Yosepha Sianturi

 Yosepha Sianturi

JESUS KRISTUS SIBOAN HALUAON SALELENGLELENGNA, HEBER 5:7-10

 

Bahan Sermon HKBP Resort Kisaran

 

PARNINGOTAN ARI HAMAMATE NI TUHAN JESUS

 

Heber 5:7-10

JESUS KRISTUS SIBOAN HALUAON SALELENGLELENGNA

(Yesus Pokok Keselamatan Yang Abadi)

 

I.                   Patujolo

Surat Heber on ditujuhon do tu na porsea Kristen Jahudi na di bagasan dohot na di duru ni Palestina. Surat Heber on gumodang do paandarhon taringot tu haporseaon dibagasan pangantusion na umum jala ndang paimbarhon Jahudi manang na so Jahudi. Tematis pannindangion ni surat Heber ima taringot Tuhan Jesus Kristus, umbalga jala tumimbo do Ibana sian angka surusuruan, jala dipasahat Debata do tu Kristus Goar na tumimbo sian nasa goar, ai angka sururuan digoari do naposoNa jala Kristus do Anak. Jesus Kristus siboan haluaon salelenglelengna. Marhite Ibana do patupahon pardengganan tu ganup jolma na mardosa.

 

II.                Hatorangan Ni Turpuk

Di ayat 7, naung gabe jolma do Kristus mangolu songon ngolu dibagasan sibuk ni hajolmaon (sebagai manusia fana). Marhite i dipatudohon do ngolu hajolmaon ni jolma dibagasan sada sitiruon marningot ariari ni ngolu on. Molo songon Ibana do hita marningot ariari ni ngolunta tung tu ringgasna do hita manghangoluhon partondionta dohot ulaonta dihasiangan on hombar tu tiruan di haporseaon dohot ngolu partangaiangon. Kristus di ngoluNa unduk do Ibana mangadolpi hamatean. Di huasoNa, sai na boi do Ibana paluahon diriNa sian hamatean i, alai dison diboto Kristus do laho padalanhon sangkap ni Ama i naung pinasahatNa tu Jesus. Molo taringot tu hadosaon ni jolma i, patut do mangae di porsuk ala ni dosa i maradophon Debata alai tung holong do Debata tu saluhut jolma i asa unang mago jala dilehon do AnakNa asa gabe pardengganan ni jolma dohot Debata.

Tagan jolma Ibana, dipasahat Jesus di tangiang (pangidoan) di na laho mangadopi hamateanNa (Mat. 26:39; 27:46) jala tangiang (pangidoan) manangianghon angka siseanNa dohot saluhut angka na porsea di bagasan goarNa. Mardongan iluilu do Ibana pasahathon pangidoanNa. Tangiang songon na binahen ni Jesus borhat sian roha na marsitutu umbahen i, naeng togihonon do hita martangiang songon Ibana na martangiang di bagasan roha na marsitutu jala pola do dipelehon  pangidoanNa dohot elekelek mardongan angguk bolon dohot iluilu.

Ayat 8, Digoar do Kristus songon Anak. Status na songon on na boi do di roha hajolmaonta ndang boluson ni Kristus angka na paet jala ndang ingkon mangae na hansit Ibana, alai ndang na songon i sangkap ni Debata. Nang pe songon i, dibagasan haunduhon do Kristus mamolus angka na hansit i. Songon Anak i Ibana, diguruhon do pangoloion marhite sian na tinaonna i. Melalui Ketaatan pasif mengubah menjadi ketaatan aktif. Artinya Kristus menunjukkan bahwa Dia tetap baik-baik saja walaupun segala kepahitan dan kesakitan dihadapiNya hingga kematianNya tetapi Dia tetap setia dan rendah hari melalui segalaNya dihadapan Bapa.

Ayat 9, Marhite panaonon ni Jesus, rimpas do Ibana gabe sihorhon haluaon. Diparbadiai do Ibana marhite mudarNa na badia jala marhite Ibana do haluaon salelenglelengna di sude na mangoloi Ibana. Marhite panaononNa i diulahon do “jabatanNa” di portibion. Kristus do patupahon pardengganan sian hadosaonta maradophon Debata. Marhite Ibana do hita jalo hasisinghop panesaan ni dosa dohot pardenggananta na mambahen hita tama diadopan ni Debata. Alani i do tarjou do Kristus gabe sipalua tu ganup angka na mardosa. Dibagasan Kristus nunga gabe tobus dihita on jala nunga dipaimbaru hita gabe jolma naimbaru ala ni panobusionNa dibagasan hamateanNa.

