BARITA JUJUR TAON 2024
Dohot
LAPORAN KEUANGAN 2024
HURIA
KRISTEN BATAK PROTESTAN
HKBP KISARAN
KOTA RESORT KISARAN
BARITA JUJUR TAON HURIA
HKBP KISARAN KOTA RESSORT KISARAN
TAHUN 2024
I. PATUJOLO
Tapuji
jala tapasangap ma Tuhan Jahowa pardenggan basa i, na sai tongtong mangaramoti HuriaNa, boi
mardalan dibagasan las ni roha dohot hadameon di bagasan taon 2024.
Dipargogoi jala diparbisuhi do parhalado nang ruas ni huriaNa, di na laho
pararathon harajaonNa di portibion, dipalua do huriaNa sian nasa parmaraan.
Alani i, rap dohot parPsalmen i
ingkon dohononta do, “Godang ma
tongon na binahen ni Jahowa tu hita, jala marhilas ni roha ma hita”
(Psalmen 126 : 3). Ingkon las do rohanta molo nunga dipatongon
Tuhanta angka na uli na denggan di huriaNa on. Jala bentuk ni las ni rohanta i
ndang apala di minar ni pardompahan, alai di parsitutuonta mangoloi dohot
manghaposi Tuhanta i do sian bulus ni roha. Angkup ni i , ingkon lam serep do rohanta
di adopanNa jala adong tekad di hita ruas dohot parhalado laho paturehon ngolu
dohot panghobasion asa lobi dumenggan sian taon 2024 on.
Dipatupa
hurianta do rapot Huria ima na di tanggal 16 Pebruari 2024, laho
manotophon program dohot anggaran Huria. Asa marhite rapot i
ditotophon Hurianta angka na naeng sihobasan di taon 2024. alani taida ma
jolo pardalanan ni Hurianta di na patupahon program naung di totophon Huria.
II. PANGHOBASION DI HURIA TAON 2024
A.
PELAYANAN UMUM
Ia lapatan
ni Pelayanan umum na naeng pinaandar dison ima angka Pelayanan (panghobasion)
na dipatupa huria diruar ni panghobasion-panghobasion kategorial.
I.
KEBAKTIAN-KEBAKTIAN
1. KEBAKTIAN MINGGU
(PARMINGGUON)
1.1. KEBAKTIAN SEKOLAH MINGGU
Mauliate dohonon tu Amanta Pardengganbasa i naung
umpasupasuhon angka nauli na denggan tu angka ianakkonta singkola minggu,
nasida ma sipasuang hosa loja ( generasi penerus di hita angka natoras) las do
roha marnida nasida na ringgas ro mandohoti parsingkola Mingguon siganup
minggu, mauliate nang dohonon di haradeon ni angka Guru Singkola Minggu na
mangalehon rohana laho mangajari angka ianakhon nang anggi nasida sikkola
Minggu) torop nasida 15 halak na tiniroan ni Seksi Singkola Minggu. Diparade nasida do gogo nang pikkiranna laho
mandohoti sermon Guru Singkola Minggu di ganup ari Senin dalan laho mambohali
nasida laho mangajari Sikkola Minggu. Mauliate nang diharadeon ni Parhalado
Partohonan laho manguluhonon parmingguon ni Singkola Minggu i, nang tu guru
huria songon Parhobas manang koordinasi Panghobasion tu Singkola Minggu, nang
tu Seksi Singkola Minggu na niluhon ni inang dr.Elsye Sinambela dohot sude
angka donganna. Parmingguon Sikkola Minggu dipatupa hurianta do di gedung sekolah minggu jala denggan do nang
mardalan parmingguon i, torop ni angka ianakhonta na ro tu parmingguon
ima 230 s/d 250 halak. Marhite Barita Jujur Taonon ni sosohon ma tu hita
saluhutna angka na toras asa tadasdasi angka ianakhonta ro tu parmingguon
Singkola Minggu
1.2. Parmingguon
na magodang
Parmingguon namagodang di
bagi tolu partingkian
1.
Parmingguon Manogot ( Pukul 08.00 Wib- 09.30
Wib )
Mardalan
dohot denggan parmingguon manogot na
marhata Indonesia, dohot na mamangke BN HKBP na marhata Indonesia. Denggan do
mardalan parmingguoni jala dang adong pangambat di pardalanan ni parmingguon i,
torop do angka ruas na ro di parmingguon manogoti bajarbajar, naposo ama nang
ina pardosdosanna 350 halak siganup minggu.
2.
Parmingguon Arian ( Pukul 10.30 Wib- 12.30
Wib )
Mauliate
di Tuhanta denggan do mardalan Parmingguon arian na marhata Batak mamangke Buku
Ende HKBP, dihamauliatehon roha do denggan do mardalan parmingguoni, toropan do
sian angka sundut na tumua mandohotisa , pardosdosan na ro di parmingguon i,
ima 270 halak siganup minggu
3.
Parmingguon Botari ( Pukul 17.00 Wib – 18.30
Wib )
Denggan do mardalan parmingguon botari na
marhata Indonesia, dohot na mamangke BN HKBP na marhata Indonesia. Denggan do
mardalan parmingguoni jala dang adong pangambat di pardalanan ni parmingguon i,
lam moru angka ruas na ro di parmingguoni pardosdosanna 150 halak siganup
minggu.
4. Mamungka di ari 1 Desember 2024- 29 Desember
2024 Parmingguon tapatupa dua hali ima
Minggu Manogot pukul 8.00-9.30 Wib Marhata Indonesia dohot Parmingguon Arian
Pukul 10.30 -12.00 Wib Marhata Batak
1.3. Parmingguon di ari Rea Advent, Natal,
Paskah dohot Taon Baru ( 2024 )
·
Acara Parningotan Ari Hamamate Ni Tuhan Jesus; Jumat 29
Maret 2024, sahali parmingguon ima pukul
10.00 Wib.
·
Pesta Parjolo parningotan ari haheheon ni Tuhan Jesus,
Minggu 31 Maret 2024, dua hali parmingguon ima pukul 08.00 Wib, 10.00 Wib.
·
Pesta Paduahon parningotan ari haheheon ni Tuhan
Jesus, Senin 01 April 2024, sahali parmingguon
ima pukul 10.00 Wib.
·
Pesta Parningotan ari hananaek ni Tuhan Jesus, 09 Mei
2024, sahali parmingguon ima pukul 10.00 Wib.
·
Pesta Pentakosta I, 19 Mei 2024, tolu hali parmingguon
ima pukul 08.00 Wib, 10.00 Wib dohot 17.00 Wib.
·
Pesta Pentakosta II, 20 Mei 2024, sahali parmingguon
ima pukul 19.30 Wib.
·
Denggan
do mardalam Minggu Advent I, II, III, dohot IV
·
Acara
Punguan Bodari Parningotan Ari Hatutubu ni Tuhan Jesus selasa, 24 Desember 2024 Sahali Parmingguon do tapatupa disi masuk
Pukul 19.00 Wib laos di Patupa Hurianta Ulaon Nabadia.
·
Pesta
Parjolo Parningotan Ari Hatutubu ni Tuhan Jesus; Rabu, 25 Desember 2024, sahali parmingguon ima Pukul 10.00 Wib
·
Pesta
Paduahon Parningotan Ari Hatutubu ni Tuhan Jesus; Kamis 26 Desember 2024 Masuk
Pukul 10. 00 Wib laos dipatupa do disi ulaon pandidion na badia.
·
Partangiangan
Parpunguan Bodari Ujung Taon; Selasa , 31 Desember 2024 Pukul 19.00 Wib.
