PARTURENA ARI REA NATAL PANGULA NA GOK TINGKI HKBP DISTRIK XIII ASAHAN LABUHAN BATU Di HKBP Aek Kanopan, Sinen, 4 Desember 2022

 

PARTURENA ARI REA NATAL

PANGULA NA GOK TINGKI HKBP DISTRIK XIII

ASAHAN LABUHAN BATU

Di HKBP Aek Kanopan, Sinen, 4 Desember 2022

Pukul 10.00 Wib

 

Thema         :  Jadi sian dalan na asing nama nasida mulak tu luat nasida. ( Mateus 2: 11)

Sub Thema   :  Parhobas na haposan saroha sapikiran patulushon panghobasion senralisasi di Tahun Profesionalisme.

 

I.PROSESI : Posisi ruas jongjong

1.Parhobas (angka Parturgas) masuk tu bagasan Gareja huhut diiringi orgel.

2.Parhobas marbaris di jolo (altar) mangadop tu ruas huhut

3.pasahathon Selamat Natal jala Selamat Menyongsong Taon baru 2023 (niuluhon ni Praeses)

4.Dung simpul, mulak ma uduran prosesi hombar tu ingananna be.

 

II. Parsombaon

1. Marende BE No 605:1-3 Las ma roham         (Laos Pagalak Lilin)

 

¯  Las ma roham Tuhanta ro,gumonggom sasude; ungkap roham jangkon Rajam, marende ma sude, marende ma sude, marende, marende ma sude .

¯  Tano nang laut harangan I nang awangawang I, hauma I nang sunge I olophon Raja I, olophon Raja I, olophon, olophon Raja i.

 

2. Votum-Introitus-Tangiang: L:Liturgis  H:Huria

L : Marhitehite Goar Ni Debata Ama, dohot Goar Ni Anak Na Tuhan Jesus Kristus, dohot  goar Ni Tondi Parbadia, na tumompa langit dohot tano on.

H :  Amen.

L: Nungga tubu di hita sada posoposo dilehon di hita sada anak, pampe tu abarana do  sogot harajaon.

H : Jala bahenon ma GoarNa sipartahi halongangan Ulubalang Ni Debata Ama, saleleng ni lelengna, Raja ni Hadaeon.

L  : Endehon hamu sada ende na imbaru di Jahowa. Endehon ma Jahowa ale sandok tano on.

H: Pajojor hamu ma ditongatonga ni angka sipelebegu hamuliaonna I ditongatonga ni  saluhut bangso halongangan angka na binahen Na i.

L :  Marsomba ma hamu tu Jahowa marpahean na marhadohoan.Angka hitir ma hamu maradoophon Ibana ale isi ni sandok tano on. Halleluya!

L+H : (Mangendehon) Halleluya……Halleluya……Halleluya…

L : Martangiang ma hita : Ale Tuhan Debata, Amanami na di banua ginjang! Pujipujian hasangapon dohot hamauliateon ma dissombahon hami tu Ho, marningot silehonlehonMu nabalga i tu hami jolma na dipardangolan on, i ma AnakMu, Jesus Kristus na sinuruM sian banua ginjang alani hami. Gabe dangol do Ibana jala pogos, pola tubu Ibana di bara ni pinahan di Betlehem, asa mamora hami. Sai rajai jala togutogu hami marhite tondiM, asa lam huida hami godang ni holong ni rohaM na pinapatar ni AnakMu Tuhan Jesus Kristus di hami. Amen.

 

3. Marende BE No. 62: 4 Halalas ni roha godang

¯  Sai sondangi ma rohangku ale Tuhan Jesus I, asa dohot au maruli dihatutubuMi; hasangapon di Debata, laos dame, dame ma di jolma; lomo ni roha ni Debata do hita jolma on.

 

4. Epistel Psalmen 5:12-13

L: Sai marlas ni roha ma sude angka na marhaposan tu Ho, sai marendei ma nasida ro di salelengna ala ni ondinganmu nasida, sai marolopolop ma mida Ho angka na holong roha di goarMu.

H:Ai Ho do, ale Jahowa, mamasumasu na tigor marroha I, songon lombulombu do dihalianghon Ho asi ni rohaMi ti ibana.

L : Martua do na tumangihon HataNi Debata jala na umpeopsa.

L/H: Amen.

 

 

5. Marende BE No.569:1 O Debata tung longang do rohangku (huhut marende,masuk ma liturgi I  )

 

¯  O Debata tung longang do rohangku, molo hubereng na tinompaMi, saluhut bintang, hilap dohot ronggur, manghatindanghon hasangaponMi. Marende au Tuhan mamuji Ho, O Debata sangap do Ho. Marende au Tuhan mamuji Ho. O Debata sangap do Ho.

 

LITURGI I: MULA NI NASA NA ADONG

Prolog: Marhite hataNa ditompa Debata do langit jala hataNa do mandok manjadi gabe manjadi ma. Ditompa do laut, tano dohot nasa isi asa sude nian gabe puji-pujian di Ibana. Sian hataNa do manjadi saluhutna.

1. 1 Musa 1:1-2    kualuh selatan        8. 1 Musa 1: 24-25      Mutiara

2. 1 Musa 1: 3-4           kualuh selatan              9.  1 Musa.1:26-27              Sei loba

3. 1 Musa 1: 5               kualuh selatan             10.  1 Musa 2:1-3                Sei loba

4. 1 Musa.1:6-7            Persatuan                      11.  Nehemia.9:6                 Sei loba

5. 1 Musa.1: 8-10         Persatuan                       12.  Psalmen 104 : 1 – 3    Aek loba

6. 1 Musa 1: 16              Mutiara                        13.   Psalmen 104 : 4–5    Aekloba

7. 1 Musa 1: 20-21       Mutiara                         14.   Jesaya 40 : 26              Exaudi

 

6. Liturgi II.

LITURGI II: MULANI DOSA

Prolog: Tung mansai denggan jala uli do nasa natinompa ni Debata, alai sude i gabe sega alani ela-ela ni sibolis na mambahen jolma i gabe madabu tu dosa.

