ACARA ULANG TAHUN KE 76 HKBP KISARAN KOTA

 ACARA ULANG TAHUN DAN WARTA HKBP KISARAN KOTA

BAHAN SERMON GURU SEKOLAH MINGGU KELUARAN 20:4-6

                                         SERMON GURU SEKOLAH MINGGU

HKBP RESORT KISARAN

DISTRIK XII ASAHAN LABUHAN BATU

 

KELUARAN 20:4-6

 

                                                    AKU MAU CINTA KEPADA ALLAH

 

KHOTBAH MINGGU 12 JUNI 2022

DI  HKBP KISARAN KOTA

Tujuan Pembelajaran.

1. Agar ASM Mengenal Allah dengan Cara yang benar
2. Agar ASM  Mampu mengucapkan dan Memahami Hukum Taurat II
3. Agar ASM mampu melakukan Ibadah dan doa yang benar kepada Tuhan
4. Agar ASM Tidak menyembah Patung  yang menyerupai apapun menjadi tandingan Allah

 

Penjelasan

Keluaran 20:4-6 merupakan bagian dari perikop Kesepuluh Firman atau yang lebih dikenal dengan 10 Perintah Allah atau 10 Hukum Taurat. Sepuluh Perintah Allah ini diberitahukan kepada Musa di Gunung Sinai, dalam perjalanan bangsa Israel keluar dari tanah Mesir, dimana mereka diperbudak.

            Ketika Bangsa Israel berada di Mesir, mereka melihat figure allah atau dewa berupa patung-patung, ukiran-ukiran. Misalnya Dewa Ra, Dewa Anubis, Dewa Sobek.

Allah yang Benar, tidak menginginkan bangsa Israel membuat patung dewa-dewi seperti itu. Karena itu Allah menyatakan sebuah larangan membuat patung allah, “Jangan membuat bagimu patung yang menyerupai apapun yang ada di langit di atas, atau yang ada di bumi di bawah, atau yang ada di dalam air di bawah bumi. Jangan sujud menyembah kepadanya atau beribadah kepadanya,” (Kel. 20:4-5a).

 

            Bangsa Israel dilarang untuk membuat gambar, ukiran, pahatan dari dewa-dewa yang menyerupai apapun. Baik itu benda-benda langit (matahari, bulan, bintang-bintang, dll), yang ada di bumi & yang ada di air (berbagai bentuk hewan, tumbuhan, dll).

            Dan  jangan sujud dan beribadah kepada patung-patung tersebut. Kata “Sujud” merunjuk pada sikap tubuh di hadapan patung tersebut. Misalnya: bersujud sampai ke tanah, membungkukkan badan, mencium bagian dari patung, mengangkat tangan menyembah patung. Kata “beribadah” merujuk pada sikap hati atau roh terhadap patung tersebut. Misalnya: berdoa kepadanya, mempersembahkan korban, memberi makan, memuji atau menyanyikan pujian, mempercayai dan mengharap hal-hal baik datang dari patung tersebut.

 

            Ayat 5b menegaskan sikap Allah terhadap orang/ umat yang melanggar larangan tersebut. Allah menghukum hingga keturunan yang ketiga dan keempat dari penyembah berhala, “Aku …membalaskan kesalahan bapa kepada anak-anaknya kepada keturunan yang ketiga dan keempat dari orang-orang yang membenci Aku.”

            Kata “bapa” itu merujuk pada orangtua atau leluhur, bukan hanya ayah/pace/bapak. Orangtua yang percaya pada berhala akan memengaruhi anak-anak atau keturunannya. Murka Allah akan berlaku kepada anak-anak atau keturunan dari penyembah berhala. Jika si anak atau Keturunan tidak mengasihi Allah maka mereka terkena kutuk hukuman dari orangtua mereka.

            Mengapa sampai “keturunan ketiga dan keempat”? Karena biasanya seseorang dapat hidup dan melihat keturunannya yang ketiga dan keempat. Artinya, Allah membiarkan orangtua yang tidak taat dan penyembah berhala tersebut melihat dampak kemarahan dan hukuman Allah hingga dalam kehidupan keturunannya sampai ia meniggal dunia.

            Kabar baiknya adalah Jika ia bertobat atau keturunannya Berbalik dari penyambahan berhala dan mengasihi Allah yang benar, Maka kutuk hukum tersebut dipatahkan atau tidak berlaku lagi. Ayat 6 menyatakan, “tetapi Aku menunjukkan kasih setia kepada beribu-ribu  orang, yaitu mereka yang mengasihi Aku dan  yang berpegang pada perintah-perintah-Ku.”

Tetapi tahukah kita, bahwa mungkin saja ada hal-hal lain yang secara tidak sadar kita posisikan sebagai patung dan kita sembah. Contohnya, televisi, artis idola kita, game online, dan lain sebagainya, bukankah hal-hal tersebut dapat dikatakan sebagai “berhala” kita? Berapa jam kita duduk di depan televisi atau di depan komputer bermain game? Bisa-bisa waktu kita untuk hal-hal tersebut mengalahkan waktu kita untuk Tuhan. Atau kita mengikuti tren artis idola kita, sampai-sampai kebiasaan mereka yang buruk pun kita tiru. Bukankah itu juga tidak berkenan di hadapan Tuhan?

Alkitab mengatakan agar kita mengutamakan Tuhan, tidak membuat “saingan” Tuhan dalam kehidupan kita. Jangan sampai hal-hal duniawi mengalahkan hal-hal rohani. Jangan sampai uang dan segala hal di dunia ini mengalahkan Tuhan dalam hati kita. Sudahkah kita menempatkan Tuhan di dalam hidup kita?

