DIRAMOTI DEBATA DO BANGSONA (Ev. 2 Rajaraja 4:42-44)

 

BAHAN SERMON HKBP RESSORT KISARAN

Jumat, 16 Juli 2021

 

DIRAMOTI DEBATA DO BANGSONA

(Ev. 2 Rajaraja 4:42-44)

 

I.                   Patujolo

Sipata di bagasan ngolu on olo do songgop angka ragam hasusaan nang haporsuhon ala ni persoalan manang sitaonon. Somal do di bagasan ngolu ni jolma molo songgop sitaonon di ngoluna pintor jalo do ibana mangalului dalan haruar sian nasa persoalan di ngoluna. Adong do deba patupahonsa marhite dalan na sintong alai tung na sai adong do deba patupahon dalan ruar marhite dalan na hurang sintong, di bagasan rohana holan, songon dia do ibana malua sian nasa sitaonon i. Alai tung boi do dohononta, ala balga ni sitaonon i gabe tung tangkas ma panghilalaan ni angka na porsea pangaramotion ni Debata di bagasan ngoluna dung malua ibana sian i saluhutna.

Panurirang Elisa dijou do songon halak ni Debata. Tung mansai godang do pambahenan na mambahen longang panghilaan alas i Elisa on. Di na masa hasusaan ni pigapiga jolma sai ingot do nasida asa rot u panurirang Elisa mangido pangurupion. Di bagasan situasi on ndang na gabe patengahon diri si Elisa jala manghilalahon na tumimbo sian angka na deba alai tarida do sian serep ni rohana di na laho mangurupi angka na marsak jala na marsitaonon.

II.                Hatorangan ni Turpuk

Ay. 42. Halak sian Baal-Salisa halak na daulat na manghasogohon marsilehonlehon tu angka nasida na so pola sintong di parange nang tu hadirion ni malim manang halak Lewi. Alai songon angka na daulat roha do nasida, tongtong do nasida patupahon silehonlehon nasida tu Debata. Dibagasan turpuk on taida do parjumpangan halak sian Baal-Salisa dohot panurirang Elisa. Diboan halak sian Baal-Salisa do patumonaanna tu halak ni Debata. Molo mangihuthon sian mula ni turpuk di bindu on jotjot do halak mamboan angka silehonlehon nasida tu halak ni Debata. Dipatupa nasida i ala daulat ni roha halak ni Debata i jala ala pangurupion na pinatupa halak ni Debata di nasida. Umbahen i, gabe sada hasomalan do di halak laho patupahon silehonlehon tu halak ni Debata.

Ay. 43. Disarihon si Elisa to situan na torop i marhite angka silehonlehon nasida tu ibana. Mangihuthon nasa na binoan halak sian Baal-Salisa songon na so jadi do lehonon na binoan tangan nasida tu situan na torop i molo mangihuthon torop ni bilangan nasida. “Beha ma pangalehonku mangganupi saratus halak?” Songon na so boi do sagion na binoanna tu situan na torop i. Alai panurirang Elisa patoguhon roha nasida hombar songon na tinonahon hata ni Jahowa di nasida. “Sai lehon ma i di situan na torop i, asa mangan nasida; ai songon on do hata ni Jahowa: Ingkon mangan angka jolma i jala ingkon adong dope teba.” Dipangasahon si Elisa parbinotoan hombar tu na tinonahon ni Jahowa. Hata ni Jahowa ima sada ketentuan. Ketentuan yang tidak pernah meleset. Hatontuan i ma na gabe ojahan na pinasahat ni si Elisa tu halak sian Baal-Salisa.

Ay. 43. Tutu ma nian masa songon na tinonahon Jahowa tu nasida songon naung pinasahat si Elisa. “Gabe mangan nasida, jala adong dope teba, hombar tu hata ni Jahowa.” Molo taida di ayat on, boi do tubu di roha ni halak Baal-Salisa na masa i songon tanda halongangan na pinatupa ni Jahowa. Hapengani ndang roha nang pingkiran ni jolma i na ingkon saut alai molo nunga tinonahon Jahowa, na ingkon saut do saluhut na i. Tangkas ma on di topik minggu na mandok diramoti Debata do bangsoNa. Tutu do masa i, ala hata ni Jahowa do i. Ndang tadinghonon ni Jahowa molo dung dihatahon Debata diramoti bangsoNa.

III.             Sipahusorhusoron

Diramoti Debata do bangsoNa. Songon pangaramotion ni Debata Jahowa di nasa na mangalualu tu Ibana marhite panurirangNa si Elisa, tung mansai gondang do naung manghilalahon denggan basa ni Jahowa di nasida. Dipalua do nasida sian ragam parmaraan. Tangkas idaon nasida tanda halongangan na pinatupa Debata Jahowa di nasida. Sian na masa i patambahon pos ni rohanta di Debata Jahowa do. Sai saut do nasa na nihatahon ni Jahowa di angka naniasian ni Jahowa (ptd. 2 Musa 23:20). Tutu ndang pasombuan ni Debata Jahowa angka na niasianni Jahowa (Psalmen 16:10) ala holong ni rohaNa di hita. Nuaeng sipahusorhusoron di bagasan rohanta, tung naung boha do pas ni rohanta di Debata? Molo ninna rohanta do, diramoti Debata do bangsoNa na marlapatan ma i ndang tadinghonon ni Debata hita. Alai sipata olo do hita manghilalahon keraguan di nasa pangaramotion ni Debata di hita. Tutu sada kepastian do di hata i na mandok diramoti Debata do hita nang bangsoNa. Jadi di hita patamba panghirimon ma anggo i di hita nang pos ni rohanta di Jahowa Debata ai tung balga situtu do pambahenan ni Debata di hita jala boi do tubu panindangion na mandok “sai songon tanda halonganan do nasa na masaon di hita ala pambahenan ni Jahowa”. Pos ma rohanta di Jahowa. Ditambai haporseaonta. Dipatugu hita di bagasan panghirimon. Marsihohot di bagasan Debata Jahowa sambing.