1. 1 Musa 2: 15–17     Exaudi                   6. Rom. 3 : 12 – 18                    Silau maraja

2. 1 Musa 3: 6              Air joman               7. I Kor 15: 21-22                      Silau maraja

3. 1 Musa 3 : 23–24   Air joman              8. Jakobus 4 : 17                          Serdang dua

4. Rom. 5 : 12      Sukarame         9. 1 Johannes 1 : 8             Serdang dua

5. Rom3 : 10– 11      Sukarame              10. 1 Johannes 3 : 4                      Tanjung ledong

 

 

7. Marende BE No. 678: 1-2  Pauba roham (huhut marende masuk ma liturgi III.)

¯  Pauba roham tu Jahowa, pauba roham tu Debata. Pauba roham tu Jahowa, pauba roham tu DebataM

¯  Marhaposan ho tu Jahowa, marhaposan ho tu Debatam, marhaposan ho tu Jahowa, marhaposan ho tu Debatam

 

LITURGI III: PAUBA ROHAM

Prolog: Ndang lomo roha ni Debata marnida hamamate ni angka pardosa, umbalga do tutu Holongna sian rimasna. Dibahen i pauba ma roham dohot sude angka pambahenanmu na so tama di Debata asa mangolu ho.

1.Jeremia 24 : 7          Tanjung ledong          6. Poda 15 : 9           Pardomuan nauli

2.Yehezkiel 18 : 21      Hutabaru                7. Jakobus 1 : 26    Pardomuan nauli

3.Psalmen 25 : 5         Hutabaru                   8. Psalmen 79 : 9    Telukpuledalam

4.Psalmen 86 : 11          Kisaran II              9. Jakobus 3 : 9–10 Telukpuledalam

5.Poda 11 : 19               Kisaran II             10. 2 Petrus 3 : 9          Airbatu

 

8. Marende.BE.No. 43:1  Padiri Rohamuna (huhut marende masuk ma liturgi IV)

¯  Padiri rohamuna, hamu parroha i. naung ro do tuamuna pasaehon dosa i. ro sian ginjang do, maningkir sidangolon ni nasa hajolmaon, naeng buatonna do.

 

LITURGI IV: BAGABAGA HARORO NI SIPALUA I

Prolog: Songon timboni langit sian tano on, songonima timboni sangkap ni Debata na gok dame dohot las ni roha. Arga do jolma i di Ibana, gabe dijanjihon ma haroro ni Mesias asa malua sude jolma i.

1. Jesaya 60 : 1–2         Air batu                        6. Jesaya 11: 1-2              Labuhan ruku

2. Jesaya 11 : 1– 2        Buntu pane                  7. Jeremia 33 : 14–15   Labuhan ruku

3. Zakharia 9 : 9–10     Buntupane                  8. Maleakhi 3 : 1              Puloraja

4. Mikha 5 : 1–2            Sei apung                    9. Jesaya   42 : 16             Puloraja

5. Jesaya 9 : 5–6            Sei apung                    10. Psalmen 24 : 7–11  Puloraja

9. Marende BE No 598: 1 Bege Ende ni suruan (huhut marende masuk ma liturgi V)

¯  Kristus Raja sian surgo tuat tu portibi on, tubu sian si Maria lao manobus hita on. Debata na so tarida gabe daging songon hita nunga raphon hita be Jesus I, Immanuel. Ende ni Suruan i, sangap ma di Tuhan i.

 

LITURGI V: HASASAUT NI BAGA-BAGA I

Prolog: Dimula nai nunga adong hata i, jala saor tu Debata do hata i jala Debata do hata i. Saluhutna i marhite sian Hata i do umbahen na manjadi,jala ndang adong nanggo sada sian naung jadi i, naso marhite sian I. Ibana do bona dohot ujuna. Di bagasan Ibana dipasiding do angka hagaleon, dibolongkon angka parsorion jala dipahot ma angka panghirimon. Pinujima goarna.

1. Johannes 3 : 16–17 Aekkanopan    6. Lukas 2 : 10– 11    Labuhanruku

2. Lukas 2 :1–3                      Aekkanopan   7. Lukas 2 : 13-14      Labuhanruku

3. Lukas 2: 4–5                      Aekkanopan   8. Lukas 2: 17-18       Kisaran

4. Lukas 2: 6-7                      Desagajah       9. Lukas 2: 25            Kisaran

5. Lukas 2: 8-9                      Desagajah      10. Kolosse 1 : 13–16 Kisaran

 

 

10. Marende BE No.135:2   “Marpungu do dijolomon” BL.206 (huhut marende masuk ma liturgi VI.)

¯  Na metmet di mulana i Sai dipararat Ho do i, i ma harajaonMu  Lam ganda di bilangan ni Na paboahon hataMi Baen sangap di goarMu  Jesus tulus Baen sangkapMu; sosoanMu hajolmaon Asa olo paluaon.

 

LITURGI VI: PARBUE NI HALUAON NA PINAIMA NI TUHAN

Prolog: Ndang dihalomohon Debata angka parbolatan sian tonga-tonga ni parsaoran ni jolma, alai hasadaon do di bagasan holong. Mian jala mangolu di bagasan Ibana na gok Holong i, ima na pinaimana:

1. 1 Korint 13 : 1  Tanjungbalai          6. Filipi 2 : 2               Puloraja

2. 1 Korint 13 : 2                         Tanjungbalai 7. Kolosse 3 : 12                 Pardomuan nauli

3. 1 Korint 13 : 3                         Persatuan                      8. 2 Timotius 1 : 13            Airjoman

4. Epesus 4 : 2–3    Mutiara                          9. Johannes 15 : 16–17    Kisaran II

5. Epesus . 4 : 32          Airbatu                          10. 1 Johannes . 4 : 10–11 Buntupane

 

11. Marende BE No. 54: 4  ” Sonang ni borngina i”  (huhut marende masukma Liturgi VII

¯  Godang ni tua disi di na ro Jesus i. Tung malua pardosa muse, sian hamagoanna sude. Ala ro Sipangolu Jesus Tuhanta i.

