PARTORDING NI ACARA PARTANGIANGAN PAMUHAI DAN ULAON NABADIA HKBP KISARAN KOTA

 

1.     Marende BE No. 125: 1 – 2  “MARLAS NI ROHA HITA ON” BL. 82

v  Marlas ni roha hita on mamuji Debata.

Ai asi ni rohaNa i do bongot tu rohanta i.

Umbaen nuaeng mardomu i ;,;dison sadari on;,;.

v  Dibahen i manggogo be ma hita on sude.

Mamuji Tuhan Jesus i parasiroha godang i. Sibaen las ni rohanta i; ;,;Nuaeng nang sogot pe;,;.

2.     JOUJOU PARSOMBAON: U = Uluan:      R = Ruas

U    :Huria na hinaholongan di bagasan Tuhan Jesus Kristus, mandok mauliate do hita tu Debata siala asi ni rohaNa na paloas hita mamasuhi taon 2023 on. Alani marsuraksurak ma ho, ale sandok tano on, mangolophon Jahowa, pangiar ma soaram marolopolop, jala marende ma hamu. Oloi hamu ma Jahowa marhitehite las ni roha, ro be ma hamu tu joloNa marhitehite olopolop!

R   :Boto hamu ma on: Jahowa do Debata; ibana jumadihon hita, jala Ibana nampuna hita.

U    :Di bagasan las ni roha tadok ma mauliate tu Debata. Ro ma hita tu adopanNa. Tapasada ma roha nang pingkiranta. Marende ma hita:

03.Marende BE HKBP No. 17 : 1 + 3 “Raja na tumimbul” 

v  Raja na tumimbul Sigomgomi hami Jalo ma pujiannami

Denggan ni basaM do Pangoluhon hami Atik pe mardosa hami

Sai apoi pargogoi hami mangendehon SangapMi o Tuhan

 (Ruas jongjong)

v  Dohot do tondingku Tungkap di adopan Ni habangsaMi o Tuhan

Nang sude donganku Nasa na marhosa Pujionna do Jahowa

Sai tongtong Na sintong Holan Debatanta Do sipujionta

   04. VOTUM – introitus – TANGIANG : 

U : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Porbadia na tumompa langit dohot tano on. Amen. Ai Ibana, hapatean jala parmulaan ni nasa na adong, na tama do Ibana, di na tinogihonNa torop anak tu hasangapon padengganhon sun induk ni hangoluannasida marhitehite haporsuhon. Haleluya!      Martangiang ma hita! Ale Tuhan Debata, Amanami na di banua ginjang! Asi ma rohaM di hami halak na gale on. Diida Ho, na gogo do musunami, sai talu do hami dibahen ala ni hagaleonnami. Dibahen i hupangido hami tu Ho: Sai pargogoi jala pamonang ma hami maralohon musu i marhitehite panaonon ni Anak haholongan ni rohaM, Tuhan Jesus Kristus. Amen.

                                                                                   (Hundul …)

   05. Marende BE HKBP No. 260 :  1 + 4  “HOLAN JESUS DO HUBAEN” BL. 40

v  Holan Jesus do hubaen donganhu, ai Ibana pasonanghon au.

Ingkon sai tongtong tiur langkangku, molo raphon Jesus i au lao;

molo raphon Jesus i au lao.

 

v  Jesus do tongtong haporusanhu, arta dohot hangoluanhi.

Nang tondingku nang pe pamatangku, hupasahat tu tanganNa i;

hupasahat tu tanganNa i.

 

06. Renungan Situasional

U  :    Nunga tabolus sada taon panghobasion ima taon 2022, na digoari Toan Hasadaon ni roha manang Tahun Kesehatian HKBP. Nunga ragam angka naung tapatupa laho patuduhon dohot mangeahi hasadaon ni roha, mamungka sian tonga ni keluarga, huria nang masyarakat. Ingkon torus do mangolu hita dibagasan hasadaon ni roha, ai diparbaga Debata tu na marsaroha da, pasupasu na godang ima roha na sonang.

R  :    Gohi hamu ma halalas ni rohangkon: Sada ma parrohahon hamu; sada ma haholonganmuna; saroha, sapingkiran ma hamu!

U  :    Nunga ditotophon uluan ni hurianta HKBP ima orientasi  pelayanan di taon 2023 ima : TAHUN PROFESIONALISME DALAM PENATALAYANAN. Marhite orientasi pelayanan on dihirim do asa lam tau hita jala marsitutu mangulahon ulaon na pinasahat ni Debata tu ganup ruas nang parhalado pe, lumobi ditonga ni partingkian na hatop mubauba. 

