Topik: Pauli Hamu Dalan Di Jahowa – Persiapkan Jalan Untuk Tuhan. Jesaya 40: 1-5

 

BAHAN SERMON JAMITA TU MINGGU ADVENT II 08 Desember 2024

Jesaya 40: 1-5

Topik: Pauli Hamu Dalan Di Jahowa – Persiapkan Jalan Untuk Tuhan

I. Patujolo

Sada sihol ni roha di halak na adong di bagasan hurungan manang penjara ima di tingki adong barita pembebasan/pelepasan di ibana. Songoni do nang turpuk ta di Jesaya 40:1-5 on, ima turpuk na sinurathon ni panurirang Jesaya jala masuk tu bagian Deutro Jesaya (40-55), na di perkirahon di tingki masa habuangan di Babel. Bagian on ma na gabe sada pembaharuan, pos ni roha dohot apul apul di bangso i di tingki di habuangan Babel. Na gabe sada pangondion manang parlinggoman sian Debata tu bangso Israel, di tingki mulak bangsoi sian  masa habuangan di Babel hinorhon ni dosa dosana. Alai marhite asi dohot holong ni roha ni Debata di bangsoi,  gabe dipatuduhon Debata ma haluaon na tu nasida sian habuangan i, laos boi ma nasida manjangkon  haluaon/pembebasan na sian Debata, ima na adong di turpuk ta on.

II. Hatorangan Ni Turpuk

Ayat 1-2, apuli hamu ma bangsoKu,... dok hamu tu roha ni isi ni Jerusalem. Hata apuli di ayat 1 on, ima na patuduhon sada tanda apul apul na mansai lambok dipasahat tu angka na manghilalahon sada hasusaan, habot ni roha, parungkilon, hadangolon dohot angka na hansit hinorhon ni hamatean. Alai molo nunga dipasahat hata apul apul, sahira na adong do sada hagogoon dohot ketenangan di bagasan roha ala sada panghophop na boi dipanghilalahon sian Debata. Songoni ma nang dipanghilalahon bangso Israel marhite panurirang Jesaya na  tongon marsitaonon di habuangan Babel na mangalehon tona pangapulion/penghiburan na sian Debata. On patuduhon, nang pe bangso i naung mardosa, manundalhon jala manadingkon Debata, alai tongtong do Debata marasi ni roha, memiliki belas kasihan, laos marsangkap mangapuli bangso-Na i. Pandohan: Apulapul ma dok hamu tu roha ni isi ni Jerusalem, ima na gabe tona na dipasahat tu bangso ni Debata asa taruli di hasesaan ni dosa nasida huhut nunga marujung parungkilon nasida, ai nunga sesa dosa nai jala Debata do na mangalehon hasesaan  ni dosa i (pengampunan dosa) tu nasida.

Ayat 3-5, Pauli, patigor hamu dalan di Debata asa patar hamuliaonna. Hata “paulihon dalan” di bagasan turpuk on, ima songon sada tanda na patuduhon na ingkon adong sada penyambutan tu sahalak na tung mansai  terhormat. Songoni ma nang di haroroni Debata, na patuduhon hadirionNa, hagogoonNa, dohot hamuliaonNa di bagasan ngolu ni bangso i. Jala tona ni Debata do tu nasida asa ringkot b e m a laho paradehon, mempersiapkan, roha dohot pingkiran di sude gulmit ni ngolu laho manomunomu haroro niTuhan na Badia i. Jala on ma na patandahon hadirion ni Debata di bagasan ngolu ni bangso Israel marhite haluaon na niboanna tu bangsoi. Apul apul tu bangso Israel dipungka ma i dohot paulihon dalan, ai dalan ido na boi mamboan nasida tuhamumulak sian hadosaonna. Jala dung masa saluhutna i, hasangapon ni Debata dipapatar tu saluhut bangso, laos sude rap marnida songondia huaso dohot holong ni Debata mangula dingolu ni bangso nahinaholonganNa i.

III. Sipahusorhusoron 

Di bagasan parngoluan nuaeng on, gumodang do halak mangolu holan mangasahon pingkiranna sambing dohot gogona di na laho mangantusi saluhut sangkap nang pambahenan ni Debata di bagasan ngoluna. Nang pe nunga tangkas ai angka halak na gale jala na terbatas do nian hita di adopan ni Debata, umbahen na so adong na boi mengukur manang mangantusi huaso ni Debata secara keseluruhan. Alai, tontu adong do sada cara na boi ta ulahon laho mangantusi taringot tu hadirion manang huaso ni Debata na so tarbilangi, ima marhite haporseaonta na mangolu. Marhite haporseaon i, diajarhon do tu sude halak asa tutu marpos ni roha laho tumanda Debata dohot saluhut sangkapnai