 

LITURGI VII: HALASHON MA BASABASA HALUAON I

Prolog : Haluaon na pinatupa ni Debata ndada holan tu bangso Israel i, alai dohot do tu saluhut jolma na di portibion. Alani halashon ma basa-basa haluaon naung tajalo sian Ibana.

 

1. Psalmen 12 : 6              Aekkanopan                            6. 1 Kronika 29 : 12 – 13   Buntu pane

2. Lukas 4 : 18–19       Silaumaraja                             7. Psalmen 62 : 2– 3    Puloraja

3. Ul. Apostel 4 : 12         Serdang dua                           8. Psalmen 62 : 6–8     Seiapung

4. Ul. Apostel 13 : 26       Tanjung ledong                     9. Psalmen 28 : 7             Telukpuledalam

5. Jesaya 12 : 2                   Hutabaru                              10. 1 Tessalonika 5 : 18    Kualuhselatan

 

 

12. Marende BE 62: 1.... ”Halalas ni roha godang”      

¯  Halalas ni roha godang, na hubaritahon on, Nunga tubu Sipalua di hita jolma on. Ref. Hasangapon di Debata, laos dame, dame dame ma di jolma. Lomo ni roha ni Debata do hita jolma on.

 

13. Jamita (Pinatolhas ni Praeses HKBP Distrik XIII Asahan - Labuhan Batu, Pdt Winner Sitorus,S.Th, M.Min.

 

MATEUS 2:12. Dung i ro ma tona ni Debata marhite sian nipinasida, unang pola mulak be tumopot si Herodes; jadi sian dalan na asing nama nasida mulak tu luatnasida. (Dan karena diperingatkan dalam mimpi, supaya jangan kembali kepada Herodes, maka pulanglah mereka ke negerinya melalui jalan lain!)

 

14. Marende BE No.672:1  Tung godang situtu (huhut Papungu Pelean)

 

¯  Tung godang situtu ulaonmu antong dipasahat Tuhanta tu ho. Ndang adong be tingkim marnalemba tahe ngolumi bahen tiruan tongtong.  Sai patupa ma i ala ni Tuhan i so mangkirim balosna tu ho. Debata do marnida na niulami manang na adong parbue ni i.

