Jamita Evanelium (MATEUS 27: 45-56)

 

BAHAN SERMON PARHALADO HKBP RESORT AGAPE P.KERINCI EVANGELIUM PARNINGOTAN ARI HAMAMATE NI TUHAN JESUS

TUTU DO JESUS ANAK NI DEBATA (MATEUS 27: 45-56)

I.                   PATUJOLO

Songon tolu Evangeluim nari, Evangelium Mateus pajojorhon barita pangulaon ni Tuhan Jesus uju di tano on Ibana. Dimulanai Evangelium Mateus disurathon laho tu komunitas ni halak Kristen na berlatarbelakang Jahudi. Ido asa tumorop do Mateus mamangke angka turpuk sian Padan na Robi laho mangondolhon hadirion ni Jesus. Sada sian i taida ma di bagasan turpuk Mateus 27:45-56.

Mateus 27:45-56 mamaritahon taringot angka na masa di seputar partingkian uju na tarsilang Tuhan Jesus sahat tu na tos hosaNa. Dibaritahon do disi manang pigapiga na masa na mambahen longang, laos disi do nang idaonta sada panindnagion na uli songon Topik ni minggu I, sian sahalak soldadu ni Rom na marnida sude na masa i paboa na tutu Jesus i Anak ni Debata.

II.                HATORANGAN

Ayat. 45: di detik-detik hamamate ni Jesus i tung masa do sada halongangan ima mangholom ari ro di 3 jom lelengna. Di partingkian na aso adong dope listrik hatiha i – na boi manigor pagalakon lampu- jala na so adong pangaradeon ni saluhut halak mamboan palito ala tongon di hos ni ari do na masa i, jala muse ala Golgata maringanan di duru ni huta Jerusalem ndang apala boi nasida manigor sigop mambuat palito. Tontu boi ma tabayangkon songondia golapna pola marimpotimpot tahe dibahen holomna. Ndang boi marsiberengan sahalak tu na sahalak nari. Asa marhite haholomon na 3 jom i, digombarhon i do ngolu ni jolma alani dosa i, ndang be boi marsiberengan jolma i di bagasan holong, bingung akan masa depan, ndang diboto aha na niulana alani haholomon i.

Alai intap ni tolu jom do mangholom mata ni ari, dungi mulak do muse torang. Asa dipatuduhon na masa i do nang na so tupa be di bagasan haholomon i jolma i ro di saleleng ni lelengna, ala ni Kristus naung tarsilang humongkop jolma, asa tutu ma Jesus do Panondang ni portibi on (Pat. Joh.8:12). Ido asa dung 3 jom mulak tiur ma saluhut luat i. Dohot jempek boi dohonon “3 jam memang waktu yang cukup lama, tetapi bukan selamanya”.

Angkup ni I, adong do nang pangalapation na asing taringot tu na masa na holom 3 jom

i. Mandok na dohot do nang portibi on berkabung ala hamamate ni halak partigor ima Jesus humongkop angka pardosa. Asa marojahan sian na masa i naeng ma nian pasidohot hita mandok di bagasan dirinta “holan alani ahu pardosa on pola ingkon mate sahalak partigor”. Asa tangkas ma na masa on pahinsathon las ni rohanta dohot lam pagalakhon

panghirimonta di Debata naung mangasii hita, huhut mangonjar hita laho pature nasa parange ni ngolunta.

Ayat. 46: Dung mulak torang mata ni ari dipangiar ma soaraNa manganggukhon “Ale, Debatangku, Debatangku, boasa tung tadinghononMu ahu” (Eli,Eli lama sabachtani). Sasintongna ingkon hita hian do na mandok i, alani bernit ni sitaonon hinorhon ni uhum alani dosa. Ai ido na masa hinorhon ni dosa, gabe sirang manang dao hita sian Debata na badia i. Alai nunga dibuat Tuhan Jesus i saluhutna laos diampehon tu dirina, gabe Ibana “mewakilhon” hita manaon hansitni sitaonon alani dosa I (Pat. 1 Petrus 2:24; Jes.53: 4- 7).

Ayat 47-49: Dung masa halongangan ima haholomon na tolu jom i, jala dibege natorop i soara ni Jesus na mangangguk i, laos so muba do roha nasida. Pola dope direhei mandok “Dijou Si Elia”. Laos adong muse ma na mabuat limut na sinaorhon dohot asom, dipalohot tu tolong laho painumhon Ibana. On pe ndada asi ni roha na binahenna, ndada holong na naing patuduhononna tu Jesus i, alai gariada naing lumeleng paidaidaonna Jesus i manaon na hansit, ai gabe sipamago panghilalaan (semacam bius) do limut na sinaor tu asom.

Ayat. 50: Diulakhon Jesus ma muse marsoara na gogo, dungi tos ma hosana. Nian ndang apala dipatorang Mateus aha na nidok ni Jesus dison, alai boi do dapot hita sian evangelium Lukas 23:46 ima “Amang tu bagasan tanganMu hupasahat tondiKu”. Sada hal na uli do na pinatuduhon ni TUhan Jesus dison, nang naung hancitan ibana di ujung ni ngoluNa, alai ndang lupa pasahathon tondina Tu Debata Ama i.

Ayat 51-53: On ma angka tanda halongangan na masa muse asing ni mata ni ari na mangholom nangkin. Maribak hirehire na di bagas joro sian ginjang tu toru. Adong 2 macam hirehire manang tirai di hata Indonesia na adong di bagas joro hatiha i. Na parjolo maringanan di pintu masuk bilut na badia na holan angka malim boi masuk tusi, jala na sadanai ima na manirang bilut na badia dohot bilut na sun badia, na somalna holan Sintua ni Malim (imam besar) na boi masuk tusi di ari raya pardamean (Pat. 5 Musa 16). Di tingki hamamate ni Tuhan Jesus, hirehire na paduahon i ma na maribak. Asa marhite i naing patuduhonon ni na masa i nunga tarbka be akses ni bangso ni Debata tu Debata. Asa ndang be ingkon sintua ni malim i na boi manjonoki Debata alai, tung sude halak do ala hadirion Tuhan Jesus.

Angkup ni i muse, masa ma nang lalo mambahen humuntal tano gabe mungkap ma angka tanoman jala hehe ma torop angka na badia na modom disi, jala ruar nasida sian angka tanoman I dung hehe Jesus laos ro tu huta na badia ima Jerusalem. Ndang adong pola dipatorang Mateus angka ise do na badia na hehe sian na mate i jala tu angka ise nasida patuduhon dirina. Alai na boi putihonta sian na masa i ima, marhite hamamate

ni Kristus i gabe patar/nyata do haheheon dohot hangoluan i, ndang be hamatean ujung ni angka na porsea i alai hangoluan sogot do naung pinarade ni Debata dung marujung partingkianta di hasiangan on. Mangihuthon panorangion ni Pdt. PM.Sihombing di buku Golgota “punguan na hohom di parningotan ari hamamate ni Tuhan Jesus” i didok “Ia hamamteMi Jesus, gabe hamamate ni hamateanku do i, ia hamamtemi Jesus, gabe pintu hamasukanku do i tu surgo hasonangan i/hangoluan salelengna”.

Ayat 54: Sada panindangion na ro sian sahalak Induk ni Soldadu ni Rom na pasidohot mangulahon eksekusi mati tu Tuhan Jesus. Tontu songon sahalak induk ni soldadu ni Rom ibana nunga pasti ndang halak na mananda Padan na Robi na paimaimahon haroro ni Mesias jala songon halak soldadu ni Rom nasida ndang halak na manghaporseai Jesus, ai kesar do dohot ganaganaan do disomba nasida hatiha i. Alai boi do ruar sian ibana panindangion paboa na so jolma biasa Tuhan Jesus i, pola didok “tutu do halakon Anak ni Debata” dung diida ibana dohot angka donganna sude angka halongangan na masa i. Induk ni Soldadu ima halak na mamarentahon asa mangalinsingi Jesus, na mamarentahon asa mamakku tangan dohot pat ni Jesus di ujungna longang jala ndang tartaon ni simanghudapna laho manghatahon sada panindangion taringot tu hasintongan paboa tutu do Ibana anak ni Debata.

