Bahan Sermon Jamita
Minggu Advent III, 11 Desember 2022
“MAROLOPOLOP MANOMU
TUHAN I”
(Jesaya 12: 1-6)
Patujolo
“Aku memiliki mimpi”
ima sada pandohan ni Martin Luther King, Jr di tanggal 28 Agustus 1963, hata i
dipasahat ibana di tingki marpidato ibana dalan mangalo rasisme na masa di
Amerika Serikat di jolo ni 200.000 halak. Marhite hata i diondolhon ibana bahwa
suatu hari nanti, bangsa AS akan membangkitkan dan menghidupi kepercayaannya.
Alai sagogogogo ni panghirimon ni ibana, ndang gabe jaminan i paboa ingkon masa
i di ngolu ni jolma i.
Hatorangan
Jesaya bindu 12 on ima
pamuhai ni ende pujipujian na diparade laho pangkeon ni bangso Jahudi di tingki
dipatupa Debata haluaon di nasida, nunga tibu dibagabagahon haluaon i tu nasida
di bindu andorang so bindu on, ima di tingki haruar sian habuangan Babel.
Bangso na marserak (terpencar) i, dipadomu Debata di bagasan sada daging, sapingkiran,
saroha, jala sapandohan mamuji Debata, ima na nidokna di ayat 1 i “Jadi
dohononmu ma di ari na sasada i, mauliate ma ahu tu Ho, ale Jahowa”, na
marlapatan doi:
- Paboa adong do
sidalian (alasan yang jelas), ima haporseaon na mandok, janji itu sudah
pasti, jala angka pasupasu do ganup bagabaga i na mambahen mamora, jala
molo dilehon i, gabe marlas ni roha situtu ma nasida, sadalan mai nang
patuduon nasida hamauliateon ni rohana (mengucap syukur).
Songoni do nang angka bagabaga di padan na robi taringot tu barita las
ni roha di padan naimbaru, zaman Injil sering kali diungkapkan dengan sukacita
dan pujian, nda patut hita mandok mauliate tu Jesus Kristus ala ni angka
pambahenanNa di ngolunta.
- Engkau akan
mempunyai hati untuk berkata demikian, dilehon Debata do asi ni roha tu
bangso i asa diboto bangso i hamuliaon ni Debata na sun timbul i, jadi
dohononmu ma i (ayat 1). Di ari na sasada i ima hatiha godang halak di
boan mulak tu Jesus Kristus jala mardodor mangihuthon Ibana.
Diajari do angka halak na porsea di turpuk
Jesaya on asa mandok mauliate ala marpamuati rimas ni Jahowa, jala diapuli
Debata nasida. Allah pasti mempunyai alasan yang tepat untuk murka terhadap
kita, tetapi kita tidak pernah mempunyai alasan apa-apa untuk marah terhadap
Dia. alani ingkon taparrohahon do muruk ni Debata. Tung tangkas do tarida angka
muruk dohot rimas ni Debata tu bangsoNa, ido siidaon ni bangso i nang
siidaonta, asa taboto marunduk marserep ni roha tu Debata. Na naeng dohononna
dang torus manginsombut rimas ni Debata tu hita (surut), tahaporseai jala
tajalo doi paboa di asiani Debata hita marhite AnakNa Jesus Kristus na gabe
sipalua di hita manang padomu hita tu Ibana. Jala hita angka naung dipadame
dohot Debata tong do diapuli Ibana, nian di na sumurut i pe rimas ni Debata
nunga gabe apulapul i di bangsoNa, angka ima na gabe pokok pujipujian ta mandok
mauliate jala marlas ni roha dibagasan Tuhan i.
Ayat 2 “Debata do hatuaonhu, Allah itu
keselamatanku”, lapatanna dibagasan Ibana do malua hita, marpangunsandean tu Ibana
do hita, jala nunga dapot hita i. Lapatanna tung patut do jaloon ni Debata
hamuliaon sian hita ala ni angka pambahenanNa tu hita na sai laon, jala holan
sian Ibana do tahirim angka haluaonhaluaon sian hamaolon tu joloanon. Alani
redam ketakutan-ketakutanmu, unang mabiar na pasombuon manang tinggalhonon ni
Debata hita, ido bagabaga ni Debata tu bangso na pinillitNa i.
Di ayat 3 didok muse “marlas ni roha ma hamu
manahui aek sian mual ni hatuaon”, lapatanna ingkon buatonta do apulapul tu
dirinta sandiri sian asi dohot denggan basa ni Debata. Bagabaga ni Debata
dilehon do tu hita ima mata air keselamatan, ai disi do haluaon dipabotohon
jala dipasahat tu hita, alani tugasta do manahui aek sian mual hangoluan i,
tottu mardongan las ni roha jala hamauliateon.
Panimpuli
Marhite turpuk Jesaya
on dipaingot hita Debata do hatuaon dohot haluaonta, alani tahaposeai ma Ibana
na paradehon jala patupahon haluaon na saleleng ni lelengna i, asa Debata na
manjaga hita lao sahat tu Ibana. Alani pasahat ma dalanmu tu Jahowa, asa Ibana
pature ho, pasahat sude holsom na adong di portibion, unang guga jala unang
ganggu, porsea ma hita paboa mangula do Debata di ngolunta laho patupahon angka
nauli na denggan di hita. asi ni roha ni Debata do hagogoonta, godang angka
hamaolon manang pergumulan na ingkon tabolus, alai tuk do asi ni rohaNa i
mangalehon gogo di hita mangadopi i saluhutna, ai Debata do hatuaonhu, jala
Ibana do huhaposi.
Pdt. Febrianto Edy
Gabetta Sianturi, S.Th
Tidak ada komentar:
Posting Komentar