JAMITA EPISTEL LUKAS 2:41-52 "NGOLU DIBAGASAN PANOGUNOGUON NI DEBATA

 

NGOLU DIBAGASAN PANOGUNOGUON NI DEBATA

LUKAS 2:41-52

Minggu XVI DUNG TRINITATIS

Huria ni Tuhan na hinaholongan di bagasan Jesus Kristus,

Dihalak  Kristen Batak, molo adong dakdanak baru tubu/ sorang, jojot do binege pandohan magodanggodang ancimun ma ho anaha ninna na ro mangidasa. Pandohan on hurang lobi marlapatan do asa hatop jala denggan magodang dakdanak i. Pandohan i, patuduhon kerinduan menjalani pertumbuhan. Tontu hal na denggan do molo tahasiholi magodang dakdanak i. Di sisi na asing, lam magodang dakdanak lam godang do na binotona. Lam godang na binegena jala lam godang na boi siparguruhononna. Sai dianahon natorasna do angka dakdanakna asa tong rap sai sauduran dohot na torasna , molo holang manang dao dakdanak i sian lambungna  sai diordior do roha nang pingkiran ni natorasna  alai molo dung dapot manang jumpang mansai las ma roha ni natorasna ,laos paboaonna ma nang tu angka tondongna huhut mandok nunga mulak tondi tu ruma . Songoni do namasa di Turpuk on ndung lam magodang Jesus dung marumur 12 taon  Diboan natorasna si Josep dohot si Maria ma Ibana tu Jerusalem laho marariraya paskah  alai ndung mulak nasida sian pestai lulu lulu ma roha nasida ala ndang rap nasida mulak tu jabu, dirimpu roha nasida naung mago Jesus i. Pola parsadarian nasida mangalului Ibana di tonga tonga ni angka tondong dohot dongan, ndung tolu ari  dapot nasida ma dibagas joro hundulhundul ditongatonga ni angka guru tumangihon hata nasida huhut manungkun nungkun.        Ndang tiala roha nian so marsak jala lulululu roha ni Josep dohot Maria ala pola sampe tolu ari ndang tarida Jesus i, umbahen na pola didok  “Boasa dibahen Ho songoni tu hami, Anaha, bernit do huahap hami dohot amangmu mangalului Ho”. Na gabe sungkun sungkun nuaeng boasa pola tading Jesus dibagas Joroi aha suraon di tahi rohaNa di bagas joroi .  Tading pe Jesus diinganan i, ndang na so diboto mulak, manang na losok rohaNa manang na maila rap mulak dohot natorasNa, alai ala na adong do ulaonNa naeng marsiajar do Ibana tu hata ni Debata. Ringkot naeng pabotohononNa tu natorasNa na adong do AmaNa di Banuaginjang, na lobi andul ingkon parateatehononton ima man. Mamparsangapi AmaNa “ Boasa pola luluanmuna Ahu? Ndang diboto hamu napatut ahu dibagasan ni Damang?” sasintong na Ndang na mangalo Ibana tu natorasNa, unduk do Ibana  tu natorasNa, alai naeng patuduhonon ni pandohani do Lobi unduk do Ibana tu AmangNa na marsuru Ibana. Nuaeng dia ma natau siputihanta sian Jamita on

Parjolo : Jesus ima songon sada permata na ingkon luluan. Diboto jolma i do, diganup jolma lomo rohaNa sadalanan dohot Jesus. Lam balga Jesus, jala lam dihalomohon, ala ndang holan pamatangna dohot do nang rohaNa magodang, ai gok roha na pantas harohaonNa. Dihaholongi Debata nang jolma i Ibana, ala saluhut na pinasahatNa i, na tingkos jala na boi tarjalo roha ni Debata nang jolma. Songoni ma hita halak Kristen i lam magodang, ingkon rap magodang di pardagingon jala lam magodang nang diharohaon, nang partondion jala di na lam magodang hita  dibagasan pantas ni roha, gabe lam dihaholongi Debata ma, Asa mian Dipanogunoguon na sian Debata ma hita

Paduahon  : On ma sipaingot tu hita halak Krsiten tarlumobi sundut naumposo , asa olo hita marsiajar  songon Jesus i, marhite na dihalomohon rohaNa rap dohot donganna na hundul rap dohot angka malim i di Baga Joroi   Mamungka sian sihaetehon  nga ingkon mangalului parbinotoan jala ingkon sigop mangguruhon hata ni Debata. Molo sian sihaetehonna do nunga lomo rohana dipangajarion, nunga sada tanda na denggan situtui na gok panghirimon. Ala nuaeng on godang do angka ianakhon nang sundut naumposo  sai holan na marmeammeam nama ulaonna ndang olo marsiajar di hata ni Debata jala bangkol ro tu Gareja  . Alani Ingkon olo do Hita mangolu dibagasan panogunoguon ni Debata. Unang lalap hita di arta portibion jala ingkon toguonta do angka gellengtai mananda harajaon ni Debata

Patoluhon : Ndang di loas Debata hita dao sian Ibana, alai sai di jaga do hita jala diramoti jala dipalua do hita sian hamagoan. Alani mangolu ma hita dibagasan panogunoguon ni Debata ta Puji ma Ibana di bagasan joroNa taingot ma hata ni Endenta No 18 : 1, “Ungkap bahal na ummuli bagas ni Debatangki, ai tu si do au naeng muli ganup jumping Minggui, hulului do disi bohi ni Debatangki”    Taanahon ma angka ianakhonta asa sai rap sauduran hita dohot nasida di bagas Joroi, jala tatogu togu nasida asa ringgas marsiajar dohot mangguruhon hata ni Debata.

Bahan Diskusi

1.      Ahado suraon sibonsiri namambahen bangkol halak Kristen i ro marpungu,jala marsiajar di bagas joro i? lumobi di angka ianakhon na menek manang sundut na umposo?

2.      Nunga olat ni dia naung tapatupa laho marmeme , mamodai dohot mangajarhon ianakhonta taringot tu hata ni Debata ?   Amen

Usul tu Ende

1.      BE. 14: 1-2      BL    57

2.      BE   30:1+3     BL  135

3.      BE  501:1-2     BL  341

4.      BE  743:1-2     BL  743

5.      BE   128:1-2    BL  162