Ayat. 55-56: Torop angka boruboru na manatap tu Jesus na tarsilang i, ima nasida angka na mangihuthon Jesus saleleng panghobasionNa mamungka sian Galilea. Menarik do boasa disurathon Mateus taringot tu angka boruboru na sai manongtong di sekitar ni silang ni Jesus i, laho mandok parsitutuon nasida di holong dohot haporseaon di Tuhan Jesus. Ndada holan di tingki masa panghobasion ni Jesus na gok angka halongangan dohot pangajarion i nasida paihutihut Jesus huhut pasidohot patureture na ringkot di Jesus, alai sahat tu na mate tarsilang pe Tuhan Jesus i lohot do roha nasida tu Ibana. Nunga tangkas di roha nasida hamesiason ni Jesus ndada songon na hinirim ni torop halak na menyambut Jesus uju masuk tu Jerusalem ima Mesias na laho manguluhon paraloan dompak Rom, alai Mesias na dao gumogo ima na pasaehon paraloan tu huaso ni dosa ima hamatean. Angkup ni i, boi dohonon angka pemberani do nasida na sai marsihohot disi paidaida Tuhan Jesus naung mate i.

Ndang mabiar nasida tu resiko ditangkup soldadu ni rom, manang dikucilkan halak Parise, Malim na mamparsilangkon Jesus, ala hasolhoton nasida tu Jesus. Ndang songon si Petrus nasida na sanga mansoadahon Jesus, ndang songon angka sisean na asing i nasida na laho maporus uju ditangkup Tuhan Jesus (Mat. 26:56). Sada tiruan do na pinatuduhon ni angka boruboru on ima parsihohoton dohot hasatiaon di Jesus.

III.             Refleksi

1.    Jumat agung, hari yang tak seorangpun dari antara kita mau mengalami tragedy yang mengerikan dan sangat ironis di dalamnya. Namun meski demikian, Jumat agung menjadi satu persitiwa penting dalam keberimanan kita di mana pada saat inilah kita mengenang/mengingat puncak pelayanan Yesus yang agung yakni mewujudkan penebusan atau keselamatan bagi umat manusia dengan melewati berbagai cacian, makian, pukulan, cambukan dan berbagai hal yang begitu jahat dan mengerikan yang diterima Tuhan Yesus. Dikatakan Jumat Agung karena di dalamnya terjadi peristiwa Penebusan yang agung Oleh Yesus sebab hanya melalui itulah kita semua dapat diselamatkan dan diperdamaikan dengan Allah. Maka menjadi perenungan bagi kita, dengan mengingat kembali betapa mengerikannya dan menyayat hati apa yang dialami oleh Tuhan Yesus yang mengambil alih posisi kita untuk menanggung penderitaan sebagai upah dosa, apakah kita masih akan terus melakukan dosa? Apakah kita masih tega melukai hatinya setelah sebuah “perbuatan agung” yang telah dilakukan bagi kita?. Setiap tahun kita selalu dengan konsisten mengingat dan merekonstruksi kembali bagaimana proses viadolorosa itu, satu hal yang pasti, harusnya itu semakin mendorong kita mencintai Dia, mewujudkan apa yang diinginkanNya dalam hidup kita sebagai orang yang telah ditebusNya.

2.    Molo sahalak induk ni soldadu na di mulanai mamarentahon asa mangalinsingi dohot mamparsilangkon Jesus diujungna muba manghatindangkon hasintongan taringot tu Tuhan Jesus, nda lobian ma nian hita? Nda patut ma pujipujian dohot roha mauliate tapatuduhon di holong ni Jesus tarlobi asiasiNa i?

Pdt. Titus A. Gultom S.Th/Judika Sei Medang

Ev :Mateus 28: 16 – 20 Gabe Sitindangi Debata Sitolusada/Menjadi Saksi Allah Tritunggal

Sermon Jamita HKBP Ress. Agape Pkl.Kerinci

Minggu Trinitatis, 31 Mei 2026

Gabe Sitindangi Debata Sitolusada/Menjadi Saksi Allah Tritunggal

Ev :Mateus 28: 16 – 20

Patujolo

Buku Evangelium Mateus dibahen do di bona ni Padan na Imbaru ala i do na menjembatani Padan na Robi dohot Padan na Imbaru. Adong do hampir 400 taon jurang partingkian ni Buku Maleaki (songon buku na parpudi di Padan na Robi) dohot Buku Evangelium Mateus (buku na parjolo di Padan na Imbaru). Hira na gabe kelanjutan ni buku Maleaki do buku Evangelium Mateus on, ala adong hasintongan na uli na mardomu tu dua buku on, aha na dibagabagahon di buku Maleakhi digohi do i di bukku Evangelium Mateus. Dibagabagahon panurirang Maleaki do haroro ni “Surusuruan Parpadanan” (Maleaki 3:1) dohot “SuruanNa, na parade dalan”, bukku Mateus pataridahon hagogok ni baga-baga i marhitehite haroro ni Tuhan Jesus Kristus dohot na parade dalan di Ibana, i ma si Johannes Pandidi. Evangelium Mateus mamuha peralihan sian panurirangon di Padan na Robi tu panggohionna di Padan na Imbaru, sian Patik tu Asi ni roha, sian si Musa tu Kristus.

Ia na manurat buku on, ima sisean ni Tuhan Jesus na margoar Mateus, digoari do nang ibana “Levi anak ni si Alfeus”(bdk Markus 2:14). Disurathon ibana bukku na on dikisaran tahun 50 – 90 M. Sijalobeo do ibana dimulana, na karejo tu halak Rom (Mateus 10:3). “Mateus” lapatanna “Silehonlehon ni Debata”. Dimulana, ditujuhon ibana do buku on, tu angka Halak Jahudi nang tu Halak Kristen na marharoroan sian Jahudi, ima angka naung tangkas mananda angka barita panurirangon taringot tu Mesias na adong di Padan na Robi. Ala hadirion ni Jesus songon Mesias Sipalua naung pinarbagabaga i do na gabe penekanan ni bukku evangelium on.Turpukta Mateus 28:16-20 on, jotjot do digoari “Parsuruan na Balga” (Amanat Agung) ni Tuhan Jesus tu angka siseanNa, ima parsuruon (tona) parpudi na pinasahat ni Tuhan Jesus andorang so manaek Ibana tu Banua Ginjang. Parsuruan (Tona) on ndada holan relevan jala ditujuhon tu angka sisean-Na hatiha i sambing, alai dohot do nang tu hita di tingki on jala tu saluhut na porsea angka siihuthon Jesus di sandok partingkian.

 

 

 

Hatorangan Ni Turpuk

Ayat 16, di ayat 16 on dipatorang apostel Mateus do, ia inganan parpunguan nasida rap dohot Tuhan i andorang so manaek i Tuhan Jesus tu banua ginjang ima di sada dolok na adong di luat Galilea, sian i ma Ibana hinsat manaek tu banua Ginjang. Taringot tu goar ni dolok i, adong do perbedaan pendapat. Di Kisah Para Rasul 1: 11 –12 dohot di Lukas 24: 50 – 52 goar ni dolok ingananan hahihinsat ni Tuhan ima dolok Zaitun, sada dolok na jonok tu Yerusalem jala jonok tu Betania . Hape di bukku Mateus on inganan hananaek ni Jesus ima dolok na adong di daerah Galilea. Di daerah Galilea adong piga-piga dolok ima Dolok Tabor (inganan transfigurasi Jesus), Dolok Beatitudes (inganan ni Jesus patupa Jamita Dolok), Dolok Meron, Dolok Arbel, dlna. Ra, diingot si Mateus dope ragam ni parjumpangan ni Jesus dohot angka sisean-Na di luat Galilea dung hehe Ibana sian na mate, songon naung pinaboa-Na hian, jala na pinasahat ni angka parompuan-parompuan na ro tu tanoman i. Alai adong do deba ahli na mandok, na naeng ondolhonon ni Apostel Mateus dison ima: didolok na di Galilea i do dipungka Jesus jamita-Na (Matius 5 – 7), laos didolok i do nang patupaon-Na jamita-Na na parpudi.

 

Ayat 17, dung diida nasida Ibana, disomba ma ibana, alai na ganggu do.

Sian ayat on tangkas do taida proses ni panandaion ni sisean i tu Jesus ndang marhadosdosan. Adong do deba sian nasida naung porsea, na Jesus i, Tuhan jala sipalua na pinarbagabaga i, alani do gabe disomba nasida Ibana. Alai deba nari ganggu dope roha nasida (distazo,  boi  dilapatani:  ragu-ragu  {doubted}  atau  bingung{hesitated}) taringot tu hadirion ni Jesus i. Alani ma di ayat 18 dipapatar Jesus ma hadirion-Na. Di ayat 17 on tangkas do taida, ndang na ditulak Jesus panombaon na tu Ibana i, lobi sian i tahe lam dipapatar Ibana do hasurungan-Na tu angka na ganggu roha i, asa porsea nasida tu Ibana.

