ACARA IBADAH PERAYAAN NATAL PPD HKBP DISTRIK XIII ASLAB Di HKBP Gambir Baru Kamis, 08 Des 2022

 

 ACARA  IBADAH  PERAYAAN    NATAL

PPD HKBP DISTRIK XIII ASLAB

Di HKBP Gambir Baru

Kamis, 08  Des 2022

Tema:

JADI SIAN DALAN NA ASING NAMA NASIDA MULAK TU LUAT NASIDA ( Matius  2 : 12) 

I. PANGARADEON

 Barisan  Prosesi  ( Parjamita, Liturgist, Parhobas  ni  Natal, Siboan  Bibel, Silang, Lilin), Kabid Koinonia, BPH PPD, pantia  Natal,  na full timer  borhat  sian bilut Parhobasan   HKBP Gambir Baru  mamasuki  Gereja

 

I.                   Jou-jou  tu  Ibadah

U   :Hamu dongan sahaporseaon, dibagasan holong na sian Tuhanta, hupasahat hami ma “ Selamat  Natal ma tu hita saluhutna”

Sude:Selamat Natal ma nang di hamu parhalado nami.

U   :Manghalashon ari nauli, pesta parningotan Hatutubuni Tuhanta Jesus Kristus sadarion, masihorasan jala masijalangan ma hita tu na dilambungta be di bagasan dame huhut mandok “ selamat Natal”.

Antong tapahohom ma rohanta.....tapuji ma Tuhanta.

 

1.    Marende, BE, No. 605:1 “Las Ma Roham”

Ø   Las ma roham Tuhanta ro,Gumomgom sasude ungkap roham, Jangkon rajam marende ma sude,Marende ma sude, marende, Marende ma sude.

Bibel    : Tarsurat do di Bibel taringot tu ngolu ni angka jolma najolo, ima  ina, ama,dakdanak boru nang dakdanak baoa, naposo boru nang naposo baoa, pajumpang nasida dohot Debata dibagasan keluarga.

Huria   : Ale Debata , marguru ma hami sian ngolu haporseaon ni angka keluarga na tarsurat di Bibel i.

Silang  : Silang ima patuduhon solidaritas ni Debata tu portibion dohot mamboan haluaon tu angka keluarga.

Huria   ; Ale Debata, marguru ma hami sian pambahenan ni Debata asa hupahehe hami ngolu solidaritas dibagasan keluarganami be.

Lilin     : Hatiuron patuduhon hatigoran dohot hasintongan nang mangalehon hadameon diganup keluarga.

Huria   : Ale Debata, patiur ma keluarganami be, asa mangolu hami di bagasan hatigoran, hasintongan , nang hadameon sian Ho.

2. Marende No BE. No. 48:1+5  “Ria ma hita sasude “ BL 16

ü Ria ma hita sasude, mamuji Debata,Girgir ma parendenta be, ai idona tama2x

ü Dibahen i las situtu, do rohangkon nuaeng,Hujangkon Jesus i tutu, ::ai sonang au dibaen:,( Jongjong)

3.Votum/Introitus ( Liturgis 1, II, III)

( Pdt. Juwita Nababan, S.Th, Diak Leo Sihombing, Biv.L Simanjuntak)                           

L1: Tapungka ma Ibadah  Perayaan  Natal Parompuan  HKBP  distrik XIII Aslab on di bagasan Goar ni  Debata Ama, Anak dohot Tondi Parbadia na tumompa langit dohot tano. Amen .

L2:  Debata Ama, Ibana do na jumadihon langit, tano, laut dohot nasa isina. Ibana do na jumadihon daging dohot tondinta. Ibana silehon tua dohot pasupasu tu hita saluhutna. Tasomba ma Ibana.

L3: Tuhan Jesus Kristus, Ibana do Debata na tuat sian banua ginjang, mardaging jolma gabe sipalua jala sitobus hita. Parningotan di hatutubuNa do na tahalashon di tingki on. Tasomba ma Ibana.

L1:  Tondi Porbadia, Ibana do na manjou hita sian ragam parasingasingan ni adat, budaya, tradisi, suku nang parbangsoon tu bagasan hasadaon parsaoran ni halak Kristen na porsea. Tasomba ma Ibana.