R  :    Onpe, hamu, na hinaholongan, songon tongtong ni pangoloionmuna nasailaon, unang holan jumpa di hamuna ahu, lam songon i ma, di na padaodao ahu: Mardongan biar dohot lomos ni roha ulahon hamu ma haluaonmuna! Ai diula Debata do di bagasan hamu giot ni roha nang ulaon saut, mangihuthon lomo ni rohana.

U  :    Dibagasan tingki on tapatupa do Partangiangan Pamuhai ihut dohot ulaon nabadia, pamuhai nauli ma on di sude pardalanan ni Hurianta dibagasan taon on Sai ditogutogu Tondi Parbadia ma HuriaNa mangulahon angka nahombar tu Lomo ni roha ni Debata

U+R     :Sai didongani asi ni roha ni Tuhanta Jesus Kristus, dohot holong na sian Debata, dohot panuturion ni Tondi Parbadia ma hita saluhutna ruas ni Huria mardalan di bagasan tao on. Amen

 

07. Marende BE HKBP No. 185: 3   “HOLAN SADA DEBATANTA”     BL.85

v  Diingani Debatanta, parluhutan i sude

Diingani nang rohanta, digomgomi sasude.

Nang hagogoonNa i, ndang marhatudosan i.

 

08. EPISTEL

U  :  Epistel di Partangianganta Bornginon tarsurat di 2 Petrus 1:16-21  Ai ndada huihuthon hami angka turiturian na piningkir ni na bisuk, di na hupabotohon hami tu hamu hagogoon dohot haroro ni Tuhanta Jesus Kristus; tung diida matanami do hatongamonna i.

R:    Ai dijalo do hamuliaon dohot hasangapon sian Debata Ama, di na masa tu Ibana sian hasangapon na tongam i soara on: "On do Anakku, haholongan ni rohangku; na lomo do rohangku di Ibana!"

U:    I ma soara, na hubege hami ro sian banua ginjang i, uju rap hami dohot Ibana di dolok na badia i.

R:    Jadi lam hot ma, antong, hata panurirangon i di hami; jala tama marsitiopan tusi ma hamu, songon na tu palito na marsinondang di inganan na holom, paima tarida siulubalang ari i, jala binsar siboan hatiuron di bagasan rohamuna.

U:    On ma parjolo boto hamu: Ndang dapot hatorangan ni nasa panurirangon na tarsurat, anggo sian roha ni jolma.

R:    Ai ndang dung sian tahi ni jolma haroroan ni panurirangon; alai tinogihon ni Tondi Parbadia do, umbahen na marsoara angka jolma, disuru Debata

U : Ido sahatna Martua ma natumangihon hata ni Debata jala na umpeopsa

R  :  Amen.          (Hundul)

 

09.      Marende BE HKBP No. 755 : 1  “HAPOSAN HO TUHAN”   BL.755

Haposan Ho Tuhan, hot do holongMu Di las ni roha tingki arsak pe

Asi ni rohaMi nang pambaenanMu Ho Sipalua pangondingan pe

v  Haposan Ho Tuhan Haposan Ho Tuhan

Ndang na mansohot asi ni rohaM Nasa na ringkot di au diparade

Tung ala ni asiM do i sude

10. jAMITA : 2 pETRUS 1:16-21

11. mARENDE nO  783: 1   TUHAN SITOMPA saluhut bl 783

v  Tuhan sitompa saluhut, Ho do na marmulia i
Ndang na tarasam saluhut nilehonMi

v  Patar do asi rohaMi di sinondang ni ari i
Di gogo ni hauma i, nilehonMi

12. Tangiang Mewakili Parhalado :

13. Marende BE HKBP No. 121 : 1  “JESUS RAJA NI HURIA”  BL 97

v  Jesus, Raja ni huria, na porsea, na badia, pasupasu ma au on

Sai sungguli ma rohangku, mangihuthon Ho, Rajangku

Pargogoi ma au tongtong, pargogoi ma au tongtong

 

14. Tangiang Mewakili Ruas :

15.      Marende BE HKBP  No.292 : 1--- “GIRGIR MA HAMU” BL 141 (Pelean )

v  Dung ro Jesus i patar ma tu au,

GogoNa sude holongNa di au.

Ibana haposan haporusan i,

Tung mate pe iba sonang roha i.

