Jamita : 2 Musa 4:10-17 TONGTONG RADE MAMARITAHON HATA NI DEBATA

 

Jamita : 2 Musa 4:10

-17

 

TONGTONG RADE MAMARITAHON HATA NI DEBATA

Huria ni Tuhanta, disada buku na sinurat ni Max Lucado na berjudul "Temukan ‘Sweet Spot’ Anda" didok ibana, "unang pola holsohon hamu keahlian na so adong di hamu. Unang pola dihaliangi roham angka hagogoon na adong di halak. Na rumingkot, pahehe jala pabangkit ma halobian na adong di ho, laho mambahen nadumenggan bahen di Debata".

I do naeng idaonta marhite panjouon ni Debata tu si Musa di na laho manguluhon bangso Israel haruar sian parhatobanon Misir. Di hilala si Musa do hahuranganna, umbahen sanga ibana manjua di panjouon ni Debata.

Mangihuthon tradisi ni haporseaon ni halak Israel targoar do buku 2 MUSA on exodus na marlapatan ma i keluar/haruar/borhat sian Misir/manang proses pardalanan ni nasida mandapothon huta Kanaan. Di buku on boi idaonta boha do parmulaan ni Jahowa tumangihon anggukangguk ni nasida gabe asi ma roha ni Jahowa asa di palua nasida. Adong do impola/manang astuanna boasa pola ingkon urupon ni Jahowa nasida haruar sian Misir na parjolo ma i: asa saut ma padan ni Debata gabe bangso na tarpasupasu nasida. Paduahon: asa ditanda nasida Debata jala di oloi Ibana (2Musa 3 : 12b). Gabe ro ma Debata mandapothon si Musa. Di parmahanan di dolok Horeb dipatuduhon Debata ma DiriNa marhitehite ramba api na marnalanala (3 : 2) on ma panjouona na parjolo di si Musa asa gabe laho ibana marbarita na uli tu bangso Israel i.

Huria ni Tuhanta, di na sai tongtong dipapisatpisat bangso Misir bangso Israel, asi do roha ni Debata jala di jou ma si Musa naeng bahenon ni Debata laho manguluhon bangso i haruar sian parhatobanan i (2 Musa 2:23-25, 3:10). Alai boha do alus ni si Musa ? Ise ma ahu pola, tung dapothononku raja Parao i, tung paruaronku halak Israel sian Misir? (2 Musa 3:11). Alai dipapos Debata do rohana na donganNa ibana jala nunga dipabotohon na naeng siulaon dohot sidohononna (2

Musa 3:12-22). Alai sai tongtong doganggu roha ni si Musa jala sai maralus tu Debata (2 Musa 4:1). Nang pe songon i, sai tongtong dope denggan alus ni Debata patoguhon jala pahothon rohana marhite na mambahen angka tanda (4:2-9). Alai sai tongtong do ganggu roha ni si Musa. Jala sian alus na i ditulahi do parsuru ni Debata na tu ibana. Boasa ? Sai dirajumi ibana na so tau (tidak mampu, tidak sanggup), jala minder (tidak percaya diri) : "Iale Tuhanku, ianggo ahu ndang jolma parhata ahu, nang olat ni nantuari, nang olat ni nantuarisada, nang olat ni dung manghatai Ho dohot naposoM, ai dokdok do pamanganku jala hallang dilangku."

(10). Nang pe naung tarrimas Debata, sai tongtong do manganju Debata, jala dilehon do pangurupi di ibana laho manghatahon Hata ni Debata, i ma si Aron hahana i (4:14-16), gabe saut ma si Musa mamboan bangso i haruar sian tano parhatobanan i.

Adong do pigapiga na naeng si guruhononta sian si Musa :

1.   Di naung madabu si Musa sian parngoluon na sonang sian anak ni boru si Parao gabe sahalak parmahan mambahen ibana gabe minder (tidak percaya diri). Kejatuhan Musa dari anak angkat putri Firaun menjadi seorang gembala membuat Musa minder. Na masa di parngoluon ni jolma angka haporsuhon (angka kegagalan) boi do mambahen jolma gabe minder (peristiwa kegagalan seseorang dapat mengubah orang yang percaya diri menjadi minder). Marpardomuan do i tu cara pandang/pola pikir mangadopi angka masalah.