Ayat 18, jadi didapothon Jesus ma…, hata on ditujuhon tu angka sisean i, lumobi ma tu angka na ganggu roha (εδιστασαν = Edistasan) dope taringot tu hadirion ni Jesus. Nunga jumpang tingkina pasinghophon ni Jesus partingkian-Na di portibion. Nunga nania lelengna nasida rap dohot Ibana, jala nunga diida, dibege nasida saluhut pangajarion-Na dohot angka halonganan naung binahen-Na, suang songoni nang sitaononon, hamamate dohot haheheon-Na. Nunga ingkon singkop nian partinandaon nasida tu Ibana, alai ternyata adong dope sian nasida na ganggu roha. Alani ma dipapatar Jesus muse hadirion dohot hasurungan-Na. “Nunga sahat tu Ibana nasa huaso na di banua ginjang, dohot na di tano on”, on ma pengakuan na umbalga na pinatupa ni Jesus, na patuduhon hasurungan-Na, hamulianonNa jala hasangaponNa sian angka natinompa i. Hata on patuduhon huaso-Na mangatasi saluhut na, patuduhon haDebataon-Na, Debata do Ibana di mulana, Debata do nang nueang jala Debata do Ibana ro di saleleng ni lelengna. Alani layak do Ibana manjalo panombaon dohot pamujion sian saluhut angka na tinompa

Ayat 19 – 20a, Laho ma hamu, podai hamu ma…didi hamu ma…laos ajari hamu ma…

Hata on, ima hata parsuruon na umbalga tu angka sisean i nang tu angka na porsea di sepanjang jaman. Ndung tangkas di nasida taringot tu hadirion ni Jesus, nuaeng dipangido Jesus ma tu nasida asa: parjolo, Laho ma hamu,asa laho ma nasida borhat mamaritahon barita nauli i tu saluhut bangso. Barita nauli naung binege nasida jala naung jinalo huhut nihaporsean nasida i ingkon do baritahononna tu sauhut bangso nang tu saluhut na tinompa i. Alani ingkon borhat do nasida (hita) manghatindanghon i, na so jadi i so holan dinasida (dihita) sambing, alai ingkon do “mengalir jala menyebar” tu saluhut bangso nang houm. Ala ndang marrimbar angka bangso i di adopan ni Debata, saluhutna do diasii Jahowa jala saluhutna do ingkon gabe hasahatan ni haluaon dohot hangoluan na binoan ni Jahowa i.

Paduahon, didi hamu ma, ulaon on marpardomuan do i tu pemateraian (kedudukan hukum – legal standing) ni halak na porsea, simbol ni sasahalak masuk tu komunitas keluarga ni Debata – siihuthon Kristus, tanda hamubaon ni roha dohot ngolu na imbaru dibagasan Kristus. Jala na patoluhon, ajari hamu ma, on ma muse ulahon na ingkon tapatupa dung tapasahat barita nauli i, ingkon ajaranta do nasida naung mambege barita nauli i, asa gabe sisean ni Tuhan i nang nasida, matoras di bagasan Tuhan i. Proses pemuridan on ingkon patupaon ni angka sisean I do asa masa ma proses pemuridan yang berkesinambungan (estafet).

Ayat 20b, Ai ida ma, sai na dongananku do hamu…

Laho mangapuli angka sisean i di na mangulahon ulaon na balga i, dijanjihon Kristus do pandonganion-Na tu angka sisean-Na i. Molo tajaha di pamuhai ni evangelium on ima Mateus 1: 23, dipatandahon apostel i do tu hita taringot tu hadirion ni Kristus, ai digoari do Ibana “Immanuel”, na marlapatan “Debata mandongani hita”. Songon I do nang di ujung ni panghobasion-Na, dijanjihon Tuhan i muse pandonganion-Na. Na rap jala donganan-Na do angka sisean i ro di salelengnilelengna. Angkup ni i, tongtong do Kristus rap dohot angka siseanNa i paima sidung ulaonnasida, “rasirasa ro ajal ni hasiangan on”. Bagabaga on do na merangkum Parsuruon Bolon i dohot Barita na Uli ni si Mateus.

 

Refleksi/Harimpunan

*Mateus 28:16-20 ima sada joujou tu ganup halak Kristen asa unang holan manangihon pangajarion alai nunga tingkina hita rap dohot sude angka parbarita nauli i, laho mandalanhon parsuruon ni Kristus Tuhan i – gabe sitindangi Debata. Unang ma hita lemba jala sai marsidalian.

 *Sai unang ma hita terjebak di zona rutinitas dohot zona nyaman sambing, alai barani ma hita mambahen haputusan dohot tindakan konkrit laho paboahon haporseaonta tu angka dongan. Di ganup pardalanan ni ngolunta tahatindanghon marhuaso do Ibana mandongani hita, mangalehon gogo, habisuhon dohot pangaramotion.

*Minggu 31 Mei digoari do Minggu Trinitas na marlapatan Hasitolusadaon ni Debata. Hasitolusadaon ni Debata, ido inti jala hakekat ni haporseaonta na ingkon tahatindanghon jala tabaritahon tu humaliang hita, asa boi antusan nasida jala haporseaanna. Unang ma mabiar hita laho manghatindanghon i.

BAHAN SERMON RESORT AGAPE PKL. KERINCI APRIL 2026 EVANGELIUM MINGGU PASKAH I, 05 APRIL 2026 1 KORINT 15 : 1 – 11 HEHE JESUS DI ARI PATOLUHON/YESUS BANGKIT PADA HARI KETIGA

 

BAHAN SERMON RESORT AGAPE PKL. KERINCI APRIL 2026

EVANGELIUM MINGGU PASKAH I, 05 APRIL 2026        

1 KORINT 15 : 1 – 11
HEHE JESUS DI ARI PATOLUHON/YESUS BANGKIT PADA HARI KETIGA

 

Dipaingot apostel Paulus do huria Korint ala ragu nasida di hasintongan di haheheon ni Jesus sian namate. Ai didok nasida, songon dia ma boi masa naung mate gabe hehe muse? Ise na boi pahehehon songoni? Adong do sitindangi taringot tu haheheon i?

Laho mangalusi on diarahon apostel Paulus do nasida laho marningot barita nauli naung binegena jala jinalona. Ai nunga dibaritahon I tu nasida paboa naung mate do Kristus alani dosanta, na tartanom do Ibana jala dipahehe di ari patoluhon laos dipataridahon do dirina ndang tu sahalak (kepas, sampuludua sisean Luk.24:36-49, lobi 500 dongan, tu si Jakobus, tu Paulus). Pandohan ni apostel Paulus on ma na gabe alus di keraguan ni ruas ni huria na di Korint taringot tu haheheon ni Jesus. Adong do sitindangi taringot tu haheheon I (saksi mata), dung hehe Jesus dipataridahon do dirina tu angka siseanNa, ndada holan tu sahalak alai tu sada punguan. Namarhagogoon do Ibana hehe ala Debata do Ibana jala marhuaso do manaluhon hamatean dohot sorop ni banuatoru. Namarhagogoon do Ibana pangoluhon na mate songon naung pinatupaNa di panghobasionNa.

Na pinangido ni Debata tu huria Korint marhite apostel Paulus, laos ido naeng jumpang di hita di tingki on, dia ma i:

1.                  Marojahan di hasintongan ni barita nauli i ma ngolunta.

Dijalo halak korint do barita nauli na pinasahat ni apostel Paulus alai ndang di ojahan I haporseaonna di pajongjong. Dibege nasida do panindangion ni apostel Paulus taringot tu hamamate dohot haheheon ni Jesus alai tuminggilan do nasida di angka poda dohot angka habisuhon ni portibi on. Mura dope munggil haporseaon dohot pangantusion nasida binahen ni angka parbinotoan na adong diportibi on. Nang pe naung dibege nasida pangajarion taringot hamatean dohot hahehon ni Jesus, na olo masa do hadirion ni na mambege ndang manjangkon manang talu disosak hansit ni ngolu (perumpamaan penabur = Mateus 13:1-23).

