PARTORDING NI ACARA PESTA PUNCAK TAHUN KESEHATIAN DISTRIK XIII ASAHAN LABUHAN BATU

 

Parhobas Minggu

Pesta Puncak Taon Hasadaon Ni Roha

HKBP Distrik XIII Asahan Labuhan Batu

 

Parjamita	Pdt. DR. Victor Tinambunan, MST (Sekretaris Jenderal HKBP)
Paragenda	Pdt. Janti D. Nababan (Pendeta HKBP Resort Desa Gajah) Pdt. Tulus Sianturi,STh (Pendeta HKBP Resort Sukarame)
Tingting	Pdt. Budianto Sianturi (Pendeta Resort HKBP Kisaran)
Tangiang Pangondianon	Pdt. Winner Sitorus, MMin (Praeses HKBP Distrik XIII Asahan Labuhan Batu)
Papungu Pelean	Sintua HKBP Kisaran Kota
Harentaon	Seksi Penerima Tamu (Panitia Lokal HKBP Kisaran Kota)
Musical	Tim Musik HKBP Distrik XIII Asahan Labuhan Batu
Song Leader	Biv. R. Sibarani Biv. Nurcahaya br. Sinaga Biv. Ida Yanti br. Manik
Operator Slide	Tommy Togatorop
Keamanan/Parkir	Sergio Simorangkir Sigit Simatupang Arfian Sitorus Remaja HKBP Kisaran Kota (Panitia Lokal HKBP Kisaran Kota)

 

PANGARADEON

09.00 – 09.30 WIB

®   Marpungu ma sude Fulltimer Distrik XIII Asahan Labuhanbatu dohot Panitia Pesta Puncak Tahun Kesehatian 2022, di Kantor Distrik.

09.30 – 09.55 WIB

F Andorang so borhat barisan Prosesi, jumolo martangiang na niuluhon ni Kepala Bidang Koinonia HKBP Distrik XIII Asahan Labuhanbatu : Pdt. Budianto sianturi

F Mardalan ma barisan Prosesi : Siboan Silang, Lilin dohot Bibel na balga, Siboan Vandel, Sekretaris Jenderal HKBP dohot Inang, Amang Praeses dohot Inang, Paragenda, Ketua Umum Panitia, Pangula na gok tingki, Sintua HKBP Kisaran Kota, borhat sian Kantor Distrik XIII Asahan Labuhanbatu sahat tu jolo ni Gareja HKBP Kisaran Kota.

F Dung sahat di Jolo ni Gareja HKBP Kisaran Kota, disambut ma dohot tortor ni Sikkola Minggu laos dipasahat ma Pengalungan Bunga tu Sekretaris Jenderal HKBP, tu Amang Praeses, tu Ketua Panitia Taon Kesehatian HKBP Distrik XIII Asahan Labuhanbatu jala bunga Pangku tu Inang Sekretaris Jenderal HKBP dohot tu Inang Praeses.

F Diuduti ma dohot ulaon Patujolo.

A. PATUJOLO : Joujou tu parsaoran di Hata ni Debata.

L1   :  Tapuji ma Tuhanta na mangaramoti jala na mandongani hita bongot tu bagas joro ni Tuhanta on. Itasangkapi do laho marsaor dohot Tuhanta i marhite parmingguanta on, alani tapahibul ma rohanta laho mamuji Ibana jala, endehononta ma.

Huria         :( Mangendehon ) BE No 580 :1  Ro do au Tuhan tu Ho.

          Ro do au Tuhan tu Ho, ro au lao mamuji Ho.

          Ro do au lao mandapothon Ho, ro au lao mamuji Ho.

L2   :  Na marlas ni roha do hita dibagasan ari on manghalashon dohot manghamauliatehon pambahenan ni Tuhanta i na paloashon huriaNa laho patupa ulaon Taon Hasadaon Ni Roha 2022 di Distrik XIII Asahan Labuhanbatu on. Marhite i, haroronta ima laho marsomba mandok mauliate tu Ibana:

Huria : ( Mangendehon ) BE No 580 :2  Ro do au Tuhan tu Ho.

       Ro do au Tuhan tu Ho, ro au lao sumomba Ho

       Ro do au lao mandapothon Ho, ro au lao sumomba Ho.

L1   : Ragam  do angka ulaon manang angka program na so tarulahon  dope di tonga ni Huria, Resort, Distrik, sahat tu tingkion. Anggiat ma marhite Pestanta di bagasan sadari on lam pahehehon dohot patoguhon haporseaonta tu Tuhanta i, marsada ni roha mangaradoti ulaon na pinasahatNa tu hita. Ai didok hata ni Debata, na mate do haporseoan i molo so adong parulaon i, asa saut ma, asa sada ma hita songon Ibana naung sada dohot Ama i.

Huria         :( Mangendehon ) BE No 580 :3  Ro do au Tuhan tu Ho.

       Ro do au Tuhan tu Ho,  lao manghaholongi Ho

       Ro do au lao mandapothon Ho,  manghaholongi Ho.

L2   : Na marsada ni roha do huria naparjoloi, asa lam hembang huria i sahat tu partingkianon. Dibaheni, ingkon lam patar do hasadaon ni roha i di tongatonganta nuaeng, tarlumobi mangadopi partingian na hatop mubauba di tingkion. Laos tajalo ma gogo sian Tuhanta i asa lam dipargogoi hita saluhutna mangulahon lomo ni rohaNa, sisada roha, sisada pingkiran, sada ma na tinuju ni rohanta ima pahembanghon Harajaon ni Tuhan Debata Jahowa di tonga ni portibion. Antong hamu, O huria ni Debata, tapasada ma rohanta tontong, paihutihut ulaonta dibagasan sadarion.