2.   Di dok si Musa do na so malo ibana manghatai. Patuduhon na holanhagaleon/hahurangan do sai dipingkiri ibana. Ndang dipardulihon ibana halobian na adong di dirina. Manang dohot pandohan na asing, sai sisi negatip do diparrohahon. Maraleale ma pangalaho sisongon i dohot halak na sai mengkritik, holan mamereng angka na hurang. Ketika Allah memanggil Musa untuk melayani, ia menjawab, “Ah, Tuhan, aku ini tidak pandai bicara, dahulu pun tidak dan sejak Engkau berfirman kepada hamba-Mu pun tidak, sebab aku berat mulut dan berat lidah” (Keluaran 4:10). Perkataan itu menandakan bahwa Musa mungkin mengalami kesulitan dalam berbicara. Mungkin ia gagap. Tuhan berkata kepadanya, “Siapakah yang membuat lidah manusia, siapakah yang membuat orang bisu atau tuli, membuat orang melihat atau buta; bukankah Aku, yakni Tuhan?” (ayat 11).

Kelemahan, ketidakmampuan, dan kecacatan kita sekalipun, dapat digunakan Allah bagi kemuliaan-Nya. Bukan dengan membuang kelemahan kita, tetapi dengan menganugerahi kita kekuatan dan memakai keterbatasan kita demi kebaikan. Bila

kelemahan membuat kita mencari Allah dan bergantung kepada-Nya, berarti kelemahan-kelemahan itu justru menolong kita dan tidak menghalangi kita. Kelemahan-kelemahan ini justru merupakan hal terbaik yang dapat kita alami, karena pertumbuhan kita dalam keberanian, kekuatan, dan kebahagiaan tergantung pada hubungan kita dengan Tuhan dan seberapa besar kepercayaan kita kepada- Nya. Ketika Musa diberikan tugas oleh Allah, ia sadar bahwa dirinya memiliki kekurangan yang mungkin akan dapat menghambat dirinya untuk mengemban tugas tersebut.

3.   Ujung na boi do diboan si Musa bangso Israel haruar sian Misir mamolus Laut rara. Gabe boi halak na dihilala ibana gale manguluhon bangso na balga jala mamboan taripar mamolus Laut rara, ala : Parjolo, Olo si Musa porsea jala satia (taat) tu Debata nang pe dimula na i dijua ibana ala hagaleonna, Paduahon: olo si Musa mangalangkahon/mangulahon (bertindak) nang pe godang angka hagaleonna. On do kunci utama laho mangatasi hagaleon / keminderan. Alani i , tabolongkon ma sikap minder Ganup angka na porsea dijou Debata laho mangulahon misi sian Debata. Adong be do ulaon dipasahat Debata tu ganup jolma na tinompaNa i, alai ala naung madabu jolma i tu bagasan dosa mambahen ndang sempurna be jolma i, gabe sega laho mangulahon panjouon i. Sude do taruli tu panjouon haluaon, ai dihalomohon Debata do asa dapotan haluaon sandok manisia na tinompaNa i, marparsaoran na denggan dohot Ibana. Tutu, adong do na tarjou tu ulaon na khusus marpardomuan tu sangkap haluan ni Debata songon na dibaritahon di Bibel i (mulai sian si Adam sahat tu Jesus Kristus, tu angka Sisean nang Paulus).

Huria ni Tuhanta, diboto si Musa do ulaon siulaonna i, alai dirimpu do holan ala ni habisuhon dohot gogona sandiri ibana laho mangadopi raja Parao. Nian nunga dipapos Debata rohana: Ala ni umbahen tuat Ahu paluahon nasida sian tangan ni halak Misir, jala paruarhon nasida sian tano on tu tano na denggan jala na lambas, tu tano habaoran ni susu dohot situak ni loba, tu tano inganan ni halak Kanaan dohot Het i dohot Amori dohot Perisi dohot Hevi dohot Jebusi. (2 Musa 3:8). Debata sandiri ro laho mangurupi hita diangka hamaolon nataadopi. Sai tongtong do dihaholongi Debata hita, nang pe sipata gale haporseaontai: Alai ia Debata, dipapatar do holong ni rohaNa i di hita, uju pardosa dope hita, ai disi do mate Kristus humongkop hita. (Rom 5:8).

