(1 KORINTUS 5: 6-8)(1 KORINTUS 5: 6-8)

 

BAHAN SERMON DISTRIK XIII ASLAB

1 APRIL 2024 (PESTA PASKAH II)

TOPIK MINGGU : NGOLU NA IMBARU DI BAGASAN KRISTUS (1 KORINTUS 5: 6-8)

 

1. Patujolo

Ragam do adat, ugamo dohot budaya na mian di luat Korintus hatiha ni turpuk on. Miduk do nang bilangan ni angka sombaon, na sinomba ni torop halak na mian manang na ro tu luat Korintus. Marragam do nang angka rumang ni pangalaho na boi jumpang di luat i hatiha i. Ala ni ditongos Apostel Paulus ma surat on songon singot- singot manang teguran tu halak Kristen na adong di huria Korintus, ala taripar tu ibana barita taringot tu angka na hurang denggan na masa uju i di huria Korintus. Ido na umbahen na ditongos ibana surat on laho paingothon huria i.

Jala tung massai bahat do dosa na margoar dosa amoralitas seksual di tonga ni huria Korintus (1 Kor 5). Pola sahat tu rumang ni dosa parmainon, isarani na pinarjolma ni halak nioli ni amana, rumang ni dosa naso jumpang di halak na asing, gari di sipelebegu, gari so masa si songoni ( 1 kor 5 : 1), so mardongan pinsangpinsang na koras sian huria, alai baliksa diloas do mian angka pangalaho sisongoni i mian di tongatonga ni huria i. Domu tusi, nungga hira naung dipasahat Apostel Paulus na sian Tuhan tu angka pangalaho ondeng, jala ingkon rade ma nasida pabalion, pasahathon parjahat na songon i tu sibolislaho mangago dagingna, angiat malua tondina di ari ni Tuhan Jesus( 1 Kor 5: 5) Jala di tagam Apostel Paulus do adong hasurungan ni halak Kristen taringot tu haulion ni pangalaho, na so jadi saor nasida, jala sirang nasida tu dosa lumobi ma tu dosa angka na marmainan.

2. Hatorangan ni Turpuk

Di Ayat 6 on bangga do sebagian halak mangulahon angka pangalaho na maralo tu hata ni Debata bahkan di angap do i halobianna sian angka donganna mangulahon angka na sala i, hape sasintongna pangalaho si songoni do mambahen ibana marlaok dosa. Di umpamahon si Paulus do pangalaho sisongoni tu itak na ni asamon. Ala ni pangalaho na roa i mambahen ibana marlaok dosa di sandok ngoluna, songon baro na mangararati sahat tu holi- holi. Alani asa unang mangarajai angka dosa isian ngoluna, ingkon rade ma jolma i paiahashon pangalaho na asom sian angka ngoluna asa pita haporseaonna songon angka jolma naung tinobus ni Kristus.

Di ayat 7, ditogihonsi Paulus do huria i asa marpesta Paskah songon adat hasomalon halak Jahudi. Dipatupa ma roti na so ni asoman di tingki Paskah, marnigot hamumulak nasida sian tano Mesir. Dipalua Debata nasida sian hamatean marhite mudar ni biru biru, di pintu/tohang ni jabu ni nasida be (2 Musa 12). Kristus Jesus i ma gombaran ni biru -biru Paskah na mangalehon hosaNa, na durus mudarNa di dolok Golgata, jala hehe di ari patoluhon. Mudar ni Jesus i ma na patupa hasesaon ni saluhut dosa na manghorhon ngolu na imbaru, jala marhitehon i ma asa manatap saluhutna huria laho pasiding angka dosa sian pargoluonna.

Di ayat 8 on tung gomos do muse si Paulus laho manungguli huria asa manghalashon manang mamestahon hamonangan ni Kristus dibagasan hapolinon rap dohot hasintongansian nasa roha mardongan mauliate(Pesta berlandaskan kemurnian dan kebenaran. Dalam hal ini Paulusmenekankan sikap hidup sesuai dengan kebenaran injil) Dengan selalu merayakan karya Kristus kita akan dikuatkan untuk menjauhi dan tidak lagi berkompromi dengan dosa. Jala marhite i asa mangarajumi denggan basa ni Debata di ganup nasa ngolu ni huria i marsiala ma iala panobusion ni Kristus Jesus. Apostel Paulus paingothon asa manontong huria i tu bagasan ngolu na imbaru holong sian hajahaton jala asa ganup angka naporsea mariaia manghalashon denggan basa dohot asi ni rohaNa.

3. Panimpuli

Sude do jolma marlaok dosa jala ingkon mate alani ni dosana, Mauliate ma di Kristus na paluahon hita sian uhuman ni dosa, manogihon hita tu haluaon. Ido na tahalashon jala tapestahon marhite pesta Paskah on sian nasa roha mardongan hasintongan huhut mardongan mauliate. ... ... Amen.....