Ondol tu topik ni minggunta ima pauli hamu dalan di Debata, on ma na manogihon hita di bagasan parngoluan nuaeng on asa rade laho manomunomu haroro ni Debata sipalua hita sian angka parmaraan ni parngoluon on, jala na mangalehon las ni roha di hita. Jala nuaeng nunga sahat hita tu minggu advent na paduahon, tarjou do hita angka halak na porsea asa tutu rade manomunomu haroro ni Jesus Kristus marhite perayaan natal, ima hari hatutubu ni Jesus Kristus siboan hadameon, hangoluan dohot haluaon di hita saluhutna. Alani i, ta parade ma dirinta, rohanta, pingkiran nang sude na adong di hita, nang di saluhut situasi ni parngoluon on asa manjangkon Ibana sian habuluson dohot las ni roha. Ai nunga be sipardohot Jesus Kristus sebagai bagian sian sejarah di saluhut pardalanan ni ngolunta. Amen.

LUKAS 21 : 25 - 36, DUNGO JALA MANONGTONG MARTANGIANG (BERJAGA-JAGA DAN BERDOA SENANTIASA, MINGGU ADVENT I, 01 DESEMBER 2024

 

MINGGU ADVENT I, 01 DESEMBER 2024

DUNGO JALA MANONGTONG MARTANGIANG

(BERJAGA-JAGA DAN BERDOA SENANTIASA

LUKAS 21 : 25 - 36

I. PATUJOLO

Turpuk on ima pangajarion taringot tu angka na naeng masa andorang haroroni Jesus napadualihon. Digombarhon Jesus do angka tanda na naeng mamolgap portibi on. Ditongatonga gombaran haroroni ajalni hasiangan on, dipaingot dohot dipodahon do tu hita asa dungo jala manongtong martangiang. Sipaingot Jesus i pabotohon tu hita angka tanda na naeng masa i ma na adong hamusuon, hagunturon, parporangon, lalo, sahit, haleon nang angka na porsea tartangkup. Didok Jesus pe saluhut na i ndada laho manghabiari alai laho patuguhon asa unang di ihuthon angka parpoda haliluon dohot unang tarsonggot molo masa si songon i. Alani ingkot dungo jala manongtong martangiang asa malua hita sian na manghaliluhon hita.

II. HATORANGAN

Ayat 25 – 28 taringot Angka Tanda. Molo marganti musim sian partaonan ngali tu partaonan las sai adong do tanda na nang panghorhonna, isarani molo martunasi punsuni hau ara jala rungkar angka bulungna naung jonok ma partaonan las (Mat. 24:32). Songon pargantian musim na adong tandatanda na songoni do nang haroro ni Tuhan Jesus paduahalihon, adong tandatandana. Di angka jolma, boi do gabe tahutan marnida angka tandatanda na adong, ima di na masa angka tanda di mata ni ari, di bulan dohot di angka bintang pe; jala hapusohan ma angka bangso di tano on jala bobonosan, bahenon ni gasak ni laut i dohot galumbangna. Langitan marsuara suang songoni panggora ni gasak ini laut dohot galumbangna, saluhutna patubegehon suarana patuduhon na adong kekacauan, hasusaan na parir. Alani molo masa angka tandatanda i dirgak ma hamu ala nunga jonok haluaon muna. Dirgak ma hamu mandok manatap tu Jesus, simalolong na terarah tu Jesus dibagasan haporseaon jala marolopolop ala haluaon nunga jonok, jadi na sa na manghaporseai Jesus dipaimbaru. Sialani do ndang pola be tahutan. Dipahibul ma roha manang fokus ma di hasintongan hata ni Debata na gok huaso asa unang dipalindak, dipalilu angka huaso ini portibion.

Ayat 29-33 taringot Umpama. Marhite umpama i di igil do asa ummara antusan ini situan natorop aha do na didok ni Jesus. Di turpuk on dihatahaon Jesus do sada umpama taringot tu hau ara dohot hau na asing na gabe parsiajaran, marningot angka tanda di ayat sebelumna. Jadi umpama taringot tu hau ara laho manggombarhon asa jaga hita di angka nubuatan naung dipaandar Tuhan Jesus. Hau ara na boi do diparateatehon, bulung na manang parbuena, molo martunas patuduhon naung jonok partaonan las. Songoni ma angka tanda alam semesta portibion na boi ta parateatehon mandok naung jonok harajaon ini Debata. Didok Jesus “Salpu pe sogot langit dohot tano on, anggo hatangki na so tupa salpu”, ia langit dohot tano secara fisik punya keterbatasan, dibatasi ruang dohot waktu. Salpu do saluhutna, ngolunta on pe salpu do ai holan hata ni Debata do na so tupa salpu. Tangkas do ia Hata ini Debata ima diriNa sandiri do (ida. Yoh.1:1); Nasa Surat i, sinihatan ini Debata do (2 Tim.3:16). Ayat 34 – 36 taringot dungo ma hamu. Jaga hamu ma dirimuna unang sorat rohammuna binahen ini parminumon dohot parmabuhon dohot panarihon di hangoluan on. Sada singotsingot ma on tu angka na porsea boa do pardalanan ni ngolu na siganup ari. Marhite turpuk, dipaingot asa jaga ma rohamuna, dungo ma hamu marlapatan asa manongtong mian dibagasan kewaspadaan, hati-hati, bersiap-siap, roha na manongtong satia tu Tuhan Jesus. Sian dia gogo asa boi dungo? Ima marhite na melatih diri martangiang, jala marsihohot martangiang, marparsaoran dohot Tuhan Jesus.