Dijou Debata do hita laho manghobasi Ibana marhite na mangulahon lomo ni rohaNa i. Di jou hita asa rap dohot Ibana magulahon naung sinangkapanNai di portibion, nang marhite mangajari dakdanak (Singkola Minggu), ulaon asiasi,

marbarita Nauli, dohot marhite angka ulaon panghobasion naasing. Molo songgop hagangguon dohot losok ni roha, sai luluan do alasan unang niulahon songon si Musa i. Alai di dok Debata do "Ai jadijadianna do hita, angka na tinompa di bagasan Kristus Jesus, asa marulaon na denggan hita; ai angka i do dipature Debata hian, asa taparangehon i." (Epesus 2:10). Boto hamu ma: ndang halak na boi di lului Tuhan i laho pangkeonNa, alai halak na olo do. Sian Debata do nasa hagogoon, hatauon dohot parbinotoan. Amin.

 

Bahan Diskusi :

1.      Angka dia ma hagaleon na tahilala na boi mangambati hita laho mangulahon ulaon panjouaon ni Tuhan i manang laho mangulahon ulaon panghobasion di huria ?

2.      Hea do tahilala di hagaleonta i dipatuduhon dohot dilehon Debata hagogoonnNa tu hita laho mangulahon panghobasion ni Debata ? Angka dia ma i ?

Pdt. Edison M. B Nababan, S.Th HKBP Ressort Labuhan Ruku II

 

Jamita : Psalmen 34:16-23 TOGU DIBAGASAN TUHAN I

                                                                                                   Jamita : Psalmen 34:16-23

 

TOGU DIBAGASAN TUHAN I

 

Huria na hinaholongan dibagasan Tuhan Jesus Kristus,

Saleleng di portibion hita, ngoluta on dang hea luput sian angka parsorion. Nuaeng sungkun sungkun boasa do portibion gok angka parsorion na masa? Sude angka parsorion i siala nunga madabu jolma i tu bagasan dosa, alai hita angka na porsea dang pola hita mabiar manang tahutan, ala adong do Debata na mansai luar biasa na boi mambahen sude angka permasalahan, pergumulan dohot angka na asing i asa lam jonok hita tu ibana .

Tung jotjot do di situasi na mansai porsuk, masa masa na gok parungkilon i memaksa hita asa ro tu adopanNa dibagasan roha na unduk. Dipaingot do hita marhite beberapa kejadian asa unang padaohu hita manimbil sian dalanNa. Jotjot hita merasa dang sanggup, olo sipata hita mandele, menyerah di keadaan meteran listrik na mangkulingkuling, SPP ni angka ianakkon, permasalahan di parkarejoan, bisnis, ditadingkon na tahaholongi dohot lan na asing, olo hita tangis jala mangangguhi tu Debata. Pujian penyembahan kita naikkan kepada Tuhan dengan hati hancur dan mendalam. Seperti Hana. Dalam pergumulan berat, "...dengan hati pedih ia berdoa kepada Tuhan sambil menangis tersedu-sedu." (1 Samuel 1:10). Daud berkata, "TUHAN itu dekat kepada orang-orang yang patah hati, dan Ia menyelamatkan orang-orang yang remuk jiwanya." (Mazmur 34:19).

 

Huria na hinaholongan dibagasan Tuhan Jesus Kristus,

Aha do nanaeng dohonon ni Turpuk on tu hita. Didok di topik ni minggu ta, Togu dibagasan Tuhan i, Kuat didalam Tuhan. Dipangido tu hita asa tongtong hita bersabar dibagasan panghirimon na mangolu tu Debata. Allah turut bekerja dalam

segala sesuatu untuk mendatangkan kebaikan bagi mereka yang mengasihi Dia, yaitu bagi mereka yang terpanggil sesuai dengan rencana Allah." (Roma 8:28).

Debata do na maniop kendali di saluhut pardalanan ni ngolunta on, termasuk ma i disaluhut ragam ni haporsuhon na ro marsingkatsorin, Alani i, margogo ma hita, tapasahat ma ngolunta on holan tu Ibana pardenggan basa i, holan ibana do na tuk mangalehon hagogoon, pangurupion, dohot semangat naimbaru di hita. Amen.