 

v  Dung ro Jesus i martua sude

Na pos roha i sonang do sude

So olo be lonong na mian disi

Sude do mangolu ditogu tusi

 

v  Na bernit pe ro manosak tu au

Ilungku pe ro tung marsak do au

Ndang ganggu rohangku ai Jesus di au

Ibana gogongku malua do au

 

 

16. Ulaon Nabadia

1. Marende BE. No. 152:1, “Jesus na mamorsan”

Jesus na mamorsan dosa ni portibi on, pangolu hami.

Jesus na marmosan dosa ni portibi on, pangolu hami.

Jesus na mamorsan dosa ni portibi on, sai pasonang hami, Amen, Amen, Amen.

2. Agenda.
3. Marende BE, No. 153:1, “O Jesus naung sineat”

O Jesus naung sineat, di hau na pinarsilang.

RohaM tongtong daulat, nang uju Ho tarhilang.

Marutang hosa hami, ditaon Ho dosanami, Asi rohaM o Jesus.

4. Agenda padirihon parpadanan na badia.
5. Manganhon parpadanan na badia, huhut marende huria, BE. No. 155:1….,”Tuson ma ho ale tondingku”

1. Tuson ma ho ale tondingku, di na mauas, male ho

Manjalo basa ni Tuhanmu pinaradeNa i di ho.

Dilehon Jesus do dagingNa, marhitehite roti on,

Dilehon dohot do mudarNa, marhitehite anggur on.

2. Ai nang tongtong pe ganup ari, mudarNa mangurasi au.

Huhut Ibana so mansadi manogu tu lambungNa au.

Sai naeng au mangan parpadanan ni Jesus Kristus, Tuhanki.

Na padamehon parbadaan, na pasonangkon rohangki.

~~~~~Musik~~~~~

3. Asi rohaM di au o Jesus, tumpahi au sadari on.

Ai hataMi do hupatulus, manganhon parpadanan on.

Antong patiur ma rohangku, marningot denggan ni basaM.

I ma na tinaonMi dosangku, binaen ni holong ni rohaM.

4. Patogu haporseaonku, di hasasae ni dosangki.

Marsitiopan baen rohangku, di mudarMi na durus i.

Sai ro ma Ho ale Tuhanku, marhite parpadanan on.

JoroM ma baen nuaeng rohangku. Ho ma nampuna au tongtong.

 

6. Agenda: Tangiang pujipujian.

 

7. Marende, BE. No. 9:1, “Hupuji holong ni rohamu”    

………..jongjong…….

Hupuji holong ni rohaMu O Tuhan Jesus Rajangki

Tu Ho hulehon ma tondingku Ai i do pinangidoMi

Huhalupahon ma diringku Mamingkir holong ni rohaMu

17. P A R S U R U O N: 

U:         Dung i hubege soara ni Tuhan i na mandok: “ Ise do suruhononKu, jala ise  pardalannami?

R:         Dison do ahu Tuhan, suru ma ahu.

U:         Laho ma hamu tu liat portibi on: Jamitahon hamu ma Barita na Uli i tu nasa na tinompa.

R:         Ale Tuhan, lehon ma hiras ni roha tu ahu manghatindanghon Barita na UliMi tu portibi on. Rade ma hami ale Tuhan pasahat Barita NauliM tu nasa na tinompa jala rade ma hami marpanarihon tu dongan nami jolma

U :        Didok Tuhan Jesus: “Hamu do panondang ni portibi on!” Antong   borhat ma hamu, boan jala sondanghon hamu ma hatiuron ni Barita na Uli na sian Jesus Kristus i di ngolum siapari.

R:         Ale Tuhan, paian ma di hami roha namasihaholongan, ai ido rahut rahut ni nasa harimpason, jala ajari hami asa mangharinghothon hasadaon na nirahut ni holongMi

U:         Didok Tuhan Jesus : “Hamu do sira ni tano on!” Antong borhat ma hamu, alo jala otapi hamu ma hajahaton; arahon hamu ma saluhutna pasangaphon Tuhan i!

R:         Ale Tuhan, sai ajarhon ma tu ahu angka dalanMu asa huboto mamolati na denggan sian na roa jala asa marpangalaho ahu dibagasan hasintonganMi baen tiruan di angka nanaeng toguonMu dope tu HarajaonMu. Bahen ma DameMi mangarajai dibagasan rohanami ai tusi do hami tarjou dibagasan sada daging asa gabe parroha mauliate hami

R:         Mangendehon  BE.No.730: 4                       Sai patau ma au Tuhan.

Sai patau ma diringku ale Tuhan, Papatarhon hinauliMi Tuhan,

Suru ma TondiMi saor tu rohangki, Baen ias hata dohot parangengki.

 18. Tangiang Pelean-Ale Amanami-Pasupasu- Amen-Amen-Amen