JOB 42 : 1 - 6 “GURU DOK NI DEBATA DO SALUHUTNA” MINGGU XII DUNG TRINITATIS 27 OKTOBER 2024

 

MINGGU XII DUNG TRINITATIS 27 OKTOBER 2024

JOB 42 : 1 - 6

“GURU DOK NI DEBATA DO SALUHUTNA”

 

I. Patujolo

Si Job, sahalak na bonar, sahalak na mabiar tu Jahowa, jala sai paholang dirina sian hajahaton. Ala haburjuonna, patut do nian ibana dao sian hapariron, hape baliksa do na masa tu si Job, diloas Jahowa ibana marungkil laho patuduhon tu sibolis i, na tongtong do burju si Job tu Debata nang pe diae na hansit.

Buku Job 42 : 1 - 6 boi dohonon “klimaks” manang nunga tahe songon na di puncak peristiwa ni si Job, alai dibagasan turpukta on pe ima tarsongon na gabe titik balik krusial, disiala si Job na ditegur Debata do alai huhut do manjalo habisuhon na sian Debata, alani i ma gabe lam dihaposi si Job ma Debata di parjumpanganna songon na di buku Job 42 : 1 - 6 on.

 

II. Hatorangan ni Turpuk (Ayat per Ayat)

l  Ayat 1 - 2

Patuduhon awal na sian dialog antar ni si Job dohot Debata, alai jumolo ma tahe ingkon botoonta do konteks dialogis ni si Job dohot Debata sebelum dohot sesudah na sian turpukta on (ay. 1). di ayat 2 boi ma taida bahwasanya dihaposi si Job do Debata taringot tu huasoNa, taringot tu na boi dohonon songon pengakuan ni si Job tu Debata, ima songon na menandakan titik balik dibagasan sada hubungan si Job dohot Debata dohot na mengandung pesan moral, pesan moral ima songon na didok bahwasanya Debata do na boi patupahon saguru di lomoNa di saluhut partingkian.

 

l  Ayat 3 - 4

Dihantindangkon si Job paboa na holan habisuhon ni Debata sambing do di ginjang ni saluhut angka habisuhon ni jolma na di hasingan on: “Tongon tahe, nunga huhatahon tutu na so huantusi; halongangan do angka i, salpu sian rohangku jala naso huboto.” na diadopan ni si Job manopa panandaion diri na bagas paboa haboionna ndang apala sadia i maradophon hagogoon dohot haboion ni Debata.

Alani i, di ayat 4 pe adong do sungkunsungkun ni si Job, sungkunsungkun ni si Job on songon sungkunsungkun na retoris do on, jala on ma alasan na mandok bahwasanya parbinotoan ni sahalak jolma terbatas do jala ndang apala tuk boi menjangkau sude na taringot tu aspek kebijaksanaan ni Debata, jala si Job pe dang boi mamboto taringot tu aha do gombaran ni sangkap ni Debata tu ibana.

 

l  Ayat 5 - 6

Tarsongon sada pernyataan ni si Job taringot haporseaon na tu Debata, jala dihaposi ibana do Debata marhite sian pengalaman pribadi ni ibana tu Debata marhagogoon ma tu haporseaon ni si Job (ay. 5).

di ayat 6 pe songon sada pernyataan ni si Job do, pataridahon na di solsoli ibana do laho manukkun tu Debata hape tanpa disadari si Job do ndang apala tuk dope parbinotoan na taringot tu aha na naeng si patupahon ni Debata, alai panolsolion ni si Job on songon dipataridahon ibana do carana dibahen songon tulus ni roha ibana laho manghatahon i.

 

 

III. Hahonaan ni Turpuk

1. Tongtong Ma Tahaposi Debata

Jotjot do tubu sungkungsungkun di roha taringot tu songon dia Debata laho patupahon manang pasingkophon na masa ditongatonga parngoluanta on. Ganup hita angka jolma on marhite keterbatasan, holan na boi do hita mampu marnida sebagian kecil taringot tu realitas, nian terikat do hita sian sada pengalaman na masa di ngolunta alai holan gombaran sekilas do i, jala alani ma ro sipata sungkunsungkun di rohanta taringot songon dia do cara ni Debata bekerja.

 

2. Haserepon Ni Roha

Haserepon ni roha ndada na berarti pasif manang na mengabaikan rasa ingin tahu, alai gabe sada ojahan do di hita asa tarbukka dalan tu parsiajaron dohot pertumbuhan, alani ma marhite haserepon ni rohanta on ma boi hita manjalo angka parsiajaron na sian Debata.

Dipataridahon si Job do haserepon ni rohana marhite na manolsoli ibana di angka hata na manang sungkunsungkun na tu Debata, jala si Job pe diakkui ibana do dang marlapatan ianggo ibana maradophon Tuhan i (ay. 5), sikap na songon on pe gabe sada penyerahan diri luhutna tu Debata asa boi manjalo di angka na dipatupa Debata manang kehendakNya.

 

IV. Panutup

Marhite buku si Job 42 : 1 - 6  adong do na gabe panutup,ima:

1. Ganup jolma adong be do keterbatasan taringot tu pemahaman angka na naeng patupahon ni Debata, jala ingkon boi do hita tongtong marserep ni roha.

2. Haserepon ni roha dohot panolsolion ima songon sada kunci tu pemulihan, jala rade do Debata tongtong laho mengampuni dohot na memulihkan.

3. Debata boi do mangulahon saluhutna, di Ibana do hagogoon dohot huaso naso terbatas jala boanon na do hita tu angka sangkapNa na sun denggan i.

 

JAMITA Minggu Dung Ari Natal, 29 Desember 2024 Mandok Mauliate siala asi ni roha ni Debata (Mengucap Syukur atas Kasih Karunia Tuhan) 1 Timoteus 1:12–17

 

JAMITA Minggu Dung Ari Natal, 29 Desember 2024

Mandok Mauliate siala asi ni roha ni Debata

(Mengucap Syukur atas Kasih Karunia Tuhan)

1 Timoteus 1:12–17

I. Patujolo

Mansai bajar dope si Timotius gabe uluan ni huria, poso nang huria na niuluhonna. Dihabajaron ni si Timoteus dohot di haposoon ni huria na niuluhonna godang parungkilon na manosak huria i,parungkilon ala pangaleleon dohot ala podana mangaliluhon haporseaon ni huria i. Alani panosak ni parungkilon i boi do gabe gale siTimoteus.Alani ma dipasahat si Paulus surat on paingothon si Timoteus asa marsihohot di haporseaonna mangadopi parungkilon i. Parsihohotan ni haporseaon i naeng tarida marhite haburjuon dohot habuluson lao mangula ulaonna, asa unang songon parpoda haliluon i holan malo mandok ala dang diulahon. Ingkonpadot do  naposo ni Tuhan i mangula, ingkon masiurupan jala rade kerjasama dohot dongan na asing. Marhite suratna on diajari si Paulus do si Timoteus asa manghobasi ulaonna dibagasan lomo ni roha ni Tuhan i. Naeng ma polin    si Timoteus mangahatahon hata ni Tuhan i, daulat parangena, padot mangula uloanna, unang marroha hepeng.

