EV: Johannes 1:1-14, TOPIK: GABE DAGING MA HATA I, JAMITA MINGGU 25 DESEMBER 2022 (NATAL I)

 

 

BAHAN SERMON  DISTRIK XIII ASAHAN LABUHAN BATU

JAMITA MINGGU 25 DESEMBER 2022 (NATAL I)

TOPIK: GABE DAGING MA HATA I

EV: Johannes 1:1-14

I. Patujolo

 Johanes 1: 1 – 14 Digoar do “Natal”, proses inkarnasi, Debata gabe jolma. “Gabe daging ma Hata i.”. Hamamasa/ peristiwa Natal gabe bona (awal) ni teologia hakristenon. Ndang adong teologia Kristen molo so adong “Natal”. Natal mameop/ menyimpan rahasia ni Debata di bagasan Jesus Kristus i. Laho manjagahon rahasia i tubu ma teologia Kristen. Dibagasan teologia hakristenon i dipapatar do hasintongan ni hatutubu ni Jesus i, peristiwa yang nyata. Dao do hamamasa/ peristiwa Natal i tu pangantusion ni filsafat ni jolma. Parbarita na uli (teolog) mandok, “Ndang jumpang ni jolma pangantusion taringot tu Debata molo so ditanda do Jesus i Debata na gabe jolma. Natal i ma unok ni teologia na pinarnampunahon ni sude na porsea.  Jesus Kristus, ima Hata/Firman naung adong sian hatongtongon. Andorang so adong dope   sejarah ni portibi on. Ia melampauhi zaman, sejarah, waktu. Nunga adong hian ibana andorang so adong dope partingkian/ zaman, sejarah.

Jesus Kristus, ima Hata na mangolu raphon hajolmaon, marsaor dohot jolma. Ndada anganangan, ndada khayalan, ndada mitology, ndada turiturian ndada ilusi ni jolma Ibana. Yesus adalah fakta sejarah. Dung do   Ibana ro tu portibion, na papatarhon hasintongan ni hatigoranNa dohot patupa angka tanda halongangan, ro di asinirohaNa tu jolma.  “Gabe daging ma Hata i”, ima unok ni pambaritahonon ni si Johanes. Debata na gabe jolma. Hata i/ Firman di hata Gorik dilapati dohot hata “logos”. “Logos”/ Hata, Firman ndang holan martudutudu tu hata manang parhataan alai dohot do tu pangulahonon/ perbuatan. Gabe mangkuling muse ma Debata, jadi ma ho…/ Berfirmanlah Allah, jadilah… (1 Musa 1: 1). Hata na marhuaso, Firman yang punya kuasa. Digoar do Evangelium Johanes on, Injil Iman, na boi antusan ni angka na porsea di Jesus i. Molo adong na so manghalomohon “Natal”, pola mandok kafir, ala na so porsea do nasida di Jesus i. Ndang olo manjalo, marparhatutu Jesus naung tubu i, ima “Hata naung gabe Jolma” (Firman yang telah menjadi Manusia). Ditulak torop jolma do haporseaon ni halak Kristen i, “Yesus adalah Firman Allah”.  Di bagasan Natal i, na masa ndada holan hatutubu, alai di natal i patar tarida sangkap ni Debata marhite Jesus Kristus i,  asa malua jolma i sian dosa dohot hamatean. Tarsurat do di Natal i hamamate dohot haheheon ni Jesus i. On ma na so tarjalo ni portibion. Gabe jolma Debata, mate humongkop jolma/portibion jala hehe sian  na mate asa ganup na porsea di Ibana dipahehe/ dipauba asa tu hangoluan na manontong i. Haporseaon dohot panjangkonon ni na porsea i nunga gabe panindangion/ pengakuan na manulak pandohan na mandok Jesus i, Panurirang (Nabi), sada halak teladan agung. Panindangion ni halak Kristen papatarhon, Hata/ Firman  i ndada holan Hata/Firman na boi jahaon, parsiajaran alai hangoluan. Jesus i ma Hata Hangoluan/ Firman Hidup jala Hata Namangolu/ Firman Yang hidup. Proses inkarnasi ndang mangagohon ha-Debataon ni Jesus i nang pe gabe jolma Ibana. Dia adalah Allah dan Manusia. Dalam diri Yesus ada dua tabiat, Allah dan Manusia. Seorang teolog Kristen menyebutkan kedua tabiat itu menyatu seperti susu yang larut dalam air. Keduanya tidak terpisah.  Haroro ni Jesus i, Debata na gabe Jolma mangalehon haimbaruon jala manguba portibi on sa gabe tiur. Ndang adong be na holip jala na buni binahen ni sondang hatiuron na binoanNa i. Nang ndang dijalo portibion ibana, alai ndang hahungkupan ni na holom i sondangNa i.

  Adong sada ilustrasi. Di sada tingki manghatahatai ma ninna liang (gua) dohot mataniari. Tung rosu (akrab) do pardonganonnasia. Di sada tingki marsangkap ma nasida naeng masitopotan. Ro ma liang i mandok, ro ma ho tu ingananku mataniari tung holom situtu do ninna asa bereng ma jolo, ndang adong na boi berengon dibagasanna. Ro ma mataniari i manopot ibana. Didok mataniari i ma tu liang i dia do nanidokmi na holom i, so adong huida ninna. Nunga masuk ahu sahat tu bagasan so adong haberengan na holom. Dilaonlaon ni ari ro ma liang i tumopot mataniari i ala didok mataniari i tung tu ibana. Tiur situtu do inganankon ndang adong na holom, ro ma jolo asa ida. Tingki ro liang i manopot mataniari i dibereng ibana ma tuiu mansai tiur saluhutna dibahen mataniari i. Panghatindangkonon ni si Johannes borhat do sian panandaionna/pengalaman dohot haporseaonNa. Rap do ibana mangolu dohot Jesus i tagan di portibion dope Jesus i. Ariari do ibana paihutihut Jesus i, umbege HataNa, marnida ulaonNa na gok halongangan i. Molo pe torop halak ndang mananda dohot manjangkon Ibana nang pe sian portibion Ibana di mula ni panompaon i alai molo si Johannes nunga tangkas tumanda Jesus i. Jala dihatindangkon si Johanes do paboa ganup na manjangkon Jesus i nunga manjalo huaso gabe anak ni Debata. “Sahalak teoloh (C S. Lewis) mandok Anak Allah menjadi manusia sehingga manusia menjadi anak Allah.” Untuk menjadi anak Allah harus percaya bahwa Yesus Kristus adalah  Allah yang telah menjadi manusia. Ganup halak na marhatopothon Jesus i ma Debata na gabe jolma dohot na manjalo parsaoran tu Ama i, tu Jesus Kristus i dohot tu sude angka naung manjalo baritanauli i gabe parnampuna ma di lasniroha dohot hangoluan na manontong i. Selamat Hari Natal. Amen.

Pdt Marudur Sirait, S.Th