Ayat 10, Songon hatontuan do on na pinasahat ni Debata di Kristus. Hatontuoan na badia jala nab alga. Digoari Debata do Kristus sintua ni malim. Songon Anak do Ibana mangulahon ulaon na balga. Ibana do malim sian nasa malim di panandaiaon ni halak. Jala mangihuthon horong ni si Melkisedek do na manggoari Kristus songon sintua ni Malim. Horong ni si Melkisedek lapatanna Malim ni Debata na manongtong (ida bindu 7) jala tinanda songon Raja dohot Malim di Padan na Robi (Psalmen 110:4). Melkisedekh dalam Bahasa Ibrani menerangkan raja adalah [Dewa] Sedek atau [Dewa] Melek itu adil.

 

III.             Hahonaan Tu Jamita

1.      Parsitutuon ditangiang mardongan serep dohot unduk ni roha

Jesus Kristus do sitiruan dipartangiangan. Diajarhon Jesus do boha hita martangiangan dohot marpangidoan tu Debata Ama. Laos dibagasan ido hita gomos marpangidoan dibagasan serep dohot unduk ni roha mangihuthon Kristus Jesus.

2.      Jesus Kristus do haluaonta

Dipatupa Debata do pardengganan tu hita jolma pardosa marhite Kristus jala rimpas gabe sihorhon haluaon salelenglelengna. On ma panindangionta jala ditogihon ma hita tu pos ni roha di haporseaonta di Kristus Jesus Tuhanta i.

3.      Pos ni roha di Kristus gabe Sipalua

Ndang adong huaso natumimbo sian Ibana. Nunga dipasahat Debata huaso tu Ibana jala pola didok sintua ni malim. Haluaonta dipatupa Kristus, pos ni rohanta do anggo tu Ibana. Ala ni Kristus  gabe Sipalua dihita, ndang adong huaso na asing paposhon rohanta.

4.      Mamuji Debata ala asi ni rohaNa patupahon pardengganan tu hita jolma pardosa.

Pardengganan na pinatupa Debata patut do gabe pujipujian di hita marhite AnakNa Tuhan Jesus Kristus. Tapuji Debata ala asi ni rohaNa tu hita jolma pardosa. Marhitehite Kristus Jesus tama pasahatonta pamujion tu Debata.

Pdt Albert JP Pasariibu STh ( Fungsional HKBP Kisaran Kota )

MANGHATINDANGHON HAPORSEAON HKBP KISARAN KOTA

 

MANGHATINDANGHON HAPORSEAON HKBP KISARAN KOTA

Di Ari Minggu 19 Maret 2023 di patupa Huria HKBP Kisaran Kota do Manghatindanghon Haporseaon tu 44 Halak angka naung marguru manghatindanghon Haporseaonna, Marsiajar mana sasida hurang lobi sataon naniajaran ni angka pangajari ima Pdt Budianto Sianturi, S.PAK ( Pandita HKBP Resort Kisaran ) Pdt Albert JP Pasaribu STh ( Pandita Fungsional HKBP Kisaran Kota ) Biv Rusnaria Br Sibarani ( Bibelvrow HKBP Resort Kisaran ) dohot  Diak Rosmegawati Hutagaol MPd ( Diakones HKBP Kisaran Kota ). 