L2: Nunga tubu di hita sada posoposo, dilehon tu hita sada Anak, pampe tu abaraNa do sogot harajaon, jala bahenonna GoarNa Sipartahi halongangan, Ulubalang ni Debata Ama saleleng ni lelengna Raja Hadameon i.

L3: Sangap, Hamuliaon, Hagogoon  jala pujipujian ma di Debatanta parholong roha i, naung ro manopot hita tu portibion.

      L1 : Martangiang ma hita : Ale Amanami jala Debatanami, namandok mauliate do hami tu Ho sian nasa rohanami, ala diramoti Ho hami saluhutna lumobi marhahipason  hami ro tu inganan on ima di Perayaan  Natal   PPD   HKBP Distrik XIII Aslab  on, di na marningot hami di Asi ni rohaM disuru Ho AnakMu Tuhan Jesus Kristus napaluahon hami sian dosa dohot hamatean. Hupangido hami sai patiur jala rajai ma rohanami marhitehite Tondi Parbadia i, asa unang  hu  rohanami mida hametmetonNa i. Urupi hami asa lam hutanda hami Ibana Raja naung ro i, sisombaon ni jolma di liat portibi on.Amen.                        (Hundul)       

4.Manjaha : Jes 40 : 1-5

U : Apuli, apuli hamu bangsongki ninna Debatamuna.Hata apulapul ma dok tu roha ni isi ni Jerusalem, jala jouhon hamu ma tu nasida.Nunga marujung parungkilonna, ai nunga salese dosa nasida i, ai nunga dijalo sian tangan ni Jahowa :silompit dua singkat ni saluhut dosana.

 

H : Soara ni na jou-jou di halongonan.Pauli hamu dalan di Jahowa; patigor hamu di adaran dalan balobung ni Debatanta.Ingko gohan nasa ruru,jala parenjehon nasa dolok dohot buntulbuntul, jala gabe na hornop do na marnangkok tuat,jala gabe rura tanggurung ni dolok.

 

U : Jadi  patar ma  hamuliaon ni Jahowa, jala sange nasa sibuk marnidasa, ai pamangan ni Jahowa do mandok. I do sahatna .Martua doangka na tumangihon hata ni Debata jala na umpeopsa. .Amen

 

5. Marende, BE.No. 569:1     “O Debata Tung lohang do rohangku”

  ü   O Debata tung longang do rohangku, Molo hubereng na tinompaMi,
Saluhut bintang, hilap dohot ronggur, manghatindanghon hasangaponMi,Marende au Tuhan mamuji Ho,O, Debata, sangap do Ho.Marende au Tuhan mamuji Ho ,O  Debata, sangap do Ho

6.Liturgi  I : ( Serdang Dua,  PN. Buntu Pane, Exaudi, Lab. Ruku, Lab. Ruku II)

 Prolog : Tung na songkal do Debata, Ibana do panompa langit dohot sude isina. Onom ari do ditompa saluhutna jala uli diida Debata. Tabegema Liturgi I.

1.      1 Musa 1: 1-2                          6. 1 Musa 2 : 1-3

2.      1 Musa 1 : 3-4                         7.  Nehemia 9 : 6

3.      1 Musa 1 : 5                             8. Psalm 104 : 1-2

4.      1 Musa 1 : 26                           9. Psalm 104 : 3-4

5.      1 Musa 1 : 27                           10. Yesaya 40 : 26

 

7.      Marende. BE. No. 39 : 8  “  Beha ma panjalongku”

Ø  Ro do Ibana sogot di ari uhum i. Ingkon di si tarsonggot pardosa na tois i. Alai na holong roha marlas ni roha do. Di si ma dohononna “pinujima Ho na ro.

8.      Liturgi II : ( Desa Gajah, Air Batu, Persatuan, Tanjung Balai, Air Joman)

Prolog : Mansai  uli, dame sonang   saluhut na tinompani Debata. Alai ala panghorhon ni dosa i, gab ro ma ragam ni hasusaan. Tabegema hadadabu ni jolma i tu dosa di Liturgi na paduahon.