¯  Ai lambok do soar ani Tuhanta i: Ro ma ho, las ma nang rohami. Sai taingot tongtong hat ani Tuhan i mangarahon jolma tu Tuhan i. Sai patupa ma i ala ni Tuhan i so mangkirim balosna tu ho. Debata do marnida na niulami manang na adong parbue ni i.

~~~organ~~~~

¯  Ala nii boan ma sondang na tiur I, boan ma hat ani Tuhan i. sai urupi na pogos na mardangol I asa rot u Jesus Tuhanta i. Sai patupa ma i ala ni Tuhan i so mangkirim balosna tu ho. Debata do marnida na niulami manang na adong parbue ni i.

 

 

15. PARSURUON

P :Nunga tabege barita halalas ni roha i, na mamaritahon halongangan na masa dung jumpa dohot Sipalua I, ragam dalan hangoluan taruli sian Sipalua I, lumobi papos rohanta mandalani sentralisasi keuangan di panghobasion Tahun Profesionalisme tu taon 2023 on, saroha sapingkiran ma hita gabe parhobas na haposan. Ala ni i hangoluhon ma Barita Nauli i, di na borhat hita tu angka sihobasanta be, asa tarida parbue ni haporseaonta i.

H    :      (mangendehon)  Reff.  BE. 62   “Halalas Ni Roha Godang”           BL 172

                Hasangapon di Debata, Laos dame, dame,  dame ma di jolma

                Lomo ni roha ni Debata do hita jolma on.             

P: Ndada holan na di ari Pesta on hita manjanghon jala mangoloi Sipalua i, alai di ganup tingkinta be, di na mangula hita, manang di na manghobasi hita di sude angka sihobasanta. Ala ni i, pangke ma tingkim manghangoluhon Hata i.

H:(mangendehon)  Reff.  BE. 62    “Halalas Ni Roha Godang”         BL. 172 

                             Hasangapon di Debata, Laos dame, dame,  dame ma di jolma

                                Lomo ni roha ni Debata do hita jolma on.

P :Ndang jadi ganggu be hita, di naung tajanghon Sipalua i, nang masa pe angka hamaolon di ngolu on, nang gok pe hambatan, tantangan ancaman dohot gangguan di na laho pasauthon parsuru ni Sipalua di ganup hita marsadasada.

H   :(mangendehon  BE. 62 : 5   “Halalas Ni Roha Godang”               BL. 172 

                Halalas ni roha godang sai songgopi rohangki.

                Asa dohot au ummalo, mamuji goarMi.

                Hasangapon di Debata, Laos dame, dame,  dame ma di jolma

                Lomo ni roha ni Debata do hita jolma on.

14.          TANGIANG PELEAN, -ALE AMANAMI -  PASUPASU- AMEN.

 

Hami Praeses, MPS, MPSD, Pandita Resort, Guru Huria, Bibelvrouw, Diakones, dohot sude calon Parhobas

di HKBP Distrik XIII Asahan – Labuhan Batu

 Pasahathon :

Selamat Hari Natal 2022 dohot Taon Baru 2023 ma

 di hita saluhutna ruas ni huria ni Tuhanta

Immanuel ! Donganta ma Debata.

 

 

 

 

 

 

 

Tata Ibadah Perayaan Natal Parhalado Partohonan / Keluarga dohot Ina HKBP Se Resort Kisaran

 

Tata Ibadah Perayaan Natal

Parhalado Partohonan / Keluarga dohot Ina

HKBP Se Resort Kisaran

 

 

 

Rabu, Tgl 7 Desember 2022

Di Gareja HKBP Sentang

 

Thema:

Nunga ro tu portibi on Panondang na sintong i, na manondangi nasa jolma (Joh 1: 9)

 

Sub Thema:

Marhite Perayaan Natal Keluarga Besar Parhalado dohot Ina se Resort Kisaran,

lam marsitutu jala lam sumurung diulaon ni Tuhanta.

I.     PERSIAPAN PERAYAAN NATAL        

Ø Parhobas mangarade di ruang konsistori

Ø Barisan prosesi memasuki Gereja

(Musik dan Seong Leader menyanyikan lagu “ Ku masuk ruang maha kudus “)

 

01. Kata Sambutan:

-  Mewakili  Parhalado saresort            :

-  Mewakili ina sa resort                       :

 

II. ACARA KEBAKTIAN

01. JOU-JOU TU PARSOMBAON DI DEBATA ( U:ULUAN, H: HURIA )

U :   Huria ni Tuhanta, sude hita na pungu di bagas joro on. Tama do hita marlas ni roha di tingki on ala diloas Tuhanta i hita mamestahon advent Natal, parningotan hatutubu ni Jesus Tuhanta i, nang pe godang parungkilon na taadopi di pardalanan ni ngolunta  on.

H :  Tama do tutu mandok mauliate hita tu Tuhanta pardenggan basa i, na marsuru AnakNa na sasada i gabe hangoluanta. Ndada ala jinou ni tuanta manang ala ni denggan ni parangenta, alai ala tung ala asi dohot holong ni rohaNa sambing do, di hita jolma pardosa on.

U : Antong, tajangkon ma haroroNa na mangalehon haluaon i di hita, laos hupasahat hami  ma tu hita saluhutna, “ Selamat advent Natal ma di hita ”.

H : Selamat advent Natal ma tutu di hita sude ruas ni Huria HKBP na Sa - Resort Kisaran on.

U : Antong tapatuduhonma las ni rohanta! Tahobasi ma rohanta laho marsaor dohot Tuhanta, Marende ma hita….

02. Marende BE No. 581: 1, 3 “Sangap di Jahowa”

♬  Sangap di Jahowa na sun timbul i, balga ni holongNa ndang tarasam i

Dilehon AnakNa na sasada i, manobus hita jolma pardosa i.

            Ref.  Puji ma Debata ale manisia, las roham, las roham somba ma Debata,

Dapothon Jahowa na sun timbul i, marhite AnakNa Tuhan Jesus i.

( Jongjong )

     ♬ Balga situtu pambaenMi Debata, tung so hasuhatan holong ni rohaM.

     Tu jolma pardosa asi do rohaM, di ungkap Ho dalan lao tu banuaM.

Ref…..

03.  Votum - Introitus - Tangiang: (L=Liturgis, H=Huria, S=Sude)