Sahat tu tingki on nang pe naung leleng manjalo, tumangihon, dohot gumuruhon barita nauli i, olo dope lobi porsea jolma di barita, mitos dohot angka barita na pinasahat ni portibi on, gabe mambahen ragu di hasintongan ni hata ni Debata dohot di haheheon ni Jesus.

Lam maju portibi on, lam timbo do parbinotoan, pangantusion jala lam bagas do logika berpikir ni jolma. Na boi masa do penelitian dohot analisa ni angka na pistar mangharhari barita na tarsurat di Bibel i. Sai mullop do angka pandangan naimbaru taringot tu pokok-pokok ni haporseaon secara khusus, sai adong do na sai torus manguhal di hasintongan ni natarsurat di bibel I marhite angka arkeolog, tokoh-tokoh sejarah, dohot angka na meneliti angka naskah manang surat-surat natumua, alai sudei ndang gabe menyangkal di hasintongan ni hata ni Debata. Hasintongan ni hata ni Debata hot do salelenglelengna jala ndang muba, ala hasintongan na tarsurat di bibel i na ro sian Debata do i na pinasahatna marhite tondiNa. Jadi unang holan manangihon dohot mangguruhon hata ni Debata, ingkon lam dihaporseai do hasintonganna jala di hangoluhon.

Mansai tangkas do didok ia hata ni Debata na dibaritahon tu nasida (halak Korint uju i) ido gabe parhitean gabe malua. On do nanidokna haluaon alani barita nauli manang hata ni Debata (Sola scriptura). Nanidokna dison paboa Hata ni Debata na tarsurat di Bibel i, ido standart na tumimbo na mambohali ganup angka naporsea di rumang ni angka pangalaho na denggan. Ndang adong otoritas na tumimbo na sarupa dohot bibel i na patoranghon taringot tu standar na manogunogu jolma di haporseaon dohot di ngolu hakristenon. Ndada holan hata natarsurat sambing na tarsurat di bibel i. Holan di Bibel ido tarsurat pangantusion taringot tu haluaon sian dosa na porlu di jolma na dipatupa Debata marhite panobusion ni Jesus.

2.                  Ala Haheheon ni Jesus : Ndang magopo hita porsea

Molo didok magopo lapatanna ndang marguna manang marlapatan; boi do holan napalojalojahon manang songon na manampul alogo (didok di buku parjamita). Mansai torop do jolma namandok ulaonna, haburjuonna, haringgasonna, pangoloionna, haporseaonna dohot angka partangiangonna "magopo”. Torop na mandok na so adong lapatan ni ibadahna dohot pelean na pinasahatna, magopo sude, ninna. alai marhite haheheon ni Jesus mansai tangkas diondolhon naso adong magopo angka nadenggan naung taulahon.

Mansai arga barita taringot tu haheheon ni Jesus. Alai ndada holan I, hinorhon ni haheheonNa I gabe lam patar ma tu hita jolma, paboa huaso hagogoonNa na so boi diihoti hamatean manang banua toru; na so adong na so mungkin di bagasan Jesus (Luk 1:37).

Haheheon ni Jesus didok John MacArthur: digombarhon songon jantung: na mamompa mudar mambahen sude bagian ni pamatang gabe mangolu (sama seperti jantung memompa darah yang memberi kehidupan ke setiap bagian tubuh). Haheheon ni Jesus gabe poros dan inti ni sude pangajarion dohot panindangion di barita nauli. Molo ndang hehe Jesus i, hakristenon boi do gabe barita sambing, angan-angan jala gabe sipaotooto. Alani haheheon ni Jesus I, ndang magopo hita porsea. Nunga dibaritahon Jesus hian tu angka siseanna na ingkon marsitaonon Ibana, jala mate dungi hehe di ari patoluhon, jala songon na binaritahon ni Jesus ido na niadopanNa laho paluahon jolma pardosa. Ndada holan Jesus mamaritahon i, dao andorang so tubu Jesus, nunga dibaritahon angka panurirang na ingkon marsitaonon anak ni jolma I (Jesaya 53: Hamba Tuhan yang menderita). Asa boi ma dohononta : Kebangkitan adalah peristiwa yang mengesahkan iman Kristen. (1 Korint 15:17). Mansai balga do panghorhon ni haheheon ni Jesus di hita, ai marhite haheheon i gabe jumpang ma di hita: parjolo: Kepastian di hasesaan ni dosa, ala marhite Ibana do sesa dosanta jala digarar utang ni dosanta. Paduahon :Adong Jaminan di hangoluan na manontong, jaminan di haheheon ni angka naporsea. Patoluhon: Dipatandahon tu hita: Ibana do mual ni hagogoon di angka naporsea.

Molo dipabotohon tu hita haheheon ni Jesus, gabe gogo do i di hita angka na porsea laho mangulahon dohot manghangoluhon hataNa jala mangalo angka dosa dohot pangelaela ni sibolis dohot tondi haportibion. Selamat paskah.

 

Pdt. Lawrence Tova Nadapdap/HKBP Maduma

JAMITA EVANGELIUM Minggu, 26 April 2026 (Minggu Jubilate) ULAON NI APOSTEL 2 : 22 – 28 Topik : “Las Rohangku Jala Marolopolop Soarangku”

 

JAMITA EVANGELIUM

Minggu, 26 April 2026 (Minggu Jubilate)

ULAON NI APOSTEL 2 : 22 – 28

Topik : “Las Rohangku Jala Marolopolop Soarangku”

I. Patujolo:

1. Selamat Paskah ma di hita saluhutna. Tongon di partingkian minggu dung pesta Paskah do minggu sadari on, ima minggu Jubilate. Sahat tu minggu hahasaor ni Tondi Parbadiaa (Pentakosta) ima ari palimapuluhon dung haheheon ni Jesus i sian na mate, sai tongtong do pe hita marningot habalgaon ni Pesta Paskah i.

2. Laos i do sintuhu ni las ni rohanta di na mar-Jubilate hita, asa marolopolop tu Debata ma sandok tano on (Psalm 66:1) mangendehon hagogoon, hamuliaon dohot hasangapon ni Debata huhut mamaritahon pandonganion ni Debata marhite Jesus naung hehe i, Debata na mangolu do Ibana.

3. Ido nang ojahan ni Barita Na uli, Jamita ni Apostel Petrus (Ulaon ni Apostel 2: 14-35) taringot tu Jesus na rade mate manaon na porsuk di hau parsilang i, jala manaluhon hamatean marhite haheheonNa i. Ibana do Kristus, Mesias naung binagabagahon ni Debata sian na robi sian pinompar ni si Daud. Laos Jesus i do na binaritahon ni angka Panurirang di Padan na Robi, pasingkophon bagabaga ni Debata tu nasa jolma. Asa malua ganup na porsea jala na manjou goar ni Tuhan i, marhite goar ni Jesus i (Ulaon 2 : 21)

II. Jubilate : “Las rohangku jala marolopolop soarangku”

1. Jubilate: Marolopolop tondingku dohot au malua hinorhon ni goar ni Tuhanku Jesus i. Jamita ni Apostel Petrus do turpukta on, di naung tangkas barani jala dihatindangkon ibana Jesus I do Tuhan na mate jala hehe sian na mate i. Dung songgop Tondi Parbadia tu sisean ni Jesus hombar tu na pinarbagaNa gabe sitindangingi (saksi) ma nasida di sandok na binege dohot na nidana taringot tu Jesus. Marlas ni roha do nasida jala barani gabe sitindangi ni Kristus i (saksi Kristus). Lumobi Apostel Petrus, andorang so songgop Tondi Parbadia i, mabiar situtu do ibana manghatindangkon Jesus i. Pola sahat tu na tolu hali disoadahon ibana na so tinandana Jesus i. Alai anggo di turpuk on (Ulaon ni Apostel 2: 14-35) ida ma nunga dipagogo Apostel Petrus soarana marbarita nauli, marjamita manghatindanghon Jesus I do Tuhan tu adopan ni bangso Israel, bangso na so porsea jala na manulak na marparsilangkon Jesus i. Marolopolop tondina manghatindangkon Jesus i. Hita bangso Israel na imbaru, angka na porsea di Jesus tangihon jala hatindanghon, Jamitahon ma Jesus di ngolum (ay.22-23)

Hita pe angka naung mambege jala manghaporseai Jesus i do Tuhan, Mesias, Sipalua sandok jolma nang portibi on, naeng dohot marlas ni roha, marolopolop tondinta mamaritahon huaso, habalgaon dohot holong ni Jesus i di pardalanan ni ngolunta. Ai dipatandaphon Debata do tu hita Jesus na sian Nasaret i, hinorhon ni hagogoon, halongangan dohot tanda angka na pinatupa ni Debata marhite Jesus, singkop saluhutna marhite Ibana. On do parjolo sibaritahononta songon na binaritahon ni Apostel Petrus tu hita, di pardalanan ni ngolunta. Mar-Jubilate, mandok mauliate di sude pambahenan ni Debata, marhite Jesus Kristus. Rade Jesus manaon na porsuk humonghop hita pardosa, asa dapotan haluaon hita. Ido unok ni las ni rohanta. Ndang tartiop hamatean Jesus, hehe do Ibana Ibana do dipahehe Debata, dung diharhari bernit ni hamatean, ai ndada na hatiopan hamatean i Ibana (ay. 24). Ndang tartiop hamatean i, tanoman i pe angka na porsea di Jesus Kristus i. On ma holongNa na so hadodoan i. Ndang diloas hita haholongan ni Debata, ditiop hamatean i, alai ingkon malua do nasa na porsea na manjou goarNa, ima Jesus i.