JAMITA EVANGELIUM EFESUS 2:11-22

 

Jamita Minggu 18 Juli 2021

Efesus 2:11-22

            Huria ni Tuhanta, Nuaeng masuk ma mita tu minggu VII dung Trinitatis, jala na gabe topic minggu di hita ima : Hasadaon dohot Hadameon Dibagasan Tuhan. Tontu mansai ringkot do hasadaon, mansai ringkot do hadameon. Isarana songon hita dimasa pandemic on, tontu porlu do hasadaon dohot hadameon. Molo naeng monang do hita maralohon covid 19 on ingkon marsada do hita saluhutna, ingkon olo do hita mardame marhite hite na olo mangihutton prokes di saluhut aktifitas ta ganup.

            Huria ni Tuhanta, ia  Di huria Efesus na parjolo, hangat dope taringot tu na mangalapati hamamate ni Kristus di hau pinarsilang dohot panghorhonna dingolu dohot di parsaoran ni angka na persea. Jumpangta ma piga piga gagasan taringot tu lapatan ni panghophop ni Kristus di silang, i ma isara ni panobusion, pamintorion, dohot pardengganan. Marhite gagasan pardengganan i dipaandar hauungkap ni dalan tu sude halak(Jahudi dohot na so Jahudi laho manjonokT bahkan masuk tu parsaoran dibagasan harajaon ni Debata/ Tarbungka ma kesempatan di Sude halak ( Jahudi dohot na so Jahudi) laho paturehon parsaoran maradophon Debata songon i maradaphon dongan na jolma. Alani I, laho mangurupi hita asa lam ta antusi tupuk on adong ma piga piga poin na porlu si botoon ta:

 

·         Jambar ni halak sipelebegu

            Na manjalo manang hasahatan ni surat efesus didok, na badia na di Efesus( 1:2). Adong muse didok di 2:1-3, najolo nasida hea mangulahon lomolomo ni daging, jala tama sirimasan. Na tumangkas muse didok di 2:11-12, nasida sipelebegu hian(ndang tarsunat jala ndang Jahudi). Taida dison, ma latar belakang nasida na so Jahudi. Nungga halak Kristen nasida tingki di dapot surat on, alai ternyata mansai ringkot dope laho manaringoti latarbelakang nasida Ditaringoti masa najolo ni huria i, i ma status hadosaonna( na tama sinimasan), tradisi ugamona (na so horong ni halak na tarsunat) dohot harugian nasida andorang so manjangkon Kristus (ndang adong parsaoranna maradophon Debata ni Abraham-Ishak-Jakob). Parjongjong nasida i ma halak na mian di duru ni haporseaon hajahudion. Tarrajum ma nasida halak na dangol jala dao status nasida di toru ni halak Jahudi. Boasa tarrajum halak na dangol nasida i ma ala ndang adong parjumpangan nasida dohot Debata. Ala so adong parsaoran nasida dohot Debata gabe ndang adong sihirimon nasida. Jala ndang adong dapot nang bagabaga taringot tu sangkap ni Debata tu jolo na marpardomuan tu Mesias.

 

·         Ulaon Pardengganan

Marhite asi ni roha ni Debata gabe diungkap dalan haluaon tu sude bangso. Sude halak (Jahudi dohot na so Jahudi) rap parjambar di sangkap haluaon na sian Debata marhite ulaon panghophopon ni Jesus Kristus Ulaon panghophopon ni Jesus Kristus di 1:7 didok mamboan haluaon dohot hasesaan ni dosa. Di bagasan turpuk on, ulaon panghophopon ni Kristus mamboan perdengganan dohot dame di antara halak na seleleng on ndang adong parjumpangan, i ma: nasida songon halak Sipelebegu dohot halak Jahudi. Ulaon pardengganan na pinatupa ni Kristus na di hau Silang (ayat16) tudos tu na manangtangi dorpi parholangan (ayat14) dohot na mamusa hamusuon (ayat16). Dua pihak na so boi parjumpang na sailaon gabe dipadomu jala dipasada marhite ulaon pardengganan na pinatupa ni Kristus (ayat15). Gabe jumpang ma rumang ni dame na sasintongna na tubu sian parsaoran na bagas maradophon Debata.

 

·         Hatuaon dohot Hatauon

Molo status halak na di ruar Hajahudion najolo dietong harugian jala tumoru sian halak Jahudi alai molo nunga dijangkon jala mian di bagasan goar ni Kristus, gabe dipados ma parjongjong nasida di bagasan parsaoran ni angka na porsea. Ndang adong be istilah na dao manang paisolat ala luhutna nunga gabe dongan saharajaon, dongan na badia jala dongan sabagas ni Debata.

