EPESUS 5: 8-14 “Marparange Songon Anak Hatiuron”

 

MINGGU LETARE (15 MARET 2026)

EPESUS 5: 8-14

“Marparange Songon Anak Hatiuron”

Epesus ima sada huta na torop halak Jahudi jala angka na porsea tu Jesus Kristus, targoar do huta epesus on ima huta na berkembang marhite angka ngolu ni jolma di bidang per ekonomian, budaya, nang angka hamajuan na asing. Jala ido mambaen nang pe angka na porsea nasida alai mansai gogo do tong pengaruh ni angka hamajuan i tarlumobi ma angka parsiajaran na sesat, debata sileban, jala adong jongjong sada kuil Artemis di huta epesus.

Dibagasan situasi na songon ro ma si Paulus laho manosoi huria Epesus asa marparange songon angka anak hatiuron, na hot di haporseaonna, jala marsinondang di tonga-tonga angka ugamo na asing. Tarlumobi laho marpangalaho angka na denggan di ganup pardalanan ngolu nasida, nang di angka hamajuan pe naeng ma nian marsinondang ngolu nasida gabe anak hatiuron.

I.       Hatorangan ni Turpuk Ayat 8-10

Di suraton si Paulus do tu halak Efesus surat on laho pasahaton tu nasida angka jolma na holom, jolma na so tumanda Debata, marparange di haholomon ima di angka ngolu na porsea tu debata sileban, okultisme, jala mandua nasida sian haporseaon nasida tu Tuhan Jesus Kristus.

Alai nuaeng nasida nungga gabe mangolu di bagasan Kristus dang di bagasan hagolapon be ngolu nasida. Jala nungga gabe anak hatiuron nasida saluhut na, di pangke si Paulus hata Hatiuron asa kontras (Lawan kata) tu hata hagolapon. Marthite hatiuron i patar sude ngolu nasida gabe ngolu na imbaru, ngolu na mambaon hadameon nang angka pambaenan na dumenggan.

Angka anak hatiuron marparange songon Tuhan Jesus do ima habasaon, hatigoran, dohot hasintongan ido tanda jala parbue ni angka jolma na mangolu di hatiuron, angka anak hatiuron diboto nasida do dia lomo roha ni Debata, jala angka dia do na naeng siulaon nasida di pardalanan ni ngolu na. Ayat 11-14

Molo nunga mangolu di hatiuron unang be nian saor tu angka ulaon haholomon ingkon gabe mamintori jala mamisang angka jolma na mangolu di hagolapon. Ndang adong na buni na sinondangan ni na tiur. Patar do i sude di adopan ni Debata, songon dia pe malo ni jolma laho manutupi dosa dohot angka ulaon hagolapon i di tingki na patar do i saluhutna di adopan ni Debata. Alani do dipangido si Paulus asa dungo angka jolma na mangolu di hagolapon i unang be sai tarlalap di angka ulaon jala ngolu hagolapon i naeng ma nian ditadingkon saluhut angka ulaon na hurang denggan. Saluhutna nasida nungga gabe anak ni Debata jala anak hatiuron. Mangolu jala mian ma di hatiuron.

 

Aplikasi

1.      Gabe anak hatiuron.

Di pardalanan ni ngolunta on ra maol do laho pasidingho diri sian hagolapon na sai jot-jot dope hita diela-ela sibolis. Alai nga taboto be songon dia ngolu ni angka anak hatiuron ima angka na mangolu dibagasan hata ni Debata na patar jala tiur ulaonna.

2.      Ngolu na marparbue.

Songon hata ni Debata di Galatia 5: 22-23 “angka on do parbue ni tondi, Holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon. Jala on ma nian parbue ni ngolu angka anak hatiuron i.

3.      Tarsunggul jala hehe ma angka na tarpodom, angka na di hagolapon dope jala angka na mangula di dosa. Naeng ma nian gabe hatiuron jala gabe sondangan ni Jesus Kristus. AMIN

C.Bvr. Ernita Silaban S. Ag

Evangelium :1 Kronika 22: 14-19

 

Bahan Sermon Resort Agape Pangkalan Kerinci Bulan Maret MINGGU, 08 MARET 2026

Evangelium :1 Kronika 22: 14-19

“MANGALEHON ROHA DOHOT PARTONDION MANGALULUI DEBATA”

1.      Patujolo

Buku Kronika masuk do tu horong kitab sejarah di padan na robi, na ginurithon ni si Ezra sahalak malim jala siboro surat (ahli taurat). Bukku on digurithon tu halak Israel paska habuangan ni Israel di Babel manang dung mulak halak Israel tu Jerusalem. Jumpang nasida do naung malengse angka bagas di huta i, songoni bagas joro ni Debata. Ringkot adong ojahan siihuthon dohot siulahonon nasida laho manguduti ngolu muse. Sialani digurithon bukku on laho padimundimunhon partondion ni bangso i marhite paboahon sejarah ni bangso ni Debata di haporseaonna dohot parsombaonna tu Debata. Di pasal 22 on, ditaringoti do keteladanan ni Raja David tagan so mate ibana (dihatuaonna).