L:  Marhitehite goar ni Debata Ama, anakNa Tuhan Jesus Kristus, dohot Tondi Parbadia na manompa langit dohot tano on, Amen. Di mulana i nunga adong hian Hata i, jala saor tu Debata do Hata i, jala Debata do Hata i, ima na saor tu Debata di mulana i.

H: Saluhutna i marhite sian Hata i do umbahen na manjadi; jala ndang adong nanggo sada sian naung jadi i, naso marhite sian i.

L:  Dibagasan Hata i do hangoluan; laos hangoluan i do Panondang ni hajolmaon. Na marsinondang do Panondang i di bagasan na holom, alai ndang dijangkon na holom i. Hehe do sada halak sinuru ni Debata, si Johannes do goarna.

H: Sitindangi do ibana umbahen na ro, asa dihatindangkon Panondang i, anggiat gabe porsea saluhutna marhite sian Ibana. Ndang apala ibana Panondang i; na mangkatindangkon Panondang i do tahe. Alai nunga mandok ro uju i tu portibi on Panondang na sintong i, na manondangi nasa jolma.

L:  Di portibi on hian do Ibana, jala marhite sian Ibana do manjadi portibi on; hape ndang ditanda portibi on Ibana. Na ro do Ibana manopot na di Ibana hian, gabe ndang dijangkon angka na di ibana i Ibana.

H: Alai manang piga na manjangkon Ibana, tusi do dilehon huaso, asa gabe anak ni Debata nasida, angka na porsea di Goarna. I ma angka na so tubu sian mudar, manang sian sangkap ni daging, manang sian sangkap ni baoa, tung sian Debata do.

S:  Gabe daging ma Hata i jala maringan di tongatonga ni hita on, jadi huida hami ma hasangaponNa, i ma hasangapon ni Anak sasada na sian Ama i, gok asi ni roha dohot hasintongan.

L:  Martangiang ma hita. Ale Amanami na banuaginjang! Na so marmula jala na so marpansohotan, Debata na manongtong ro di saleleng ni lelengna! Asi ni rohaM sambing do napasadahon hami sude Parhalado dohot ina na saresort Kisaran on rap dohot keluarga nami, songon i nang ruas ni HuriaM na adong di HuriaM HKBP Sentang on, marlas ni roha di tingki on manghalashon ari parningotan hatutubu ni anakMu Jesus Kristus Tuhan nami. Marhite perayaan advent Natal on, sai lam pahinsa ma roha dohot tondi nami patulushon lomo ni rohaM di tonga-tonga ni HuriaM HKBP Resort Kisaran on. Urupi jala pargogoi ma hami manjangkon hatutubu ni anakMu Tuhan Jesus Kristus Sipalua i dingolu nami on. 

S :   Amen!                                                                                                     

( Hundul )

04.  Vocal group :   HKBP Sentang

05.  Marende No. 605:1 + 4   “Las ma roham”  

♬  Las ma roham Tuhanta ro, gumomgom sasude ungkap roham

Jangkon rajam marende ma sude
Marende ma sude, marende, Marende ma sude

♬  Ibana do Rajanta i Parasiroha i
Na tigor i, na bonar i, parholong roha i
Parholongroha i, parholong, parholong roha i

06.  Liturgi I :  Panompaon       ( Parhalado )

  Prolog : Marhite hataNa ditompa Debata do langit jala hataNa do mandok manjadi gabe manjadi ma. Ditompa do laut, tano dohot nasa isi asa sude nian gabe pujipujian di Ibana. Sian hataNa do manjadi saluhutna. Nuaeng hamuna angka dongan sahaporseaon tatangihon ma barita taringot tu Panompaon dohot pangaramotion ni Debata tu saluhut na tinompaNa.

Liturgi I :1 Musa 1 : 1-5;   St. br. Sihombing  ( uluan HKBP Hutanagodang )

Liturgi I : 1 Musa 1 : 6-10    St. J. br. Situmorang  ( Kisaran kota )

Liturgi I : Pslm 33 : 5b – 7   :   St. SiHotang ( Uluan HKBP Sei Alim )

     Liturgi I : 1 Musa 1 : 14-15 ;  St. N. Hutahayan ( Uluan HKBP Bunut )

     Liturgi I :  Nehemia 9 : 6 - 7  :  St. br. D. Lumban gaol  ( HKBP Sentang )

     Liturgi I :  Nehemia 9 : 11 – 12   :  St. Sirait  ( Huta na godang )

     Liturgi I :  Psalm 8 : 2-5 :   St. br. Pangaribuan ( sei Alim )

Liturgi I :  Pslm 19:2, 7      St. Siahaan ( Bunut )

Litrugi I : Psalm 8: 6-10  :  St. A. Pardosi ( Sentang )

     Liturgi I : Pslm 89 : 12-15  : St. H. br. Silalahi ( Kisaran kota )

     Liturgi I  :  Pslm 65 : 10-11 :  St. Ama dari Hutanagodang

     Liturgi I :  Pslm 118 : 24   :  St. br. Sinaga ( Bunut )

     Liturgi I :  Pslm 118 : 25-28 :  St. Marbun ( Sei Alim )

     Liturgi 1 : St. V. Sitorus ( Kisaran kota )

Ale Tuhan, sai Ho do haporusan nami marsundutsundut! Tagan so tubu dope angka dolok, jala tagan so adong dope ditubuhon tano on dohot portibi on, nunga adong hian Ho, ale Debata, sian salelenglelengna ro di salelenglelengna.

Liturgi I : St. M. C. Manalu

                  Sumuang do gabe orbuk jolma i dibahen Ho, dung i didok Ho muse: Mulak ma hamu, ale jolma manisia! Ai sobokkon sadari nantuari naung salpu do na saribu taon ianggo di jolom, jala songon sada gansi parjaga di borngin. Diumbang Ho do nasida, jadi mate ma nasida, manogotna i nunga martumbur diulahi songon duhutduhut. Torang ari marbunga do i, jala martumbur, hape bodarina i disabi do jadi malos.

07. Marende BE.no. 44 : 1, 3  “Hamuna na porsea I “

♬    Hamuna na porsea i Sai tomu Tuhan Jesus i Pahehe rohamuna

Jonok do ari pesta ni Saluhut huriaNa i, i ma hatutubuNa

I pe hehe ma hamuna Baen pantunna lao manjangkon Na manopot hajolmaon

♬   Sigati rohamuna be sai tanda dosamu sude paringkot rohamuna

Manjangkon Sipalua i na tuat sian Surgo i manggarar utangmuna