III. PANIMPULI

Masa Advent ima tingki na une laho pahusorhusorhon di bagasan roha haroroni Tuhan Jesus dibagasan huaso dohot hamuliaonNa na laho manguhumi na mangolu dohot na mate. Di masa Advent on merenungkon angka tanda na masa dohot na naeng masa ndada alasan laho gabe mandele manang gabe mandao sian Tuhan Jesus. Advent paingothon hita saluhut asa cerdas secara rohani laho menyikapi angka na masa nang pe so taboto pasti na manang sadihari tingkini. Advent na ro ma Tuhan i, antong tagam ma. Alani ma aha do na boi putihan sian turpuk on? Didok jaga ma hamu, dungo ma hamu (ay. 34) manongtong martangiang (ay. 36). Jaga ma unang tarpodom, unang terpengaruh tu angka na masa di portibion, alai marsihot ma di tangiang na mangalehon gogo di ganup na porsea (ida BE 487). Di advent na parjolo on huhut marningot ari HIV/AIDS sedunia, na paingothon hita lao manghaholongi angka dongan na hurang diparateatehon songon tanda na marsihohot manomunomu Jesus. Di hurianta adong do lembaga HIV/AIDS na fokus mendampingi, mangurupi Orang dengan HIV/AIDS (ODHA), na sai tongtong mangalehon angka paarbinotoan taringot tu HIV/AIDS on ala sai jumpang dope hamaolon manjalo ODHA on ala dianggap dope sahit na sumalin. Manongtong ma martangiang anggiat ODHA mandapot hak na di tongatonga ni masyarakat.

UNANG HOLAN HATANA SIBEGEON ( SITAU BEGEON )

UNANG HOLAN HATANA SIBEGEON ( SITAU BEGEON )

Pdt BUDIANTO SIANTURI, S.PAK

Jakobus 1:19 Ingot hamu ma, angka donganku na hinaholongan: Ganup jolma, girgir ma ibana mananginangi, bangkol ma ibana mangkatai, bangkol ma tarrimas!

Natumabo diportibion ima molo boi do tangihonon ni dongan kita uju manghatai. Jala nuaeng nungga sahira sahit bei. Dengan manang so denggan pe hatantai ingkon begeon ni halaki, jala memang adong do pangkilalaan pandapot dohot ulaonta ma nIan na sintong.

Adong do piga dongan angka pangula naung pensiun, hea do deba sian nasida sanga hundul di angka uluan dohot angka kepala ni angka . Binoto do tangkas prestasi nasida tingki aktif memang mansai salut do angka sundut naumposo. Gabe songon guru do tahe nasida dipatupa angka donganna pangula. Disada rapot Huria dung gabe ruas nasida jala dohot anggota rapot , dipangido pandita ma pandapot nasida didok ma ” songonondo pandita nami, anggo hami najolo ,........... dipatorang ma angka naung hea niulana, dohot prestasina. Sampe 3 jom.. alani ingkon songonido patupaon muna.

Mulai ma marhusipi angka deba sian dongan na marrapoti, tingki reses rapot nisungkunma anggota parrapoti ai beasa songon na marhusipi hamu, ima da amang ninna ai hea do nasida dison mangula, alai di boto amang do, molo marjamita amantai mansai lambok ma sahat tu pusupusu, alai dung sun marjamita sai holan hepeng do disungkuni,gariada tahe dohot inantai holan naribut do ganup ari, masilelelelean hira film india, laos bereng amang ma annon simpul mangan sian rapoton manigor mulak mai, dohononna ma tole torushon hamu majo rapoton ate ai holan pingkiran do sian natuatua ba gogo sian naposo, alai laos nasida do annon manghatai di lingkungan ndang adong haputusan ni rapoti, dohot do au marrapot.