Songon na sinangkapan ni Debata, dipasahat Raja David do ulaon pajongjong bagas joro tu anakna Salomo. Mangihuthon ayat 7-10, ndang diloas Debata si David paulihon bagas joro i, ala nunga gok mudar durus dibahen ibana maradophon angka musu, alani disangkapi Debata ma na gabe sian pinomparna do laho paulihon bagas joro i. Alai nang pe ndang diloas Debata si Daud paulihon bagas joro i, ndang gabe mandele ibana jala mansohot laho pasauthon sangkap ni Debata. Alai sebalikna, nang pe dibagasan hasusasaan marsitutu do ibana paradehon angka na ringkot tu pembangunan ni bagas joro i, songon peleanna, asa dihirim ibana lam timbul goar dohot hamulion ni Jahowa di tano on.

2.      Hatorangan ni turpuk

Ayat 14-16. Dipungka do turpuk on dohot hata “idama” sian “wehinneh” “lihatlah”, sada penekanan do on, asa mengalihkan pandanganta fokus tu sada hal na ringkot. Mangihuthon turpuk on hata “idama” ima asa bangso Israel mamparateatehon parsitutuon ni raja David mangalehon na adong di Ibana bahen hasasaut hajongjongan ni bagas joro ni Debata nang pe di bagasan hasusaan Ibana. Dipelehon ibana do saratus ribu talenta sere, sajuta talenta perak, tombaga, dohot sere na so habilangan godangna, songoni hau dohot batu. Namangihut, didok “nang pe dibagasan hasusaan ahu” (beonyi) sian hata ani lapatanna hapogoson, hasusaan, pardangolan, dohot partinaonan. Margombarhon pardalanan ni ngolu na binolusna sahat ro di naung matua ibana. Alai ndang gabe manundati sangkap paulihon bagas joro i. Didok muse “nunga huparade hian”, lapatanna ndang holan niat, manang rencana alai konsisten paradehon, patupahon

na ummuli tu bagas joro ni Debata nang pe ndang ingkon ibana pasauthon bagas joro i, nang pe ndang goarna na tarida jala tarbarita. Ndang holan paradehon sian na adong di ibana, alai dohot nang na tukang na mamandei bagas joro i diparrohahon ibana. Dungi dihinsati jala ditona i ma asa hehe si salomo laho paulihon bagas joro i, jala dipaborhat dibagasan tangiang: sai didongani Jahowa ma ho (ayat 16). Didongani sian hata (immak)lapatanna diramoti, didongani, rap dohot Debata. Alani idaonta ma sangkap pajongjong bagas joro ndang holan haradeon, hagogoon, dohot hatauon ni Jolma, alai saluhutna ingkon mardonganhon Jahowa do asa tulus.

Ayat 17-19. Nunga tangkas taida parsitutuon ni Raja David paradehon peleanna laho paulihon inganan na badia tu Jahowa, jala dipasahat ma ulaon i tu si salomo, anakna. Dungi diayat 17-19 idaonta ma muse pangodolhononna tu namparateatehon ngolu partondion laho mangalului Jahowa dohot lomo ni rohaNa. Asa ndang holan na pajongjonghon, alai ingkon borhat sian roha na mananda pambahenan ni Debata di tongatonga ni bangso i, ima Debata na paluahon nasida sian parhatobanon, mangalehon tano bahen inganan nasida, jala monang maralohon bangso na asing. Homonangani ndada holan hagogoon militer, alai hataridaan pangaramotion ni Debata do di nasida (ayat 18). Asa molo taida usaha, kerja keras (parsitutuon) ni raja David diayat 14, alai diayat 18-19 ima patuduhon na dihalomohon Debata ndang usaha ni jolma sambing alai borhat ma sian nasa roha dohot hosa mangulului Jahowa. “Roha” (lebab) ima inganan ni Debata manghatai tu ganup jolma asa tubu holong, las ni roha, pangantusion dohot pangoloion. “Hosa” (nepesh) martudu tudu tu ngolu na nilehon ni Debata tu jolma, asa dipangke ma roha dohot hosa laho mangului Jahowa, mangulului lomo ni rohaNa. Hajongjongan inganan na badia ndada holan bangunan fisik alai dohot nang nang pamatang (roha, pingkiran) gabe bagas joro, inganan parmianan ni Debata. Alani dipasahat ma i tu angka induk ni Israel, asa sada roha nasida jala diurupi si salomo paulihon inganan na badia i. Ima tanda pangarajumion dipandonganion ni Debata dingolu ni bangso israel songon bangso na pinillit.

3.      PENUTUP

Gabe parsiajaran na arga do na pinatupa ni si David tu halak Israel na mulak sian habuangan, nang tu saluhut angka na porsea, asa ganup na porsea tu Debata marsitutu patupahon naummuli tu Debata. Nang dibagasan hasusaan, partinaonan ngolu raja David, ndang manundati ibana laho patimbulhon goarna. Alani, hasusaan ndang gabe sidalian hape laho mangaradoti na ringkot tu ulaon partondion.