 

IV. Parmingguon

1. Marende BE. No. 392 : 1, 3 – 4   “SAI PASIAT TUHAN JESUS”

^♫♪♫ Sai pasiat Tuhan Jesus tu bagasan roha mi. Sai maimaima Jesus, bege panuktukNa i. Sai pasiat Tuhan Jesus, jangkon itu Rohami, nunga tingki parasian, sotung jolo salpui.

^♫♪♫Ai sadia leleng nari laos so putus rohami ? Unang toishon, so tung salpu tingki parasian i. Sai…………….

.…Musik…

^♫♪♫(Jongjong) Lehon ngolumi tu Jesus, ai hatop do salpui. Sai pasiat ma Tuhanmu tu roham na loja i. Sai………………….

2. Votum-Introitus-Tangiang

L1 : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia Na tumompa langit dohot tanoon. Amen. Parangehon hamu ma na tama di Tuhan i, marguru tu sandok lomo ni rohaNa, marparbuehon parbue marhitehite saluhut ulaon na denggan. Oloi hamu ma Jahowa marhitehite las ni roha, ro be ma hamu tu joloNa marhitehite olopolop. Haleluya.

H : (Mangendehon) Haleluya… Haleluya… Haleluya.

L2 : Martangiang ma hita : Ale Tuhan Debata, Amanami na di banua ginjang ! Sai lehon ma tu hami roha na togu, na badia, pingkiran na denggan dohot roha na ringgas pasauthon ulaon na denggan. Sai lehon dame tu hami asa sonang hami mangolu di bagasan pangondingiM, Sai marsigantung tu HataM ma hami maradophon saluhut musunami. Sai ramoti jala pargogoi ma hami marhitehite Tuhan Jesus Kristus Tuhannami. Amen. (hundul)

3. Marende BE. No. 701 : 1 + 3  “TU HO DO AU MARPADAN”

^♫♪♫ Tu Ho do au marpadan O Jesus Tuhanki, Asa burju haposan au di adopanMi, Sai Ho ma mandongan ni au di ulaonki. Ajari pargogoi ma hu di dalanki

^♫♪♫ PadanMu ale Jesus tu angka ruasMi, Luhut do toguonMu tu hasangaponMi, Padanku pe O Jesus satia au tu Ho, Sai pargogoi ma au, lao mangihuthon Ho.

4. Patik

L1     : Tangihon hamu ma Patik ni Debata di Patik I – IV. Patik I, Ahu do Jahowa Debatam, ninna Debatanta. Ndang jadi marangkup Ahu bahenonmu Debatam.

L2     : Patik II. Ndang jadi ganaonmu jala ndang jadi sumanonmu manang aha na di banua ginjang dohot na di banua tonga on, ro di na di bagasan aek na di toru ni tano, ianggo tung gabe sisombaon manang sioloan.

L1     : Patik III. Ndang jadi dohonon Goar ni Debata, ianggo so ture dalanna, ai hona uhum Na do sogot angka na marsineang di GoarNa.

L2     : Patik IV. Ingot hamu ma pabadiahon ari Minggu i! Di na onom ari ma ula hamu nasa siulaonmu; alai anggo ari papituhon i, ari paradianan ni Jahowa Debatam do i. Ndang jadi ho mangula anggo di na sadari i, manang anakmu pe manang borum manang naposom lahilahi manang naposom boruboru, ro di pinahanmu, ro di isi ni huta ni halak pe na mangebati hutam.

L1     : Ai di na onom ari do ditompa Debata langit dohot tano dohot laut dohot nasa isina, dung i maradian do Ibana di ari papituhon i. Dibahen i do umbahen na dipasupasu Debata Jahowa ari paradiananNa i jala diparbadiai.

L2     : Rap ma hita mangido gogo sian Debata laho mangulahon patikNa i.

L+H : Ale Tuhan Debata! Sai pargogoi ma hami mangulahon na hombar tu PatikMi. Amen

5. Paduan Suara  Marturia HKBP Kisaran Kota

6. Marende BE. No. 417 : 2 – 3 “RADE SITUTU HALUAON”

^♫♪♫Patedek sude hahurangan, topoti sandok dosami, Pangido : Sai sesa o Tuhan, sude pangalaosionki. Daidati, sai saut botoonmu naung sesa dosam  sasude ; Mardame dagingmu nang tondi, maniop tongtong  Tuhan i.

^♫♪♫ (Jongjong) PangkophopNa I parangehon, pasangap Tuhanmu antong. Ibana buas mangalehon tu ho hasonangan tongtong. Sandok sian holso malua, nang sian biarmu sude, Sonang nama ho na martua, mangkirim tongtong surgo i.

7. Manopoti Dosa

L1 : Tatopoti ma dosanta tu adopan ni Tuhan Debata. Dibagasan unduk dohot serep ni roha,  ro ma hita tu adopan ni Debata, tapangido ma hasesaan ni dosanta, dibagasan goar ni Tuhan Jesus Kristus Parasi roha i. Martangiang ma hita:  Ale Tuhan Debata, Pargogo na so hatudosan jala Amanami ! Hujou hami do GoarMu na badia i, ala na targogot hami marningot dosanami. Sai marasi ni roha ma Ho mida hami on.