Toho ma tutu dung adong hata masuk ma hita asa tauduti parrapoton, mintor parmisi ma nasida muli, tolu bulan nai binoto ma muse sude hasil rapot huria didok ah ndang songoni hasil ni rapot, songonondo dipatorangma mansai lambok begeon, alai holan sahalak pe mandok ndang songoni amang ninna migor mulak do ibana

Lam leleng lambinotoma memang naung sahit do hape sian najolo, holan sitau begeon do nasida, asal adong hape manghatai ndang porlu tangihonon, jala sude naniula ni donganna sala sude holan ibana do nasintong , boha tutu songonido nuaeng ahu holan sitangihonon do ala soboi interupsi jamita songon sidang na di DPR an molo boi nian ate molo boi hita manangihon suara ni dongan ido nanaeng si parsiajaran ate anggo laho sitangihonon do naung somal doi songonnanidokna di Jakobus 1:19 Ingot hamu ma, angka donganku na hinaholongan: Ganup jolma, girgir ma ibana mananginangi, bangkol ma ibana mangkatai, bangkol ma tarrimas!

TERTIB ACARA MEMASUKI RUMAH BARU

 

1. BERNYANYI BN HKBP No. 11 :1-2 “Apa kidung Pujianku”

Apa kidung pujianku, memuliakan nama-Mu

Ya Tuhanku, Ya Allahku, b’rilah hikmat bagiku

S’ribu syair tiada cukup menjelaskan anug’rah-Mu

Kau ‘ku puji Tuhanku, sampai akhir hidupku

2    Kobarkanlah roh, jiwaku, menyanyikan kuasa-Mu

Juga kasih setia-Mu, juga kebaikan-Mu

Harta milik dan hidupku, hanyalah anugerah-Mu

Kau ‘ku puji Rajaku, sampai akhir hidupku

Aha ma endehonongku, asa pujionku Ho

2.      PENGGUNTINGAN PITA

REHMALEMNA BR SEMBIRING

Di dalam Anugrah dan Kasih Tuhan , kami memulai dan menyelesaikan pembangunan rumah ini , Puji syukur kepada Tuhan , Tuhan kiranya memberkati kami yang bernaung di rumah ini

      P : Rumah  doa, rumah berkat, rumah persekutuan lah  rumah ini bagi keluarga  , dan semua yang keluar masuk dalam rumah ini , Tuhan Memberkati

 ( Pengguntingan pita Oleh REHMALEMNA BR SEMIBIRING

 )

3.      Penyerahan Kunci kepada Pendeta 

Kami menyerahkan Kunci rumah ini kepada Pendeta. Tuhan telah memberkati kami selama proses pembangunan sampai selesai, Buka lah bagi kami pintu rumah ini supaya keluarga dan seluruh undangan masuk, semoga Tuhan menaungi dan memberkati Rumah ini

4.      Membuka Pintu   ( Pendeta/Pimpinan)

P : Didalalam Nama Allah Bapa, AnakNya Tuhan Yesus Kristus dan Roh Kudus saya membuka Pintu Rumah ini Tuhan Menyertai UmatNya di rumah ini, Damai Sejahtera dan Kasih Tuhan berdiam di rumah ini Amin hamu. (Keluarga dan undangan memasuki rumah untuk beribadah)

5. PANGGILAN BERIBADAH :

L :   “Pujilah Tuhan hai jiwaku (Mazmur 103:2)”, adalah merupakan suatu panggilan agar setiap insan memuji dan memuliakan Tuhan dan jangan melupakan segala kebaikanNya. Allah membuat segala sesuatu indah pada waktunya dan bahwa setiap orang dapat makan, minum dan menikmati kesenangan dalam segala jerih payahnya, itu juga adalah pemberian Allah (Pengkhotbah 3:11+13). Termasuk rumah baru yang hendak ditempati ini yang kita masuki dalam nama Tuhan, semoga keluarga yang menempatinya merasa bahagia, penuh rasa sukacita. Tuhan akan menjaga keluar masukmu dari sekarang sampai selama-lamanya (Mazmur 121:8).

J :  Jikalau bukan Tuhan yang membangun rumah, sia-sialah usaha orang yang membangunnya. Jikalau bukan Tuhan yang mengawal kota, sia-sialah pengawal berjaga-jaga (Mazmur 127:1)

L :   Apabila kita bertempat tinggal di suatu tempat, kita akan membangun rumah dan kita tempati agar di rumah tersebut kita dapat berteduh dan menerima berkat Tuhan. Tuhan berfirman : “Dirikanlah rumah untuk kamu diami; buatlah kebun untuk kamu nikmati hasilnya.” (Yeremia 29:5)

J   :  Tuhanlah kiranya menyertai dan memberkati keluarga yang mendiami rumah ini.

L  :  Tetapi bukan hanya membangun rumah dan membuat kebun, tetapi juga menjalin hubungan dengan sesama dan masyarakat. Sebab beginilah firman Tuhan : “Usahakanlah kesejahteraan kota kemana kamu Aku buang, dan berdoalah untuk kota itu kepada Tuhan.