Angka goar goar nasida ima

Goar / Marga

Adha Elia Natali Br. Sitorus

Agnes Viola Br. Manik

Alfarel Anuary Sitorus

Amelya Theysa Tiara Br. Sihombing

Andre Albert Siallagan

Andre Putra Silaban

Anggi Mihel Br Siagian

Beatrice Wilona Br. Togatorop

Daniel Samuel Gultom

David Marcel Putra Simatupang

Delon Junifer Silalahi

Dicki Cornelius Marpaung

Doni Pranata Agustinus Purba

Erika Mustika Lestari Br. Panjaitan

Fran Amos Yosafat Natanael Z Marpaung

Frans Yudika Panjaitan

Glenn Sandro Yehezkiel Partogi Sihombing

Helsinky Samosir

Heykal Samosir

Ica Paska Natalia Br. Sitorus

Indah Eva Sari Br. Marpaung

Jevelyn Given Sihombing

Jonatan Pandiangan

Josua Anderson Gultom

Josua Brayen Pandiangan

Kevin Owen Manihuruk

Kezia Nathania Br. Sitorus

Kristian Samuel Meilano Simanjuntak

Kristina Natalia Br. Silaban

Laura Eva Riani Br. Marbun

Mangara Riduan Sitorus

Maria Rosalina Br. Marpaung

Marina Uly Arta Br. Manik

Marvell Ayoddia Sitorus

Mayarani Pratiwi Br Sirait

Putri Amelia Br. Sitorus

Riyankara Joli Silaen

Romi Rafael Simanjuntak

Shely Theresia Br. Simanungkalit

Steffi Stephanie Br. Hutapea

Theresia Oktavia Br. Silitonga

Tiovhani Samuella Br Simanjuntak

Jefri Hamonangan Sitorus

Rieva Sinaga

Godang do na pinarsiajaran nasida saleleleng hurang lobi sataon, isarani Liturgi, Pengakuan Iman, Sakramen, Patik, Tangiang Ale amanami, Sejarah Gereja dohot angka parendeon, na marsiajar do nasida dua hali  dibagasan saminggu ima di tingki ari sabtu Pukul 15.00 wib sahat tu Pukul 17.00 wib, di siganup ari minggu pukul 14.00 wib sahat tu Pukul 16.00 wib

Diari Sabtu 04 Maret 2023 di patupa do ujian Tulisan maringanan di sopo godang HKBP Kisaran Kota, jala Ulian Lisan di patupa di ari Sabtu 11 Maret 2023. Sian hasil ni angka Ujian i, dohot keaktifan ditingki parguruon nang angka tugas tugas, dipatupa angka pangajari do nilai nilai nasida jala tolu nilai partimbo ima

Juara 1 : Stephi Stephani Hutapea                Skore 720

Juara 2 : Agnes Violeta Manik                      Skore 717

Juara 3 : Kezia Sitorus                                 Skore   696

Selamat ma tu nasida “Sai burju ma ho rasirasa mate dungi lehonon na ma tu ho, tumpal hangoluan, parangehon ma hata ni Debata na ginuruhon mi ai ido hangoluanmu”

GALERI FOTO MANGHATINDANGHON HAPORSEAON

Jamita Evangelium Minggu Letare, 19 Maret 2023 “Las ni roha di angka naung jumpangan Jesus” (Johannes 9: 35-41)

 

Jamita Evangelium
Minggu Letare, 19 Maret 2023

“Las ni roha di angka naung jumpangan Jesus”

(Johannes 9: 35-41)

Ginurithon di Pdt. Dr. Robinson Butarbutar, Ephorus HKBP

 

 

Hamu angka Dongan hinaholongan,

 

Di Minggu Letare sadarion, di na ditogihon hita asa tongtong marlas ni roha, atik pe dung minggunta on masuk ma hita minggu-minggu parningotan di pananonon ni Tuhanta Jesus, dienet jamita sian las ni roha na so apalang ni sada halak naung pinaungkap ni Jesus mapitung sian hatutubuna, laho manogihon hita asa parsidohot marlas ni roha.

 

Barita nauli na gabe jamita di hita, na tarsurat di Evangelium Johannes 9: 35-41, i ma sian sada bagian ni puncak barita nauli na ganjang di bindu 9 ayat 1-41, ndang holan taringot tu hamamasa ni na diungkap Jesus mata ni na mapitung mamungka dung tubu, alai dohot do taringot tu songon dia naung pinaungkap ni Jesus matana i mangalusi sungkun-sungkun taringot tu nauli na pinamasa ni Jesus tu ngoluna. Sada sungkunsungkun i, i ma na tarsurat di ayat 14-34, marharoroan sian angka na so olo marhatopothon na Kristus do Jesus i, baliksa na pabali manang ise na mamparhatopothon na Kristus do Jesus i (ay 22, 34), gariada na mandok pardosa do Jesus ala patupa ulaonNa mangungkap mata ni na mapitung i di ari Sabat (ay 24). Alai sadanari, i ma na tarsurat di ayat 35-41 marharoroan sian Jesus i sandiri naung mangungkap simalolongna. Molo tapamanat rumang ni sungkunsungkun na ingkon alusanna sian bona ni ayat 14 sahat tu ayat 41 i (disi adong lima sungkunsungkun ni halak Parise/Jahudi nang alus ni naung niungkap ni Jesus matana i), boi dohonon hira martirket do, sian na manangkasi songon dia parmasa ni pangungkapon ni simalolongna i, sahat tu na umbagas, i ma taringot tu panandaan ni naung niungkap ni Jesus matana i tu ise na mangungkapsa, i ma Jesus i. Alus tu sungkunsungkun marharoroan sian na so olo mamparhatopot na Kristus do Jesus, i ma halak Parise (sipata digoari halak Jahudi), ndang marujung di masitomuan, baliksa maralo do. Konflik do na masa disi. Ndang jumpang pangantusion na dos (ida ayat 15, 17, 25, 27, 30-31). Asing do panandaan ni halak Parise/Jahudi di Jesus sian panandaan ni naung diungkap simalolongna i. Alai alus tu sungkunsungkun na marharoroan sian Jesus naung maungkap mata ni Jesus i masitomuan do.