Di udutna, parsaoran di bagasan Harajaon ni Debata ingkon tongtong mardalan tu jolo. Parsaoran i ndang holan sae di dirina sandiri. Parsaoran i ingkon tongtong dipauliuli jala lam tu gandana. Ingkon sahat ma tu sintasinta na songon i, ingkon loason nasida ma Debata mangula (2:7) di bagasan hadirion dohot dibagasan parsaoran ni angka na porsea. Alana ndang holan intap ni ulaon panobusion dohot pardengganan, na mangula do Ibana sahat ro di ujungna laho pasingkophon sangkap na uli naung pinungkaNa andorang so ojak dope tano on (1:4).

 

            Huria ni Tuhanta, tontu mansai ringkot do keharmonisan ni angka na sahaporseaon/ na sahuria. Molo pe di partingkian saonari lam godang na mamboan mara tu hadameon dohot hasadaon ni angka na porsea/ na sahuria. Ingkon marusaho do hita mangeahi hasadaon dohot hadameon. Sai unang masa pangalaho na paduruhon dongan ( kecuali ala ni na so disiplin dohot naung lipe haporseaonna). So tung dipaduru nampuna huria i hita.

marragam do latar belakangta, sian habatahon pe ragam do marganta, ragam do na tapingkiri, marasing do adatta, alai dipasada do hita digoar ni Kristus Jesus. Dibagasan Kristus ma hita dipauliuli gabe pamianan ni Debata di bagasan Tondi. Debata mian dibagasan ngolunta, na manorusi ateatenta mandok tu donganta sada do hita. Rap mangalangka ma hita mamujimuji Detata, ndang mardia imbar hita sian utara dohot dangsina. Antong taloas ma Kristus manguluhon ngolunta. Amen.

JUBILEUM 75 TAHUN HKBP KISARAN KOTA

                                                       "Jubileum 75 Tahun HKBP Kisaran Kota..."

Sahabat yang baik hati, Selamat Siang!

Perayaan Jubileum 75 Tahun HKBP Kisaran Kota berjalan penuh damai dan sukacita pada Minggu VI Setelah Trinitatis. Dengan mengikuti Protokol Kesehatan dan dalam pengawasan Satgas Covid-19, semua program yang telah direncanakan berjalan lancar.

Guyuran hujan di pagi hari tidak mengurangi semangat jemaat mensyukuri karya besar Tuhan dalam 75 perjalanan jemaat ini. Kadep. Koinonia HKBP menyampaikan Firman Tuhan dalam dua kali ibadah perayaan jubileum ini.

Jemaat bertekad untuk melangkah dengan iman memberitakan khabar sukacita tentang keselamatan, kedamaian, keadilan dan kepenuhan hidup bagi semua (Fulness of life for all). Salah satu bagian penting perayaan ini, dilaksanakan penanaman pohon dan penataan taman gereja HKBP Kisaran Kota sebagai bentuk kepedulian terhadap kelestarian lingkungan.

Pelaksanaan Jubileum ini berjalan baik dengan kepemimpinan inspiratif Praeses HKBP Distrik XIII Asahan - Labuhan Baru Pdt. Winner Sitorus dan Pendeta HKBP Resort Kisaran Kota Pdt. Budianto Sianturi yang kompak memberdayakan jemaat, parhalado dan pelayan penuh waktu untuk mewujudkan program besar ini.

Panitia yang dipimpin Dokter Riana Simanjuntak Br. Sibarani bekerja dengan sepenuh hati, mulai dari persiapan hingga pelaksanaan perayaan.

Kita berdoa dan berharap, pekerjaan Tuhan yang lebih besar dan mengagumkan akan terjadi di tengah-tengah jemaat HKBP Kisaran Kota! HKBP akan semakin bersinar di wilayah ini.

Dear friends, I wish you a blessed and wonderful day!

JUBILEUM 75 TAHUN HKBP KISARAN KOTA

 

ACARA IBADAH MINGGU VI DUNG TRINITATIS

DOHOT JUBILEUM 75 TAON

HKBP KISARAN KOTA RESSORT KISARAN

DISTRIK XIII ASAHAN LABUHAN BATU

 

DID

 

 

Ev. Amos 7:10-17                                                                  Ep. Markus 6:1-6

 

 

 

 

 

 

 

 

 

 

 

 

 

 

 

TEMA :

MANONGTONG PAJONGJONG HASINTONGAN

(Ptd. Amos 7:12)

 

SUB TEMA :

MARHITE PERAYAAN JUBILEUM 75 TAON HKBP KISARAN KOTA MARLAS ROHA SALUHUT RUAS NI HURIA HKBP KISARAN KOTA MANONGTONG PAJONGJONG HASINTONGAN.