Tanda hata hangoluan na binoan ni Tuhanta na pasae sude dosanta

08. Liturgi II  : Panompaon

  Liturgi II   :  1 Musa 2:7           :  St. M. br. Manik ( Huta na godang )

       Liturgi II   :  1 Musa 2:8-9        :  St. Sihombing ( Sei Alim )

       Liturgi II  :  1 Musa 2 : 10-14   :  St. E. br. Tambunan ( Kisaran kota )

       Liturgi II  :  St. A. Siahaan ( Sentang )

Asa lam tangkas panindangion ni halak na porsea, dipasahat Debata do angka na hinaporluhon ni jolma i hombar tu lomoNa. Dipasahat Debata tano, hauma na marparbuehon sipanganon jala dalan ni ngolu. Alani i tahalashon jala taula ma sude napinasahat ni Tuhan i hita on.

  Liturgi II : Hes 34 : 26 -27   :  St. br. Galingging ( Bunut )

       Liturgi II :  Hes 34 :28- 31   :  St. F br. Hutasoit    ( Kisaran kota )

  Liturgi II :  Johanes 1 : 3-5  :  St. V. D. Sitorus      ( Kisara kota )

  Liturgi II :  St. R. Sitinjak  (Sentang)

 Ahu do Jahowa, jala ndang adong be Debata dungkon ni ahu; huhohosi do ho tagan so ditanda ho dope ahu. Asa ditanda halak angka na sian habinsaran dohot sian hasundutan na soadong Debata dungkon ni ahu; ahu do Jahowa, jala dungkon ni ahu ndang adong. Ahu Sijadi hatiuron dohot sitompa haholomon; sibahen hadameon dohot sitompa hamagoan. Ahu do Jahowa, sibahen saluhutna i. Manetehi ma hamu angka langit sian ginjang, jala diusehon angka ombun ma udan hatigoran!.

  Liturgi II  : St. H. Nainggolan            ( Sentang )

Buha ma tano on jala diparbuehon hatuaon dohot hatigoran, rap martumbur ma i! Ahu Jahowa do sitompasa. Marjea ma manang ise na mambadai sitompa ibana, ngarngar nian sian angka ngarngar ni tano on! Tung dohonon ni tano liat ma tu sitopa ibana: Aha do na binahenmu? Manang jadijadianmu mandok: Ndang martangan ibana. Marjea ma manang ise na mandok tu amana: Aha tinubuhonmu? Manang tu inana: Boasa tung manubuhon ho?

  Liturgi II : St. R. Purba ( Kisaran kota )

Manghatindanghon huaso ni Debata Jahowa tarida ma sian roha na unduk di adopanNa, tangkas mangarajumi tung lomo ni rohaNa do na saut di portibi on, alani tangkas ma tapasahat pangidoan na ringkot di ngolunta si ganup ari.

  Liturgi II :  Sakaria 10 :1     : St. A. br. Panjaitan  ( Sentang )

  Liturgi II :  Jesaya 6 : 3        :  St. Bakara ( Bunut )

Liturgi II : 2 Musa 20 : 11   :  St. M. Sihombing ( Kisaran kota )

09.  Marende No. 591: 1, 3 ”Boru Sion Las roham”  

♬  Boru Sion las roham, las roham Jerusalem
Ai na ro do Rajami padamehon ho tongtong
Boru sion las roham las roham Jerusalem

♬  Hosianna ro ma Ho, Masuk Ho tu rohangkon
Baen mardame tondingkon lao manjangkon haroroM
Anak Daud ro ma Ho, Masuk Ho tu rohangkon

10. Liturgi III :  Hadadabu tu bagasan dosa             ( Ina HKBP kisaran kota )

 Prolog : Tung mansai denggan jala uli do nasa natinompa ni Debata, alai sude i gabe sega alani elaela ni sibolis na mambahen jolma i gabe madabu tu dosa.

Rom 3 : 10-11 ; Rom 3 : 12-18 ; Roma 3:23-24 ; 1 Musa 3: 6-7 ; 1 Joh 1:8-10 ; 1 Joh 3:4 ; Galatia 5:16 ; Yakobus 1:15 ; Joh 8:34 ; 2 Kor 5:21; Rom 5:19 ; I Kor 15: 21-22 3 ;  Jakobus 4: 7 ;  Rom 5 : 12-14

11. Liturgi lakon sifat manusia       :   ( Ina HKBP Kisaran kota )

12. Marende BE. 38 : 1-2  “Paruak ma harbangan i “

♬  Paruak ma harbangan i Ai nunga ro Rajanta i
Sigomgom raja sasude Sitobus hajolmaon pe
Siboan hatuaon i Pasuang hasonangan i
I pe tapuji ma Tuhanta Debata                                            

( jongjong )

♬  Na sun tigor do roha ni Na ro tumopot jolma i
Ai Raja na badia do Huhut parasiroha do
Pabalionna do sude Na mangarsahi hita be
Ipe tapuji ma Tuhanta Debata

12. Manopoti dosa - baga-baga ni Debata:

L: Hamu angka haholongan! Didok Hata ni Debata di 1 Johannes 2: 1 - 2: “Molo tung adong manang ise na mardosa, adong do pangondianta di Ama i, i ma Tuhanta Jesus Kristus na tigor roha i. Jala Ibana do Pardengganan taringot tu dosanta, alai ndada holan taringot tu dosanta, dohot do taringot tu dosa ni saluhut portibi on”. Antong! Sian nasa unduk dohot serep ni rohanta tatopoti ma dosanta tu Tuhanta Pardenggan basa i.

            Sude Parhalado:        

            Ale Debata, Ama, Anak dohot Tondi Parbadia! Mauliate ma rohanami di Ho, ala dipaingot Ho hami di angka hagaleon dohot ragam ni hahurangan nami i. Na ro do hami nuaeng tu adopanMu nabadia i, patedekhon saluhut arsak ni roha nami, huhut mangido asi ni rohaM na godang i. Ai ndang huhaburjuhon hami mangulahon Tohonan HA-Parhaladoon-nami hombar tu panjouonMi di hami songon naposoM. Ndang marsitutu hami manghobasi HuriaM, ndang huhatindanghon hami hasintonganMu. Nuaeng pe ale Tuhan! Sesa ma saluhut dosa nang hahurangan nami i.

            Sude Ama:

            Ale Tuhan Jahowa! Mauliate ma rohanami di Ho. Ala dipaingot Ho do hami di saluhut angka hahurangan dohot hagaleon nami. Na ro do hami nuaeng tu adopanMu nabadia i mangido hasesaan ni dosa nami. Jotjot do lalap hami di portibi on gabe ndang huulahon hami tohonan ha-Ama-on nami songon malim, na manguluhon keluarga nami hombar tu lomo ni rohaM, hurang marharinggason hami tu par-mingguan nang partangiangan ni Huria pe. Jotjot do hami marha-galeon, lalap di portibi on, alani asi ma rohaM di hami ale Tuhan! Sai sesa ma saluhut dosa nami.