 

Bahan Diskusi :

1.      Aha do na mambaen dang togu hita dibagasan Tuhan i?

2.      Jala aha ma sipatupaonta asa sai togu hita dibagasan Tuhan i?

 

Pdt.Frans J. P. Sianturi, S.Th. Pimpinan Jemaat HKBP Suka Maju Resort Tanjung Balai

Jamita : Johannes 6:51-58 MANADINGHON NEANG NI ROHA JALA MANGIHUTHON DALAN HAPANTASON

 

  Jamita : Johannes 6:51-58

 

MANADINGHON NEANG NI ROHA JALA MANGIHUTHON DALAN HAPANTASON

 

Richard Foster dalam bukunya Celebration of Disciplines, mengingatkan kita: “Superfisialitas merupakan kutukan di zaman kita” (Superficiality is the curse of our age): “Kita hidup di era superfisial, era yang mementingkan kehidupan lahiriah, hal-hal yang nampak dipermukaan, era kosmetik, era hidup yang penuh dengan topeng. Kita mengenakan berbagai topeng untuk menutupi diri kita yang sebenarnya. Kita pura-pura berdoa, pura-pura produktif bekerja, pura-pura aktif melayani, pura-pura peduli dengan orang lain, pura-pura cinta Tuhan. Terus-menerus berpura-pura, padahal kita melakukan semua itu bukan untuk kemuliaan Tuhan, tetapi untuk kemuliaan diri sendiri, untuk memenuhi kebutuhan ego kita”. Lam ngeri do pangantusion nang pambahenan ni jolma i maradophon jala mangantusi dihadirion ni Jahowa, penuh dengan topeng, penuh dengan kepura-puraan.

Jesus mangalehon Pangajarion: “Natuat sian Banua Ginjang= yang telah turun dari surga” (pola 2 hali diondoshon Ibana hadirion-Na- ay.51+58) ido siboan Hangoluan. Dipangajarion ni Jesus dibagasan Parguruan di huta Kapernaum, dipaingot jala dipodai ma angka na toropi: “Ai na tuat sian banua ginjang do silehon hangoluan tu portibi on; i do roti na mangolu, ido na mangolu salelenglelengna bahen hangoluan ni Portibion. Pangantusion na bagas situtu do pangajarion i unang mangolu be angka na mangalului Jesus di ngolu na kepurapuraan (Dilului hamu pe Ahu, ndada ala naung dapot rohamuna tanda i, tung ala ni na bosur i do hamu, na mangan roti i. Unang ma sipanganon na olo salpu ula hamu; alai sipanganon na mian ro di hangoluan na salelenglelengna”- ay.26).

Dipapatar Jesus DiriNa, “Ahu do Roti hangoluan i= na mangolu”. Namangharinghothon= na manganhon Roti i= ima daging nang manginum Mudar- Na, ido mangolu salelengna; Ima na manghangoluhon Jesus di ngoluna. Angka halak na so mangantusi hadirion ni Jesus ingkon mengalami kebingungan, songon halak Jahudi (orang-orang yang menganggap dirinya keturunan Abraham) gabe marsual ala Logika nasida: “Beha ma bahenon ni Halak on mangalehon dagingna i panganonta..?”. Dang holan dilogika laho mambahen Jesus mangolu, Ingkon dohot do nang Haporseaon; haunduhon jala parsitutuon na tutu= frofesionalisme. Di lehon Jesus do pangantusion natutu situtu: “Tung na so dapot hamu hangoluan i, molo so dipangan hamu daging ni Anak ni jolma i, jala so diinum hamu mudarna!. Dapotan hangoluan salelenglelengna do ganup na manganhon dagingku jala manginum mudarhu; jala paheheonku do ibana di ari parpudi. Ai sipanganon na tutu do dagingku, jala siinumon na tutu do mudarhu. Manang ise na manganhon dagingku jala manginum mudarhu, i do na mian di bagasan Ahu jala Ahu di bagasan ibana”. Nunga tung bagas jala hembang dipapatar Jesus dalan laho manogu tu hangoluani, dang adong be na so jelas dipangajarion ni Jesus disi. Ibana do Anak ni Debata na sinuru ni Ama Siparngolu i, songon i ma mangolu marhitehite Ahu na manganhon Ahu. Mangolu salelenglelengna do na manganhon roti on.

