PARMINGGUON KELUARGADIGANUP BAGAS NI RUAS HKBP DISTRIK VI DAIRI MINGGU, 29 MARET 2020

PARMINGGUON KELUARGADIGANUP BAGAS NI RUAS

HKBP DISTRIK VI DAIRI

                 MINGGU, 29 MARET    2020                     =========================================================

“HASINTONGAN NI DEBATA NA PALUAHON”

I. PARHOBASON:

Partangiangan on ni uluhon ni Ama manang Ina.Diaturhon ma na mamboanhon tangiang pangondiananDiparade hian ma inganan ni pelean.

II.             PARMINGGUON: (U = Uluan; K = Keluarga)

1.         Marende BE No. 17 : 1    “Raja na tumimbul”  BL. 82

Raja na tumimbul Sigomgomi hami Jalo ma pujiannamiDenggan ni basaM do Pangoluhon hami Atik pe mardosa hamiSai apoi pargogoi hami mangendehon SangapMi o Tuhan

2.      Votum – Introitus – Tangiang

U:   Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen.

K:    Ida ma, Debata do hatuaonku, Ibana huhaposi, jadi ndang mabiar ahu, ai Tuhan Jahowa do hagogoonku dohot pujipujianku dohot manjadi hatuaon di ahu.

U:   Unang ho mabiar, ai Ahu do siluluhon ho; nunga pola hujou goarmu, ahu nampunaho.

K :    Mangendehon  Halleluya.

U:     Martangiang ma hita :Ale Amanami jala Debatanami !  Na mandok mauliate do hami tu Ho sian nasa rohanami, ala disuru Ho AnakMu, Tuhan Jesus Kristus, na paluahon hami sian dosa dohot hamatean. Hupangido hami, sai patiur jala rajai ma rohanami marhitehite Tondi Parbadia i, asa unang hu rohanami mida hametmetonNa i. Urupi hami, asa lam hutanda hami Ibana Raja naung ro i, sisombaon ni sandok jolma na di liat portibi on. Amen.

3.         Marende BE No. 121 :4   “Jesus Raja Ni Huria”  BL. 97

Angka na di pangunjunan, na manaoni parsahitanTatap ma sudena i, sai patogu ma rohana

Mangundukkon sitaononnaAsa marparbue i, asa marparbue i

4.      Patik

U:   Patik di Bagasan Minggunta Sadarion ima sian Rom 12 : 12 “ Marlasniroha ma hamu manghirim, marbengetniroha ma di haporsuhon, jugulhon hamu ma tangianga Antong rap mangido gogo ma hita sian Tuhan Debata laho mangulahon nahombar tu PatikNai

K:  Ale Tuhan Debata sai pargogoi ma hami mangulahon na hombar tu PatikMi Amen

06.Renungan Situasional Dohot Manopoti Dosa

 U:    Rap tapanghilalahon ma asi ni roha ni Debata na manggohi ngolunta. Di tongatonga ni partingkian hamamasa ni wabah pandemi virus Corona di portibi on nang di bangsonta, Debata ma na margogoihon jala patogu rohanta

K:            Ebenezer, Rasirasa nuaeng diurupi Jahowa do hita.

Marende BE 542: 1  “Naro Pandaoni Boloni”

Na ro pandaoni bolon i, i ma Tuhanta JesusDidaoni na marsahit i, hisar dibahen Jesus.Uli ni barita i, las ni roha Bolon iSai dipuji rohangki, Jesus, Jesus, Jesus.

U:     Ale Amanami jala Debatanami na di banua ginjang. Parasiroha na sumurung mida hami ! Huparhatutu jala hutopoti hami do dosa dohot pangalaosionnami na godang, Antong paluama hami sian parmaraan boloni

K:     Marende BE 542: 2

Tung sae do dosa i sude, ai nunga mate Jesus.Ndang jujuronNa i muse, parholong roha Jesus.Uli ni barita i, las ni roha Bolon iSai dipuji rohangki, Jesus, Jesus, Jesus.

U:      Debatanami, na marasiroha jala na badia, Halak Pardosa do hami. Sai unang pabali hami sian joloM ala ni dosanami i, ai ndang dihalomohon rohaM hamatean ni angka pardosa, alai hamubson ni rohana do lomo ni rohaM, asa mangolu. Sesa ma saluhut hageduhonnami dohot pangalaosionnami marhitehite pangulunami na sasada i, AnakMu Tuhan Jesus Kristus. Amen!Martangiang Dibagas Roha(Masing-masing Berdoa di dalam Hati)

U:     Bagabaga ni Debata taringot hasesaan ni dosa ta! Songon on do panghaholongi ni Debata di portibi on, pola do AnakNa na sasada i dilehon, asa unang mago ganup na porsea di Ibana, asa hangoluan na saleleng ni lelengna di ibana. (Joh. 3, 16). Hasangapon ma di Debata na di ginjang !