Pajongjong inganan nabadia (bagas joro) ni Debata ima sada sian hataridaan ni haporseaon na mangolu. Jala ingkon memehonon ni na tumua ma haporseaon songoni tu angka sundut na umposo asa parsidohot paulihon inganan

na badia tu Debata di bagasan biar dohot roha na unduk tu Debata. Parsitutuon pasauthon na sinangkapan ni Debata ingkon tarida marhite pangulahonon (usaha) unang ma holan niat/tekad, songon raja David marsitutu paradehon angka na ringkot laho paulihon inganan na badia i. songoni ma nang hita, di angka sangkap na uli tu joloan ni ari, unang ma holan hata dohot rencana, alai konsisten jala martangiang ma hita laho pasauthonsa.

Rajumanta do bagas joro ni Debata ndada holan secara fisik, alai pamatangta pe gabe bagas joro ni Debata jala tondi parbadia maringanan di bagasan dirinta, ala nunga dipalua Debata hita sian gomgoman ni Dosa. Alani tahangoluhon ma hataNa dohot lomo ni rohaNa. Hehe ma ganup na porsea laho mangulahon angka parsuruon ni Debata, ingkon nasa roha dohot hosa ma hita mangalului lomo ni rohaNa. Ingkon pos rohanta sai donganan ni Debata do bangsona na porsea di Ibana. Ibana do paluahon hita jala mangalehon hangoluan tu hita.

C. Pdt. Siska. O. Simamora, S. Si (Theol)

Evangelium Tu Minggu Sexagesima, 08 Pebruari 2026 Turpuk: 1 Musa 12:1-5 Topik Minggu: Dipasupasu Asa Gabe Pasupasu (Diberkati Untuk Menjadi Berkat)

 

Evangelium Tu Minggu Sexagesima, 08 Pebruari 2026

Turpuk: 1 Musa 12:1-5

Topik Minggu: Dipasupasu Asa Gabe Pasupasu (Diberkati Untuk Menjadi Berkat)

I.                   Patujolo

Buku | Musa 12:1-5 marisihon taringot tu pamilithon dohot panjouon ni Desata tu si Abram, Adong dua point penting na naeng ondolhonon ni turpuk on, naporjolo ima na ginoaran Vox dei (Soara ni Debata) dohot Vox Populi (Suara sian portibi). Dijou do si Abram holan sahalakna, alai ndang na laho patuduhon individulalisme, ala dibagabagahon do tu si Abram gabe sada bangso na bolon do nasida. Panjouon dohot pamilithon ni Debata tu si Abram ima marhite HataNa, tonaNa, padanNa dohot baritaNa. Di ayat 1 "dung i nina Jahowa", laho patuduhon Debata do na marsuru, mangalehon tona tu si Abram ndada usaha dohot habisuhon ni si Abram. Panjouon ima gabe ojahan, panghirimon dohot bohal ni ngolu ni Israel, songon bangso na pinilitNa. Jala marhite | Musa 12 dipungka do hak istimewa, baritahaluaon bolon ima Dipasupasu asa gabe pasupasu.

II.                Hatorangan

Ayat 1-2 ima Tona tu si Abram na ingkon "Bungkas" alai disertai do dohot "Padan ni Debata"

Hata ni Debata tu si Abram dimulai do dohot perintah, "Bungkas ma ho sian tano hagodanganmu... Laho patuduhon na ingkon diputushon si- Abram do segala ikatan sian tano hagodanganna, keluargana, bahkan tu natorasna. Di jou Debata do si Abram asa marsitutu manghaporseai dohot marhaposan tu Debata ala Ibana do na manjadihon saluhut na adong di portibi on. Marhite tona ni Debata ingkon tadingkonon ni si Abraham do sudena. Alai dibalikni panjouon tu si Abram ndang holan perintah sambing, alai diuduti do dohot angka padan ni Debata. Ragam ni pasupasu na dilehon Debata tu si Abram:

