SI HOBASI HATA I

Rabu, 03 Juli 2024

ACARA IBADAH GRAND OPENING HOTEL KISARAN BARU

ACARA IBADAH GRAND OPENING

HOTEL KISARAN BARU

JLN KARTINI KISARAN

KEL BESAR P.SINAGA, SH, MH/BR SIJABAT

OP DEBORA NALA

I. Di Pelataran Hotel

Pangaradeon : Sude Keluarga dohot undangan nunga marpungu di jolo ni Hotel Kisaran Baru

01. Marende B.E No. 565 :1-2 Lasrohangku Lao Mamuji

v Las rohangku lao mamuji Debata Parholong i

Songon bunga na mangerbang di na binsar ari i

Arsak, dosa, haporsuhon mago dibaen asiMi

Las ni roha na manongtong lehon di au Tuhanki

v Sude jadijadianMu, laut, tano, langit i

Angka bintang dohot bulan nang mataniari i

Hauma, ladang, nang harangan, rura dohot dolok i

Saluhutna mangendehon sangap di Tuhantai

2. PENGGUNTINGAN PITA

K : Sian asi dohot holong ni roha ni Jahowa do hupungka jala hupasidung hami bagas on. Mauliate ma di Debata, dipasupasu Tuhan I ma hami saluhut pangisi ni Hotel on.

U : Inganan pangalapan tua, pasu-pasu jala hasonangan ma inganan on di hamu tumpahan ni Debata marhitehite Tuhan Jesus Kristus

( Digunting ma Pita Oleh Ny P Sinaga/Br Sijabat )

3. Membuka Selubung ( Molo Adong )

U : Dibagasan Roha na mariaia Hubungka hami ma Selubung ni Hotel Kisaran Baru on Tuhanta ma na mamasumasu dohot namangaramoti, saluhut halak na marborngin dison diramoti angka parkarejo di inganan on

4. Pasahat kunci ni bagas tu Uluan

K: Hupasahat hami ma kunci ni Hotel on tu hamu panditanami. Dipasupasu Tuhanta do hami saleleng on na paulihon Hotel ( Parborngnan on ) sahat tu na dimpos. Ungkap hamu ma asa masuk keluarga on rap dohot sude naginokhonna. Sai dipasupasu Tuhan i ma sude pangisi ni Hotel on.

5. Mangungkap Pintu ( Pandita/Uluan)

U : Huungkap ma Pintu ni hotel Kisaran Baru on,( Bagas Parbornginan on ) marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Porbadia. Amen. Horas ma hamu di Inganan on. Inganan na ginohan ni Dame dohot holong ni roha ni Tuhanta ma bagas on di hamu. (Masuk ma tu bagas laos hundul be ma hombar tu inganan naung diparade)

II. ACARA PARTANGIANGAN

02. Marende B.E No. 361 : 1

v Na denggan situtu do mamuji Debata. Jahowa na tumimbo Na sai tongtong basa. Denggan do paboahon Manogot asiMi. Bodari mangendehon BurjuM nang sintongMi

03. VOTUM

(U : Uluan, H : Huria , Kel : Keluarga)

U: Marhite hite Goar ni Debata Ama, AnakNa Tuhan Jesus Kristus dohot Tondi Parbadia Amen ,. Di hita na marpungu marlas ni roha tongon sadari on, tama ma hita mandok mauliate tu Tuhanta siala pasupasuNa na so habilangan hita na tongtong sahat tu ngolunta. Nunga simpul jala tipak ojak inganan on ima bagas na pinauli ni pande bagas. Jala dibagasan sadarion tahalashon marhite Grand Opening Hotel Kisaran on, dalanta martangiang tu Tuhanta asa dipasupasu Tuhanta inganan on