 

II. Hatoranganni turpuk

Mandok mauliate tu Debata ima songon responta di sude denggan basa ni Tuhan i di ngolunta. Sude denggan basa ni Tuhan i ingkon tahamauliatehon marhite roha na ias. Apotel Paulus marhite ayat 12 on taida ibana mandok mauliate tu Tuhani ala adong sada pengalaman ni ngolu namansai arga na binolusna.Disude angkapanghobasion ni ibana ditingki marlas ni roha, arsak ni roha, hipas nang di tingki marsahit, dihilala ibana do pangurupion dohot pandonganion ni Tuhan i. Roha mauliate nisi Paulus ima nang mangonjar rohanta asa sai tongtong mandok mauliate tu Tuhani. Ai boi pe hita mamolus sude partingkian ni ngolutaon, tarlumobi boi hita bongot tu ujung ni taon 2024 on ala ni asi ni roha ni Tuhan ido. Ap. Paulus menyadari adong  masa lalu na holom nahea nibolusna. Di ayat 13 diongkuhon ibana :”panginsahi do au najolo jala pangalele jala  siulahon gogo” Diparhatopot Ap Paulus do alani masa lalu nai dang talup be nian ibana lao marhobas, gabe ula ‑ ulani. Tuhan. Ai pangalele,panginsahi,siulahon gogo tuhalak siihuthon Kristus do ibana. Alai asi ni rohani  Tuhani gabe talup ibana marhobas diadopan ni Tuhani. Tung diparhatopot Ap Paulus do anggo soala asini rohani Tuhan i di ngoluna dang marlaba ibana, marisuang do ngoluna. 

Ayat 15 digoari Ap Paulus do dirina pardosa."Nunga ro Kristus Jesus tu portibion,paluahon angka  pardosa,sian angka ido naparjolo"Alai nang pe pardosa Ap Paulus dipalua do ibana ala asini roha ni Tuhani. Loason ma nang barita lasniroha dihita saluhutna, haru Ap Paulus na manggoari dirina pardosa, diasi i, dipalua Tuhan i ibana, nang hita pe asi do rohani Tuhani tu hita molo olo hita mulak tu ibana, molo taparhatopot sude dosanta i tu Ibana. Ayat 16 gabe sada kepastian di hita, sada sipaingot tu hita,molo Ap Paulus dijangkon jala disesa Tuhan i dosana, nang hita pe dijangkon jala disesa Tuhan do dosanta molo ro hita tu Ibana (Rom6:1-2).Ala asini rohani Tuhani do gabe margogo Ap Paulus mangadopi ragam ni parungkilon, dileai, ditangkup jala sahat tu na dihurungkon ibana, hot do ibana dihaporseaonna, satia do ibana tu Tuhan i marhite panghobasionna. Songoni ma nian hataridaan ni ngolu ganup na porsea tuTuhani,ima mangarga honpanghophopon Tuhan Jesusi marhite na satia mangulahon angka ulaon na denggan di ngolu si ganup ari, songon parbue ni hamauliateon ni rohanta tu Tuhan. Dang cukup hita holan mandok "au porsea, manang holan mandok mauliate Tuhan"alai ingkon tarida ma nian parbue ni haporseaonta dohot hamauliateon ni rohanta imarhite ngolunta, sikap, uloanta si ganup ari. Ai malua hita dang alani angka uloan na denggan na taula, dang alani angka parangenta, alai sileheon lehon ni Debata sambing do i tu hita.

III. Panimpuli                                                                                          

Halongangan do asini rohani Debata di ngoluntaon.Asini rohani Debata ima na gabe tema ni panghobasion ni Ap Paulus di ngoluna. John Newton mansai uli pasahathon i marhite na manurat sada ende na mansai tarbarita sahat tu sadarion : Amazing Grace, Kidung Jemaat No.40 – Ajaib benar anugerahMu. Ditingki marumur 54 taon ma ibana menciptakan lagu i, dung 15 taon ibana gabe Pandita,diojakhon ibana gabe Pandita tingki marumur 39 taon. andorang so Pandita ibana uloanna ima pedagang budak. Ende na ciptahon ni John Newton patoranghon hamubaon ni rohana sian ngolu na leleng tu ngolu na imbaru di bagasan Tuhan i. Muba ibana sian pedagang budak gabe sahalak na berjuang mangalo perbudakan. Na niae ni si John Newton hampir sarupa dohot pengalaman ni ngolu ni Ap Paulus. On ma nang na mangonjar rohanta mamparhatopothon ia ngolunta on gok asi ni roha ni Tuhan. Sai taparhatopot ma i di ngolu si ganup ari. Tarimangi ma satongkin, boha adong parasingan ni ngolunta andorang so tajangkon Kristus di ngolunta jala boha do ngolunta dung tajangkon Tuhan i ni ngolunta? Manang mardosdos do tahilala ngolunta on? Tung ise ma hitaon di adopanni Tuhani?barani dohita mandok molo boi hita patupa hon uloan nadenggan, boi hita manghobasi ulaon ni Tuhani dohonon tadoi alani habadionta, hamaloonta, haburjuonta? Dipillit Debata hita ndada marhite angka halobianta, haburjuonta, habadiaonta, alai sian lomo ni rohaNa sandiri jala sian sangkap ni rohaNa sandiri.Alani tama ma sai tarida roha mauliate di ngolunta. Sai gabe tiruan ma parangenta tu halak na asing, asa marhite ngoluta halak naasing pe gabe manghilalahon denggan basa ni Tuhan i, halonganan asi ni roha ni Tuhan i, taargahon ma i marhite na mamelehon ngolunta hibul tu Debata. Amen.

