Minggu XVIII DUNG TRINITATIS
16 OKTOBER 2022
No |
Partangiangan Keluarga |
Partangiangan Sektor / Wijk /
Lunggu |
1 |
Marende BE. No. 654 : 1 + 3
“Marpungu Sude” |
|
2 |
Tangiang Pamuhai |
Votum : A.XV.A.22
– D.XIII.53 |
3 |
Manjaha Turpuk : NEHEMIA 5 : 1
– 13 |
|
4 |
Marende BE. No. 826 : 1 + 3
“Gohi Au Tuhan” |
Jamita : 2 KORINT 12 : 7 – 10
“ DISARIHON DEBATA DO GANUP NA
MARUNGKIL”
Hamu angka dongan
sahaporseaon!
Tarbarita
do huria Korint sada huria na jongjong di tonga-tonga ni hamajuon. Ragam do
angka bangko na masa di luat Korint, nang harohaon ni jolma pe sai hatophatop
do mubauba. Ginjang ni roha cenderung mangonai angka ruas ni huria ala ni angka
pangabahan nasida. Masa do na sai mamujimuji dirina. I do umbahen na didok
Apostel Paulus paingothon nasida asa unang alani pangabahan i tinggang nasida
tu dosa: Alai na mamuji dirina marhitehite Tuhan ima ibana mamuji ( 2 Korint
10:17). Dipaandar Apostel Paulus do pangungkapon na ro tu ibana ( 12: 1-6),
alai marhite pandohan “sada jolma”. “
Sada jolma” na nidoknai diida ibana tarhinsat sahat ro di lampis patoluhon ni
banua ginjang, tarhinsat ro di Paradeiso,
dirina sandiri do. Dang pittor tullom didok ibana dirina. Lampis patoluhon dohot Paradeiso patuduhon
hubungan kedekatan paling sempurna dengan Tuhan. Marhite on, dipataridahon
Apostel ima na so talu ibana maradophon angka musuna dohot angka na ragu di ha-Apostelonna.
Ndang na patudu kehebatan ni hadirionna Apostel i, alai asa tung porsea do ruas
ni huria Korint i asa unang muramura munggilunggil dohot mubauba taringot tu
ha-Apostelon ni Paulus jala asa hot nasida manghaporseai
Kristus i.
Huria
ni Tuhanta...
Talpe
do ngolu ni hita jolma madabu tu ginjang i roha molo adong halobian, hasurungan
manang keistimewaan sian dongan. Alai molo Paulus, dang olo ibana madabu tu na
paginjanghon rohana, atik pe godang do na dapot sipujion sian angka ulaonna
lumobima pangungkapon na ro tu ibana. Didok ibana do “huorom/aku menahan
diriku” (12:6) asa unang sumurung ahu diida halak. Diparhatopot Apostel Paulus
do hagaleonna, ido asa didok ibana “Hona basirbasir
do ahu disibukku”. Basirbasir ( Yunani =Skolops),
pancang yang dengan tajam menusuk. Asa basirbasir/duri i ima semacam penyakit
yang melukai dan menyebabkan kesakitan. Basirbasir i ima suruan ni sibolis na
mamukpuhi ibana asa unang dipatimbo dirina. Godang do angka pandapot taringot
tu “basirbasir/duri” na nidok na di turpuk on. Adong mandok basirbasir i ima
penderitaan/parsorion (pat. Hosea 2:6) asa mangotapi jolmai marginjang ni roha.
Adong mandok basirbasir i ima musuh dohot hagaleon di diri na manghorhon
hamaolon mangulahon ulaon niba (penghalang) dohot basirbasir na marhahonaan tu
fisik (penglihatan buruk, kesulitan
berbicara, atau penyakit lain yang tak kunjung sembuh). Alai tung dia pe na nidok na marhite pandohan “basirbasir” di turpuk on,
diparhatutu Apostel ido ringkot do basirbasir i, mangotapi dirina sian angka
kesombongan dohot angka na paburnang diri ala ni sude pencapaian ni ibana.