1. Gabe bangso na bolon

2. Pasupasuonku ma ho; Jala pabalgaonku goarmu

3. Dapotan pasupasu marhitehite ho saluhut angka bangso ni tano on.

Ayat 3-5: Balga situtu do holong ni roha ni Debata

Dung dipasahat Debata angka padanNa tu si Abram, tabereng ma muse diayat 3 dohot penegasan ".. jala pabalgaonku goarmu asa gabe pasupasu ho" patuduhon misi ni Debata marhitehite na dipilitna ima laho mamasumasu angka bangso na adong diportibion. Kebaikan Tuhan tidak semata-mata untuk keuntungan satu keluarga saja melainkan untuk semua bangsa di muka bumi. Panjoun si Abram ima songon respon ni Debata taringot tu angka dosa na adong diportibi on, marhitehite angka kejahatan (tabereng do i mamungka 1 Musa 1-1 Musa 11), asa marhite panjouon on hape dapotan haluaon dohot angka pasupasu ma jolma manisia. Jala diayat 4-5 tabereng do disi sikap pangoloion ni si Abram rap dohot keluargana di hata ni Debata. Tontu tubu do sikap keraguraguan di bagasan rohana laho manadinghon huta hathatubuann bona pasogitna, apalagi keluargana. Alai pos situtu rohana tu Tuhan Debata, Dipapos ibana do rohana laho mangoloi soara si Debata, ala dirajumi ibana do na ingkon donganan ni Debata ibana diparadalanan ni ngoluna asa saut sangkap ni Debata laho mangalehon sada inganan na gok pasupasu dohot situak ni loba. Tingki marumur 75 ma si Abram, diboan ma si Sarai istrina, dohot si lot keluarga laho bungkas sian tano Haran huta ni si Abram mangoloi panjouon sian Debata.

III.             Pangujungi

Marhite turpuk Evangelium di Minggu Sexagesima on, dipaingot do hita Huaso dohot inisiatif ni Debata do mewujudhon misi haluaon tu saluhut portibi on. Godang do cara ni Debata laho patulushon sangkapNa, marhitehite sian pamilithonNa tu deba jolma ima na gabe alat ni Debata laho patuduhon huasoNa dohot sangkapNa. Alani i unang adong na merasa ala dirina sandiri boi dijalo haluonNa i. Napaduahon, molo nunga dipilit jala dijou Debata hita mengulahon tonaNa, ulahon ma i marhite haradeon na denggan dipanjounni, jala marhaporseaon tu Debata. Naparpudi, disaluhut angka perintah na pasahat Debata tu hita, tabereng ma di udutnai adong do Padan ni Debata na naeng dipasahat tu hita. Songon si Abram ima gabe pasupasu tu saluhut portibi on. Songon visi ni HKBP "HKBP menjadi berkat bagi dunia “ nang hita pe ingkon do gabe pasupasu di humaliangta be marhitehite sian parangenta, panghobasionnta, keluarganta. Margogo ma hita mangulahon saluhutna i. Amen.

Mateus 5 : 1 – 12 Topik Minggu : “Martua Di Bagasan Tuhan i”

 

Bahan Sermon Parhalado HKBP Resort Agape Pangkalan Kerinci

Jamita Minggu Septuaginta, 01 Pebruari 2026

Mateus 5 : 1 – 12

Topik Minggu : “Martua Di Bagasan Tuhan i”

 

Patujolo

Adong tolu ulaon ni Jesus di portibi on, ima marjamita (preaching), Mangajari (teaching) dohot pamalumhon sahit (healing). Torop do halk na mangihuthon Jesus hatiha i jala marragam do angka motivasina, adong angka na naeng mangido hamamalum ni sahit, adong na mauas umbege jamitaNa dohot pangajarionNa, adong naeng marnida tanda halongangan, alai laos adong do tong na naeng mangonggop hasalaan ni Jesus. Ndang dihalomohon Jesus angka na mangihuthon Ibana holan naeng marnida tanda halongangan sambing manang holan ala na mangido na ringkot tu pardagingon. Asa dibagasan roha na polin/bulus nasida mangihuthon Jesus, Alani i dipasahat Jesus ma pangajarionNa tu natorop i dohot tu angka siseanNa marhite jamita dolok (Mat 5 – 7) songon na tangkas taida marhite jamita on, na jotjot digoari parhatuaon na ualu (ucapan Bahagia).

Hatoranagan 

1.       Martua ma na pogos tondi, ai di nasida do harajaon banua ginajng i ( ay 3). Hata martua dison ima  “makarioi” na boi marlapatan maruntung, tarpasupasu  di adopan ni Debata. Hata pogos dison ima sian hata “ptokoi” na marlapan na pogos, na so adong bagasna dohot na so adong hepengna. Boasa didok Jesus martua ma na pogos tondi di adopan ni Debata. Molo tapamanat di hatiha i torop angka na mangihuthon Jesus sian horong ni “ptokoi” manang angka na pogos. Suang songon i nang angka na manjalo halongangan (malum sian na pangpang, mapitung, malua sian tondi na hodar) angka on tong do sian horong ni ptokoi na identik  tu haporsuhon. Pangalaho on ma  na mangonjar angka na pogos bulus pasahathon dirina tu panarihonon ni Debata jala mangokuhon paboa portibion na godang sitaonon dohot haporsuhon, ndada inganan na hot. Dihasiholi roha nasida do inganan na manongtong na so adong be haporsuhon aeonna ima surgo na hot salelengna. Marasing sian angka na mora na madabu tu ginjang ni roha hinorhon ni sinadonganna. Cenderung marpangunsandean tu hamoraonna, mura tarihot tu haulion ni portibion gabe lupa tu surgo hasonangan na hot saleleng ni lelengna. Boi tapatudos tu dolidoli na mora i (Mat 19) na mangarajumi artana i boi gabe jaminan ni ngoluna dohot pinomparna marsundutsundut.