Kel :Mauliate ma rohanami di Ho Ale Jahowa na marmudu hami, lumobi di pasupasuM naung mangalehon ingananan on di hami, ima nagabe ingan sopo panisioan inganan parmianan jala inganan parbornginan, laos ajari ma hami Tuhan asa tongtong huhamauliatehon hami pasupasuM jala hubahen hami inganan gabe pamujion di GoarMu. Inganan parborngian jala inganan parmianan ni torop halak ma on Sai Pasupasu ma na ro dohot na ruar sian Inganan on

H: Nunga jumpang naniluluan dapot najinalahan laos tulus nasinangkapan nasida. Molo so Jahowa paulihon bagas, loja sambing ma angka namamandei, molo so Jahowa na marhal huta i, ndang marniula hadudungoni parhal, Molo Jahowa do napaulihon dohot na marhal Dapotan tua ma pangisi ni bagas on sadarion , ai pinompar ni si Abraham do nasida

U : Mangasahon Jahowa, sai hamonangan do parjambarata, marhaposan tu Jahowa ma ho sian nasa roham, jala unang marpangunsandean ho tu pingkiranmu sandiri, sai Ibana ma tanda di nasa dalanmu asa Ibana patigor angka dalanmu. Tu Jahowa ma giling angka pambahenanmu, asa tulus angka sangkap ni roham. Sai jagaon ni Jahowa do ho sian nasa parmaraan, sai jagaonna do tondim , Jahowa do sijaga ho, Jahowa do parlinggomanmu dilambung ni tanganmu siamun

Kel: Jahowa do pargogongku dohot lombulombungku, marhaposan tu Ibana do rohangku, jadi dapotan pangurupion ahu asa marolopolop ma rohangku jala pujion ni endengku ma Ibana.

U: Sai tumpahi ma bangsoMi jala pasupasu bangso na niainMi, sai parmahani jala usungi ma nasida rodi salelengnilelengna. Ai sai tumpahan ni Debata do Sion jala paulionNa do angka huta ni Juda asa maringan nasida disi jala nampunasa. Asa pinompar ni angka NaposoNa i tumeansa sogot, jala angka na manghaholongi goarNa maringan disi. Martangiang ma hita: Ale Jahowa Debata parasiroha na sumurung, mauliate hudok hami tu Ho, On pe, ale Debatangku! Sai tonggor ma mataM, jala tinggil pinggolMu mangalusi tangiang di inganan on!. Ditatap Ho do ale Tuhan di tongatonga ni bagas ni dongan nami on, di las ni roha ni nasida, bagas on dilehon Ho tu nasida. Ale Tuhan, rap mandok mauliate do hami tu Ho, TondiM ma natongtong mian di tonga ni bagas on laho mandongani dohot mamasumasu pangisi ni bagas on, suang songon i ma ganup na bongot dohot na ruar sian bagas on dapotan pasupasu dohot las ni roha. Asi ma rohaM ala ni AnakMu Tuhan Jesus Kristus, Tuhan nami, Amen.

03. Marende B.E. No. 12: 2-3

v Huboto Ho do mual ni na denggan sasude. Dilehon Ho do sian I godang di hami be.

v Ai aha na adong hian di hami na lea. Sude dilehon ho nian o Tuhan debata.

04. Pasahathon Hotel Kisaran Baru Tu Debata

U: Hamu nahinaholongan dibagasan Jesus Kristus Tuhanta i. Taboto do, ditangihon jala dioloi Tuhan Debata do pangidoan ni angka na porsea di Ibana, laho pajongjongkon inganan on, tau inganan parmianan ni hamuliaon ni Tuhanta huhut inganan panisioan dohot parbornginan ni angka na torop na humaliang

H: Hupasahat hami ma Hotel on tu bagasan hamuliaonMu, dame dohot las ni roha ma di sude pangisina.

U: Topot ma hami marhite Tondi Parbadia, asa lam hot haporseaonnami jala tarhatindangkon hami Ho sahat ro di ujung ni ngolunami di hasiangan on.

H: Sondangi Hotel on dohot sondang hatiuron sian surgo, asa tahi ni parjahat, sibolis dohot huaso ni haholomon dao sian Hotel on.