 J    :  Sebab kesejahteraannya adalah kesejahteraanmu” (Yeremia 27:7).

L     :    Marilah sujud di hadapan Tuhan dan berseru memuji namaNya.

6. Bernyanyi BN HKBP. No. 4 “Sekarang Bri Syukur”

Sekarang b’ri syukur, kepada Tuhan Allah.

Raja dan Khalikmu, seluruh jagad raya.

Roh, tubuh, jiwamu, muliakan nama-Nya.

Berkat-Nya bagimu kekal selamanya

7. Votum – Introitus – Doa!

L  :       Di dalam Nama Allah Bapa dan Nama AnakNya Tuhan Yesus Kristus, dan Nama Roh Kudus yang menciptakan langit dan bumi. Amin! TUHAN adalah gembalaku, takkan kekurangan aku.

J :         Ia membaringkan aku di padang yang berumput hijau, Ia membimbing aku ke air yang tenang;

L :        Ia menyegarkan jiwaku. Ia menuntun aku di jalan yang benar oleh karena nama-Nya. Marilah kita berdoa! Ya Tuhan Allah kami, pujian dan syukur kami ucapkan kepadaMu. Engkau Maha Baik, berkatmu melimpah setiap saat. Terimakasih atas rumah yang baru untuk ditempati saudari kami REHMALEMNA BR SEMBIRING. Jadikanlah rumah ini menjadi rumah doa, rumah penuh damai dan sejahtera. Berkatilah keluarga ini Tuhanlah yang menyertai mereka siang dan malam. Dalam Kristus Yesus kami berdoa! Amin.           

8. BERNYANYI dari BN NO.12:1-2 “ Hatiku MemuliakanMu “

1.      Hatiku memuliakan-Mu, ya Tuhan Rajaku

Dan ‘ku b’ritakan karya-Mu, kuat kuasa-Mu

2    Tuhanlah sumber yang kekal, dari semua yang baik

      Berkat melimpah Kau beri, dan hidup yang baka

9.  LITANI FIRMAN TUHAN

L :        Kita telah menerima banyak berkat dari Tuhan, membuat hati kita senang dalam tuntunanNya. Sebab itu biarlah firman Tuhan menyinari hidup kita dengan mendengar yang dipesankanNya sehingga kita mengerti apa yang diminta oleh firman Tuhan kepada kita. Pemazmur berkata : “Peringatan-peringatanMu ajaib, itulah sebabnya jiwaku memegangnya” (Mazmur 119:129) “Ketahuilah, bahwa Tuhan telah memilih bagiNya seorang yang dikasihiNya; Tuhan mendengarkan, apabila aku berseru kepadaNya” (Mazmur 4:4). Berpeganglah kepada firman dan berseru kepadaNya maka engkau akan mendapat berkat.

  J      :       (Bernyanyi) dari BN No.15:4       “ Andai kupunya suara indah ”

                       Andai ‘ku punya suara indah, seribu kali suaraku

Aku bermazmur sangat indah dari seluruh jiwaku

Hatiku sangat bergemar, memuji karya cipta-Mu

L :        Takutlah akan Tuhan sebab “Permulaan hikmat adalah takut akan Tuhan, semua orang yang melakukannya berakal budi yang baik. Puji-pujian kepadaNya tetap untuk selamanya” (Mazmur 111:10). Di dalam kitab Amsal juga dikatakan : “Permulaan hikmat adalah takut akan Tuhan, dan mengenal yang Maha kudus adalah pengertian” (Amsal 9:10). Kuatlah di dalam Tuhan, sebab itulah yang diminta oleh firman Tuhan : “Akhirnya, hendaklah kamu kuat di dalam Tuhan, di dalam kekuatan kuasaNya” (Efesus 6:10).

J        :     (Bernyanyi) dari BN No.720:1  “ Yesus Inginkan hidupku ”

 Yesus inginkan hidupku bersinar bagiNya

 Di mana kapanpun aku, ‘kumerenungkanNya

        Refrein:

        Bersinar selalu, itulah kehendak Yesus

        Bersinar selalu, aku bersinar terus

L :        “Dan barang siapa yang haus hendaklah ia datang, dan mengambil air kehidupan dengan Cuma-Cuma” (Wahyu 22:17). Dengan demikian kita akan merasa lega. Dan untuk menimbang segala perkara mintalah hati yang paham. Katakanlah : “Maka berikanlah kepada hambaMu ini hati yang faham menimbang perkara untuk menghakimi umatMu dengan dapat membedakan antara yang baik dan yang jahat” (1 Raja 3:9).

