima sahatna antong rap magido gogo ma hita sian Tuhan Debata laho mangulahon patikNai

    H:            Ale Tuhan Debata! Sai pargogoi ma hami mangulahon na hombar tu

                patikMi. Amen.

7. Koor: Ina Parari Selasa/ Sektor V

8. Marende sian B.E No.432 :1-    “Sian hurungan ni dosangki”       BL. 292

      ^♫♪♫ Sian hurungan ni dosangki ro au tu Ho,

Ro au tu Ho. Tu haluaon di mudarMi Jesus au ro tu Ho Nasa rohangku malum, hipas,

Gabe mamora, nang pe pogos, Sian jeangku ro au tu Ho, Jesus au ro tu Ho.

9. Tangiang Mangido haluaon sian hamamasa ni parsahiton

     U =      Ale Jahowa unang uhumi hami portibion dibagasan rimasmu, jala unang ajari hami dibagasan parpiar ni murukmu

  H  = Asi ma roham di hami ale Jahowa, Angka hitir jala biahaton do hami alani sahit namasa di partingkianon Virus Covid 19 manang Virus Corona, rohanami sai marlobuk do panghorhon ni namasai, sadia lelengon ale Tuhan ? palua hami jala pamalum hami  

    H  =  Mangendehon  Ende 452 : 1 “ Na ro Pandaoni Boloni

               Na ro pandaoni bolon Ii, I ma Tuhanta Jesus

  Didaoni na marsahit i, hisar dibahen   Uli ni barita i, las ni roha Bo-lon i !    Sai   di pu-ji ro-hang-ki Je-sus, Je-sus.

    U = Sai marpangulahi ma rohaM ale Jahowa, palua ma hosanami, urupi hami ala ni denggan ni basaM 

   H = Sai olo ma Ho Ale Jahowa haporusan nami di tingki hagogotan, asa marhaposan tu Ho hami ale Jahowa angka na tumanda GoarMu

   U = Hehe ma Ho Ale Jahowa, Patoltolma tanganMu ale Debata, sai unang halupahon hami, sai ponggolhon ma botohon ni angka pangago nang angka sahit nanaeng mangago hami , patinggilma pinggolMu manangihon hami

   H=   Ale TUHAN, pargogoi ma hami Jala paherbang tanganMu Mamasumasu hami, dulo ma hami Tuhan

   Sude = Mangendehon B.E No. 733 :  “Dulo ma au on o Tuhan”          BL. 733

                          ^♫♪♫ Dulo ma au on o Tuhan  bege anggukkon,

Ro do Ho tu angka dongan topot ma au on.

Jesus Tuhan bege anggukkon,

Ro do Ho tu angka dongan topot nang au on.

   H = Ale Tuhan, hupangido hami ma tu Ho: Lehon di hami hagogogon, hahipason  nang haporseaon na togu , Lehon di hami udan pamornohi, mamornohi suansuanan nami ,  manang aha pe na masa tiponku Ho Nabasa na marholong rohai

  U  = Taingot ma hata ni Tuhanta na mandok “Pasahat ma dalanmu Tu Jahowa, Jala haposi Ibana asa Ibana Paturehon Antong holong na sian Debata margogoihon angka na porseai . Hatauon na sian Debata ma manjagai angka naposoNa sian angka parmaraan. Amen

10. Mangendehon B.E No. 128 : 4 - 5   “Ditanda Debatanta”                BL.278

      ^♫♪♫ Ditanda do nasida Dibaen holong sude

    Rohana di Ibana Nang di donganna pe

    Ai i do na mandasdas Nasida sai tongtong

        Asa tung dipatolhas Patikna i  sintong. Asa tung dipatolhas Patikna i sintong

                    .                  (Jongjong)

             ^♫♪♫ Sai songon i ditanda Tuhanta jolma i

    Na mangoloi hataNa  Di nasa bangso i

    Haporseaon i do Partinandaan i

    Padohot pangkirimon Nang haholongon i. Padohot pangkirimon Nang haholongon i.

11. Manopoti Dosa dohot Bagabaga Hasesaan Ni Dosa   

U:          Huria ni Debata na hinaholongan ni Kristus. Dibagasan unduk dohot serep ni roha, ro ma hita tu adopan ni Debata. Tatopoti ma dosanta tu Amanta Debata, jala tapangido ma hasesaan ni dosanta, di bagasan goar ni Tuhan Jesus Kristus Parasi roha i. Martangiang ma hita dibagasan rohanta be.

                 (…  hohom… musik mangendehon BE. 683 sada ayat)

H :         Ale Debata Amanami na badia jala na gok asi ni roha, manang na piga hali hami ro tu adopanMu, huparhatopot hami do sude angka dosanami na godang i. Tung mansai jotjot do hami manimbil sian dalanMu, ndang mangulahon lomo ni roham. Nuaeng ro hami tu joloM mangido asi ni rohaM: Sai sesa ma sude dosanami jala unang paingotingot sude dosanami na godang i.

