Topik Minggu: Dibungka Jesus Dalan
Naimbaru tu Hangoluan (Heber 10:16-25)
- Pamuhai
Tung mansai ringkot do pembangunan dalan di sada daerah laho
mendukung pelayanan dibidang pendidikan, kesehatan, perekonomian, dohot lan na
asing. Nang songoni ma ringkot ni dalan haluaon tu halak Kristen marhite
haporseaon na Tuhan Jesus. Di haporseai halak Kristen do, Jesus dalan tu
hangoluan na so ra suda.
- Dibungka
Jesus Dalan Naimbaru tu Hangoluan
Tradisi Jahudi manghaporseai sada dalan laho tu haluaon ima
marhite na mangalehon pelean isarani birubiru tunggal, merpati, dohot lan na
asing, tu sada inganan na pinarade ni malim. Dibahen nasida do bagas joro ni
Debata na adong di Jerusalem marbagianbagian. Adong na ginoaran pelataran
parduru, inganan on boi masuhan ni sude halak Jahudi dohot non Jahudi. Dung i
pelataran parbagasan, i ma inganan ni halak Jahudi na so boi masuhan ni non
Jahudi. Dung i adong ma bagian na badia, i ma bagian parpalitoan ro di meja
dohot roti na marhadohoan, holan malim ma na boi masuk tuson.
Tradisi on ma na dipaimbaru Jesus marhite hamamatena. Asa
unang holan malim na boi masuk tu bagasan na badia. Dipatuduhon Jesus do tanda
di tongatonga ni bangso i asa lam tangkas mangantusi habadiaonNa marhite
hamamateNa. Tanda i ma maribak ma hirehire (pembatas) ni inganan na badia di
tingki Peristiwa hamamate ni Jesus di hau pinarsilang. Berdasarkan penelitian
sejarawan Jahudi, ima si Yosefus, didok ibana do 18m timbo ni hirehire na di
bagas joro i, jala 10cm ma ketebalan ni hirehire i. Artina, ndada mungkin boi
maribak hirehire bagas joro i alani kebetulan. Sada tanda do i na naeng
patuduhon hamamate ni Jesus laho mambungka dalan naimbaru tu sude halak Jahudi
dohot non Jahudi. Ndada na naeng holan paimbaruhon tradisi hamamate ni Jesus i.
Dohot do naeng pajongjongon padan di bagasan ateate dohot roha ni sude halak
Jahudi marhite mudarNa na gabe dalan laho bongot tu bagasan na badia i.
Marhite hamamate ni Jesus malua ma sude dosa manisia. Siala
nunga dipalua ganup jolma sian dosana, dibagabagahon do tu ganup jolma, ima
ingkon marroha na sintong, di bagasan hagogok ni haporseaon. Unang be disolsoli
panggora ni roha i ganup na malua, jala momos ma maniop pangkirimon na mangolu.
- Sipahusorhusoron
Nunga dibungka Jesus dalan naimbaru, marhite mudarNa di hau
pinarsilang. Ibana do dalan na mendukung sude sangkap ni jolma. Dalan naimbaru
naung dibungka Jesus ima na ingkon sipangkeon laho manghajongjonghon
"syalom" di tongatonga ni parngoluon siganup ari. Amen.
Tidak ada komentar:
Posting Komentar