K:     Amen !                                                                                              

07.Marende BE No. 474 : 2 “Ingkon Jesus do Donganku”   BL.

Ingkon Jesus do donganku, molo marsitaonon au.  Tu Ibana hutinggangkon, nasa na pasorat au.  Ndang mabiar au disi, Tuhan Jesus donganki, Sai ihuthononku Jesus, oloanku nama i.

08.E p i s t e l:

U   : Tajaha ma Epistel di Minggunta sadarion ima na tarsurat diSepanya 2:1-3. Tungki ma hamu jala mardangoldangol; ho ale bangso na so umboto namaila

K   :  Tagan so songgop dope uhumi , songon hurangkam do laho salpu ari, tagan so songgop dope tu hamu parpiarni rimas ni Jahowa, tagan so songgop dope tu hamu ari pangarimason ni Jahowa

U   :  Lului ma Jahowa, sude hamu ale angka na unduk roha di tano on, hamu angka namangaradoti uhumNa: lului hamu ma hatigoran, lului haserepon anggiat tung diondingi hamu di ari pangarimason ni Jahowa Martua ma angka na tumangihon Hata ni Debata jala na umpeopsa.

K :    Amen

09.Marende BE No. 274 : 2   “Ndang Jadi Ho Mardalan” BL. 159

v  Ndang jadi ho holsoan, dibaen na porsuk iTu Tuhan i aluhon, na niarsakhonmi

Ibana sipartogi, sitiop tanganmiTure panogihonNa, di na porsea i.

10.   TANGIANG PANGONDIANON:

11.Marende BE No. 745: 1  “Nang ro pe haba haba” BL. 745

Sai ro pe habahaba nang halisungsung I Laos songon I do dosa mangago ngolungki, Soara ni Tuhanku so margogoihon au, Tung so tadingkononNa sai dongananNa au. Ndang tarpunjung au, ndang tarpunjung au, tongtong do au dongananNa I do didok tu au.                 

12.jAMITA:   2 Petrus 1:1-9

“HASINTONGAN NI DEBATA NA PALUAHON”

Dongan Sahaporseaon dibagasan Goar ni Tuhanta Jesus Kristus!

Huria nahinaholongan ni Tuhan Jesus Kristus, Selamat ari Minggu Judika ma di hita .Diarahon hata ni Tuhanta do hita di ombas on asa tongtong managam huhut manjalao hangoluan asal tongtong hita marsihohot dibagasan parange na denggan ai Hasintongan ni Debata do napaluahon Tapatupa do ibadah / parmingguon keluarga on di tonga-tonga ni situasi dohot kondisi na unik dohot na khusus. Topet do nuaeng dipatongon ngolunta tu angka na masa di lingkunganta, masyarakatta, bangsonta nang portibi, na so hea dope taadopi na sai laon. Ima alani Panghorhon ni Pandemik ( Penularan ) ni Covid 19 On namambahen hita biahaton jala godoron, Alai Hata ni Debata Paposhon rohanta asa unang mabiar hita disi Ai Debata do Siluluhon hita, jala hasintongan na do paluahon hita

Diluluhon Jahowa do hita molo

1.      Posrohanta Jala Porsea di Ibana, asa unang ganggu, lomos jala boha boha on ngolu ni naporseai , asa unang mura hita dipalindak lindak angka parpoda haliluon Dipatorang si Petrus do taringot tu hadirion ni Jesus Kristus, Ibana do sipalua hita , asal pos rohanta jala porsea di Jesus Kristus, Unduk tu hataNa dohot mangulahon lomo ni rohana. Songoni ma nang di tingki na parpudion dihamamasa ni Virus Covid 19 on, diarahon do hita asa tong jamot di angka barita barita na masa na so marharoroan sian sumber na jelas dohot akurat, asa unang tarela nasida dibahen haliluon ni angka na so maruhum jala laos madabu sian ojahan nasida nang hot i, alai baliksa asa lam patar asi ni roha dohot panandaon di holong ni Kristus.