2. Jubilate : Las rohangku jala marolopolop soarangku ala tongtong huida Tuhanhi di jolongku. Dohot ma nang hita manghatindangkon, jamita ni Apostel Petrus naung gabe sitindangi (saksi Kristus, Kristen, pengikut Kristus) di Kristus naung hehe i, I do Tuhan, Debata ni saluhut bangso. Naeng dohot hita tongtong marlas ni roha, marolopolop tondinta, ai dibagasan linggom ni pandonganion ni Debata do hita marhite Jesus i. Ndada Tuhan na mate Ibana, songon na ni dok ni angka na so porsea, Tuhan na mangolu do Ibana. Nunga dihatindangkon i, sian na robi jala di pasingkop dibagasan Jesus. Ibana do Immanuel i, las ma rohanta, dongananna do hita rasirasa ro ajal ni hasiangan on. Ai marhahonaan tu Ibana do pandok ni si Daud ujui na mandok: Tongtong do huida Tuhanhi di jolongku, ai di siamunhu do Ibana, asa unang humordit ahu (ay. 25)

Hita angka na porsea di Jesus Kristus, di godang ni angka hamaolon na taadopi di partingkian na parpudi on di pardalanan ni ngolunta termasuk di godang ni angka na marukkil ala ni bencana alam, hatindanghononta ma huaso dohot pandonganion ni Debata marhite Jesus Kristus. Ndang tagamon humordit hita ala Jesus tongtong mandongani hita. I do pos ni rohanta, mangolu manang mate pe hita nunga di bagasan haluaon ni Kristus Jesus i ngolunta. Suka cita kita adalah Tuhan Yesus menjadi jaminan hidup kita kini dan hari yang akan datang. On ma ojahan na paduahon di na mar-Jubilate hita. Jubilate mandok: Sai pos do rohangki disi, raphon Jesus au.

3. Jubilate : Las rohangku jala marolopolop soarangku ala dagingku nang tondingku sonang do. Panindangion ni Apostel Petrus songon ni hatindakkon ni raja Daud ujui, songon ni nang tu hita di tingki on, mangolu manang mate pe hita nunga singkop di bagasan Kristus Jesus. Nang pe ingkon malangke, maradian dagingta, mulak tu tano pambuatanta hian, alai panghirimonta di holong dohot huaso ni Kristus i, pangoluonNa, paheheonNa do tondita muse songon Jesus Kristus naung hehe i. On ma ojahan na patoluhon di na mar-Jubilate hita: Las rohangku jala marolopolop soarangku, daginghu pe maradian huhut manghirim (ay.26). Ai ndang pasombuonMu diringku di banua toru jala ndang loasonMu na badiaMi marnida habusuhon (ay. 27). Marolopolop ma tondinta ai ndang diloas Debata marhite Jesus Kristus hita dihamatean salelengnai i. On ma tanda ni holongNa na so habilangan i sibaritahononta tu sandok houm nang bangso di sandok portibi on. Jesus Kristus na patupa hangoluan na salelenglelengna di angka na porsea.

4. Jubilate : Las rohangku jala marolopolop tondingku ala nunga huboto dalan tu hangoluan i. On ma ojahan na paopathon di las ni rohanta di na mar-Jubilate hita, ala naung taboto dalan tu haluaon i, ngolu na manontong i ima surgo i. Holan marhite Jesus do jumpang hita i. Tung tuani ma dipatupa Ibana dalan hangoluan i, jala dipabotohon Ibana tu hita Hangoluan salelengna i. Gok las ni roha hita sogot mamuji, pasangap Debata diadopanNa i. Amen !

BAHAN SERMON JAMITA MINGGU PENTAKOSTA PADUAHON II ( 25 Mei 2026) DIBASABASAHON DEBATA TONDINA (Nehemia 9: 20-31)

 

BAHAN SERMON JAMITA MINGGU PENTAKOSTA  PADUAHON II ( 25 Mei 2026)

DIBASABASAHON DEBATA TONDINA (Nehemia 9: 20-31)

 

I.                   Patujolo

Nehemia ima sahalak pejabat di Istana Persia  di masa harajaon ni Artahasta I dung i laho muse ibana tu Jerusalem laho pasidunghon Tembok kota naung sega i. Jala buku Nehemia on di surathon di periode dung habuangan Babel  hira-hira abad pa-5 sM. Di Bindu 9 on ima bagian tangiang pangongkoun dosa ni bangso Israel jala mangalehon panindangion na mansai gogo taringot tu ulaon Tondi ni Debata naung mangula di angka partingkian na salpu. Jala martangiang do bangso Israel dung mulak nasida sian habuangan Babel na niuluhon ni angka malim jala marningot do   nasida di angka ulaon na so satia tu Debata, ido umbaen di pasahat nasida angka tangiang dohot elekelek na tu adopan ni Debata.

II.                Hatorangan ni Turpuk

Ayat 20-25

Di buhai do marhite ayat 20 on ai nungga dibasabasahon Tondi ni Debata. Jala dibaritahon do saluhut angka pambaenan ni Debata tu nasida nungga pola opat pulu taon lelengna di parmudumudu Debata nasida marhite angka naposo na. Tondi ni Debata na gabe  hataridaan holong ni Debata tu nasida. TondiNai marguna songon parhitean ni banua ginjang laho mangaleon Hatuaon, Bisuk, dohot partinandaan tu sangkap dohot lomo ni roha Debata.

Alai nang pe nungga tarpasupasu ngolu nasida di alo jala dilaosi nasida do patik dohot uhum ni Debata dohot angka panurirang naung di pabangkit Debata laho manguluhon nasida. Alai tung mansai tangkas do dibuhai marhite ayat 21-25 songon dia hataridaan holong ni Debata tu nasida. Nunga di patorop angka pomparan nasida songon bintang di langit, nungga bongot nasida tu huta naung dijanjihon hian tu angka ompunasida, jala dilean do kebebasan tu nasida laho mangula suguru di lomo roha ni nasida. Saluhut nungga dipasahat tu nasida alai aha do unok manang respon ni nasida di angka pasupasu ni Debata?

Ayat 26-31

On ma unok ni pangongkuon ni dosa, di rajumi  bangso i do na sai mulakhulak laho mangulahon dosa. Nasida do na sai mangula angka hajahaton hape nungga dijalo nasida angka basabasa na sian Debata. Jala tangkas do di pasahat di ayat 26 “ Hape lam jungkat nasida laho mangunturi jala mangalo patik ni Debata.” Alai marhite tondi ni Debata hasabaron na so marnamontok maralahon nasida. Jala di ayat 27 dipatudu do panghorhon ni na mangalo tu Debata alai laos di patudu do mansai marsitutu Debata marhite TondiNa laho mangula, mangapoi, paingothon, dohot manjou nasida asa mulak tu Debata. Punsu ni sude pambaenan ni Debata tarida ma di ayat 31 na mandok : ndang laos sun disiaphon Debata bangso i ala Debata parasiroha jala pardengganbasa do ibana. Jala basabasa na nidok na dison ima Tondi ni Debata na mian dibagasan holong ni roha.