H : Ale Tuhan, sai asi ma rohaM di hami pardosa on. Tung so tama do hami di adopanMu ala marningot angka hadosaonnami. Tutu marsak do hami ala hadosaonnami i. Asi ma rohaM di hami ale Tuhan.

L2 : O Tuhan Jesus Kristus, Anak ni Debata na gabe jolma ala ni hami, na mate jala na hehe sian na mate, na manaek tu banua ginjang do Ho mangondihon hami! Asi rohaM di hami, sai patongtong ma di hami roha hamauliateon tu Ho.

H : Ale Tuhan, dijou Ho do hami asa mangolu hami di hasadaon ni roha. Alai jotjot do hami ndang hutangihon hami Ho jala hulaosi hami do PatikMi. Asi ma rohaM di hami Ale Tuhan.

L1 : O Tondi Parbadia, pangapul di na marsak roha, pamalum ma saluhut na bernit, binahen ni dosanami!

H : (Mangendehon) BE. No. 683:2 “DI ADOPANMU JESUS”

^♫♪♫ Di adopanMu Jesus, marsomba au huhut tungki,  Lao manopoti dosangki, di adopanMu Jesus.

L2 : Ro ma Ho mangingani hami, asa marlas ni roha hami mangulahon lomo ni rohaM.

H : (Mangendehon) BE. No. 683:3 “DI ADOPANMU JESUS”

^♫♪♫ Di adopanMu Jesus, tarsolsol bagi rohangkon, Muba ma au tu jolo on, di adopanMu Jesus.

L1 : Ho do parhitean ni nasa asi ni roha, sai unang tulak hami. Sai tangihon ma hami, Ho ale Debata, Ama, Anak dohot Tondi Parbadia! Amen. (Martangiang na hohom dibagasan roha huhut manghuling organ angonangon BE. No. 683)

L2 : Tabegema hata bagabaga taringot tu hasesaan ni dosanta! Ai ndang adong imbar ni i; ai saluhut do pardosa jala hurangan maradophon hasangapon ni Debata, alai angka na gabe pintor, binahen ni basabasa marhite sian asi ni RohaNa, hinorhon ni panobusion na marhitehite Kristus Jesus i, na pinajongjong ni Debata bahen habangsa parasian marhitehite haporseaon di mudarNa. Hasangapon ma di Debata na di ginjang!

S : Amen

8. Koor Ama Nasaret HKBP Gambir Baru : Pantun Do Hangoluan

9. Marende BE. No. 755 : 1 + 3 “HAPOSAN HO TUHAN”

^♫♪♫ Haposan Ho Tuhan hot do holongMu. Di las ni roha tingki arsak pe. Asi ni rohaMi nang pambaenanMu. Ho Sipalua pangondingan pe. Haposan Ho Tuhan, haposan Ho Tuhan. Ndang na mansohot asi ni rohaM. Nasa na ringkot di au di parade. Tung ala ni asiM do i sude.

^♫♪♫ Di rade Ho do dame na manongtong. Di togu Ho do au di dalanki. Marlas ni roha au marpanghirimon. Jala margogo ala basaMi. Haposan Ho Tuhan….

10. TURPUK EPISTEL

L1 : Hata ni Debata na gabe Turpuk Epistel di Minggu XXI Dung Trinitatis on tarsurat di Psalmen 145 : 17 – 21 , tajaha ma marsingkatsorin. Nabonar do Jahowa di saluhut angka dalanna jala basa di bagasan saluhut jadijadianna i.

H  : Donok do Jahowa di sude angka na manjou Ibana, tongon tahe di sude angka na manjou Ibana di bagasan hasintongan.

L2   :  Ibana mambahen lomo ni roha ni angka na mangkabiari Ibana, jala dibege do angguknasida i, jala dipalua do nasida.

H  : Jahowa do pangondingan ni sude angka na mangkaholongi Ibana, jala disiaphon do sude angka parjahat.

L1   : Ingkon baritahonon ni pamanganku do pujipujian di Jahowa, jala nasa sibuk mamuji goarna na badia i ro di salelenglelengna.

L2   : Ido sahatna. Martua do angka na tumangihon Hata ni Debata, jala na umpeopsa.

S : Amen

11. Marende BE. No. 403 : 1 – 2  “POS ROHANGKU DI TUHANKU”

^♫♪♫Pos rohangku di Tuhanku, ndang  tarbaen tarhirim au. On do tongtong tangiangku : Tu lambaen tarhirim au. BungaMu au patau. Lobi pos do rohangki, sai patulusonNai, Boan on na au tu si.

^♫♪♫ (Jongjong) Huhilala ganup ari paniopNa di au on. Sai tong dipasarisari, naeng badia rohangkon. Naeng lam tu tinggilna i, Pinggol partondionki lao mambaen lomoNa i.

12. Manghatindanghon Haporseaon

L1 : Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok :

S  : Ahu porsea…d.u. Amen (hundul)

13. Koor Ama HKBP Mutiara : Ale Jahowa Debata

14. RELEKSI TAON HASADAON NI ROHA (TAHUN KESEHATIAN 2022)

     Marende BE. No. 651 : 1 + 3  “HURIA NA HUHAHOLONGI HAMI”

^♫♪♫ Huria na huhaholongi hami na pinajongjong ni Tuhanta i.  Tung na so lupa sian rohanami Huria i. Dohot ruasna i, di nasa hasusaan. Tongtong do i manahan. Manggogo pe angka galumbang i.  Tuhanta do na pademakhon i. Martua do na hot di Tuhan i.