10. DOA SYAFAAT  (Tangiang Pangondianon) :
11. BERNYANYI dari BN. 730: 1 “Berdayakan dirimu”

             Berdayakan diriku ya Tuhanku

Memancarkan keindahan kasihMu

Bagi sesamaku oleh Roh KudusMu

Dari hatiku terpancar kasihMu

 

12. RENUNGAN oleh :
13. BERNYANYI dari BN No. 706: 1…. “Betapa banyak berkatMu”

                                       ~~~ Persembahan~~~

  Betapa banyak berkatMu, Kau b’rikan padaku

Teristimewa rahmatMu di dalam anakMu

            Refrein:

            T’rima kasih Allahku atas kes’lamatanku

            Aku masuk ke rumahMu melihat kemuliaanMu

2     Saudara dan sahabatku saluran berkatMu

      Sungguh bahagia hatiku, ‘ku jadi anakMu

           Refrein:

            T’rima kasih Allahku atas kes’lamatanku

            Aku masuk ke rumahMu melihat kemuliaanMu

3      Berkat rahmatMu tak henti selama hidupku

      Pujianku pun tak henti muliakan namaMu

 

           Refrein:

            T’rima kasih Allahku atas kes’lamatanku

            Aku masuk ke rumahMu melihat kemuliaanMu

 

14. DOA PENUTUP – DOA BAPA KAMI – BERKAT – AMIN (3X)

 

 

ACARA PANANGKOKHON PALAS PALAS GAREJA

 

ACARA IBADAH PANANGKOKHON  PALAS-PALAS GEREJA HKBP KISARAN KOTA SABTU, 28 SEPTEMBER 2024

1. JOUJOU MARSOMBA HUHUT MAMUJI DEBATA

U  : Hamu angka na hinaholongan, Horas ma di hita saluhutna. Pinuji ma Debata na umpasupasuhon tingkion tu hita. Diloas do hita marpungu di inganan on, manghalashon denggan basa ni Debata naung itajalo di bagasan ngolunta, lumobi ma di na laho panangkok palas-palas ni garenja hita dibagasan tingki on, asa sae tongtong di dongani Debata hita boe sahat tu na simpul ulaon pembangunan ni bagas joro ni Tuhan on. Alani rap marlas ni roha ma hita mamuji pasangaphon Debata. Marende ma hita sian BE. 581:1-2 "Sangap Di Jahowa"

2. MARENDE BE. NO. 581: 1-2 “SANGAP DI JAHOWA”

♫  Sangap di jahowa na sun timbul i, Balga ni holongNa ndang tarasam i Dilehon  AnakNa  na  sasada  i,  Manobus  hita  jolma  pardosa  i Puji ma Debata ale manisia, Las roham las roham somba ma Debata Dapothon Jahowa na sun timbul i, Marhite AnakNa Tuhan Jesus i

 

♫ Tung so hasuhatan do basaNa i, Marhite AnakNa nilehonNa i. MudarNa durus  do  di  hau  silangi  i,  Rara  pe  dosanta  ias  dibaen  i Puji ma Debata ale manisia, Las roham las roham somba ma Debata Dapothon Jahowa na sun timbul i, Marhite AnakNa Tuhan Jesus i.

3. VOTUM – INTROITUS – TANGIANG

U  : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na manompa langit dohot tano on. Amen.

Marolopolop tu Debata ma ho ale sandok tano on. Endehon hamu pujipujianNa. Dok hamu mandok Debata: Tung na songkal do angka pambahenanMu! O Debata Jahowa Amanami, Ho do partanobatoan dohot mual ni saluhut hagogoon. Lomo ma rohaM di hami, jala pasu-pasu ma inganan on, asa palas- palas na hupanangkok hami dibagasan tingki on, gabe manggora dohot patoguhon roha ni saluhut ni ruasMon asa lam hot marsihohot tu bagasan pandonganionMu.

R: Ale Tuhan Tangihon ma pangidoan name on.

U: Debata Jahowa Amanami, na sun marhabadiaon, ditanganMu do haluaon dohot hangoluon ni huria on. Ho do parmahan na denggan roha na patongon hami tu jampalan angka na lomak, jala na manogunogu hami tu aek hasonangan. Holan

tu ho do hami marhaporusan jala manghirim. Usehon ma pasu-pasuM tu saluhut ruas ni huriaM naung pasahathon silehonlehonna tu ulaon pembangunan on. Parbue ni haporseaonma I, asa dibagasan haserepon saluhut ruasMu marsiadu mangulahon angka na denggan.

R: Ale Tuhan, tangihon ma tangiang pangidoannami on.

L: Anggiat ma bangunan palas-palas ni bagas joro na pinajongjong di atas ni batu ojahan na pineakhon diarinaung salpu, hot dihansinghansing na, togu dirancang- rancangna. Ia ro pe udan potir, mangalantap pe tangkuju, jala pur pe habahaba manontong bagas on, ndang na marumpak. Amen.