1.      1 Musa 2 : 16-17                     6. Roma 3 : 13-18

2.      1 Musa 3 : 16                           7. 1 Korintus 15: 21-22

3.      1 Musa 3 : 23                           8. Jakobus 4 : 17

4.      Roma 5: 12                              9. 1 Johannes 1 : 8

5.      Roma 3 : 10-12                                    10. Johannes 3 : 4

9. Marende, BE. No. 51: 2  “ Tole Puji ma Tuhanta”

Ø  Dosa dohot hamatean, bolis dohot hamagoan; talu ala naung diboan, Jesus hangaluan i.       ( jongjong)

10 . Tangiang manopoti dosa

 L1:  Ale Debata Pardenggan basa jala parasi roha na sumurung hutopoti hami dosa dohot pangalaosion nami tu Ho.Ndang tardok dope hami  halak Kristen siihuthon Ho sian nasa roha, ate-ate dohot gogonami,ai ndang adong pangulaon nami na sintong di adopanMu,alani i hujouhon hami ma tu Ho.

H : Ale Tuhan sai asi roham di hami, marpamuati ma roham Tuhan di dosa nami i.

L2: Di situasi na lam tu majuna jaman on, maju do nean  parbinotoan nami lumobi ma di jaman digitalisasi nuaeng on. Nunga boi hami  taruli di Hatam marhite jamita ni angka parjamita isarani di Youtube dohot naasing na boi pasolhothon hami tu Ho, alai lam mura muse do hami mandao sian lomo ni roham alani godang ni tawaran tawaran  napasonang roha sopola alani ringkot manang alani  kebutuhan. Torop dope hami na tarpangan issu, gabe mago holong ni roha sian ami, ai nunga mangula sibolis i jala olo hami gabe  ula-ula ni sibolis mangula ulaon  na hinasogohon ni rohaM,alani i hujouhon hami ma.

H: Ale Tuhan asi ma roham di hami marpamuati ma rohaM

L3:  Huboan hami ma tu Ho Tuhan, parsorion nami humonghop angka anakhon nami songon generasi penerus di hami, naung torop madabu tu angka pangalaho na so tingkos, isara ni pergaulan bebas, ndang olo be marsingkola, jala tarhatos do hami ala pengaruh ni narkoba,  pengaruh  HP  na boi manegai masa depan ni angka naposo dohot dakdanak. Tudia nama angka generasi muda nami on ? alani i sai sungguli ma rohanami  laho mardalan di dalan lomoni rohaM jala hujouhon hami ma..

H : Ale Tuhan marpamuati ma rohaM,

L1: Baga baga ni Debata taringot tu hasesaan ni dosanta : Songon on do hata ni Jahowa:nunga diarsahi ho au marhite sian angka dosam, jala nunga dilojai ho au marhite sian  angka hajahatonmu. Ahu tutu, Ahu sandiri manalesei angka pangalaosim ala ni hadirionku, jala ndang be hupaingotingot angka dosam. Hasangapon ma di Debata  di ginjang.

H ; Amen  (hundul)

11. Marende. BE. No. 51 : 4 “ Tole puji ma Tuhanta”

Ø  Ima holong ni rohaNa, jolma do dibaen donganNa. Dohot tu harajaonNa hita diarahan do.

12. Liturgi III  :

 ( Silau Maraja, Pulo Raja, Huta Baru, Sei Loba, Pers. Simpg 4)

Prolog: Songon timboni langit sian tano on, songoni ma timboni sangkap ni Debata na gok dame dohot las ni roha. Arga situtu do jolma i di Debata. Disangkapi Ibanama sangkap haluaon marhitehite na dibagabagahonNa haroroni MesiasNa. Tabege ma liturgi patoluhon.

1.      Jesaya 11 : 1                           6. Jeremia 33 : 14

2.      Jesaya 11 : 2                           7. Jeremia 33 : 15

3.      Zakaria 9 : 9                          8. Maleakhi 3 : 1

4.      Mikha 5 : 1                             9. Jesaya 42  : 1 + 3

5.      Jesaya 9 : 5                             10. Psalm 24 : 7

13. Koor ; HKBP Kisaran  “ Sai marlasni roha ma”

14. Koor  HKBP Gambir Baru : “ Marsurak ”

15. Liturgi IV. ( Sukarame, Aek Kanopan, Mutiara )

Prolog: Hot do Debata di bagabagaNa, holong do rohana di jolma natinompanai. Alani i, tuat do Ibana gabe jolma laho paluahon jolma i sian hamatean. Tabegema hasasaut ni baga baga Haluaon i di liturgi na paopathon.