2.       Martua ma na marsak roha ai siapulon do nasida ( ay 4). Godang angka na masa na boi mambaen hita jolma marsak. Boi do alani hamatean, sahit, boi do alani hasalaan manang dosa na binahenna. Alani disungguli Jesus do asa unang marsak, ala di sude angka na masa i adong do pangapulion dohot gogo sian Debata. Na pasti, ia angka arsak i, adong do ujungna jala nunga diparade Debata surgo inganan na sonang na so dais be tusi arsak, iluilu dohot angka haporsuhon nang hamatean pe. Nang tu angka halak na marsak alani dosana dapotan apulapul do sian Debata marhite hasesaan ni dosa.

3.       Martua ma na lambok roha, ai teanon nasida do tano on (ay 5). Hata lambok dison ima sian hata “praeis” na marlapatan lambok, marsabam ni roha nang di tingki masa harugian hinorhon ni pambaenan ni halak. Alai boi tong lambok dalam arti ndang pola mambaloshon hasalaan ni halak.

4.       Maartua ma na mauas male mida hatigoran, ai sipabosuron do nasida (ay 6). Mauas male mida hatigoran, ima songon pardagingon na mangharingkothon sipanganon, suang songon i ma nang partondion mangharingkothon sipanganon. Nasa na mambahen hatigoran gabe sipanganon dohot siinumonna, ido sipabosuron ni Debata. Songon na hea didok ni Jesus, ia sipanganonna ima mangulahon lomo ni roha ni Debata.

5.       Martua ma na asi roha, ai siasian do nasida (ay 7). Hata na asi roha/murah hati, ima sian hata “elemones”. Asi ni roha ima parange na olo manghaholongi. Ndada holan marpardomuan tu na olo mangalehon, alai dohot do nang pambaenan na olo marpamuati dohot manesa dosa songon na niajarhon ni Jesus di tangiang Ale Amanami.

6.       Martua ma parroha na ias, ai idaon nasida do Debata (ay 8). Parroha na ias ”khataros” marlapatan polin rohana (murni hatinya). Roha ima pamusatan ni parngoluon ni jolma. Sian roha do tubu sangkap na roa nang na denggan. Di Poda 23 : 4 didok:”Sian saluhut sijagaonmi, gomodang ma jaga roham, ai sian i ao ruar angka mual hangoluan”

7.       Martua ma sibahen dame, ai goaron do nasida anak ni Debata ( ay 9). Halak sibahen dame “Eirene” goaron do nasida anak ni Debata. Asa idaonta  ma dison, tanda anak ni Debata ima gabe siboan jala sipatupa hadameon, ndada sipatupa hamusuon. Songon Jesus Raja ni  hadameon i, tontu songon angka anak ni Debata, ndang dao / asing ngolunta sian Ibana na ro tu portibion mamboan hadameon.

8.       Martua ma na pinaburuburu ni halak alani hatigoran, ai di nasida do harajaon banua ginjang i (ay 10). Pinaburuburu alani hatigoran na nidokna dison ndada holan marpardomuan tu pardagingon sambing, alai boi do pinaburuburu secara psikis. Pinaburuburu di pardagingon manghorhon hansit ni daging (luka jasmani), alai pinaburuburu psikis (luka bathin). Unang ma nian pinaburuburu alani hasalaan manang hajahaton na binahen, alai naeng ma alani na na mangaradoti hatigoran manang hata ni Debata.

9.       Martua ma hamu molo diinsahi halak hamu manang dipatubutubu ragam ni angka hata na roa, na so tutu dompak hamu alani Ahu. Adong do deba Halak mangae na porsuk alani dosana, ndada  termasuk na martua angka halak sisongon i (1 Petrus 2: 20, 1 Petrus 4 : 15). Alai Halak na martua ima na hona insak dohot na pinaburuburu alani hatigoran, alani Kristus. Godang do Halak manaon na porsuk manang tekanan ala parsitutuonna mangihuthon Jesus jala mangolu hombar tu lomo ni rohaNa (Mat 10: 16, 25, 34 – 36, Ulaon 14: 22)

10.   Las ma rohamuna jala marolopolop, ai godang do upamuna di banua ginjang i, ai songon i do dipaburuburu angka panurirang na jumolo sian hamu. On ma sada hasurungan di ngolu ni angka na porsea, mangarajumi, gabe sada las ni roha (kebahagiaan) molo pe dipaburuburu halak alani hatigoran. Ngolu ni angka panurirang na manghajongjonghon hatigoran, ndada diloas Debata  gabe magopo, laos ima sada tiruan di ngolu ni angka na porsea (1 Kor 1 : 22 – 23, 2 Kor 4: 2, Joh 15: 18 – 20)

Molo tapamanat pandohan ni Jesus di jamita dolok on, tutu boi do i maralo tu pikiran hajolmaon, ala memang maralo situtu do i tu pamingkirion dohot cara pandang ni portibion tu pandohan ni Jesus i. Songon dia ma tutu martua angka na pogos, na marsak roha, na mauas male, na pinaburuburu dohot na hona insak alani hatigoran.