Jesus do na tuat sian Banua ginjang, ido Roti na mangolu; ido Roti hangoluan. Sude hita mangharinghothon hangoluan, hangoluan dapot doi sian Sipanganon (manusia akan memiliki energy untuk hidup, itu di dapat dari makanan dan Minuman), alani ringkot do di jolma sipanganon dohot siinumon. Ditawarhon Jesus ma nuaeng sipanganon Hangoluan ima diriNa= dagingNa dohot MudarNa, asa taruli hangoluan na salelenglelengna na manganhon= namanghangoluhon Jesus di ngoluna. Diboto jala diantusi hajolmaon do tangkas pangajarion ni Jesus i, alai laho manghangoluhonsa “Nanti Dulu”, pangantusion:

1.    Namadabu do hita tu ngolu na mementingkan kehidupan lahiriah= ngolu ni daging, hal-hal na tarida sambing, era kosmetik, era hidup yang penuh dengan topeng, Era yang penuh kepura-pura-an; Hidup untuk makan bukan Makan untuk Hidup (mangolu laho mangan dang Mangan asa mangolu). Madabu do hita di Ngolu na menyangsihon hadirion ni Jesus; neang ni Roha Ibana siboan Hangoluan= kemerdekaan i, ala golom riaria do Haporseaonta (“Tadingkon hamu ma angka na neang roha, asa mangolu hamu, jala ihutihut hamu ma dalan hapantason”-Poda9:6- Jamita Minggu).

2.    Nunga 79 tahun Indonesia Merdeka alai tong dope taida saling menyakiti dan saling menjatuhkan; tarida dope ngolu na so saling menghargai, hira ugasanna sude. Hataridaan ni angka na so mamboto arti kemerdekaan= hangoluani mai. Sai dihaliangi ngolu diportibion dope hita (ego tu dirina). Jesus do Hangoluan; Ibana do silehon Kemerdekaan i: “Asa saut malua hita, umbahen na dipalua Kristus i hita. Hot ma hamu jongjong, antong, jala unang be olo hamu patunduhon ni auga parhatobanon i” (Gal. 5:1). Amin.

 

Bahan Diskusi:

1)   Jesus do na tuat sian Banua ginjang, siboan Hangoluan, alai boasa ma dang tapatujolo Ibana di ngolunta, aha do mambahen i?

2)   Merdeka, dia do lapatanna na tutu situtu songon halak Kristen naung merdeka hita?

Pdt. Ramli S. Sihombing, M.Pd. Pendeta HKBP Resort Pulo Raja

 

Jamita : Psalmen 34:1-8 NGOLU NA IMBARU DI BAGASAN KRISTUS

 

                                                   Jamita : Psalmen 34:1-8

 

NGOLU NA IMBARU DI BAGASAN KRISTUS

 

Hamu angka dongan sahaporseaon, somalna molo nunga digohi biar ngolu ni jolma, sipata naso siulaon pe diula ma, bahkan angka na maralo tu lomo ni roha ni Debata pe diula ma i. Isarana molo mabiar hita ndang malum sahitta pintor mura do laho tu datu, molo maol jumpang na niluluanna lao ma mangido pasupasu tu somangot ni ompu, molo mabiar marpogos (naeng hatop mamora) gabe diula ma nakorupsi manang manangko. Hape ndang sadar jolmai diula pe songon i ndada boi mangalehon jalan keluar di parsorionna, baliksa gabe lam mamboan tu parsorion na lam umbagas. Alai molo mampu do hita mangadopi angka masalah di ngolunta on di bagasan hatoguon ni haporseaon jumpang hita ma alus/ jalan keluar di setiap permasalahan ni ngolunta on.

Di nanilele ni Raja Saul si Daud, gabe maporus do ibana tu huta Gat, ninna rohana ndang adong na mananda ibana disi, hape mangalualu do naposo ni Raja Akis mandok : Nda on do si Daud raja ni luat i? Nda taringot tu ibana do marende taripar angka parompuan songon on: Si Saul manaluhon marriburibu halak, alai anggo si Daud marloksaloksa do ditaluhon. Alani biar ni si Daud mida raja i, gabe dipaula ma ibana songon na lalaen (rintik) gabe ndang saut be ibana dijou tu jolo ni raja( 1 Samuel 21:10-15). Alai dinasongon i do dihilala ibana naso sintong na niulana i, gabe tubu ma rohana mamuji huhut mangalului Debata di parsorionna i, Ima na boi taida marhite turpuk jamita on.