^♫♪♫ Huria na hinophop ni Tuhanta, Sai mian ma di haholongon i. Sahata ma pangula nang ruasNa, Manomba Jesus na marsangap i, Sai timbul hadameon lam tang haporseaon. Manggogo pe angka ………

     L2 : Di taon 2022 on ditotophon Hurianta HKBP do taon Hasadaon Ni Roha di ganup panghobasion ni Hurianta. Dibagasan hasadaon ni roha do tarjou hita marsihohot mangihuthon Kristus Jesus Tuhanta i. Ai hasadaon ni roha i do gabe mambahen margogo saluhut angka na porsea i dibagasan Kristus.

H : Palumehon ma tu hami saluhutna Ale Tuhan. Patau ma hami mangulahon parsuruonMi di bagasan HuriaM nang hami ruas HuriaM na hinaholongan ni rohaM, songon hataM na mandok : Gohi hamu ma halalas ni rohangkon: Sada ma parrohahon hamu; sada ma haholonganmuna; saroha, sapingkiran ma hamu!

L1   : Alani angka dongan, dijou do hita laho marsada dibagasanan parrohaon, haholongon, dohot pingkiran laho patupahon parsuruonNa di tongatonga ni Huria. Ido pangarajumion ni rohanta songon hataNa na mandok, ai dipahehe Debata do rohanasida pasauthon tahina hian, mangulahon hasadaon ni roha.

H : Mauliate ma di Ho ale Tuhan. Sai pasupasu ma HuriaMon nang Parhalado dohot RuasNa. Asa tongtong marhatauon hami dijoloM.

L2   : Antong borhat ma hita songon naposo ni Tuhan Debata, marhobas di ladang ni Tuhanta, maniru angka naung binahen ni angka Panurirang, angka Apostel, angka Parbarita Nauli dingoluna. Naeng ma gabe tiruan saluhut angka ruas ni HKBP di angka ulaon na denggan. Asa tung adong dapot Jesus bahen upa ni panghophoponNa i. Hobas marsada ni roha di angka ulaon ni Tuhan i, marsada ni roha manarihon angka na metmet, palua na marutang, sarihon angka na so marama, na so marina, tungkoli angka na mabalu, na di bagasan arsak. Tatangianghon angka na ginosagosa ni portibion, asa tung margogo mamolus angka na masa di ngoluna jala asa tung hot haporseaon nasida. Ima Barita Nauli i na sian Tuhan Jesus Kristus.

S : Asi ma rohaM di hami ale Tuhan Debatanami na hutanda hami dibagasan Kristus Jesus Tuhannami. Amen

15. Koor Keluarga Fulltimer HKBP Distrik XIII ASLAB : Hidup Dwi Tunggal

16. Tingting (Pdt. Budianto Sianturi)

17. Koor Gabungan : Mars Tahun Kesehatian (Taida Dihalaman Parpudi)

18. Tangiang Pangondianon (Praeses HKBP Distrik XIII ASLAB)

19. Marende BE. No. 697 : 1… “MOLO HO DO HUIHUTHON”(P. Pel.  IA&IB)

^♫♪♫ Molo Ho do huihuthon dame sonang rohangki. Sai horas jala martua nasa hinophopMi. Ho tongtong ihuthonongku, Jesus na palua au. Ho sambing do oloanhu ala nii martua au.

^♫♪♫ Na rade do au manaon, mangasahon padanMi, Molo ho na manggogoihon talu haholomon i. Ho tongtong ihuthonongku ………

…MUSIK…

^♫♪♫ Hupelehon ma diringku mangihuthon lomoMi, Ndada be na olo salpu na manggohi rohangki. Ho tongtong ihuthonongku ………

^♫♪♫ Marparange na badia ma au diadopanMi, Sai patau ma au tiruan, songon pinangidoMi. Ho tongtong ihuthonongku ………

20. Jamita : 2 Tesalonika 2 : 13 – 17 (Pinatolhas ni SekJend HKBP)

21. Marende BE. No. 435 : 1… “MAROLOPOLOP TONDINGKI”

(Papungu Pelean II, Pelean Amplop Tahun Hasadaon Ni Roha HKBP Distrik XIII)

^♫♪♫ Marolopolop tondingki ai  naung  di  tobus Jesus i. Hamu sude, bege ma i, sai las ro hangku  mandok i. Sonang ni ting ki i, Dung jumpang Jesus Tuhanki !  Tondi na manga ja ri au,  tarbaen marlas ni ro ha au ! Sonang ni tingki i, dung jumpang Jesus Tuhanki.

^♫♪♫ Dihaol holongna rohangki, tung na so boi be mago i. MataNa do manatap au, pinggolNa tumangihon au. Sonang ni………….

…Musik…

^♫♪♫ Tu Jesus sahat ngolungki saleleng ni  lelengna i. Rap dohot au endehon ma endengku na imbaru da. Sonang ni…………..

^♫♪♫ O rohangki, sai tahan ma, ditobus ho, ihuthon ma. I ma tutu, nang mate ho, tu surgo do ditogu ho. Sonang ni………………

V. Parsuruon

Pjm : Borhat ma hita manghatindanghon Debatanta i. Debatanta Na Sangap Jala Na Timbul di Ibana. Debata Parasirohagodang na mangalehon angka basabasaNa tu hita.