1.      Johannes 3 : 16                      6. Lukas 2 : 10 - 11

2.      Lukas 2 : 1-2                          7, Lukas 2 : 12 - 14

3.      Lukas 2 : 3 – 4                       8. Lukas 2 : 17 - 18

4.      Lukas 2 : 5-7                          9. Lukas 2 : 19 - 20

5.      Lukas 2 : 8 – 9                       10. Kolosse 1 : 13 -14

 

16. Marende. BE. No.           MC  : Pagalak lilin  di tingki ari Natal nunga sada tradisi di halak Kristen.lilin patudu simbol ni hatiuron,kerelaan dohot ngolu ni Jesus naung tubu.  Ro do Ibana dibagasan haleaon laho manondangi ,mamboan hatiuron dingolu ni jolma na dihahalomon.( Musik angonangon  BE 616 )   diendehon  Song leader

1. Praeses                                                 5. Ketua PPD

              2. Parjamita                                  6. Keluarga Fulltimer/ bapak

3 Kabid Koinonia                       7. Bolahan  amak

  4.Pembina  PPD    

(Dung sidung dipagalak lilin, jongjong dope hita laos diuduti ma pagalak lilin nametmet , Laos  Marende B.EndeNo54:  1-2)     BL : 64 ( Song Leader)

Ø   Sonang ni bornginna i Uju ro Jesus i.sonang modom do halak sude holan dua na dungo dope mangingani AnakNa Jesus Tuhantai

Ø  Denggan ni bornginna i Uju ro Jesus i .Tu parmahan di Betlehem i.Dipaboa na di surgo i. Nunga ro Sipangolu Jesus Tuhanta i( hundul).

 

17.  Liturgi V.

 ( T, Leidong, Sei Apung, TP Dalam, Aek Loba, Kualuh Selatan)

Nunga patar taida haluaon na pinatupa ni Debata marhite hatutubuni Sipalua i, janghon, halashon jala baritahonma, ai ido lomoni roha ni Debata. Tabege ma liturgi palimahon.

1.      Psalm 118 : 14-15                  6. Psalm 62 : 2

2.      Psalm 118 : 24                        7. Psalm 62 : 6

3.      Lukas 4 : 18                           8. Jesaya 12 : 2

4.      Ul.Apostel 4 : 12                    9. Psalm 28 : 7

5.      Ul. Apostel 13 : 26                 10. 1 Tess : 5 : 18

18. Koor HKBP Pardomuan Nauli: “ Haleluya Nunga Ro Mesias I”

19. Koor Pardihuta ni Pangula Na Gok Tingki : “ Mesias Telah Lahir”.  

 

20.  Liturgi VI : Refleksi Natal ( BPH, Ketua Panitia, 3 keluarga Fulltimer, Fultimer)

BPH    : Natal; Hatutubuni Tuhanta Jesus , ido na tapestahon di tingki on. Aha ma ulaning impola ni pestanta sadarion tu hita dohot tu donganta

Ketua  : Dijouhon pestata sadarion, asa lam renta hita rap mardalan di dalan na hinalomohon ni Tuhanta. Rap hobas hita manghobasi ulaon ni Tuhanta, ulaon marpanarihon tu dongan, asa saluhut taruli las ni roha.

Kel 1   : Dipaborhat do hita angka Ina sa distrik XIII Aslab on, laho rap mardalan mangeahi angka sihobasanta tu na umbidang dope isarani ulaon parasinirohaon dalanta papatarhon holong ni Tuhanta.

Kel 2   : Dibagasan pos ni roha tu Tuhanta, marlojong ma hita laho patupahon ulaon na pahisarhon angka dongan na tungki lumobi angka dongan ina namarungkil ditongani keluarga.

Kel 3   : Asa ndang holan hasomalon sambing be perayaan Natal PPD XIII Aslab on tapatupa, alai gabe marpanghorhon jala marmarparbue ma laho parsaulihonon ni angka dongan namangharinghothon.

