EP: I KORINT 10:18-26 TOPIK: GURU DI DEBATA DO PORTIBI ON RO DI NASA ISINA

SERMON PARHALADO HKBP MADUMA RESORT AGAPE PANGKALAN KERINCI

JUMAT, 29 MEI 2026

TOPIK: GURU DI DEBATA DO PORTIBI ON RO DI NASA ISINA

EV: Psalmen 50:7-15                                                   EP: I KORINT 10:18-26

                             Parhalado HKBP Maduma Resort Agape Pangkalan Kerinci

I.             PATUJOLO

Surat 1 Korintus 10: 18 – 26 on, patoranghon tu hita, adong do dua horong ni halak Kristen di kota Korintus hatiha i. Horong Kristen na parjolo ima, angka horong Kristen na marhaporseaon na togu tu Debata, jala ndang mabiar nasida mandohoti upacara ugamo na asing na adong di kota Korintus i, manang gabe menjurus tu paganisme (kepercayaan kepada dewa-dewi) (bnd 8:10), suangsongoni kelompok Kristen on ndang mabiar nasida manuhor jagal na naung pinelehon gabe pelean situtungon tu ganaganaan, ala ndang marpangkorhon i tu haporseaon nasida. Horong ni Kristen na paduahon: ima angka halak Kristen na marhaporseaon na “na so togu haporseaonna” (lemah) (Lih. 8:11). Horong Kristen on ima halak Kristen na hatophatop boi terpengaruh jala gabe lilu haporseaon nasida. Alani i dibagasan turpuk on apostel Paulus patorangon 2 hal, naparjolo ima taringot diorai apostel Paulus do marsomba tu ganaganaan (begu), na paduahon mangaloas halak Kristen di kota Korintus laho manganthon saluhut na ginagadis di parjagalan di kota Korintus.

II.          HATORANGAN NI TURPUK

Dibagasan turpuk on, Apostel Paulus paingoton haporseaon na marsitutu tu Debata Jahowa, ala tangkas diadopi apostel Paulus dua horong halak Kristen na adong di kota Korintus. Horong Kristen na parjolo, ima horong ni halak Kristen na marhaporseaon na gogo, ima nasida ndang mabiar mandohoti upacara keagamaan na marsomba tu ganaganaa, ala tangkas di rajumi nasida ndang manghorhon tu haporseaon nasida ulaon si songoni(tidak menggangu iman mereka kepada Tuhan). Alai dison diida apostel Paulus, kelompok Kristen na parjolo on gabe mangulahon Sikretisme (pencampuran dua kepercayaan). Alani i, gabe didok Apostel Paulus tu horong Kristen na parjolo i asa molo marhaporseaon na gogo nasida tu Debata unang gabe didohoti nasida upacara keagamaan sian ugamo paganisme na adong di kota Korintus, ala manghorhon tu horong Kristen na paduahon ima angka halak Kristen na so gogo haporseaonna, songon na tarsurat di ayat 23 “Saluhutna jadi do, alai ndang saluhut marguna; saluhutna jadi do, alai ndang saluhut patoguhon”.

On ma inti point na parjolo sian turpuk jamita on, taringot penilaian ni apostel Paulus tu kelompok Kristen na marhaporseaon na togu tu Debata, asa holan Debata sambing na disomba jala dihaporseai nasida, unang gabe parsidohot nasida mandohoti ulaon perayaan keagamaan na adong di kota Korintus. Jala molo taida di ayat 20 hata ni apostel Paulus na mandok “Alai ndang lomo rohangku, hamu saor tu angka begu!”, hata begu dison ima taringot marsomba tu angka na di duru ni Debata (berhala)marhite ayat on dipaingoton apostel Paulus muse tu kelompok Kristen na parjolo i taringot patik naparjolo dohot napaduahon. Songon halak Kristen Yahudi apostel Paulus tontong do ditiop nasida ima taringot ajaran ni si Musa.

