PARTANGIANGAN PANIMPULI ULAON (PEMBUBARAN) Tim Official Pesta Paduan Suara Gerejawi (PESPARAWI) HKBP Kisaran Kota Rabu, 14 Desember 2022

 

Partangiangan Panimpuli Ulaon (PEMBUBARAN)

Tim Official Pesta Paduan Suara Gerejawi (PESPARAWI)

HKBP Kisaran Kota

Rabu, 14 Desember 2022

======================================================

1.      Marende BE. No. 2:1-2 “NAENG PUJIONKU HO JAHOWA”

Ø  Naeng pujionku Ho Jahowa ai Ho do Debata na tutu i.

Sai suru Tondi Parbadia tu au asa hupuji goarMi.

Marhitehite Jesus AnakMi asa lomo rohaM di endengki

Ø  (Jongjong) Togihon ma au tu AnakMu asa tu Ho ditogu au muse.

TondiM pasaorhon tu tondingku Manogu au di dalan na ture

Asa tongtong gok dame rohangki huhut girgir mamuji goarMi.

2.      Votum

U    :  Marhitehite goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on. Amen. Mandok mauliate ma hamu di Jahowa, ai na basa do Ibana, ai ro di salelenglelengna do asi ni rohana i.

H    :  Ai dilehon Debata do tu hita tondi hagogoon, tondi haholongon, tondi pangarajaion diri, ndada tondi hatahuton.

U    :  Alai hamu, angka haholongan, pauliuli hamu ma dirimuna di atas haporseaonmuna na badia situtu, jala martangiang di bagasan Tondi Parbadia!

H    :  Nang pe merus sibukku dohot rohangku, sai Debata do partanobatoan ni rohangku jala parjambaranku salelenglelengna.

U    :  Pinuji ma Tuhan i ganup ari! Haleluya. Martangiang ma hita : Ale Tuhan Jahowa Debata Amanami Parasiroha jala Pardenggan basa. Mauliate ni rohanami hupasahat hami tu Ho ala asi ni rohaM di hami. Tarpatupa hami godang angka ulaon na denggan di tonga panghobasion ni HuriaM. Nunga dipabangkit jala pinaborhatMu hami laho marbarita nauli marhite ulaon na denggan dibagasan PESPARAWI Kabupaten Asahan di taon 2022 on. Saluhutna i tarpatupa hami ala asi ni rohaM do na paloashon hami boi tulus nidohotan angka ulaon i saluhutna. Nuaeng na marpungu do hami laho mamuji Ho di asi ni rohaM naung sahat hami di panimpuli ulaon tim official PESPARAWI ni HuriaM HKBP Kisaran Kota. Dibagasan Kristus Jesus martangiang hami tu Ho. Amen

3.      Manjaha Turpuk

U    :  Tajaha ma marsingkatsoring turpuk sian Filipi 2:11-14. Ai nunga tarida asi ni roha ni Debata, sibahen haluaon ni saluhut jolma.

H    :  Diajari do hita, asa tasoadahon roha na so daulat ro di angka hisaphisap tano on, asa taparangehon hatomanon, hatigoran dohot hadaulaton, tagan di hasiangan on.

U    :  Laos diajari do hita, paipaimahon hatuaon na tahirim i dohot hapapatar ni hasangapon ni Debata na balga i dohot Kristus Jesus, Sipalua i.

H    :  Ai dilehon do dirina humongkop hita, asa ditobus hita sian nasa hajahaton, asa urasonna di dirina bangso, naung Ibana nampunasa, na olo mangkapadothon angka ulaon na denggan.

U    :  Ido sahatna. Martua do angka na tumangihon Hata ni Debata jala na umpeopsa.

U+H : Amen

4.      Marende BE. No.672:1 “TUNG GODANG SITUTU”

Ø  Tung godang situtu ulaonmu antong, dipasahat Tuhanta tu ho ndang adong be tingkim, marnalemba tahe, ngolumi bahen tiruan tongtong. Sai patupa ma i ala ni Tuhan i, so mangkirim balosna tu ho. Debata do marnida na niulami, manang na adong parbue ni i.

5.      Hamauliateon ni Roha

U    :  Hamu ale angka dongan na hinaholongan dibagasn Kristus Jesus. Taboto do dibagasan Kristus Jesus patauhon hita di nasa ulaon na denggan, mangulahon lomo ni rohana, dipatupa do di bagasan hita na tau lomo ni rohana marhitehite Jesus Kristus!