L1   : Di Pesta Puncak Taon Hasadaon Ni Roha ni Distrik XIII Asahan Labuhanbatu sadarion, itahalashon do i songon basabasa ni Debata na so tarhatahon i. Dibahen i, tapuji ma goar ni Debatanta Na Sangap Jala Na Timbul.

H    : Las do rohanami Tuhan, marningot angka denggan ni basaM di hami nang di HuriaM. Huboto hami do tangkas pandonganionMu di nasa pardalanan ni HuriaM, ndang alani gogonami alai tung holan alani asi ni rohaM sambing do.

L2 : Tambai ma di hami haporseaon dohot panghirimon Ale Tuhan, asa marsada ni roha hamion di na saluhutna mangulahon parsuruonMi di nasa pardalanan ni ngolunami.

L1 : Di tongatonga ni keluarga, huta, masyarakat, nang HuriaM, huhatindanghon hami ma panindangion na mandok Ale Jahowa, Sigomgom hami. Mansai sangap do goarmu di liat portibi on, dipatimbul Ho do hamuliaonMu ro di atas ni angka langit.

H    : Debatanta Na Sangap Jala Na Timbul do Ibana.

Pjm : Tangiang Pelean – Tangiang Ale Amanami – Tangiang Pasupasu!

S : Amen…Amen…Amen

 

KHOTBAH 1 KORINTUS 15:50-58

 

BAHAN SERMON PARHALADO HKBP RESORT KISARAN

MINGGU UJUNG TAON PARHURIAON, 20 NOPEMBER 2022

Nats : 1 Korintus 15 : 50 - 58

ALLAH MEMBERIKAN KITA KEMENANGAN OLEH YESUS KRISTUS

 

  Bagian ini merupakan penghujung dari pembahasan Paulus tentang kebangkitan orang-orang mati. Sebagian jemaat di Korintus menolak kebangkitan orang mati atau kebangkitan tubuh (15:12) karena mereka terpengaruh dengan pemikiran duniawi (15:32-33). Dari perspektif dualisme Yunani yang menganggap tubuh (materi) sebagai elemen yang buruk, kebangkitan tubuh memang sukar untuk dipahami, apalagi diterima. Mengapa sesuatu yang “buruk” kelak perlu dikembalikan lagi? Bagaimana tubuh seperti sekarang bisa cocok dengan dunia roh kelak?

  Jawaban Paulus terhadap persoalan ini cukup panjang (dari 15:1). Jawaban yang lebih spesifik dan konkrit mulai diberikan di ayat 35 Tetapi mungkin ada orang yang bertanya: “Bagaimanakah orang mati dibangkitkan? Dan dengan tubuh apakah mereka akan datang kembali?”). Realitas sehari-hari menunjukkan bahwa perubahan wujud (“tubuh”) sangat dimungkinkan (15:37-38). Allah sudah menyediakan tubuh yang khusus untuk keberadaan yang khusus pula, termasuk kemuliaan yang khusus bagi masing-masing tubuh (15:39-41). Hal yang sama berlaku pada tubuh kita. Dari Adam, kita mewarisi tubuh alamiah yang bisa binasa; di dalam Kristus, kita akan mendapatkan tubuh rohaniah yang kekal (15:42-49).

  Teks khotbah ini membawa uraian Paulus lebih maju selangkah. Ada pemikiran baru yang ditambahkan. Paulus menyadari kesulitan yang dihadapi oleh jemaat Korintus seputar kebangkitan tubuh. Memang sukar untuk membayangkan bahwa tubuh yang sekarang ini akan tetap ada sampai kita kelak berada di surga dengan dimensi rohaninya. Paulus “mengamini” pandangan mereka dengan berkata: “daging dan darah tidak mendapat bagian dalam Kerajaan Allah dan bahwa yang binasa tidak mendapat bagian dalam apa yang tidak binasa” (ayat 50). Ayat ini berbentuk paralelisme sinonim. Frasa “daging dan darah” sejajar dengan “yang binasa”, sedangkan “Kerajaan Allah” sama dengan “yang tidak binasa”. Yang ingin disampaikan adalah ini: tubuh kita yang sekarang, entah kita berada dalam keadaan hidup atau mati, memang tidak cocok untuk Kerajaan Allah. Tidak masuk akal apabila sesuatu yang dapat binasa bisa berada dan bertahan dalam suatu realitas yang tidak dapat binasa.

  Kalau demikian, bagaimana tubuh kebangkitan dapat dimungkinkan? Di mata Paulus, kunci untuk persoalan ini merupakan sebuah rahasia (ayat 51) yang merujuk pada sesuatu yang dahulu masih tersembunyi tetapi di kemudian hari dibukakan. Pembukaan rahasia ini terletak pada karya Kristus (ayat 45-49). Tanpa Kristus, misteri ini tidak akan terbuka dan dipahami. Melalui kebangkitan Kristus, kita bisa mendapatkan gambaran yang lebih jelas tentang perbedaan antara tubuh lama dan baru. Ada kesinambungan dengan yang lama, namun tidak mungkin persis sama. 

  Bagaimana dan kapan perubahan tubuh terjadi? Transformasi ini ditandai dengan beberapa karakteristik, yakni:

- Terjadi melalui kuasa ilahi (ayat 51, 52). Bentuk pasif yang tanpa subjek eksplisit menyiratkan suatu pekerjaan ilahi.