Sipahusorhusoron  

1.       Mangajarhon Hata ni Debata. Diajari Jesus do angka natorop i taringhot tu hata ni Debata, patuduhon hinaringkot ni  pangajarion di hata ni Debata. Boha do ia di partingkianta on, tarida dope hinaringkot ni na mangajarhon hata ni Debata? Sotung do ala ronsot ni angka ulaon gabe tartinggal sihol ni roha manjangkon pangajarion di hata ni Debata? Pangahuashonon ni roha manangantusi hata ni Debata, marhite i do lam tau hita patupahon angka na denggan hombar tu lomo ni roha ni Debata.

2.       Naeng ma gabe angka halak na martua hita hombar tu pamerengan ni Debata, ndada di pamerengan ni jolma. Tutu boi do jumpang parungkilon nang hamaolon alani ni parsihohotonta mangulahon hata ni Debata. Alai taingot ma, gabe Halak na martua do hita di adopan ni Debata. Unang ma hita manaon na porsuk alani dosa manang hajahaton.

3.       Diarahon turpuk on do hita asa mangulahon na denggan tu saluhut Halak, ido  sada hataridaan ni hasatiaonta tu Debata. Marhite jamita dolok on dipataridahon Jesus do keberpihakanNa tu angka na pogos, angka na manaon na porsuk, na so mardihadiha, saluhutna  gabe angka siasian di adopan ni Debata. Antong burju ma hita mangulahon ulaonta dibagasan hatigoran. Molo pe sipata masa angka arsak dohot haporsuhon, saluhutna i gabe dalan lam pasolhothon ngolunta ma i tu Debata asa sai tongtong hita marsigantung tu pangurupion ni Debata, ido ngolu ni angka anak ni Debata jala panean di harajaonNa. Amen.    

 

 

 

Minggu, 26 April 2026 (Minggu Jubilate) ULAON NI APOSTEL 2 : 22 – 28

 

Minggu, 26 April 2026 (Minggu Jubilate)

ULAON NI APOSTEL 2 : 22 – 28

Topik : “Las Rohangku Jala Marolopolop Soarangku”

I.  Patujolo:

Hata ni Debata Di Uloan Ni Apostel 2:22-28 on i ma sada tona na ganjang, sapartolo isi ni tona i diuhal do sian padan na Robi. Nang pe tung mansai balga do tutu haadongan ni Tondi Parbadia di masa i, alai tong do fokusna tu Jesus Kristus. Sude na masa i tudos tu panurirangion ni Jesus, na hehe ma Jesus tu surgo jala tondi porbadia maringanan di huria i. Ai dang mamboan hamuliaon tu diriNa sandiri Tondi Parbadia i alai tu Jesus naung hehe i do. Panindagion ni si Petrus sandiri dison dirajumi angkal jolma sada sian godang ni panurirang naung dipatolhas di Ulaon Ni Apostel 2:27. Dihatindanghon si Petrus do ia Tuhan i, i ma Jesus Kristus naung bangkit, naung hehe. Jamita si Petrus fokus tu tolu aspek ni ngolu dohot panghobasion ni Kristus, i ma Partaonan, hamatean dohot hananaekNa. Asa malua ganup na porsea jala na manjou goar ni Tuhan i, marhite goar ni Jesus i (Ulaon 2 : 21).

II.  Hatorangan Ni Turpuk

1.      Ayat 22-23 Jamita ni Apostel Petrus do turpukta on, di naung tangkas barani jala dihatindangkon ibana Jesus I do Tuhan na mate jala hehe sian na mate i. Dung songgop Tondi Parbadia tu sisean ni Jesus hombar tu na pinarbagaNa gabe sitindangingi (saksi) ma nasida di sandok na binege dohot na nidana taringot tu Jesus. Marlas ni roha do nasida jala barani gabe sitindangi ni Kristus i (saksi Kristus). Lumobi Apostel Petrus, andorang so songgop Tondi Parbadia i, mabiar situtu do ibana manghatindangkon Jesus i. Pola sahat tu na tolu hali disoadahon ibana na so tinandana Jesus i. Alai anggo nuaeng di turpuk on (Ulaon ni Apostel 2:22-28) ida ma nunga dipagogo Apostel Petrus soarana marbarita na uli, marjamita manghatindanghon Jesus I do Tuhan tu adopan ni bangso Israel, bangso na so porsea jala na manulak dohot na marparsilangkon Jesus i. Marolopolop tondina manghatindangkon Jesus i. Ala mangula do Debata dibagasan Jesus marhite angka tanda naung dipatupa Jesus dibagagasan panghobasionNa. Ido umbahen di ondolhon si Petrus do panghobasion ni Jesus marhite tolu hata i ma: gogo (dynamis), mujizat (teras) dan tanda (semeion). Ia gogo marpangantusion ma i tu “huaso” di hataridaan ni Debata, hata “Mujizat” marlapatan ma i di angka ulaon na somal di respon ni angka jolma mangida, jala hata “tanda” marpangantusian adong arga di balik ni angka ulaon i. Alai nang pe songon i sai rap do muncul hataridaan ni na tolu hata on di panghobasion ni Jesus dohot na masa di bangso israel na haruar sian tano Mesir, hataridaan ni hata i merujuk tu sejarah na masa di padan na Robi.

