MINGGU
JUBILATE, 21 APRIL 2024
TOPIK
: JESUS DO PARMAHAN NA DENGGAN// YESUS GEMBALA YANG BAIK
EV:
JOHANNES 10:11-18
EP:
PSALM 23:1-6
I. PATUJOLO
Buku Yohannes on digurithon si
Yohannes sada sian sisean ni Jesus Kristus, jalas secara umum isi ni buku
Yohannes on mangondolhon pambahenan ni Jesus Kristus namamboan panghirimon
songon na dipasahat di Padan na Robi jala Jesus Kristus si boan haluaon tu saluhut
portibi on. Panghirimon na mangolu do disaluhut angka pangajarion ni Jesus
Kristus. Buku Yohannes 10:1-21 mangondolhon hubungan khusus Jesus Kristus tu
jolma-Na. Dibagasan pangajarion ni Jesus dipangke do analogi hubungan ni jolma
tu Ibana. yohannes 10:11-18 patuduhon karya eskatologis Debata tu parngoluhon
ni Jolma-Na.
II. HATORANGAN NI TURPUK
Ay 11-15. Jesus Kristus Parmahan na mangaradoti birubiru-Na.
Didok Jesus Kristus "Parmahan na dengan do anggo Au", pandohan i
patuduhon Jesus Kristus sahalak parmahan (Gembala; Ibrani :Poimen) nagabe
tiruan. Jala hata ni Tuhan Jesus "parmahan na denggan do anggo au"
mangondolhon hadirionNa do Ibana, ima parmahan na "denggan". Pandohan
on sadalan tu tujuan ni Jesus Kristus, ima mamboan haluaon tusaluhut bangsoNa.
Diayat 12 dipatuduhon parasingan parmahan na tutu dohot naniupaan. Molo
parmahan naniupaan dang diharingkothon angka birubiru. Panjagaion na pinatupa
ni na niupaholan asa dilehon upa saturut tuna ni ula na. Jala molo ro pe
babiat, ditadinghon do paluahon dirina. Hubungan parmahan na niupa dohot
birubiru holan sekedar tanggungjawab kerja, alai dang adong "rasa
kepemilikan". Dibagasan turpuhon dos do parmahan naniupa dohot panako, ima
dang diharingkothon angka birubiru i, molo adong pe masa tu birubiru i holan
sekedar barita do tu nampunasa birubiru. Alai parmahan situtu dijaga jala
dilului do angka birubiru na mago, asa nian hot angka biruboru nai. diulakhon
Jesus do mandok "Parmahan na denggan" di ayat 14, alai pangondolhonon
Na di ayat on i ma hubungan timbal balik Ibana dohot angka naporsea. Jala
hubungan timbal balik on patuduhon adong hubungan na erat Antara parmahan nang
birubiru i, ima parmahani mangurupi angka birubiru haruar sian angka parsoalan
na.
Tangkas do dipatuduhon Jesus hadirion na maradophon angka
birubiru Na. Rasa Kepemilikan ni Jesus mangondolhon holong ni roha Na naso jadi
manadinghon angka birubirui aha penamasa. Ai dang lomorohaNa molo mago apala
sada birubiruNai, jala tangkas ditanda na di Ibana. Holong i do namambahen
sasahalak parmahan maradoti birubirui. dijagai do hita asa unang diroro babiat
nanaeng mambondut na di Ibana i. Nadidokna babiat ima angka na naeng mambahen
hita holang sian Ibana. Ndang dipaloas hagogoon ni portibi mambaen birubiru/jolma
i dao sian lambungNa. Ayat 16-18. Dijaga do saluhutbirubiruna, asa unang mago.
Ndang holan sada bara inganan ni birubiru ni Parmahani alai adong dope di
inganan na asing. Ditogihon Ibana do sudena. Adong do namandok
"birubirunaasing" ima saluhut bangso na adong diportibion, jala adong
na mandok birubiru ima halak Kristen diluar panghobasion ni si Johannes.
Birubiru na dia petujuan na sama, ima ingkon saluhutna do malua sian babiat na
naeng mambondut. Haluaon manang panjagaion dipatupa do tusaluhut. Jala dang
mangida rupa manang asal usulna, alai saluhut birubiru ingkon do hot di bara na
dipatupa Ibana. Di ayat 16 diondolhon asa saluhut birubiru mambege soarani
Jesus jala dipasada disada bara. Hal ini merefleksikan harapan kedatangan
Mesias untuk mempersatukan bangsa dalam Yeheskiel 34:11-16. Dibagasan hata asli
"Hulehon "lambano" lapatan na mengambil atau menerima. Artina,
ayat 17 patoranghon ulaon ni Jesus ima mangalehon mudarNa tu hamatean. Natape
dilehon mudarNa tuhamatean, ai tong do mulak tu Ibana marhite haheheon.
Kerelaan hati untuk memberikan "nyawa" untuk domba menunjukkan
otoritas Yesus sebagai seorang gembala. Tujuan kematian Yesus adalah
kebangkitan, kebangkitan dan kematian tidak bisa dipisahkan. Hamatean dohot
haheheon ni Jesus patuduhon hauduhon ianakhon tu ama, ima haunduhon ni Jesus tu
Debata.
III. PANIMPULI
1. Parmahan na tutu ima na olo manjamothon saluhut angka
birubiruna didia pe maringanan. Dang olo sahalak parmahan manadinghon
birubiruna molo ro babiat manangko. Rade do Jesus Kristus mangalean hosaNa asa
unang mago ganup jolma na porsea tu Ibana, ai ditanda do saluhut na di ibana.
2. Goar ni Minggu Jubilate lapatanna Marolopolop tu Debata ma
ale sandok tano on" mandok tu hita asa tongtong marolopolop ma saluhut
tano on. Ai dang boi portibion paluahon diriNa sian angka hadosaon, alai olo do
Ibana manjaga hita songon sahalak parmahan manjaga, mangaradoti, nang
manjamothon birubiruNa.
Topik ni minggu "Jesus do parmahan na denggan/ Yesus
gembala yang baik". Marhite Johannes 10:11-18 on dipatuduhon ma tu hita
saluhutna balga ni holong ni rohani Jesus. Olo di Ibana mangusehon mudarna tu
hamatean holan Alani birubirunai. Parmahan na denggan dang olo agoan. Haluaon
na di boan Ibana dang holan tu sada handang, alai tu saluhut na adong di
portibion, Amen.
Tidak ada komentar:
Posting Komentar