·
Parmingguan
Taon na Imbaru; Rabu, 01 Januari 2025 Pukul 10.00 WIB di ari marsogot sahali parmingguon ma tapatupa disi
2.
PARTANGIANGAN
Denggan do mardalan angka partangiangan na pinatupa ni
Hurianta di taon 2024 on. Mansai ringkot do tutu partangiangan, ai ido
hosa hangoluan ni angka na porsea. Alani molo pe mardalan angka
partangiangan saleleng taon 2024, ingkon lam tu toropna jala lam tu
ringgasna do hita mandohoti i tu taon na naeng ro. Ai di samping ni na mambege
Hata Ni Debata dohot manangiangkon angka na ringkot di ngolu partondion dohot
pardagingon , partangiangan i do na pasaorhon/pasadahon ruas
marsasalingkungan nang marsaHuria pe. Laos disi do tabege angka informasi sian
parhalado na marpardomuan tu ruas ni hurianta.
2.1.
PARTANGIANGAN SEKTOR (KEBAKTIAN LINGKUNGAN)
Ditaon on,
denggan do mardalan Partangiangan Keluarga di ganup-ganup sektor hombar tu
roster naung dibagihon. Sude do
sektor mamungka sian sektor 1 sahat tu sektor 19 patupahon partangiangani
sisahali dua Minggu na hinobasan ni parhalado partohonan. Partangiangan sektor
diadakan 2 Kelompok : Minggu pertama : Selasa : Sektor 1,2,7 dan 10. Rabu : Sektor
4, 5 dan 6. Kamis : Sektor 3 dan
9. Minggu kedua : Selasa : Sektor 11, 12, 16. Rabu : Sektor 8, 13 dan
15. Kamis : Sektor 14, 17, 18 dan 19. Alai di rajumi roha do mansai otik dope
na ro tu partangiangan i alani i naeng ma taharingkothon mandohoti angka
partangiangan i ai disi boi hita patangkashon dohot patanakhon Hata ni Debata,
taingot ma hata ni Tuhan i na mandok “ Unang mansadi hamu martangiang ( 1Tes
5:17). Tapangke do Buku Panduan Partangiangan na pinaruar ni Distrik
XIII Asahan Labuhan Batu. Tapatupa do Partangiangan Pamuhai di
gareja ima na di ari 01 Februari 2024 jala Partangiangan Pangunjungi di
ari 21 November 2024. Marhite
Barita Jujur taon on arop do roha lam marsitutu sude angka ruas mandohoti
partangiangan lumobi horong ama ni hurianta
2.2. PARTANGIANGAN REMAJA
Di Tahun 2024 on denggan do mardalan
partangiangan Remaja sahali sabulan. Dipatupa do 9 hali dibagasan na sataon on,
tahalashon do pardalanan ni partangiangan. Jala lam tasosoi ma angka ianakhonta
naposo bulung i, asa masuk ma tu parpunguan ni angka naposo bulung jala asa lam
tu ringgasna mandohoti partangiangan i.
2.3. PARTANGIANGAN
NAPOSO BULUNG
Di Tahun 2024 on denggan do mardalan
partangiangan Naposo Bulung sahali sabulan. Dipatupa do 9 hali dibagasan na sataon on,
tahalashon do pardalanan ni partangiangan. Jala lam tasosoi ma angka ianakhonta
naposo bulung i, asa masuk ma tu parpunguan ni angka naposo bulung jala asa lam
tu ringgasna mandohoti partangiangan i.
2.4.
PARTANGIANGAN PARHALADO PARTOHONAN dan KELUARGA
Denggan
do martupa jala mardalan partangiangan Parhalado nang keluarga dibagasan na
sataonon di Tingkat Huria dohot Tingkat Resort, partangiangan i dipatupa sahali
3 bulan.
2.5. PARTANGIANGAN PASSION
Di tahun 2024 on denggan do
mardalan partangiangan passion na dipatupa do mulai hari Selasa-Kamis, ima
tanggal 26, 27, 28 Maret 2024. Partangiangan
Passion i ma Partangiangan na marningot pardalanan ni Tuhanta Jesus Kristus
laho manobus dosa ni portibion, dipatupa hurianta do Partangiangan Passion,
alai hira na so dilehon ruas rohana laho mandohoti Partangiangan i, ima marhite
na so apala rimpa ruas ni Huria laho mandohoti Partangiangan na pinatupa ni
Huria padodot, anggiat ma tu angka tingki nanaeng ro lam ondop ruas nang
parhalado laho mandohoti Partangiangan Passion i, ima laho mangauhon pardalanan
ni sitaononon ni Tuhan Jesus
2.6. PARTANGIANGAN BUHABUHA IJUK
Partangiangan
Buhabuha ijuk, i ma Partangiangan na marningot ari Haheheon ni Tuhanta sian na
mate, di Partangiangan i, tong do hira na so dilehon ruas rohana laho mandohoti
Partangiangan i. Lam tapareahi ma laho mandohotisa tu angka tingki na naeng ro, lam torop ma
ruas ni Huria mandohotisa. Dipatupa
do ulaon i, di ari Minggu, 31 Maret 2024,
masuk pkl 05.00 WIB
2.7. PARTANGIANGAN
KHUSUS
Dipatupa hurianta di bagasan taon on
manghobasi partangiangan khusus isarani :
- Partangiangan
Penghiburan (Pangapulion)
- Partangiangan
Pangidoan mamasuhi Bagas Naimbaru .
- Partangiangan Panangkok saringsaring
- Partangiangan
Paborhatton Ujian
- Partangiangan Peletakan batu pertama renovasi
Pembangunan gereja
- Partangiangan Panaikkon palaspalas ni gareja
- Partangiangan Syukuran Keluarga
3. PATANAKHON HATA NI DEBATA (
PHD)
1.
PHD Bajarbajar ( Remaja )
PHD Bajarbajar ( Remaja )
dipatupa siganup ari sabtu Pukul 20.00 Wib
maringanan di gedung sekolah minggu na hinobasan ni Pangula NA GOK TINGKI, laos
diuduti dohot marguru ende.
2.
PHD Naposobulung
Mardalan dohot denggan PHD
tu Naposobulung siganup ari Jumat Pukul 20.00 Wib nahinobasan ni Pangula na gok
tingki maringanan di Gareja, laos diuduti marguru ende.
3.
PHD Gabungan ( Remaja
Naposo )
Sahali sabulan dipatupa do
PHD Gabungan Remaja Naposo di ari sabtu pukul 20.00 Wib maringanan di gedung
sekolah minggu, laos diuduti dohot marguru ende.
4.
PHD Ina Ester
Dipatupa di siganup ari Selasa
Pukul 16.00 WIB, laos diuduti dohot marguru ende.
5.
PHD Ina Ruth
Dipatupa disiganup ari Rabu
Pukul 16.00 Wib, laos diuduti dohot marguru ende.
6.
PHD Ina Pararikamis
Dipatupa disiganup ari
Kamis Pukul 16.00 Wib, laos diuduti dohot marguru ende.
7.
PHD Parompuan
Ima naginoaran PHD Ina Gabungan ima Ina
Ester, Ruth, Pararikamis dohot sude ina ruas sahali sabulan di ari kamis Pukul
16.00 Wib. Lam margogoma nasida, laho mandohoti PHD i, lam tamba ma haringgason
di sude angka Parompuan ni Hurianta dilehon
hahipason nang ganjang ni umur, laos diuduti dohot marguru ende.
8.