U : Sai jumpang ma Ho di bagas on marhitehite Barita Nauli i ma hataM na Badia i, laho paubahon, mangapuli, mangalehon gogo jala na pasonangkon rohanami.

H: Pangke ma Hotel Kisaran Baru on Tuhan gabe habaoran ni pasupasum, asa marhite Hotel on lam tarpasupasu hami jala martamba bilangan ni na porsea di goarMu.

U : Di bagasan na masihol dohot na mangkirim hami di sada Bangunan na hinalomohon ni rohaM, sai lam tambai ma angka silehonlehonMu dohot asi ni rohaM tu keluarga on. Sai pauli jala padenggan rohanasida marhite Tondi Parbadia, asa tau nasida bahen ingananMu. Sai parmahani ma nasida di ganup langkana siganup ari.

H :Tanda mauliate ni rohanami di pasupasuM tu keluarga na pajonjong Hotel Kisaran Baru on, tanda mauliate ni rohanami tu angka pande na patulushon pembangunan ni Hotel Kisaran baru on, huundukhon hami ma tu adopanmu na badia i, hupasahat hami ma Hotel on tu Ho Tuhan, jala pasupasu ma.

U + H : AMEN

05. Marende B.E. No. 470: 1+6

v Jesus Ho nampuna au dohot na adong di au. Gogo dohot hosangki sahat ma tu tanganMi.

v Pinangido ma tu Ho, rohangki pe dohot do baenonMu, Tuhanki, tong tu harajaonMi.

06. Tangiang pangondianon

07. marende B.E. No. 467 : 1

v Asi ni rohaM hupuji ala Ho manobus au. Dipaias Ho rohangku gabe soranganMu au. ingananMu rohanami tondiMi manggohi i. pangke dohot ngolunami gabe ulaulaMi.

08. JAMITA :

09. Marende B.E. No. 753 : 1+2 (Papungu pelean)

Di pardalanna Jesus di jolongku, holong ni tanganMi manogu au. Nang di ngolungku Ho do sombaonku, tung sonang mardalan raphon au. Huboto do tangkas panoguonMu, diiring-iring Ho do langkangki. Sahat ro di ujung ni pardalanku, togu ma au

jonok tu lambungMi

v Patogu ma Tuhan haporseaonku, asa polin tu Ho manghirim au. Tu surgoi patulus pardalanku, tondiMi maringan ma di au. Huboto do……….

10. PARSURUON

U :Ale Tuhan Debata, parasi roha na sumurung. Mauliate ma dipasahat rohanami tu Ho, ala godang ni asi dohot holong ni rohaM. Diurupi Ho do dongan nami on pauli bagas inganan parborngina on on sian na mamungka sahat tu na paujunghonsa. Ndang tagamon so godang halojaon, parungkilon, dohot holso-holso ni roha nasida papungupungu sinamot na ringkot tu pembangunan ni bagas Hotel on. Alai tung dipasingkop Ho do na ringkot tu ulaon I, gabe dimpos jala sirsir saluhutna songon na hubereng hami nuaeng. Pasu-pasuM do i Tuhan, jala hupuji hami ma goarMu alani saluhutna i.

K : I ma tutu Tuhan, di Ho ma puji-pujian nami arion ro di saleleng ni lelengna.

U : Di naung hubongoti hami jala dihalashon hami bagas on sadarion, hupasahat jala hupanggomgomhon hami ma tu Ho saluhut pangisi ni Hotel on, Halak na ro marborngin dison nang lao ruar sian on mulai sian na metmet saht ro di na magodang, sisolhot, ale-ale, ro di angka arta nasida. Mian ma Ho di Inganaon on marhite-hite TondiM, sai ramoti ma nasida mangingani inganan na uli on asa tongtong di bagasan hahipason..

Kel : Ima tutu ale Tuhan, suru ma Tondi Parbadia tu ganup hami pangisi ni ingana on,dohot sude angka na mangulka di ingan on asa jumpang hami dame, las ni roha, hatuaon, parsaoran na tama, asa masa di hami holong na masihaholongan marhite-hite goar ni Tuhan Jesus Kristus Tuhannami.