Jamita Tu Pesta Paduahon Hatutubu ni Tuhan Jesus (Kamis, 26 Des.2024) Ev. Psalmen 98 : 1 --- 9 Ep. Titus 3 : 4 --- 7 Topik : “Nunga dipabotohon Jahowa haluaon tu hita”

 

Jamita Tu Pesta Paduahon Hatutubu ni Tuhan Jesus (Kamis, 26 Des.2024)

Ev. Psalmen 98 : 1 --- 9 Ep. Titus 3 : 4 --- 7

Topik : “Nunga dipabotohon Jahowa haluaon tu hita”

1. Patujolo :

Psalmen 98 on ndang tarsirang hita on sian Kumpulan Mazmur na mangondolhon taringot tu huaso ni Debata na gabe Raja(Bindu 95-99). Pandohan Debata gabe Raja di ay.6 dohot Panguhum ari parpudi, na pahombarhon Psalmen on dohot angka Psalmen andorang so bindu 98 on. Parniahapan ni bangso Israel na ditindos bangso na asing jala haluaon na pinatupa ni Debata, mamboan nasida tu haluaon, i do na mangonjar roha ni parPsalmen laho mandok mauliate huhut ala asi ni roha ni Debata di bagasan haluaon i. Hamauliateon ni parPsalmen on huhut do mangarahon saluhut bangso laho patimbulhon dohot pasangaphon Debata di bagasan roha na las. Mansai bidang do hinangkamna, mamungka ma sian ruas na di Bagas Joro(ay.1-3), udut ma muse tu sandok jolma di tano on(ay.4-6), nang sahat ro di na tinompa(ay.7-8).

2.                  Hatorangan ni turpuk :

Ayat 1 – 3, molo taida pardalanan ni bangso Israel, adong dua na mansai balga na niadopan ni bangso i i ma : hamumulak nasida sian parhatobanan Misir dohot mulak sian habuangan. Na dua on ma ulaon na pinatupa ni Debata songon dalan haluaon ni bangso i. Nunga dipatupa Debata angka ulaon na mansai balga, marhamonangan di parporangan huhut mangalehon haluaon nasida. Saluhutna on, dipatupa marhite janji ni Debata taringot tu hatigoranNa maradophon angka bangso jala marningot holong ni rohaNa maradophon bangso Israel. On ma na gabe ojahan ni las ni roha ni ganup bangso lumobi ma angka bangsoNa, ai nunga ditaluhon Ibana hajahaton ni portibion. Pandohan Ende naimbaru,i ma pandohan ni ngolu naimbaru, ngolu na mandok mauliate, jala holan manghaporseai pambahenan ni Debata.

Ayat 4 – 6, tu sandok bangso dohot jolma do haluaon i, pola sahat ro di ujung ni potibion. On do barita las ni roha na mansai balga. Marsurak-surak ma ho ale sandok tano on mangolophon Jahowa, pangiar ma soaram marolopolop, jala marende ma hamu. Ingkon saluhut na tinompa do patupahon olopolop na songon on.

Ayat 7 – 9, ende olopolop nang saluhut soara ni sarune dohot soara ni sangka, ndada holan i nanaeng mamuji holong hasatiaon nang angka halongangan na binahen ni Jahowa i ma gabe Raja nang Sitompa saluhut. Ringkot do nang pangisi ni portibion laho mangolophonsa. Ala Jahowa do na marhuaso di atas ni saluhut, ala Ibana do na manompa, nampunasa sandok parhusoran ni na masa. Alani tama pujipujian tu Jahowa na so marmula jala na so marpansohotan.

3.                  Pangujungi :

Di Psalmen on nunga diparade hian panggonopion taringot tu haluaon na pinatupa ni Debata marhite Jesus Kristus. Holan di bagasan Jesus Kristus do hasisingkop ni habalgaon ni Debata dohot bidang ni haluaon na sian Debata. Jala nunga singkop haluaon i marhite Jesus Kristus. Huhut holan marhite Jesus Kristus do hita talup laho mamuji Debata huhut parsidohot dipamujion tu Debata na manongtong. Naeng ma tahaporseai, ia Jesus Kritus i ma na ro laho manguhumi tano on, laho pajongjong hatigoran dohot hasintonganNa. Nunga dipatupa angka tanda halongangan, sahat ro di tingki on jala manongtong do i. Molo nunga tajangkon Jesus Kristus gabe Tuhan dohot Sipalua, tardok ma hita bagian ni angka bangso dohot ujung ni portibion naung marnida haluaon na sian Debata. Nian mansai godang sian na masa dingolunta na gabe dasor asa tongtong mamuji Debata. Boi mangolu, boi marhosa, malua sian angka boban ni ngolu na mansai dokdok, boi mulamulaon, boi manghobasi angka dongan, dapotan haluaon, saluhutnai holan alani asi ni roha ni Debata sambing do, ndada alani hatauonta. Antong tapuji ma Debata, ai nunga dipabotohon tu hita haluaon. Ibana ma na marhuaso di sandok portibion marhite hasintongan nang hatigoran na manongtong. Ndada hurang be ra angka pambahenan ni Debata. Marhite turpuk on, tama ma pujipujian di bagasan las ni roha pasahatonta tongtong. Parsidohot ma hita di bagasan parendeon laho marsomba dohot mamuji ala pambahenanNa i. Amen.

Ev. Heber 1:5-12 Topik : Manomba Jesus Anak Ni Debata

 

Ev. Heber 1:5-12

Topik : Manomba Jesus Anak Ni Debata

I.                Patujolo

Di roha ni jolma tung mansai dasip do panandaioan nasida di Jesus songon tokoh na revolusioner, pangajari manang guru (Rabbi), jala deba mandok Jesus songon Panurirang. Alai dibagasan panandaioan I jotjot do lupa di hamuliaon dohot ha-Debata-on ni Jesus na sasintongna songon Anak ni Debata. Heber dison paboahon taringot tu hadirion ni Jesus diginjang ni saluhut angka na tinompa ni Debata dohot ma disi angka surusuruan. Heber 1:5-12 patandaphon ia Jesus ndada holan umtimbo sian surusuruan, alai tama do manjalo parsombaon alana Ibana ima Anak ni Debata na sintong, manongtong, jala Panompa saluhut.

II.              Hatorangan ni Turpuk

Ayat 5-6: Partalian Ama dohot Anak

Heber patujolo mamuhai turpuk on sian Psalmen 2:7 dohot 2 Samuel 7:14 na patuduhon ia status ni Jesus songon Anak ni Debata (Yunani: Huios tou Theou). Status on eksklusif jalan ndang adong dipasahat tu angka surusuruan nam pe angka i dietong badia, ima “parhalado-Na” (Yunani: leitourgos). Hata "Anakku do Ho; sadari on do Ho hutubuhon"? (Yunani: egō sēmeron gegenneka se) mangacu tu partalian na manontong dohot posisi na sangap dilehon tu Jesus ndada songon panompa alai songon Anak na sada dohot Ama i.

Ayat 6 mandok ia Ama manogihon AnakNa tu portibion (prōtotokos - Anak yang sulung), jala Debata mamarenta asa sude surusuruan ni Debata marsinggang tu jolo-Na. Hata “menyembah” manang marsinggang ima proskuneō marlapatan patupa parsombaon na marsitutu na tama holan tu Debata sambaing. Alani i do na nidok ni Debata taringot tu Jesus ima teologi Jahudi, holan Debata do sisombaon. Panjouan parsombaon tu Jesus ima panindangion ia Jesus tutu Anak ni Debata.