PHD Lansia
Dipatupa sahali sabulan di
Minggu Parjolo ima di ari sinen Pukul 16.00 wib. Las do roha ni Huria Marnida
punguan on, sitiruon do nasida di
haringgason nang di torop ni na ro laho mandohoti PHD i. Lam di tambai Tuhanta
ma gogo nang ganjang ni umur di nasida.
9.
PHD Ama
Dipatupa do PHD Ama dibagasan sataon on, alai ama na ro holan 5
sahat 10 halak do ganup bulan, anggiatma tu taon nanaeng ro lam tu ringgas na
angka ama laho mandohoti PHD i.
II.
ANGKA ULAON NI
HURIA/PELAYANAN-PELAYANAN
2.1. PELAYANAN SAKRAMEN
2.1.1.
Pandidion Na Badia (Baptisan Kudus)
Di taon on dipatupa hurianta do
pandidion nabadia 6
hali, jala andorang so manjalo pandidion
nabadia angka dakdanak i, sai dipatupa hurianta do Marguru Tardidi tu natoras
ni dakdanak i.
Torop na mandohoti Pandidion na Badia di taon 2024, godangna ima :
17
Maret 2024 : 1 halak
02
Juni 2024 : 3 halak
01
Agustus 2024 : 1 halak
17 November
2024 : 2 halak khusus dakdanak dohot
1 halak na magodang
26
Desember 2024 : Halak dakdanak dohot
Jadi
torop ni na tardidi dibagasan taon 2024 on toropna halak.
2.1.2. Ulaon Nabadia
Mardalan
do panghobasion ulaon na badia di
Hurianta ima :
Pamuhai
Partangiangan (01 Februari 2024) :
130 halak
Peserta
Naik Sidi dan Keluarga/jemaat (Maret) : 94
halak
Jumat
Agung (29 Maret 2024) :
864 halak
Pangujungi
Partangiangan (21 November 2024) : 174 halak
Tanggal
24 Desember 2024 : 730 halak
Ulaon
Nabadia di Huta : 10 halak
Jadi torop ni na
manjalo ulaon nabadia dibagasan taon on : 2002 halak
2.2.Pelayanan Pastoral
Dipatupa hurianta do Pelayanan Pastoral, tu angka na
patut sihobasan i sarani:
2.2.1. Pelayanan
Pastoral Pranikah.
Ima
panogunoguon (bimbingan) tu angka ruas ni huria na naeng manjalo pasupasu
parbogason. Jala nunga tapatupa pasahat kenang-kenangan sada Bibel
Buku Ende tu na tarpasupasu di Huria on. Torop ni na manjalo pasupasu pardongansaripeon ruas ni hurianta ima
12 halak baoa, 6 boru-boru.
2.2.2. Pelayanan Pastoral
tu Na Marsak ala Hamatean.
Dipatupa do i marhite
acara pangapulion tu bagas keluarga ima dohot pangurupion songon Tumpak
marhite ulaon Diakoni Sosial Huria. Mardalan do panghobasion di na monding dohot
keluarga i ma marhite partangiangan mamuhai ulaon manang pamasukhon na monding
tu rumarumana, partangiangan tutup batang dohot paujunghon di udean. Tu
keluarga na tilahaon dohot keluarga ni na mate mangkar, tapatupa do muse pangapulion marhite na manopot nasida
dung simpul parmingguon. Torop ni na
monding di hurianta manipat na sataon ima: 33 halak. Naposo Bulung baoa : 4
halak ; ama, 14 halak. Ina 15 halak.
2.2.3. Pelayanan
Pastoral tu Na marsahit.
Ima
na patupahon perkunjungan Rumah tangga, nang pe holan mandulo dohot martangiang
di bagas na marsahit i. Jala dipatupa do sian huria ganti ni pasijeruk tu angka
ruas na di opname di RS hurang lobi 3 ari, na pinasahat ni sintua sektor di
tingki ro mandulo angka ruas namarsahit. Alai ulaon on hurang dope menjangkau
sude angka ruas ni huria, ala dang pintor sigop dipaboa marhite sintua Sektor,
borhat do Angka Parhalado na Gok Tingki rap dohot sintua sektor laho mandulo
dohot manangianghon na marsahit i.
2.3.Pembinaan/Pengajaran
2.3.1. Parguru Malua TA 2024-2025
Dipatupa do 2 hali saminggu
(ditingki ari sabtu dohot minggu), laho manjalo parsiajaran partondion, alai
dang sadia molo holan sian Parsikolaan, pembinaan parbinotoan di hata ni
Debata, pangantusion taringot tu Huria, pembinaan Mental, Moral dohot Ethika,
ingkon jolo tangkas do Marguru asa malua. Di tanggal 17 Maret 2024 na salpu
nunga Manghatindanghon Haporseaon angka naung tangkas marguru malua. Jala
di tingki on tahun ajaran 2024/2025, mamungka sian Bulan Juni torop ni Parguru malua nuaeng toropna 39
halak. Alani ingkon na dohot do angka natoras manosoi nasida asa tu ringgasna
marguru. Hombar tu hata ni Debata na mandok: ingkon gogoonmu
mangajarhon angka i tu angka anakmu, jala taringotanmu angka i, molo
hundulhundul ho di bagasan jabum, manang mardalani ho di pardalanan, manang
laho modom pe ho, nang dung hehe muse (5 Musa 6: 7).
2.3.2. Manghatindanghon
Haporseaon
Mardalan do panghobasion tu angka ianakhonta naung marguru manghatindanghon haporseaon
mamungka sian 2024 na salpu. Panghobasion i dipatupa di ari
Minggu, 17 Maret 2024 toropna 34 halak, jala borhat do nasida tu Panti Asuhan
Elim dohot tu Samosir tanggal 2-3 Maret 2024. Jala dipatupa do
manghatindanghon haporseaon tu ruas ni huria naro sian sekte na asing godang na
1 halak. Pungu ma sude na manghatindanghon haporseaon dibagasan taon on 35
halak.
2.3.3. Pamohalion Calon Sintua
Dipatupa do pamohalion tu 2 halak angka calon sintua
saleleng sataon on jala dipatupa pambohalion di tingki ari Senin pukul 19.00
WIB na niuluhon Pangula Na Gok Tingki. Mardalan do pambohalion i sahat tu na
naeng manjalo tohononan Sintua.
2.3.4. SERMON
2.3.1.
Sermon Guru Sekolah Minggu
Ima na dipatupa ganup ari Rabu mulai pukul 17.00 Wib,
niuluhon ni angka pangula na gok tingki, laho mempersiaphon angka Guru sikola
minggu mangalehon pangajarion tu angka ianakhonta parsikola minggu. Las do roha
mamereng haringgason guru sikola minggu ni hurianta. Situmpahanta do ulaon
nasida tu angka tu taon na ro asa lengkap nian angka alat peraga laho mangurupi
dohot memotivasi ianakkonta singkola minggu.
2.3.2.
Sermon Parhalado sa Resort
Dipatupa do sermon parhalado Sa Resort di ganup ari Jumat
masuk pukul 11.00 WIB maringanan di HKBP
Kisaran Kota dohot di angka Huria Pagaran sahali tolu bulan denggan do mardalan
parsermonani
2.3.3.
Sermon Huria
Laho Padasiphon angka panghobasion di tongatonga ni Huria
dipatupa Hurianta do Sermon Parhalado Huria, siganup ari Jumat Pukul 17.00 Wib
Maringanan di Sopo Godang Lantai II, disi ma dipatupa Koordinasi Panghobasion
si ganup Minggu, tu saluhut parhalado asa taharinggashon ma mandohot
parsermonan i
2.3.4.