2.      Ayat 24 Di jamita ni si Petrus, Debata do na paheheon Jesus. Ibana do di pahehe Debata, dung di harhari bernit ni hamatean, ai ndada na hatiopan hamatean Ibana. Di pamerengon ni si Petrus haheheon ni jesus ingkon jadi jala masa, didok ibana haheheon ni Jesus i ma haluan sian na mate. Hita pe angka naung mambege jala manghaporseai Jesus i do Tuhan, Mesias, Sipalua sandok jolma nang portibi on, naeng dohot marlas ni roha, marolopolop tondinta mamaritahon huaso, habalgaon dohot holong ni Jesus i di pardalanan ni ngolunta. Ai dipatandahon Debata do tu hita Jesus na sian Nasaret i, hinorhon ni hagogoon, halongangan dohot angka tanda na pinatupa ni Debata marhite Jesus, singkop saluhutna marhite Ibana. Rade Jesus manaon na porsuk humonghop hita pardosa, asa dapotan haluaon hita. Ido unok ni las ni rohanta. Ndang tartiop hamatean i, tanoman i be angka na porsea di Jesus Kristus i. On ma holongNa na so hadodoan i. Ndang diloas hita haholongan ni Debata, ditiop hamatean i, alai ingkon malua do nasa na porsea na manjou goarNa, ima Jesus i.

3.      Ayat 25 -31 Patoguhon barita naeng hehe Jesus, dilehon si Petrus do hatorangan, na parjolo sian hata ni Debata (ay. 25-31) dohot na paduahon pengalaman na sandiri (ay. 32). Sian cara ni si Petrus mengelehon angka hatorangan manang barita i lebih diondolhon si Petrus do angka na masa di hata ni Debata sian angka pengalaman ni jolma manisia. Boasa haheheon ni Jesus dang hatiopan manang tarelakhon, na parjolo, nungga dinubuathon ni hata ni Debata (ay. 25-31), nungga dihatindakhon di Bibel. Pangaramotion ni Debata dang holan di portibion alai dohot di banua toru. Ngolu ni jolma na sintong ndang diloas Debata mago manang mintop “Ai dang pasombuonMu diringku di banua toru jala dang loasonMu na badiaMi marnida habusuhon. Nungga dipabotohon Ho tu ahu angka dalan hanguloan, gohanMu do ahu halalas ni roha di adopan mi.

Dohot ma nang hita manghatindangkon, jamita ni Apostel Petrus naung gabe sitindangi (saksi Kristus, Kristen, pengikut Kristus) di Kristus naung hehe i, I do Tuhan, Debata ni saluhut bangso. Naeng dohot hita tongtong marlas ni roha, marolopolop tondinta, ai dibagasan linggom ni pandonganion ni Debata do hita marhite Jesus i. Ndada Tuhan na mate Ibana, songon na ni dok ni angka na so porsea, Tuhan na mangolu do Ibana. Nunga dihatindangkon i, sian na robi jala di pasingkop dibagasan Jesus. Ibana do Immanuel i, las ma rohanta, dongananna do hita rasirasa ro ajal ni hasiangan on. Ai marhahonaan tu Ibana do pandok ni si Daud ujui na mandok: Tongtong do huida Tuhanhi di jolongku, ai di siamunhu do Ibana, asa unang humordit ahu (ay. 25)

Panindangion ni Apostel Petrus songon ni hatindakkon ni raja Daud ujui, songon ni nang tu hita di tingki on, mangolu manang mate pe hita nunga singkop di bagasan Kristus Jesus. Nang pe ingkon malangke, maradian dagingta, mulak tu tano pambuatanta hian, alai panghirimonta di holong dohot huaso ni Kristus i, pangoluonNa, paheheonNa do tondita muse songon Jesus Kristus naung hehe i. Marolopolop ma tondinta ai ndang diloas Debata marhite Jesus Kristus hita dihamatean salelengnai i. On ma tanda ni holongNa na so habilangan i sibaritahononta tu sandok houm nang bangso di sandok portibi on. Jesus Kristus na patupa hangoluan na salelenglelengna di angka na porsea. Ai ndang pasombuonMu diringku di banua toru jala ndang loasonMu na badiaMi marnida habusuhon (ay. 27).

III.               Panimpuli

Mar-Jubilate, mandok mauliate di sude pambahenan ni Debata, marhite Jesus Kristus. Rade Jesus manaon na porsuk humonghop hita pardosa, asa dapotan haluaon hita. Ido unok ni las ni rohanta. On ma holongNa na so hadodoan i. Ndang diloas hita

haholongan ni Debata, ditiop hamatean i, alai ingkon malua do nasa na porsea na manjou goarNa, ima Jesus i. Di las ni rohanta di na mar-Jubilate hita, ala naung taboto dalan tu haluaon i, ngolu na manontong i ima surgo i. Holan marhite Jesus do jumpang hita i. Tung tuani ma dipatupa Ibana dalan hangoluan i, jala dipabotohon Ibana tu hita Hangoluan salelengna i. Gok las ni roha hita sogot mamuji, pasangap Debata diadopanNa i.