III.             Aplikasi

Di pardalanan ni ngolu ta on tung mansai ragam situtu do angka pasupasu dohot basabasa ni Debata alai dia do na umarga sian saluhut basabasa na dipasahat Debata ima TONDI PARBADIA, na maringan dibagasan ganup hita. Hasasaor ni Tondi Parbadia bukti holong ni Debata tu angka jolma na tinompa na, jala marhite tondi i do dalanta laho mangantusi saluhut angka na masa di ganup pardalanan ni ngolunta, na mambaen hita lam tang di haporseaon. Suang songon i do bangso Israel i martangiang nasida di masa habuangan Babel jala marhite tondi ni Debata do di rajumi nasida saluhut angka sala na jala dipasahat nasida saluhut angka pambaenan ni Debata na sun denggan i.

Marhite turpuk on naeng ma nian mangolu jala mian ma Tondi ni Debata di ngolu ta ganup. Asa marhite parngolunta si ganup ari, di hagaleon, hajahaton, dohot di sitaonon jala di ragam ni parungkilon na marlaok dosa, tongtong ma tatangihon soara ni Tondi na manjou hita laho pasahaton tangiang hasesaan ni dosa, mangido gogo tu hamubaon ni roha, jala pasahaton saluhut panghirimonta tu Debata. Di tongatonga ni portibion na lam hatop mubauba on, tongtong satia ma hita di panjouonna ima gabe sitindangi Kristus. AMIN.

                                               

                                                C.Bvr Ernita Silaban S.Ag (HKBP Ebenezer Toro)

 

 

 

Minggu Kantate, 3 Mei 2026 Marende tu Jahowa 2 Musa 15: 1 – 14

 

Minggu Kantate, 3 Mei 2026

Marende tu Jahowa

2        Musa 15: 1 – 14

 

1.      Patujolo ni Turpuk

Buku 2 Musa ima buku napaduahon di Bibel ta i na sian Padan na Robi, digoar do buku on kitab Keluaran ianggo di bahasa Indonesia. Jala molo di hata Junani (Septuaginta, di abad ke- 3 sM) mamangke hata Exodos dohot di bahasa latin (Vulgata di taon 400M) mamangke hata Exodus, jala hombar tu angka bahasa Inggris didok ma goarna Exodus na marlapatan Haruruar manang Keluaran gabe sada pangantusian sian piga hata na marasing i. Goar ni buku on gabe sada gombaran taringot tu isina i ma masa pardalanan ni bangso Israel dinaharuar sian tano Misir laho mandapothon tano Parjanjian manang tano Kanaan. Laos marhite i tangkas panggonopion ni padan ni Debata tu angka ompu ni bangso Israel, i ma na laho mangalehon tu nasida tano Parjanjian/Kanaan jala torop ma pinompar ni nasida. Alai molo dibagasan bahasa Batak didok do goar ni buku on “Buku Musa Paduahon” hombar sian terjemahan bahasa Jerman didok “Buku Musa yang Kedua” laho mangondolhon tu namasa di buku on taringot tu pamilliton ni Debata tu si Musa na laho manguluhon bangso Israel haruar sian tano Misir hombar tu sangkap ni Debata. Di buku 2 Musa on barita taringot tu haruruar ni bangso Israel sian parhatobanon di Mesir gabe sada barita naumbalga marhite haluaon na pinatupa ni Debata boi tolhas nasida manaripari laut rara. Haruruar ni bangso i sian Misir, gabe unok ni haluaon di padan na robi, bangso Israel dipangke Debata gabe ulaulaNa laho paluahon saluhut jolma manisia.

2.      Hatorangan ni Turpuk

Ayat 1, Ende las ni roha na mambaritahon hamonangon dipatubegehon halak Israel gabe parbue ni haporseaon ni nasida tu Debata, alani saluhut nasida marende mandok “ Marende ma ahu tu Jahowa, ai marmulia situtu Ibana, hoda dohot parsihundulna diusophon tu bagasan laut”. Marhitehite ende pujipujian on nasida laho manghatindanghon, holan alani pangurupion ni Debata do nasida boi mamolus sian Laut Rara, pandohan hoda dohot parsihundulna diusophon tu bagasan laut martudutudu tu halak Misir na mate uju mangalele halak Israel i, umbahen na malua sian pangaleleon ni halak Misir. Molo sian hagogooon dohot na adong di nasida, ndang tarbahen nasida mamolus laut namaraek i, ai ndang tarbahen nasida mardalan diatas ni aek laut i, na so tuk dipingkiran ni bangso i do i. Alai Jahowa Debata na patupahon halongangan di nasida, jala halak Misir i ndang dipaloas tolhas manaripari laut i, ai gabe sumuang ma angka aek i mangalingkupi hureta dohot angka parsihundul ro di sude parangan ni raja Parao, gabe ndang adong na teba nanggo sada.

 Ayat 2-3, Jahowa napapartarhon hamuliaonNa tu si Musa dohot napaluahon bangsoNa sian tangan ni halak Misir, marhite i dihatindanghon nasida ise Jahowa di nasida, na ingkon pasangapon jala pujian nasida di ngoluna. Marhite pandohan “Debata ni damang/Allah bapaku” marningot nasida tu Debata ni angka ompu ni halak Israel, laos i do na hot nuaeng gabe Debata ni nasida. Hombar tu panindangion i lam tangkas dihaporseai nasida pandonganion ni Jahowa dipardalanan ni bangso i. Pardalanan ni bangso Israel on laho patuduhon haluaon na balga na mambahen nasida hot marhaporseaon tu Jahowa. Holan tangan ni Debata do na tuk patupahon halongangan i marhorhon haluaon bolon dinasida. Jala laos marhite pandohan “Jahowa do goarna” laho patuduhon ndang adong debata na asing dungkon ni Ibana na tuk paluahon nasida.

Ayat 4-10, Uhuman na masa tu halak Misir ala ni hatangkangonna, ai dung diboto raja Parao naung lintun bangso i laho, mansai muruk situtu ma ibana. Dipatangkang raja Misir i ma rohana, mandok asa dilele halak Isreal na dibagasan pardalanan i. Pola dipambuat onom ratus hureta angka na pinillit dohot tolu halak be parmusu di atas ni saluhutna. Jadi dilele halak Misir ma nasida, gabe dapotsa nasida marsaro mardonokhon laut. Gabe mabiar situtu ma halak Israel dung dibereng naung jonok raja Parao lao mandapothon nasida, jadi mangangguhi ma halak Israel tu Jahowa. Didok rohani nasida ndang adong be dalan nasida malua sian halak Misir i, ingkon mate na ma nasida di halongonan. Ai nunga dipudi nasida halak Misir, jala dijolo nasida Laut rara. Alai dipapos si Musa do roha nasida, Jahowa, Debata ni Israel i do dongan nasida na tuk paluahon nasida sian tangan ni halak Misir. Diloas Debata do nasida mamolus laut rara i.

Songon dia boi nasida mamolus sian laut Rara i? songon sada peristiwa naso mungkin masa, marhite na disuruh Debata si Musa manghindat tungkotna jala patoltol tangan na tu atas laut jala patolak asa mamolus ma bangso Israel i sian tonga-tonga laut i. Gabe mabaor laut i dibahen Jahowa marhite alogo na pur sian purba, gabe tolak ma angka aek i. Umbahen na boi bongot bangso Israel sian tonga tonga ni laut na mahiang i, ala hira dorpi angka aek i di siamun dohot dihambirang nasida. Gabe taripar bangso Israel na mamolus laut rara i. Alai mangihut do halak Misir sian pudinasida, nasa hoda ni raja Parao, angka huretana dohot angka parsihundulna tu tongatonga ni laut. Dungi marsuru ma Debata tu si Musa asa dipatoltol muse tanganna tu atas laut i, asa sumuang aek i laho mangalingkuphon halak Misir. Dung dipatoltol si Musa tanganna tu atas laut gabe ditunggalinghon Jahowa ma halak Misir tu tongatonga ni laut i. Halongangan bolon do na pinatupa ni Debata dibagasan ngolu ni halak Israel i. Tung tangkas do diida halak Israel tangan na timbul na binahen ni Jahowa tu halak Misir, gabe mabiar bangso i mida Jahowa, jala porsea nasida tu Jahowa dohot tu si Musa naposoNa i. Marhite i ma di bindu 15 on, dipasahat si Musa dohot halak Israel ende pujipujian tu Jahowa. Huaso ni Debata mangatasi saluhutna, alogo dohot aek dipangke Debata laho mangaropuhi musuh.

