Jamita : 2 RAJARAJA 5 : 1 – 14 “DEBATA NA PAMALUMHON”

Minggu XVII DUNG TRINITATIS

09 OKTOBER 2022

No	Partangiangan Keluarga	Partangiangan Sektor / Wijk / Lunggu
1	Marende BE. No. 9 : 1 + 6 “Hupuji Holong Ni RohaMu”
2	Tangiang Pamuhai	Votum : A.XV.A.21 – D.XIII.52
3	Manjaha Turpuk : LUKAS 17 : 11 – 19
4	Marende BE. No. 733 : 1 + 3 “Dulo Ma Au O Tuhan”

Jamita : 2 RAJARAJA 5 : 1 – 14      

“DEBATA NA PAMALUMHON”

Hamu angka dongan sahaporseaon!

Adong halak na malo mandok : “kita tidak tahu indahnya sembuh sampai kita merasakan sakit”. Jala i do na terjadi di ngolunta, olo do sepele hita mamreng sahalak na marsahit jala olo hita mandok “pintor songhondia hancitna, unang ibonboanhon anon lam marsahit” ninta rupa ni, hape ndung pe hona tu dirina marsahit ibana baru pe di boto hancitna. Ido alana ganup angka na marsahit pasti do tinggil lsho msmbege inganan parubaton asal ma malum. Ima ringkot ni pamatang na hipas asa boi mangula ulaonna. Alai saluhutna i ingkon mardongan haporseaon asa dapotan di hamamalum ni sahit i, molo maedua roha do laho marubat, ndang adong gunana ala ndang jumpang haporsaeonna di hamamalum ni sahitna.

  Ido na masa di pamatang ni si Naaman. Naaman ima sahalak na parpangkat na timbo, sahalak panglima raja di kerajaan Aram jala musuh besar halak Israel. Ai marhite ibana di tumpakkon Debata hamonangan tu halak Aram. Di na marsahit i Si Naaman ima sahit puruna (sakit kusta), ro ma sahalak parompuan na binoan nasida gabe sada tahnan sian bangso Israelna gabe sahalak sisuruon (pembantu) pardijabu ni si Naaman, di dok ma “ Aut na di adopan ni panurirang na sian samaria tuanhi, sai na paluaonna do ibana sian puruna i (ay.3). dung di bege si Naaman hata ondeng l;aho ma ibanna mandapothon raja jala paboahon hata ondeng tu raja i. Jadi ninna raja Aram ma mangalusi ibana n”antong borhat ma ho, hu tongos pe sada surat tu raja sian Israel”. Dungi borhat ma ibana, diboan ma huhut sampulu talenta perak dohot onomribu sekkel sere dohot sampulu salinan pahean na marhadoboan, laho pasahotonna tu raja i (ay.5). Dungi di pasahat ma surat i tu raja Israel, songon on hatana “molo sahat surat on tu ho, ida ma , nunga husuru manopot ho naposongki si Naaman, asa paluaonmu ibana sian puruna” (ay.6). marungki jala marsak situtu do raja i di na manjaha surat i, pola do sampe di ribahi paheanna huhut ma di dok  “tung Debata ma ahu tarbahen ahu mamunu dohot pangoluhon jolma umbahen marsuru raja i tu ahupaluahon baoa i sian puruna?, di bahen i ua tanda jala ida hamu ma, namansisindir do ibana tu ahu” (ay.7).

Di bagasan parungkilonna na i, tarbegema tu si Elisa ima sahalak ni Debata, halak na sai marposniroha jala satia tu Debata, disuru ma suruanna mandapothon raja i, mandok tu ibana “boasa pola ribahanmu paheanmu, ua ro nian ibana tu ahu, asa tung diboto, na adong do sada panurirang di Israel” (ay.8). dipasahat rajai ma hata na hinatahon ni si Elisa tu si Naaman, asa laho nian ibana mandapothon panurirang Elisa, asa malum ibana sian parsahitonnai. Borhat ma si Naaman mardongan huretana dohot hodana, laos mangulon di jilo ni pintu ni si Elisa. Dung di boto si Elisa naung ro si Naaman didok ma mandok suruaanna asa dipasahat tonana tu si Naaman, didok “laho ma ho maridi pitu hali di bagasan Jordan, gabe sumuang ma sibukmauhian tu ho jala ias” (ay.10).