Sermon Pangula na gok
tingki
Ima nanidohotan ni
Pandita Resort, Pandita Fungsional, Bibelvrow nang Guru Huria ima na ginoaran
Parsermonan Distrik/Konvent na dipatupa sahali dibagasan dua Minggu di ganup
ari Senen di Kantor Distrik dohot di angka Huria manang Resort na adong di
Distrik Asahan Labuhan Batu.
2.3.5.
Paborhathon dohot
Manjangkon Pangula Na Gok Tingki
Dipatupa hurianta do di Minggu tanggal 21 April 2024
paborhathon Diak. Rosmegawaty Hutagaol, M. Pd. pinda tugas nasida gabe Diakones
HKBP Resort Rumbai Distrik XXII Riau. Jala mangojakhon Gr. Embet Simanjuntak,
sian HKBP Kampung Pon Resort Kampung Pon. Naniuluhon ni Praeses Distrik XIII
Asahan Labuhan Batu Marhite Kepala
Bidang Koinonia ( Pandita HKBP Resort Kisaran )Pdt Budianto Sianturi, S.PAK. Mardalan
do dohot denggan ulaon i, marsangap ma Debata tu naposona di na laho manghobasi
huria i.
Dipatupa hurianta do di Minggu tanggal 02 Juni 2024
paborhathon Biv. Rusnaria Br. Sibarani, pinda tu HKBP Resort Hebron, bertugas
di HKBP Exaudi Distrik XXIX Deli Serdang. Naniuluhon ni Praeses Distrik XIII
Asahan Labuhan Batu Marhite Kepala Bidang Koinonia ( Pandita HKBP Resort
Kisaran ) Pdt Budianto Sianturi, S.PAKMardalan do dohot denggan ulaon i,
marsangap ma Debata tu naposona di na laho manghobasi huria i.
2.3.6.
Pamilliton Calon Sintua
Dipatupa hurianta do
pamilliton calon sintua tu sektor 16, ima amanta Cst. B. Tampubolon jala di
tingtinghon ma i di minggu tanggal 10 Maret 2024.
2.3.7.
Sintua Na Monding di Tingki
Panghobasion
Dipatupa
Hurianta do Panumpahion songon paborhathon tu Sintua na monding di tingki panghobasion, ima amanta St. Dapot
Halasan Simanjuntak di Minggu tanggal 13 Oktober 2024. Mauliate ma di angka panghobasion nasida
saleleng mangula di Huriaon, dipasu pasu Debata ma sude keluarga na ditadinghon
ni nasida.
2.3.8 Pelantikan
Fungsionaris HKBP Kisakran Kota 5 Mei 2024
1.4. Pelantikan
Fungsionari HKBP Kisaran Kota
Tapatupa do Pelantikan Fungsionars HKBP Kisaran Kota
Ima Masa bakti 2024-2026 tu angka Seksi, Jala MAsa Bakti 2024-2028 di angka
Dewan dohot Parartaon nang Bendahara
FUNGSIONARIS HKBP KISARAN
KOTA RESORT KISARAN
PERIODE 2024 – 2028
Pimpinan
Jemaat / Pendeta
Resort : Pdt Budianto
Sianturi, S.PAK
Guru
Huria/Sekretaris
: Gr Embet Simanjuntak
Pendeta
Fungsional ;
Pdt Eska Hastuti Silionga, STh
Bibelvrow :
I MAJELIS
PERBENDAHARAAN
1. St
Anggiat H Simarmata SE
2. St
Hatoguan Sitorus SPd
3. St
Valerius Sitorus
II.
BENDAHARA HURIA : St.
Drs. Marihot Sihombing
III.
UTUSAN SINTUA TU RAPOT RESORT
1. St.
Mas Christian Manalu
2. St.
Friska Hutasoit, SE
I V. BADAN AUDIT HURIA
1. St.
Friska Br Hutasoit, SE
2. Deslina
Br. Manurung, SE (17)
3. Paulus
Purba , ST, MM (16)
III.
DEWAN – DEWAN
A. KOINONIA
1. St.
Toga Lumban Gaol -- Ketua
2. St.
Erwin Santoso Sirait – Sekretaris
3. St.
Helmi Nurina Tinambunan, MPdK
4. Asprin
Tamba , M.Si (7)
5. Erna
Br. Panjaitan (14)
6. Leni
Br Situmorang (8)
7. Lena
Br Simanjuuntak (18)
B. SEKSI SEKOLAH MINGGU
1. dr
Elsye Br. Sinambela, (15)--- Ketua
2. Ester
Br Sianturi (6) ---Sekretaris
3. Helmi
Br Panjaitan (16) --- Bendahara
4. Samuel
Julius Simalango (18)
5. Holmes
Simangunsong (17)
C. SEKSI REMAJA
1. Frans
Panjaitan (14) --- Ketua
2. Beatrice
Br Togatorop (16) --- Sekretaris
3. Chelsea
Br Dolok saribu (3) – Bendahara
4. Gladys
Br Pakpahan (19)
5. Ella
Br Simanjuntak (7)
D. PENDAMPING REMAJA
1. St.
Mas Cristian Manalu (1)
2. Herbin
Simanjuntak (19)
3. Benni
Hasibuan (6)
4. July
Br. Marpaung (7)
5. Remi
Naibaho (16)
6. Paulus
Purba ST, MM
E. SEKSI NAPOSOBULUNG
1. Santa
Juned Magdalena Simatupang (8) – Ketua
2. Leonardo
Sinaga (16) – Sekretais
3. Astrid
Laura Lumban Gaol (7) – Bendahara
4. Boris
Aruan (13)
5. Alex
Situmeang (18)
F. SEKSI PEREMPUAN
1. Duma
Rosinta Br Hasugian (16) – Ketua
2. Anna
Tiodora Br Sitohang (17) -- Sekretaris
3. Agustina
Br Aritonang (15) – Bendahara
4. Jojor
Sitorus (16)
5. Monika
Br Sitorus (11)
G. SEKSI BAPAK
1. Wasinton
Sinaga (16) – Ketua
2. Cst.
Falber Silaban (4) – Sekretaris
3. Weslin
Sigalingging (2) – Bendahara
4. CSt.
B. Tampubolon (16)
5. Renhard
Manalu (4)
6. Kadirun
Manik (15)
7. Daud
Hutagalung (11)
H. SEKSI LANSIA
1. St.
Jan Piter Tarihoran (5) – Ketua
2. Yunita
Br Pardede (16) – Sekretaris
3. Bumbunan
Br Siahaan (16) – Bendahara
4. Murni
Br Siringoringo (16)
5. Tigor
Sianipar (7)
6. Donna
Br Siburian (12)
7. Septi
Br Hutasoit (11)
B. DEWAN
MARTURIA
1. St.
Jonser Siregar, AMd (5) – Ketua
2. St.
Esteria Sabam Br Tambunan (19) – Sekretaris
3. St.
Hotmauhur Ratnauli Br Silalahi, A.Md (1)
4. St.
Drs. Tekson Manalu (10)
5. St.
Victor Purba (8)
6. Juneta
Br. Sitompul (8)
7. Jonner
Sitorus, S.Pd (15)
A. SEKSI
ZENDING
1. St.
Romauli Br Tambunan (2) – Ketua
2. St.
Tiara Br Nababan (6) – Sekretaris
3. Lertianna
Br. Purba (9) – Bendahara
4. St.
Nurliana Br. Silalahi (!)