K : Sai parrohai ma hami mamilangi angka ariarinami, asa dapotan roha na bisuk hami.

U : Antong borhat ma hita tu halasan ni rohanta, sai saut ma angka na tasangkapi saluhutna, di ulaon sadarion dohot di angka ulaonta siganup ari, ai nunga ro Debata tu tonga-tonganta.

U : Tangiang Pelean+Ale Amanami…….+ Pasupasu

H : AMEN….AMEN….AMEN

III. Acara Nanamngihut (diatur tersendiri)

Rabu, 29 Maret 2023

H : Hosom O : Ormus T : Teal E : Elat L : late Gabe H : Holong O : Ondop T : Tu hita E : Eahi L : Lasniroha ( HOTEL ) Jamita Peresmian Hotel Kartini Kisaran

Turpuk: Jeremia 29 : 5 +7

29:5 Pauli hamu angka bagas, laos ingani hamu, jala pungka hamu angka porlak, laos pangan hamu parbuena

Dirikanlah rumah untuk kamu diami; buatlah kebun untuk kamu nikmati hasilnya;

Ringkoti hamu huhut hasonangan ni huta habuanganmuna na hubahen i, jala tangiangkon hamu nasida tu Jahowa, ai molo marhasonangan huta i, marhasonangan ma dohot ham

Usahakanlah kesejahteraan kota ke mana kamu Aku buang, dan berdoalah untuk kota itu kepada TUHAN, sebab kesejahteraannya adalah kesejahteraanmu.

Dipataridahon si Jeremia do dirina songon halak na pinillit ni Jahowa. Nang pe songon i na masa, ndang gabe sumurut Jeremia laho manghatindanghon Hata ni Jahowa. Diulahon ibana do parsuruon i di bagasan unduk ni roha dohot pangoloion na tangkas. Diarahon si Jeremia marhite surat on tu bangso i asa mangantusi dalan ni Debata marhite na ingkon mangundukhon diri tu Babilon. Sada dalan do i asa unang mangasahon diri bangso i tu gogona, alai ingkon unduk ma tu nasa na sinangkapan ni Debata tu ngolu ni bangso i.

Songon i nang di hita angka siihuthon ni Kristus. Taboto jala tahilala do parngoluan na itabolus sahat tu tingki on. Ragam ni angka na masa, lumobi pandemi Covid-19 na so marnasalpu sahat tu sadari on. Maol, parir jala dokdok do na tataon nuaeng. Jala sahat tu nuaeng,. So holan i, na dohot do marhorhon tu angka ngolu perekonomian ni bangsonta sahat tu hita. Ditamba muse angka cuaca ekstrem na mambahen angka pangula tumatangis mangadopi angka arga ni suansuanan na so songon na somal jala hasil na so songon angka taontaon na salpu. Alai mandok mauliate do hiita tu Debata ala boi Jongjong inganan parbornginan nauli on ima Hotel Kartini on

Alani i ma, ro hata ni Tuhanta on na laho mangapuli rohanta jala manungguli hita di ngolu ni haporseaonta. Ringkot tahangoluhon, ndang adong sangkap ni Tuhan i laho manadinghon hita. Lam dilehon do tu hita nasa dalan na ummuli asa boi idaonta holong ni rohaNa tu hita. Tangi ma hita di soaraNa na ro tu dirinta.

Pauli Ingananan mu dohot inganan ni dongan mu, PAULI HAMU MA ANGKA BAGAS jala pungka hamu Parbuena

Sada bagabaga na pinasahat ni Jahowa tu bangsoNa hatiha i. Sian hata on, dipataridahon panarihon na naeng lehonon ni Jahowa tu bangsoNa. Ndang diloas angka bangsoNa haraparon. Didok asa “dipauli nasida bagasna” asa tung boi nasida maringanan jala manguduti parngoluonna.