Marhite basirbasir i, dipaingot ma Paulus di hagaleonna, di keterbatasanna, asa
tau ibana pasahat dirina tu Tuhan i. Jala asa diantusi Paulus, iya hagaleonna i
dohot keterbatasannai “dirancang” oleh Tuhan menjadikan pelayanannya efektif.
Ai didok di ayat 8, tolu hali Paulus mangido tu Tuhan i asa sumurut basirbasir
i sian dirina, alai asing do sangkap ni Tuhan i. Diloas do mian basirbasir i di
diri ni Paulus. Alai tutu didok Tuhan i
ma tu Paulus; Tuk ma asi ni rohangku tu ho”. Dijalo Paulus do mian basir basir
i (ay 10), jala dietong ibana doi gabe na “mangotapi”
ibana asa tongtong pasahat diri tu Tuhan i. Asa unang madabu tu ginjang ni
roha. Marhite alus ni Tuhan i tu Paulus diantusi ibana ma: Parjolo : Asi ni roha ni
Debata, begitu sempurna/sukkup mandongani ibana. Dang pola tambaanna marhite
hagogoonni na asing. Lapatanna, dang dibuat/diuppat, dipasurut Tuhan i
basirbasir i, alai diramoti do Paulus laho manghilala pandoit ni basirbasir i.
Dang gabe mate /mago dohot talu Paulus i hinorhonni basirbasir i, ai ndang
loasonni Tuhan i masa i. Ai singkop do asini rohaNa tu Paulus. Paduahon
: Di bagasan hagaleonna i ma tangkas diboto Paulusma huaso ni Tuhan i
singkop tu angka na olo stia tu Tuhan i nangpe tung godang angka basirbasir i.
Sonang do dihilala ibana, nang pe mian basirbasir i. Dungi diparhatopot ibana
ma “jumpa gale ahu, di si do margogo”
Huria
ni Tuhanta...
Talpe
do nang ngolutta tu na paginjang roha dohot paburnang diri songoni nang na
marnida dirinta sumurung sian dongan na mamboan hita tu hamagoan dohot holang
sian lomoni rohani Tuhanta. Alai tadok ma mauliate tu Tuhan i, ala diloas do
mian hagaleon dohot keterbatasan di ganup diri ni hita jolma. Di turpuk on
dipakke Paulus hata basirbasir patuduhon na mian angka hagaleon/keterbatasan di
dirina atik pe didok ibana suruanni
sibolis i do basirbasir i. Alai taingot
ma na diloas Tuhan ta i doi, ala diboto Tuhanta i do molo soadong hagaleon ni
jolma i, madabu ma jolma i tu ginjang ni roha, unang sai lalap jolma i
berbangga diri akan hal hal hebat manang pencapaian yang dikaruniakan Tuhan
dalam hidupnya,laos lupa pasahat dirina
tu Tuhan i.
Dang
saluhut dioloi Tuhan i pangidoanta, alai angka na hombar tu lomoni rohaNa do
jala nataharinghothon. Ala ni ima, sai unang pamurahu mandele molo pe sai
mamolus angka “basirbasir” penderitaan, hamaolon i. Ai taingotma saluhutna i
dirancang Tuhan untuk patundukhon dohot mangotapi kesombongan dohot ginjang ni
roha dohot hagaleon di diri ni jolma i . Taingotma, angka basirbasir ima angka
musunta manang nasai manangkapi na so tama dingolunta dohot ulaonta, Tuk do asi
ni rohani Tuhan i margogoihon manaon i. Basirbasir i paingothon na gok hagaleon
do jolmai. Diloas Tuhan i basir basir i adopanta, marhite angka sahit pamatang
na so marnamalum, masalah na so marujung/tak ada solusi, masalah keluarga, anak
dohot angka ekonomi/pangabahan dohot angka na mambahen hita terbatas
pergerakanta disipatupaon dohot lan naasing. Saluhutna i laho mangajari jolma i
manjalo dibagasan haserepon dohot unduk ni roha ro tu Tuhan i pasahat ngolunta
tung pe mian angka “basirbasir”. Taingotma, sangkap hangoluan do sangkap ni Tuhan
i, (rancangan kebaikan), bencana seringkali merupakan disiplin untuk kebaikan (
Minutius Felix (Goar/Nama)).