 

DI HKBP KISARAN KOTA

MINGGU, 11 JULI 2021

 

Parhobas Minggu VI DUNG TRINITATIS

DOHOT

JUBILEUM 75 TAON HKBP KISARAN KOTA

 

	Parhobas Minggu Manogot (Pukul 08.00 WIB-10.00 WIB)		Parhobas Minggu Arian (Pukul 11.00 WIB-13.00 WIB)
Parjamita	Pdt. Dr. Deonal Sinaga (Kepala Departemen Koinonia HKBP)		Pdt. Dr. Deonal Sinaga (Kepala Departemen Koinonia HKBP)
Paragenda	Pdt. W. Sitorus, MMin (Praeses HKBP Distrik XIII Asahan Labuhan batu) Pdt. B. Sianturi (Pandita HKBP Ressort Kisaran) Pdt. A. J. P. Pasaribu, STh (Pandita Fungsional HKBP Kisaran Kota)		Pdt. W. Sitorus, MMin (Praeses HKBP Distrik XIII Asahan Labuhan batu) Pdt. B. Sianturi (Pandita HKBP Ressort Kisaran) Pdt. A. J. P. Pasaribu, STh (Pandita Fungsional HKBP Kisaran Kota)
Tingting	St. L. Lumban Gaol		St. T. Lumban Gaol
Tangiang Pangondianon	Biv. R. Silalahi		Pdt. Burhan Sianturi, STh
Panjaha Sejarah Singkat HKBP Kisaran Kota	St. W. Sitohang		St. W. Sitohang
Papungu Pelean	Gareja	Sopo	Gareja	Sopo
	St. V. Sitorus	St. B. D. Manullang	St. A. H. Simarmata	St. L. br. Tampubolon
	St. H. Sitorus	St. F. br. Hutasoit	St. R. Purba	St. B. br. Situmorang
	St. M. Silaen	St. D. H. Simanjuntak	St. H. Pardede	St. E. br. Tambunan
	St. E. B. Sinambela	St. H. R. br. Silalahi	St. S. Pasaribu	St. M. br. Tanjung
	St. H. Tanjung	CSt. M. C. Manalu	St. M. Sihombing	St. br. H. N. Tinambunan
	St. E. Hutahaean	CSt. D. Tampubolon	St. V. Purba	St. L. br. Siregar
	St. T. Manalu		St. C. Siahaan	CSt. V. D. Sitorus
			St. A. Sihombing	CSt. K. Panjaitan
Harentaon	Seksi Penerima Tamu		Seksi Penerima Tamu
Song Leader			Ny. Hutagalung/br. Beruat
			Ny. Sianipar/D. br. Sirait
	R. Manalu		Ny. Simarmata / Br. Hutabarat
			Juliyanti Maria Marpaung
			Keysia Sitorus
			Kanaya Sihombing
			Beatrice Togatorop
Musikal	Tim Musik Gabungan		Tim Musik Gabungan
Multimedia
	Tim Ibadah Streaming		Tim Ibadah Streaming
Penata Parkir + Keamanan	Naposobulung HKBP Kisaran Kota		Naposobulung HKBP Kisaran Kota

 

I.                   Penanaman Pohon (Minggu Manogot)

1.      Tangiang Penanaman Pohon

U  : Pinuji ma Tuhanta dibagasan denggan basaNa dohot asi ni rohaNa. Ibana do Panompa na marmudumudu nasa na tinompaNa. Ibana do manjadihon nasa na adong sian na so adong hinan. Marhite Ibana ojak nasa na di tanoon. Parningotan ma on di Jubileum 75 taon HKBP Kisaran Kota ojak di bagasan Ibana do HuriaNa di bagasan Kristus Jesus Raja ni Huria i. Amen.

2.      Penanaman Pohon oleh :

2.1.  Kepala Departemen Koinonia HKBP  (Pdt. Dr. Deonal Sinaga)

2.2.  Praeses HKBP Distrik XIII Asahan Labuhan Batu (Pdt. Winner Sitorus, MMin)

2.3.  Pendeta HKBP Ressort Kisaran (Pdt. Budianto Sianturi)

2.4.  Ketua Umum Panitia Jubileum 75 HKBP Kisaran Kota (dr. R. Sibarani)

2.5.  Mewakili Parhalado HKBP Kisaran Kota (St. Drs. W. Sitohang)

2.6.  Mewakili Ruas HKBP Kisaran Kota (N. Banjarnahor/br. Sinaga – Sektor 1)

II.                PRA IBADAH

1.      Prosesi Sian Kantor Distrik

2.      Barisan Prosesi Menuju Gereja

3.      Pelepasan Balon Jubileum 75 Tahun HKBP Kisaran Kota

(dipatupa di Minggu Arian)

4.      Penandatanganan Prasasti Jubileum 75 Taon HKBP Kisaran Kota

(dipatupa di Minggu Arian)

Sie. Acara   :  Tahamauliatehon do di saluhut asi ni roha dohot denggan basa ni Jahowa. Ala Ibana di bagasan Kristus Jesus Tuhanta i nunga ojak Hurianta 75 Taon. Hamuliaon nang hasangapon ma di Debata Ama, Anak dohot Tondi Parbadia.

Pimpinan HKBP : Dibagasan Goar ni Debata Ama, Anak, dohot Tondi Parbadia ma hutandatangani prasasti Jubileum 75 Taon HKBP Kisaran Kota on songon parningotan gok asi ni roha ni Debata do tano on nang di HuriaNa. Amen.

(prasasti ditandatangani Pimpinan HKBP)

5.      Prosesi Mamongoti Gareja (jongjong ma Huria)

 

    II.            IBADAH

01.  MANGARADE DIRI MARSOMBA TU DEBATA

(P1 = Praeses, P2 = Pandita Ressort, P3 = Pandita Fungsional, Bv = Bibelvrow, Diak = Diakones)

P1   :  Huria ni Debata na ni haholongan ni Tuhanta Jesus Kristus, nuaeng jongjong do hita di bagas joro on, manghalashon pesta  Jubileum 75 Taon HKBP Kisaran Kota. Tama do hita ruas ni huria HKBP Kisaran Kota, manomba Debata naung mangalehon pasupasuNa tu bangsa Batak.