Fultimer 1      : Natal sadarion, mangungkap roha dohot ateatenta laho mamaritahon holong ni Tuhanta, marhite ragam ni angka ulaonta, dohot panghobasionta na marojahan tu 3 panjouon ni huria ima; Koinonia, Marturia, Diakonia.

Filltimer 2       :  songon dia ma hita laho pasauthon i? Tatangihon jala taparateatehon ma Hatani Debata marhite renungan Natal sadarion laos siluanta boanonta tu tonga ni bagasta dohot ulaonta.

 

21. Koor    Gabungan  PPD             :  “ Boru Sion”

22.  Tangiang Pangondianon : Pdt Jernita Siregar, S.Th

23. Marende. BE. No : 52: 1 “ Hatuaon Do” 

Ø  Hatuaon do las ni roha do Hatutubu ni Jesus i
:,: Domu do hita Tu Debatanta Las be, las be ma rohanta i.

24. Renungan      Natal  : Pdt. Natalina Nababan , SSi.

25. Marende No  598 : 1---- Bege Ende Ni Suruan ( P.Pel)

Ø  Bege ende ni suruan, sangap ma di Tuhan i, Nunga tubu Sipalua, Raja Sipardame i, Dipadame Debatanta do diriNa tu pardosa, Nunga tubu Kristus i  di huta Betlehem i, Ende ni suruan i sangap ma di Tuhan i

                    .............................................................ORGAN......................................................

Ø  Kristus Raja sian surgo tuat tu portibion, Tubu sian si Maria, lao manobus hita on, Debata na so tarida gabe daging songon hita, Nunga raphon hita be Jesus i, Immanuel, Ende ni suruan i, sangap ma di Tuhan i

                    .............................................................ORGAN......................................................

Ø  Jesus Raja hadameon sondang hatigoran i, Panondang ni hangoluan di saluhut jolma i, Dirumari do diriNa lao manobus manisia, Asa unang mate be ala ni dosana be, Ende ni suruan i, sangap ma di Tuhan

 

26.  Parsuruon tu ngolu siganup ari  ( U=Uluan; I= Ina  H=Huria)

U:        Sian on ma tatanda holong ni roha i: Sian Ibana na mangalehon hosaNa Humonghop hita, nang hita tama do masihaholongan asa jumpang dame.

H:        Olo Tuhan sai dongani jala pargogoi ma hami laho mangulahon i.

U:        Holong ni roh ni Debata na mangalehon Jesus Kristus, ima laho padamehon  hita tu dirinta, keluarga, ianakhon, hita sama hita tu Debata.

H;        Olo Tuhan sai dongani ma hami laho mangulahon i.

U:        Hita angka Ina borhat ma mangulahon tugas dohot tanggungjawabta,songon  ina na padot, hobas mangaradoti  keluargantabe  asa mangoloi dohot marsomba tu Jesus Kristus Raja Sipaluai.

I:          (Mangendehon) BE.No. 53:4“Dibetlehem do tubu”

Burju naeng lehononku, di Ho rohangkinon, asi roham Tuhanku, urupi au tongtong, Olo, olo, urupi au tongtong.

U:        Antong, ala nunga dihaholongi jala di padame Debata hita tudiriNa. Alani i, mardame jala masihaholongan ma hita di tongani keluarga, masyarakat, nang di tongani Huria i, ima songon hapataran ni holongta tu Debata.

H:        (Mangendehon) BE. No 62 : 1  “ Halalas Ni Roha Godang”  S

Ø  Halalas ni roha godang, na hubaritahon on,

            Nunga tubu sipalua di hita jolma on

           Hasangapon di Debata laos dame, dame, dame ma di jolma

         Lomo ni roha ni Debata do hita jolma on.

 

27. Tangiang  Pelean...... Pasupasu........

 

 

 

II. Kata Sambutan

III.  Hiburan  :

VI . Makan bersama

 

 

 

 

SELURUH  PPD  HKBP Distrik XIII Aslab

 

Mengucapkan:

 

Selamat Hari Natal, 25 – 26 Desember 2022

&

Tahun Baru, 01 Januari 2023

 

@ Sie ibadah, Ex&TD@