Bukankah kita harus mengasihi Tuhan sebagai hukum yang terutama (Mat 22:37-38)? Bukankah ketika kita mencari Tuhan terlebih dahulu maka Tuhan akan menambahkan yang lain dan bukan sebaliknya (Mat 6:33)? Ingat bahwa Tuhan adalah Allah yang cemburu, yang membalaskan kesalahan hingga keturunan orang-orang yang membenci Tuhan (ay. 5b, tetapi menunjukkan kasih setiaNya kepada orang-orang yang mengasihi Tuhan dan berpegang pada perintah-perintahNya (ay. 6).

Perintah kedua ini membahas tentang bagaimana cara umat menyembah Allah. Perintah ini mengandung makna sebagai berikut:

 1. Dilarang mematungkan Allah dengan cara atau bentuk apapun.

 2. Dilarang menyembah, berdoa dan memohon kepada patung atau berhala

 3. Dilarang melakukan ibadah dengan cara yang salah

PENERAPAN
1. Mengasihi dan Bermain dengan Teman

2. Mengasihi Keluarga

3. Memuji Tuhan, dan Mencintai Allah

4. Rajin Ke Gereja

5. Menolong Teman

                                                                                                                                   Pdt Budianto Sianturi

TERTIB ACARA PASAHAT SULANG SULANG PAHOMPU

 

1 Marende BE No.569 : 1 – 2  “O Debata tung longang do rohangku”

Ø  O Debata tung longang do rohangku, Molo hubereng na tinompaMi, Saluhut bintang, hilap dohot ronggur, manghatindanghon hasangaponM. Ref: Marende au Tuhan mamuji Ho, O, Debata, sangap do Ho. Marende au Tuhan mamuji Ho. O, Debata, sangap do Ho. 

Ø  Di ladang di adaran dohot tombak, Marende pidong tung mansai sonang. Punsu ni dolok, sunge dohot rura, Mamaritahon sangapMi Tuhan.

          Ref:  Marende au …

2.   Votum-Introitus

   U:    Marhitehite Goar ni Debata Ama dohot Goar ni Anakna Tuhan Jesus Kristus dohot Goar ni Tondi Porbadia, na tumompa langit dohot tano on, amen, marolopolop ma hamu ale angka partigor mangasahon Jahowa talup do marende angka naunujur marroha.

H:  Marlas ni roha ma hamu ale angka partigor dibagasan Jahowa jala puji hamu ma goarNa nabadia.

U: Sai tong do mamerengi matangku tu Jahowa, ai Ibana do mangenet pathu sian jorgong. Sai dompakhon ma ahu, jala asi roham di ahu, ai punjung jala na dangol do ahu.

H:  Ho do ale Jahowa dihalungunhon rohangku, ale Debatangku marhaposan tu Ho do ahu, sai unang paila ahu.

H: Antong sai pujionku do angka pambahenan ni Jahowa, ai sai ingotonku do halongangan angka na binahenna i sian narobi.

U : Nadenggan situtu do mamuji Jahowa dohot mangendehon goarMu ale na tumimbul.

H: Ai pardenggan basa do Jahowa rodi salelenglelengna do asi ni rohaNa, jala marsundut-sundut do hasintonganNa.

U : Martangiang ma hita ale Tuhan Debata, Pargogo na so hatudosan jala parasi roha Hupaserep hami rohanami di jolom, hupangido hami tu Ho, sai lehon asi nirohaM manggohi rohanami, sondangi rohanami marhitehite TondiM, asa lam hutinggalhon hami nasa dosanami, jala hutangihon hami hataM nabadia i, ale Tuhan dilehon Ho denggan ni basaM di keluarga on ima Kel. JF Bakara /Y BR Sitorus jala dipaloas Ho mandok mauliate  di sude angka silehonlehonMi, boi nasida pasahathon adat na denggan tu hulahulana. Antong sai paian ma hatam tu bagasan roha nami, asa marparbue na denggan hami asa anggiat tambaanmu las ni roha dohot pasupasum,  marhitehite Tuhan Jesus Kristus Tuhan nami, amen.

3.         Marende No. 116 : 1

  Ditompa Ho do au sondangi rohangkon. Tung basabasaMi sude na diauon

 Gomgomi pamatanghu naeng Ho do oloanku, sai lehonma gogongku

   Lomom naeng oloanku, urupi tatap au tutu panompa naburju.

4. Litani :Pandonganion ni Debata

U:    Ale Debata hupartopot hami do na Ho do jumolo manghaholongi hami  . Di na huhilala hami nueng balgani  panumpakMi. Ale Tuhan molo dipaloas Ho hami marrumatangga di lehon Ho ianakkon, songon basabasaM, asa anggiat ma nasida gabe ianakkon siboan las ni roha, asa marlas ni roha hami natorasna, natuatuana, songon nang hami na marhahaanggi.

H: Ale Debata parholong asi ma rohaM di hami

U :Ale Debata Ho do marsuru hami masihaholongan, hami namarhahaanggi, hami namarnatuatua marianakkon, hami namarhulahula marboru, sai tongtong pahot holong nami i. Asa dao sian  hami hosom, late nang elat.

H :Ale Debata na gabe jolma, jala namian di tongatonga nami asi ma roham di hami .

U :Huparhatopot hami do ale Debata saluhutna manumpak tu nadenggan di angka na marholong ni roha di Ho. Alani ni sai baen ma ma hami namarpungu on masihaholongan.

H :Ale Debata na gabe jolma jala namian di tongatonga nami asi ma roham di hami.      

U: Huparhatopot hami do ndang adong dison huta na hot di hami, Molo tung adong pe arta nami, silehonlehonmi di hami, ajari ma hami mamangke I tu lomo ni rohaM, asa dibagasan roha na mandok mauliate tu Ho hami, asa hupelehon hami pelean nami marhitehite na mangaradoti ulaon lomo ni rohaM.