 Ayat 11-12, Holan Jahowa Debata, ndang adong na asing sian Ibana, na songkal, nabadia jala na marmulia. Dibagasan ende pujipujian nasida, dipangke nasida do sungkun-sungkun na bersifat Retoris na laho manghatindanghon ise Jahowa Debata. Marhite sungkun-sungkun i tung tangkas habalgaon ni Debata na mangatasi saluhutna. Ende on gabe alus ni haporseaon nasida hombar tu angka naung tangkas diida jala dipanghilalahon nasida songon dia pambahenan ni Debata nasuntimbul i paluahon nasida.

Ayat 13-14, Dihatindanghon halak Israel haporseaon nasida tu Debata marhite ende pujipujian ala marningot nasida di saluhut na pinatupa ni Debata di haluaonna. Dibagasan ende i, laos dipatolhas nasida angka naung dipatupa Debata, ima songon dia Debata paluahon nasida. Gabe songon bentuk pengulangan peristiwa marhite ende pujipujian dibagasan parsaoran tu Debata. Gabe patar ma angka naung masa di ari naung salpu, ima angka halongangan na pinatupa ni Jahowa mangudut do i masa tu nasadari i, dohot tu partingkian na naeng ro dingolu nasida nang diangka pomparan nasida. Dihatindanghon nasida saluhut pambahenan ni Debata na paluahon nasida mambahen angka hitir jala tahuton sahat tu na manimbasnimbas halak Pilistim dohot angka bangso na asing.

3.      Sipahusorhusoron

 Pardalanan ni bangso Israel laho sahat tu tano Kanaan, tano Parjanjian ima gabe gombaron ni paradalanan ni ngolu ni angka na porsea na gok angka paraloan dohot sitaonon na ingkon tasalpuhon. Tu saluhut jolma do boi masa parungkilon, arsak, sitaonon angka tantangan na marragam i, boi doi marhitehite parsahiton, parhepengon/ekonomi, parsoalan di tongatonga ni keluarga. Marsomba tu angka ganaganaan, dohot angka sisombaon na asing. Dongan sahaporseaon pardalanan ni ngolu bangso Israel na gok sitaonon i, mangajari hita pasahathon saluhut pardalanan ni ngolunta tu Jahowa, holan dibagasan Debata boi tarbolus hita dalan “buntu” hira so adong be dalan disi, alai tuk do Debata mambungka dalan na sipata ndang siat tapingkiri. Marhite pardalanan ni halak Isarel di turpuk on, laho paingothon hita asa manahan di angka sitaonon i, ai tuk do Debata mangalehon dalan mangurupi hita. Alani ta padao ma ngolu na gok parungutuguton tu Debata, ai ndang na dipasombu hita, alai dalan ni Debata doi laho pa tang haporseaonta, alani tapadenggan pangalahonta, ta patinggil sipareaon haporseaonta tu Debata. Tapaloas ma Debata mangula di ngolunta hombar tu lomo ni rohaNa. Alani i Markantate ma hita, pasahathon ende pamujionta tu Jahowa, huhut patubegehon angka habalgaon, hamuliaon ni Jahowa tu angka na humaliang. Hombar tu goar ni minggu KANTATE, na marlapatan endehon hamu ma di Jahowa ende na imbaru (Psal 98:1), jala dipahombar tu topik ni minggu ta “Marende tu Jahowa” aha do na boi putihanta sian turpuk on, asa tarbahen hita hot markantate manang ngolu na tongtong marende tu Jahowa, ima pasahat pamujionta dohot saluhut pardalanan ni ngolunta tu Tuhan Debata. Amen

Bahan Sermon Evangelium Minggu Rogate, 10 Mei 2026 Ndang Mansohot Martangiang Tetap Berdoa Kolosse 1:9-14

 

HKBP MAMAHAN JAYA
Bahan Sermon Evangelium

Minggu Rogate, 10 Mei 2026

Ndang Mansohot Martangiang

Tetap Berdoa

Kolosse 1:9-14

 

1.   Patujolo

Di minggu on masuk ma hita tu bagasan minggu Rogate, na marlapatan “Mangido” (memohon  dengan  sungguh-sungguh).  Di  bagasan  tradisi  Gareja Barat ima di abad palimahon, Rogate ndada holan tangiang biasa, alai naeng pa hothon pemahaman huria mangolu sian tangiang, dang sian hagogoonna sandiri.  Jala tangiang dilapati songon sada bentuk ketergantungan na hibul sian jolma tu Debata na marhuaso. Surat Kolose secara tradisional dipahami sebagai tulisan Rasul Paulus yang ditujukan   kepada   jemaat   di   Kolose,   sebuah   kota   di   Asia   Kecil.   Surat   ini kemungkinan besar ditulis pada masa pemenjaraan Paulus di Roma sekitar tahun 60–62 M. Jemaat Kolose sendiri tidak didirikan langsung oleh Paulus, melainkan oleh Epafras, rekan pelayanan Paulus.

Di bagasan Kolosse 1:9-14, Apostel Paulus patuduhon bahwa ternyata tangiang ni ibana, ndang berfokus di pemenuhan kebutuhan lahiria semata, alai di pembentukan hangoluon partondion ni Huria i. Asa marhite sian i, gabe mananda ma Huria i tu Debata jala boi Huria i mangolu dibagasan Tuhan i dohot marparbue di angka ulaon na denggan. Sian latarbelakang teks on, hatihai di huria Kolose mangadopi hamaolon ala pangaleleon ni Kaisar Nero tu halak Kristen, huhut muse mangadopi ajaran palsu di tonga-tonga ni huria i. Alai nang pe songoni, sai manongtong do huria i masihohot dibagasan holong na sian Tuhan Jesus Kristus. Togu do haporseaon nasida laho mangihuthon Tuhan i, jala ido na ditangianghon Apostel Paulus, dipangido ibana asa manontong huria i mangarahon haporseaonna holan tu Debata.

 

2.   Hatorangan ni Turpuk

a.   Ayat 9 “tangiang na manontong/Doa yang Terus-Menerus dan Terarah”

Apostel Paulus mamungka bagian on dohot pernyataan “Dibahen i, dung hubege hami i, ndang mansohot nang hami tumangiangkon hamu”.  Sada penegasan di ulaon na martangiang na so mansohot, manang berkelanjutan – ndang holan sahali alai manontong. Apostel Paulus paboahon, tangiang i ima praktek teologi na berkesinambungan. Ido alana di bagasan tangiang i Apostel Paulus mangido asa Huria i digohi roha na pantas mananda lomo ni roha ni Debata marhitehite hapistaran dohot habisuhon ni partondion. Panandaion ni ngolu na tangkas tu Debata marhite na mengubah cara berpikir, marhite marparange na hombar tu lomo ni rohaNa. Tarlumobi na mangurupi dongan jolma asa satia di tonga-tonga ni tantangan ni zaman, parpoda halilon, dohot panosak ni hangoluan siganup ari.

 

b.  Ayat 10 :  Ngolu na marparbue

 Tung tangkas do dipaboa Apsostel Paulus “Asa marparange na tama di Tuhan i hamu, gabe halomoan  situtu…” Hata pantas,  merujuk   tu  keseimbangan antara identitas dan perilaku. Lapatanna hangoluan halak na porsea ingkon saurdot do dohot identitasna. Apostel Paulus patuduhon ngolu marparbue ndada holan sebatas di kesalehan sambing, alai terwujud do i dibagasan parbue na konkret; “berbuah dalam segala pekerjaan baik dan bertumbuh dalam pengenalan akan Allah.”  Jala Apostel Paulus paboahon, haburjuon i dang gabe dalan tu hangoluon, alai parbue sian  relasi na denggan tu Debata. Haporseaon na mangolu, ima ngolu na marparbue  di  angka  ulaon  na  denggan  marhite holong, hasintongan, hasatiaon dohot panghobasion na uli di tonga- tonga parngoluon siganup ari.

 

c.   Ayat   11  : Benget Dohot Marlambas Ni Roha

Na mangihut, Apostel Paulus mengaithon ngolu na marparbue nang pe di bagasan penderitaan dohot pergumulan. Martangiang do Apostel Paulus, asa Huria i “dipargogoi hombar tu gogo ni hasangaponNa i”.  Ibana paboahon,  ia  hagogoon  marharoroan sian Debata, ndang sian jolma. Hagogoon na dimaksud, ima kualitas haporseaon na di bagasan habengeton dohot  lambas ni roha. Kualitas haporseaon ingkon togu do, ala hangoluan ndang hea malua sian hamaolon dohot arsak ni roha. Tangiang ma na gabe ruang di halak na porsea asa boi bertahan di angka parsorion ni ngolu.  