P2   :  Gok asi ni rohaNa do hita on nunga dipalua jala diramoti sian nasa hasipelebeguon, parhatobanon, habodohon, dohot angka ulaon haholomon. Antong tapuji ma Tuhanta dibagasan parsitutuon manomba Debata Ama, Anak dohot Tondi Parbadia.

H    :  (Mangendehon Refrein BE. No. 581) Puji ma Debata ale manisia, las roham, las roham, somba ma Debata. Dapothon Jahowa na sun timbul i, marhite Anak-Na Tuhan Jesus i.

P3   :  Pinuji ma Tuhan i naung ro manopot hita bangso Batak marhitehite Barita Nauli. Naeng do tahatindangkon saluhut pambahenan dohot pangaramotion ni Debata tu huriaNa tarlumobi tu Huranta HKBP Kisaran Kota, nang tu humaliang dohot tu bangsonta on. Marolopolop jala marlas ni roha do hita manghatindangkon Kristus di sandok ngolunta, Ibana do Raja ni hatuaon dohot haluaon di bangso Batak.

H    :  (Mangendehon Refrein BE. No. 581) Puji ma Debata ale manisia, las roham, las roham, somba ma Debata. Dapothon Jahowa na sun timbul i, marhite Anak-Na Tuhan Jesus i.

Bv  :  Pinuji ma Tuhanta pardenggan basa jala parasiroha, nunga tapataridahon las ni rohanta diparsitutuon parsombaonta tu Debata. Ibana do na manggomgom sandok HuriaNa jala Kristus Jesus do Ulu Huria nang Tondi Parbadia na manjou Huria tu hasadaon.

Diak  :  Jala laos Ibana dibagasan holongNa do manumpak dohot mamasumasu huriaNa HKBP Kisaran Kota asa gabe pasupasu tu portibion. Antong tapuji ma Tuhanta, marende ma hita :

(hundul Bv dohot Diak tu hundulanna be)

02.  Marende BE 581:1-3   Sangap di Jahowa

Ø  Sangap di Jahowa na sun timbul i, balga ni holong-Na ndang tarasam i. Dilehon Anak-Na na sasada i, manobus hita jolma pardosa i.

Reff : Puji ma Debata ale manisia, las roham, las roham, somba ma Debata. Dapothon Jahowa na sun timbul i,  marhite Anak-Na Tuhan Jesus i.

Ø  Tung so hasuhatan do basa-Na i, marhite Anak-Na nilehon-Na i. Mudar-Na durus do di hau silang i, rara pe dosanta ias dibaen i.

Reff : Puji ma Debata ale manisia…

Ø  (Jongjong) Balga situtu pambaen-Mi Debata, tung so hasuhatan holong ni rohaM. Tu jolma pardosa asi do rohaM, diungkap Ho dalan lao tu banuaM.

Reff : Puji ma Debata ale manisia…

03.  VOTUM – INTROITUS – TANGIANG

(P1 = Praeses, P2 = Pandita Ressort, P3 = Pandita Fungsional, H=Huria, S=Sude)

P1   : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on, Amen. Songon on do Hata ni Tuhan Jahowa: Manang ise na mamelehon hamauliateon, i do na pasangap Ahu jala mambahen dalan, asa hupatuduhon tu ibana hatuaon ni Debata. Haleluya!

H    : (Mangendehon) HALELUYA, HALELUYA, HALELUYA

P1   : Martangiang ma hita : Ale Tuhan Debata, Pargogo na so hatudosan jala Pardengganbasa! Ro disaleleng ni lelengna do asi ni rohaM. Mauliate ma rohanami tu Ho, ala diramoti Ho hami sian nasailaon sahat ro di sadari on. Hupuji hami ma Ho, ala naung sahat tu hami Barita na Uli na sian AnakMu, Tuhan Jesus Kristus, na pangolu hami. Mauliate hudok hami tu Ho, ala di bagasan dame dohot hasonangan dilehon Ho HataM na badia i. Sai asi ma rohaM, urupi ma hami mangulahon na nidokMu, asa hot rohanami jala tarparangehon hami parange na badia. Sai ajari jala paimbaru ma rohanami, asa lam ias hami ro di hasusuda ni bohalnami, marhitehite Tuhan Jesus Kristus Tuhannami. Amen.            (hundul)

04.  MARENDE BE. No. 18:2+4 UNGKAP BAHAL NA UMULI

Ø  Nunga ro au, o Tuhanku, ro ma Ho tu au muse.

Ai di bagas ingananMu, las ni roha do sude.

Sai bongoti rohangkon, baen ma JoroMi dison.

Ø  Doshon hauma na dumenggan Ma rohangku di joloM

Sai lopokkon ma na denggan Tu bagasan rohangkon

Sai tumpahi hataMi Asa marparbue i

05.  PATIK NI DEBATA

P1   : Tangihon hamu ma patik ni Debata ima na tarsurat di 3 Musa 25:10-12,18. “Ingkon parbadiaanmuna do taon palimapuluhon, jala tingtinghononmuna haluaon di tano i tu saluhut halak pangisina; ingkon gabe taon parolopolopon do i di hamu, jala ingkon mulak hamu ganup tu partalianna, mulak huhut ganup tu donganna hian.