H :Ale Debata nagabe jolma jala na mian di tongatonga nami asi ma roham di hami.

U : Partangiangan na hupatupahami on, songon i nang adat na sipatupaon nami, asa hupatupa hami dibagasan dame nang las ni roha. Asa marhite i marsangap ma Ho,  jala hupuji hami ma goarMu na badia i. Amen 

5. Marende No.  28 : 1-2 (Hata ni Jahowa)

Ø  Hatani Jahowa sipadame  jolma hangoluan i, halalas ni roha siapuli roha ni namarsak i, Gogoni Debatangki paluahon na porsea sian nasa jea.

Ø  Ido haojahan na tongtong Manahan  salelengna i, I hajongjonganku i do haposanku, hangoluanki.  Gogongki tongtong ma i mangihuthon tu hataNa lao mambaen lomoNa.

 

6. Jamita :

7.    Marende No. 255: 1

      Holan sada do naringkot, Jesus lehon i di au, manang aha pe nadapot

      ndang tung pasonanghon au, nang arta nang sangap, sude hamoraon,

      ndang tau mangalehon di au hasonangan,  alai molo dapot nasasadai tongtong

las rohangku hinorhonni i.

8.    Tangiang sian dongan tubu

9.      Marende No. 783:1-2

Tuhan sitompa saluhut  Ho do na marmulia i, ndang na tarasam saluhut ni lehonMi.

Patar do asI rohaMi di sinondang ni ari i, di gogo ni haumai nilehonMi.

10. Tangiang sian hulahula

11. Marende No 443: 1-2 (papungu pelean)

1.  Dung Tuhan Jesus nampuna au songgop damena biarhu lao

      Taripar gogo ngoluna i nasa dosangku naung sae doi. Ref: Tabaritahon holongna i,

       didia Tuhan tudoshon i, Tuk manumpahi tarlobi da, sasada Jesus pinujima!

2. Di Ho ngolungku, las rohangki jumolo Jesus siluami,PangiringonMu, tolongMu i, mangalo dosa nang rohangki, ref: Tabaritahon….

12.  Parsuruon(jongjong)

Pdt:      Huria na hinaholongan ni Tuhan ta Jesus Kristus, tarlumobi hamu Kel JF Bakara /Y Br Sitorus dipaingot hata ni Debata hita asa sude holso ni rohanta tapasahat ma i tu Debata, ai molo tapingkir pingkiri, maol do antusannta pambaen ni Debata tu hita, songon i do ngolunta, ai jotjot masa di hita sian na so pamotoanta, ai anggo gogonta ndang mampu hita mangulahon i,  holan gogo na sian Debata do sipangasahononta, ala naung tahilala denggan basa ni Debata. 

H: Sai di pargogoi Tuhan i ma hami mangulahon i asa unang be sai holsoan hami, alai pos roha nami mangadopi parungkilon na ro tu hami.

Pdt:      Marhite partangiangan syukuran on, nunga patar asi ni rohani Debata dibagasan ngolunta, ai ternyata holan panarihonon ni Debata do umbahen boi dope hita marhahipason sahat tu tingki on.

H :  Ima tutu, sai saut ma i, asa tung tangkas hutanda hami Debata parasiroha i.

13.  Tangiang Pelean/ Ale Amanami/ Pasu-pasu/ Amen amen amen

JAMITA EVANGELIUM MINGGU 12 JUNI 2022 PSALMEN 8:1-10 ( MINGGU TRINITATIS )

 

SERMON EVANGELIUM MINGGU TRINITATIS, 12 JUNI 2022

DEBATANTA NA SANGAP JALA NA TIMBUL

EV: PSALM 8 : 1-10

Patujolo

Kecanggihan zaman sisaonari nunga mambahen hatop be hita mandapot angka informasi na tung mansai godang. Diboan kemajuan teknologi on do hita mengelilingi sude portibi on bahkan tu atas langit tanpa berpindah inganan hita, nunga boi taida sude na adong di portibi on marhite angka kecanggihan ni media. Ala kecanggihan i gabe marnida ma hita di angka ragam ni na so hea taida gabe mambahen hita sipata gabe longang jala tarngongong ala sude ragam ni na taida i. Godang do angka pande bisuk na berusaha laho meneliti jala mamparsiajari angka hal-hal unik si nangkin songon bahan ilmu na naeng siajarhonon tu angka ganup jolma Alai di tingki na marnida sudena i sahat do hita tu sada perenungan na mamboan rohanta sungkunsungkun taringot panompa ni sudena i? on ma na naeng siidaonta marhite turpuk on, ndang marhite media ibana marnida sude na niidana i, alai sahat do ibana tu panandaion taringot tu panompa sudena i.

Molo tarimangrimangi sian roha partondion, dohot marhite haporseaonta, sude do angka na tinompa ni Debata taida dohot angka na so taida na adong diportibi on manjamitahon hamuliaon ni Debata, songon i do nang par-Psalmen marhite turpuk on, dihatindangkon ibana do sudena na niida ibana sian balga ni haporseaonna songon dalanna manghamauliatehon sude denggan basa ni Debata di bagasan parngoluonna. Dibahen si David do songon sada ende laho manghajongjonghon haporseaonna sian sude na niida ni matana di ngoluna siapari. Di jujur ibana do sude angka huaso ni Debata na tarida sian haulion ni angka jadijadianNa na adong mulai di portibi on sahat tu na adong di langit. Sian haporseaon ni si David, tarida ma sada karakter dohot hapantasan ni ibana marnida sude na adong di humaliangna, ndang holan marnida sambing ibana, alai sahat do ibana tu sada panandaion taringot ise do Debata marhite angka jadijadian i.