H    :  Di Ibana ma hasangapon i ro di salelenglelengna!

U    :  Tarajumi do tongtong nasa asiasi nang silehonlehon ni Debata tu hita tau bahen hasangapon ni goar ni Debata do saluhutna. Songon hata ni Debata na mandok : “Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan”.

H    :  Ido tutu Tuhan. Hupangke hami ma saluhut asiasiM dohot silehonlehonmon bahen hasangapon dohot hamuliaon ni goarMu.

U    :  Ima las ni rohanta. Diparade Debata do hita asa tongtong borhat hita gabe parbarita nauli di Ibana pajongjonghon HarajaonNa marhite ulaon na denggan. Songon na nidok panurirang Jesaya : “Dung i hubege ma soara ni Tuhan i, na mandok: Ise do suruhononku, jala ise pardalannami? Jadi ningku ma: Dison do ahu, suru ma ahu!”

H    :  Parborhat ma hami Tuhan, ido pos ni rohanami di Ho.

U    :  Nunga simpul be ulaon PESPARAWI Kabupaten Asahan di taon 2022 jala pinabangkit nang pinaborhat ni Huria do hita laho mangulahonsa. Mardongan parsitutuon do hita patupahonsa asa marsangap ma goar ni Jahowa di na saluhutna.

H    :  Sai asi ma rohaM di hami Tuhan. Sai saut ma na hinalomohon ni rohaM.

U+H : Amen.

6.      Marende BE. No. 45:4 “HOSIANNA ANAK NI RAJA DAVID”

Ø  Hosianna Tatap ma hami na nirajaanMu. Togu ma tu Debata hami angka siseanMu. Sai sungguli hami on mangoloi hataM tongtong

7.      Renungan Singkat

8.      Marende BE. No. 53:2+4 “DI BETLEHEM DO TUBU”

Ø  Tu holong ni rohaNa hubonom rohangkon. Hulehon di Ibana Sude na di au on Olo, olo, sude na di au on.

Ø  Burju naeng lehononku di Ho rohangkinon Asi rohaM Tuhanku. Urupi au tongtong. Olo, olo, urupi au tongtong

9.      Panimpuli Ulaon Tim Official PESPARAWI HKBP Kisaran Kota

U    : Mauliate godang ni nasa panghobasion Tim Official PESPARAWI HKBP Kisaran Kota. Nunga godang naung pinatupamuna di nasa ulaon na denggan di nasa panghobasion ni HuriaNa. Asi ma roha ni Debata jala manumpak na denggan ma Debata di nasa ulaon na denggan naung pinatupamuna pasauthon ulaon PESPARAWI Kabupaten Asahan kontingen sian Hurianta HKBP Kisaran Kota.

          Hami dibagasan goar ni Uluan Ni Hurianta marhitehite goar ni Debata Ama dohot goar ni AnakNa Tuhan Jesus Kristus dohot Goar ni Tondi Parbadia pasahathon nunga simpul be ulaon ni Tim Official PESPARAWI HKBP Kisaran Kota. Marsangap ma Debata di nasaluhutna. Amen

…Ketuk 3 kali…

10.  Tangiang Pangondianon

11.  Marende BE. No. 8:1… “PARUAK MA HARBANGAN I”

(Papungu Pelean)

Ø  Paruak ma harbangan i, ai nunga ro Rajanta i

Sigomgom raja sasude, sitobus hajolmaon pe

Siboan hatuaon i, pasuang hasonangan i

I pe tapuji ma Tuhanta Debata.

Ø  Na sun tigor do roha ni na ro tumopot jolma i

Ai Raja na badia do huhut parasiroha do

Pabalionna do sude, na mangarsahi hita be

Ipe tapuji ma Tuhanta Debata.

Ø  Martua luat, huta pe, dung jinangkonna Raja i.

Rohanta pe sai sonang do, dung masuk Raja i naung ro.

Ai tiur do rohanta i, dung ro panondang i tusi

Ipe tapuji ma Tuhanta Debata

Ø  O Jesus ro ma Ho tuson, ai naung huungkap rohangkon

Patongon asi ni rohaM, patolhas denggan ni basaM

Tu au marhite TondiMi, togihon au tu surgo i

Ai naeng tongtong disi Hupuji goarMi.

12.  Tangiang Panutup