Jala didok asa dipungka nasida angka porlak, disi do naeng dipasahat pasupasuNa tu angka bangsoNa, asa tarpasupasu tano na niinganan ni nasida. Gabe marparbue ma tu hangoluan nasida siapari marhite sipanganon na naeng panganon ni nasida laho manguduti parngoluonna.

Songon i nang hita na manghilala dope pasupasu na nilehon ni Tuhanta di ngolunta. Molo hot hita di hataNa jala mangolu di bagasan panghirimon tu Ibana, sai pasupasuonNa do nasa na taula. Gabe mangalehon parbue na denggan ma i di ngolunta.

Unang sanga lupa hita di na mandok mauliate tu Ibana di sude pangaramotionNa. Lumobi di luatta on, asa gabe pasu pasu ma hotel on tu angka na ro marborngin dison, sonang ma nipina modom dison unang adong hagaoron dinipina asa sai marulak loni ro halak tuson

Ayat 7: Ringkoti Jala Tangianghon Huta Ingananmu

“Jangan pernah mengajari matahari untuk bersinar. Tetapi belajarlah kepada matahari bagaimana bersinar untuk memberi manfaat kepada yang lain.” Sada pandohan na mamboan hita tu pangantusion taringot tu hadirionta songon jolma na tinompa. So pola ajaranta mataniari i asa mangulahon songon na pinasahat ni na Manompa ibana. Hita do na gabe marsiajar, mataniari pe ditompa asa gabe pasupasu tu angka na tinompa na asing. Lam ma hita angka jolma na ingkon mangalehon hatiuron jala gabe habaoran ni angka pasupasu di ngolu ni angka tinompa na asing. Nang mangalehon angka pasu pasu pasu tu na humaliang

Dilehon do tu hita angka tugas asa tung unduk tu na manompa hita jala manghaholongi angka na humaliang hita. Songon na didok di ayat 7 on, “ringkoti jala tangianghon.” Sada dalan do i asa dohot humaliangta tarpasupasu marhite angka pangulaon dohot tangiangta. Nang ingananon gabe pasu pasu ma tu Kota Kisaran on Ndang na gabe hita na “manegai” angka parsaoran dohot situasi alam na adong di ingananta nuaeng.

Manang didia pe hita maringanan, songon bangso na tarbuang di turpuk on, pangkeon ni Tuhan i dope asa dapotan nasida manang ingananta i pasupasu na sian Ibana. Alani i, rade ma hita mangalehon na dumenggan tu angka humaliangta jala manangianghon nasida. Ai lehononNa do hasonangan tu hita rap dohot nasida.

Sada sungkunsungkun na tubu sian nuaeng ima: Boasa adong Hotel on? Boasa dison Hotel . Boasa di huta on hotel on hona baen Boasa di hotel on au karejo? Boha do hotel on mangalehon hangoluan di hami, boha do hotel on asa gabe pasu pasu

Nga Ingkon Ubaonta angka kepanjangan ni Hotel namandok

H : Hosom

O : Ormus

T : Teal

E : Elat

L : late

Gabe

H : Holong

O : Ondop

T : Tu hita

E : Eahi

L : Lasniroha

Idaon mansai sederhana do sungkunsungkun i, alai manontuhon. Molo ndang boi taalusi i, tudos ma hita songon parbola, na malo mamparmeamhon bola, lomo roha marnidasa ala ni malona, alai ndang hea pamasukhon bola i tu gawang ni alo, ndang hea gol. Manang tudos ma i tu parkantor pos na manaruhon surat na so adong alamatna. Ulaon na sia-sia, na so marguna.

Boasa adong ahu? Tu aha do ahu dison? I do na naeng alusan ni turpuk on. Molo didok Jesus: “Hamu do sira ni tano on, hamu do panondang ni portibi on”, marlapatan do i, sasintong ni sintongna, mangolu pe hita, ima asa mangolu tu halak na asing do. Kita hidup adalah untuk orang lain. Aku hidup bukanlah untuk aku semata, tetapi aku ada untuk orang lain.