Hatorangan ni Turpuk

Marhite turpuk (Psalmen 8: 1-10) on, na naeng diondolhon ima:

1. Marnida Hamuliaon ni Debata sian angka na tinompaNa (ay.1-3)

Tung mansai tangkas do, molo turpukta on ima sada turpuk na disurathon marhite ende, ima ende na pinatupa ni si David (ay.1). ende on ima songon ende pamujion jala pangarimangrimangon taringot angka sude na humaliang, marmulia do Debata siala pamujion ni si David di sude angka na tinompa ni Debata. Di tariashon si David do marhite turpuk on ima hamuliaon ni Debata na di liat portibi on sahat ro di atas ni angka langit (ay.2) pemakaian hata angka langit patuduhon ndang sian hapistaranna ibana manghatindanghon i sude, alai sian balga ni haporseaonna do patoranghon angka na so niidana dope. Ditariashon ibana do angka hal-hal na so masuk diangkal ni jolma alai tupa molo dihagogoon ni Debata, ima songon pamangan angka dakdakna dohot posoposo dijadihon Debata gabe parangan (dasar kekuatan) ni Debata, laho mangalo angka musu (ay.3). Tung mansai tangkas do huaso ni Debata lobi sian na boi piningkiran ni jolma, asa sian i do tarida balga ni huaso ni Debata na so tardungdung ni angka jolma.

2. Sumurung ni jolma sian jadijadian na asing gabe sada pujian tu Debata (ay. 4-5)

Tung mansai metmet do jolma molo dibandingkon sian angka jadijadian na bolon na asing. Bahkan sian hagogoon, jadijadian na gale do molo angka jolma. Alai on ma gabe sungkunsungkun di si David songon par-Psalmen marhite endena on. Tung mansai bolon do angka langit, angka jadijadian songon bulan dohot bintang molo dibandingkon tu angka jolma (ay.4). On ma gabe sungkunsungkun ni si David, dia ma nian sumurung ni jolma asa sai tu jolma i roha ni Debata (ay.5), ayat on gabe songon sipahusorhusoron di bangso Israel uju i na sai tong dilehon Debata rohaNa tu angka jolma nang pe sai jotjot jolma i muba sian dalan ni Debata. Dung i lam dipatangkas do muse sungkunsungkun nangkin ala sai dibahen Debata do jolma gabe sagombaran dohot Debata (imago dei), jala ditailihon Debata do hamuliaon dohot hatongamon di jolma na tinompaNa i (ay.6). Jala gabe parhitean (wakil) ni Debata laho gumomgom angka jadijadian ni Debata, jala sude dipatunduk tu jolma i (ay.7), i ma sude angka na manggulmit di portibi on nang angka na di laut dohot langit (ay. 8-9). Sian i ma sudena gabe haroroan ni pamujion ni si Daud tu Debata. Sian angka pambahenan ni Debata i gabe sangap Debata di liat portibi on (ay.10).

Sipahusorhusoron

Marhite Minggu Trinitatis on, taida ma hadomuonna tu turpuk on, ima na tarida ma hadaulaton ni Debata sian angka na tinompa-Na, ndang adong sada pe pamingkirion ni jolma na tuk mangantusi sude pambahenan ni Debata. Songon i do nang Hasitolusadaon ni Debata, ima hadaulatonNa songon Debata, ragam do parniulaon ni Debata pasingkophon sude na tinompa Na marhite hasitolusadaon-Na. Ndang tardungdung jolma balga ni hamuliaon ni Debata, bahkan holan marhite angka na taida sian angka na tinompaNa pe di portibi on tung mansai jotjot mambahen hita longang (Rom 11:33-34). Holan marhite haporseaon do hita di tuntun Debata laho mangantusi sude pambahenan ni Debata di sude angka na tinompa-Na.

Sungkunsungkun do roha ni si David, boasa pola jolma na metmet dilehon Debata hasurungan sian angka na tinompa na asing, on ma sada bukti huaso dohot sangkapsangkap ni Debata na so tardungdung angka na tinompaNa. Ndang tardungdung ni jolma sude angka huaso panompaon sude jadijadian ni Debata, holan marhite haporseaon do jolma mampu mangantusi sude pambahenan ni Debata, ima haporseaon na ro sian Debata (Ep. 3:20). Marhite pangantusion on, boi ma dapot rohanta songon topik ni minggunta, Debata do na manogunogu si David tu sada hasintongan ima parbinotoan na tontu taringot tu huaso ni Debata (Heber 11:1). Debata do mangajari ganup jolma mangantusi pambahenan ni Debata marhite roha na marhaporseaon.

Marhite turpuk on tangkas diondolhon ia hita (jolma) songon jadijadian na sumurung sian angka na asing, na patut do sihamauliatehonon on tu Debata jala gabe sada tanggungjawab bolon di hita laho manjaga hasurungan i. Alani hasurungan i ma asa sai diparrohahon Debata angka jolma i mulai sian pangalahona siganup ari. Ingkon mardalan do hita di dalan hasintongan songon dalanta manghamauliatehon sude pambahenan ni Debata di hita jolma. Sai diajari jala ditogutogu Debata do sude jolma laho mangantusi sude hasintongan na ro sian huaso ni Debata. Diajari do jolma di siganup ari laho marnida hinabalga ni asiasi ni Debata di sude hita angka na tinompaNa, nang pe metmet hita songon na tinompa ni Debata, alai sangkapNa do na manjadi di sude angka na tinompa-Na, dipangke do jolma gabe parhitean-Na di portibi on laho mangaradoti sude jadijadianNa. Amen.