 

Tahamauliatehon do na ia jamita na dienet gabe jamitanta ndang apala sungkunsungkun nang alus na parjolo i, i ma na so masitomuan i(ayat 14-34). Alai sian sungkunsungkun nang alus na masitomuan i do, i ma ayat 35-41. Mansai ringkot do i di hita di partingkianta nuaeng, i ma sada partingkian na patuduhon na baha angka usaha laho mamparalohon angka na so manjangkon Jesus dohot na manjangkonsa, ala molo na parjolo i do na gabe jamitanta, olo hita na manghaporseai na Jesus do Kristus i gabe manghasogohon angka na so mamaparhatopothon na Kristus do Jesus i, i ma: Uju di partingkian ni Jesus halak Parise/halak Jahudi i. I do umbahen na pola do sanga adong pande bisuk taringot tu evangelium ni si Johannes on na manghasogohon evangelium Johannes on, pola mandok hasalaan do pamasukhon evangelium Johannes on tu Bibelta Padan Naimbaru i, ala dipatorang di evangelium on panulahion ni halak Jahudi di Jesus. Jala di partingkianta nuaeng, gabe sogo roha ni siihuthon Jesus tu angka na so mangihuthon Ibana. Di partingkianta nuaeng na jotjot haruason di ugamo gabe sibonsiri ni partongtangan ni hajolmaon, sipajamotonta do asa unang paraloon ni halak Parise/Jahudi dohot Jesus gabe tabahen manghasogoi halak Jahudi nuaeng di portibion. Jala sipajamotonta do asa hita pe ndang tahasogohon angka na so mamparhatopothon na Kristus do Jesus i. Denggan do tapeop gomos na ia Jesus i Kristus do di hita. Alai na so jadi tahasogohon angka na so mamparhatopothon na Ibana do Kristus i.

 

Di turpuk jamitanta taringot tu sungkunsungkun ni Jesus nang alus ni na manjalo sungkunsungkun i tu Ibana, i ma sungkunsungkun nang alus na martomu i ia panghataion nunga masuk tu na panghataion na umbagas, i ma ndang be holan taringot tu songon dia hamamasa ni ungkap ni mata ni simalolong ni na mapitung i dohot ise ma diida ibana Jesus, i ma, na tumimbo ‘panurirang,’ na manghabiari Debata, jala na mangulahon lomo ni rohaNa (ayat 30), alai nunga sahat tu tirket haporseaon ni naung diungkap Jesus simalolongna i: “Na porsea do ho di Anak ni Jolma i”, na - dung ditangkasi ise nidok ni Jesus ia Anak ni Jolma i, i ma Jesus i sandiri - maralus na martomu, i ma: “Na porsea do ahu, ale Tuhan,” laos disomba ma Ibana” (ayat 35, 38). Laos dipatogu Jesus ma parnidaan ni na mapitung i tu na umbidang di sangkap ni haroroNa tu portibion, i ma “asa marnida angka na so marnida hian, jala asa gabe mapitung angka na marnida” (ayat 39). Na mapitung nidokna dohot do na mapitung alai na mandok ndang mardosa nasida (ayat 40-41).