Ayat 7: Hadirion Surusuruan songon Parhalado-Na

Ayat on songon na tarsurat sian Psalmen 104:4 na manggombarhon ia surusuruan holan parhalodo-Na na mangulahon hombar tu lomo ni roha ni Debata, didok do nasida songon “alogo/badai” (pneuma, yang juga berarti “roh”) dohot “api na marjimburjimbur/nyala api” (phlox puros). Surusuruan digombarhon songon hagogoon dinamis na tinompa ni Debata jala disuru laho patupa haparhaladoan-Na, alai ndang adong status manang hadirion (kedudukan) na sarupa dohot Anak i. Ndang adong habangsa manang pemerintahan di Surusuruan i, surusuruan i ima naposo/parhalado, molo Jesus ima Parhuaso na manongtong.

Ayat 8-9: Ro di salelenglelengna do habangsa dohot hatigoran ni Debata

Ayat 8-9 songon panuratan di Psalmen 45:6-7 na mandok Jesus ima Raja na marhabangsa namanongtong (Yunani: thronos - takhta), jala na mamarenta dohot tungkot harajaon na marhatigoran (rhabdos euthutēs - tongkat kebenaran). Debata sandiri na mandok AnakNa songon Debata (ho theos), na mandok ia Jesus dohot Debata dibagasan hadirion ni Debata. "Ro di salelenglelengna do habangsami, ale Debata” mandok ia harajaon ni Kristus manongtong jala gok hasintongan dohot hatigoran.

Dimiakhi Debata do Jesus dohot miak halalas ni roha na sumurung sian angka dongan-Na dalam bahasa Ibrani berarti “Yang Diurapi” (Mashiach). Pamiahion i ndada holan symbol holong ni Ama, alai gabe panjouon tu Jesus na mangulahon songon Mesias na sumurung Ibana sian angka na deba.

Ayat 10-12: Keabadian dan Ketidakberubahan Sang Anak (ndang mansohot angka taonmi)
Di ayat 10-12, Psalmen 102:25-27 manggombarhon Kristus songon Panompa dohot Pangaramoti nasa na adong. "Ho, ale Tuhan, paojakkon tano on di mulana i, jala jadijadian ni tanganmu do parlangitan i." Jesus digombarhon songon Pribadi na manompa saluhutna jala marhadirion na manongtog. Dison, pamangkean hata kurios (Tuhan) mansai ringkot ala di Septuaginta hata kurios ima sian hata YHWH, goar pribadi ni TUHAN. Jala on ma mangondolhon ia Jesus ima TUHAN na sarupa na manompa langit dohot tano on.

Ayat 11-12 taringot tu sifat ni Jesus na so muba. "Mago do angka i muse, alai tongtong do mian anggo Ho; laho buruk do i saluhutna songon ulos." Dison, Jesus ndada holan digombarhon songon Panompa, alai songon Pribadi na manongtong jala na so tupa muba (Yunani: paramenei - tetap sama). Laho mago do sude angka na tinompa songon ulos dohot sampesampe na binalunon (helixis - digulung), alai Jesus, Debata na manongtong, ndada muba. Ibana do Debata I, sian na manongtong sahat ro di sisalelenglelengna, jala habangsana dohot harajaon-Na ndang olo salpu.

III.            Hahonaan ni Turpuk

Songon angka na porsea hita na manghatindanghon Jesus ima Anak ni Debata na manongtong jala tama sisombaon paubahon parrohaonta taringot tu parsombaonta na marsitutui tu Ibana. Ibana ndada holan Si Pangurupi di hita uju targogot hita, alai Ibana do Raja na marhabangsa jala na manongtong. Manomba Jesus Anak Ni Debata ndada gabe rutinitas, formalitas, nang komunitas dihita alai gabe respon gok pamujion,, parsombaon, dohot holong nang biar mida Debata naung paluahon hita. Songon angka surusuruan na disuru laho manomba Ibana, tutu hit ape dijou laho manomba Ibana dibagasan hadaulaton dohot hasintongan dibagasan nasa rooha, gogo, ateate, nang ngolunta. Alanii ma saluhut parsoombaon dohot tangiangta marsitutu dibagasan na manomba Jesus Anak Ni Debata na manongtong, jala habangsana na so olo salpu, holong nang hatigoran-Nya mandongani hita saluhutna. Amen.

Yesaya 60: 1-7 TOPIK: HEHE JALA MARSINONDANG MA BANGKIT MENJADI TERANG

 

Ev. Minggu Advent IV- 22 Desember 2024:

Yesaya 60: 1-7

TOPIK:

HEHE JALA MARSINONDANG MA BANGKIT MENJADI TERANG

 

PATUJOLO

Turpuk on dipatubegehon panurirang Jesaya (Trito Jesaya) tu bangso Israel na baru mulak sian tano habuangan Babel, naung maringan di huta Jerusalem. Tarhirim do bangso Israel mamereng na masa di huta Jerusalem. Dibayangkon nasida do haulion dohot kejayaan ni huta Jerusalem songon najolo, andorang so tarbuang nasida tu tano Babel. Diperhadaphon do tu nasida nuaeng huta naung tarulang jala bagas joro naung marongso. Ingkon kerja keras ma muse nasida laho paulihon huta Jerusalem (mengembalikan keindahan dan kejayaan kota Jerusalem). Maol do memang membangkitkan semangat naung leleng mangolu di tano habuangan, nunga martaon-taon nasida mangolu diparhatoban bangsa na asing, nunga martaon-taon nasida mangolu jala tinggal di tano habuangan. Marungkil do nasida paulihon bagas joro nang huta na di Jerusalem asa mulak muse haulionna songon najolo. Panurirang Jesaya di turpuk on manjouhon, pabangkithon semangat nasida. Dapat dikatakan perikop ini merupakan penghiburan atau penyemangat bagi umatNya agar tetap optimis menghadapi masa depan dalam menyikapi babak baru kehidupan setelah pembuangan. Israel kembali diingatkan akan maksud pemilihan Allah atas mereka yakni menjadi berkat bagi bangsa-bangsa. Walaupun mereka telah mengalami pembuangan bukan berarti Allah tidak mengasihi mereka. Kasih Allah tidak berkesudahan, kasih Allahlah yang memungkinkan mereka kembali ke tanah Yerusalem.