Pdt Norima Nainggolan STh

Pandita HKBP Resort Sei Loba

JAMITA PARTANGIANGAN MINGGU 3 JULI 2022 PSALMEN 66:1-9

 

PUJI  JALA OLOPHON DEBATA

PSALMEN 66:1-9

Huria ni Tuhanta Mangihuthon rumang dohot pamangkena,  nang mangihuthon isina, tarrajum do psalmen 66 on tu psalmen pujian (mazmur pujian), i ma psalmen na niendehon manang na tinangianghon ni bangso i laho patimbulhon Jahowa, Debata ni Israel ala ni habalgaon, hasangapon dohot hamuliaonNa naung pinapatarNa di angka pambahenanNa. Dibagasan turpuk on ditaringoti do asa ganup bangso mamuji Debata siala pambahenanNa, i ma pangaramotion dohot pandonganionNa, di sejarah parngoluon ni bangso i. Bangso Israel ima bangso ni Debata na ‘memiliki pengalaman khusus’ dung mulai haruar sian Misir, di parhorsihan, sahat tu Tano Kanaan. Hea do nasida tarbuang, alai ro do Debata paluahon nasida sian habuangan i, mamboan mulak tu tano naung pinarbagaNa tu ompunasida, i ma Tano Kanaan. asa saluhut pangisi ni tano on marende mandok mauliate,  marolop-olop manghalashon denggan basa ni Jahowa.

Sada sian ciri ni psalmen pujian (madah) i ma sosososo manang ajakan tu pamujion. Pamujion tu Debata, ndang sae i diulahon holan sahalak dohot di lingkungan na metmet, alai ingkon na diperluas do i tu angka dongan, tu angka na tinompa bahkan tu sandok tano on, tu angka parlangitan dohot tu banua ginjang., diarahon parpsalmen on do sandok tano on marolopolop tu Debata. Marolopolop mandok, marsoara na gogo manang aklamasi mangarajahon manang martuhanhon Jahowa. Ala  dipatupa pambahenan angka na balga bahen haluaon ni portibi on. Ajakan tu pamujian i diuduti dope, didok, “Endehon ma hasangapon ni GoarNa, bahen ma marsangap pujipujianNa.” Hasangapon (Hb.kabowd-, honour, kemuliaan), ndang  tarsirang i sian hadirion ni Debata. Jotjot do Debata papatar diri marhite sangapNa, i ma hatiuron na songkal, na badia jala na mandokdohi. Molo tarida hatiuron na songon i, tanda na pasti do i naung hadir Debata di inganan i. Laos songon i do dohot goar ni Debata, na mewakili diriNa do i. Jadi molo disosohon dison, mangendehon sangap ni goar ni Debata, na niondolhonna disi, i ma na mangendehon Debata sandiri ; mangendehon marhitehite soara na marlogu mardongan musik. Luhutna i ndang boi ulahonon gait, alai ingkon di bagasan habadiaon na tama do, hormat, sangap jala marmulia.     jala na gabe alasan ni pamujion manang olopolop i, didok, “Dok ma tu Debata, ‘Songkalna i Ho di angka pambahenanMu! Ala ni hinatimbul ni gogoM ingkon tunduk tu Ho angka musuM.’” Na songkal (Hb.nowraa`, terrible, dahsyat) do Debata. HasongkalonNa i dipapatar do i di bagasan dohot marhitehite pambahenanNa angka na balga. Ditompa Ibana do langit dohot tano dohot laut dohot sandok isina jala diparmudumudu do i rasirasa nuaeng; dipalua do bangsoNa jala tu sangkap i ingkon dipatunduk do jolo angka musuNa marhitehite hatimbulon dohot hagogoonNa. Ala naung dipatunduk, ndang boi nasida so ingkon paunduk diri tu Ibana. Pandohan on dibuat do sian hasomalan na masa di Timur Tengah. Musu naung talu, ingkon papataronna do di tongatonga ni umum hatutunduk dohot partuanonna tu na monang. Songon i ma digombarhon dison, na paunduk diri do angka musu ni Debata jala mangoku martuhanhon Ibana. Marnida dohot mangarajumi , lam taronjar do roha ni angka na porsea mamuji dohot mangolophon Ibana, ai lam tangkas ma di rohana paboa tutu do, na songkal do Jahowa, na timbul jala na gogo, na manarihon haluaon di angka na hinaholonganNa.

 “Ingkon sandok tano on marsomba tu Ho, jala marende di Ho, marende nasida di goarMu.” Digombarhon parpsalmen i do disi panghirimon di bagasan sosososo tu pamujion i, paboa na ro do muse sada tingki na sandok tano on marsomba tu Jahowa jala marende di goarNa. Ndang sian na tarpaksa, songon musu na talu, alai sian rohana na ra do ala panandaonna paboa Ibana do Tuhan sasadasa, na timbul jala na songkal na patut sombaon jala pujion ni sandok tano on.  Ihut tusi  dijou jala disosoi ma sude asa ro jala marnida pambahenan ni Debata, didok, “Ro jala ida ma angka pambahenan ni Debata, songkal do Ibana di pambahenanNa maradophon manisia.” Marhite na marnida dohot na manimbangi angka pambahenan ni Debata tartanda do manang na ise  Ibana. Na songkal do Ibana, na timbul, na parduli patuduhon holongNa tu ganup jolma manisia , na tama pujion jala olophonon.