P2   : Taon parolopolopon do tahe di hamu taon palimapuluhon i, ndang jadi hamu manabur disi jala ndang jadi hamu manggotil sagakna, jala ndang jadi tapuonmuna parbue ni hau anggur na so pinaias i rantingna.

P3   : Ai taon parolopolopon do i, ingkon badia do i di hamu, ingkon panganonmuna disi gogo ni ladang na tubu boti.

P1   : Ingkon patupaonmuna angka aturanHu, jala radotanmuna angka uhumHu, asa marparange hamu hombar tusi, asa marsonangsonang hamu maringan di tano i.  Ia taon parolopolopon i, ingkon mulak tu ganup partalianna hian. Ima sahatna. Antong rap mangido gogo ma hita tu Debata laho mangulahon patikNa.

S     :  Ale Tuhan Debata, sai pargogoi ma hami mangulahon na hombar tu patikMi, Amen.

06.  MARENDE BE. No. 417:1-2  RADE SITUTU HALUAON

Ø  Rade situtu haluaon, na naeng tangkuponmu antong. Rade nang di ho hatuaon, sihalashononmu tongtong. Bernit do ditaon Tuhanmu pasaehon dosam sasude. Tung unang paujat Ibana, sai jangkon pangkophopNa i.

Ø  (Jongjong) Patedek sude hahurangan, topoti sandok dosami. Pangido: Sai sesa o Tuhan, sude pangalaosionki. Datdati, sai saut botoonmu naung sesa dosam sasude. Mardame dagingmu nang tondi, maniop tongtong Tuhan i.

 

07.  MANOPOTI DOSA DOHOT BAGABAGA HASESAAN NI DOSA

P1   : Tapaunduk be ma rohanta di adopan ni Debata laho manopoti dosanta. Martangiang ma hita: Ale Tuhan Debata, Amanami na di banua ginjang. Di Pesta Jubileum 75 taon ni HuriaM HKBP Kisaran Kota, na ro do hami tu joloM manopoti dosa nami. Na pungu do hami di joloM martangiang tu Ho; ndada mangasahon hatigorannami, na mangasahon asi ni rohaM na godang i do.

H    :  Di Jubileum 75 taon di HuriaM HKBP Kisaran Kota, nunga patut nian matoras hami di haporseaon di Ho. Alai sipata na sai olo dope hami madabu tubagasan pangunjunan na manghorhon hadosaon di hami ala dipalindaklindak pangombus ni poda na mangaliluhon nang huaso hasiangan on hami. Sai asi ma rohaM di hami Ale Tuhan.

P2   : Marhite Jubileum 75 di HuriaM, tung huboto hami ma na ingkon matoras hami di haporseaonnami jala togu di panghirimon maradophon Ho. Ale Tuhan, sai asi ma rohaM mida sandok bangsonami, sesa ma dosanami saluhutna.

H    :  Sai asi ma rohaM di hami Ale Tuhan, marpamuati ma rohaM di hami sian nasa hahurangan nang hagaleonnami maradophon Ho, Ale Amang.

P3   : Sai sungguli ma rohanami, asa muba roha dohot pangalahonami, sai sahapi ma tu bagasan rohanami hasesaan ni dosanami i. Lehon ma tu hami tondiM na badia i, asa dipargogoi hami manongtong dibagasan HataM, asa boi hugotaphon hami nasa dosa dohot roha portibi on, asa hupasahat hami dirinami tu Ho, gabe pelean na mangolu jala na badia, ala ni Tuhan Jesus Kristus Tuhannami, Sipangolu hami. Amen.

(manghuling orgen angonangon  BE.No. 681 huhut martangiang)

P1   : Bagabaga ni Debata taringot tu hasesaan ni dosanta : Molo tung adong manang ise na mardosa, adong do pangondianta di Ama i, ima Tuhan Jesus Kristus na tigor roha i. Jala Ibana do pardengganan taringot tu dosanta, alai ndada holan taringot tu dosanta, dohot do taringot tu dosa ni saluhut portibi on.  Hasangapon ma di Debata na di ginjang.

S     :  Amen                                                                             (hundul)

 

08.  MARENDE BE. No. 754 : 1+5 “GOK LAS NI ROHA DO AU”

Ø  Gok las ni roha do au di ngolungkon, di ngolungkon, di ngolungkon

Gok las ni roha do au di ngolungkon, tongtong di rohangkon

Mauliate gok las ni roha maringan holongMi Tuhan di au,

Mauliate gok las ni roha maringan holongMi Tuhan di au

Ø  Marlas ni roha do au di ngolungkon, di ngolungkon, di ngolungkon. Marlas ni roha do au di ngolungkon,. Tongtong di rohangkon

Mauliate gok las ni roha maringan holongMi Tuhan di au,

Mauliate gok las ni roha maringan holongMi Tuhan di au

 

09.  EPISTEL

P1   : Hata ni Debata Turpuk Minggunta sadarion ima na tarsurat di Markus 6:1-6. Jadi hehe ma Ibana sian i, laho tu huta hagodanganna jala diihuthon angka siseanna ma Ibana.

H    :  Jadi jumpa ari Sabbat dipungka ma mangajari di parguruan, jadi longang ma roha ni natorop na umbegesa, angka ninna ma: Sian dia do i tu Ibana?

P2   : Jala hapistaran dia do i na nilehon tu Ibana? Ai ulaon hagogoon do hope pinatupa ni tanganna!