4.   MARENDE BE NO. 720 : 1, 2 “NAENG MARSINONDANG”

♫ Naeng marsinondang ngolungku diigil Jesus i, Manang didia pe ahu tongtong huingot   i.   Tiur   marsinondang   i   do   niigil   ni   Jesus, Tongtong marsinondang panondang do au tutu.

♫ Ingkon hobas mangurupi, angka na gale i, Jala burju manghobasi songon Tuhanta i. Tiur marsinondang i do niigil ni Jesus, Tongtong marsinondang panondang do au tutu.

5. Manjaha Hata ni Debata

U   : Hata ni Debata di hita dibagasan tingki on, i ma na ni enet sian Pilippi 4 : 4 –

7. Songon on ma didok disi

R  : Marlas ni roha ma hamu tongtong di bagasan Tuhan i! Huulahi ma mandok: Marlas ni roha ma hamu!

U   :  Pabotohon hamu ma habasaronmuna tu saluhut halak! Donok do Tuhan i!

R : Unang holsohon hamu agia aha; alai sandok pabotohon hamu ma tu Debata pangidoanmuna marhitehite tangiang dohot elehelek mardongan mauliate!

U  : Jala dame ni Debata na sumurung sian saluhut roha, i ma mangaramoti angka ateate dohot pingkiranmuna di bagasan Kristus Jesus! I do sahatna, martua do angka na tumangihon hata ni Debata, jala na umpeopsa, Amen.

6. MARENDE BE. NO 116:1 "DITOMPA HO DO AHU"

♫ Ditompa Ho do au, sondangi rohangkon: Tung basabasami sude na di au on. Gomgomi pamatangku, naeng Ho do oloanku, sai lehon ma gogongku, lomom naeng ulaonku. Urupi, tatap ma au tutu, Panompa na burju.

7. TANGIANG PANGONDIANON

8. MARENDE BE. NO. 826 : 1 – 2 “GOHI AHU TUHAN”

♫ Gohi au Tuhan marhite HataMi; Gohi au Tuhan marhite HataMi, Songon hudon na rumar do au Tuhan di sumurMi; Gohi au Tuhan marhite HataMi.

♫ Gohi au Tuhan marhite HataMi; Gohi au Tuhan marhite HataMi Na mauas do tondingku O Tuhan di HataMi; Gohi au Tuhan marhite HataMi.

9. JAMITA

10.(Marende BE no. 121 :1-2 “Jesus Raja Ni Huria”)

Jesus, Raja ni huria Na porsea, na badia Pasupasu ma au on Sai sungguli ma rohangku Mangihuthon Ho Rajangku

Pargogoi ma au tongtong Pargogoi ma au tongtong Lehon Tondi Parbadia Saor tu roha ni huria Di sandok portibi on Asa tong sada rohana Nang marserak pe ruasna

Pasangaphon Ho tongtong Pasangaphon Ho tongtong

11.  PANANGKOKHON PALAS PALAS

Uluan Huria :          Dibagasan Haporseaon di Tuhan Jesus Kristus hu Pananagkok ma Palas palas ni Huriaon, Dibagasan Goar ni Debata Ama, Anak dohot Tondi Parbadia , Anggiat ma mian tongtong dison haporseaon na sintong, biar mida Jahowa dohot holong ni roha. Tau inganan laho manjou tu parmingguon dohot partangiangan nang angka ulaon ni Huria ma on , laho manjaou dohot mamuji goar ni Tuhanta Jesus Kristus, namangolu jala mangarajai rap dohot Ama i dohot Tondi porbadia saleleng ni leleng na  Amen .

( Uluan , Parhalado, Panitia, Ruas, Tukang  ) Panangkokhon ..............

Uluan Ni Huria “       Martangiang ma hita, Ale Debata Amanami na sumurung , na marhabangsa di banua ginjang nunga hupanangkok hami  Palas palas ni Gareja on, Alani sai pahot ma haporseoannami ganup tingki, ho tongtong hutiop hami, sai HataMi ma sulu sulu ni pat nami, jala hatiuron di dalan nami. Antong sai Nangkok ma ojahan ni haporseaon nami be di tingkion nang tu angka ari na ro

12. MARENDE BE. 754:1-3 "GOK LAS NI ROHA"        P.Pelean

♫ Gok las ni roha do au di ngolungkon. Di ngolungkon, di ngolungkon Gok las ni roha do au di ngolungkon. Tongtong di rohangkon

Mauliate gok las ni roha. Maringan holongMi Tuhan di au Mauliate gok las ni roha. Maringan holongMi Tuhan di au

♫ Mardame jala sonang do ngolungkon. Di rohangkon, di rohangkon Mardame jala sonang do ngolungkon. Tongtong di rohangkon Mauliate gok las ni roha. Maringan holongMi Tuhan di au