5. Ratna
Uli Br Nababan (19)
6. Charles
Panjaitan (1)
7. Andi
G.F. Siagian (7)
B. SEKSI
MUSIK
1. Harlince
Br. Beruat (11) – Ketua
2. Desmiaty
Br. Sirait (7) – Sekretaris
3. R.
Loise Br. Hutabarat (18) – Bendahara
4. St.
Juaksa Br. Situmorang (11)
5. Juliyanti
Maria Marpaung (7)
6. Anggi
Sitorus (15)
C. DEWAN
DIAKONIA
1. St.
Batara Dairi Manullang, S.H, M.Si (15) – Ketua
2. St.
Rudi Yanto Siregar (9) – Sekretaris
3. St.
Edu Hutahaean, ST (14)
4. Ricki
Nelson Siallagan (1)
5. Juniar
Lince Br. Sibarani (12)
6. Juniati
Br Manurung (18)
A. SEKSI
DIAKONI SOSIAL
1. Suryani
Br Siburian, S.Pd (16) – Ketua
2. Theresia
Br Batubara, S.Pd (13) – Sekretaris
3. St.
Lentina Br Siahaan (8) – Bendahara
4. Betty
Br Napitupulu, S.Pd (7)
5. Friendly
Lumban Gaol (7)
6. Magdasari
Br. Manik (2)
7. Riah
Ukur Br Sembiring (18)
B. SEKSI
PENDIDIKAN
1. Rugun
Br Butarbutar (16) – Ketua
2. Rosalina
Br Tampubolon (2) – Sekretaris
3. Risma
Hotmauli Br Pardede (17) – Bendahara
4. Lasmaida
Br Hutajulu (12)
5. Sumihar
Ernawati Br Gurning (12)
6. Herlina
Br Nainggolan (13)
7. Riana
Sriwani Br Saragih (8)
C. SEKSI
KESEHATAN
1. dr.
Ujur Banjarnahor (1) – Ketua
2. dr.
Krista Br Aritonang (7) – Sekretaris
3. Renti
Mennaria Br Saragih (16) – Bendahara
4. dr.
Riris Br Telaumbanua (13)
5. dr.
Timbul Pasaribu (15)
6. Susyanna
Br Lumban Tobing ( 4)
D. SEKSI
KEMASYARAKATAN
1. Daniel
Banjarnahor, S.H, M.H (1) – Ketua
2. St.
Victor Daniel Sitorus (13) – Sekretaris
3. Rury
Chintya Br. Pardede (7) – Bendahara
4. Nasip
Tampubolon, S.H, M.Kn (6)
5. Lambok
Simamora (8)
6. Esnauli
Br Sihaloho (12)
7. Berniati
Br Nababan (19)
Tenaga
Administrasi : Juli Maria Marpaung
Koster
: M Simaremare
Pegawai
Sopo : Lamhot Simamora, STh
B. PELAYANAN KHUSUS
Panghobasion Huria na nidokna
dison ima panghobasian Kategorial manang seksi-seksi na hinobasan ni tolu dewan
na adong di hurianta ima Dewan Koinonia, Dewan Marturia dohot Dewan Diakonia,
songon on laporan panghobasion na boi huloporhon hami :
I.
DEWAN KOINONIA
Dewan
Koinonia ima dewan na pinajongjong laho manghobasi jala maniroi angka
kategorial na adong di hurianta. Denggan do mardalan panghobasion ni Dewan on
laho maniroi angka kategorial i.
1.1. Seksi Singkola Minggu
Dibagasan Taon on dipatupa do angka program dalan laho pahinsathon angka
singkola Minggu. Songon on ma program seksi sekolah minggu, Natal hari 1 (
Horong 1 dan 2 ), Natal hari 2 ( Horong 3 dan 4 ), Minggu Ceria, Paskah,
Pelepasan Anak Sekolah Minggu menuju Remaja, Minggu Ceria , Acara 17 an ASM di Lokasi
Gereja HKBP Kisaran Kota, Sermon GSM
Kisaran Kota, Ibadah Padang, ibadah pesta puncak jambore singkola minggu
Sa-Distrik maringanan di HKBP Air Batu pada minggu 2 Juni 2024, Jambore
Nasional anak sekolah minggu HKBP maringanan di Seminarium Sipoholon pada 25-29
Juni 2024.
1.2. Remaja dan Naposo Bulung
Secara umum, denggan do mardalan
program ni hurianta tu angka Remaja dohot Naposo Bulung, ala songon na
sinangkapan di Rapot huria, boi do mardalan program i, ima :
Ø Seksi Remaja, Perekrutan Kembali Remaja HKBP Kisaran Kota, PHD Remaja
(Setiap hari sabtu di gereja), Menjenguk Remaja yang sakit, Merayakan remaja
yang berulang tahun, Melakukan Pengiburan kepada remaja yang berdukacita,
Pembentukan tim music Crossculture, ibadah padang gabungan remaja naposobulung,
Perayaan natal, Perayaan Paskah, bedah buku dohot kuliah umum STT Abdi Sabda Medan na
didohoti 50 halak remaja naposobulung di Auditorium Universitas HKBP Nomensen Perayaan HUT RI
gabungan remaja naposo, penyerahan bakti natal ReNa tu HKBP Bakara, huta
Simangulampe.
Ø Seksi Naposobulung ,
isarani PHD, Partangiangan Naposobulung dohot kegiatan sosial, isarani
namangunjungi angka anggota dohot orangtua ni anggota na marsahit di rumah
sakit nang di bagas na pe. Perekrutan Kembali Naposo HKBP Kisaran Kota,
PHD Naposo (Setiap hari Jumat di gereja), Latihan dan Persiapan diri Dalam
Kidung Pujian, merayakan naposo yang berulang tahun, PA Gabungan remaja dan
naposobulung(Sekali sebulan), Melakukan
Pengiburan kepada naposo yang berdukacita, bedah buku dohot kuliah umum STT Abdi Sabda Medan na
didohoti 50 halak remaja naposobulung di Auditorium Universitas HKBP Nomensen ibadah padang gabungan remaja naposo bulung, Perayaan natal, Perayaan
Paskah, Perayaan HUT RI
gabungan remaja naposo, kunjungan rohani naposobulung tu HKBP Buhit Resort
Buhit Distrik VII Samosir, penyerahan bakti natal ReNa tu HKBP Bakara, huta
Simangulampe.
1.3. Ama
Dihamauliatehon
rohanta do angka punguan Ama di tonga-tonga ni hurianta ima marhite koor
Immanuel dohot Abda
Hurang ,
Marende do nasida di angka minggu mangihuthon Jadwal sian Huria , alai di angka
ulaon Patanakhon Hata ni
Debata di angka horong ama ,hurang renta jala ondop dope sude angka ama ro
mandohoti PHD I
anggiat ma tu angka tingki nanaeng ro angka Punguan Koor Ama ni Hurianta bolas
marpungu nang laho patanakhon hata ni Debata lumobima patubegehon ende
Pujipujian di parmingguon nang di angka ulaon ni Huria.
1.5. Ina
Mardalan do panghobasion tu angka punguan Ina : Parari
Kamis, Punguan Ina Ester, dohot Ina Ruth alai ndang tarbahen dope apala haru
singkop, manghirim do hita tu angka tingki na naeng ro lam dasip angka
parguruan, nang partangiangan parompuan ni Hurianta on. Sude ma angka Parompuan
ni Hurianta marsitutu pahembanghon angka panghobasionna di tongatonga ni Hurianta
asa lam marsangap Tuhan i.