- Terjadi dalam sekejap ( ayat 52). Kata ini merujuk pada sesuatu yang tidak bisa dipecahkan lagi, berarti waktu tersingkat yang dapat dibayangkan. Dalam ungkapan modern biasa disebut “dalam sekejap mata”.

- Terjadi pada saat kedatangan Kristus yang kedua kali (ayat 52). Nafiri terakhir biasanya berkaitan dengan tradisi eskhatologis.

- ada kesinambungan antara tubuh lama dan tubuh baru (ayat 53). Ayat ini menyediakan gambaran yang agak konkrit tentang transformasi tubuh. Tubuh yang lama tidak dimusnahkan, hanya diberi “pakaian yang baru” (lihat kata “mengenakan” ).

  Perubahan ini pasti terjadi (ayat 54-55). Apa yang akan terjadi sebenarnya sudah lama direncanakan oleh Allah. Momen itu akan menggenapi (ayat 54b). Pertanyaan retoris “Hai maut, di manakah kemenanganmu, hai maut di manakah sengatmu?” berasal dari Hosea 13:14. Dalam konteks asli, dunia orang mati (Sheol) dan kematian (maut) berkaitan dengan penghukuman bagi kejahatan Efraim. Dari perspektif kebangkitan Kristus, kejahatan dan maut telah dikalahkan. Apa yang sebelumnya merupakan berita penghukuman bagi umat Tuhan, sekarang justru berubah menjadi ejekan bagi maut sendiri. Kristus sang Terang, menerangi kegelapan. Di dalam Kristus dan karyaNya yang sempurna membuat apa yang masih tersamar dalam Perjanjian Baru menjadi terang-benderang, termasuk tentang kematian dan segala yang berhubungan dengan kematian.

  Minggu akhir tahun gerejawi biasanya dipakai sebagai momen untuk mengenang saudara/saudari (jemaat) yang meninggal dalam satu tahun terakhir. Hal ini dilakukan untuk mengingatkan bahwa kita yang masih hidup juga pada saatnya akan mengalami hal itu.

Melalui khotbah kita hari ini, kita diingatkan untuk:

1. Tetap takut akan Allah walaupun kadang cara kerja Allah tidak dapat kita mengerti.

2. Kristus membuat keselamatan menjadi terang

3. Apa yang telah dilakukan Kristus diresponi dengan tetap setia kepadaNya ( I Kor 15:58 )

 

 

 

Jamita Evangelium Minggu 13 Nopember 2022 Maleakhi 3:19-24 ( Alkitab Maleakhi 4:1-6

 

Bahan Sermon Evangelium HKBP Resort Kisaran

Minggu, 13 Nopember 2022

Naeng Ro ma Ari ni Jahowa

Maleakhi 3:19-24 (Alk:Maleakhi 4:1-6)

 

I. Patujolo Ni Turpuk

Buku Panurirang Maleakhi ima buku parpudi di di Bibel Padan Na Robi alai godang do barita na pinasahat na tu hita angka na porsea. Maleaki lapatanna “ na si nuru ni Debata”. Lapatanna ia barita na pinasahat ni panurirangon ndang sian dirina alai sian Debata do barita i. songon na si nuru ni Debata ibana, satia do ibana  diparsuruan  i. Sian sejarah ni ngoluna dipabotohon ibana do halak Jahudi na tinggal di Jehuda dung sidung uhum ni Debata tu bangso Israel di habuangan i. Jala dison ma tingki panurirang I mangula jala barita na binaritahin ibana asa bangso I porsea muse tu Debata alai dibagasan hasatiaon  tu padan naung dipabotohon Debata tu bangso I (Mal 2:4-5). Angka pamujion dibagasa joro unang ma diuka sian roha na so ias, ai ndang dihalomohon Debata tangiang dohot pamujian na so tutu. Unang ma mar Debata sileban (Mal. 2:10-12), unang ma adong na sirang parsaripeonna (2:13-16), unang ma manangko hepeng ni bagas joro nang parpuluhan pe songon i, ai Debata do nampuna I sude. Alani, molo diula do I sude ingkon na porsea situtu do tu Debata. Jala on do na binaritahon ni panurirang Maleaki asa unang diboan nasida bangko-bangko ni hajolmaon molo tung mulak nasida sian habuangan Babel tu Jerusalem. Asa mangolu ma nian bangso I songon bangso naung pinillit ni Debata asa diari haroro ni Tuhan I, gabe ari las ni roha I di dibangso I nang di sude angka na porsea tu Debata. Songon barita na pinasahatna di turpuk on, diari haroro ni Tuhan I marlas ni roha ma sude angka na porsea di Ibana. 

II. Hatorangan Ni Turpuk

            1) Jambar ni Halak na porsea di Haroro ni Tuhan i

            Diayat 19 I mansai tangkas do dipaboa panurirang Maleaki taringot jambar ni halak na mangulahon hajahaton. Pola do ditudoshon songon durame na hona tutung na so adong be tading manang aha. Lapatanna ia angka na so olo paubahon rohana sahat di ari haroro ni Tuhan i, uhum do na gabe jambarna. Ingkon hona uhum ni Debata do angka na mangalo tu Debata jala ndang tagamon adong na tading. Alai, molo angka na porsea I, ima na mabiar tug oar ni Debata Jahowa, nasida na tigor rohana, na so marroha pangansi, nasida na marholong ni roha, jala nasida pasangap Debata. Songon parbinsar ni mataniari hatigoran I dipeop rohana jala dipamalum Debata do angka habongna na loja mangulahon patik i. Bahwa akan ada pemulihan yang diberikan Allah bagi orang setia pada kebenaran Allah. Pemulihan yang dilakukan oleh Allah memberikan sukacita yang besar bagi orang percaya. Songon na digombarhon dibagasan turpuk on ima songon anak ni lombu na haruar sian bara. Las ni roha bolon do na jumpang hita diari haroror ni Tuhan I molo satia hita di Debata. Orang dpercaya yang telah dipulihkan Allah akan menginjak-injak orang berdosa yang sudah menjadi abu. Hatuaon do na dipadanhon Debata tu angka na porsea di Ibana alai uhum do dijalo ni halak na so satia dipatik dohot uhum ni Debata.