HATORANGAN NI TURPUK

Ai na ro ma Jahowa mamboan sondang hatiuron tu portibi na gok haholomon on, i ma barita las ni roha na pinasahat ni Debata marhite panurang Jesaya. Barita las ni roha na gabe penyemangat manang apul-apul tu bangsoNa. Dia akan datang, terang Ilahi akan nyata. Nang pe haholomon manghuphupi tano on, jala hagolapon angka bangso, alai na binsar ne ma Jahowa jala marsinondang hamuliaonNa di atasmu, ima bagabaga na mangalehon semangat na imbaru tu bangso Israel. Nubuatan ini harus disikapi, direspon oleh umat Israel. Baga-baga manang barita las ni roha on ingkon dijangkon bangso Israel. Respon yang diminta berdasarkan ayat 1 on "Hehe ma ho", bangkitlah: bangun dan berdiri, bangun (semangat kembali), sambut terang Tuhan, kembali optimis, memiliki kepercayaan diri bahwa mereka tetap umat yang dikasihi Tuhan, mereka harus senantiasa proaktif menyikapi babak baru kehidupan mereka setelah pulang dari pembuangan. Joujou "hehe ma ho" (Bangkitlah") patuduhon sikap na ingkon proaktif, jangan hanya menangisi keadaan atau hanya menunggu. Untuk mengubah hidupmu, jangan hanya menunggu dan diam, tetapi bangkit. Dohot hata na jempek boi dohonon, unang haraphon ro bangso na asing laho paulihon hutam, alai ingkon ho sandiri do na hehe laho paulihon hutam.

Respon yang kedua adalah "Marsinondang ma ho" ("Menjadi Teranglah"). Tidaklah cukup hanya bangun, bangkit, hehe, alai ingkon do marsinondang. "Menjadi terang" berarti pertama adanya fakta kegelapan yang harus diterangi. Kedua, berarti harus ada action, ada upaya yang dilakukan bagaimana supaya terang yang dimilikinya dapat menerangi kegelapan/portibi on. Sumber ni hatiuron i ndada sian hadirion nasida/bangso Israel sandiri, alai Debata do. Ndang tarbahen manorangi/manondangi portibi na holom on anggo sian hadirion ni jolma i sandiri. Ibana do Panondang ni portibi on. Halak na manjangkon Panondang i gabe mangolu ma di bagasan hatiuron, sondang na sian Debata. Marsinondang ma ibana, dungi marrongoman ma ro angka bangso parbegu mandapothon ho (ay 3 – 4); songon laron na rongom ro mandapothon lampu na galak, songon ima nang bangso na marsinondang, ro do angka bangso parbegu sian desa naualu mandapothon nasida. On ma hataridaan ni ngolu na tongtong sinondangan ni Debata. Jala i do tujuan pamilliton ni Debata tu bangso Israel, asa gabe pasupasu tu jolma na humaliang; "hupasupasu ho asa gabe pasupasu ho tu saluhut bangso."

Berengon manang begeon ni angka bangso na jonok manang na dao ma hasurungan nasida songon bangso na sinondangan ni Jahowa. Ihut tusi gabe dipatongon Jahowa do nasa na ringkot di nasida, pasupasu hamoraon pe tongoson ni Debata do tu bangsoNa. Ro do sian Midian dohot Epa, saluhut nasida ro sian Seba, mangusung sere dohot daupa, ai turun ma nang hamoraon ni laut tu ho,ninna di ay 5-6. Jala marhite sudena i gabe tarpuji ma hamuliaon ni Debata tu saluhut bangso.

SIPAHUSORHUSORON

Gok haholomon do portibi on nang sahat ro di tingki on. Jala tu portibi na dihuphupi haholomon on do Debata manongos/marsuru AnakNa Tuhan Jesus Kristus, na tapaimaima haroroNa di bagasan minggu Advent na paopathon on. Ro Ibana laho manondangi portibi on, jala nunga ro Ibana mamboan sondang hatiuron i. Nuaeng aha ma responta laho manjangkon/menyambut sondang hatiuron na binoan ni Tuhanta Jesus Kristus. Songon joujou ni panurirang Jesaya tu bangso Israel najolo, songon i ma nang responta manjangkon Panondang naung ro jala na tapestahon haroroNa di tingki on. Hehe jala marsinondang ma (Topik Jamita).

1. Hehe, ima sada sikap manang tindakan naeng maninggalhon ngolu na sebelumna (dari sikap tidur ke sikap mau bertindak/berbuat). Songon anak na mago (Lukas 15: 20 "jadi hehe ma ibana manopot amana"), naeng maninggalhon ngolu na gok dosa (lilu/sesat) jala ro mandapothon amana. Molo dijouhon tu hita "hehe ma ho” lapatanna, tinggalhon angka pangalaho na pasip, halosohon, na holan marpaima jo, pareahi ma angka na denggan, unang holan menangisi parungkilon/sitaonon/ keadaanmu, ayo bangkit, bangun, hehe, tadingkon sudena i.

2. Marsinondang ma ho, sada sikap na patuduhon boha do asa marlapatan ngolu on tu angka na humaliang. Ai haholomon do manghuphupi tano on, tontu ingkon na boi do hita pasisihon angka na holom i. Kehadiran kita menjadi bermakna, marlapatan tu angka na humaliang hita, mangalehon sinondang hatiuron, asa gabe pasupasu ma hita tu angka donganta jolma. Boha do asa gabe pasupasu manang marsinondang ngolunta tu angka na humaliang hita? Boha do asa marlapatan ngolungku tu angka na humaliang ahu! Tontu ingkon na tajangkon do Sondang na binoan ni Jesus Kristus i. Marhite sondang ni Tuhanta Jesus Kristus, gabe panondang ma hita tu liat portibi on. Selamat Advent IV !

LUKAS 1: 26-38, DAPOTAN ASI NI ROHA DO HO DI DEBATA, MINGGU ADVENT III, TGL 15 DESEMBER 2024

 

MINGGU ADVENT III, TGL 15 DESEMBER 2024

DAPOTAN ASI NI ROHA DO HO DI DEBATA

LUKAS 1: 26-38

1. PATUJOLO

Rumit antusan haroroNa molo tapamanat songon na masa tu si Sakarias dohot si Maria. Dapotan anak ma si Sakarias dohot ripena Elisabet nang pe nunga matua daging nasida na dua. Sakarias sahalak malim na mansai jonok tu ulaon habadiaon ni Debata. Ripena si Elisabet. Bonar do nasida na dua maradophon Debata, diparangehon do nasa patik dohot aturan ni Tuhan i, maol ndang pola jaloon nasida barita na sian Gabariel. Alai boi dope ragu ibana, maradu dipangido tanda. so hasurahan (Luk 1:6). Tontu ingot do nasida di angka barita halongangan di Padan na Robi na. Songon i nang tu si Maria, sahalak anak boru naposo dope. Las situtu do roha ni si Sakarias ala nunga gabegabean ripena Elisabet nang pe nunga ganjang umurna. Saut do hape na tinonahon Gabariel pardisurgo i. Onom bulan dung gabegabean Elisabet, disuru Debata ma si Gabariel mandapothon si Maria sada anak boru pasahathon barita las ni roha. Na marlapatan, parjolo onom bulan tubu si Johannes Pandidi sian Tuhanta Jesus. Lapatanna, dua barita on marpartalian tu sangkap ni Debata pasauthon si Johannes Pandidi songon patujolo ni Jesus. Sada bentuk kepedulian tu si Maria songon masyarakat terpinggirkan dohot tersisihkan.