1.6.Warga kehormatan HKBP Kisaran Kota (Lansia):
Mardalan do panghobasion ni hurianta tu
lansia; i ma: PHD sahali sabulan. Jala
Marolah raga do nasida sahali saminggu di ari senin, nang songoni
mandohoti natal gabungan rap dohot ama, ina, lansia. Boi dohonon tung so salpu do sada Minggu ia
so marpungu angka punguan Lansia , nang tu angka taon na naeng ro lam tamba ma
haringgason, tamba nang hahipason di sude angka natuatuanami Lansia, unang
sumurut haringgason i, gabe sitiruon di angka naumposo di poda, pangajarion
nang parsitutuon marhuria
II. DEWAN MARTURIA
Ima dewan
na manghobasi ulaon marbarita nauli (bersaksi) marhite musik nang ende dohot
pekabaran injil (zending). Secara umum denggan do mardalan program ni
seksi marturia dibagasan taon on.
2.1.Seksi Musik
Dihalashon roha ni Hurianta do angka panghobasion ni
Seksi Musik na sai mangiringi music di angka kegiatan Ibadah ni Hurianta ,
marsitutu do nasida laho patupahon nauli na denggan anggiat lam tu denggan na
Musik di angka peribadahan ni Hurianta, angka on ma kegiatan na pinatupa ni
Seksi Musik ni Hurianta
Ø
Patupahon latihan song leader 1 x 1 Minggu na niuluhon seksi Musik
Ø
Patupa
Song Leader di ganup kebaktian Minggu laho maguluhon parende on ni ruas ni
huria pasahathon ende pujipujian di Tuhan i.
Ø
Organis dohot Tim Musik tongtong mangalehon roha laho
mangiringi sing Leader di tngki Latihan nang parmingguon siganup minggu Mardalan dohot denggan do
Pelayanan Seksi Musik selama 2024 on, jala tu taon 2025 porlu ma perekrutan
pelayan musik dohot pelatihan musik tu angka ruas ni huria na olo mangalehon
tingkina laho marsiajar.
Ø
Ganup
seksi ni huria ima punguan ina Huria, ina Kamis, ina Ester, Ina Ruth, punguan ama
Immanuel dohot Abda, NHKBP
dohot Punguan Remaja, punguan koor campuran
Bethesda dohot Agape, nang
songoni punguan lansia nunga patupahon
angka Ende Pujian Koor siganup partingkian naung diaturhon tu nasida, tu angka tingki nanaeng ro panghirimonta sude
angka punguan Koor i lam tu ringgasna ma jala lam tu denggan na ma ngka punguan
parendeon i.
Ø
Mengkordinasi Song Leader di Singkola Minggu dohot organis asa denggan mardalan Ibadah
di Singkola Minggu
Ø
Anggiat ma tu angka taon nanaeng ro lam marbungaran
angka parmingguon di tonga tonga ni Hurianta marhite Musik Ibadah dohot angka
song Laeader na mansai uli gabe hasangapon ni Tuhan i
2.2.Seksi Zending
Mauliate ma di Tuhanta , dibagasan Taonon Seksi
Zending Patupahon perayaan Jubileum 125 taon zending HKBP di ari minggu 30 Juni 2024, pangidoan dohot elek
elek tu tu angka taon na naeng ro godang angka nauli na denggan tagamonta
marhite Program ni Zeksi Sending ni Hurianta
III.
Dewan Diakonia
3.1.Seksi Diakoni Sosial
Pinuji Ma Tuhani marhite Panghobasiaon ni Dewan
Diakonia. Panghobasion
na pinatupa Dewan Diakoni Sosial na mardalan i ma: manopot ruas na marsahit jala mangalehon diakoni
huria Rp. 200.000, mangalehon uang duka godang na Rp. 1.000.000 dohot paradehon
papan bunga tu keluarga na monding, manggarar iuran tanah wakaf marhite
komisaris ( sintua sektor). Bantuan tu keluarga prasejahtera dipatupama di
tanggal 26 Desember 2024 tu keluarga
prasejahtera di pasahat tu 60 Keluarga.
3.2.Seksi Pendidikan :
Hasangapon
ma di Debata Raja ni Huriai, di parbisuhi jala di pargogoi do angka seksi
Pendidikan laho patupahon nauli na denggan lumobi mai di angka pendidikan
marhite :
Ø Patupahon ibadah
pemberangkatan ujian di tanggal 25 Maret 2024
Ø
Apresiasi
Siswa Berprestasi di singkola di patupa di Minggu, 21 Juli 2024
Ø
Try
out tingkat SD-SMP (kelas 5-6 SD)-(kelas 8-9 SMP)
3.3.Seksi Kesehatan,
Panghobasion
ni seksi kesehatan ndang mardalan di bagasan sataon on tu angka tingki nanaeng
ro pangidoan mardalan ma i dohot denggan.
3.4.Seksi
Kemasyarakatan.
Panghobasion
ni seksi kemasyarakatan ndang mardalan di bagasan sataon on, alanii tu angka
tingki nanaeng ro lam tu denggan na ma muse panghobasion taringot tu
kemasyarakatan.
C.
Pembangunan HKBP Kisaran Kota
Godang
ma tongon na binahen ni Jahowa tu hita alani marhilas ni roha ma hita. Pinuji
ma Tuhani na mangaramoti HuriaNa di bagasan taonon tapatupa do Renovasi
Pembangunan HKBP Kisaran Kota , songon naung taida nuaeng nunga lam tu ulina
hurianta , marhite na patupahon Pembangunan Tampak Depan ni Hurianta, sian sada
palas –palas gabe tolu palas palas, Mencat luar dan dalam Bangunan Gareja,
Mengganti Lantai dari Keramik gabe Geranit, paturehon pagar depan dohot Gapura,
mengecat bangku gareja dohot patupahon Pos Jaga ( SATPAM ). Tung marsitutu do
saluhutna Panitia Pembangunan, Ruas, Parhalado laho patulushon Pembangunan i,
suang songoni nang angka Pemerhati sian duru ni Hurianta. Dalan laho
mandungdung sipatupahon laho patulushon Pembangunan i di patupa ma
1. Gugu Toktok Ripe
Ima 3 Tirket
Rp 500.000, 800.000 dohot 1.000.000 Per KK/2 Tahun , alai domu tu angka
haporluan ni pembangunan gabe sataon mai di putushon
2. Bazar Pembangunan sian ganup Sektor 1-19 dohot
angka Punguan Kategorial Rp 1.500.000
3. Spontanitas uju Peletakan Batu Pertama
4.
Sumbangan Material
5. Parkir di ganup ari Minggu , Sepeda Motor dohot Mobil , na
hinobasan ni Remaja Naposobulung HKBP Kisaran Kota
6. Provosal tu ganup angka instansi nang perusahaan dohot
perorangan
7.