Huria na Hinaholongan ni Tuhanta Pambahenan ni Debata na paluahon halak Israel sian Misir, khususna di Laut Rara dohot di aek Jordan. “Dipauba Ibana do laut i gabe na mahiang,”. Marhite i dipapatar Debata do huasoNa na margogo mampartahanhon dohot paluahon bangsoNa. Na gabe singotsingot na pasonggothon roha do i huhut tu angka musuNa paboa na marhuaso do Ibana mandanggurhon dohot mangalengsehon angka na hum mangalo Ibana “Mardalan pat do nasida manaripari aek Batang aek i, marlasniroha do hita uju i mida Ibana.” Mangihuthon Jos.3:14-17, di na taripar halak Israel di Jordan laho mamongoti Tano Kanaan, tongon di ombas ni gotilon do, jala ari parudan do di tano i. Ala ni i, magodang do aek Jordan i jala binsat aekna sahat ro di pasirna. Aek Jordan i sandiri (bagian na marisi aek sepanjang masa) marhira 30 meter do bidangna sian na sambariba tu na sambariba nari, tolu tu opat meter ia bagasna. Alai di siamun dohot hambirangna, adong do pasir (palung) marhira tolu kilo meter bidangna sian na sambariba tu na sambariba nari. Di ari parudan, binsat do aek i jala digohi sandok pasirna. Hombar tusi, so marhite alat-alat penyeberangan, hira so hatariparan do i di ari udan. Alai marhite pambahenan habalgaon ni Debata Jahowa, tolak do aek i, gabe boi halak Israel taripar mardalan pat. Pambahenan haluaon ni Debata tu Israel na di Misir i, na di Laut Rara dohot Aek Jordan khususna, ndang marujung i olat ni tingki i sambing, alai na mamboan lapatan do i tu haluaon ni sandok portibi on jala na diuduti ganup tingki. Ala ni i, ndang sae i halashonon jala pujihonon ni halak Israel satingki i, alai ingkon ganup do sundut do ma muji Ibana sahat tu sundutta si nuaeng. ( Dari Zaman ke Zaman ) Hombar tusi disosoi parpsalmen on do asa tongtong marlasni roha ido umbahen na didok  “Antong marlas ni roha ma hita di bagasan Ibana.”

Huria ni Tuhanta!  sahali nari diondolhon do panghirimon di bagasan sosososo pamujian i, didok, “Mangarajai do Ibana marhitehite hagogoonNa i salelenglelengna.” Molo didok salelenglelengna, ndang holan na manudu tu zaman na dao i manang tu eschaton, alai na marhahonaan do i tu ganup tingki dohot sundut. Torus do Debata mangarajai di bagasan hagogoon. Sadar di hagogoonNa i, marpos ni roha ma angka naung tinobus, alai mabiar do anggo angka parjahat. Marpardomuan tu pangarajaionNa i, didok dope, “Mangaranapi mataNa tu angka bangso.” Puji ma Debatanami, hamu ale angka Bangso, jala patubegehon hamu ma soara ni PujipujianNa . Angka bangso lapatanna, sandok bangso, sandok jolma. Diida do sude pangalaho dohot pambahenan ni ganup, ndang adong na bolas martabuni sian adopanNa, jala marhuaso do Ibana manguhumi. Hombar tusi, dipasingothon ma “Asa unang dipaginjang angka panggunturi dirina.” Panggunturi manang pemberontak i ma halak na so rade mangolu di toru ni ‘rahutrahut’ ni patik ni Debata, na naeng bebas jala marpangalaho hombar tu rohana sandiri. Boi do i bangso, boi punguan, boi marsasahalak. Alai unang ma dirimpu agia ise na tartaluhonsa Debata manang tung boi ibana maporus sian huasoNa. Na paginjang diri do halak na mangarajumi aman ibana mangolu di ruar ni patik ni Debata, jala sai na rendep do i di toru ni huaso ni Tuhan i. “Ibana  mambahen hosanta mangolu, jala ndang diloas totta tarsulandit” marlapatan doi Ibana do silehon hosa hangoluan jala namangiringiring langkanta di pardalanana ningoluntaon Nuaeng Tubu ma sungkun sungkun dibagasan rohanta Boasa ingkon Pujion jala olophonon Debata? Alusna, ai na songkal jala na timbul do Ibana, na sangap jala marmulia. Paboa na songkal Ibana dipapatar do i di bagasan dohot marhite angka pambahenanNa. Ditompa do langit dohot tano dohot laut dohot nasa isina jala diiringiring sahat ro di nuaeng, ditompa do dohot hita jala disarihon hangoluanta siganup ari.

Boha do hita mangolophon Debata? Taringot tusi, na parjolo didok, “Endehon ma hasangapon ni GoarNa.” Ende, i ma ekspresi ni jiwa, hapuasan ni tondi dohot roha. Jadi marende mandok, papuashon na di roha dohot tondi. Angka naung mangarajahon dohot  martuhanhon Debata, Debata do di bagasan rohana, jala sangapNa do lomo ni rohana, laos i ma na dipapuas di bagasan dohot marhitehite endena. Adong dua na mansai arga di ende dohot na marende i, i ma hatana dohot loguna tarmasuk musikna. Na marguna do hatana i songon jamita tu roha jala loguna i songon panaiti tu roha. Ala jamita do ende i, parjamita do parende i, jala na marjamita do na marende i. Hombar tusi, na marlapatan situtu do ende i manosoi halak bahkan manosoi sandok tano on dohot bangso laho mangolophon Debata, manosoi mangarajahon jala martuhanhon Ibana. Alai asa adong jamitahononta, ingkon na jolo manjalo do hita sian Ibana. Na tarpatupa hita do i marhite haoloonta ro marnida angka pambahenan ni Debata. Tangi jala unduk hita tu hata dohot tu  patikNa,    Amen

Bahan Diskusi

1.      Hal na marolopolop, ima halak na marnida bidang ni pamujion i (holistik), molo dohot diida haulion ni saluhut na tinompa ni Debata. Beha do hita songon halak na porsea marnida paboa nang suansuanan, nasa gulokgulok dohot nasa na manggulmit i marsomba, marolopolop tu Debata?