1.    Manongtong mamuji Debata

Komitmen ni si Daud na mandok : “Pujionku ma Jahowa sipatsipat ni ari, sai tong ma pujipujianna di bagasan pamanganku” tontu na borhat do i sian kesadaran paboa holan huaso dohot hagogoon ni Debata do na boi paluahon ibana sian ancaman hamagoan, ima sian sangkap ni Raja Saul nanaeng mambunu ibana.

Nian nunga tung talpe ibana tu hamagoan i, alai ala diondingi Debata ibana gabe malua do ibana sian i. Asa ndang adong be alasan ni ibana so mamuji Debata, bahkan pola didok ibana sipat sipat ari, lapatanna ndang mansohot be ibana mamuji Debata, ndada holan ditingki las rohana manang ditingki ndang adong parmaraan, alai manang aha pe na masa di parngoluonna i, naeng tangkas ibana mamuji Debata. Boi si David manongtong mamuji Debata ala na dipanghilalahon ibana do paboa ndang sadia dope angka hamaolon na binolus ni jolma dibandingkon tu asiniroha ni Debata najinalona, lapatanna dao umbalga do asiniroha ni Debata sian persoalan-persoalan ni ngolu ni jolma i. Di Psalm 63:4-5 didok si Daud “Ai dengganan do asi ni rohaM sian hangoluan, sai pujion ni bibirhu ma Ho. Sai songon i ma pamujingku di Ho saleleng ahu mangolu, mangasahon goarmu paherbangonku ma tanganku tu ginjang (ptds BE 557:1+3 dao dumenggan). Molo boi ditanda jolma asiniroha ni Debata dingoluna, ido mangonjar rohana mamuji Debata, alai molo dirajumi do ngolunai berjalan secara alami, manang alani gogona tontu maol do i mamuji Debata, asa panandaon na tangkas di asiniroha ni Debata ido mangonjar hita mamuji Debata. Hape molo disadari jolma i, tung holan ala asiroha ni Debata sambing do umbahen boi hita mangolu. Didok si Jeremia di Andung 3:22 : Asiasi ni Jahowa sambing do umbahen so haru sun siap hami, ai ndang marpansohotan asi ni rohana i. Alani ido umbahen didok Paulus : Mandok mauliate ma hamu siala saluhutna! Ai i do dipangido Debata sian hamu marhitehite Kristus Jesus ( 1 Tes 5:18). Jala ndada holan hita naeng mamuji Debata alai dohot do donganta, alani ido arahononta torop halak mamuji Tuhan i, termasuk angka na nadangol asa gabe dohot nasida dapotan lasniroha.

2.    Mangalului jala joujou tu Debata

Molo didok mangalului Jahowa ndada na mandok na so tarida Debata, manang na martabuni, manang ‘mago’ Debata. Ai sasintongna ndada jolma parjolo mangalului Debata, alai Debata do na parjolo mangalului jolma “Luluanku ma na mago i, jala mulak boanonku na tardempar i..” ( Hes 34:16) alai molo didok dison mangalului Jahowa, ima pahombarhon ngoluon tu lomo ni roha Debata. Boi do ala ni angka parungkilon namasa di ngolu ni jolma gabe ditundalhon ibana Debata, manang gabe ndang dihaporseai Debata na tuk paluahon ngoluna, gabe hagogoon na asing na haporsea i. Tu angka na songon i ma naeng togihononna asa mangalului Debata jala tongtong joujou tu Debata. Jadi mangalului Debata dos lapatanna mulak tu Debata, mulak manghaposi Debata, jala na tongtong pasahat diri tu Debata. Ai tung songon dia pe angka na di portibon alai na pasti : Dengganan marhaporusan