2. HATORANGAN

AYAT 26-33

Sarupa songon Sakarias, si Maria pe mabiar di haroro ni pardisurgo i. Songon i angka parmahan i mabiar tingki ro angka surusuruan. Sada hal na positif do i, ala secara psikis tontu tarontohan jala bukbahon ibana mangadopi na so hea masa. Alai gabe marlapatan denggan do i, paboahon hinatimbo sangap dohot hamuliaon ni Debata. Paboa na mauas di asi ni rohaNa. I do na umbahen didok Lukas "Ai marsundutsundut do asi ni rohaNa mida angka na manghabiari Ibana" (Luk. 1:50). Ditogihon Gabariel asa unang lonong si Maria di bagasan habiaran psikis. Alai manatap tu sangkap bolon ni Debata i ma dapotan asi ni roha na sian Debata. Asi ni roha na so hea masa di portibi on. Jala marhite si Maria, tubu sahalak raja na luar biasa di portibi on na mengubah sejarah haluaon ni jolma. Sian halak na metmet, di huta na metmet tubu sahalak raja na marhuaso di atas saluhut jala ndang marhaujungan huasona. Goaron ma Ibana, Jesus. Di hata Gorik marlapatan Sipalua manang di hata Ibrani "Joshua" marlapatan "Debata paluahon". Ndang adong alasan na masuk angkal, boasa dipangke Debata, si Maria gabe parhitean hatutubu ni raja i. Tung lomo ni Debata do mamillit. Alai, jotjot do angka na metmet i dipangke Debata Jaho pasauthon dalanNa. Sahali nai, idaonta Maria na biasa- biasa, na kelas bawah, na so pola godang angka parbinotoan dohot keahlianna, alai dipangke Debata patubuhon sahalak raja kelas atas na luar biasa. Sada parsiajaran na arga asa unang diparsoada angka na metmet i. Sian nasida boi jongjong "jabu ni si Jakob". Jabu masa depan ni angka na porsea. Jala unang dihaginjanghon hamaloon dohot keterampilan na di ibana. Alai hasatiaon dohot holong na rade mangulahon parsuru ni Tuhan, i do sada kunci boi parsidohot pajongjong sangkap ni Debata di tongatonga ni portibi on.

AYAT 34-38

Sungkunsungkun na normal sian si Maria, taringot kemungkinan na boi marianakhon nasida. So tung marnipi pardisurgo i, naeng tubuan anak jala gabe raja na bolon haduan, hape so adong ditanda ibana baoa. Molo Sakarias, dipangido do tanda taringot bagabaga ni si Gabariel. Paboahon keraguan ni Sakarias. Alai anggo si Maria, holan panangkasion na sederhana do dipangido tu si Gabariel. Paboahon, mansai sederhana alur pamingkirion ni si Maria hombar ma i tu status na halak na biasa-biasa. Tutu polos jala bingung do si Maria, ndang ragu songon Sakarias. Timbo ni angka parbinotoan boi mambahen lam timbo tong keraguan. Ringkot ni buktibukti manang tandatanda menopang hasintongan. Deba dipasahat Debata do angka tandatanda i. Alai dao ummarga, ketulusan, kepolosan dohot haburjuon laho manghaporseai sangkap ni Debata. Apalagi, molo songgop Tondi Parbadia, gabe dipargogoi do na porsea i mangauhon sangkap ni Debata. Dipatorang Debata do tudostudos na mansai segar dope i ma na masa di si Elisabet naung matua i. Marhite i lam porsea ma si Maria. Ujungna dihatindanghon ibana ma "Naposo ni Tuhan i do ahu". Sada panindangion na tangkas jala torang. Sian na bingung gabe tegas. Jala didok muse "Sai saut ma tu ahu songon na nidokmi". Porsea jala didukung si Maria do sangkap ni Tuhan i.

3. PENGAJARAN

a. Barita las ni roha tu angka na metmet

Ringkot do marsiajar marnida dalan ni Debata rumit jala unik laho pasauthon angka sangkapNa. Tung maol doi diantusi pamingkirion ni portibi on. Ala holan mangasahon asi ni roha ni Debata do na tuk patulushon sangkapNa. Angka na mian di huta na metmet songon huta Nazaret, dao sian kota, jotjot gabe halak terpinggirkan, termarginal dohot orang kalah. Ndang ala nasida tinggal di pinggiran, alai memang soding nasida sian akses ni ngolu isara akses pendidikan, kesehatan, keuangan, sosial, budaya dohot na asing. Keterbatasan on mambahen pangisina ndang margellok mangadopi angka hamaolon. Tarlumobi tu angka parompuan na dibatasi ngoluna ala budaya patriaki. Alai tung asi do roha ni Debata tu angka na metmet, na so margellok, na hurang sumber daya, dana, na ngungu dohot keterbatasan na asing. Soding do angka na metmet i dibahen portibi on, alai jonok do di Debata. Ditopot Debata angka na metmet, maradu masudo Jagasan jabu. Dibereng isi ni jabu i. Dia ma na hurang, Dibote Juhan i do haporluanta. Ingkon barita las ni angka na gale dohot na pogos. roha pasahaton tu Ndang ala ni pangidoan dohot pambahenan ni jolma, gabe ro Tuhan i. Alai ala tu angka sisongon i do haroroNa. Umbahen i pos ma roha ni angka na dipasoding dohot dipasiding portibi on, didongani Debata do ho. On ma barita las ni roha tu angka na metmet.

b Unang mabiar, dapotan asi ni roha ni Debata do ho

Marragam sibonsiri boasa tubu biar di ngolu on. Alai umumna ala adong ancaman dohot bahaya. Sabotulna, hal na wajar do molo tubu biar. Jala songon sinjata laho mempertahankan diri Holan i, unang ma lonong jolma tongtong di bagasan biar ni roha, lumobi ala ni ancaman. On do naeng dipatingkos pardisurgo i tu si Maria. Ia haroroNa, ndang mamboan ancaman, do i. Unang mabiar, dapotan asi ni roha ni Debata do ho justru mamboan kenyamanan, ai dapotan asi ni roha do ibana. Ketidakstabilan ekonomi dohot politik global, boi gabe sada ancaman di parngoluan sadari on. Di angka parhuaso dohot na mora, ra boi do diadopi nasida hamaolon i ala godang dope sibahenonna laho mangadopi i. Alai boha halak na pogos dohot angka na metmet? Somalna lam marsingkor do hilalaan ni angka na metmet dohot na terpinggirkan, ala ndang adong gogo, huaso dohot arta nasida laho mangadopisa. Ala ni i, mansai sintong haroro ni Debata tu angka na metmet i. Ingkon diondingi Debata nasida marhite gogo dohot huaso na marhite haroro ni Jesus songon Sipalua. ni Debata di jolma, i ma haroro ni di bagasan Jesus Kristus. Hagogoon dohot On ma asi ni roha na balga Debata gabe jolma harajaonNa ndang marhaujungan. Ibana mamboan hadameon dohot hasintongan. Anggo harajaon ni portibi on marsasa tongkin, ndang manongtong. Ala ni podapothon ma Ibana. Jala di Minggu Advent on dipaingot na porsea i asa manghirim di asi ni roha na sahat tu haroro ni Kristus na paduahalihon. Unang mabiar.