CBVR. Laura Butarbutar, S.Ag/Epiphanias Km 79

MINGGU MISERICORDIAS DOMINI (19 APRIL 2026) HABAKUK 3 : 10-19

 

MINGGU MISERICORDIAS DOMINI (19 APRIL 2026)

HABAKUK 3 : 10-19

“Marlas Ni Roha Di Bagasan Jahowa”

I.  Pendahuluan

Habakuk merupakan salah seorang dari keduabelas nabi kecil. Kitab ini ditulis pada masa Yehuda berada pada titik terendah moral dan jatuh begitu jauh sehingga rakyatnya menyembah Baal, mengorbankan anak-anak mereka dan mengabaikan pemeliharaan bait suci. Habakuk juga menjelaskan bagaimana tantangan yang dihadapi oleh Kerajaan Yehuda akibat Kejatuhan Asyur dan kebangkitan Babel. Nabi Habakuk hidup pada masa yang sangat menyedihkan, yaitu didalam situasi dan kondisi yang mengalami penurunan didalam segala sesuatunya, yang diakibatkan oleh dosa-dosa bangsa Yehuda. Pada situasi seperti inilah dapat dilihat bagaimana puncak pergumulan iman Habakuk yang semakin membaik, meskipun Habakuk masih sulit memahami akan jawaban Allah, namun ia tidak membantah ataupun marah terhadap Allah tetapi ia lebih memilih untuk hidup memuji Tuhan ditengah kesulitan yang dihadapinya.

 

II.  Penjelasan Nats

Ayat 10-12 Merupakan gambaran puitis akan alam sebagai ciptaan Allah terhadap kehadiran dan kuasa Tuhan. Gunung-gunung "gemetar", Air bah "menderu", Samudra "mendengar", Matahari-bulan "berhenti" sejenak karna kagum dan hormat akan tindakan Tuhan. Hal ini menyatakan bahwasanya bukan hanya manusia saja yang takut dan hormat akan Tuhan, bahkan seluruh ciptaannya pun mengakui tindakan Allah, itulah yang menjadi gambaran Habakuk akan kedahsyatan Allah.

Ayat 13-15 Kedatangan Tuhan membawa Keselamatan bagi setiap orang yang melakukan kesukaan Allah, bahkan Tuhan juga memberikan hukuman atas setiap perbuatan jahat yang telah diperbuat oleh orang-orang fasik. Ayat 15 "Allah Menginjak- injak laut" adalah simbol dari kuasa Allah yang tidak dapat tertandingi dalam mengalahkan musuh.

Ayat 16-18 Habakuk merespon nubuat mengenai kehancuran dengan rasa gemetar dan takut secara fisik, tetapi Habakuk lebih memilih untuk bersikap tenang disaat dirinya sendiri sedang menunggu jawaban dan mempercayakan keadilan kepada Allah. Puncak Iman Habakuk terdapat di ayat 17-18 "Sekalipun pohon Ara tidak berbunga,Namun aku akan bersorak-sorai di dalam Tuhan" menyaksikan kepada setiap umat percaya bahwasanya iman melampaui segalanya, artinya akan datang sukacita sejati daripada

Tuhan ketika kita mau setia bahkan disaat kesulitan sekalipun. Sebab, kebaikan Allah tidak akan pernah berubah.

Ayat 19 Habakuk mengakui Allah sebagai kekuatan Utama untuk bertahan didalam menghadapi masa sulit. “kaki seperti rusa” adalah kekuatan yang diberikan Tuhan untuk bertahan dan berani melangkah.

III.  Kesimpulan

Didalam banyaknya kekhawatiran dan ketakutan yang akan terjadi, seringkali manusia merasa bahwa hidup ini tidak adil bahkan doa juga tidak dijawab oleh Tuhan itulah juga yang dirasakan oleh Nabi Habakuk. Tapi kini Habakuk tidak lagi mengeluh kepada Tuhan, dengan perasaan takut-hormat dan kagum mengingat kembali bagaimana kedahsyatan dan mujizat-mujizat Allah yang terjadi sebagai bukti kedaulatan Allah atas alam semesta dan musuh-musuhnya. Jika hal berat terjadi didalam hidup kita yang membuat hidup tidak damai dan berantakan, marilah kita juga mengingat kebaikan Tuhan yang sudah kita terima. Habakuk memberikan pelajaran yang berharga bagi umat percaya bahwasanya Allah selalu memberikan yang terbaik kepada setiap orang pada waktu yang tepat. Sehingga janganlah keadaan menghilangkan iman kita. Allah tidak selalu mengubah keadaan, tapi Dia mengubah kita untuk menghadapi keadaan.

C. Pdt. Early Megawati Silitonga, S. Si (Theol)/ Lestari