2.      Molo tarajumi hita jolma na niasianNa, aha do siulahononta Asa saluhut portibi on taruli las ni roha na sian Debata jala saluhtna mamujimuji jala marolopolop?

                                                                        Panurat : Pdt Budianto Sianturi

                                                                        Pandita HKBP Resort Kisaran

 

ACARA PARTANGIANGAN PURBA BONA PASOGIT, ANAK BORU BERE IBEBERE KISARAN NAHUMALIIANGSA MINGGU 22 MEI 2022

 

ACARA PARTANGIANGAN PURBA BONA PASOGIT, ANAK BORU BERE IBEBERE KISARAN NAHUMALIIANGSA

MINGGU 22 MEI 2022

======================================================================

1.      Joujou tu parsaoran :         L = Liturgist ; H = Huria

L : Hamuna angka dongan, marpungu do hita dibagasan tingki on, ditonga-tonga ni inganan on di Partangiangan Purba Bonapasogit Anak Boru dohot Bere,Kisaran na humaliangsa,  bagasma pamujionta tu Ibana

H : Tama do tutu pujionta Debata sian nasa rohanta, sian nasa ate-atenta dohot sian nasa gogonta. Holan ala asi ni RohaNa do umbahen na boi hita marpungu manghalas-hon sude denggan basa Na i tu hita

L :  Mauliate ma tutu di Tuhanta na rade mandongani dohot mangaramoti hita, antong manghalashon saluhutna i, tadok ma songon nidok ni situatua; Disi sirungguk disi do sitata, ia dison hita hundul marpungu saluhutna, dison ma hita rap dohot Amanta Debata.

H :           Gabe ma tutu jala horas! Na uli basa do Tuhanta i, jala na mamora di pasu-pasu, asa songon na nidok ni situatua ma dohononta ; Dengke ni Tarabunga peak di Pinggan pasu, horas ma hita saluhutna Debata ma mamasu-masu.Asa tangkas ma uju Purba tangkas ma uju angkola tangkas ma hita maduma tumangkasan ma namamora

L : Nunga marpungu hita tutu dison Pomparan ni Ompunta Purba Bona Pasogit Kisaran nahumaliangsa dibagasan las ni roha, nunga nangkok hita sian toruan marpungu di dolok ni Debata di inganan on. siangkupna songon na hundul, sidonganna songon na mardalan. ai marangkup do nauli,mardongan do na denggan. Dia ma tutu nidok ni parpunguanta sadari on

H : Gabe ma tutu jala horas! Napuran ni Dairi niatup ni boru Angkola, Na patupa Partangiangan do hita sadari on anggiatma manghorhon tu nauli  mamboan sangap tu Tuhanta.

L : Gabe ma jala horas! Taolophon ma Jahowa, taoloi ma Jahowa marhite-hite las ni roha, beta ma tu jolo-Na marhite-hite olop-olop: Amen Marende ma hita

2.   Marende no 754: 1  Gok Las ni roha

           Gok lasni roha do au dingolungkon, dingolungkon dingolungkon. Gok las ni roha do au dingolungkon tongtong dingolungkon Mauliate, gok las ni roha, maringan holongMi Tuhan di au, Mauliate, gok las ni roha maringan holongMi Tuhan di au.

3. VOTUM.

L : Marhite hite goarni Debata Ama, dohot Anak dohot Tondi Parbadia.

H: Amen 

L:   Na mamolus do anggo portibion rap dohot na pinangido ni rohanna, alai na mian ro disaleleng ni lelengna do na mangulahon lomo ni roha ni Debata.Haleluya Martangiangma hita Ale Tuhan Debata, Parasiroha jala Pardengganbasa na sumurung! Tama do nian hona uhumMu hami ala ni garis ni rohanami mida HataM.

H : Alai sai sesa ma dosanami jala salpuhon sude pambahenannami na hurang i.

L :  Sai unang unsati asi ni rohaM sian hami.

H :           Sai tambai ma pasupasuM dohot gogo na sian banua ginjang tu HuriaM, asa hupuji hami Ho, dung malua hami sian pardangolan na dihasiangan on.

L :  Ala ni Tuhan Jesus Kristus, Tuhannami.

L,H;   Amen            

4. MARENDE B.E 587:1-2 (TAENDEHON LAS NI ROHA)

1.          Taendehon las ni roha pasangaphon Tuhan i, Roha holong na mangonjar laho mangendehon i, Ganup ari ganup borngin unang lupa ho disi. Angka ende na ummuli si pasangap Tuhan i, Nang parhinaloan i baen pasangap Tuhan i.

2.      Taendehon las ni roha, sipadame roha i. Tung dao do bada-bada, dohot angka hosom i. Hadameon ni Tuhanta i, do sihirimon i Tapalambas ma rohanta, mida angka dongan I Na martua do sude, na lambok maroha i.

5.  RENUNGAN SITUASIONAL & MANOPOTI DOSA

L:         Hamu Pomparan  Purba Bona Pasogit Anak , Boru, Bere dohot Ibabere di Ingananon, Sadarion marningotma hita di Partangiangan Purba Bona Pasogit ,Marpunguma sian marragam luat dipomparan Purba Bona Pasogit  marpanatap ma Tuhanta ala hahurangan dohot hagalehon siala dosa dohot pamabahenanta na so tama di adopan ni Debata.

H :       Disi do patar angka pangalaosion tu Ibana, hurang pos ni rohanta tu Ibana, gok hagaleon angka natoras maradophon ianakhon; parange ni ianakhon mangarsahi natorasna, hagaleonta maradophon dongan, bangso, masyarakat dohot negeranta. Hagaleonta papatarhon haporseaonta songon siihuthon Kristus di tonga tonga ni portibion. Hagaleonta patureture hasadaonta. Atong tu ise ma pangkirimonta i?