Molo taida di ayat 21 gabe lam dasip taringot panindangion ni apostel Paulus taringot Debata tu angka horong Kristen naparjolo na adong di kota Korintus, ia holan Debata sambing ma na boi sisombaon. “ndang tarbahen hamu partohap di langgatan ni Tuhan i huhut di langgatan ni angka begu”. Ai pangkataion ni Apostel Paulus on sarupa songon pangkataion ni Tuhanta Jesus Kristus di Mateus 6:24 na mandok “Ndang haoloan sada halak dua induk….”. Alani i tangkas do molo sian ayat 18 sahat tu ayat 23, tujuan ni apostel Paulus dinalaho paingoton angka kelompok Kristen na parjolo ima na marhaporseaon na togu asa marsitutu nasida marsomba holan tu Debata sambing unang gabe parsidohot nasida marsomba tu ganaganaan (marsomba tu begu/dewa-dewi).

Poin na paduahon di turpuk on, ima taringot songon dia apostel Paulus dinalaho mangalehon pamikirion tu kelompok Kristen na marhaporseaon na metmet tu Debata, taringot “jagal” na ginadis di parjagalan di kota Korintus. Ala adong do pemikiran di nasida ima taringot molo jagal na naung dipasahat gabe pelean situtungon tu angka ganaganaan na adong di kota Korintus ndang boi be dipangan halak Kristen. Hape taringot pandangan i, pemikiran ni apostel Paulus ndang gabe masalah atik pe naung sanga gabe pelean situtungon alai tong do boi dipangan ima taringot jagal na naung sanga gabe pelean situtungon tu angka ganaganaan di kota Korintus. Songon na tarsurat di ayat 25 na mandok “Pangan hamu ma sian saluhut na ginadis di parjagalan i, unang nirisihan, ala ni panggora ni roha i!”. Ala adong do pandangan ni apostel Paulus na mangajarhon: Didalam Kristus, Allah menyucikan segala sesuatu, sehingga tidak ada makanan yang haram secara rohani (Lih. Kis 10:15).

Di ayat 26 didok Apostel Paulus do Gok di Tuhan I do tano on ro di isina, disungguli Ibana do sude marharoroan sian Debata do na adong di tano on, angka na denggan , marharoroan sian Debata sambing do. Alai saluhutna di patupa laho dalan pasangaphon Debata sambing do di ngolu ni jolma.

III.       PANIMPULI

-          Manjamothon haposeaonna

Halak naung targoar na porsea tontu halak naung dipaimbaru ngoluna jala na sai holan manghaporseai Debata. Mamboto dia lomo ni roha ni Debata asa unang gabe madabu tu angka ulaon na manduahon Debata ala Debata na tahaporseai ima Debata sasadasa do. Alani molo nunga targoar partohap diroti na sasada I ima roti hangoluan na diboan Tuhan Jesus Kristus ganup na sai mangalehon dirina holan tu Debata dapotna do hangoluan na salelenglengNa. Songon na pinangidoNa sian bangso Israel asa gabe bangso na badia ma nian nasida ala na badia do Debata hape sai dilaosi patik ni Debata gabe uhum do jambar nasida. Ido nang dihita halak batak pe adong do hata na mandok molo binahen tu halang-ulu hape laho tu talaga. Nang ditongatonga ni huria Korint pe ragam do angka parhaporseaon na lipe manang na lilu na sai mamelehon sipanganon tu begu songon tradisi ni halak batak na uju I sai olo mamboan songon sigaret tu kuburan dohot lan na asing. Sai adong dope dingolu on pantang manapu borngin, mambaen demban tu hau na bolon,Alani jala tapaholang ma dirinta sian angka ulaon hasipelebeguon singononi.

-            Manjamothon pangalahona

Didok istilah ala bisa karena biasa, tu na denggan ma nian unang gabe tu pangalaho na so denggan tarlumobi na so hombar tu lomo ni roha ni Debata. Alani ido nang marhite turpuk on pe dipaingot do angka huria na di Korint asa jamot dipangalahona unang tarihutihut di angka hasomalan manang pangalaho na so denggan. Karakter ni jolma na umura lohot ima “ Maniru/mencontek” hape ndang tangkas jotjot diboto sasintongna lapatan manang naso marlapatan do I dingoluna, ido umbahen didok diayat 23 “ saluhutna jadi do, alai ndang saluhutna marguna, saluhutna jadi do alai dang saluhutna patoguhon”. Amen