H    :  Nda Ibana tukang i, tubu ni si Maria i, haha ni si Jakobus, Josep, Judas dohot Simon? Nda di lambungta angka ibotona? Jadi targasip ma nasida mida Ibana.

P3   : Alai ninna Jesus ma mandok nasida: Tung na so marsangap do panurirang ianggo di luat hagodanganna, di angka donganna sabutuha dohot di bagasna.

H    :  Jadi ndang tarpatupasa disi ulaon hagogoon, dungkon ni na niampehonna tanganna tu otik halak na hansitan, laho pamalum nasida.

P1   : Gabe longang ma rohana, ala so porsea nasida. Laos diliati ma angka huta di na saluat i mangajari. Ima sahatna. Martua do angka na tumangihon Hata ni Debata jala na umpeopsa.

S     :  Amen.

 

10.  MARENDE BE. No. 651 :1+3 HURIA NA HUHAHOLONGI HAMI

Ø  Huria na huhaholongi hami na pinajongjong ni Tuhanta i. Tung na so lupa sian rohanami Huria I Dohot ruasna i, di nasa hasusaan. Tongtong do i manahan. Manggogo pe angka galumbang i. Tuhanta do na pademakhon i. Martua do na hot di Tuhan i.

Ø  Huria na hinophop ni Tuhanta. Sai mian ma di haholongon i. Sahata ma pangula nang ruasNa. Manomba Jesus na marsangap i. Sai timbul hadameon lam tang haporseaon. Manggogo pe angka galumbang i. Tuhanta do na pademakhon i. Martua do na hot di Tuhan i

11.  REFLEKSI JUBILEUM 75 TAON HKBP KISARAN KOTA

P1   : Marlas ni roha do hita sadari on mamestahon Jubileum 75 taon Hurianta HKBP Kisaran Kota, parhatopoton ni rohanta do tung na balga do asi ni roha ni Jahowa di hita Huria na hinaholongan ni rohaNa.

H     : Ai taboto do, angka na hinaholongan ni Debata jala angka naung tarpillit do hita. Dibahen i, benget do rohanta, ala ni angka na tarpillit, asa taruli hita di haluaon, na di bagasan Kristus Jesus, dohot di hasangapon salelenglelengna i.

P2   : Di ari 04 Juni 1946 na salpu, mansai lehet do langka ni angka na porsea marsera ro tu luat on jala marsada ni roha di haporseaon i ala Barita Nauli, dame dohot holong ni roha ni Debata tu tongatonga ni parsaoran nauli. Sai marsitutu do angka naung parjolo i marparsaoran di Hata ni Debata. Dipajongjong nasida do parsaoran di angka na porsea di Tuhanta Jesus Kristus jala marsitutu do paulihon undungundung parsadaan di ulaon hadaulaton di Debata. Tung mansai ragam do parungkilon na niadopan angka donganta sahaporseaon na parjolo i laho manahan hot tongtong parsaoran nasida di Kristus Tuhanta i. Jala ndang mandele nasida.

H    :  Mauliate ma di Ho ale Tuhan na umpasupasuhon ragam pasupasu na denggan tu angka dongannami na parjolo na padirihon parsaoran di bagasan GoarMu ndung ojak nasida di luat nami on. Siingotonnami ma tutu di sitiruan pos ni rohanasida, togu ni panghirimon dohot haporseaon nasida.

P3   : Tongtong do diramoti Ho parsaoran nasida dibagasan goarMu, Tuhan. Tung ndang dipaloas Ho nasida marsak manang mandele. Alai marhite ragam sitaonon ala poda haliluon ni portibion, dipalumehon Ho do tu nasida hagogoon manahan di haporseaon nasida tu Ho.

H    :  Marbungaran do hataM di angka ruas ni HuriaM, jala lam tu hembangna do HuriaM hombar tu partingkianna. Saluhut na i tongtong do huetong hami ala holong ni rohaM do di HuriaM.

P1   : Di Jubileum 75 taon HKBP Kisaran Kota, siingotonnami ma on laho patorashon haporseaonnami nang hasadaon ni rohanami songon hasadaonMu di bagasan Anak dohot Tondi Parbadia. Pargogoi ma saluhut angka pangula ni Huria nang ruas ni HuriaM laho saroha sapingkiran laho mangoloi parsuruonMu di bagasan Kristus Jesus Tuhannami.

H    :  Sai ajari ma angka natoras laho mamemehon tu angka dakdanak taringot tu HataM dohot hatigoranMu. Sai pargogoi ma angka natoras laho mangajarhon pardalanan ni HuriaM HKBP Kisaran Kota tu angka sundut na umposo.

P2   : Patau ma angka sundut na umposo laho manghangoluhon haporseaonna di bagasan Ho, Ale Debata Hasitolusada. Patubu ma di bagasan rohanasida holong ni roha tu HuriaM.

H    :  Pasupasu ma HuriaM ale Tuhan nang saluhut di parsaoran nang ulaon ni ruas ni HuriaM asa marhatauan hami laho saurdut mangulo jala mardalan di bagasan hasintonganMi. Jala tarjou ma HuriaM gabe pasupasu tu sandok portibi on.

P3   : Tung holan asi ni rohaM sambing do ale  Jahowa  umbahen boi jongjong jala marolopolop HuriaM HKBP Kisaran Kota sahat tu tingki on.

P1   : Urupi ma hami asa marsihohot dibagasan haporseaon, tau gabe sipatupa hadameon, siradoti haholongon, sipajongjong hatigoran dohot mangaradoti jati diri ni huriaM na marmual sian HataM na badia i. Amen.