c. Tondi ni Debata mangurupi jolma dapotan asi roha ni Debata

Masa pe keraguraguan dohot kebingungan di ganup jolma, partanda adong terbatas kemampuan dohot logika mangantusi na masa. Molo sai tongtong di bagasan keraguan, boi mamparhorhon kegagalan. Jala ingkon auhonon, na terbatas do kemampuanta mangantusi ngolu on, lumobi mangantusi dalan haluaon na pinasahat ni Debata. Rumit jala unik dalan haluaon i. Boasa? Ala di luar logika ni jolma. "Naposo ni Tuhan i do ahu". On ma soara na manjanghon Tondi Parbadia di bagasan dirina. Ndang tarsonggot be, ndang mabiar, ndang bingung di sangkap ni Debata, nang pe rumit. Ndang adong na so tarpatupa Debata. unang ragu haporseaon tu Debata. Paima ma haroro ni Jesus i na mamboan haluaonNa- Amen.

Topik: Pauli Hamu Dalan Di Jahowa – Persiapkan Jalan Untuk Tuhan. Jesaya 40: 1-5

 

BAHAN SERMON JAMITA TU MINGGU ADVENT II 08 Desember 2024

Jesaya 40: 1-5

Topik: Pauli Hamu Dalan Di Jahowa – Persiapkan Jalan Untuk Tuhan

I. Patujolo

Sada sihol ni roha di halak na adong di bagasan hurungan manang penjara ima di tingki adong barita pembebasan/pelepasan di ibana. Songoni do nang turpuk ta di Jesaya 40:1-5 on, ima turpuk na sinurathon ni panurirang Jesaya jala masuk tu bagian Deutro Jesaya (40-55), na di perkirahon di tingki masa habuangan di Babel. Bagian on ma na gabe sada pembaharuan, pos ni roha dohot apul apul di bangso i di tingki di habuangan Babel. Na gabe sada pangondion manang parlinggoman sian Debata tu bangso Israel, di tingki mulak bangsoi sian  masa habuangan di Babel hinorhon ni dosa dosana. Alai marhite asi dohot holong ni roha ni Debata di bangsoi,  gabe dipatuduhon Debata ma haluaon na tu nasida sian habuangan i, laos boi ma nasida manjangkon  haluaon/pembebasan na sian Debata, ima na adong di turpuk ta on.

II. Hatorangan Ni Turpuk

Ayat 1-2, apuli hamu ma bangsoKu,... dok hamu tu roha ni isi ni Jerusalem. Hata apuli di ayat 1 on, ima na patuduhon sada tanda apul apul na mansai lambok dipasahat tu angka na manghilalahon sada hasusaan, habot ni roha, parungkilon, hadangolon dohot angka na hansit hinorhon ni hamatean. Alai molo nunga dipasahat hata apul apul, sahira na adong do sada hagogoon dohot ketenangan di bagasan roha ala sada panghophop na boi dipanghilalahon sian Debata. Songoni ma nang dipanghilalahon bangso Israel marhite panurirang Jesaya na  tongon marsitaonon di habuangan Babel na mangalehon tona pangapulion/penghiburan na sian Debata. On patuduhon, nang pe bangso i naung mardosa, manundalhon jala manadingkon Debata, alai tongtong do Debata marasi ni roha, memiliki belas kasihan, laos marsangkap mangapuli bangso-Na i. Pandohan: Apulapul ma dok hamu tu roha ni isi ni Jerusalem, ima na gabe tona na dipasahat tu bangso ni Debata asa taruli di hasesaan ni dosa nasida huhut nunga marujung parungkilon nasida, ai nunga sesa dosa nai jala Debata do na mangalehon hasesaan  ni dosa i (pengampunan dosa) tu nasida.

Ayat 3-5, Pauli, patigor hamu dalan di Debata asa patar hamuliaonna. Hata “paulihon dalan” di bagasan turpuk on, ima songon sada tanda na patuduhon na ingkon adong sada penyambutan tu sahalak na tung mansai  terhormat. Songoni ma nang di haroroni Debata, na patuduhon hadirionNa, hagogoonNa, dohot hamuliaonNa di bagasan ngolu ni bangso i. Jala tona ni Debata do tu nasida asa ringkot b e m a laho paradehon, mempersiapkan, roha dohot pingkiran di sude gulmit ni ngolu laho manomunomu haroro niTuhan na Badia i. Jala on ma na patandahon hadirion ni Debata di bagasan ngolu ni bangso Israel marhite haluaon na niboanna tu bangsoi. Apul apul tu bangso Israel dipungka ma i dohot paulihon dalan, ai dalan ido na boi mamboan nasida tuhamumulak sian hadosaonna. Jala dung masa saluhutna i, hasangapon ni Debata dipapatar tu saluhut bangso, laos sude rap marnida songondia huaso dohot holong ni Debata mangula dingolu ni bangso nahinaholonganNa i.

III. Sipahusorhusoron 

Di bagasan parngoluan nuaeng on, gumodang do halak mangolu holan mangasahon pingkiranna sambing dohot gogona di na laho mangantusi saluhut sangkap nang pambahenan ni Debata di bagasan ngoluna. Nang pe nunga tangkas ai angka halak na gale jala na terbatas do nian hita di adopan ni Debata, umbahen na so adong na boi mengukur manang mangantusi huaso ni Debata secara keseluruhan. Alai, tontu adong do sada cara na boi ta ulahon laho mangantusi taringot tu hadirion manang huaso ni Debata na so tarbilangi, ima marhite haporseaonta na mangolu. Marhite haporseaon i, diajarhon do tu sude halak asa tutu marpos ni roha laho tumanda Debata dohot saluhut sangkapnai

Ondol tu topik ni minggunta ima pauli hamu dalan di Debata, on ma na manogihon hita di bagasan parngoluan nuaeng on asa rade laho manomunomu haroro ni Debata sipalua hita sian angka parmaraan ni parngoluon on, jala na mangalehon las ni roha di hita. Jala nuaeng nunga sahat hita tu minggu advent na paduahon, tarjou do hita angka halak na porsea asa tutu rade manomunomu haroro ni Jesus Kristus marhite perayaan natal, ima hari hatutubu ni Jesus Kristus siboan hadameon, hangoluan dohot haluaon di hita saluhutna. Alani i, ta parade ma dirinta, rohanta, pingkiran nang sude na adong di hita, nang di saluhut situasi ni parngoluon on asa manjangkon Ibana sian habuluson dohot las ni roha. Ai nunga be sipardohot Jesus Kristus sebagai bagian sian sejarah di saluhut pardalanan ni ngolunta. Amen.