H :         Ale Tuhan, asi ma rohaM di hami halak pardosa on!

U :         Unang ma pabali hami sian adopanMu ale Jahowa, ala ni dosa dohot hajahatonnami. Alai marpamuati ma rohaM di hami. Huparhatopot hami do, jotjot do hami lilu songon biru-biru masitondong dalanna be. Ndang be huulahon hami lomo ni rohaM. Asi ma roham di hami ale Debata, jala sesa ma sude dosanami.

H :         (mangendehon BE.No. 683“DiadopanMu Jesus”)

Di adopanMu Jesus, lea tutu do diringkon

Dibaen godang ni dosangkon, diadopanMu Jesus.

U :         Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho. Ndada mangasahon hatigorannami, na mangasahon as ni rohaM na godang i do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, Sipangolu hami.

H :         (mangendehon BE.No. 683”DiadopanMu Jesus”)

DiadopanMu Jesus, tarsolsol bagi rohangkon

Muba ma au tu jolo on, diadopanMu Jesus

U :         Huria ni Debata naung manopoti dosa, nuaeng tabege ma hata baga-baga ni Debata, taringot tu hasesaan ni dosanta: Songon on do hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do sipalua ho. Hasangapon ma di Debata na di ginjang!

R=       Amen !

12. Koor: Sektor I/ III

13. Marende sian BE. 649 : 1  “Haholongan Sian Ginjang”               BL. 93

    ^♫♪♫ Haholongan sian ginjang las ni roha na hot I

Tumpal ni asi ni roha sai bongoti rohangki,

Jesus na gok asi roha dohot haholongon I

Baen malua baen martua hami natahutan i.

14. Epistel:

U =   Hata ni Debata na gabe turpuk di minggunta sadari on  tarsurat di 1 Petrus : 4:12-19, tajaha ma marsingkat soring:  Ale angka haholongan unang ma jaluk dirohamuna hamohoponi, na ro manguji hamu, unang ma songon na sambar i di rohamuna

H:    Marlasniroha ma hamu marguru tu saormuna di angka haporsuhon na tinaon ni Kristus i, asa dohot hamu marlasniroha jala mariaia di na gabe patar hasangaponNa i

U:   Martua do hamu molo hona insak hamu ala ni goar ni Kristus, ala songgop tu hamu Tondi hasangapon na sian Debata

H:   Unang ma adong sian hamu mananon na porsuk ala mamunu, manang manangko, manang marjahat ibana, manang ala diantoi na so ulaonnna  

U:      Alai molo adong na manaon na porsuk ala halak Kristen ibana , unang ma hansit rohana; alai dipasangap ma Debata manjujung goar i

H:    Ai nunga jumpang tingki ni uhum madabu mamungka sian bagas ni Debata ala molo jumolo tu hita, dia ma ujungni angka na somangoloi Barita na uli na sian Debata?

U:     Jala molo sihol so malua partigori tudia ma tagamon halak na so daulat jala sipardosai?

H:    Dibaheni angka namarhaporsuhon mangihuthon roha ni Debata, dipasahat ma tondina tu panompa haposan i, marhitehite namangulahon na denggan  

U:  Ima sahatna: Martua do angka na tumangihon hata ni Debata jala na umpeopsa. Amen.

15. Koor: Ama Agave/ Lansia

16. Marende sian BE.No. 701: 1 - 2    “Tu Ho do au marpadam”        BL. 701

      ^♫♪♫ Tu Ho do au marpadan O Jesus Tuhanki,

Asa burju haposan au di adopanMi,

Sai Ho ma mandongan ni au di ulaonki.

Ajari pargogoi ma hu di dalanki

               Jongjong

   ^♫♪♫ :,: Baen ma pangkilalaan di au O Tuhanki,

Donok do Ho O Tuhan mandopang musungki.

Ragam do pangunjunan dihasiangan on,

Ho partanobatoan di paraloankon.

17.  Manghatindanghon Haporseaon:

      U:  Tahatindanghon ma haporseaonta i, songon na hinatadinghon ni                   donganta sahaporseaon di sandok portibi on. Rap ma hita mandok:

      H:    Ahu porsea ….. du. Amen !   (HUNDUL)

18.  Koor: Ina Ester

19.  Tingting/ Tangiang Pangondianon

20.   Marende sian  BE.754: 1 ...  “Gok Lasni roha”  BL. 754    (P.Pelean Ia,Ib)

                            ^♫♪♫ Gok las ni roha do au di ngolungkon

Di ngolungkon di ngolungkon gok las ni roha

Do au dingolungkon tongtong di rohangkon

Mauliate gok las ni roha maringan holongMi

Tuhan di au mauliate gok las ni roha

Maringan holongMi Tuhan di au.