 

Asa, na gabe jamita sihalashononta di rohanta i ma parsahat di na niungkap ni Jesus simalolongna i tu parnidaan na umbagas taringot tu ise Jesus i, i ma ia Jesus i Anak ni Jolma i do i, i ma sisombaon i. Asa, ndang holan siungkap simalolong ni na mapitung sambing ia Jesus i, alai Anak ni Jolma sisombaon i do. Manang, umbahen na tarbahen Jesus mangungkap simalolong ni na mapitung sian tubu i siala “Anak ni Jolma i’ do Ibana, i ma sada panjouon na mandok na tinongos ni Debata laho palua jolma i sian dosa dohot hamatean i do ia Jesus i, na marhagogoon situtu.

 

Asa, jamitanta mangondolhon, ia sihalashononta di hamamasa ni na gabe boi marnida na mapitung i, i ma ndang holan hatauonna marnida dung songon i leleng mapitung mamungka dung tubu ibana, alai dohot do jala na umbagas i ma na gabe boi ibana marnida, mananda dohot porsea huhut manomba na ia Jesus i Anak ni Jolma i do. Songon jolma, mansai las do roha ni na mapitung i gabe boi marnida. Alai las do tong, jala umlasan do roha ni Jesus na gabe ditanda, dihaporseai dohot disomba ibana Jesus na mambahen ibana marnida i. Saurdot do i tu sangkap panuratan ni evangelium Johannes on di bonana nang sahat tu nuaeng pe songon i do ingkon idaonta, i ma na dipatogu di Johannes 20: 31,

“Godang dope tanda angka na asing na pinatupa ni Jesus di jolo ni angka siseanNa, angka na so sinurat di buku on. Alai umbahen na sinurat angka on, asa porsea hamu, Jesus do Kristus, Anak ni Debatal jala asa hamu angka na porsea i dapotan hangoluan marhitehite goarNa”.

 

Asa, dipangke panurat Evangelium on do, si Johannes, manurat barita na pinatupa ni Jesus tu sahalak na mapitung i dalan laho manogihon na jumahasa asa tong dohot mananda, manghaporseai dohot manomba Jesus i atik pe ndang dohot nasida na simalolong pardagingonna ndang diungkap Jesus, alai dohot do nasida na mapitung hian, na so marnida, na so mananda na Jesus i Anak ni Jolma i gabe na mananda, porsea dohot manombasa.

 

Ala ni i, mansai ringkot do hita mandok tu dirinta asa marlas ni roha hita, ala nunga parsidohot hita angka siihuthon Jesus, angka ruas nang naposo dohot parhalado ni Huria Kristen Batak Protestan di bagasan tingkion marlas ni roha. Tutu mangula dope Jesus Kristus Tuhanta i patupa angka tanda halongangan na marragam i di ngolunta marsadasada, alai ingkon sahat do hita tu na marlas ni roha, mar-Letare, ala nunga angka naung dapotan asi ni roha ni Debata hita, i ma nunga dipalumehon tu hita haporseaon di AnakNa Jesus Kristus i, Anak ni Jolma i, Anak ni Debata, na patigor hita di joloNa, na manghophop hita di hau pinorsilang i.

 

Mansai ringkot do on di hita di partingkianta nuaeng, asa unang holan holan tu manang siala hinaadong ni angka halongangan pinatupa ni Jesus Kristus i di ngolunta hita mangalehon roha dohot marlas ni roha/marletare di ngolunta, alai ingkon sahat do tu na tong mansai arga, ia so na umbarga, i ma tu na marnida basabasa ni Debata tu hita na palumehon panandaion, panghaporseaonon, dohot panombaan tu Jesus i songon siala ni marlas ni roha hita. Boasa? Ala parpudi on, nang pe nunga tung leleng situtu barita taringot tu ise Jesus di ngolu ni hajolmaon dibaritahon di sandok portibion, bahat dope na so porsea di Ibana songon Anak ni Jolma i/Anak ni Debata; bahat dope na so marnida dohot manghaporseai Ibana songon i. Alai las ma rohanta angka ruas nang pangula ni HKBP naung mananda ise Jesus i, manghaporseai Ibana dohot manomba Ibana. Las ma rohanta siala ni i di pardalanan ni ngolunta. Las ma rohanta ala naung jumpangan Jesus hita. Amen.

Potret Pelayan Masa Kini

Acara Passion HKBP Resort Kisaran

Buku Acara Passion HKBP Resort Kisaran