            2). Siparadeon Manomunomu ari ni Tuhan i. Aha do na masa di ari Tuhan I jala andigan do tingki haroro ni ari ni Tuhan i? On do na jotjot gabe sungkun-sungkun di hita. Alai dibagasan turpuk on didok panurirang Maleakhi do, andorang so ari ni Tuhan i, na ro ma sahalak panurirang ima si Elia na gabe patujolo ni  haroro ni Debata. Haroro ni panurirang Elia martudutudu ma on tu Johanes Pandidi di Padan Na Imbaru (Mat. 11:7-14) ima na mamboan barita ni hasintongan ni Debata. Jala ibana do na gabe sitotas dalan di haroro ni Jesus Kristus tu portibion (mempersiapkan jalan bagi Mesias ). Jala ari ni Tuhan i na dibaritahon panurirang Maleaki nunga masa i di haroro ni Kristus tu portibion marhite hatutubuNa jala na ro ma Ibana muse paduahalihon. Alai, taingot ma ari ni Tuhan holan Debata do na umbotosa. Alani do, saleleng maimaima bangso I nang angka na porsea ingkon do tongtong diparade dirina laho manomu ari ni Tuhan I, ima na pinasahatna diayat 24 i. Marhite angka panghobasion ni panurirang na mamboan soara hamubaon ni roha tu angka bangso asa mulak mananda Tuhan i jala ndang hona uhum di ari na parpudi i. disoarahon do asa tongtong mangarade angka na porsea managam haroro ni Tuhan I marhite na mansohot mangulahon na jat alai mulak tu Dalan ni Debata.

III. Sipahusorhusoron

            Ndang adong na umboto andigan haroro ni Tuhan I alai manang sadihari pe I, ingkon do rade hita manomu ari ni Tuhan i. Haroro ni Tuhan I na paduahalihon ido na tapaima sahat tu bagasan tingki on. Jala laos I do disoarahon turpuk on tu hita angka na porse tu Ibana asa di namanagam hita di haroro na I ingkon barani do hita manaluhon hajahaton ni portibion (Rom.12:2).  Alani do, marhite turpuk on dijou do hita asa managam ari ni Tuhan I hita dibagasan ulaon dame dohot las ni roha. Dipaingot Debata do hita asa mulak hita mandapothon Tuhan I. Ari ni Tuhan I ima mangalehon panghirimon asa unang tubu angka biar ni roha tu angka namangulahon na denggan jala tu angka na mangulahon hajahaton naeng marhamubaon ni roha. Alani, tatagam ma haroro ni Tuhan dibagasan panghirimon dohot haporseaon tu Debata. Ai parasiroha do Debata marhitehite Jesus Kristus AnakNa I naung rot u portibion. Amen.

Jamita Evangelium Jesaya 11:1-10

 

Bahan sermon HKBP Resort Kisaran

Tu Minggu 27 Nopember 2022 Minggu Advent I

TOPIK : RAJA NI HADAMEON NA NAENG RO I

Ev. Jesaya 11:1-10

I. Patujolo

Tongon di tano Babel do bangso Juda dipasahat si Jesaya barita on. Lungun situtu dihilala ala naung lengse Jerusalem dohot Bagas Joro na badia pinajongjong ni raja Salomo na tarbarita i. Nunga maheu be luhut nasida ala naung mago sude na tau sihalashononna. Isara hau,nunga rumpak bangso i ala naung tartaban di tano na leban. Lea nasida ala ingkon mangolu dao sian bonapasogit. Di taon 586 andorang so hatutubu ni Kristus do masa i dibahen raja Babel, Nebukadnezar. Nunga lobi 2600 taon dung dipaboa si Jesaya hata ni Jahowa tu bangso Juda, alani ringkot situtu nuaeng taida lapatan ni hata i di ngolunta.

Dung tabege barita masa sian turpuk on jala dung tajaha angka pandohan na binaritahon ni si Jesaya, tung maol do gombarhononhon hinauli ni na naeng masa sipatupaon ni Tuhan i. Suhar ni naung hea masa do nilumbahon ni panurirangion i molo di pahombar tu harajaon dohot panggonggomion. Andorang di Jerusalem dope bangso i nunga godang bangkit raja dohot panuturi di tongatonga nasida. Tarhirim do bangso i di panggomgomion nasida ala so hombar tu patik dohot uhum ni Jahowa. Mangahut tu diri na be do angka partogi ni bangso i. Di papeol uhum holan laho pamorahon dirina. Torop jolma marpogos digosagosa angka na gogo. Nang angka na sopot so marama so marina dohot angka na mabalu pe nunga marsingkor ala so adong na mangondihon. Hombar tu na masa i ma ro uhum sian Jahowa. Diloas ma bangso Babel laho manaban jala dibuang bangso i tu Babel. Ingkon taononnasida do na masa i asa olo mananda hadirion ni Jahowa jala asa muba sian parange naso unjur tu lomo ni roha ni Debata. Alai, marhite panurirangion on laos di paboa ma tu bangso i, ndang na dibolongkon Jahowa nasida di tano na leban i, alai naeng manjou nasida mulak tu dalan na sintong. Ala nunga dao partogi ni bangso i manimbil sian hasintongan, dipabotohon ma ndan na songon i na naeng ro i, i ma Mesias i. Ise do Raja i?