H :       (Mangendehon): BE No.769:1  “Tu Debata do pangkirimon”

            Tu Debata do panghirimonki, di tano laut nang awang-awang i. Ibana do haposanki tongtong do diramoti langkangki. Torop pe mara manahopi au, Debatangki do sumarihon au, pos rohangki, sonang do au. Ibana do na mandongani au.

L : Molo tatailihon pe tu pudi, asa dapotan bisuk do hita sian angka na tabolus i, ai i do guru di hita mangalangka jala patupahon Partangiangan Purba Bona Pasogit Anak , Boru, Bere dohot Ibabere, Godangna i na masa di pomparan ni Purba Bona Pasogit Anak , Boru, Bere dohot Ibabere na mambahen tarsonggot jala mabiar hita: bencana alam, angka marhabotni roha, hagaoron dohot lan na asing. Disaluhut angka na masa i, dia ma sidohononta tu Debata?

H :            Sintong mai tutu, “Torop pe mara manahopi au, Debatangki do sumarihon au, pos rohangki, sonang do au Ibana do na mandongani au.”

L :  Alani Itabegema hata ni Debata na tarsurat di Roma 1:16-17, na mandok:

      Ai ndang na huhailahon barita na uli i, ai hagogoon ni Debata do i, paluahon nasa na porsea.  Ai dipapatar do disi hatigoran ni Debata, na sian haporseaon tu haporseaon;

H:  Ale Tuhan Debata parasiroha na sumurung! Na ro do hami tu joloM manopoti dosanami na godang i. Nunga hubolus hami pardalanan ni ngolunami; Huhilala hami do godang ni dosa dohot pangalaosionnami manipat na sabulan on. Asi ma rohaM, sesa ma luhut dosanami i.

L : Hupabotohon hami ma tu Ho sude dosanamai jala ndang hutabunihon  hami hajahatonnami tu Ho. Asi ma rohaM, sai pangolu ma hami!.

H  :  Sai asi ma roham, ale Debata, sai jangkon ma hami jala sesama dosanami, ala ni Anak haholongan ni rohaM, Tuhan Jesus Kristus, Tuhannami. Amen.

H : (mangendehon BE No.432:1-2  “Sian hurungan ni dosangki” BL.292

             Sian hurungan ni dosangki, ro au tu Ho. Ro au tu Ho. Tu haluaon di mudarMi, Jesus au ro tu Ho. Nasa rohangku malum hipas, gabe mamora, nang pe pogos. Sian jeangku ro au tu Ho, Jesus au ro tu Ho.

L:   Tajalo ma apulapul hasesaan ni dosa sian Debata taringot tu angka dosanta. Parasi roha jala pardenggan basa do Jahowa, lambat tarrimas jala parasi roha godang. Ndang tongtong Ibana manorui, jala ndang gotos rohaNa saleleng lelengna. Hasangapon ma di Debata na di ginjang. Amen

6.    Marende B.E No.467:1-2

1.        Asi ni rohaM hupu ji ala Ho manobus au. Di paIas Ho rohangku, ga-be soranganMu Au. IngananMu rohanami. TondiMi manggohi i. Pangke dohot ngolunami gabe ulaulaMi.

2.        Sai ramoti ma rohangku, asa boi gohanMu au. Sai mabaor ma pasupasu nang marhite sian au, IngananMu……..

7. Epistel Psalmen 25:1-4

L:             Ho do, ale Jahowa, dihalungunhon rohangku.

H:             Ale Debatangku, marhaposan tu Ho do ahu, unang tung paila ahu, asa unang marsuraksurak angka musungku mida ahu.

L:                     * Ndang tahe tagamon tarurak sude angka na mangkaposi Ho, sai maila do sogot angka pangose soada alana.

H:                    Ale Jahowa, sai pabotohon ma tu ahu angka dalanmu, jala ajarhon tu ahu angka bogasmu. 

L:                     Ido sahatna  Martuama angka na tumangihon hata ni Debata jala naumpeopsa.

L/J:           A M E N.

8.  Marende B.E. No.741: 1  ( NANG RO PE HABAHABA)

Nang ro pe haba-haba i / Tuhan do pangondianmi,

Nang pe humuntal tano i / Tuhan do pangondian mi.

Ai Jesus do partanobatoan i di tano on di tano on,

Ai Jesus do partanobatoan i, dolok partahananta i.

9.  TANGIANG PANGONDIANON

10 .  Marende B.E No. 758:1-2 (JAHOWA PANGURUPI)

1.      Jahowa pangurupi disi ulaonmi. Dilehon pos ni roha di ganup tingki i,

Nang pe sipata ganggu haporseaonmi Jamot tongtong Tuhanmu manjaga ngolumi.

2.      Jahowa las ni roha saleleng ngolumi, Ibana haroroan ni nasa na uli

           Ai disarihon Jesus sude naringkot i, Halashon panoguon ni Jesus Tuhanmi.

11.  JAMITA   :

12.  Marende sian BE No.672: 1 + 3     “Tung godang situtu” (Pelean)

 Tung godang situtu ulaonmu antong dipasahat Tuhanta tu ho

Ndang adong be tingkim marnalemba tahe ngolumi bahen tiruan tongtong

Reff:        Sai patupa ma i alani Tuhan i so manghirim balosna tu ho

                        Debata do marnida na ni ulami, manang na adong parbueni i

      Ala ni i boan ma sondang na tiur i, boan ma hata ni Tuhan i.

      Sai urupi na pogos, namardangol i asa rot u Jesus Tuhanta i.

      Reff:        Sai patupa…

13. TANGIANG PANGUJUNGI/ PASUPASU- AMEN-AMEN-AMEN