Begitulah
cara Tuhan bekerja dan merencanakan kebaikan. Tuhan membuat manusia itu mampu
manaklukkan dan menundukkan segala “duri” dalam diri dan hidup manusia. Jadi
berdoalah untuk kasih karunia Tuhan setiap hari. Jadi dohononta ma, sonang do
huhilala..ai jumpa gale ahu disi do ahu margogo. Amen!
Bahan Diskusi:
1. Boha
do pangantusionta molo adong jumpa hahurangan dibagasan ngolunta?
2. Nunga
taantusi be sangkap ni Debata Dibagasan ngolunta sian na tabolus nuaeng?
5 |
Marende BE. No. 787 : 1 + 3
“Ingkon Monang Hita” |
||
6 |
Tangiang Sian
Natoras |
Tangiang Sian
Ruas Na Ro |
|
7 |
Marende BE. No. 758 : 3 “Jahowa
Pangurupi” |
||
8 |
Tangiang Sian
Anggota Keluarga |
Tangiang Sian Na
Manjabui |
|
9 |
Marende BE. No. 834 : 1---“Na
Masihol Do Rohangku” (P.Pelean) |
||
10 |
Panutup Tangiang Ale Amanami Amen (3x) HKBP |
Panutup Tangiang Pelean – Tangiang Ale
Amanami Pasupasu – Amen (3x) HKBP |
|
Panurat
: Pdt. Juwita Nababan
Pandita
HKBP Resort Exaudi
Minggu XIX DUNG TRINITATIS
23 OKTOBER 2022
No |
Partangiangan Keluarga |
Partangiangan Sektor / Wijk /
Lunggu |
1 |
Marende BE. No. 559: 1-2 “Debata Na Songgkal Jala Na Badia” |
|
2 |
Tangiang Pamuhai |
Votum : A.XV.A.23
– D.XIII.54 |
3 |
Manjaha Turpuk : 2 TIMOTEUS 2 :
1 – 13 |
|
4 |
Marende BE. No. 471: 2+4 “Hupillit Jesus Donganki” |
Jamita : PODA 16 : 16 – 20
“MANAON NA PORSUK SONGON SI IHUTHON
KRISTUS ”
Hamu angka dongan sahaporseaon!
Buku Poda, turpuk jamita sadarion
marisihon angka poda taringot tu pangalaho na denggan, nauli maradophon dongan. Sada na mansai arga situtu
berengonta marthite jamitaon, i ma ganup
hita asa patutoru diri di adopan ni Debata jala sai jumpangan na denggan do
angka halak na marhaposan tu Debata Jahowa.
“Jumpangan na denggan do na manghangoluhon Hata ni Debata dohot na manghaposi
Jahowa (Ay. 20)”. Manghaposi Jahowa na marlapatan: diulahon manang diparangehon
lomo ni roha ni Debata. Lomo ni roha ni Debata
manggohi rohana, ndang arta ni portibi on dilului alai hapistaran dohot hapantason
ni roha do di jalahi. Ndang dipangke huasona mangalului arta portibion, ala ndang
i tujuan ni ngoluna. Hata ni Debata do dihaposi jala dilului ala i do urat ni hamoraon
dohot arta di portibion. “Sai jumolo ma lului hamu harajaon ni Debata dohot
hatigoranNa dung i tambahononNa ma angka ondeng tu hamu” (Mat. 6:33). Hapistaran
dohot hapantasoni do diomo manang diharingkothon angka na manghaposi Jahowa,
alai i do arta na so olo buruk dohot na so targagat ngitngit (pat. Mat
6:19-20).