                   Mardame jala sonang do ngolungkon, dirohangkon,

Dirohangkon. Mardame jala sonang do ngolungkon

Tongtong dirohangkon.

Mauliate ………

                                    ------ Musik ------

 ^♫♪♫ Gok do holong ni Jesus di ngolungkon, di ngolungkon,

Di ngolungkon. Gok do holong ni Jesus di ngolungkon,

Tongtong di rohangkon.

Mauliate ………       

          

21.  JAMITA: PSALMEN 69:30-37

22.  Marende sian BE.No.724: 1 --“Tuhan Baen ma Ngolungkon”   BL 724

                                 (Kolekte Amplop Resort )

                         ^♫♪♫ Tuhan baen ma ngolungkon, parbadiai ma di Ho,

Pangke ma nang tingkingkon mamuji pasangap Ho,

Mamuji pasangap Ho.

   ^♫♪♫  Tanganki di Ho ma I mangulahon holongMi,

Dohot pangalahoki sai hombar tu lomoMi,

Sai hombar tu lomoMi.

                                                    ----- Musik -----

                       ^♫♪♫ Hata nang soarangki pasangaphon Ho ma I,

Dohot pambahenanki pararat baritaMi,

Pararat baritaMi

23. Manjanghon Sintua

MA

1.Marende No. 156: 4 “Jahowa Tuhanki”

(Tingki marende hita, Jongjong ma  Sintua nanaeng manjalo Tohonan mangadop langgatan dipudina ma keluarga)

Sai tatap ma dison, O Jesus siseanMu. Najongjong di joloM, mangido lehononMu. Tu ganup tondiMi, nang huasona pe. Manogu bangsoMi, nang mangajari pe.

2.Manjaha ulaon ni Tohonan Sintua:

Pdt:  Hamu angka dongan sahuria! Sadari on patupaon ni Hurianta do marhite naposoNa pasahathon Tohonan hasintuaon tu 2 halak nanaeng Parhalado di Hurianta HKBP Tigalingga St. Asterius JH Lumban Batu, St Sarmaulina Br Butarbutar ,Nunga jongjong nuaeng nasida dison na itapillit bahen Sintua di tongatonganta. Naeng pangidoonnasida ma pasupasu sian Tuhanta i, asa margogo nasida mangulahon ulaonnasida.

  Antong! Tabege ma jolo pangarimpunan ni ulaon ni Sintua:

1. Pangula ni Huria do nasida mamatamatahon dongan angka na pinasahat tu nasida dohot mangaramoti parangenasida. Molo diboto nasida, na hurang ture parange ni manang ise, ingkon pinsangonnasida i, manang paboaonnasida tu Guru dohot tu Pandita, asa dipature.

2.     Mandasdas donganta tu Parmingguan dohot manangkasi alana umbahen na so ro.

3.     Mandasdas anakboru singkola, asa ondop ro.

4.     Maningkir angka na marsahit jala paturehon na ringkot tu nasida dohot na tarpatupasa, alai na rumingkot, pasingothon Hata ni Debata tu nasida dohot tumanginghonsa.

 5.     Mangapuli angka na marsak, paturehon angka na dangol dohot na pogos.

 6.     Mangapuli angka sipelebegu, angka parugamo na asing dohot angka na lilu, asa dohot marsaulihon hangoluan na pinatupa ni Tuhan Jesus.

 7.     Mangurupi paturehon angka guguan dohot ulaon na ringkot tu Harajaon ni Debata.

 3. Pandita Resort Pasahathon Tohonan Sintua: On pe, hamu na hinaholongan, naeng tangkas botoonnami burju ni rohamuna mangaradoti ulaon hasintuaon i. Dibahen i alusi hamu ma na husungkunhon on:

  1.     Na olo do hamu mamarangehon parange na tama di jolo ni Debata dohot di jolo ni jolma?

 2.     Na olo do hamu manjalo ulaon hasintuaon songon naung dipajojor ondeng tu hamu?

 3.     Na olo do hamu mangaradoti sude sian nasa roha dohot sian nasa gogomuna hombar tu Hata ni Debata?Molo naung sada rohamuna mangoloi jala marpadanhon sudena i di jolo ni Debata dohoT di jolo ni donganta sahuria on, dok hamu ma alusmuna

 3. Sintua na naeng manjalo Tohonan mangalusi:

     Na olo do ahu. Sai dipargogoi Debata ma ahu mangulahon saluhutna i.