Pesta Pembangunan HKBP
Kisaran Kota
Dipatupa
do Kegiatan Pesta Pembangunan HKBP Kisaran Kota, ima di ari minggu 11 Agustus
2024, na
hinobasan ni Panitia Pesta Pembangunan , angka kegiatan na dipatupa di ulaon ima, Bazar Pesta
Pembangunan tu ganup sektor nang angka punguan
kategorial , papungu
pelean amplop pra pesta dohot pesta
pembangunan HKBP Kisaran kota, mambahen satti-satti ganup sektor, paket lelang,
dohot partisipasi ulos pesta pembangunan. Struk Undangan dna
8. Malam Penggalangan Dana
Dipatupa do malam Penggalangan Dana di ari Jumat 4
Oktober , maringanan di Wisma Artharida, jala torop do sian ruas ni Hurianta na
manumpahisa
9. Pinjaman Lunak
Dalan laho patulushon
Renovasi i, siala hahurangan dana di patupa do Pinjaman Lunak sian ruas ni
Hurianta na tuk patujolohon , jala na ingkon sigararon ni Hurianta tu nasida di
taon na naeng ro, ia godang ni pinjaman lunak i ima Rp 125.000.000 ( Saratus
dua puluh lima juta rupiah ). Di nangka tingki na une di taon na ro patupaonta
ma parolopolopon dohot peresmian renovasi jala tahirim do disi ima dalanta laho
penggalangan dana laho mangalunasi pinjaman Lunak i , marhiteon pinasahat ma
mauliate tu angka ruas ni Huria na olo mangalehon rohana laho patujolohon danai
di tumpahi Tuhanta ma HuriaNa asa bolas laho patukhonsa tu angka tingki nanaeng
ro
Daftar Ruas na
pasahathon Pinjaman Lunak
1.
P Sinaga / Br Sijabat ( Op Debora ) Sektor 16 Rp 30.000.000
2.
Dr Tunggul Simanjuntak/ dr Riana Sibarani Sektor 8 Rp 20.000.000
3.
MP Silitonga / Br Sihotang Sektor 16 Rp 20.000.000
4.
B Sinaga Br Hasugian , Sektor 16 Rp 10.000.000
5.
Op Rinjani Br Hutasoit, Sektor 11 Rp 10.000.000
6.
T Sianipar Br Sirait, Sektor 7 Rp 10.000.000
7.
T Simanjuntak Br Berutu, Sektor 5 Rp 10.000.000
8.
St P Sianipar Br Silaen (+) Sektor 17 Rp 5.000.000
9.
St Drs L Lumban Gaol Br Siburian Sektor 16 Rp 5.000.000
10. Paulus Purba ST,MM/dr
T Sigalingging , SPM Sekt 16 Rp
5.000.000
Mauliate ma di nasida
na rade patujolohon Dana tu Pembangunan i , asa boi sirsir simpul songon na
taida saonari, di tambai Tuhanta ma pasupasu di nasida
10. Sumbangan , Dihalashon Hurianta do di angka ruas ni hurianta
napasahathon Sumbangan na so pola ingkon paulahon tu nasida, ima
1.
Kel Jhomson Sitorus SE/Br Siagian Sektor 7 Rp 20.000.000
2.
Kel Ny Sitorus Br Siahaan Sektor 16 Rp 5.000.000
3.
Kel Op Kevin Banjarnahor Br Sinaga Sekt 1 Rp 1.000.000
4.
Kel H Banjarnahor Br Purba Sektor 1 RP 1.000.000
Mauliate ma dinasida
naung mangalehon sumbangan tu pembangunan I, sa sopola si gararon , Lam tamba
ma pasupasu di nasida
11. SOSO SOSO MARDONGAN ELEK ELEK
Di sude angka ruas ni Huria na sopasahathon Gugu
Toktok Ripe asa tapasahat mai
Di Ganup Sektor na sopasahathon Bazar Pembangunan asa
tapasahat mai
12. Pesta
Tahun Oikumene Inklusif dohot Pesta Gotilon
Pinuji ma Debata Amanta
Parholong roha na Pajongjonghon huriaNa di portibion jala na patupahon haluaon
tu sude jolma na porsea dibagasan Kristus Jesus, “Godang ma tongon na binahen
ni Jahowa tu hita jadi marhilas ni roha ma hita” ( Psalmen 126:3 ). Denggan do
mardalan pesta taon Oikumene Inklusif dohot Pesta Gotilon di hurianta on ima
tanggal 10 November 2024. Marolop-olop do ruas ni Huria laho pasahathon angka
silua nang sihumisik manghamauliatehon denggan basa ni Debata naung jinalona.
Dipatupa do Pesta Gotilon i marhite
sahali ibadah ima di pukul 09.00 Wib, Anggiat ma tu angka taon nanaeng ro lam
gomal dihita laho pasahathon pasupasu naung tajalo gabe pelean tu Debata ai
sian Debata do i tajalo. Mauliate ma di sude angka ruas ni Huria naung
pasahathon silua na mansai arga tu Jolo ni Debata.
13. PARTORDING
NI Pesta NATAL
1. Natal Kemenag dan Guru
Agama Kristen Selasa, 03 Desember 2024
2. Natal Naipospos Kamis, 05 Desember 2024
3. Natal Toga Simatupang Jumat, 06 Desember 2024
4. Natal Sonakmalela Sabtu, 07 Desember 2024
5. Natal HKBP Distrik XIII
As-Lab Rabu, 11 Desember
2024
6. Natal SKM Horong Kecil Kamis, 12 Desember 2024
7. Natal Resort Jumat, 13 Desember 2024
8. Natal SKM Horong Besar Jumat, 13 Desember 2024
9. Natal RNHKBP Sabtu, 14 Desember 2024
10. Natal Gabungan Ama, Ina,
Lansia Minggu, 22 Desember 2024
11. Natal Keluarga Senin, 23 Desember 2024
12. Natal Umum Selasa, 24 Desember 2024
13. Natal I Rabu, 25 Desember 2024
14. Natal II Kamis, 26 Desember 2024
D. PERSONALIA
:
Administrasi dohot
Rapot-rapot
1.
Administrasi Huria
Laho
melayani administrasi ni ruas ni hurianta; dipatupa do buka kantor ganup ari I ma : pukul 08.00 – 13.00 WIB Tongtong do diuduti
manghobasi penataan ni administrasi Huria: marpardomuan tu data haruason,
parhepengon, buku-buku huria dohot surat menyurat. Pembenahan database huria dohot panuratan
data ni ruas sudah sedang berjalan. Jala di taon na ro nunga boi lam denggan
jala lam dasip sude angka Administrasi ni Hurianta
2. SOP /Pedoman Penatalayanan HKBP Kisaran Kota
Dibagasan taon 2024
nunga rampung be SOP ( Standart Operasional Prosedur ) Dan Pedoman
Penatalayanan HKBP Kisaran Kota jala nunga di Launching jala berlaku mai
mamungka sian 01 Oktober 2024, jala sude nasa angka siulaon dohot panghobasion
berpedoman tu SOP Dan Pedoman Penatalayanan i ma
3. Website HKBP Kisaran Kota
Puji Tuhan dalanta
laho mempublikasihon angka panghobasion ni Huria nunga tapatupa wesite resmi ni
Hurianta boi mai ta akses di https://hkbpkisarankota.com , tutu di taon on
otik dope na di posting di website i , tu angka tingki nanaeng ro denggan
mardalan i gabe pusat publikasi dohot informasi di hurianta nang di nanaeng
mengunjungi hurianta marhite web i
4. Calon Pendeta Menunggu Penempatan (LPP 1)
Mamungka sian 10 Oktober 2024 nasalpu, Manghobasi do di
tonga tonga ni Hurianta ima CPdt Tiodor Sitorus, S.Si Teol nasida nunga lulus
Ujian Gerejawi, jala mangihuthon surat ni Ephorus marhite Ka Personalia HKBP
Mulak ma nasida tu Resort asal, ala natoras nasida ima sian HKBP Hutanagodang
Resort Kisaran, jala manghobasi ma nasida sahat tu na adong surat Panggilan
sian Kantor Pusat , dungi pe asa borhat laho manghobasi sesuai dohot surat
penugasan nanaeng jaloon na , tatangianghon ma nasida saleleleng di HKBP
Kisaran Kota on , jala di bagasan bimbingan ni Pandita Resort ma nasida
5. Bibelvrow
Mamungka sian 6 Juni 2024 nunga borhat Bibelvrounta
siang Huria/Resort on tu panghobasion na imbaru, jala sahat tu tingkion ndang
adong dope gonti nasida tatangianghon ma tu angka taon nanaeng ro di tongos induk
ni hurianta pangula na gok tu hurianta laho manghobasi hurianta lumobi tu
Horong Parompuan
6. Cuti Bersalin/ Melahirkan
Mamungka sian 23
Desember 2024 sahat tu 23 Maret 2025 , Cuti ma Inang Pdt Eska Hastuty Silitonga
STh, mangihuthon aturan Kepersonaliaan HKBP, Alani mansohot ma jo nasida
dibagasan tolu bulan on sian angka panghobasion ni Huria, tatangianghon asa di
bagasan pangaramotion ni Tuhanta nasida nang keluarga
7.