tu Jahowa, asa marhaposan tu jolma. Dengganan marhaporusan tu Jahowa, asa marhaposan tu angka raja. ( psalm 118:8-9). Ternyata adong do kepastian di ngolu ni angka na porsea na joujou dohot na mangalului Jahowa ima : dialusi jala ditangihon Debata do ibana. “Hulului do Jahowa, jadi dialusi ahu, jala dipalua ahu sian angka hagogotanku sudena” jala diayat 7 didok “Joujou do na dangol on, gabe ditangihon Jahowa, jala dipalua do ibana sian hagogotanna sudena”. Molo tu portibion hita joujou manang mangalualu belum tentu dope dialusi, apalagi ma diurupi. Hape tu Debata adong jaminan dilehon : Dung i joujou ma ho, jadi alusan ni Jahowa ma ho; molo angguhangguk ho, gabe dohononna ma: Ida ma, dison do ahu!( Jes 58:9) Nuaeng persolanna; olo do jolma mangalului jala joujou tu Debata? Binsan dilehon Debata kesempatan ingkon naeng pangkeon ni jolma laho mangalului Debata. Sai lulu i hamu ma Jahowa, binsan tarbahen dope jumpang ibana; jou hamu ma ibana, binsan jonok dope ibana ( Jes 55:6). Manongtong ma hita mamuji Debata, ai pardenggan basa do ibana, jala na so marpasohotan do asinirohana sudena. Amen

 

Bahan Diskusi :

1.    Angka dia ma na mambahen ngolunta mabiar di partingkianon, jala molo ro biar tu ise do hita mangalualu?

2.    Songon Dia ma hataridaan ni ngolu na mangalului dohot na joujou tu Debata dipartingkianta sinuaengon?

 

Pdt. Janti D. Nababan Pendeta HKBP Resort Desa Gajah

 

Jamita : Johannes 6:24-35 DEBATA MANGALEHON SAGUSAGU HANGOLUAN TU BANGSONA

 

                                                     Jamita : Johannes 6:24-35

 

DEBATA MANGALEHON SAGUSAGU HANGOLUAN TU BANGSONA

 

Sada pandohan di bangso Batak, “Mutu do siborok mangalului guluan, mutu do jolma mangalului hangoluan.” Dipatuduhon i do manang songon dia pandapot ni halak hita taringot tu ngolu dohot na mangolu. Na arga sahali do ngolu i. Ala ni argana, rade do toropan halak loja mangusahohon. Diadangi tusan dohot tu sadui, digogo mangula dohot mansari arian sahat ro di borngin asa tung unang nian asal mangolu, alai naeng ma na sapatutna. Alai ngolu na songon dia do na nidokna disi? Torang do, ngolu pardagingon do i, ndang lobi jala ndang hurang. Songon i ma na masa di parguruan huta Kapernaum, pangunjunan na masa tu Jesus na ro sian Halak Jahudi na sai holan manarihon ngolu pardagingon.

Di jolo ni turpuk on (ay. 1-13), ditamuei Jesus 5000 halak di sada inganan di topi sabola habinsaran ni tao Galilea. Malungun di ngolu na sonang, na gok roti dohot dengke na so pola hinalojahon, naeng paksahonon ni natorop i do pabangkithon Jesus gabe raja (15). Pangunjunan bolon do i di Tuhan i. Marsaringar do muse disi soara ni sibolis na di pangunjunan na di halongonan i na mangusulhon asa dipatujolo Jesus na paluahon jolma sian masalah ‘butuha’ (Mat.4:3). Ala ni i, sumurut ma Ibana tu sada dolok. Marsogotna i, mangulahi do muse usaho ‘perajaan’ i (22 ). Di bagasan sada panghataion na ganjang ditulak Jesus do i (25- 58). Disi, dipahusor Jesus do pamingkirion ni natorop i sian na manghalungunhon roti tano on tu na manghaporseai Ibana sandiri, dipahusor sian na manghasiholi ngolu parsatongkinan tu na manghirim di hangoluan na saleleng ni lelengna (27). I ma na gabe sibonsiri ni turpuk Johannes 6:24-35.