Dalan ni halak partigor mandao do
sian hajahaton, marhamaol hosanna sandiri do manang ise na mangaramoti dalanna
(ay. 17). Pos ni roha ni sada halak tu Debata, mangarahon ibana mardalan di
lomo ni roha ni Debata. Ala haunduhonna di Tuhan i di paholang dalanna sian hageduhon dohot hajahaton. Ala mardalan ibana
di dalan hatigoran diparhamaol hosana, malua ibana sian hamatean. Diramoti halak na manghaposi
Tuhani do dirina sian hageduhon dohot hajahaton. Sai lomo ni roha ni Debata do
dipingkiri arian dohot borngin. Ala dalan
ni Debata didalani, ndang adong sihabiaranna, ndang mabiar ibana ala adong Debata.
Halak na manghaposi Jahowa i ima
halak na mambahen Jahowa guru dohot tiruan di siulaonna dohot sude panggulmiton
ni ngolu na sai dipatuduhon parange na denggan na hombar tu lomo ni roha ni Debata.
Parbue ni haporseaon na tu Debata dipapatar marhite na manghaholongi dongan jolma.
(Pat. Joh. 1: 20)
Di ayat 18-19 didiok, hajepolon manang
hamagoan do panghorhon ni ginjang ni roha, jala ngolu na patimbo diri manghorhon
hadadabu ni ngolu. Alani tagonan do halak na manghaposi Jahowa mangolu rap dohot na dangol sian mangolu dohot halak na jungkat
dohot halak na marbagi tabantaban. Di paingot do hita asa marserep ni roha, jala asa ta tiru songon parrohaon ni Kristus
(Pilippi 2:5). Nang pe Debata Ibana, nang pe sangap Ibana, ndang dipangke hasangaponNa i patimbohon diriNa
ditongatonga ni hajolmaon. Ndang dipangasahon
hasurunganNa i, ditinggalhon do i asa boi Ibana marsaor dohot jolma na lea.
Hasereponi dipatuduhon di parngoluanNa, tubu dihaleaon, di barani pinahan. Di
dongani na lea, sijalo beo, na martihas dohot pardosa. Ndang mangalo Ibana nang pe ditijuri jala dipalealea.
Dipasobok diriNa tu parjahat, ala ingkon tarsilang. Di suru hita maniru haserepon
ni Kristus, ala marhite hasereponi do boi denggan parsaoran. Asa denggan parsaoranta
dohot asa sintong hita naung mangiuthon Kristus, ta tiru ma hasereponNa. Ingkon serep roha ni na
mangihuthon Kristus. Amen!
Bahan Diskusi:
1.
Aha
do
na
rumingkot
di ngolum?
2.
Boha
do ho
mamangke hasurungan na pinasahat
ni
Debata
tu ho?
5 |
Marende BE. No. 246: 1-2 “Jesus Urupi” |
||
6 |
Tangiang Sian
Natoras |
Tangiang Sian
Ruas Na Ro |
|
7 |
Marende BE. No. 581: 2-3 “SangapniJahowa” |
||
8 |
Tangiang Sian
Anggota Keluarga |
Tangiang Sian Na
Manjabui |
|
9 |
Marende BE. No. 140 :
1---“Girgir Ma Hamu” (P.Pelean) |
||
10 |
Panutup Tangiang Ale Amanami Amen (3x) HKBP |
Panutup Tangiang Pelean – Tangiang Ale
Amanami Pasupasu – Amen (3x) HKBP |
|
Panurat
: Pdt. Pancasona Simbolon
Pandita
HKBP Resort Mutiara
Tidak ada komentar:
Posting Komentar