Sude Ina: 

Ale Tuhan Jahowa Sitompa langit dohot tano on! Na ro do hami nuaeng tu adopanMu marningot denggan ni basaM dohot bagabagaM na sumurung i. Sai unang jujur angka dosa nami na godang i, sai usehon ma asi ni rohaM asa tung sesa dosa nami na godang i. Sai paingot ma hami mangulahon tohonan ha-Ina-on nami manghobasi keluarga nami, mananda ngolu partondion na sintong hombar tu lomo ni rohaM. Ale Jahowa! Sai tatap ma pardangolan nami, sai paimbaru ma panghirimon nami jala pahotma haporseaon nami tu Ho, sesa ma dosa nami na godang i.

(martangiang na hohom – manghuling musik sian BE. 686 sa-ayat angon-angon)

S:  Mangendehon BE 53: 4  “ Di Betlehem ”                       (Satonga soara)

.           Burju naeng lehonongku di Ho rohangkinon. Asi rohaM Tuhanku,

             urupi au tongtong. Olo, olo urupi au tongtong.

L:  Hamu angka dongan! Tajalo ma Hata ni Debata ojahan ni las ni rohanta di na manghalashon parningotan hatutu ni Tuhanta Jesus hita di adven Natalta on : Ai songon on do holong ni roha ni Debata di portibi on, pola do anakNa na sasadai dilehon asa unang mago ganup na porsea di Ibana, asa hangoluan na saleleng ni lelengna di ibana. Hasangapon ma di Debata na di banua ginjang. Amen.

S:  Mangendehon No 605: 1  “Las ma roham Tuhanta ro”

            Las ma roham Tuhanta ro, gumomgom sasude, ungkap roham, jangkon Rajam. Marende ma sude, marende ma sude, marende, marende ma sude.                                   

(Hundul)

13.  Liturgi IV  : Baga-baga Haluaon        ( Ina HKBP Huta na godang )

Prolog:  Ndang lomo roha ni Debata marnida hamamate ni angka pardosa, dang dipasombu Debata jolma i lalap dibagasan dosa, umbalga do holongNa sian rimasNa, ai mulak do roha ni Debata ala Debata Parasi roha do Ibana. Dibahen i pauba ma roham dohot sude angka pambahenanmu na so tama di Debata asa mangolu ho.

1 Musa 8 : 21-22; 1 Musa 9 : 13-17; 1 Musa 12 : 2-3 ; 2 Musa 15 : 26 ; 2 Musa 19 : 5-6; 5 Musa 7 : 7-9;  Jes 48 ; 18-19; Jes 54 : 7-8, 10; Jer 29 : 23-24; Andung 3 : 22-26; Jona 3 : 8-10; Psalm 32 : 1-2 ; 5 Musa 32 : 11

14.  Koor  :  Ina HKBP Kisaran kota

15. Marende 54:1 – 3 “ Sonang ni bornginna i ”

(Jongjong ma hita saluhutna, ditingki marende hita ro ma tu jolo angka na pagalak lilin).

♬   Sonang ni bornginna i, uju ro Jesus i. Sonang modom do halak sude

 Holan dua na dungo dope mangingani anakNa Jesus Tuhanta i.

 ♬ Denggan ni bornginna i, uju ro Jesus i. Tu parmahan di Betlehem i,

 Dipaboa na di surgo i ; Nunga ro Sipangolu, Jesus Tuhanta i.

                                           …… Musik ……

♬ Godang ni tua disi Di na ro Jesus i, tung malua pardosa muse
Sian hamagoanna sude, ala ro Sipangolu Jesus Tuhanta i

             Angka napagalakhon lilin  :

1. Parjamita                             : Pdt. B. Sianturi

2. Sek-Ben Resort                   :  St. H. Tanjung

3. Utusan sian uluan ni huria  :  St. Sihotang  ( HKBP Sei Alim )

4. Mewakili Parhalado           :  St. Siahaan  ( Bunut )

5. Mewakili Ina sa resort: Ny. Simarmata br. Siringoringo(Kisaran kota )

16.  Liturgi V  :  Hatutubu ni Sipalua i        ( Ina HKBP Bunut )

 Prolog : Nunga disesa Debata saluhutna dosanta i, ai dipatuduhon do tu hita holong ni rohaNa naso hasuhatan i. Nuaeng pe, taparade ma rohanta manjangkon barita Panurirangon taringot tu hatutubu ni Tuhanta Jesus Sipalua i ;

Matius 1 : 18-20 ; Matius 1 : 21-23 ;  Lukas 1 : 30-31 ;  Lukas 2 : 4-7 ; Lukas 2 : 11 ; Zefanya 3:14-17 ; Jes 7 : 14 ; Jes 9 : 5 – 6 ;  Galatia 4:4-5

17. Koor Ina Sa Resort : “ Sai marolopolop ho boru sion “

18. Liturgi VI  : Panjanghonon di hatutubu ni sipalua i     (Ina HKBP Sentang)

  Prolog : Nunga tubu Tuhan Jesus patupa hangoluanta. Na mangula do Ibana diportibion mangaramoti huhut mandongani hita di angka siulaonta. Antong! Tapahot ma haporseaonta di Tuhan Jesus jala tahatindanghon ma goarNa di liat portibi on.

Liturgi VI Baris 1 :  Nunga taboto be saluhutna hinabalga ni pambahenan ni Debata di hita marhite panompaon huhut pangaramotion di langit dohot portibi on rodi pangisina tarlumobi ma di hita jolma. Dilehon anak sasadasa laho humongkop hita. Antong unang holan na longang boti hita di saluhutna, alai hehe ma borhat mamboan sadanari maradophon Ibana.

Markus 16:15 ; Joh 14: 6 ; Fil 2: 10-11 ; Josua 24 : 15 c ; Ef 5 : 22- 23 ; Ef 5 : 24-25 ; Ef 6 : 1-3 ; Gal 6 : 1- 2 ; Joh 15 : 16

     Liturgi VI Baris 12  : Marhite hatutubu ni Sipalua, lam imbaru ma             panghaporseaonta di Tuhan i, lam tapasolhot ma             parsaoranta tu Tuhan i. Marhite punguan on,   marsada ma hita patuduhon holong ni Kristus, di         tonga ni bagasta nang humaliangta, tarlumobi ma di           huriaNa. Mangarahon doganta na so haru dungo         dope manopot Tuhanta marhite panindangionta.

18. Koor Parhalado sa resort kisaran  : “ Sangap di sipalua “