 4. Pasahathon Pasupasu:         

            Pdt: Antong! Masijalangan ma hita, paboa hot ni padanmuna i jala paboa na olo do hamu mangula ulaon ni Debata rap dohot hami. “Sai diparrohai Tuhan Debata, Ama ni Tuhanta Jesus Kristus ma hamu, marhitehite Tondi Parbadia manghaburjuhon siulaonmuna, na pinasahat tu hamu sadari on, asa marsangap Debata di tongatonga ni HuriaNa i”. Amen.

5.  Sintua na naeng manjalo Tohonan marsinggang laho manjalo pasupasu:      (Pandita Resort Pasahathon Pasu-pasu)

6.  Pandita Resort Pasahathon tu Huria, Sintua na manjalo Tohonan:  

Pdt:    Hamuna dongan sahuria di HKBP Tigalingga on, jangkon hamu manasida dibagasan dame. Sude ma hita on manggogo tumangianghon nasida, asa manjadi ulaonnasida i, huhut manghorhon hasangapon ni Tuhanta Jesus Kristus Raja ni Huria i.

 7. Panjangkonon ni Huria:

Hujangkon hami ma tutu nasida gabe Parhalado di Huria ni Tuhanta dibagasan holong dohot dame na sian Tuhanta i.

 8.  Martangiang:

  Pdt:               Ale Tuhan Debata Amanami na di banua ginjang! Mauliate ma rohanami tu Ho ala ni asi ni rohaM di angka dongannami on. Sai tambai ma tu rohanasida angka silehonlehon ni Tondi Parbadia, asa lam marroha jala margogo nasida mangaradoti Tohonan na sahat tu nasida sadari on. Asi ma rohaM dohot di sude ruas ni HuriaM on, asa lam hot haporseaonnasida be, jala lam ture parange nasida mangihuthon Ho. Sungguli ma rohanami asa masihaholongan, unang adong sipinsangon di hami, asa lam rarat harajaonMu, jala marmulia goarMu nabadia i. Amen

9.    Manjaha Surat Pengangkatan Gabe Sintua HKBP ( Bestur Resort )

10.  Mandok Hata Sintua Naung Manjalo Tohonan

11.  Mandok Hata Panjangkonon Mewakili Parhalado/Ruas

12.  Marende No. 137: 4 “Raphon Tuhan Jesus i”  BL. 164

Tuhan, nang tu jolo on tatap hajolmaon. Sai pararat ma tongtong  hata haluaon. Tu na so tumanda Ho dohot Tuhan Jesus. Asa sasudena ro mandapothon Kristus.

 ( Jongjong sude )

23. Pangauhonon

U: Ale Tuhan Debata, Debata na tongtong, na so marmula na so marpansohotan! Hupuji hami ma Ho ala saut sude tahiM, naung singkapMu, andorang so marojahan dope hasiangan on. Ndang tarambat sibolis sangkapMu, ndang sundat tahiM na badia i dibahen dosanami, ala ni holong ni rohaM na balga na so hadodoan i.

H: Dibahen i mauliate ma rohanami tu Ho, Sipangolu hami, asa malua hami sian dosa, hamatean dohot sian uhum jala mansohot hami mangulahon hageduhon. On pe, sai asi ma rohaM di hami, togihon ma hami tu AnakMu. Ala buas do Ho mangalehon na ummargai di hami ima Holong dohot roha na ias

U: Sai bahen ma hami gabe halak na lambok marpanaili, dipanghataion dohot pambahena taruli pasu pasu hami disude ngolu nami,

H: Sai sungguli ma huriaM sadari on, asa gabe halak na marpanarihon hami tu angka dongan nami angka napogos asa marpanindangion hami songon halak na marroha jala mamaritahon Barita na Uli i tu saluhut halak, naung patar hasangaponMu, jala naung jumpang dame dohot hasonangan.

U: Sai lehon ma pintu na ungkap tu hami asa laho pasidinghon hageduon, hajungkaton nang roha parsalisian nang tongkar tongkar sian rohanami be, ala gabe parholong ma hama jala na ias roha .

H: Sai lehon ma roha na pita tu hami, habasaron dohot roha na mangaramoti HolongMi.

 U:   Sai dongan i jala pasupasu hami sude, angka na magodang ro di dakdanak asa mangolu dibagasan Holong dohot hasintonganMi

R  :  Mangendehon  BE.No.730: 4                       Sai patau ma au Tuhan.

Sai patau ma diringku ale Tuhan, Papatarhon hinauliMi Tuhan,

Suru ma TondiMi saor tu rohangki, Baen ias hata dohot parangengki.

24. Tangiang Pelean (Agenda) - Ende Pelean. No: 204, 2 - Tangiang Ale

      Amanami – Pasupasu  – Mangendehon: Amen-Amen-  Amen.