12.  KOOR : MARS JUBILEUM 75 HKBP KISARAN KOTA

(Jongjong ma Huria...Koor niuluhon Seksi Acara)

13.  MARENDE BE. No. 272:3+4 SAI TOLE, TOLE RO SUDE

Ø  Solukkon hatigoranmi, baen partahananmi. Nang pe haporseaon i, baen lombulombu i. Nang pat ta sai ringgas, rohanta pe hiras. Mamaritahon dame i, baen halolomo i.

Ø  (Jongjong) Antong sai paralohon ma, haporseaonmi. Dipargogoi Debata ma, sipartangiang i. Tajom podangta i, i ma hataNa i. Maruli tumpal do sude, na so sumurut be

 

14.  MANGHATINDANGHON HAPORSEAON

P     :  Tahatindanghon ma haporseaonta i, songon na hinatindanghon ni donganta sahaporseaon di sandok portibi on, rap ma hita mandok:

H    :  Ahu porsea di Debata Jahowa….d.u…… Amen.                     (Hundul)

15.  TINGTING

16.  RINGKASAN SEJARAH HKBP KISARAN KOTA

17.  TANGIANG PANGONDIANON

18.  MARENDE BE.No. 653:1-2 “JUBILEUM NI HURIA”

(Pelean Amplop Jubileum 75 Taon HKBP Kisaran Kota)

Ø  Na tama do ingotonta taon parasi ni rohaon on. Jubileum parningotan, di hita sahuria on, Pitu pulu lima taon naung ojak Huria on. Taon parolopolopon do on di nasa Huria on.

Ø  Taolophon denggan basaNa ita jalo sian Debata. Saluhut do disarihon, na ringkot di ngolunta on. Lam togu ma parsaoran di hita HuriaNa on. Radot masitangiangan ma, masiurupan hita on.

…Musik…

Ø  Ruas angka na matua, baen tiruan hita on tongtong. Maradophon anakhonta, tangkas ma ingot i tongtong. Sundut na umposo i do na sumingkati hita on. Togu-togu, tangiangkon ma, asa jonok tu Debata.

Ø  Rade haporseaonta lao mangadopi hamajuon on. Asa gabe pasupasu, panghorhon nii tu hita on. Tung tangkas ma tapodai, anakhon ni Huria i. Asa jolma halomoan i di hita nang di Tuhan i.

19.  JAMITA : Amos 7:10-17

20.  MARENDE BE. No. 792: 1-5   Pasupasu Hami, O Tuhan

(Pelean Minggu Keluarga)

Pasupasu hami, O Tuhan, sai usehon dame-Mi.

Sai ampehon tanganMi Tuhan, lehon tu au gogo-Mi.

Ø Di portibi on baen ma au Tuhan habaoran ni las ni roha.

Tu na marsak i, tu na dangol i, gabe pangapuli i.

Pasupasu hami, O Tuhan, sai usehon dame-Mi.

Sai ampehon tanganMi Tuhan, lehon tu au gogo-Mi.

Ø Di portibi on, baen ma au Tuhan, monang maralohon dosa.

Dibahen gogo-Mi, talu musu i, sibolis pangago i.

Pasupasu hami, …

…Musik…

Ø Pasupasu hami, …

Di portibi on, baen ma au Tuhan sipatupa hadameon.

Baen ma Hata-Mi, saor tu roha ni na masihosoman i.

Pasupasu hami, …

Ø Di portibi on, baen ma au Tuhan siradoti haholongon.

Togutogu ma, hami on Tuhan, marparange na denggan.

Pasupasu hami, …

…Musik…

Ø Pasupasu hami, …

Di portibi on baen ma au Tuhan, sipajongjong hatigoran.

Pargogoi ma au, raphon HuriaM, patupahon na denggan

Pasupasu hami, …

 

21.  Parsuruan (Jongjong)

Pimpinan : Marolopolop jala marlas ni roha do hita ala naung ojak Huria HKBP Kisaran Kota 75 taon. Ido las ni rohanta di perayaan Jubileum 75 taon HKBP Kisaran Kota disadari on. Tung balga situtu do holong ni roha ni Debata tu huria-Na HKBP KISARAN KOTA boi sahat marjubileum 75 tahun di taon 2021. Laho ma hamu borhat mangulahon parsuruon ni Tuhanta manghamauliatehon haojak ni Hurianta lelengna 75 taon jala manghalashon rohanta di Jubileum ni Huranta HKBP Kisaran Kota di Jubileum 75 taon. Hot tongtong jongjong di bagasan parsaoran na marhadaulaton jala manongtong pajongjong hasintongan.

H    :  Marsangap jala marmulia ma Jahowa. Dipasupasu ma Hurianta hot manongtong ro di saleleng ni lelengna. Amen

 

20.   TANGIANG PANUTUP (PELEAN – ALE AMANAMI – PASUPASU)

P     :  Tangiang Pelean

H    :  (Mangendehon) Nasa na nilehonMi..

P     :  Tangiang Ale Amanami…

H    :  (Mangendehon) Ai Ho Do nampuna…

P     :  Pasupasu

S     : (Mangendehon) Amen..Amen..Amen

 

22.  ACARA PERAYAAN JUBILEUM 75 TAHUN HKBP KISARAN KOTA (Diaturhon Seksi Acara)