Masihol di tanda (Halongangan, Mujizat). Marusaha do Halak Jahudi mangido tanda, alai tanda na mamanggar (ndang sian joujou haporseaon-Ay.29), atik boha do tarpatupa ni Jesus tanda na jumago sian si Musa. Musa tuk patupahon

tanda sian banua ginjang marhite na paro Manna; ia Jesus patupa halongangan marhite tanda na sian toru (portibion) dope, i do manggohi rohanasida. Jadi, hira on ma na naeng dohonon nasida, “Porsea pe ompunami di si Musa, ala na dilehon ibana do nasida mangan Manna. Nuaeng pe, molo diigil Ho asa porsea hami di Ho, bahen ma tanda na balga, lehon ma di hami roti na sian banua ginjang!” Maol tarjalo nasida marparhatudos Musa dohot Jesus. Humebat dope si Musa dipikirannasida. Didok rohanasida, matorbanghu do pangarajumion ni Jesus di diriNa, ai barani Ibana mangigil haporseaon sian bangso i. Sandok, holan tu roti portibion do tarihot pingkirannasida.

Di ay.35, langsung ma Tuhanta Jesus manghatindanghon diriNa, ninna ma, “Ahu do roti hangoluan i, sandok na so male be manang ise na ro tu Ahu; jala na so tupa be mauas manang ise na porsea di Ahu.” Roti (sipanganon) mambahen mangolu (ai ingkon mangan do sude asa mangolu). Na pinangan ni jolma i, i do na na gabe ngolu dohot gogona; na diparhajob (cerna) jala saor tu sandok dirina, na gabe daging dohot pamatangna. Ala ni i, ndang na masalpuhu, alai tarjalo do molo didok na mandok, “Jolma i ma (aha) na pinanganna.” Di bagasan arti dohot fungsi ni sipanganon na songon i ma digoar Jesus dison diriNa ‘roti’, mandok: Ibana do hangoluan (pat.48; 11:25; 14:6). Hangoluan dison ndada holan na marhahonaan tu pardagingon, alai lumobi do tu partondion.

Jesus do hangoluan, lapatanna: (1). Ibana do silehon ngolu. Sipangolu sasadasa (sumber hidup satu-satunya). So di bagasan dohot marhitehite Ibana, ndang adong na mangolu. (2). Ibana do hangoluan. Ibana sandiri do hangoluan i (pat.1:4), mual, bona (hakiki) ni hangoluan na sasintongna. Di ruar ni Jesus, ‘ngolu’ na diparnampuna jolma ndang targoar dope i ngolu. (3). Ibana do pardomuan dohot Debata. Ngolu, i ma pardomuan dohot Debata; parsaoran na di bagasan tondi dohot haporseaon na mardame jala na rosu (intim), na hombar (harmonis). Parsaoran sisongon i ndang jumpang agia ise i di ruar ni Jesus. Ala ni i, ndang angka tanda i, isara aek na gabe anggur manang roti dohot dengke na marlompit ganda i, alai tung Ibana sandiri do na rumingkot di jolma. Manang ise na porsea di Ibana ndang male jala mauas be, alai taruli do di hasesaan, di haimbaruon dohot di hadameon. Mangolu tahe saleleng ni lelengna.

Alani: Dao ma sian hita parange na mardebata butuha, baliksa sotung gabe dibaen (dipertopengkan) angka ulaon Harajaon ni Debata pagukguk hagiot nang parnampunaonna (memanfaatkan agama untuk mendapatkan prestasi, kenyamanan egosentris). Une do na nunut, na ringgas mulamulaon, alai diginjangni saluhut,

ingkon haporseaon tu Jesus i do na manggabei nasa siulaon. Taparhajob ma sipanganon pardagingon asa hipas, gopas pamatang, suang le ma nang parsaoranta tu Tuhan Jesus tongtong ma taharinghothon, asa hipas, bosuran tondinta. Tulus ma hita muse sahat tu ngolu na manontong surgo hasonangan, alani haporseaonta tu Jesus Roti Hangoluan i. Amen.

 

Bahan Diskusi:

1.      Sada pandohan: SIPANGANON DOHOT PANGALAHO: “Na pinangan ni jolma do manontuhon pangalahona”. Boha do pandapotta taringot tusi? Aha do ngolu dohot hangoluan i dipingkiranta be.

2.      Di ulaon siap ari, songon dia do dalan (cara, patupahon), tahobasi ngolu pardagingon, baliksa ndang tading ngolu partondion.

Pdt. Rudi M. Simaremare, S.Th. Pandita HKBP Resort Aekkanopan