2.       Marhaporsean na Togu, Haporseaoni ingkon papataron marhite Parange na denggan, ido ciri Khas ni halak Kristen, Hobas mangulahon ulaon na denggan antisipasit mangadapi angka namasa, unang jolo ro udan asa taparade saong saong ( Payung ) Alani ingkon sigop jala tinggil do hita mangeahi hahipason ni pamatang nang partondionta. Diayat 1-2 Disok Si Petrus “Singkop ma di hamu asi niroha dohot dame marhite panandaonmuna di Debata dohot di Jesus Kristus Tuhantai” Ingkon adong do panandaon na mansai tangkas tu Tuhani” ai molo mansai gomos panandaonta di Tuhani lam hot tamba ma pasupaNa tu hita

3.       Marbenget ni roha : Habengeton ima haradeon manaon didok di Roma 12: 12 Marlasniroha ma hamu manghirim, marbengetniroha di haporsuhon Jugulhon hamu ma tangiang, Habengeton ima habaranion manjala dohot manaon haporsuhon , margogo dohot manghamonanghon haporsuhon i gabe lasniroha kita Harus Memliki AQ ( Adversity Qusien ) Kemampuan Bertahan di dalam penderitaan dan memenangkannya . Dinamarungkil hita di namasaon di panghorhon ni Covid 19 on Dibagasa haporseaon di Jesus Kristus Ingkon hamonanghononta doi. Taingot ma hata ni Tuhanta di Rom 5 : 3- 5 Dihorhon Haporsuhon i do habengeton jala dihorhon habengeton ni rohai do hatauon jala hataouni manghorhorhon panghirim on jala ndang na murak panghirimoni. Antong manghirim ma hita dibagasan habengeton di hamamasa ni angka na masa ai mardongan haporseaon 

4.       Marhabisuhon “Arete” ima marhabisuhon laho mangalo poda na lipe sian angka panurirang pargapap, adong habaranion di hita laho manghatindanghon haporseaon di Jesus Kristus atik pe godang jolma na somanghalomohonsa

5.       Marhadaulaton , Ima marpangoloion tu Debata dibagasan hasintongan Manghobasi angka na ringkot di dongan dohot di Debata

6.       Marholong ni roha;  Holong ni roha ima sada tanda posni roha di Debata, asa masihaholongan ma angka na porseai molo tung rope angka na masa, parungkilon na manosak .

7.       Marpanandaon na sintong tu Debata, tatanda Ibana Tapajonok dirinta tu Ibana asa unang golom ria ria panandaon ta di Ibana taingot ma hata ni Endeta na mandok BE 128 :1 Ditanda Debatanta Na di Ibana i Na metmet nang na balga Di nasa bangso iNdang mago loasonNa Nang sada sian iDitogu  do sudena Tu hasonangan i.  Ditogu do sudena Tu hasonangan i

Dongan sahaporseaon dibagasan goar ni Tuhanta Jesus!

Dipasupasu ma hita sude pangisi ni bagas on. Dilehon Tuhanta ma di hita gogo mangadopi manang aha pe angka na masa di ngolu on. Sai di Luluhon Jahowa ma hita, jla di palua Ai Hasintongan ni Debata do Napaluahon. Amen

Praeses HKBP Distrik VI Dairi

Pdt. Winner Sitorus, STh, M.Min

13.Marende BE 769 : 1 …  “Tu Debata Do Panghirimonhi” (Persembahan)

Tu Debata do panghirimonhi, Di tano laut nang awangawang i
Ibana do haposanhi, Tongtong do diramoti langkangki
Reff.   Torop pe mara manahopi au, Debatangki do sumarihon au

             Pos rohangki, sonang do au, Ibana do na mandongani au

U   :  Tatangianghon ma peleanta: Ale Tuhan Debata Amanami, haroroan ni saluhut pasupasu na mauliutus, godang do hujalo hami sian asi ni rohaM. Mauliate ma di Ho, hupasahat hami ma nuaeng peleannami tu Ho, sai jalo ma i gabe pelean na hushus di di joloM. Pasupasu ma na niula ni tangannami jala ajari ma hami manghamuliatehon saluhutna i marhite parange nang pambahenannami. Ungkap rohanami asa sai ringgas hami pasahat pelean tu Ho hombar tu asi ni rohaM naung hujalo hami, marhite Kristus Jesus Tuhan nami. AMEN

 K  :  (Rap Mandok): Tangiang Ale Amanami.

======================================================

Pelean Amplop Parmingguon Keluarga, tu Huria :

Sian  Hami Keluarga : ..........................................................................

Godang na      : ..........................................................................

II Kor 9:7b “Ai dihaholongi Debata do na las roha mangalehon!”.