Borhat do si Naaman tu na nidok ni Elisa, alai di bagasan parungutunguton ala di hilala ibana ndang ndang mungkin ahu sahalak parpangkat na timbo ingkon maridi di aek i, ai godang nai nian inganan na lobi dumenggan sian i, dao dumenggan angka aek na di Abana dohot parpar na di Damaskus sian angka aek na di Israel? Ndang tarbahen ahu huroha maridi disi asa malum huhilala?Dia mencoba menghalagi karya Tuhan dalam proses penyembuhannya dari sakitnya. Sekilas boi ma tadok ‘udah sakit sombong pula, kalau mau sembuh lakukanlah dalam kepercayaan”. Mangaruntus do ibana borhat tusi. Di na murukmuruk jala mangaruntus ibana ro ma naposona mandapothon ibana jala mandok “Ale amang, tung sura hata na madokdok didokkon di dokkon panurirang i patupaonmu nda patupaonmui? Lam nuaeng ma dung di dok tu ho, maridi ma ho asa ias” (ay.13). alai di ujungna di ulahon ibana do son gon na didok ni panurirang i, tuat ma ibana jala marungkor dibagasan jordan pitu hali, hombar tu na didok ni halak ni Debata. Dung di bahen ibana songon i, malum ma ibana, ias ma nang sibukna suang songon na parjoloi.

Ido nang na terjadi di bagasan ngolunta, sering sekali kita berperang dengan keadaan antara keingan kita dan kehendak Tuhan, dalan na naeng sidalananta dohot dalan na pinarade ni Debata laho sidalanta. Ndang tasadari saluhut na pinasahat ni Debata tru hita ima sada proses parsiajaaran asa lam mananda hita di huaso ni Debata. Molo adong pe angka masalah na ta adopi seringan do hita mambuat sada jalan pintas asa tumibu sae angka masalah ta i, ndang ta pasahat tu Debata asa Ibana na mangurupi jala na mandongngani hita laho pasaehon angka masalahtai. Hape ditingki ta pasahat tu Debata saluhutna i, na boi do Debata mangalehon angka jalan keluar jala boi ma hita mandapot angka parsiajaran sian i. Unang ma ta pakengke hata “ahu” alai “AHU”. Molo hata ahu do na ta pangke di ujungna gabe manolsoli/manarita ma hita, alai molo hata “AHU” do na tapengke marhuaso ma Debata na paluahon hita sian nasa sahit, masalah, nang angka na mambahen hita sai marsak. Antong Debata do na pamalumhon, Debata na mangalehon hahipason jala Debata do na mamasumasu, jala ta dok ma “everything will just be fine (semuanya akan baik-baik saja). Amin.

Bahan Diskusi:

1.    Aha do na boi ta parsiajari sian pengalaman ni Si Naaman?

2.    Molo marsahit hita, tu ise do hita parjolo mangido hamamalum ni sahit?

5	Marende BE. No. 806 : 2 – 3 “Ahape Masa Dingolumon”
6	Tangiang Sian Natoras	Tangiang Sian Ruas Na Ro
7	Marende BE. No. 149 : 1 – 2 “Ho Tongtong Ihuthononhu”
8	Tangiang Sian Anggota Keluarga		Tangiang Sian Na Manjabui
9	Marende BE. No. 504 : 1---- “Ditogu Tuhan Jesus Au” (P.Pelean)
10	Panutup Tangiang Ale Amanami Amen (3x) HKBP	Panutup Tangiang Pelean – Tangiang Ale Amanami Pasupasu – Amen (3x) HKBP

Panurat : Biv. Hetti Pardede

BIbelvrow HKBP Resort Pardomuan Nauli