BORHAT MA HO JALA BARITAHON MA HATA NI TUHAN I
MARKUS 6:6b-13
“Hata
marsuru martudutudu doi tu sada parenta , Tuhan Jesus marsuru angka
Siseanna asa Mamaritahon barita na uli
jala ingkon rade mangoloi parsuruoni. Tudoshon sada prajurit na ingkon rade di parenta
ni indukna. Songoni ma Halak Kristen i ingkon unduk jala rade mangoloi
parsuruon ni Tuhan i. ndanda holan marsuru Jesus tu siseani alai
dibohali jala diperlengkapi do marhite na mangalehon huasoNa marhite hagogoon
ni Tondi Parbadia . Dibohali Jesus do siseani marhite namangalehon huaso tu
nasida, asa talup nasida mangoloi parsuruoni .Ndada holan haradeon di igil sian
siseani alai dohot do parsitutuon mangulahon parsuruoni.
Ulaon ni Ise do Mamaritahon Barita na uli i?
Ulaon
ni Saluhut Halak Krsiten doi “Laos
diliati Jesus ma angka huta laho mangajari” marlapatan doi torop dope jolma
siajaran laho mananda harajaon ni Debata. Alani i, molo mangajari manang
mamaritahon harajaon ni Debata naeng ma tumiruanton pangajarion ni Jesus sian huta tu huta. Angka parbarita na uli (
Parhalado ) nang ruas pe ingkon ringgas
do mamaritahon harajaon ni Debata tu ganup ruas ndang cukup holan di ari
Minggu i manang di Gareja hita marjamita,manang manangihon hata ni Debata, alai
ingkon di sandok tingki dohot inganan do
hita mamaritahon dohot manangihon hata ni Debata. Ndada holan ulaon ni parhalado laho marbarita
nauli alai tung sandok ulon ni sude
halak na porsea do I, Ulaonta saluhutna doi
Jesus marsuru Hita Saluhutna Mamaritahon
Hata ni Tuhan i
Boasa
ndang marsasahalak disuru, boasa ingkon marduadua halak ; Dipatuduhon i do hinaringkot ni Barita na
uli i Borhat marduadua halak marlapatan doi tau mangalehon dorongan, penegasan
pamaritahonon ni Hata i, jala mangalehon keamanan di nasida, asa boi masipaingotan
jala mangalehon semangat jumpa gale donganna . Boi do tong marduadua nasida
borhat asa rap nasida pasingkhophon angka ulaon pamaritahonon ni Hata i, rap
manogunogu, rap paingothon, rap marparateatehon sisean na sada maradophon
sisean na nasadanari. Dipartingkian
sisaonarion, nunga godang angka Pangula di tonga tonga ni huria jala marragam
angka tohonan na dipasahat. Di Hurianta HKBP adong na ginoaran Parhalado nag ok
tingki, Parhalado partohonan dohot parhalado na so martohonan. Boi do lobi sian sada angka pangula ni huria
di sada huria i. Alai ingkon ma nian masiurupan jala masidukan angka Pangula
nang ruas i laho mamaritahon Hata ni Tuhani . Sahata ma hamu dohot angka dongan pangula ni
huria: Dipangalaho ni pangoloion tu Debata, unang pulikpulik marpingkiran,
unang marsalisi hata dohot roha, unang masigasipan, asa saut di hamu na
pinangido mi Tuhan Jesus.
Unang Mangahut tu Diri
Di
ayat 8 tangkas do “diorai Jesus angka
sisean mamboan manang aha di tongan dalan, manang roti, manang hajut, manang hepeng
di hohos pe, jala ndang jadi pangkeonmuna bajubaju dua”. “Nda holan tungkot,
jala denggan do marsipatu hamu”.Marlapatan doi ni laho mamaritahon barita nauli
i Ndang mamboan manang aha dipataridahonido
kesederhanaan ni angka sisean jala haradeon ni sisean
manghasabamhon na adong jala na dapot
nasida di huta na ditopot nasida. ai tama do dapotan bohalna angka pangula
(Mat. 10:10) jala naeng sian barita i do hangoluoannasida (1 Kor. 9:14). Songon
pangalehonon ni Debata tu nasida huaso mamaksa angka tondi na hodar, songoni ma
nang Jesus mangalehon angka na ringkot di nasida saleleng ditongan dalan dohot
di tingki mamaritahon Hata i. ndang jadi holsoan nasida ala ndang adong diboan
nasida sipanganon nang parabiton pe, ai lehonon jala tambahononNa do saluhutna
molo taulahon parsuruon i. Asa unang bergantung tu tu sipanganon, parabiton,
hepeng alai marsigantung ma tu pangaramotion dohot huaso ni Debata ma hita di
panghobasion mamaritahon barita na uli i Parbarita na uli ndang boi marsihohot di angka na lohot
tu dirina, ndang boi mangunsande tu na binoanna molo ingkon mananon na hansit
ingkon rade mangadopisa, unang gulut di arta asa hibul mamaritahon jala
mangulahon parsuruon ni Debata. unang
boan boban na borat laho mamaritahon Hata ni Debata, nunga rade saluhutna, Hata
i ma pasahat jala boan tu angka na naeng manangihonsa.“Alani i, Jesus do
parsigantunganta laho mamaritahon Hata i. Nuaeng pe di hita angka sisean ni
Jesus, holan tu Ibana ma hita marsigantung asa denggan sahat Barita Nauli i tu
liat portibion.
Jangkonma Hata ni Tuhan i jala pauba roham
Ndang
sai sude na ra manjanghon barita na uli, adong do na manulak dohot berbagai
alas an alai unang gabe gale rohanta marbarita na uli, alai margogo ma hita
laho manjamitahon hata ni Tuhani namamboan hamubaon ni roha Unang ma gabe so hita mamaritahon Hata i holan ala ni
angka na so manangihon Hata ni Debata. Godang nari dope sijamitaanta jala na rade .jala na ra manangihon barita
nauli Antong aha ma nanaeng Putikanta
sian Jamita on
1. Borhat ma hita Mamaritahon Barita na uli, mangoloi
parsuruon ni Tuhani
2. Hibul ma rohanta Manjanghon huhut Mamaritahon Hata ni
Tuhani, unang mangasahon gogonta sandiri alai mangasahon pangaramotion ni Tuhan
i ma
3. Borhat ma hita laho mamaritahon hata ni Tuhan i
ditingki na une nang so une, dibagasta, di ulaonta manang didia pe, unang maila
hita mamaritahon Hata ni Tuhan i
4. Marhamubaon ma hita asa unang taruhum hita sogot di
harajaon ni Debata. Amen
Tidak ada komentar:
Posting Komentar