Minggu XVI DUNG TRINITATIS
02 OKTOBER 2022
No |
Partangiangan Keluarga |
Partangiangan Sektor / Wijk /
Lunggu |
1 |
Marende BE. No. 691 : 1 + 6
“Hupasahat Ma Tu Jesus” |
|
2 |
Tangiang Pamuhai |
Votum : A.XV.A.20
– D.XIII.51 |
3 |
Manjaha Turpuk : ANDUNG 3 : 19
– 26 |
|
4 |
Marende BE. No. 715 : 1 – 2
“Balga Do HolongMi” |
Jamita : 2 TIMOTEUS 1 : 1 – 14
“ DIPABANGKIT MARBARITA NAULI ”
Hamu
angka dongan sahaporseaon!
Ditongoshon Ap. Paulus do Suratna
tu si Timoteus, dalanna laho patoguhon haporseaon ni naposonai laho marhobas
diadopan ni Tuhan Jesus Kristus. Tardok poso dope si Timoteus on, hape nunga
diampehon tu ibana sada ulaon na mansai borat ima manguluhon huria Efesus.
Efesus ima sada huria na tung godang angka parbolatbolatan na ro sian duru ni
huria i (na so porsea) dohot sian bagasan ni huria (na mandok porsea). Ingkon
jumolo togu do partondion ni si Timoteus asa boi ibana patoguhon haporseaon ni
angka ruas na. Alani ringkotna di hilala Ap. Paulus, pola sahat tu dua hali di
tongoshon Ap. Paulus suratna kusus tu si Timoteus on. Dipaingot Ap. Paulus do
si Timoteus dison, asa tongtong rata silehonlehon ni Tuhan Debata na tu ibana
i, ima ulaon parbaritaon Nauli. Manang na tudia pe mangalangka, aha pe na niula
ni si Timoteus asa tongtong di bagasan rohana naposo ni Tuhan Debata do ibana
na ingkon patulushon saluhut angka na sinangkapan ni Tuhan Debata marhite angka
naposoNa. Jala dipasahat Tuhan Debata do tu hita bohal laho mangulahon i, alani
unang pola mabiar hita laho mangulahon i. Dia ma bohal i? Ima : Tondi
hagogoon, Tondi Haholongon, Tondi Pangarajaion diri. On ma sipangkeonta
laho mangadopi ragam ni angka na masa di tonga ni portibion, mangadopi angka
tantangan na rongom tahop tu parngoluon ni angka na porsea i. Asa molo ro angka
na masa i, unang pintor tahutan manang mabiar alai taadopi ma i marhite Tondi
Porbadia. Tondi Hagogoon, dipasahat Tuhan Debata, asa tung margogo hita
laho mangadopi angka haogogoon ni portibon, na patar diida simalolongta manang
na holip sian parnidaanta. Ai dipangke angka huaso ni portibion do saluhut na
adong di portibion laho patulushon sangkap ni rohanta, alani ingkon margogo do
saluhut halak naporsea tu Tuhan Debata mangalo angka huaso hajahatoni. Unang
talu, ingkon taluhononta do i marhite Tondi Hagogoon na sian Debata. Tondi
Haholongon, asa tongtong mangolu hasomalan ni Tuhan Jesus Kristus di
tonga ni portibion ima na sai tongtong manghaholongi jolma nang pe sai na jat
di bahen tu Tuhan Jesus Kristus. Jala ido na pinodahonNa tu hita, manghaholongi
dongan jolma songon dirinta sandiri udut na manghaholongi musunta. Ingkon mian
do i di ngolunta, ai sian i do hita on dapotan asi ni roha. Tondi
Pangarajaion Diri, asa unang gabe sarombang dohot portibion (Rom 12 :
2), mangarajai diri sian angka na pinamasa di tonga ni portibion. Na lam ragat
nuaeng angka parmainanon, pargabuson, parmabuhon, parjujion, angka na porsea
ingkon dipadao ma dirina sian i. Mangarajai hisap ni pamatang asa gabe halomoan
di Tuhan Debata. Unang sai mian be Tondi Hatahutan di hita halak
Kristen alai lam girgir ma laho mamuji dohot pasangap Tuhan Debata.
Molo
tung ingkon taonon ni angka na porsea ragam ni na masa di portibion, manahan ma
jala marsihohot ma so mubamuba. Ai nunga ditotophon Tuhan Debata ingkon gabe
parbarita nauli hita on. Dihaburjuhon angka parhalado ma mangulahon angka
tohonan na pinasahat ni Tuhan Debata tu hita ganup marsadasada. Ai ulaon ni
angka Parhalado dohot angka na porsea ima asa lam rarat Barita Nauli i di tonga
ni portibion, lam godang nian na laho mangalehon roha nang pingkiran laho
padasiphon angka panghobasion di tonga ni huria i. Unang ma marsipasombuan alai
marsibetabetaan ma laho mangulahon tohonan na be. Ringkoti ma na porlu di Tuhan
i, ai nunga jumolo Tuhan pasingkophon na tahaporluhon di tongatonganta laho
manghobasi harajaonNa di tonga ni portibion
marhite huriaNa naung ojak di tongatonganta. 1 Korintus 9 : 16 Ai molo huhatahon barita na uli i,
ndang hasurunganku i; utangku hian do i. Marjea do ahu, aut so hubaritahon i! Marhobas
ma hita diadopan ni Tuhan Debata sahat tu tingki na binuhulNa tu hita di tonga
ni portibion. Ndang adong be tingki marlembalemba alai haringgashon ma na
marbarita nauli i, ulahon ma i binsan dilehon dope di hita tingki parasian i.
Amen!
Bahan Diskusi:
1.
Aha do naingkon siradotan ni angka na porsea di tonga ni portibion?
2. Nunga dilehon
Tuhan i bohal tu hita ganup marsadasada, nunga tajaloi jala nunga tapangke i
hombar tu lomo ni rohaNa?
5 |
Marende BE. No. 728 : 1 + 4
“Husuru Ho” |
||
6 |
Tangiang Sian
Natoras |
Tangiang Sian
Ruas Na Ro |
|
7 |
Marende BE. No. 724 : 1 + 3
“Tuhan Baen Ma Ngolungkon” |
||
8 |
Tangiang Sian Anggota
Keluarga |
Tangiang Sian Na
Manjabui |
|
9 |
Marende BE. No. 729 : 1---“Laho
Ma Hamu” (P.Pelean) |
||
10 |
Panutup Tangiang Ale Amanami Amen (3x) HKBP |
Panutup Tangiang Pelean – Tangiang Ale
Amanami Pasupasu – Amen (3x) HKBP |
|
Panurat
:
Pandita
HKBP Distrik XIII Asahan Labuhanbatu
Tidak ada komentar:
Posting Komentar