II. Hatorangan

1. Tunas sian tungko ni si Isai

Hot do habangsa ni si David di adopan ni Jahowa. Nang pe hira naung mago harajaon i sian pomparanna ala naung tartaban luhut nasida alai dilumbahon do tu nasida na ingkon ruar sada tunas sian tungkona jala marparbue sada tubis na tubu sian uratna. Nang pe naung marumpak harajaon i alai ndang laos mago ai martumbur do muse sada tunas sian i. Tunas na ruar i ma pahothon harajaon ni si David. Nang pe naung tarrimas Jahowa mamereng pangalaho ni angka raja na manghunduli habangsa ni si David, alai ndang gabe disosa Jahowa uariNa tu nasida. Nuaeng na gabe tandi i ma Jahowa sandiri pajongjonghon harajaon i.

2. Disonggopi Tondi ni Jahowa

Ndada holan huaso alai dohot do nang sahala harajaon i marhuraja di hadirion ni Raja i. Tondi ni Jahowa do na songgop tu ibana i do na sai marniula na manghamham: (a) manggohi hadirion, paiashon daging nang tondi; manguluhon ngoluna; (b) mamparbisuhi dohot mangajari; (c) mananda na masa di ngolu ni jolma; (d) mangalehon panuturion mananda na sintong; (e) huaso laho manguhum dibagasan hatigoran; (f) pangantusion di ngolu partondion laho mangulahon na hombar tu lomo ni roha ni Jahowa; (g) biar mida Jahowa di sude panggulmiton.

Tangkas do di padan na robi barita taringot tu raja na disonggopi Tondi ni Jahowa. Pandonganion ni Jahowa do apala lapatanna disi. Molo so didongani Tondi ni Jahowa sahalak raja sursar do pingkiran dohot pambahenanna songon na masa di ngolu ni si Saul. Alai, raja David dohot Salomo, ala didongani Tondi ni Jahowa nasida, marhasil do sude panghobasionna songon sada raja na manggomgomi di tonga ni bangso. Asa, molo di ibana do Tondi i, marlapatan ma, Jahowa do na mangarajai ngoluna, pambahenanna pe ingkon sai hombar ma tu lomo ni roha ni Debata. I do umbahen ndang adong biar di angka naung sinonggopan ni Tondi ni Jahowa tung ise pe diadopi marparkaro laho manghajongjonghon hatigoran.

3. Patupa ngolu na marhasonangan

Dung di bagasan hasintongan parsaoran ni jolma ginomgoman ni Raja i, hasonangan ma na ingkon daionnasida. Ndada holan parsaoran di hajolmaon alai dohot do nang di sude na tinompa ni Debata. Hira so siat do nian tu pingkiran pinaboa ni panurirang i, songon dia tagamon boi rap manjampal lombu dohot babiat? Na somal lombu do dipangan babiat, ai i do sipanganonna. Songon dia muse manggompang babiat di lambung ni hambing? Sude pandohan di ayat 6-8 ndada nipi manang holan anganangan sambing. Di porlak Eden, di panompaon ni jolma na parjolo i nunga hea masa i. Ndang masiallangan angka na tinompa i. Sonang do luhut masilului sipanganonna. Molo didok manjampal na marlapatan manggagat duhut manang ramba angka na tubu di porlak i do sude. Nang jolma na parjolo i pe sian parbue ni hau do sipanganon ni nasida. Asa singkop do diparade Debata di angka na tinompaNa i. Alai dung madabu tu bagasan dosa jolma i, gabe hurangan ma nasida.Pangalaosion di tona ni Jahowa do mambahen jolma i sai mauas jala male ala ndang sian hata ni Debata be hangoluannasida.

III. Panimpuli

Ia Mesias na pinarbagabaga ni angka panurirang di padan na robi, i ma Tuhan Jesus Kristus. Ibana do Raja, naung ro manopot pardangolan ni portibi on. Ibana do anak ni si David naung manghamonanghon hamatean marhite haheonNa laho manobus pardosa. Ibana do Anak ni Debata na gabe jolma ro laho pahothon hatigoran dohot hasintongan. Pardengganan do diboan Ibana tu portibi on. Dung masa hadameon i di tano on, ndang adong be sihabiaran. Dakdanak na metmet pe boi ma marmeam dohot ulok dari. Nang angka binatang i pe ndang masiallangan be. Di ayat 9 didok „ndang adong be na manjahati di dolok habadiaonku“, martudutudu tu Jerusalem manang Sion do i. Disi do bangso i ro marsomba mamboan angka pelean tu adopan ni Jahowa. I do di pangantusion ni halak Israel. Alai di angka na porsea di Jesus Kristus, ndang holan Sion be inganan habadiaon ni Jahowa. Didia pe tahe jolma i dung dijanghon Mesias, Raja hadameon i, ndang be manjahati roha nang pingkiranna. Amen