Keuangan/ Parhepengon
Mauliate ma di Tuhanta pardenggan basai, naung
umpasupasuhon angka pasupasuNa tu ruas ni HuriaNa , di ramoti Tuhani do HuriaNa
nang pe di angka parhepengon , atik pedang sai bolas songon naung tatotophon di
Rapot Huria angak na masuk tu Huria, Pelean Patumonaan siganup bulan pe songoni do sai tong
dope adong ruas na so pola haru pasahathon, alai di hamauliatehon roha do
parsitutuon ni angka ruas ni Huria laho pasahathon i. Di Pelean Janji iman boi
dohonon hira lam moru do na pasahathon martimbanghon di taon taon nasalpu, Dibagasan taonon tapatupa do Anggaran
Penyesuaian tu ganup seksi nang dewan suang songoni angka pelayan Tahbisan
dohot non Tahbisan , marsiala ma i ala , RAPBH Na tatophon di bona ni Taon 2024
i ndang bolas laho patukhon sude angka anggaran naung tatotophoni , Sialani nit
u saluhut angka seksi, pelayan tahbisan nang non tahbisan pemakai anggaran
mangido ma hami dohot gomos asa uli rohanta manghasabamhon na boi tarpatupa ni
hurianta, anggiat ma tu angka taon nanaeng ro lam mardohar jala marbungaran parhepengon ni
Hurianta , laos alani ima pabotohonon ni Hurianta ma naung tinotophon ni
Hurianta sagihononta do Almanak dohot Kalender tu ganup KK, Marhiteon ma
hupasahat hami Holan Kalender HKBP ma naboi sagihonon ni Hurianta tu taon 2025 on. Alani marhite Barita jujur taon on di hirim Hurianta do
lam tu dengganna parngoluon ta be, lam tamba angka las ni roha marhite i sude ma hita marsiadu laho pasahathon angka pelean
parsombaonta tu Debata, ai tarajumi do sude angka pasu pasu naung tajalo i marharoroan
sian Debata songon nidok ni Endenta 204 : 2 “Nasa
nanilehonMi Tondi ro dipamatanghu, hosa dohot gogongki ro di saluhut artangku
hupasahati tu Ho, na so unsatonhu do”.
8. Angka Rapot
1. Rapat Resort 31 Januari 2024
2. Pra Exit Badan Audit, Pangula ag ok tingki, parartaon
huria: 02 Februari 2024
3. Rapat Perumusan SOP dohot Keseragaman: 06 Februari
2024
4. Exit Meeting dohot Rapot Parhalado Partohonan: 13 Februari
2024
5. Rapat Huria 16 Februari 2024
6. Rapat Pembentukan Panitia Pesta Tahun Oikumene Inklusif
dohot Pesta Gotilon 21 Maret 2024
7. Rapat Periodisasi Fungsionaris HKBP Kisaran Kota Mei
2024
8. Sinode Distrik 25 Juli 2024
9. Rapat MPS HKBP 4-6 September 2024
10. Sinode Godang HKBP KE-67 Taon 2-8 Desember 2024
E. ANGKA
PROGRAM NA SO BOLAS MARDALAN
1. Laporan
Keuangan Per/ Tri Wulan
2. Pembukaan
POS Sekolah Minggu di Jln Durian di Sektor 7
3. Ibadah
Kontemporer di Minggu Sore
4. Pasahat
Ulos Hatuaon tu namarumur 75 Taon tu Ginjang
Panghirimon
tu tu taon nanaeng ro taon 2025 boi
bolas mardalan sude angka na sobolas mardalan di taon 2024 on
F. STATISTIK November
2023- Desember 2024
TOROP
NI RUAS HKBP KISARAN KOTA
|
Ama |
537 Halak |
|
Ina |
667 Halak |
|
Pemuda |
748 Halak |
|
Remaja |
207 Halak |
|
SKM |
278 Halak |
|
Lansia |
534 Halak |
|
Pungu |
2.971 Halak |
|
Torop ni Ripe |
735 Ripe |
|
Torop ni Parhalado |
41 Halak |
3 Fulltimer, 38 Sintua |
|
Torop ni Na tubu |
14 Halak |
4 boru, 10 baoa |
|
Torop ni na Tardidi |
30 Halak |
13 baoa, 17 boru |
|
Torop ni Na Manghatindanghon
haporseaon |
38 Halak |
|
|
Torop ni Na
Marbagas |
18 Halak |
12 halak baoa, 6 boru |
|
Torop ni na ro
Pinda tu Huria on |
16 Halak |
|
|
Torop ni na Pinda
tu Huria na asing |
16 Halak |
|
|
Torop ni na hona
uhum Huria |
7 Halak |
5 baoa, 2 boru |
|
Torop ni namonding |
33 Halak |
4 N.baoa, 14 ama, 15 ina |
|
Torop ni na
Mandohoti Ulaonna hohom |
250 Halak |
|
|
Torop ni
namandohoti Ulaon Nabadia |
2406 Halak |
|
|
Pardosdosan ni
Parmingguon S.Minggu |
240 Halak |
|
|
Pardosdosan ni
Parmingguon M Godang |
870 Halak |
|
|
Pardosdosan ni na
rot u partangiangan |
158 Halak |
|
III.Pangujungi
Songon i ma pinatupa barisbaris ni berich di tongatonga
ni hurianta HKBP Kisaran Kota on.
Nirajuman tung mansai godang dope angka hahurangan dibagasan panghobasion i. On
ma naeng manungguli hita asa lam dumenggan ma nian angka na tasangkapi tu
tingki na naeng ro. Ganup ulaon ni huria naeng renta sude hita parsidohot
ditongatonga ni panghobasionta, marhite angka talenta na pinasahat ni Debata tu
ganup na tinompaNa.
Marhite Barita Jujur taon on, anggiat ma marsangap Goar ni Debata jala
dipasupasu hita laho mamasuhi taon na imbaru taon 2025, taon gok las ni roha,
taon pangalapan pasupasu di hita marhite na olo hita marhamubaon ni roha dohot
na olo masisalpuan di sude angka hahurangan di ngolunta on. Naeng ma sisada
tangiang hita laho mangeahi asa anggiat ma tu joloon lam margogo hita
parhaladoNa laho manghobasi huriaNa. Tuhanta ma na mandongani hita on
saluhutna. Horas ma di hita ,
Selemat Menyongsong Tahun Baru 1 Januari 202
Selamat
Menjelang Tahun Baru 1 Januari 2025 Horas.
Kisaran 31 Desember 2024
Uluan Huria HKBP Kisaran
Kota/ Pendeta Resort Kisaran
Pdt Budianto Sianturi, S.PAK
Tidak ada komentar:
Posting Komentar