 

d.  Ayat 12–14: “Manghamauliatehon  Haluaon Sian Jesus Kristus”

Tangiang si Paulus beralih sian pangidoan tu na mandok mauliate.  Huria  i  dipaingot,  ia  nasida  nunga  “dipatau”.  Hata on  sasintongna  paingothon  hita  paboa  dipalua  Debata  do bangsoNa sian haholomon nang sian dosa. Alani holongNa gabe malua ma bangso i sian dosa, marhite Tuhan Jesus Kristus na mate di hau  pinarsilang  na  mamboan  bangso  i  tu  hatiuron.  Penebusan dan  pengampunan  dosa  bukan  hanya  pondasi  iman Kristen, tetapi juga dasar dari kehidupan doa. Orang percaya berdoa bukan  untuk  memperoleh  penerimaan  Allah,  melainkan  karena mereka  telah  diterima  di  dalam  Kristus.  Doa,  dengan  demikian, berakar pada anugerah, bukan pada rasa takut atau usaha manusia.

 

3.   Aplikasi - Pengajaran Iman di Tengah Keluarga

Dibagasan konteks ngolu  ni keluarga Kristen di masa nuaeng on, tangiang ima sada panjoun laho pajongjonghon haporseaon na mangolu dohot bertahan sian tonga-tonga ni panosak ni zaman na parpudion. Tongtong martangiang na marlapatan ma i patupa pembentukan karakter partondion na marsigantung holan tu Debata. Tutu di tonga-tonga ni keluarga Kristen, di jou do natoras asa mangajarhon  tangiang  songon  hasomalan  na  mangolu  na  gabe parjumpangan ni partondion ni keluarga tu Debata. Asa marhite i gabe terbentuk ma cara berpikir, bertindak dohot pengambilan keputusan hombar tu lomo ni roha ni Debata di tonga-tonga ni keluarga. Tangiang mangurupi saluhut anggota keluarga laho marsiajar dibagasan hasatiaon, manghangoluhon habengeton dohot lambas ni roha asa mangolu ma keluarga kristen na tongtong satia jala maroha mauliate.   Tangiang i do pondasi, haporseaon ni angka na porsea tarlumobi keluarga kristen asa mananda tung balga do holong ni roha ni  Debata  dohot  asi  ni  rohaNa  mangurupi  saluhut  angka  ruas  ni Huria.

 

 

Jamita Evangelium 4 Musa 6 : 22 – 27)

 

BAHAN SERMON PANGULA NI HURIA SARESSORT AGAPE PANGKALAN KERINCI

MINGGU EXAUDI “SAI TANGIHON MA SOARANGKU ALE JAHOWA (Psalm 27:7)

Topik : DIPASUPASU JALA DIRAMOTI JAHOWA MA HO (4 Musa 6 : 22 – 27)

 

I. PATUJOLO

       Si Musa do na manurat buku 4 Musa (Bilangan) on, ima na marisihon taringot tu pardalanan ni ngolu ni Bangso na pinillit ni Debata ima bangso Israel sian halongonan Sinai sahat tu Moab na gok hamaolon, parungkilon, parmaraan dohot ancaman sian bangso na asing na laho paagohon hosa nasida. Ido umbahen dipaingot Debata do Bangso i marhite naposoNa si Musa asa tongtong satia manghaporseai Tuhan i jala mangolu dibagasan haunduhon di aturan, hata dohot patik ni Debata, asa tung di dongani, diurupi dohot dipasupasu Debata nasida. Jala turpuk jamita biddu onom on manaringoti taringot tu Bagabaga ni halak Nasir na pasahathon dirina tu Jahowa (Nazar khusus orang Nazir yang mengkhususkan diri bagi Tuhan) 1-21. Dohot Hata pasupasu ni Malim (Ucapan berkat imam) 22-27, ima na gabe turpuk na laho sisermononta dibagasan tingki on.

 

ll. HATORANGAN NI TURPUK

       Si Musa ima naposo ni Debata na parjolo sahali dipillit dohot dipabangkit Debata di tongatonga ni bangso israel, jala naposo na manjalo Patik na sampulu sian Debata di dolok Sinai, jala naposo na parjolo na pajumpang dohot mangkatai dohot Debata laho pasahathon hataNa na laho siulahononna (Ay 22) ima na laho sipatolhasononna tu si Aron dohot angka anakna ima Nadap, Abihu, Eleasar dohot si ltamar dinalaho mamasumasu bangso lsrael (Ay 23). Jala na laho sibotoonta ima ia Si Aron ima sikkat ni si Musa laho manghatai (juru bicara) (2Mus 4:14), dohot Malim na parjolo di pabangkit Debata (2Mus 28:1) di tongatonga ni bangso lsrael. Ala ni i sikkat ni Debata do si Aron dohot sude ianakhonna laho pasahathon pasupasuNa tu bangso na pinillitNa ima bangso Israel.

       Ayat 24-27 on ima hata pasupasu (ucapan berkat)  on dang na hasil perenungan ni si Musa, jala dang na binahen ni si Aron, alai hata na sian Debata sandiri do i tu si Musa dinalaho siulahonon ni si Aron dohot angka anakna laho mamasumasu bangso israel. Artina hata pasupasu i dang sian jolma alai sian Debata tu hita jolma na tinompaNa. Hata Dipasupasu (diberkati), Diramoti (melindungi), Dipasondanghon Jahowa ma bohiNa tu ho (Tuhan menyinari engkau dengan wajahNya), Asi roha (kasih karunia), Didompakhon Jahowa ma bohiNa tu ho  (Tuhan menghadapkan wajahNya kepadamu),  dohot Dipasaorhon ma dame tu tondim (memberi engkau damai sejahtera), ima na pataridahon dengganbasa dohot asi ni roha ni Debata ditongatonga ni bangso israel dohot tu angka na porsea, dohot na mandok ia Debata sai tongtong olo rade jala satia mandongani, mangurupi bahkan mangalehon angka pasupasuNa tu bangso na pinillitNa dohot tu angka na porsea i nang i di pardagingon (sipanganon, siinumon, parabiton, hahipason, gogo, pangaramotion dohot haluaon),  nang dohot di partondion (ada hubungan yang intim antara Allah dengan umatNya melalui iman). Marhite hata pasupasu (ucapan berkat) i dipatuduhon do ia bangso israel ima bangso na pinillit ni Debata jala dimateraihon sebagai milik Allah artinya mereka hidup dibawah kendali dan naungan Tuhan. Ido umbahen dang diloas Debata bangso na pinillitNa i mangolu hombar tu lomo ni rohana sandiri, alai naeng ma nian mangolu dibagasan panoguon ni Debata marhite angka naposo napinillitNa jala mangolu dibagasan aturan dohot lomo ni roha ni Debata, asa tung unang lilu dohot  mago (binasa) ngolunasida alai mangolu dibagasan las ni roha songon na binabagabagahon ni Debata. Ido umbahen hata pasupasu (ucapan berkat)  on dang holan diampehon si Aron tu halak israel alai dohot do nang tu hita marhite tangiang pangujungi di ulaon parmingguon, ima na mandok asa porsea jala las ma rohanta na didongani, diramoti dohot dipasupasu Debata do hita laho mandalani dohot mangulahon ulaonta manang didia dohot manang sadihari pe.

 

lll. PANIMPULI

       Sude do hita jolma mangharingkothon dohot mamarluhon pasupasu dibagasan ngolu on, dengan tujuan asa sonang parngoluanta. Hape panghorhon ni dosa hamaolon, parungkilon dohot hasusaan do, jala saleleng mangolu hita diportibion pasti taadopi do i. Alai anggo halak na marhaporsean di Tuhan i do ibana songon si Musa, si Aron dohot si Daud pasti do marsihohot mangido pangurupion holan tu Tuhan i marhite haporseaon na togu dohot polin dibagasan tangiang songon na nidok ni Minggu Exaudi on “Sai tangihon ma soarangku ale Jahowa”. Ala Debata do mual ni pasupasu di tongatonga ni portibion, antong naeng ma nian hita satia marsihohot manghaporseai Ibana marhite na rade mangolu hombar tu aturan dohot hataNa, asa tung taruli hita dipasupasu saleleng mangolu dihasiangan on dohot dihangoluan na salelengnilelengna. Amen.