Mauliate gok las ni roha. Maringan holongMi Tuhan di au

♫ Gok do holong ni Jesus di ngolungkon. Di ngolungkon, di ngolungkon Gok do holong ni Jesus di ngolungkon. Tongtong di rohangkon

Mauliate gok las ni roha. Maringan holongMi Tuhan di au Mauliate gok las ni roha. Maringan holongMi Tuhan di au

13. TANGIANG PANUTUP

JAMITA 1 KRONIKA 29:9

 

JAMITA 1 KRONIKA 29:9

Jadi marlas ni roha be situan na torop i ala ringgas nasida margugu, ai sian nasa rohana mangaringgas be margugu tu Jahowa; nang raja Daud marlas ni roha godang do.

Kecenderungan ni jolma nuaeng ima holan mangido, manjalo jala mangolom gomos na di iibana, alai tung maol situtu marsilehon-lehon, mangalehon jala berbagi. Ndang holan di sinamot alai sahat do di pambahenan dohot di angka pangalaho ni ngolu. Ido umbahen lam godang halak Kristen “partangan na metmet, par-langka na jempek, par-pinggol naung nengel, par-ateate na so bidang”, lapatanna : ndang olo be hita mangurupi, manghaholongi, unang ma jolo tu angka jolma na so tinanda ; gari naung tatanda pe nunga lam moru. Alai na negatif ima gampang muruk, naeng marbadai jala sangat sensitif, parhosom, par-elat dna.

Halak na holit marsilehon-lehon digoar do i sigotil monis. Tung unang mangalehon tu donganna, laho panganonna pe sai matua diholting do asa godang papunguonna. Halak na burju marsilehon-lehon didok do i parasi-asi. Tung unang adong nian dirohana na anturaparon dilambungna, sai dipardua do na adong dipangananna i tu donganna asa rap butong sude. Nadeba tung dipatudu do holongna tu donganna, alai manghirim do ibana muse dapotan sian pambahenanna i sian naniurupanna, didok ma i holong marpambuat. Nadebanari tung dibahen do pangurupionna tu donganna asam ni suhaton sabelek, alai sai dihatahon ma i tu desa naualu sai songon naung dua belek, didok ma i partolla.

Adong muse do halak mangurupi donganna, asal ma sai dioloi nian hatana. Uju manjua niurupanna i di hatana, manigor gotap ma tampuk ni bilalangna mangalehon pangurupionna, didok ma jolma sisongon on parejengejeng. Sipata ma i molo so suman pambahen ni donganna songon na di rohana i, pintor gotap ma holongna gabe hosom, marpaima muse ma ibana di tingki na asing, na so tupa urupanna donganna i molo dihagogotan, didok ma i parsintip.

Najumorbut, ima na sai olo manuman songon na mangurupi, sipata diajari do napogos i mangido tu ibana asa dilehon tahantahan ni pangurupionna i. Parsali ma naniurupan i, dihilala nunga neang sangombas i. Dung so tuk targarar parsali i songon jinanjihonna, manigor dibuat parsingir i ma tahantahan i gabe ugasanna. Mapupus ma arta ni parsali i dibuat pangurupi i, jolma sisongon on didok ma i pangheum.

Alani i diarahon turpuhon ma hita asa   ringgas jala burju, marsilehon lehon, margugu tu jahowa, tu angka punguan nang Huria, Mangalehon angka guguan dibagasan haburjuon ima hataridaan ni parbue ni haporseaon na sintong , marsilehon lehon dang marlapatan paboaboahon soara ni ogung ( Pamer ) Asa di puji dohot na  asing . marsilehon lehon unang ma ala na tarpaksa alai sian ias ni roha ma. Dibagasan turpukon si Daud berfokus tu Debata ima laho marsangkap laho paulihon bagas joro ni Debata, alani sude ma bangsoi manang na torop i, ringgas mangalehon gugu manang peleaanna . Suang songoni ma hita nuaeng asa ringgas jala burju mangalehon angka na rinkot tu Debata, tu punguan nang tu Huria, ingkon ingotonta do sada prinsip marsilehon lehon ima : Ingot na jinalom Lupahon na nilehon mu lapatanna, taingot ma angka pasu pasu pasu naung tajalo sian Debata, Jala talupahon ma angka naung talehon tu Debata nang tu punguan asa gabe unang pangeai di hita. Godang do halak sai manghatahon na ni lehonna tu donganna alai lupa naung hea di jalo ibana sian dongannai  angka na uli na denggan . Ingkon ingotonta do hata ni Jesus na mandok “ Na sian Kesar i mulak tu Kesari na sian Debata mulak tu Debata ( Mateus 15:22 ) Ringgas ma marsilehon lehon ai dihalomohon Debata do n alas roha mangalehon ( 2 Korintus 9:7)  Amen