LUKAS 21 : 25 - 36, DUNGO JALA MANONGTONG MARTANGIANG (BERJAGA-JAGA DAN BERDOA SENANTIASA, MINGGU ADVENT I, 01 DESEMBER 2024

 

MINGGU ADVENT I, 01 DESEMBER 2024

DUNGO JALA MANONGTONG MARTANGIANG

(BERJAGA-JAGA DAN BERDOA SENANTIASA

LUKAS 21 : 25 - 36

I. PATUJOLO

Turpuk on ima pangajarion taringot tu angka na naeng masa andorang haroroni Jesus napadualihon. Digombarhon Jesus do angka tanda na naeng mamolgap portibi on. Ditongatonga gombaran haroroni ajalni hasiangan on, dipaingot dohot dipodahon do tu hita asa dungo jala manongtong martangiang. Sipaingot Jesus i pabotohon tu hita angka tanda na naeng masa i ma na adong hamusuon, hagunturon, parporangon, lalo, sahit, haleon nang angka na porsea tartangkup. Didok Jesus pe saluhut na i ndada laho manghabiari alai laho patuguhon asa unang di ihuthon angka parpoda haliluon dohot unang tarsonggot molo masa si songon i. Alani ingkot dungo jala manongtong martangiang asa malua hita sian na manghaliluhon hita.

II. HATORANGAN

Ayat 25 – 28 taringot Angka Tanda. Molo marganti musim sian partaonan ngali tu partaonan las sai adong do tanda na nang panghorhonna, isarani molo martunasi punsuni hau ara jala rungkar angka bulungna naung jonok ma partaonan las (Mat. 24:32). Songon pargantian musim na adong tandatanda na songoni do nang haroro ni Tuhan Jesus paduahalihon, adong tandatandana. Di angka jolma, boi do gabe tahutan marnida angka tandatanda na adong, ima di na masa angka tanda di mata ni ari, di bulan dohot di angka bintang pe; jala hapusohan ma angka bangso di tano on jala bobonosan, bahenon ni gasak ni laut i dohot galumbangna. Langitan marsuara suang songoni panggora ni gasak ini laut dohot galumbangna, saluhutna patubegehon suarana patuduhon na adong kekacauan, hasusaan na parir. Alani molo masa angka tandatanda i dirgak ma hamu ala nunga jonok haluaon muna. Dirgak ma hamu mandok manatap tu Jesus, simalolong na terarah tu Jesus dibagasan haporseaon jala marolopolop ala haluaon nunga jonok, jadi na sa na manghaporseai Jesus dipaimbaru. Sialani do ndang pola be tahutan. Dipahibul ma roha manang fokus ma di hasintongan hata ni Debata na gok huaso asa unang dipalindak, dipalilu angka huaso ini portibion.

Ayat 29-33 taringot Umpama. Marhite umpama i di igil do asa ummara antusan ini situan natorop aha do na didok ni Jesus. Di turpuk on dihatahaon Jesus do sada umpama taringot tu hau ara dohot hau na asing na gabe parsiajaran, marningot angka tanda di ayat sebelumna. Jadi umpama taringot tu hau ara laho manggombarhon asa jaga hita di angka nubuatan naung dipaandar Tuhan Jesus. Hau ara na boi do diparateatehon, bulung na manang parbuena, molo martunas patuduhon naung jonok partaonan las. Songoni ma angka tanda alam semesta portibion na boi ta parateatehon mandok naung jonok harajaon ini Debata. Didok Jesus “Salpu pe sogot langit dohot tano on, anggo hatangki na so tupa salpu”, ia langit dohot tano secara fisik punya keterbatasan, dibatasi ruang dohot waktu. Salpu do saluhutna, ngolunta on pe salpu do ai holan hata ni Debata do na so tupa salpu. Tangkas do ia Hata ini Debata ima diriNa sandiri do (ida. Yoh.1:1); Nasa Surat i, sinihatan ini Debata do (2 Tim.3:16). Ayat 34 – 36 taringot dungo ma hamu. Jaga hamu ma dirimuna unang sorat rohammuna binahen ini parminumon dohot parmabuhon dohot panarihon di hangoluan on. Sada singotsingot ma on tu angka na porsea boa do pardalanan ni ngolu na siganup ari. Marhite turpuk, dipaingot asa jaga ma rohamuna, dungo ma hamu marlapatan asa manongtong mian dibagasan kewaspadaan, hati-hati, bersiap-siap, roha na manongtong satia tu Tuhan Jesus. Sian dia gogo asa boi dungo? Ima marhite na melatih diri martangiang, jala marsihohot martangiang, marparsaoran dohot Tuhan Jesus.

III. PANIMPULI

Masa Advent ima tingki na une laho pahusorhusorhon di bagasan roha haroroni Tuhan Jesus dibagasan huaso dohot hamuliaonNa na laho manguhumi na mangolu dohot na mate. Di masa Advent on merenungkon angka tanda na masa dohot na naeng masa ndada alasan laho gabe mandele manang gabe mandao sian Tuhan Jesus. Advent paingothon hita saluhut asa cerdas secara rohani laho menyikapi angka na masa nang pe so taboto pasti na manang sadihari tingkini. Advent na ro ma Tuhan i, antong tagam ma. Alani ma aha do na boi putihan sian turpuk on? Didok jaga ma hamu, dungo ma hamu (ay. 34) manongtong martangiang (ay. 36). Jaga ma unang tarpodom, unang terpengaruh tu angka na masa di portibion, alai marsihot ma di tangiang na mangalehon gogo di ganup na porsea (ida BE 487). Di advent na parjolo on huhut marningot ari HIV/AIDS sedunia, na paingothon hita lao manghaholongi angka dongan na hurang diparateatehon songon tanda na marsihohot manomunomu Jesus. Di hurianta adong do lembaga HIV/AIDS na fokus mendampingi, mangurupi Orang dengan HIV/AIDS (ODHA), na sai tongtong mangalehon angka paarbinotoan taringot tu HIV/AIDS on ala sai jumpang dope hamaolon manjalo ODHA on ala dianggap dope sahit na sumalin. Manongtong ma martangiang anggiat ODHA mandapot hak na di tongatonga ni masyarakat.