PELEAN JANJI IMAN ( BATAK ) PELEAN BAGA BAGA TU DEBATA ( HKBP KISARAN KOTA

 

Psalmen 56: 13 Sai dondon do tu ahu angka bagabaga tu Ho, ale Debata, sai gararonku do tu Ho angka * pelean hamauliateon

PELEAN

Di ngolu parhuriaonta somal do tapasahat pelean marrumanghon hepeng tu huria. Ra sai adong be do angka parasinganna di angka huria-huria di ruhut-ruhut ni na pasahat pelean. Alai angka na somal i ma marhite pelean di parminguon manang ari pesta, Pelean partangiangan manang pelean parguruan , pelean patumonaan , Pelean hamauliateon (marhite na paboahon goar manang marrumang NN (so pola dipaboa goar). manghilala jala tahaporseai tung ala ni basa ni Tuhan i do umbahen adong tarpasahat hita gabe pelean di tonga ni huriaNa. Lapatanna, pasahat pelean ala naung manjalo basa-basa ni Debata.

Sadia godang pelean na tama lehonon tu Debata? Di deba huria ditotophon do ‘partording ni angka Pelean adong na manotophon Pelean Parpuluan alai di Hurianta HKBP Kisaran Kota di totophondo  Pelean Janji Iman ( Na tapasahat marombas sahali sataon ) Alai sasintongna lobi sian i do pelean, didok di Roma 12: 1 Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha  Lapatanna sude do ngolu nang artaniba gabe pelean. I do umbahen di tangiang pelean di parmingguon i didok, “nasa na nilehonMi tondi rodi pamatangku, hosa dohot gogongki ro di saluhut artangku, hupasahat i tu Ho, na so unsatonku do. Tapamanat ma hata ‘nasa na nilehonMi’ dohot ‘saluhut artangku’, Lapatan ni i, tapasahat manang tatiop artanta i naeng gabe pasupasu i, naeng gabe tau hasangapon di Debata luhutna

Marhite angka i, dohononta ma tung saluhut ngolu dohot na adong di hita do gabe pelean tu Debata. Asa ia talehon pe deba sian hepeng manang artanta tu huria tardok ‘simbol’ pamelehonon dirinta do i tu ulaon parsuru ni Tuhanta.

Pelean Janji Iman

Ditotophon Hurianta do ima Taringot tu Pelean Janji Iman

Antong aha do Pelean Janji Iman i ( Pelean Baga baga tu Debata i)

Pelean baga baga tu Debata ( Janji Iman i)  ima    padanta laho satia mangalehon sinadonganta tu Ulaon Huria, Jala tapasahatmai marombas ombas patulushon angka Ulaon panghobasioni   ima marhite angka pelean na di Bibeltai jotjot di goari “Bagabaga tu Debata” na umporlu si ingotonta ima parsitutuon tu na tabagabagahon i ( Psalmen 56: 13 Sai dondon do tu ahu angka bagabaga tu Ho, ale Debata, sai gararonku do tu Ho angka * pelean hamauliateon)

Ditingki marruji ruji hita laho sumangkapi Janji Iman i, ingkon rajumanta do pangaramotion ni Debata di ngolunta, jala tahaporseai do paboa na Debata do mangalehon PasupasuNa tu hita asa pelehononta tu Harajaon ni Debata.  Angka rumang ni Pelean I,  ima alus ni tangiangta mandok mauliate ala naung tajalo pasu pasu sian Ibana, jala marhite hita pasahatonta mai laho pahembanghon angka turgas panghobasion ni Huria, dohot jempek dohononta ma nasa pasu pasu na marharoroan sian Debata ndanda holan tu dirinta sandiri i alai dohot do nang tu angka dongan suang songoni tu Huria i ( Galatia 6:1-10  dohot na pauliulihon  Huria i ( Ezra 2:68 ) Marhite pelean Janji imantai sude do hita halak na porsea di arahon laho mangarimangi dohot manungkunhon tu dirinta ganup :  “ Godang do pasu pasu naung tajalo jala sian Ibana jala hita ma nuaeng parhitean ni pasu pasui laho pasahathon tu Harajaon ni Debata asa lam hembang jala marbungaran HuriaNa “ Lapatanna sude na adong di hita i marharoroan sian Debata i alani i tama pelehononta tu Debata

Si Ingotonta Laho Pasahathon Janji Iman i

1.      Tabotoma godang do angka si tumpahan di Huria i ( Angka Haporluan ni Huria, Parbalanjoon ni angka pangula na gok tingki , Pembangunan dohot  lan na asing dope tahe )

2.      Pahusorhusor ma basa basa ni Debata naung ta jalo, jala ta gollit  ma sadia godang ma pasahatonta tu Debata marhite Huria i  ( Tapasahat ma i mardongan tangiang dohot na mandok mauliate

3.      Parsitutuhon ma laho mamelehon na dumenggan tu Debata

Marojahan tu lasniroha mangalehon marhite angka silehon lehon na mardongan mauliate pasahatonna ma tu hita pasu pasu na godang, tarlumobi habisuhon ni partondion ( 2 Kor 9:8) Lapatanna . Ruas na pasahathon pelean na dibagasan roha na ias angka ima namangulahon ulaon na denggan, na polin na marhasangapon di bagasan Tuhani , manghaholongi ulaon ni Tuhani jala na so tupa sisurahan angka ulaonna , jala marsitutu laho pasauthon ulaon di tonga-tonga ni Huria

Suhat suhat ni keberhasilan ima sadia godang ma naung boi tapatupa? Taingot ma hata ni na tarsurat  di 2 Korintus 9:6-15 na mandok

Ingot ma: Na manaburhon otik, otik do gotilonna; jala na manaburhon managam pasupasu, mangalap pasupasu di na manggotil.

Ganup ma nionjar ni rohana, unang ma sian muruk manang sian na so tarjua; ai dihaholongi Debata do na las roha mangalehon!

TUHANTA MANGARAMOTI