19. Liturgi  VII  :  Ngolu naimbaru songon naung manjangkon Jesus Sipalua i  ( Ina HKBP Sei Alim )

Prolog  :  Hamuna angka dongan sahaporseaon! Tapatuduhon ma naung tajangkon hatutubu ni Tuhanta Jesus Kristus marhite ngolu na imbaru

 Liturgi VII. Baris 1 :  

Boha Amang,Inang,hita saluhut angka na pungu dison? Olo do hita manjangkon haroro ni Sipalua i? Olo do hita manjangkon holong ni roha ni Debata dingolunta,dirohanta,dijabunta nang dipunguanta on?

Liturgi VII. Baris 2  :          

Molo olo do hita manjangkon holong ni roha ni Debata i, marhite Pesta Natalta on, tabolongkon ma roha pangiburuon, hosom, late dohot parbadabadaan sian ngolunta.

Liturgi VII. Baris 3  :          

Unang be adong sian hita na sapunguan on na masihatahataan, masihosoman, ai marisuang do Pesta Natal nang endenta ganup Minggu molo so adong holong di hita.

Liturgi VII. Baris 4 :           

Sian on do tatanda haholongon ni roha; sian  Ibana na mangalehon hosaNa humongkop hita. Hita pe, tama do tahaholongi donganta, ai nunga jumolo Debata manghaholongi hita.

Liturgi VII. Baris 5 : 

Hamu angka dongan, unang ma hatanta dohot dilanta mangkaholongi; naeng ma marhitehite pambahenan dohot hasintongan.

Liturgi VII. Baris 6 :

Ingkon haholonganmu doTuhan DebataM sian nasa roham,sian nasa ateatem, ido patik raya jala na parjolo.

Liturgi VII. Baris 7 :           

Alai dos do arga ni na paduahon  on: Sihaholonganmu do dongan mi doshon dirim! Patik na paduahonon do manghangkam nasa patik dohot hata ni panurirang.

Liturgi VII. Baris 8  :

Tutu do i dongan.Tahaholongi ma Debata, ala nunga jumolo Ibana manghaholongi hita. Alai pargabus do halak na mandok: Holong rohana di Debata hape dihosomi donganna.

Liturgi VII. Baris 9  :          

Ai naso manghaholongi donganna na ni ida na, tung songon dia ma haholonganna Debata naso ni ida na?

Liturgi VII. Baris 10  :        

Antong, marhite Natalta sadarion gabe parrohaholong ma hita. Namanghaholongi Debata, i ma na manghaholongi nang donganna. Selamat Hari Natal ma di hita!.

20. Marende no. 592 : “ Hosianna di Anak ni Raja Daud “

             1. Hosianna di Anak ni Raja Daud, partigor jala parmonang
Marsurak ma ho boru Sion Rajam manopot ho
Amen haleluya Puji, tasomba Raja na sian Surgo i } 2x
Puji ma goarNa Raja si parmonang
Amen haleluya Puji, tasomba Raja ni hadameon I  } 2x

     2. Hosianna di Anak ni Raja Daud na ro lao mamboan dame
Na lambok, na serep roha i, hosianna ma di ginjang
Amen haleluya Puji, tasomba Raja na sian Surgo i } 2x
Puji ma goarNa Raja si parmonang
Amen haleluya Puji, tasomba Raja ni hadameon i } 2x

21. Jamita      :         Pdt. B. Sianturi

22. Marende No. 598 : 1 - 3   “ Bege Ende ni Suruan ”         (Papungu Pelean )

1. Bege ende ni suruan, sangap ma di Tuhan i

Nunga tubu Sipalua Raja Sipardame i

Dipadame Debatanta do diriNa tu pardosa

Nunga tubu Kristus i di huta Betlehem i

Ende ni suruan i, sangap ma di Tuhan i

2. Kristus Raja sian surgo tuat tu portibi on

Tubu sian si Maria lao manobus hita on

Debata na so tarida gabe daging songon hita

Nunga raphon hita be Jesus i, Immanuel

Ende ni suruan i, sangap ma di Tuhan i

(~Musik~)

3. Jesus Raja Hadameon sondang hatigoran i

Panondang ni hangoluan di saluhut jolma i

Dirumari do diriNa lao manobus manisia

Asa unang mate be ala ni dosana be

Ende ni suruan i, sangap ma di Tuhan i

23.  PENGUTUSAN   ( U: Uluan, H: Huria, I: Ina, A; Ama )          (~Jongjong~)

U: On pe hamu angka dongan, tanda naung tubu Jesus I, dingolunta, ta eahi ma na tau padamehon dohot pauliulihon hita sama hita, masiasian jala masihaholongan ma hita. Saluhut riting ni roha panonggahion dohot panginsahion dao ma sian hita.

I :  Martua ma nalambok roha, ai teanon nasida do tano on.

       A: Martoruk ni roha situtu ma hita masihehean dibagasan holong ni roha dohot marharinggason mangaradoti hasadaon i, Martua ma siboan dame, ai goaron do nasida anak ni Debata.

U:Togu ma rohamuna dibagasan Tuhan i dohot dibagasan hagogoon na togu i, lam tang ma  haporseaonmuna, solukhon hamu ma, pahean sinjata nasian Debata, asa taralo hamu na tau mangago hamu.

I: Jongjong ma hita marhohoshon hasintongan, marsipatu haringgason, mangulahon na denggan, asa gabe pasu-pasu ma hita tu nahumaliang hita, dalanta marpanindangion d haporseaon tu Tuhan i.

A: Saroha sapingkiran ma hita dibagasan Kristus Tuhan i, masihaholongan ma hita sama hita, ala naung jumolo Debata manghaholongi hita.

U: Ida ma, denggan nai dohot sonang na i, molo tung pungu sahundulan angka namarhahamaranggi.

H: Tuhan pargogoi ma hami patupahon lomo ni rohaM di portibion, mamboan dame dohot holong ni roha tu na humaliang hami, songon Ho ale Tuhan naung jumolo manghaholongi hami.  Amen.

24. Tangiang Pelean + Tangiang Ale Amanami + Pasupasu.

 

II. ACARA HIBURAN DAN MAKAN BERSAMA

 

 

 

SUDE PARHALADO PARTOHONAN

HKBP SA-RESORT KISARAN

PASAHATHON :

 

SELAMAT ARI NATAL

(25 – 26 Desember 2022)

Dohot

SELAMAT TAON BARU

(01 Januari 2023)